~ آلَبُآرّتْ آلّعْآشِرٌ ~


• آلْظِلٌمَ طَعْنُهَ



• وَآلِحُقَ سَيْفٌ



ضرب فهد يده بالطاولة اللي تتوسط الانتريه : اش قاعد تقول يا سامي ؟
سامي : ياطويل العمر هذا اللي حصل وعرفته من سعادة العقيد سلطان .
فهد : وابوي وش صار له الحين ؟
سامي : عمي بالمستشفى .. بس الحمدلله مافيه شي ارتفاع بسيط بضغط الدم من الصدمه اللي تلقاها .
فهد : وعامر ونايف اش وضعهم الحين ؟
سامي : ماتغير شي .
فهد : طيب مع السلامه واذا صار اي شي جديد اتصل علي .
سامي : تحت امرك طال عمرك .
وقفل المكالمه وطالعته غيداء بخوف وقالت بتردد : فـهد وو وش صاير ؟
طالعها فهد وبعصبيه : وانتي مين عشان تسألين اش صار ؟
غيداء بخوف : خلاص خلاص انا اسفه على تمردي .
فهد : هذا الشي عائلي والغرب مالهم دخل .
غيداء " انا غريبه ؟ " : طيب اسفه ومو لازم اعرف اش صار .
فهد : ولــــيش تسألين من الاول ؟
غيداء : فهد اذا كان انت معصب لاتطلع حرتك فيني انا ماقلت شي بس سألت وياكلمه ارجعي محلك خلاص حصل خير .
فهد : غيداء انقلعي من هنا ولا عاد اشوفك إلا اذا قلت لك .
مشت من عنده غيداء ودخلت بالغرفه وطلعت ع البلكونه وطالعت بغروب الشمس اللي مخلي ميونخ احلى صوره " سبحان الله "
رن جوال غيداء اللي بجيب بنطلونها وردت بـ : اهلآ .
عبدالرحمن : هلا والله ببنتي هلا بالغاليه .
غيداء بابتسامه : هلا بك عمي اش اخبارك ؟
عبدالرحمن : بخير ياجعلك بخير .. وشلون فهد معاك ان شاء الله مرتاحه .
غيداء : ايه الحمدلله مرتاحه وربي عوضني عن كل السنوات اللي انحرمت فيها من السعاده .
عبدالرحمن : الحمدلله .. ما ابي اطول المكالمه وازعجك مع السلامه ياحبيبة عمها وجعل حياتك كلها سعاده .
غيداء بحالميه : اميـــن .
قفلت المكالمه وجات نسمة هوا وطار شعرها وصار يتحرك مع الهوا وطالعها فهد وابتسم " صدقت امي يوم قالت كل شي فيها حلو "
وصرخ : غيداء .
فزت غيداء : نـ نـعم .
فهد بابتسامه ع جنب : انعم الله عليك .. وش فيك واقفه هنا ؟
غيداء بكل قوتها : مو انت اللي تقولي لا اشوفك الا اذا قلت لك ماجالي ربع ساعه الا انت جاي .
فهد وهو يجلس ع الكرسي ويحط رجل على رجل : كيفي هذا بيتي واروح بالمكان اللي ابي ولا عندك كلام ثاني .
مشت غيداء من عنده ومسك يدها بقوه : اذا تكلمت لاتسفهيني .
غيداء بصوت مخنوق : اش اقول عشان ترضى ؟
ترك فهد يدها : خلاص روحي .



