كاتب الموضوع :
حسن الخلق
المنتدى :
رومانسيات عربية - القصص المكتملة
رد: رواية .. دمعات القمر .. بقلم .. حسن الخلق .. القطرتين الخامسة والسادسة
مرحبا هومى أزيك يا قمر و أزيك أبطالك الحلوين بدأ بسلامى ليهم كلهم ماعدا ماجد ما تسلميلى عليه و بوسيلى سولاف الشقية
نبتدى بـ جيدا مش عارفة ليه حسه أن مغامرتها على سطح الفندق هتكون سبب فى أنها تقابل مراد يمكن يكون هو فى مغامرة من مغامرته و يتقبلوا مع أول اشرقات شمس تركيا
مش قلتلك مش تسلميلى عليع الغلس ده أنا زعلانة من نفسى قوى أنى أعجبت بيه فى بداية التعريف بالأبطال خدعنى منظره بصراحة مش ينفع معاه التلميح أو التجاهل ده عايز وقفة صريحة وضيحة و محتاج وجود أيسو الله يكون معاها فى أمتحاناتها هى كمان علشان تجرجه على المحكمة و تعلقة على باب السجن
هتموتنى تباته و للأسف فى ناس كتير فى الدنيا كده بتحب تعمل نفسها مش وخده بالها من الرفض علشان كدة سولاف لازم تأخ دمعاه موقف حازم و تريحنى و ترتاح
مشكلة جديدة يمكن تغير موقف ندى من خالد وهو خوف عاصم المبرر من انتقالهم من بيتهم لبيت جدهم و خصوصاً أنه ببراءة و طفولة لخصلها مشكلتها هى و خالد بالرغم من محاولتها أنها تطمنه إلا أنه واخد باله و حاسس أن فى حاجة غلطة فى علاقة ندى و خالد
بارفو خالد عجبنى جداً أنه لما احتاج للمساعدة دور عليها فى المكان الصح و ما أنكسفش أنه يطلبها دهـ دليل على اهتمامه أنه عايز يصلح الأمور بينه و بين ندى بصورة صح
فظيع مريع رهيب هذا الماجد أيه ده حرام و الله اللى بيعمله فة سولاف ده أيه الثقة الزايدة عن اللزوم فى نفسه دى لا هو الثقة فى النفس للبطل حتى لو زيادة بتكون حلوة و مطلوبة لكن مع ماجد فهى قمة السماجة يعنى أيه تقولها فيفى و متأكد قوى أنها هتسمحلك بصراحة يا هومى أنتى أبدعتى فى تجسيد شخصية ماجد أبدعتى لدرجة أن سماجته و تقل دمه صفات ملموسة بمجرد أنه يتكلم أو حتى يظهر فى مكان برافو عليكى
لا لا لا لا لا ده حتى كلام سولاف الصريحة معاه مش نافع و ايه حبيبتى دى أيه الجرأة دى كلها الموقف ده محتاج وجود عمر يديه بوكس فى وشه يمكن يفوقه هو و عمر فى نفس الوقت و يخليهم هما الأتنين يستوعبوا طبعاً مع اختلاف الاستيعاب من الأتنين
واو حلو جداً اللقاء بين أمانى و أدهم دى الفايدة الوحيدة لظهور ماجد الغير مرحب به يا الله عليكى يا هومى أيه لبعذاب ده كله ما تخلصينا و تريحى أدهم زى ما ريحتى أمانى
لا يا عمر لا ده مكانك و لا زمانك ظهرت فى الوقت و المكان الغلط يالا بسرعة على ماجد
يا الله أرحمينى هومى من حديث العيون الأدهمية & العسلية قلبى الصغير فعلاً لا يتحمل هذا الطوفان من المشاعر الفياضة بس سعيد جداً بأنك ارحتى قلبيهما شوفتى قلبيهما دى فى وسط جملة بالعامية استحملينى و أستحملى قواعدى النحوية الركيكة حبيبتى :)
