كاتب الموضوع :
مس ميلانو
المنتدى :
الروايات المغلقة
رد: روايتي الثانيه :عابـرات فوق ألسنة النيران
قبل 20 سنة
بأمريكا وتحديدا(( بوسطن))
وبأحدى المستشفيات الخاصه دخلت بخطوات ثابته لغرفتها الخاصه شافت الاجهزه عليها
والتجاعيد تغزو جبينها وضعت شنطتها على الكرسي ابتسمت بخفه قربت من اذنها وبهمس:سموك تسمعيني
ههه اكييد لا تناقلت نظرها على انبوبة الاوكسجين اخذت الكرسي قربت منه وجلست :خليني احكي لك حكاية تتكلم عن بنت الفلاح اللي يشتغل
بأحدى مزرعة الامراء كان عنده زوجه وبنت وحيده وكانوا فقراء وياكلون من بقايا اكل اصحاب الفضل عبست قربت منها
كانت هالبنت الصغيرة اللي ماتجاوز عمرها 10 سنين تدور بين الزبايل على خبز حتى يسد جوعها هالبنت كبرت وقالت ماراح ترضى بهالوضع ابد
ومارضيت بالقليل وبيوم لقت نفسها زوجة الامير وواو ومر على زواجهم سنتين لما ماجابت عيال له قالت امه الاميرة يتزوج عليها
وتزوج البنت اللي اختارته لها ارسلتها عند اهلها اللي خذت لهم بيت اوهمتها ان لازم تريح نفسها وتبعد شوي عن الامير حتى
يحلون خلافهم هالبنت صدقت الكذبه وراحت لأهلها لكن شوقها للأمير ماخلاها رجعت للقصر بنفس الليلة اللي كانت لية دخلته
من البنت اللي اسمها مضاوي بغيظ:اللي وقفتي معها ضدي وتحمينها وغرقتوها بالفلوس لأنها جابت لكم الولد وعادله وين
بستين الف داهيه لكن لا ماراح اسمح لك تأذيني مره ثانيه وتوجعوني هذاك القصر باللي فيه راح يكون بيوم لي كوني متأكده
بعدت عنها وقفت وسكرت انبوبة الاكسجين بيدها اللي لابسه قفاز ابيض حريري وتنوره سوداء قصيره وقميص حريري ابيض وقبعه
قربت من اذنها:تصبحين على خير سمووك وخرجت
وبعد ساعات وعدم تفقدها اعلنت وفاتها كانت عايشه على الاكسجين
بجناح عادله..
ضربتها خديجه الابرة ومسحت عليها بالمسحه الطبيه ..
بشرود:شفتي اللي صار لي اليوم ياخديجه الزمن دار فيني مثل اللي سويته قبل 20 سنه صار لي اليوم
خديجه بقهر:سموك انتي اشري لنا ونبتليها او ننهيها مثل غيرها
عادله بسرعه:لا خليها تجيب الولد بعدها راح اعرف اتصرف معها تظن مو عارفه باللي قاعد يدور ببالها لكن تحلم
دام فيني نفس
عينها على مكتب الامير سعود بعد الستاره الشفافه جات عينها بعينها ثواني حتى قفلها وقفل النور
رفعت عينها على النجوم تنهدت بعمق حمل ثقيل على صدرها وكأن شيء ينتظرها بالها ما بيهدأ حتى تنبش اسرار هالقصر
اللي الكل يخاف يتكلم عنها و حتى تعرف سرالغرفه الموجوده بالسرداب اللي مقفله وما احد يقدر يدخلها
قاطع سرحانها:احمم لفت عليها
سعاد:الامير سلمان طالبك بجناحه قامت وطلعت له دقت الباب ودخلت
جات عينها على طقم اللانجري الموضوع بعناية على السرير رفعت عينها عليه
بذايبيه:نورتي جناحي المتواضع
اول مره تدخل جناحه حست بشيء غريب شعور لامس عقلها قبل قلبها
التملك بالنسبة للرجل نهاية ولكنة بالنسبة للمرأة بداية .
إن المرأة العظيمة تُلهم الرجل العظيم.. أما المرأة الذكية فتثير اهتمامه بينما نجد إن المرأة الجميلة لا تحرك في الرجل أكثر من مجرد الشعور بالإعجاب..
ولكن المرأة العطوف.. المرأة الحنون.. وحدها التي تفوز بالرجل العظيم في النهاية..
هالمقولات اللي كانت تقراها ندى قررت ابتداءا من هالليلة تستفيد منها وتضرب ضربتها
وتحقق حلمها وتصنع حياتها بحظها اللي يا يصيب يا يخيب
ندى بهمس:سموك اعذرني راح ارجع لجناحي وخرجت مبتسمه بدون ماتسمع رده
وقف متشنج من حركتها بعمره ما احد سوى فيه هالحركه من حريمه ..دخلت جناحها قفلت الباب بالمفتاح ووقفت وراه
متأكده انه راح يموت بمكانه ويولع
مو قادر يستوعب حركتها فيه دخل يده بين منابت شعره وعينه على القميص الحريري اخذه بسرعه ورماه على الارض بقهر
فسخت حلقها واول خطوة لتتملكه هي رفضها له اللي راح يحيره ويجننه ويخليه يجري وراها
ليلفت انتباهها بأي طريقه كانت و بطبيعة الرجل وخصوصا الشرقي لايتحمل ابدا الرفض !!
