صباح الورد .. اشتقنا كثير لجمال حروفك .. ومشتاقين اكثر الى الالغاز الي تدور بين ابطالك ... لحد الان ماانكشف مين الغلطان ومين المظلوم في كل الي قاعد صير


جمال ووهم

ماتوقعت بعد حرقة هالاعصاب انو وهم تفقد جنينها لكن خيرة لها لانو هرمونات الحمل عاملة الهوايل بنفسيتها خليها تسترجع قوتها وترتب حياتها واذا الله كتب الاستمرار مع جمال ان شاء الله تحمل

لحد الان ماعرفنا كره وهم لجمال بسبب انو دخل عليها بوقت الملكة واجبرها تختصر المدة الغير مقبولة الي حددتها ولا مثل ماقالت انو له علاقات ثانية

احساسي يقول انو جمال ماعشق غير وهم ولا عرف غيرها وكل الي صار من جاسم لعب على الطرفين لانه طامع بوهم يعني سالفة خيانته وعلاقاته كلها كذب وافتراء من جاسم

واوهم جمال انو وهم تحمل له مشاعر وانها ماتبغيه وهذا الي صار بسبب اعتقاد وهم انو خانها صارت تنفر منه وطالبت بالفراق وجمال ربط هالشي بكلام جاسم والنتيجة الاثنين طاحو بفخ جاسم وماراح تنتهي لهذا الحد اكيد في اشياء بيسويها جاسم

اعتقد انو الي سواه جمال مع انه مو حرام ومن حقه الشرعي ردة فعل وحتى يضمن اتمام الزواج وانها تكون ببيته ويبعدها عن يد جاسم من خلال عشرتهم وتقاربهم اعتقد بينكشف الملعوب وبتوضح الحقايق لانو الاثنين عاشقين بعض ومجروحين من بعض بقوة

ماجد شخصية جديدة ماعرفناها لحد الان لكن اعتقد انو له نصيب من الاحداث ... وبيكون له حضور قوي


ننتظر التكملة وماتحمله من احداث

جمال ووهم
سبحان الله توقعنا تسقط زين اللي قبل العرس
الله يسعدكم كل واحد اوجع الثاني بأشياء وهم بشرطها
وجمال باللي سواه وياها
يعطيك الف عافية اختي وبإنتظارك

السلام عليكم ورحمة الله وبركاته


عدنا والعود احمد ، اعتذر لـ غيابي الي اضطريت اني اغيب لأن خالي توفى جعل مثواه الجنة ..

وبقية البارت الثالث تم اكتماله بجزئية بسيطة ويتبعها البارت الرابع في الجمعة القادمة بإذن الله

ابي دعمكم وتشجيعكم والي خلف الكواليس الرجاء المرور من هنا وضعي لو حرف ~



.
.
.



عمر الغياب

تمتمة البارت
-3-






.
.
.





تعالي أحبك قبل الرحيل فما عاد في العمر إلا القليل

أتينا الحياة بحلمٍ بريءٍ فعربد فينا زمانٌ بخيل
*** ***
حلمنا بأرضٍ تلم الحيارى وتأوي الطيور وتسقي النخيل

رأينا الربيع بقايا رمادٍ ولاحت لنا الشمس ذكرى أصيل

حلمنا بنهرٍ عشقناهُ خمراً رأيناه يوماً دماءً تسيل

فإن أجدب العمرُ في راحتيَّ فحبك عندي ظلالٌ ونيل

وما زلتِ كالسيف في كبريائي يكبلُ حلمي عرينٌ ذليل

وما زلت أعرف أين الأماني وإن كان دربُ الأماني طويل
*** ***
تعالي ففي العمرِ حلمٌ عنيدٌ فما زلتُ أحلمُ بالمستحيل

تعالي فما زالَ في الصبحِ ضوءٌ وفي الليل يضحكٌ بدرٌ جميل

أحُبك والعمرُ حلمٌ نقيٌّ أحبك واليأسُ قيدُ ثقيل

وتبقين وحدكِ صبحاً بعيني إذا تاه دربي فأنتِ الدليل
*** ***
إذا كنتُ قد عشتُ حلمي ضياعاً وبعثرتُ كالضوءِ عمري القليل

فإني خُلقتُ بحلم كبير وهل بالدموع سنروي الغليل ؟

وماذا تبقّى على مقلتينا ؟ شحوبُ الليالي وضوء هزيل

تعالي لنوقد في الليل ناراً ونصرخ في الصمتِ في المستحيل

تعالي لننسج حلماً جديداً نسميه للناس حلم الرحيل


فاروق جويدة



.
.
.