***

مدى : وش صــار لهم ؟
رويد : وش فيهم وش الكارثه اللي تقولين ؟
ساره وهي تجلس ع الكرسي : آآآه ياحسرتي عليك يا اخوي المافيا هددوهم اذا جلسو هنا اكثر من شهر ينقتلون .
وقف رويد : وبس هذي الكارثه اللي تقولين عليها ؟
ساره : وهذي اكبر المصايب واكبر الكوارث .
رويد : طيب شي طبيعي ناس مثل عامر ونايف يهددونهم المافيا والهاكرز على النت اخترق خططهم وكل ترتيباتهم وكل هذا تحت مؤامرة المافيا وهم متعودين .
ساره وهي تبكي : اش قاعد تقول انت اقولك خلاص بينقتلون تقول عادي والموضوع عندك ايزي ماكأنه فيه قتل .
وقفت مدى : بس انتي وياه مو وقت هواشكم .
ونزلت مدى تحت وشافت امها جالسه وتكلم بالتليفون وواضح المكالمه مختصه بقضية نايف وعامر .
جلست مدى جنب اماني : الله يهدي سارونه خوفتني والله ع بالي صاير لهم شي .
اماني : والله مكبرين الموضوع ابوي الحين بالمستشفى وكله من اسلوب رجل المافيا اللي كلمه مو من الصدمه .
مدى : طيب اش يبون من نايف وعامر واش هدفهم من هذا ؟
اماني : اذكر قبل شهر هدوو ابوي وفهد انهم راح يقضون على العايله كلها اول مابدو فيه انا وجات سليمه والحين قالو لأبوي بس والله غريبه يكلمون ابوي ويخبرونه انهم بيضرون عياله .
مدى : ويمكن الموضوع فيه قتل وانتقام ويبون يقهرون ابوي وفهد يبلغونهم قبل يصير كل شي .
اماني : الله يستر .. الحين اتصل علي فهد يقول لازم ارجع لألمانيا وبسرعه الحين انا تحت المراقبه وبالمانيا مافيه مراقبه .
مدى : يمه منه فهد هذا اش عرفه انك مراقبه ؟
اماني بابتسامه : تعرفين فهد مايخفى عليه خافي ويعرف كل شي يدور حوله وهذي طبيعة شغله واكيد تعود .
الجوهره وهي توقف : يله يابنات بتجي اميره تشوف شغلها اللي وقف مع مدى .
مدى : اووه نسيتها .
فتحت الخدامه الباب ودخلت اميره : سلام عليكم .
الكل : عليكم السلام .
سلمو عليها وجلسو .
مدى : اعذريني يا اميره والله الاحداث اللي صارت اشغلتني شوي .
اميره : ياطويلة العمر انا ابي اشوف شغلي معطله كل اشغالي والتزاماتي اسبوعين انتظرك .
مدى : اسفه والله ما ادري اشلون اعتذر لك بس ان شاء الله تعذريني .
اميره : اكيد طال عمرك بعذرك اصلآ مالي حق اعتب عليك ولا ازعل .
وقفت اماني : عن اذنكم .
ومشت معاها امها .
مدى وهي ترجع شعرها وراء : ان شاء الله بعد رمضان نسافر لدبي ونشوف شغلنا هناك .
ابتسمت اميره : بس انا ماعندي جواز .
مدى : خلاص انا اطلع لك الساعه 6 المغرب وهو جاهز بس نحتاج صوره لك .
اميره : خلاص ياطويلة العمر انا اطلع جوازي مشكوره وماقصرتي .
مدى : كيف حابه تشتغلي معاي بالليل ولا بالنهار ولا متى ؟ وعلى فكره انا اغلب تجارتي ع النت بس اذا طلعت من السعوديه ادخل شركاتي .
اميره : والله ماراح القى احسن منك حتى شغلي تخيريني فيه ويكفي الدخل كبير وبالمره وماراح احصل مثله لو الف العالم كله .
مدى ماتحب احد يثني عليها لأنه سبب في سعادته : مارديتي علي يا اميره متى تبين شغلك ؟
ابتسمت اميره : اللي يريحك بس اهم شي برمضان اشتغل من بعد الفطور .
مدى : انا دوامي مو كل يوم وبعدين انا موكله واحد على اموالي واعمالي واحد وهو قايم بكل شي بس انا اشرف على الشغل .
اميره " طيب ليش مديرة اعمال " : بس فيه وكلاء الحين يلعبون على الموكل ويسرقونه وتنتهي حياته .
مدى : لا لا انا واثقه من اللي موكله واللي جايبه لي اخوي فهد .. وفهد كله ثقه .


***

جلس فهد قدام غيداء : اش تعرفين عن مدى ؟
استغربت منه غيداء : انت اش قاعد تقول ترا بديت اشك بعقلك .
ضحك فهد : ههههه وانا من يوم شفتك اتوقع ماعاد عندي عقل .
مافهمت عليه غيداء ومافهمت وش يقصد : اش قصدك ؟
فهد بضحكه : لايروح بالك بعيد اقصد اني مجنون يوم خذيتك وسترت عليك لو عندي عقل كان ما اخذتك .
غيداء : خلاص فهد يكفي والله يكفي انا انسانه مو حمل اوجاع ومتاعب وجروح ليش كلكم كذا انا وش ذنبي اذا حظي ميت ؟
وقف فهد وطلع زقارته : غيداء لاتشكين علي ماضيك ترا ماراح اغير معاملتي لك .
غيداء قهرها فهد ومشت من عنده " وش هالحظ "
جلس فهد ع الكنبه وهو يشرب زقارته " ما اكون فهد اذا ماخليتك تتمنين الموت "
دخل سامي بعد ما اذن له فهد : سلام عليكم .
فهد : عليكم السلام تفضل يا سامي .
جلس سامي وطفى فهد الزقاره ونزلها ع الطفايه : خلاص يا سامي بكره ارجع للسعوديه يعطيك العافيه .
ابتسم سامي : بس موضوع البنت لسه ماخلص .
ضحك فهد : ومتى يخلص ؟
سامي : يبي لها يومين كذا واخلص منها .
فهد : لا خلاص الباقي خله علي .
سامي : على امرك .
فهد : وش صار على موضوع نايف وعامر ؟
سامي : مافيه جديد بس الشرطه يقولون هم كلمو من الرياض والشريحه مجهوله وبدون اسم .
فهد : انا كلمني واحد من المافيا بس متقن العربيه ونفس الكلام اللي قال لأبوي قاله لي .
سامي باستغراب : وفيه رجال من المافيا عربيين ؟
فهد : ايه فيه سعوديين مثل هيثم .. بس وين بيروحون من يدي .