^^^^^^^^^^^^^^^^^^^
وصلوا القريه شافت عمتها نايمه لفت وجهها
نزل متعب شافها مالها نيه تكلم عمتها او تصحيها بهمس:خالتي ياخاله
فتحت عينها:ها وصلنا؟
متعب:وصلنا انزلي لبيتك وريحي نفسك
فتحت الباب نزلت بعصاتها:لا اله الا الله والله ركبي توجعني يالله اتحامل على نفسي وانزل احطب
متعب يبغى يستفزها:عندك من يشل الحمل عنك ريحي
نزلت عمتها ونست من وجودها اخذت الاكياس بتنزل ماعرفت تنزل المرتبة لتنزل ماعرفت لها نزل وسكر السيارة بالمفتاح
شهقت طمرت جهة الشباك اللي مفتوحه من فوق شوي ضربت بيدها:هيي انت وين رايح انا هنا
وقف وقرب من الشباك وعينه عليها رفع حاجب موصل حده منها ابتسم ابتسامة جانبيه وعطاها ظهره ومشى
صاحت :لااااااا وتضرب الشباك
:لحظظه يامتخلف هييي انت وين رايح انا هنا قفلت علي خلني انزل هييييييي الله ياخذك هيييي
يسمع صياحها زاد عناده ويبغى يطير عقلها فتح الباب بيدخل تضرب بيدها الشباك وبتوسل
:الله يخليك لاتخليني ..
لف وابتسم بسخرية قرب منها وبصوت شبه عالي:لافتحت لك بتتربين وتفكينا من اذى لسانك
طالعته بقهر طالع بساعته:خلصيني ماعندي وقت
فاطمه بصوت عالي:اذلف اصلا المراتب مريحه وخلهم يصحون الفجر راح اقولهم انك دخلتني غصبا عني وتبغى تعتدي علي
طلعت عينه:تتبليني!!
رجعت ظهرها على المرتبة وحطت رجل على رجل:والله اللي يتملعن معي يبشر باللي يجيه
متعب بقهر:اجل تعفني هنا للصباح
فاطمه بنص عين:والله قدها ولد ابوك يالشيخ
ماعاد يشوف من الغيظ:ولد ابوي طرق عن خشمك وخشم اللي خلفوك
ابتسمت بخفه وصاحت بأعلى صوتها:آآآآآآآآآآآآآآآآآ يانااااااااس ياعلم الحقوني آآآآآآ
خرجت عيونه من مكانها يأشر لها تسكت تصيح بأعلى صوتها فقعت اذنه من الخلعه فتح السياره فتح الباب وسحبها من ذراعها بقوه
طاحت على الارض بتألم:آي وجع ان شاء الله
رمى المفتاح بالتراب ونفسه يطلع وينزل وجهه سود من العصبيه:اصلا انا ابن الكلب وولد الحرام اللي خليتك عندنا انتي مو كفو
احد يسوي فيك معروف
كله كوم واللي يمن عليها كوم ثاني وقفت نزلت اخذت حجر :ماني كفو هاا رمتها على الشباك الخلفي بقوة وانكسر
نقزت:يسسسسس قوووووووووووول
يبغى يمسكها ماقدر تنط من جهه لجهه وتاخذ الحجر وترمي وتصيح:وهوووووه قوووووووول
خلاص ماعاد قدر يمسك نفسه ويشوف شبابيك السيارة مكسره والمخوش اللي على السيارة
وقفت وبضحكة تخصرت:اووبس نسيت انها وكاله مالك الا شهر ماخذها يلا يالذيب انت تعوضها ولد شيخ وشيخ
ماراح تفرق عندك الدراهم
توقعته بيفقع وجهها واقف وعينها عليها خافت بداخلها من سكوته اشر بيده على الجبل لف على جنب:انقلعي
لا اشرب دمك انقلعي من قدامي لا اتوطاك بنفخه:تحرررررركي
فزت من نفخته والذله كانت بنت حلال ومشت طلعت الجبل جري تعركظت قامت وصلت لأعلاه لفت عليه عينها مركزه عليها
دخلت البيت وقفلته تحسه بيذبحها بأي لحظه فسخت عبايتها رمتها عشوائي شغلت التكيف نزلت الريش عليها
وانسدحت على المركى وحاطه رجل على رجل ومبسووطه على اللي سوته مادرت انه بيجيب اجلها..
