لقد ابدعت في تجسيد معاناة العلاج الكيمائي للمصابين بلسرطان فانا قريبتي توفت بسرطان العظام رحمها الله وشاهدت كيف كانت تتعذب نتيجة المعالجة بلكيمائي

مسااااء السكر

انا وصلت اخيرا نحمد الله

ايمااااان سعيدة انه روايتك ان شاء الله هتبقى اول رواية اتابعها اول باول(اذا سمحتى لى و تقبلتونى بينكوا)
سعيدة انا بالتجربة دى حساها لطيفة و افضل حتى فى التعليق
علشان الاحداث و الاشخاص تاخد حقها بدل ما انا بحس انى ظلماهم

انا لسه فى البداية بس ان شاء الله ربنا يعين والحقكوا و اصلا رديت دلوقتى علشان كل شوية اعدل

واحط كومنتى على الفصول اول باول لو مش عندك مانع يا سكر علشان اعيش نفسى فى جو المتابعة<<هبلة بقى مش تاخدى على كلامى :D

ـــــــــــــــــــــــــــــــــــــــــــــــــ


الفصلين الأول و الثانى

عجبنى التحول السريع فى الاحداث و انك ذكرتى مرحلة زمنية الى حد ما طويلة ما يقارب ال 7 سنين

استغربت اختيارك للمرحلة الزمنية دى السبعينات
و اشفقت عليكى لانها هتبقى صعبة اوى فى الكتابة علشان تلمى بالتغيررات و الاوضاع اللى كانت حاصلة هيبقى مجهود كبير عليكى بس لانى حسيت انه الرواية دى شخصية و قريبة منك اوى فانتى مستعدة تبذلى المجهود بطيب خاطر مش عارفة احساسى صح ولا غلط

لحد دلوقتى ليث هو اللى مسيطر على تفكيرى
لسه عبدالعزيز مش قدر يشدنى ليه بس و اضح انه
هيبقى ملىء بالمفاجأت من مناضل سياسى لشاب يمارس الحرية لدرجة الاستهتار التحول من النقيض للنقيض و لو ظاهريا فقط لانى مش مقتنعة انه التغيير ده داخلى اكيد هيفيد بعد كده

تعبتينى جدا و شوقتينى اشوف المدن اللى بيحصل فيها الاحداث فى حاجات لقيت لها صور فعلا و حاجات لا بس لانك ذاكره الاماكن بوضوح و هى اماكن فعليه حسيت انى لازم اعرفها علشان اقدر اتخيل الصورة كاملة خصوصا انه انا معرفتى باليمن الى حد ما ضئيلة لكن على ايدك اهوه هنزودها ان شاء الله

بالنسبة لساندويتشات البطاطا و السمك المقلى دى عند كل البشر الا عندنا احنا..!!!!! يعنى عندنا بطاطا و سمك مش تمشى ابدا تفتكرى ليه التفريق ده؟!!؟؟ تهليس تهليس مش تاخدى فى بالك

خاطرة البداية اعجبتنى لاخر اخر الدنيا

ـــــــــــــــــــــــــــــــــــــــــــــــــ

الفصل الثالث

لا دى مش رواية عادية بسيطة ده احنا بنتكلم عن الانتماء الحرية
الظلم السياسة الصراع على السلطة التغييرات اللى بتصاحب
اختلال موازين القوة او تغيرها محاولات تغييب عقول الشباب
اما بالادمان او بالتدين الخاطىء
بالأضافة للبعد التاريخى اللى بدون شك بيعطى عمق لاى رواية
انا هستلف كلمة ديو فعلا دى ملحمة مش مجرد رواية انا عايشة حياة كاملة
لها عدة محاور اهم من مجرد علاقات انسانية و تطوراتها انا بشوف تطور بلد كاملة
تشتت بلد كاملة انفصالها
و ما اقسى انفصال الوطن ربنا
يحمى بلاد المسلمين و البلاد العربية جميعا
من خطر الانفصال

كل اللى اقدر اقوله فى الفصل ده انى احترمت عبد العزيز اكتر
و بدأت احبه خصوصا لما اصر على اقواله
و مش خلى خوفه ينسيه معتقداته و ايمانه

طبعا اكيد الجثة مش بتاعت عبد العزيز
بس فى احتمالين يا يبقى اى حد تانى
يا اما يقولوا انها جثة عبد العزيز و بالتالى الناس تبطل تدور عليه
او تستناه بس يعنى لحد دلوقتى مش شفنا انه عبد العزيز مهم اوى كده علشان يعملوا له
الفيلم ده