***

سهام : صــبا بنت عمك مستقره حياتها ومبسوطه وزوجها يحبها دوري لي على شي ينكد عليها .
صبا : اووه يمه متى ترتقين لو بس شوي خلاص اتركي البنت بحالها .
سهام : خلاص اتركها بحالها بس بشرط .
صبا وهي تترك الايباد : تفضلي يمه اش الشرط ؟
سهام : كرستينا ابي امحيها من حياتي اليوم قبل باكر هي الى الان بالرياض .
صبا وهي تعقد حواجبها : يمه وش السر اللي بينك وبينها يمه ليش انتي تخافين منها ؟ فيه شي مخبيته علينا .
سهام بخوف : لا لا مافيه شي بس انا اكرهها واخاف تنتقم مني اذا عرفت ان بنتها تعذبت عندي .
صبا : يمه ليش انتي ماتقولين لي الحقيقه حتى جدتي مو راضيه تقول وش اللي بينك وبين زوجة عمي .
سهام : خلاص مابيننا شي كل اللي بيننا غيداء وغيداء تزوجت الحين مالنا فيها دخل .. وعمك اللي هي كانت زوجته وهو اللي ربطنا فيها مات .
صبا : عارفه ان عمي مات بس يمه انا ملاحظه عليك من مده طوويله تخافين من كرستينا .
سهام : خلاص انتي مالك دخل بالموضوع .. واللي بيني وبينها ماراح يطلع لأحد وهو ماضي والماضي انتهى .
صبا : يمه والله ماعرفت لك مره تقولين بتمحينها من الوجود ومره تقولين مايربطك فيها ولا شي طيب ليش الخوف ؟
سهام بعصبيه : مو خايفه .. مو خايفه بس قهرتني بزواج بنتها كأنها تعرفني ونظراتها لي نظرات احتقار اشلون ما انتقم منها .
صبا : يمه اللي جا غيداء منك مو قليل ويمكن هي عرفت بالسالفه وكرهتك .
سهام : اصلآ من يوم عرفتها وهي تكرهني وانا اكرهها .
صبا : طيب يمه قولي لي سالفة غيداء كل مافتحت الموضوع هذا زعلتي علي ابي اعرف اش وداها لألمانيا .
سهام وهي تحط رجل على رجل : الله يسلمك عمك عبدالله راح بعثه لألمانيا وتزوج كرستينا بعد ما اعلنت اسلامها وبعد سنه جابها هنا وحملت وكانت حامل لها ثمان اشهر .. و انقتل لا لا ما ادري اش صار المهم ان عمك مات وسافرت كرستينا لألمانيا وجابت بنتها وارتدت وصارت نصرانيه ويوم عرفت جدتك قالت لأبوك انها تبي غيداء وراح ابوك وقال لخوال غيداء اللي هي عايشه عندهم انه يبي غيداء بس ماوافقو ورفع شكوى وبعد ماصار عمر غيداء 10 سنوات جابوها هنا وماتت جدتك بعد سنتين من يوم جات غيداء هنا واخذتها انا وربيتها عندي وهذي سالفتها .
صبا : يمه عمي مقتول ولا مات فجأه .
سهام : هو كان طالع من شغله ودعسته سياره يعني مقتول .
صبا : اهاا .. ومين اللي قتله ؟
سهام : ما ادري ابوك تنازل وانتهت السالفه خلاص يا صبا هذا ماضي اش لك فيه .
صبا : لا بس حبيت اشوف اشلون عاشت غيداء وامها مو عندها .
سهام : عادي كثير بنات واولاد عايشين وامهاتم ميتين .
وقفت صبا : عن اذنك يمه بروح انام .
سهام : وين ابوك وزوجته ؟
صبا بابتسامه : يمه اش فيك اول مره تسألين عنهم ؟
سهام وهي توقف : مو عادة ابوك الساعه 10 ولسه مانزل يفطر .
صبا : كأني شفت كريمه الساعه 8 طالعه من هنا .
سهام : جعلها ماترجع انا ما ادري ابوك اشلون تزوجت علي وانا مسويه له .. وسكتت
وطالعتها صبا : اش مسويه ؟
سهام : قصدي عشت معاه اكثر من 25 سنه وجبت له عيال بس ما ادري ليش تزوج علي .
صبا : والله غريبه يمه ما ناقشتي ابوي بالموضوع ولا كأنه يهمك .
سهام : اش اسوي انا مديت يدي على بنت اخوه وما اقدر اكلمه بالموضوع هذا وهو حر اش دخلني فيه .