الصبـــــاح
متجمعين عند بيت الشيخ والحريم اللي يدعون على اللي سوا هالشيء
نزلت مع عمتها
عمتها باستغراب:وش صاير الله يستر ؟
ضحكت بخفه مشت معها ودخلوا بين الناس..عمتها بسرعه:يابوي عسى ماشر
رفع راسه وعيونه محمره ماذاق طعم النوم شافها والا ماشافها:مثل ماتشوفين ياخاله
ناس ماهي متربيه كسرت لك السيارة
وحده من الحريم:جعل يده العطب اللي سواها وعساه الموت للي يعاديك
طلعت عينها نزلت راسها كمل :بس يمكن بنت المدينة تعرف من يكون؟
توجهت الانظار لها رفعت راسها وبسرعه اشرت عليها:انا !!
متعب بلعانه:ايه انتي
فاطمة :اعرف من اللي سواها؟
الكل يتشاور ويتكلم اشر لهم يسكتون كملت بضحكة ورفعت يدها:مع الآسف انا تعرفون لانمت ما احس بشيء
وبنص عين:يمكن الجني حقي
صاحت ام عبدالله:ايي اعوذ بالله قد قالت لنا يبغالها شيخ يقرأ عليها الله يجيرنا منها
فاطمه بطرب وهباله:اقرأ علي يالمطوع ..والطب ياوين بلقاه
يالربع قلبي تولع والنوم ماعاد ذقناه عاشوا هلا هلا وتطقطق بأصابعها دخلت بينهم وتسوي حركات هباله كأنها متزوره
صاحوا الحريم وبعدوا عنها
ضحكت بصوت عالي:ههههههههههههههههههههه الله يشفيكم بس ويرفع بلاكم وخروا بس طلعت من بينهم
وهو خلاص قفلت معاه لأول مره يتمنى تكون له مو حب حتى يكون له صفه يطلع قهره وغبنه منها
هزت راسها عمتها بفشله ويدها على برقعها:امسحها بوجهي هالمره يالشيخ انت والربع ابتليت فيها
ام عبدالله بكره:وش تبين فيها ياوخيتي ارمي لأهلها ما انتي ناقصه مجنن
واقفه بعيد وتشوفهم يحتجون ومو عاجبهم الوضع ..
رفعت صوتها وتغني على موال الاغنيه:الحطب مابينتظر والحطب مابينتظر اخلصوا علينا يالربع
واخلصوا علينا يالربع
عمتها بفشله غطت وجهها:استسمح منكم
مشت قربت منها صاحت:لعنبوتس ما اقل حياتس والله لأسلخ جلدك
رجعت لورى وتضحك تبغى تلحقها رجعت وتجري وتغني:اقرأ علي يالمطوع وقفت وتصفق بيدها
هلا هلا عاشوا
فسخت زنوبتها وانتم بكرامه عمتها ورمتها بعدت عنها وتحرك كتفها ويدها تقهرها:ويالربع قلبي تولع عاشوا
تنكسسي ياعمه تنكسي قربت منها صاحت بأعلى صوتها وشردت بعيد
عينه عليها من بعيد انقهر من حركاتها عين رجال القريه وشبابها فيها حس بنار بصدره
دخل بسرعه البيت استعداد للضيف اللي راح يزوره ومو أي ضيف صديق عمره بأمريكا اللي شافه سنتين
وكان معه مثل الاخ
تعبت عمتها تصيح رفعت يدها وتتحلف فيها:وين بتروحين مني والله لأوريتس تفووو عليك وعلى من رباك اني برميك عند اخوك
يفكني من آذاك
فاطمه بطرب :الحمدلله ابشرك نامت عيوني ولو ترجع الدنيا فيني والله ما اختارك تسألني عن حالتي في البعد
شلوني انا سعيد بغيابك وانت شخبارك عممممه هاذي جواب لكلامك تبين حطب اليوم اجل خلي هالقرد شيخكم اللي تحبينه
ينفعك ويحطب لك انا مشغوله بروح ادور الجني حقي شرد لما شاف وجيهكم ما الومه بتمشي لفت
:اييه صح اسمعي هالمقطع بخاطري من زمان اهديه لك
ياكثر من هم نسوني واللي يذكروني وان حبيت غيري جعله مبارك "تقصد متعب" سلاام يامووزه وارسلت لها بوسه بالهواء
عمتها بيأس:روحي جعلهم مايردونك لي الا ميته مقروصة من حيه والا مغروقه بالغدير عسى ربي ياخذ روحك
يامسودة الوجه
طنشتها وغيرت اتجاهها لبيوت القريه شافت الرجال مستنفرين يحضرون والحريم كل وحده شايله قدرها ورايحه لبيت الشيخ
جاها فضول راحت لجهة الحريم فتحت باب الحوش الخارجي اللي كان مردود طلت براسها شافت يطبخون برا
بهمس:بسسسس الجازي بنت بسسس..تعدتها مره ودخلت لفت لها:بتدخلين يابنت والا قفلي الباب لايكشفونا الرجال
لمعت ببالها فكره دخلت قفلت الباب وفتشت شافتها امه كبيرة بالسن شوي
خارجه من المطبخ الخارجي ومتشيله حطت يدها على عيونها تمنع الشمس:فطوومه حيا الله بنتي اللي حرقت قلب ولدي واهل القريه
قربت منها ونزلت راسها بفشله بلعت ريقها وتلعب بطرف لثمتها اللي بيدها
ضحكت امه اسمها" العنود" حطت يدها على ذقنها ورفعته:خلي راسك دائم مرفوع
فاطمه بخجل:خجلانه منك انا..