سعيدة كتير لجمع شمل أدهم و أمانى بسرعة و ما عذبتهمش كتير أنا عارفة أن العذاب لسه قادم بس هيكون مختلف عذاب هيقبلوه مع بعض لكن هيكون هما الأتنين فى جبهة واحدة ضد باباها أفضل مليون مرة من عذابهم و حيرتهم علشان يعرفوا حقيقة مشاعر بعض أن كانت زى ما هى و لا اتغيرت
غريب أمرك يا عمر رغبة ملحة أنك تشوف سولاف برغم أنك بتظن أنها سبب اللى بينغص عليك حياتك و أخيراً حسيت باختلاف فى مشاعرك ناحية جيدا يا ريت أنت كمان تفوق بسرعة و تعرف حقيقة مشاعرك رايحة فين بالضبط
هو ممكن يكون ماجد ده مريض أكيد مش شخص طبيعى و لا شخصيته سمجة شكله كده مريض و شخصية مش سوية
يا الله على الرقة و الجمال شاهين ده بطل غير عادى رهيب و رائع و مش لاقية كلام أوصفه بيه اسمحيلى هومى أعلن حبى لـ شاهين و رومانسيته و رقته
و شيرى الحقيرة البشعة دى محتاجة أنها يُنتقم منها أشد أنتقم
أى اقتراح بشع يكونوا البنات اقترحوه أنا موافقة عليه و أؤيده بالثلث دى فاقت كل توقعت قلة الذوق
اعذرينى هومى أنا بختلف معاكى ما فيش وجه مقارنة بين معاناة شاهين و نرفى و بين معاناة مراد هو معتقد أن الليلة ما مرتش زى ما مخطط لها لكن ده من حظه الحلو ربنه بيحيه أنه ما قدمش الخاتم لـ نازلى و بكرا لما يتعرف على جيدا و يعرف حقيقة نازلى هيحمد ربنا أنا سعيدة أن الليلة ما مشيتش زى ما كان مخطط لها مراد :)
أكيد ضمير جيدا مش هيسمحلها أنها ترجع مصر من غير ما تشهد باللى شافته و بالطريقة دى هتتعرف على مراد و بما أنها شاهدة فى قضية مهمة فهتكون محتاجة حماية هتوقع على عاتق مراد و بالطريقة دى هيتعرفوا على بعض و بين الأكشن هتظهر أجمل قصة حب أهـ بانتظار لحظة تعرفهم على بعض على أحر من جمر و أظن أنهم النهاردة هيتقابلوا
سعيدة بالحالة اللى وصلها عمر و أكيد أن اللى ليه فضل فى وصوله للحالة دى و يشكر على كده ماجد
بتفق مع عمر أن سولاف تبعد عن ماجد نهائياً و ما تتعملش معاه علشان فعلاً فى أمر مريبه حوله أظنه أنه بيحبها بصورة مرضية و عايش الوهم
حلوة نصيحة أمانى لـ ندى و سعيدة أن الأمور بيتهم استقرت
سورى يا هومى على أنى ما ديتش الفصل السادس حقه لكن أنا استمتعت جداً جداً جداً بمتابعة الأحداث و عجبنى كتير تطورات الأحداث و ياترى العيون الغامضة دى اللى بتراقب جيدا عيون مين
آسفة يا هومى أنى جيت متأخرة لكن سعيدة أنى قدرت أجاى بانتظار الأحداث الجديدة من ايديكى النهاردة موووووووووووووووووووووووواه
|
24-04-14, 03:10 AM
رد: رواية .. دمعات القمر .. بقلم .. حسن الخلق .. القطرتين الخامسة والسادسة
.. سامحينى هومى يا قلبى حصلتلى شوية لخبطه كده الفترة اللى فاتت و اتاخرت فى القراءه و لسه مخلصه قراءة الست فصول دلوقت .. زى عوايدى انا عارفة .gif "120(1)")
..... المهم .. عايزه اقول .. 
.. 
.. 
.. 
.. 
.. 
..
..
..
جديد مواضيع قسم رومانسيات عربية - القصص المكتملة
العرض العادي