***

عامر : اش نسوي يا نايف شغل مخك دور لنا على حل .
نايف بابتسامه : الحل عندي المهله شهر اذا جاء لنا شهر كامل نطلع من السعوديه وانتهت السالفه .
عامر : بس جارح عارف السالفه كلها .
نايف : اذا طلعنا من السعوديه جارح ماراح يلحقنا ولا يقول لأبوي على كل شي سويناه .. وشهر كامل يكفي اننا نقنع جارح .
عامر : والله ياخوفي جارح ينفذ كلامه ويقولهم على كل البلاوي اللي سويناها .
نايف : لا لا جارح يحب الفلوس ونسكته بالفلوس الين نطلع من هنا .
عامر وهو يوقف : بس انا من امس محاصرني الخوف احس ابوي وعماني بيعرفون بأي وقت وبعدها نروح بخبر كان انت عارف ان سمعت عائلتنا مثل الالماس ولو احد عرف بفعايلنا اكيد بتصير سمعة العايله بالارض .
نايف : ياربي اش نسوي بالعله هذا جارح انا الغلطان اللي اخذ منه الحبوب .
عامر وهو يجلس ع الكنبه : واتوقع مافيه مروج احسن من جارح بالبلد هذا كله .
نايف : طيب خلنا نطلع للدمام اسبوع ونرجع ولازم ناخذ جارح معانا اضمن لنا .
عامر : خلاص نروح للدمام بس اتوقع ابــوي ماراح يوافق لأنه قالي قبل اسبوعين ماراح اطلع من الرياض قبل العيد .
نايف : الحين اش نسوي هنا عايشين بخوف وعمي ماراح يوافق انك تطلع من هنا .
عامر : دور لي حل يا ابو الحلول خلاص انا قفل مخي .
نايف : قوله انه فيه ملتقى هناك لأخويانا بنحضره .
عامر : واذا قال ابوي انه بيحضره اش اسوي ؟
نايف : الحين احنا بالصيف وفيه ملتقيات ومهرجانات بكل مكان روح لأي ملتقى وقوله هذا هو الملتقى .
عامر : بس انا اخاف اروح ويسألني ابوي اش عرفني بالمافيا ؟
نايف : لا لا ماراح يسألك المافيا اعتدو على اماني وهي مالها فيهم دخل .. وفهد ياكثر مايهددونه وعمي ناصر وسلطان .
عامر : اوك اروح واشوف اش يقول ابوي .