قاطعتها:وشوله تخجلين بيني وبينك بهمس:بردتي قلبي فيهم من زمان ماضحكت لما علموني دموعي تصابن
تعالي يلا ساعدينا بالمطبخ
ابتسمت واشرت على عيونها:من عيووني ..ابتسمت:تسلم عيونك ودخلت المطبخ
عينها تتنقل على بيتهم وسيييييييع وحوشهم يشرح الصدر سمعت صوته:احمم يالله يالله
عبست ينادي ساعه من ورى الباب يبغى القهوة ميزت صوته جات عند الجدار وتنعم صوتها
:سم يالشيخ؟
معطي الباب ظهره وبثقاله:عجلوا بالقهوة ابغى اخذ لي فنجان قبل يوصلون الضيفان ترفع راسي بينفجر حسبي من كان
السبب
رفعت حاجب بقهر نعمت صوتها:ابشر على هالخشم سكر الباب كشته:اجل تتحسب علي طيب يالقرد انا اوريك اجل تبي
قهوة ترفع راسك ماطلبت شي...
دخلت المطبخ:خالتي يبغون قهوة
اشرت لها:سوي الله يسعدك مشغوله..هذا اللي تبي توصله:ابشري من عيوني حطت القهوة بالدله وخلتها نص ساعه تطبخ
استغلت انشغالهم يقطعون اللحمه ويغسلونها اخذت الملح وصبت نصه قفلت الدله وصوت من وراها فجعها:كشفتك
بلمت مكانها شافوها ضربتها بقوة على كتفها:صار لك ساعه عندنا ولا قلتي لي تدرين انك نذله لفت
معناته ماشافتها ابتسمت بذبول:وديها لهم يبغونها
الجازي:انتي سويتيها؟
فاطمه هزت راسها ..الجازي برفعة حاجب:اجل بذوقها بسرعه صاحت:لاا اكيد
عندهم رجال واجد اللي يساعدونهم وانتي لو خذيتي فنجان بسم الله عليك مابتكتفين بتزطين واحد ورى الثاني
الجازي رفعت كتوفها:معك حق يلا بوديها لاتروحين خليك للغداء سمعتي بجلس مع متعب شوي متضايق من يومين
كشرت من طاريه راحت الجازي ..
من ورى الباب :احممم....متعب بضيق:ادخلي مافي احد كلهم برا
دخلت :السلام عليكم..متعب:وعليكم السلام مابغت قهوتكم ذي تخلص صبي لي راسي بينفجر
صبت له ومدت له:افا ..شربها تفلها بقوة وبقهر:من اللي سواها هاذي قهوة كلها ملح حتى البهائم
ماتشربها
الجازي بخوف بلعت ريقها:يمكن غلطان..رمى الفنجان بالارض:ذوقيها فرضا لو كان بالمجلس رجال وين كان وديت وجهي هاا
شربت منها شوي تفلته وبقرف:الله يخسك يافطييم
انتبه للاسم بعمره ماسال عن اسمها بس يناديها بنت المدينه بشك:منهي فاطمه ذي؟
الجازي:بنت اخو خالتي فاطمه اللي جات قبل شهرين
رفع حاجب:اخرجي بتخرج:الجازي قولي لها عسى يدها الكسر وماتتجبر هالخمه ماتعرف تسوي قهوة مثل الاوادم تربية مدينة
بعصبيه:قسم لو تتطبعين بطباعها ماتلومين نفسك اخرجي
خرجت اول مره تشوفه بهالحاله موصل حده
مركيه ظهرها على الجدار ورافعه رجل وتشوفهم يطبخون بدخولها بقهر مسكت يدها وبهمس:وش حطيتي بالقهوة؟
فاطمه بضحكة:سم وش حاطه يعني كلها ملح هدي وروقي
الجازي بعصبيه:بغى يضرب الفنجان بوجهي تقولين اروق وقالي بالحرف الواحد ...وعلمتها
رفعت حاجب وتخصرت: خمه ها طيب يصير خير لفت تساعدهم ومتوعده فيه
وقف ويلف المسبحه بيده:اجل طلع اسمك فاطمة حتى الاسم خسارة فيك وخرج يتفقد الترتيبات للغداء
الســـاعه 2 الظهر
غسلت يدها ووقفت جنبها الجازي عند المغاسل وبتلميح
الجازي:كيف كانت سفرتكم؟
فاطمه بأستغراب:مشي حالها ليه؟
الجازي:لا بس هيك..وقفت جنبها مناير بنت عمها وتخزها بصوت عالي:اقول الجازي
متعب ماراح يروح للمدينة يشتغل؟
الجازي بنص ابتسامه:لا قال بيفتح له عيادة هنا ويمكن يروح مدري
