حلم والا علم
جلست بغرفتي وقلبي احسه بيطلع من ظلوعي
وش ذا اللي شفته بسم الله الرحمن الرحيم
قفلت عيونها بتسترخي ورجعت فتحتهم بسرعه
: شادن
: شادن وينتس يا بنت
:طيب يمه هالحين جايه
وتوجهت شادن لامها
اليوم دورية الجارات عند امي
وتبيني اكيييد اساعدها
نزلت لامي

وانا بالمطبخ اجهز الشاهي دخل
علي اخوي محمد معصصب وحذف علي كتابي ودفتري
وقال وش جابهن بالمجلس
قلت بارتباك: معليش نسيتهن هناك اليوم وانااذاكر
قال وهو يضرس علي: كم مرره قايل لا تدخلين المجلس ولا تحطين لس فيه اغراااض
مره بكله مره خاتم ومره دفتر ترااا هذا اخررر انذار امشي وألقط وراس
قلت وانا ابلع ريقي طيب طيب ان شالله
وبقلبي اقول الحمد لله ما درا عن اللي صار والله لا يذبحني


جت امي تستعجل الشاهي وطلع محمد بعد ماعطاني نظره


اخيراطلعو الضيوف وابي اذاكر

جلست بغرفتي وفتحت الكتاب وتجي ملامح ذاك الشي بخيالي
بعد ما قهويت الجارات
قلت لامي: انا ابي اذاكر واذا بغيتي شي ناديني
رحت للمجلس اضمن مكان للهدوء وبسمع امي اذا نادتني
جلست وبديت اذاكر رياضيات فتحت الدفتر وبدأت انغمس بجو الدراسه وكنت مررركزه
فجأه اسمع صوت فتح باب البيت وقرقعة المفاتيح

وصوت اخوي محمديكلم بالجوال
وهو يدخل من الممر الى داخل البيت واختفى صوته
رجعت نظري لاوراقي وكتابي
وبسررعه لميتهم بهرب من المجلس قبل لا يدري ان دخلته
وارفع عيوني للباب وتوني بقووووم
الا وشوووووف ذاك الرجال اللي طول وعرض
اضخم انسان شفته في حياتي
ووجهه مختفي من الشعر اللي فيه
ولابس الشماغ بالطريقه الحمدانيه
وفوق ذا كله نازل شعرره الاجعد على متونه
ومشمر اكمام ثوبه البني المخطط الي فوق الكعب بشوي
واقف ومتنح فيني


ما اذكر الا اني بغرفتي وصاكه الباب علي ومتغطيه بالبطانيه
احاول اهدي نفسي من اللي صار
شلون هربت من قدامه ما اذكرر
قصتي القصيره الجديده كان هذا الحزء الاول منها. في حسابي انستغرام
a2zaz

خطوة كانت مؤجله وتمت بحمد الله مدونتي وان شاء الله بكون فيها كل قصصي ورواياتي ومذكراتي
http://a2zaz.blogspot.com/

يابوي لوالدمع يرجعك لا ابكييييك



http://www.youtube.com/watch?v=WLxoe5FLWhQ

ونزل الجزء الثالث بالمدونه وكالعاده اقعد على اعصابي لين يتم الردوالتعليق

اكيد اكون ارسلته لكذا شخص يقرأه وغالبا خواتي هن افضل النقاد بالنسبه لي
اليوم علقت اختي الاولى على لبس شادن طبعاقبل التغيير موتتني من الضحك تقول كانه صبابه في عرس
والثانيه تقول كأنه طالبة جامعه مكروفه
قلت لهن يا قلبي الحاله النفسيه لها دوور هي راافضه للي يصير معاها بعد تكشخ مايصيير بس بعد غيرت اللبس شوي

إذا انحدرت في مستنقع التنازلات في دينك فلا تتهجم على الثابتين بأنهم متشددون . . بل أبصر موضع قدميك لتعرف أنك تخوض في الوحل . . الحرام يبقى حراماً حتى لو كان الجميع يفعله .. لا تتنازل عن مبادئك و إن كنت وحدك تفعلها... دعك منهم فسوف تحاسب وحدك ' « وَكُلُّهُمْ آتِيهِ يَوْمَ الْقِيَامَةِ فَرْدًا » * "فَاسْتَقِمْ كَمَا أُمِرْتَ" لا "كما رغبت"