***

وصــلو اماني وعيالها المانيا .
فهد : يله ياغيداء ربع ساعه وبنروح لبرلين اماني وصلت ولازم نسلم عليها .
غيداء وهي توقف : خلاص بروح اغير ملابسي .
فهد : لحظه .. وقفت غيداء .. تمثلين ان حياتك زينه معي اوكي ؟
غيداء هزت راسها بإيه .
وخذت لها شور ولبست فستان ناعم لونه ابيض يوصل الى منتصف ساقها باكمام جوبنيز ومن النص حزام ذهبي ولبست كعب عالي لونه ذهبي وتعطرت وسوت شعرها كيرلي وحطت روج زهري وكحل اسود وكانت جميله بماتحمله الكلمه وعيونها الزرقاء زادت جمالها لبست عبايتها ولفت طرحتها وخذت شنطتها وطالعت بساعتها البيضاء ونزلت تحت " ياربي تأخرت "
ووقف فهد : كان تأخرتي اكثر .
غيداء : سوري فهد والله مو بإرادتي وما انتبهت للوقت .. وبعدين انا عروس لازم اطلع بأحسن مظهر .
طالع فهد بوجهها عيونها تجذبه لها ويحس انه مايملك نفسه اذا حطت كحل وصد عنها : الكحل هذا ما ابي اشوفه مره ثانيه فاااهمه .
غيداء : ليش ؟
فهد بعصبيه : بدون ماتسألين ليش لاتحطين كحل وبس .
غيداء " شكله فاضي وماعنده سالفه "
طلعت معاه وركبو بالسياره واستغربت منه غيداء " بكل مكان يطلع معاه البودي قارد .. ليش "
وصلو بيت اماني ونزلو ومايقل فخامه عن بيت فهد دخلو ونزلت غيداء عبايتها واعطتها الخدامه وجات ماريا : هـــلا والله حيالله من جانا .
فهد : هههههههه ياحلوك وانتي متقمصه دور امك .
ضحكت ماريا وسلمت على فهد وغيداء وجاء رويد وسلم على فهد : هلا والله بالعريس .. اش اخبارك ؟
فهد : تمام .
رويد : دوم ان شاء الله وش اخبار آزيال ؟
فهد بابتسامه : اخبارها في السمبتيك .
ضحك رويد ومد يده لغيداء وصافحها : هلا والله بزوجة خالي تو مانور البيت .
غيداء بابتسامه : منور بوجودك .
نزلت اماني مع الدرج : هلا والله بالعرسان .
وسلمت عليهم وجلسو بالمجلس .
اماني : غيود تذكرين يوم مدى تقول لأمك انك زوجة فهد .
نزلت غيداء راسها وضحكت بصوت قصير .
وطالعها فهد اللي جالس جنبها : يعني من اول مخططين علي .
اماني : ايه مدى من يوم عرفت غيداء وهي تبيها زوجه لك .
غيداء " آآه ياليتني ماعرفتك يافهد "
حط فهد يده على اكتاف غيداء : انا اشكر ربي انه حطها بطريقي واتزوجتها .
رويد : بس اللي سمعناه انك مغصوب عليها .
طالعت غيداء برويد " لا تكفى الحين يسمعني كلامه اللي يقتل "
فهد : لا مو مغصوب عليها وعمر الرجال ما انجبر على الزواج .
اماني وهي تطالع رويد : وانت اش مجلسك هنا انت كبير يله انقلع لغرفتك .
قام رويد : انا بروح لعمتي الهنوف الله يخليها لي واحتمال ما ارجع طول عمري .
اماني : مو لازم ترجع وبيت عمتك جنب بيتي ومامنك فكه .
طلع رويد وطالع فهد باماني وهو يشبك يدينه ببعض ويسند ظهره ع الكنبه : سمعتي اللي صار بنايف وعامر ؟
اماني : الله يهديك ما كأني عندهم يوم صار اللي صار .
غيداء " اش السالفه "
فهد : اييه صح نسيت .. ووش صار ؟
اماني : دخل ابوي المستشفى من الصدمه بس طلع بعد اربع ساعات وساره مكبره الموضوع وطول وقتها تبكي على اخوها .
فهد : وعامر ونايف وش صار عليهم ؟ وجو للبيت ولا لسه بالمزرعه ؟
اماني : لا طلعو اليوم الصباح للدمام يقولون بيرتاحون بعيد عن المشاكل .
فهد : ياخوفي انهم يتعاملون مع المافيا .
شهقت غيداء وطالعوها فهد واماني وتمنت ان الارض تنشق وتبلعها .
فهد " لايكون تعرفينهم ياغيداء .. انا يوم سألتهم حلفو لي بالمصحف انهم مايعرفون ان فيه بمزرعتهم بنت وان المكان اللي هي كانت فيه مزرعتهم بس هم مايدرون عنها "
اماني : غيداء شكلك ماتعرفين سالفة نايف وعامر وخفتي وانتي مو عارفه شي .
فهد : لا لا انا قلت لها كل شي .
غيداء " شكل السالفه كبيره وفهد مايبيني اعرف شي "
دخلت ماريا وهي ماسكه يد ولد عمتها إياد اللي بعمرها : ماما بروح مع إياد للسنما اليوم فيه الممثل ديمتريوس .
طالعهم فهد : تعال سلم علي يا إياد .
راح إياد لفهد وسلم عليه وسلم على غيداء ورجع عند ماريا .
اماني : لا ماتروحون انتم لسه صغار ومايصير تروحون بروحكم .
إياد : طيب خالتي يروحون معانا رويد و جهاد .
اماني : خلاص روحو بس الساعه وحده وانتم هنا .. سريااااتي .
جات الخدامه : yas madam amany.
اماني : talk you Rweed i wont he .
سرياتي : ok .
وطلعت الخدامه ودخل رويد بعد دقايق : هلا يمه .
اماني : جهاد ولد عمتك هنا ؟
رويد : ايه .
اماني : طيب اخذ ماريا وإياد ورحو للسينما بس الساعه وحده وانتم هنا واذا تأخرتو والله لأعاقبكم كلكم .
رويد : خلاص يمه الساعه وحده واحنا هنا بس اربع ساعات ماتكفي .
اماني : اذا ماتكفيكم مو لازم تروحون .
رويد : طيب واذا خذينا معانا ملك بنت عمتي ؟
اماني : اوووف شكلك تبيني ازعل عليك اليوم خلاص مو ضروري ترجعون اهم شي خذو معاكم البودي قارد .
رويد وهو يسلم على راسها : الله يخليك لي يامامتي .. فهيدان ترا عمتي الهنوف بتجي اش رايك تروح معانا .
فهد : لا لا ما احب اروح للسينما انا ارقى من المكان هذا .
اماني وهي تطالع بفهد وغيداء : من جد والله اش رايكم نروح كلنا .
فهد : لا اذا بتروحين مع عيالكم بنمشي انا وحرمتي واحنا بس جايين نسلم عليكم .
اماني وهي توقف : لا خلاص مانبي نروح .. إلا فهيدان تعرف ديمتريوس ؟
طالعها فهد : لا والله مالي بالمسلسلات والفن .. حدي السياسه .
اماني : والله يخقق .
طالعها فهد : اماني لو سمعك عبدالمجيد والله ليخليك تندمين على انك بس عرفتي ديمتريوس .
اماني : هههههه انا ماقلت احب ديمتريوس بس قلت انه حلو .
وقف فهد ووقف معاه غيداء ومسك يدها : يله احنا عرسان وبنمشي مو فاضين لكم .
اماني : لا لا انتظرو الهنوف هي جايه عشان تسلم على غيداء .. روح اي مكان .
فهد : خلاص بروح لغرف عيالك غرفة رويد فيها كل الاجهزه الحديثه وكلها تسليه .
ضحكت اماني : هههههه والله صدقت رويد ماخلى جهاز ماشراه .
فهد : غيود اذا خلصتي اتصلي علي .
وطلع من عندهم ولحقته غيداء وبهمس : فهد .
طالعها : نعم .
غيداء : اممم .. رقمك مو معاي .
فهد : اييه صح .. خلاص سجليه عندك .
وكان فهد يقول رقمه وهي تسجله .
ورجعت غيداء عند اماني اللي قلقانه على عيالها .
غيداء بتردد : ام رويد .
طالعتها اماني وبابتسامه : هلا حبيبتي .. انتي اول من يناديني ام رويد غير عمتي ام عبدالمجيد .
ابتسمت غيداء : فيه سؤال مهم بس اتمنى محد يدري .
اماني : تفضلي اسألي .
غيداء : اا .. اا ..وبلعت ريقها .. تعـ تعرفين وحده اسمها آزيال ؟
عقدت اماني حواجبها : اش عرفك فيها ؟