مناير بنص عين وتطالعها:قولي له ينتبه بنت الحرام واجد الله يبعده عنهم الوحده تجر الواحد من حركاتها
وخلاعتها بحجابها ومشت
رمت المنديل اللي تنشف يدها فيه لفت :انتي من تقصدين؟
مناير بسخرية:تكلميني؟
فاطمه بغيظ:لا اكلم الجدر ايه اكلمك ياللوح ماتسمعيني شرايك افقع لك طبلتك يمكن تسمعين
مناير بخوف:فكينا من شرك وراحت لأمها
الجازي بعدم رضا:فطوم انتي بهالطريقه ماتكسبين الناس بتخسرينهم وتنفرينهم منك
فاطمه بغصه:عوافي خسرت امي واخواني وقفت على ناس غرب انا بروح بيتنا
لبست عبايتها وودعتها وطلعت بنفس الوقت اللي كان فيه الضيف يكلم جوال ومعطيها ظهره
مشت سمعت صوته وقفت تعرف هالصوت زين مازين قربت منه تلمحه لف شهقت بأعلى صوتها:اهىىى
استغرب من اللي واقفه وعينها عليه خجل نزل راسه وكمل مكالمته صاحت:خالي دليم
رفع راسه بسرعه قربت منه ماصدقت تشوف احد من اهلها وبسرعه:خالي دليم ماعرفتني انا فاطمه
نزل الجوال وقفله بفجع:فاطمه وش جابك هنا وش تسوين؟
فاطمه بسرعه:مو مهم حضنته ماصدقت تشوف احد من ريحة اهلها بكت على كتفه
بخروج متعب اللي طلعت عينه من المنظر ..بعدها عنه بخوف:ليش تبكين وش جابك هنا علميني؟
مسحت دموعها وبضعف:عثمان جابني هنا عند عمة ابوي
بسرعه:ايييييش
بخروج عمتها شافتها:هاذي هي قربت منهم وعينها على الرجال الغريب
كملت:هذا خالي دليم هاذي عمة ابوي
عمتها:يالله حيه تو ادري عندها خال
عينها عليها بقهر:وتو ادري بنت اختي عايشه هنا مع الغرب
عمتها بسرعه:ما احد غريب كلنا اهل مو زينه وقفتكم هنا تعالوا نطلع البيت
:انتظروني لازم اعتذر من متعب ومشى..مو مصدقه ان خالها هو الضيف اللي جاهم وصديق متعب الحميم
متعب بنرفزه:وش هالشوفه يادليم ماخبرتك خسيس
طلعت عينه :الزم حدك اجل بنت اختي عندكم ومالي خبر من متى وهي هنا
انصدم :بنت اختك
بقهر:وش فيك تجمدت كذا ايه بنت اختي انا رايح لهم وراجع بينا كلام لازم نتكلم فيه اجل طلعت البنت اللي تكلمت عنها لي
بنت اختي هاا
طاح وجهه كره ابو الصدف ..بعتب:هاللي قلت عنها كل هالكلام متربيه وعرفوا يربونها اهلها ومشى
طلع معهم البيت..غمض عينه بقهر دخل شات الباب من القهر كره انه طلع اللي بصدره له ماكان يعرف انها بنت اخته
عمتها:يالله حيه تفضل ..دخل ومنزل راسه:الله يسلمك
فاطمه:بروح اسوي القهوة بتقوم عمتها بسرعه:خليها انا بسويها اقعدي مع خالك مبطيه من اهلك
وخرجت لف عليها:ماراح تتكلمين وش اللي جابك هنا علميني كل شيء
نزلت راسها وبضيق:مافي شيء
طفش بسرعه:فاااااطمه تكلمي
علمته بكل شيء صار لها من مشكلتها مع دلال لجيتها هنا مو مستوعب اللي سمعه حس بسكاكين قطعت قلبه
وبنهر:قليلين الخاتمه رموك اجل وليش مارحتي لأمك؟
ضحكت بخفه زفر:نفسي بنفسي كالعاده زوجها وعيالها اهم
فاطمه ابتسمت بمكابره:ماعلينا متى رجعت من امريكا يعني خلاص صرت المهندس دليم والله لابق لك
وقف بسرعه خافت:انا رايح وراجع الصبح لمي اغراضك راح ترجعين معي الرياض
طلعت عينها:مستحيل ما ابغى اروح لهم
خالها:يابنت اسمعي الكلمه ماراح تروحين لهم سوي اللي قلت لك عنه ونزل
لقاه واقف ينتظره نزل بسرعه قرب منه رفع سبابته:باقي ماخلصنا حسابنا ركب سيارته وماحس نفسه الا
طاير للرياض يبغى يخرج قهره فيهم نار شبت بصدره من حركتهم..
