مش عارفة الحقيقة ابدأ ازاي ..!
طيب أولاً بحيكي جداً على روايتك اللي بالنسبالي اكتر من رائعة ..

عجبني اسلوبك فـ الكتابة ممتع جداً وسهل بدون ابتزال وبيدخل الروح بسرعة
عجبني اوي المواقف اللي حطتيها عشان تثبت ان المرأة العربية مش سهل
انها تتنازل عن كرامتها ولا عن حقوقها برغم الحب والعاطفة اللي جواها
وده فـ موقف سلاف من عمر لما اهانها ..!
معرفش ليه الموقف ده مأثر فيا بشكل عجيب !!

وبرغم اني قرأت الرواية من فترة كبيرة جداً ..
وقرأت بعدها روايات لكاتبات غيرك
بس برده ملقتش الدفء اللي فـ اسلوبك غير عندك

انبهرت لاني بقالي كتير مشوفتش روايات مفهاش عنف ضد المرأة
لأ والمصيبة انها بترجع بـ اسم الحب

يمكن يكون واقع أليم بنعيشه ، لكن برده الخيال متخلقش عشان يوصف الواقع ..
الصراحة ملينا نشوف الاسلوب ده والتفكير ده ..

عجبني اوي اوي اوي انك بتفكرينا بالعادات الجميلة الشرقية بتاعتنا
واللي للأسف بنحاول نخرج عنها ونبقى كائنات تانية ماسخة

بحيكي تاني وتالت ومليون


ربنا يحفظك