***


نايف : جارح كل اللي نبيه منك تروح معانا للشرقيه فيه شباب هناك محتاجين كميه كبيره من الحشيش والمخدرات ولازم تروح معانا ياجارح .
جارح وهو يحط رجل على رجل : وانا وش يضمن لي انه فيه هناك شباب ولا بس بتوهموني بكذا عشان تتأكدون اني ما اقول لأهلكم .
عامر بعصبيه : خلاص ياخي ندور على واحد غيرك .
وقف جارح : لا لا خلاص انا بروح معاكم بس كم اتفقتو عليه ؟
نايف : مثل ماتبي مليونين .
جارح : انت وياه ماشريتو بالسعر هذا مين هذا اللي بيشري مني الحشيش بمليونين ؟
عامر : مصنع حشيش .
جارح باستغراب : مصنع حشيش وبالدمام هاا ؟
عامر : لا مو بالدمام بس المندوب بالدمام وبياخذ الكميه على انها البان من السعوديه .
جارح : خلاص اروح معاكم بس بشرط .
نايف : اش شرطك ؟
جارح : سكني معاكم ماراح اتكلف بريال واحد وانا مسافر مع عيال اليحيى .
نايف : كل شي علينا .
جارح : إلا انا ملاحظ عليكم من اسبوعين او اكثر ماطلبتو مني مخدرات .
عامر : خلاص احنا تعالجنا ومانتعاطى مخدرات .
جارح مو مصدقهم ومستغرب منهم : وش هالعلاج اللي بأقل من شهر لايكون بس حقنه من المافيا .
طالعه نايف وبإرتباك : لا لا مو حقنه احنا تعالجنا عن الادمان بعلاج شعبي .
ضحك جارح : والعلاج الشعبي يعالج الادمان ؟
عامر بعصبيه : وانت اش عليك منا .. يله اذا كان بتروح معانا .
جارح : الحين مسكت عليهم الفضيحه تقريبآ التاسعه حقنه من المافيا وكل الاشياء هذي ماراح تتخبى عن اهلكم .
نايف : كم تبي وتسكت شهر واحد بس .
جارح بخبث : يعني تدفع فلوس بالملايين اهون من فضيحة عايلتكم ؟
نايف : اكيد .. هااا كم تبي ؟
جارح : 30 مليون .
عامر : خلاص 30 مليون تسكتك الين شهر كامل .
جارح : هههههه اعتبر اليوم بمليون .
نايف : بتروح معانا ولا لا ؟
جارح : ايه اكيد بروح 3 مليون وثلاثين مليون صفقه ولا يحلم فيها اكبر تاجر .
عامر : ههههه ماخذ مقلب بنفسك بتصير تاجر ارباح شركاتنا باليوم 100 مليون و200 مليون مو بس 33 مليون .
جارح : راح اصير تاجر واكبر منكم .
عامر : اقول بس يله مو فاضي لكلامك اللي ماراح يخلص .