بالرياض..
عثمان:الحمدلله على سلامتكم
عايد:الله يسلمك وين اختك ما اشوفها؟
عثمان قاله كل شيء لف وجهه:مات ابوك وابتلشنا فيها شفت المرسيدس اللي موقفه برا شريتها كاش
عثمان بدقه:يكثر خير نصيب فاطمه اللي غشيتها فيه وماعطيتها غير 5 الاف
بعد عن المركى وبضحكة:على اساس انت وزوجتك ماتاخذون راتبها وتبلعونه
بعد سواليف بالاحرى دق بالكلام ..وصل وقف السيارة قفل الباب بقوة ودق الجرس
فتحوا له عيالهم اللي يلعبون بالحوش طلع والشياطين راكبته
دخل المجلس قاموا بسرعه:يالله حيه
خالهم:الله لايحيك لا انت ولاهو
عثمان بسرعه:خالي وش صاير ومتى وصلت كان استقبلناك
خالهم: هه تستقبلوني والله فيكم الخير ماتعرفون وش فيه ماتدرون ابدا انتم عندكم اخت اسمها فاطمه؟
عثمان باستغراب:عندنا
خالهم بنص عين:وينها؟
عايد بكذب:عند امي
بضحكة:تزورونها تشوفونها تشوفون احوالها تنتبهون عليها وش اللي لازمها وش مسويه فيها الدنيا
عثمان بكذب:انا ازورها
رفع صوته:كذااااب
بقهر: اختكم يارجال انت وياه عايشه على فضل الناس الغريبه بالقريه حرام يكون في وجيهكم شنب اختكم عرضكم
هاذي كيف يجي من قلبكم ترمونها هالرميه انت ياعثمان ياللي مو فالح غير تتبع حرمتك هاذي اختك من لحمك ودمك من صلب امك وابوك
ياكبير العائلة يا الظهر اللي يستند عليه والا انت
لف عليه:اختك مو لاقيه اللقمه تحطها بفمها مرت عليها ليالي ونامت بجوعها يالرجال ماخطر تسأل عنها
مو فالح غير بالورث والفلوس ياللي تركب اغلى السيارات وتلبس عيالك الماركات اختك ماعندها لبس يدفيها بعز هالبرد وعايشه بين ذل
الناس رفع صوته:صار الغريب افضل منك واحن عليها الناس لمتها وانتم رامينها ولاكأنها اختكم هاذي وصية ابوكم
هااا ماخطر عليكم حتى تسألون عنها حيه والا ميته تفوو عليكم تتبرى منكم الرجوله دامكم كذا
خرج من المجلس ومن البيت بكبره معصب موصل حده دق على اخته
عثمان سكت ..كمل اخوه عايد:وهاذي ماراح نرتاح منها خله ياخذها ويتكفل فيها
مااحنا ناقصين وجع راس
بالقــــرية..
عند الغدير عينها على المويه:ما احلا الجو اليوم شكلها راح تمطر فاطمه لاحظت سرحانها
تقطع النبته رفعت راسها بسرعه وعينها عليها
الجازي:من شفتي خالك وانتي مو على بعضك انقلبت احوالك قالك شيء؟
هزت راسها بالنفي ورجعت تقطع النبته ..تشجعت:نفسي اسألك هسؤال من زمان بس خايفه تزعلين مني؟
فاطمه بهمس:اسألي ماراح ازعل
الجازي فجرتها:وين اهلك مايسألون عنك ليه تاركينك ؟
دمعت عينها لفت وجهها وتلعب بيدها التراب بتوجع وهمس:امي تزوجت وخلفت ونستها الدنيا بنتها
اما اخواني ما بشره عليهم لأنهم من يومهم انانيين ومايخافون الله فضلوا حريمهم علي كل اللي ضعيف عند زوجته
واللي ينفش لي عضلاته ومايعترف غير بمدة اليد خذا الورث كله وسافر امريكا يدرس عياله على قولته حتى يكون
عندهم مستقبل
الجازي بسرعه:طيب ليه ماتاخذين حصتك من الورث وتكون بغنى عنهم؟
ضحكت بسخريه:هههههه لاتضحكيني بالله أي ورث وهم مصوه مني شوي شوي حسب كلامه قعدتي عندهم
مو ببلاش
الجازي بسرعه:الله لايوفقهم هذولا مو اخوان حتى عدوك مايسوي اللي سوه
فاطمه بمكابره:يالله حال الدنيا وش نسوي معي اللي اكبر منهم الله
الجازي بحزن عليها :ونعم بالله سمعتي اخر الخبر راح يصير عندنا زواج وناسه صح
فاطمه ابتسمت :من اللي راح يتزوج؟
الجازي :حزري فزري ادري بتموتين راح اقولك متعب راح نخطب له مناير بنت عمي