رزق و الله العقل نعمة من عند ربنا و الغباء و التخلف له ناسه و مش هقول اكتر من كده


ـــــــــــــــــــــــــــــــــــــــــــــــــ

الفصل الرابع

خاطرة البداية رائعة روووووووعة السماء
و قاسية قسوة جبال تعز

فاى عذاب هذاااااااا
ان يصبح حضنك و امانك هو عذابك و غربتك
ان تذل و تكسر بايدى اخوتك و دون وجه حق
ان تقول على وطنك البلد المشئوم
و تقول على مكان هروبك مهما كان جماله انه جنه
اى جحيم هذا بان تنتزع بنفسك انتمائك و تعد وطنك
و إصلاحه كقضية خاسرة مؤؤؤؤؤلم لابعد الحدود

مصر نوووووووورت يا زيزو و الله من الاول لما قال هسافر
قلت هيجى ينورنا قام صدمنى انه رايح اثيوبيا
بس جالنا و شرفنا

البلد بلدكوا انتوا الطالعين واحنا الخارجين

مصر ترحب بالزوارمن كل الاماكن

و تجدوا عندنا ما يسركوا<< حسيتنى شغاله فى وزارة السياحة خخخخخخ
بالنسبة لسواقين التاكسى حتى احنا بيعملوا فينا كده اهىء اهوؤؤؤؤؤؤؤؤؤ
هما كلهم كام يوم بقى استحمل معلش

شوفتوا زمان كان مش مهم التأشيرة يكفيه جواز سفره العربى و نجط تحتها مليون خط
ايمااان انتى بجد بتخرجى بينا على قضايا و امراض مهمة جدا بالنسبة لوطنا و قوميتنا العربية
وجدية جدا تستحق المناقشة و تحتاج لحل جذرى

حلووووووووووو اوى احساس الانطلاق و الحرية اللى زيزو
بيمارسه ده عمال يتنقل من هنا لهنا الفلوس خلصت مش مهم
فطر شاى عااادى حلووو فعلا انه ادى الدنيا و الحياة حجمها الطبيعى
و مش ابالغ فى تقدير مشاكلها و لا اديها اهتمام مش تستحقه

يا لبى قلبه عزوزى انيق حتى و هو رحالة و مش لاقى ياكل
خخخخخخخخخ هو ده التميز
عزوز يختلف عن الاخرون خاااااالص


لالالالالالالالا يا فرحة ما تمت
خبطتها العربية وطارت :D
انا حاسه كده انه هو ده مدخل معرفته بسوسن

ـــــــــــــــــــــــــــــــــــــــــــــــــ

الفصل الخامس

و رجعنا تانى بالزمن عجبنى اسلوب الفلاش باك ده بيخلى الواحد فى اعلى درجات التركيز و التشويق هو انا بحبه فى السينما بيدى عمق كده لكن مش جربته فى الروايات الا مرات قليلة اوى
طبعا اصابة رجلة للوهلة الاولى صدمة مقيدة لروحة الوثابة بس جزاكى الله خيرا انك مش سبتينا نقلق كتير و ريحتى بالنا

سؤال هو كان فى عمليات استبدال للعظام و كده فى السبعينات....؟!!؟؟!!

و اخيرا افتكرت وطنك و ارضك البلد المشئوم على قولتك يا سى عبد العزيز
دلوقتى لما اتعرضت لمصيبة افتكرت لما تراجعت لذه المغامرة امام احتمال العجز او الاعاقة

بكره جدا تحميل الوطن لاغلاطنا بلدى لو اتمرمت فيها و اتمسح بيا البلاط هى ملاذى الاول و الاخير و هى احسن مكان فى الدنيا حتى لو اسوء مكان فى الارض هى عندى احسن مكان فى الدنيا جنه مهما كانت عيوبها و بعدين البلد هى الارض و الشعب عمرها ما كانت الحكام و الحكومات
و النظام و الاحزاب و السياسة
عمرى ما بلتمس العذر لاى حد بيغلط فى بلده او بيعبر عن عدم انتمائه لها او بيخجل منها

و تفيد بايه يا ندم يا ندم<< فيسى المطرب انت اللى اخدت القرار و حرمت نفسك من اهلك و حرمتهم منك

التعميم التعميم التعميم عيب قاتل متجذر فينا كلنا الا من رحم ربى من يقول من تصرف حد واحد او اتنين او حتى 10 احكم على فئة كاملة من البشر

زيزو مش عارفة ليه متضايقة منك الفصل ده و مش عذراك ابدااااااااااا

فاصل و نواصل بعد شوية
ان شاء المولى :)