***


غيداء : انا م م ما اعرفها .. بس اول مادخلنا رويد سأل فهد عنها وانا بعرف مين آزيال .
اماني بابتسامه : لاتخافين فهد مايعرف آزيال بس هي صديقة ولدي رويد .
غيداء بإرتياح : الحمدلله على بالي لها علاقه بفهد .
اماني : لاتخافين فهد يقولي من يوم شافك وهو مايطالع غيرك .
غيداء " آآه بس لو تعرفين حياتي معاه "
سمعو صوت الهنوف تنادي اماني : هذي اخت زوجي جايه تشوفك .. وبصوت عالي .. تعالي يالهنوف انا هنا .
دخلت الهنوف وسلمت على غيداء وجلست : ماشاء الله زوجة اخوك قمر .. ماشاء الله لا إله إلا الله .
اماني بمزح : بس مو احلى مني .
الهنوف بمزح مماثل : لا انتي اسم الله عليك مافيه احلى منك .. وطالعت غيداء .. الف مبروك ياقلبي منك العيال ومنه المال .
غيداء بابتسامة حيا : الله يبارك فيك .
الهنوف : وين فهد بسلم عليه وببارك له .
اماني : فهد استحى وراح لغرفة رويد .
الهنوف : إلا اش اخبار اهلك ؟
اماني : الحمدلله بخير .
الهنوف وهي تنزل كوب عصيرها : وش فيهم اخوك وولد عمك اللي تهددهم المافيا قبل شوي قريت الخبر بالتلفزيون .
اماني : والله مانعرف الا الان مين اللي يهددهم هو من رجال المافيا وقال لأبوي ومن السعوديه بس ماندري وين مكانه .
وقفت غيداء : عن اذنكم بنات .
اماني : اذنك معاك حبيبتي .
اتصلت غيداء على فهد : خلصتي ؟
غيداء : ايه .
فهد وهو يطلع من الغرفه : خلاص الحين جاي .
لبست غيداء عبايتها وطلعت مع فهد وركبو بالسياره .
وطلعو للبيت ونزلو ودخلو بالبيت وطالع فهد بغيداء : ابي تسوين لي عشاء حلو .
غيداء باستغراب : انا اطبخ ؟
فهد بسخريه : ليش متزوج من بنات هتلر وانا ما ادري ؟
غيداء : م م ماقصد بس انا ما اعرف اطبخ إلا اكلات خليجيه يعني ما اعرف ولاشي من اكل المانيا .
فهد : روحي وشوفي الطباخه هرميا وقولي لها تعلمك الطبخ انا مو متزوجك إلا عشان تخدميني .
غيداء بعصبيه : وانا مو خدامه عندك البيت كله خدم وفيه طباخه .
فهد بضحكه : مو كأنك قبل شوي خايفه ؟
غيداء وهي تمشي من عنده : والله اهلي مازوجوني عشان اصير خدامه لك .. لو ماعندك خدامه كان اخدمك .
مسك فهد ذراعه وشد قبضة يده بقوه : وانتي لك اهل ؟ اعتبري شغلك بالبيت هذا ايجار معيشتك هنا .
غيداء وهي تسحب يدها منه : خلاص اطبخ لك .
فهد : كان وافقتي من اول وماعصبت عليك .. انا ما احب طبخ الخدم حتى بالبيت امي تسوي لي اكلي .
غيداء : طيب اسفه مادريت انه فيه احد يفضل طبخ على طبخ .
فهد : انا ما اثق بالخدم والسعوديه اضمن لي .
غيداء : طيب خلاص بطبخ لك .. اش تبي ؟
فهد : اي شي بس اهم شي انه انتي اللي مسويته .
غيداء : والطباخه اللي هنا تتكلم عربي ؟
فهد : طبعآ لا .. وحتى انقليزي ماتتكلم .
غيداء : انا ما اعرف اتكلم إلا عربي .
فهد وهو يجلس ع الكرسي : لاتحاولين تدورين لك على عذر انتي درستي بالسنه التحضيريه وناجحه بكل المواد و+A بعد وعايشه هنا 10 سنوات يعني عندك اللغه الانقليزيه واحتمال الالمانيه .
غيداء بذهول : وانت اشلون تعرف المعلومات هذي عني ؟
فهد : قلت لك اني اعرفك اكثر من نفسك ومايخفى علي شي .
غيداء : وتعرف ظروفي اللي خلتني اطلع بالشارع ؟
فهد نفث بـ : اووف ماعرفت ولا ابي اعرف ومايشرفني اعرف عن ماضي وحده مثلك .
مشت من عنده غيداء ودخلت بالغرفه وراحت لغرفة تبديل الملابس ودورت لها على لبس يصلح وكل ملابسها فساتين قصيره وقمصان نوم قصيره وعاريه وبيجامات برمودا وشورت وعاري " مافيه شي ساتر ؟ "
خذت لها بنطلون اسود وبلوزه عاري ابيض وشعرها الناعم خلته مسدول وحطت روج ونزلت تحت ودخلت بالمطبخ الكبير وراحت للطباخه : ايش فل تي ميت ميلش .
" اريد شاهي و حليب "
هرميا بابتسامه : يا .
" حاضر "
غيداء بابتسامه : اوند فل داس آبنديسسن .
" اريد عشاء "
هرميا : يا .
" حاضر "
فهد وهو يطالع بغيداء : ما اتفقنا كذا ادخلي المطبخ وحطي رجل على رجل واطلبي انا قلت لك ابيك تطبخين بس شكله ماينفع معاك الطيب .