انخطف لونها وجمدت ملامحها
الجازي بأبتسامه:وش رايك بهالخبر وناسه صح راح نرقص ونفلها
مو مستوعبه ابدا اللي سمعته ماتعرف ليش قلبها وجعها بهمس:الله يوفقه
الجازي :آميين وقفت ومدت يدها:هاتي يدك يلا نروح نتقهوى ببيتنا
فاطمه بسرعه:لا اقصد عندي شغل لازم اخلصه ..سحبتها الجازي وحلفت عليها الا تتقهوى عندها
دخلوا البيت بخروجه صادفهم الجازي:حي الله الشيخ
متعب بأبتسامه:الله يحييك وينك كنتي فيه؟
الجازي:كنت مع فاطمه يم الغدير ايه صح علمتها بالعرس فرحت كثير وباركت لك
عينه عليها وهي منزله عينه بالارض:الله يبارك فيها خالك اتصل فيني راح يجي الصباح وياخذك معه
رفعت راسها بسرعه..الجازي بغصه:وين ياخذها؟
متعب:حسب مافهمت عند امها
بغصه ممزوجه ببكيه:بس انا ما ابغاها ولا ابغى واحد منهم خرجت من البيت تبكي
استغرب بكائها حك ذقنه:فيه وحده ماتبي امها واهلها غريبه هالبنت
الجازي بحزن:من اللي شافته منهم امها نست عنها عشان زوجها وعيالها واخوانها تخلوا عنها عشان حريمهم
بتساؤل:متعب انت بيوم راح تسوي فيني زي اخوانها؟
بسرعه ونهر:امسكي لسانك لا اقصه قالت اسوي زيهم ماهي المره اللي تحدني اترك اختي عرضي وامانتي
تخسى وتعقب بدال المره مره اما الاخت ابتسم وباس جبينها بعد:مابدالها احد روحي يمها لاتتركينها لحالها وهي محتاجه لك
بس لاتغرب الا وانتي هنا سامعه
الجازي بفرحه:ان شاء الله فجرتها:متعب ليتك تاخذ فاطمه وتصير تعيش هنا معنا وماعاد تحتاج احد
سكت متعب وتغيرت ملامحه كملت:صحيح هي ملسونه بس قلبها طيب وانت حليم وقلبك وسيع
يلا بروح لها وخرجت
حط يده على الجدار بغصه:ليت استجع في هاذي لكن ما اقدر ما اقدر الناس ماراح ترحمني وترحمها جمع كفه وضربه
بالجدار بقهر
شافت الباب مفتوح استغربت دخلت تناديها بصوت عالي:توومي فطووم وينك؟
فسخت شبشبها وانتم بكرامه دخلت مالقتها بالصاله بخروجها من المطبخ ومعها كاس مويه
تعدتها وجلست على الارض جلست جنبها:اناديك ماسمعتيني بعدين ليه فاتحه الباب لو شافتك خالتي فاطمه
ذبحتك
فاطمه بغيظ:مع نفسها هالعجوز
الجازي تبغى تغير مودها:تخيلي وش قلت لمتعب
فاطمه بملل:وش قلتي؟
الجازي ضربت كفوفها ببعض:قلت ليتك تتزوج الجازي هي شيطانه بس طيبه وانت قلب وسيع وبتتحملها
طاحت الكاس منها وانتثر على ملابسها فتحت فمها مو مستوعبه:وش قلتي له؟
الجازي بغباء بترجع تعيد طارت فيها:انتي ليش تقولين له هالكلام اللحين وش بيقول عني ماني بحرى اخوك ولابحراكم
بكت بقوة :ماني بحاجة لشفقتكم عندي اللي ارحم منكم وانتي بكل بساطه راحيه تقولين له ليه مايتزوجني
ماجاوبك انا اقولك لأني مطلقه والمطلقه بنظرهم مالها رب يعيبون فيها اكثر من الزانيه
انهارت:ليش تطلقك اكيد فيها عيب وبلاء دائما اللوم على المره اما الرجال شايل عيبه لو يطلق مليون مره
ويقبلون فيها اما المره كأن فيها مرض معدي يبعدون وينفرون عنها ويبدون يحللون ويخترعون قصص من راسهم تعرفين وش قالوا
عني لما تطلقت قالوا لأنه شافني مع واحد ثاني بفراشه رموني بعرضي والا اللي قالوا انه مادخل علي لانه اكتشف
اني مو بنت وصار هالكلام ينقال من بيت لبيت
لحد ماوصل هنا بالقريه كنتي قبل تسأليني ليه حريم القريه يطالعون فيك ويخزونك لهالسبب لأنهم حاطين ببالهم
اني رخيصه بعت شرفي وانا على ذمة رجال رموني عليه اخواني
لكن مادخل علي تدرين ليييش لأنه هو السبب ماقدر مو رجال عنده ضعف مارحت فضحته