***

منصور : والله يالجوهره عيالي بخطر الحين ما ادري اش الحل .. وكل هذا المافيا يبون فلوس من فهد وهو يرفض وهددوه ورفض يعطيهم الفلوس.
الجوهره : طيب ليش مايعطيهم الفلوس ويفكنا من شرهم جات سليمه بــاماني بس عيالنا ما نبي نخسرهم منصور اعطهم الفلوس وريحنا .
منصور : المشكله انهم مايبون الفلوس إلا من فهد وفهد يقول اموت بس ما اتعامل بالحرام ولو عطاهم الفلوس تعامل معاهم بالباطل .
الجوهره بخوف : طيب وش نسوي وش الحل يموتون عيالنا واحنا نتفرج عليهم ؟
منصور : مثل ما قال نايف بعد شهر يسافرون لألمانيا .
الجوهره : آآه ياحسرتي على عيالي ماتهنو بشبابهم .
منصور : خلاص يا ام فهد هذا اللي ربي كتب لهم احنا مالنا إلا الصبر واذا انحرمنا منهم بالدنيا نلقاهم بالجنه ان شاء الله .
الجوهره بعصبيه : احر ماعندي ابرد ماعندك اشلون نخسر عيالنا والسبب فلوس ليش فهد مايعطيهم فلوسهم وبعدين فهد اش اللي خلاه ياخذ منهم فلوس وهو عارف انه ماراح يدفعهم لهم بالباطل .
منصور : فهد ماتعامل معاهم ولا اخذ منهم فلوس بس سلطان قبل سنتين ضبط كميه كبيره من المخدرات تبلغ قيمتها 500 مليون ريال سعودي وهم الحين يطالبون فهد بفلوسهم اللي صار خساره كبيره للمافيا وتهديدهم للعيال الحين عشان سلطان وفرقه معاه هو يقودها فجرو بأحدى مقرات المافيا اللي بالرياض وخسرو خساير كبيره واذا فهد مادفع فلوسهم ورجعهم راح يهددونا الين اخر يوم بعمرنا .
الجوهره : لا لا مو معقول لو بس عشان كذا كان انتقمو من فهد وسلطان مو من نايف وعامر .. اكيد عامر ونايف مسوين شي .
منصور : لا تشغلين بالك ان شاء الله ربي يكون معانا والحين انا بلغت الشرطه وهم حددو بالعيد الثالث يقتلون نايف وعامر بس قالو لي المباحث والمختصين بالشي هذا انه بالعيد الثالث راح يحاصرون المزرعه والفيلا .
الجوهره : والله مو مرتاحه ومن يوم عرفت بالشي هذا مو قادره انام ولا قادره اعيش مثل العالم ونايف وعامر الله يهديهم مايبون يجلسون هنا .
منصور : متعودين عليهم بس بالوضع هذا ماراح نسكت ونخليهم على راحتهم رمضان كله ماراح يروحون للمزرعه .
الجوهره وهي تبكي : حرام عليك لاتجبرهم على شي هم مايبونه ايامهم هنا ايام معدودده وبعدين بيسافرون لألمانيا ولا راح اشوفهم الا اذا رحت لألمانيا .
منصور : والحين انتي ليش تبكين والله كأن السيف على ارقابهم .
الجوهره : وهو فعلآ السيف على ارقابهم الحين وانتو مو مسوين شي جالسين تتفرجون على اللي يصير وكأن الامر مايهمكم .
منصور : والله سوينا اللي نقدر عليه .. خلاص يا ام فهد لاتتعبين نفسك ان شاء الله مابيصير لهم شي .
الجوهره : طيب ليش مايروحون الحين لألمانيا ليش بعد شهر .
منصور : اللي كلمني يقول راح ينقتلون لو تأخرو يوم ولو تقدمو يوم بـ 3 / 10 وهم رايحين لألمانيا .
الجوهره : و6 سنوات ويرفع الحصار عنهم ؟
منصور : ايه هم قالو من 4 الى 6 سنوات .
الجوهره : واكيد بيغربون عيالي كلهم .


***

غيداء وهي توقف ودموعها متحجره بدموعها : قلت لك وربي ما اعرف اطبخ .
فهد : واللي مايعرف يتعلم .
غيداء وهي تبكي : انت ليش بتعذبني والله من يوم طلعت للدنيا وانا من عذاب لأكبر خلاص ما ابي اطبخ مو لازم ليش انت ماتفهم ؟

الرواية روعة
اين تكملة الرواية

الرواية اكثر من رائعة
ارجو تكملة الرواية بسرعة
لنعرف باقى الاحداث