بين الناس وسترت عليه قلت يابنت عيب عليك لو سويتيها تحملت سنه وامه ترمي بالكلام علي ليه ماحملت وجبت لهم الولد
وتقول تزوج ههه وصار بينا مشكلة كبيره رماني عند باب بيتنا والناس خارجه للمسجد تصلي الفجر ولاكلف على نفسه
ينتظر ماعنده نخوه دقيت الباب وما احد فتح لي ورحت عن جيرانا لحد ماشرقت الشمس ولما علمت اخواني ضربوني ونهروني كأن
لي ذنب
وقبل شهرين صار له حادث وهو سكران وتوفى غصت نزلت دمها بسرعه
:وماتت معه برآتي وطهارتي ومو عارفه الكلام اللي طلع علي بسببه او لا
عرفتي اللحين ليش انا هنا ليش انحديت على هالمكان لأن سندي وعزوتي
وتاج راسي ابوي تركني وراح من هالدنيا وصرت لحالي بكت بقوة
الجازي نزلت دموعها من كلامها حضنتها بقوة
حس بنار شابه بصدره ويتذكر كلامها اسودت الدينا بوجهه مهما كان المره ضعيفه
كلم اخته ومابفى كلمه الا وتكلم عليها وقفل بوجهها وهي تدق عليه لين قفل الجوال بكبره..
^^^^^^^^^^^^^^^^^^^^^^
بقصــــر الامير سعود
7 صبــاحا
نزلت لتحت المطبخ شافت الخدم يجهزون الفطور استغلت انشغالهم نزلت بشويش للسرداب
وقفت قدام الباب الخشب قديم وعليه سلسله وكيلون مسكته بيدها زفرت بطفش
:شايفك مصبحه على السراديب ..غمضت عينه لفت بشويش
ابتسمت على جنب:خديجه قربت منها حطت يدها على كتفها:كيف صارت الاميرة عادله؟
عينها على يدها اللي على كتوفها:احسسن لاتخافين
لفتها ناحيتها:حاليا ممكن لكن ما اظن راح تعيش ايامها معدوده واذا ودعتنا راح ييستغنون عنك اكيد القصر
لكن انا حابه تكونين جنبي ولو يكون اللحين افضل ومستعده اخلي الامير سلمان بنفسه يوصي عليك ويرفع راتبك وماتحتاجين
للضمان وتشوفين عيالك الكبار يدرسون برا بافخم الجامعات وتسوين لبنتك الوحدية زواج لاصار ولا استوى
خديجه:منين تعرفين كل هالمعلومات عني؟
غمزت:كل شارده ووراده بهالقصر ماتفوتني فكري بكلامي ولاتعطيني جوابك اللحين وهالباب اتمنى اسمع سر قصته
منك شخصيا يلا بالاذن ومشت
طلعت خديجه لجناح عادله شافتها صاحيه من النوم:صباح الخير كيف صرتي سموك؟
عادله مصدعه:صباح النور راسي راح ينفجر من هالعلاج ياثر علي وين كنتي فيه؟
خديجه بعد سكوت:كنت اشرف على الخدم يجهزون الفطور سموك لازم اعلمك عن شيء صار
حاطه يدها على عينها وتفركها:تكلمي
خديجه بعد تردد:ندى
رفعت راسها بسرعه من اسمها وتنتظرها تتكلم بدخول عائشه :صباح الخير سموك
ابتسمت:صباح النور واخيرا خلصت اجازتك مابغينا نشوفك
جات عينها بعين خديجه اللي صادفتها وهي خارجه من السرداب وعلمتها وتتذكر كلامها..
تنهدت عائشه:صحة الاميرة ماتبشر بخير ابدا
خديجه:ووجود هالافعى يتعبها زياده وعلمتها..
عائشه نزلت راسها:صدقيني ماكنت اتمنى اقول هالكلام احنا وكل هالقصر صرنا بين نارين نار الاميرة عادله
وزوجة الامير سلمان وشغلنا بهالقصر هو قوتنا على انفسنا وعيالنا لكن اذل جينا للواقع
انتي من تفضلين تكونين معه مع الشمس اللي تغرب والا الشمس اللي بدأت تشرق !!
عادله:خديجه خديجه ...رفعت راسها بسرعه:سامحيني سموك سرحت شوي
عادله باستغراب:وش كنتي بتقولين بخصوص ندى
خديجه عينها على عائشه بكذب:لا بس كنت افكر اليوم الاميرة جواهر راح ترجع من قصر ابوها
واخاف يصير شيء
عادله زفرت:خلوهم علي الثنتين مو ناقصين مشاكل هالقصر صار جهنم وقامت..
|
26-09-16, 12:19 AM
جديد مواضيع قسم الروايات المغلقة
العرض العادي