في الجانب الأخر





يرمي الاشياء بغضب ... وعروقه تنبض بغليان
فرح: جاسم تكفى خلاص .. هي ما كانت لك بالبداية
امسك بها بغضب: حتى يوم عرفت ان خانها رضت فيه وتزوجته .. وأنا
فرح بحزن لحاله: جاسم انت خططت لـ ها لشيء شوف وين وصلت هي تزوجت وانت تندب حالك ...
جاسم يكز على اسنانه: ما هقيت ان تأخذه ، راجع من السفر وجاي فرحان وأتفاجأ متملكه على ولد عمها .. وانا وخطبتي لها.. من ابوها ليه يحطني في هالموقف !!!؟
فرح: جاسم بنت خالك مسميه لـ ولد عمها من وهي صغيرة .. انت تقول ان ابوها وافق لكن وهم رافضة
جاسم: وترفضني ليه ... وش الي يعيب فيني
فرح ابتسمت له بحزن: يا اخوي النصيب .. وهم ماهي من نصيبك
جاسم: ما راح اخليهم .. بـ كيل اوجاعي وازيدهم ظنون وحيرة
فرح وهي تنظر لعين اخيه وبـ رجاء: تكفى يا جاسم .. اعتقها لوجه لله .. لا تنسى ان عندك خوات .. وبعدين امي خطبت لك مدى
اتسعت عينيه بصدمة: مدى .. وامي مين قال لها تخطب لي ... تبي تحطني بالأمر الواقع وارضا لكن انا غير وهم ماني مأخذ وهذاني اقولها بوجهك ...




فرح: اصبر وين بـ تخرج الله يهديك
جاسم بملامح اختناق: ماني طايق نفسي .. وخري عن طريقي
فرح: جاسم تكفى يا اخوي لا توجع امي ببعدك عنها .. اهدأ وتفاهم مع امي في موضوعك
كانت تقف أمام طريقه تعارضه بقسوة أبتعد عنها لـ يترك لها المكان
فرح تتنهد بأسى: الله يستر ...







.
.
.








يوم جديد




كانت مستلقية على سريرها ، ترتدي قميص حريري وفوقه روبها المحكم بإغلاق
لـ يدخل ويشد خطواته .. ثم ابتسم لها: صباح الخير
نظرت لعينيه وبهمس: صباح النور
لـ تقف متجهة لدورة المياه .. امسك معصمها: جهزي نفسك بـ نتغدا عند اهلي ثم نسافر
ابتسمت وبضحكة: جمال .. مابي اسافر لا تتم زواجنا بشهر عسل كذاب
ببرود اردف: بـ تسافرين وخلي عنادك على جنب .. كلها اسبوعين ونرجع
ابتسمت له: خير إن شاء الله ..




ابعدت يديه ثم غادرت ، اغلقت الباب وترمي المياه لـ ترى ملامح شاحبة
ملامح عروس وفرحة ناقصة .. نثرت المياه على وجهها ومن ثم مسحتها بـ منشفة بيضاء ...
بعض تفاصيلها لم تعد لها وبعض تفاصيلها لم تعد تشغله
انها بداية النسيان يا سيد التفاصيل الجميلة ...








.
.
.






طرق الباب وبهمس: الفطور يا وهم ...
لا رد منها ... ما بالها لا تفهمه قلق عليها ليطرق الباب من جديد
بغضب: افتحي الباب يا وهم وتعوذي من ابليس
مجرد صمت وصوت المياه كز على اسنانه ، وابتعد عن الباب

لـ يجلس على الاريكة ومن ثم مد يده لـ يأخذ الهاتف لـ يلقي نظرة
3 مكالمات من عبدالمحسن .. ورسالة تهنئة ..

اتصل على عبدالمحسن ...
ليرد باقتضاب: جمال .. انت وين ؟
ببرود همس: انت طيب .. وراك ما حضرت زواجي
عبد المحسن: مو وقته العتاب .. اختك ما عاد لها مكان في بيت الزفت .. والله لو انه لا رد من ينبع انه لا اقتله ؟ القتل في دمه حلال
جمال: الحين انت بعقلك .. وش الي تقتله .. يعني ما تعرف اختك وتعبها هي راضية انت وش لك منفعل
عبد المحسن: لا تقول منفعل سيد الباشا مزودها وانت بكل برود تقول انها راضيه يخي على الاقل كون منصف لها لو مرة في حياتك ... إذا ما تهمك اختك ملاك
لولو و خالد ما يهمونك
جمال: ابوي ما كان يدري عن سواياه ... لا تطلب شيء فوق طاقتي انا قد قلت لها وبحضورك انت بعد ... انها إذا ما تبيه تعيش في بيت ابوها معززه مكرمة ولا احد يهينها بكلمة .. لكن إذن من طين وإذن من عجين
عبد المحسن: لا حول ولا قوة الا بالله ... وش سواه يعني نسكت لحالها الي ما يرضي لا عدو ولا صديق
جمال: بمر عليها اليوم وبشوفها .. انت ما زلت في كندا ..
ابتسم: راجع إن شاء الله كلها 5 شهور .. مبروك على الزواج
تنهد بتعب: الله يبارك فيك ...
عبد المحسن: وراه صوتك كذا اعوذ بالله ..
جمال: مو هاين علي اشوف اختك بهذا الحال .. لكن لازم اسفر العروس
ضحك: يا شيخ تمتع في حياتك هي شهر عسل مرة في العمر
ابتسم: على خير .. تبي شيء محتاج شيء .. لا تستحي من اخوك
عبد المحسن: لا يا اخوك ... مو ناقصني الا شوفتكم ..
جمال: هالله الله في صلاتك يا عبد المحسن ...
وهو يبتسم: إن شاء الله سلم لي على الوالدة ...
جمال: يوصل .. تأمرني على شيء
عبد المحسن: سلامتك يا اخوك .. فمان الله
بهمس: بحفظ الله ...






.
.
.







اغلق الهاتف لـ يرميه على طاولة الدائرية التي توسط ما بين اريكتين لـ تفتح الباب
ترتدي زهري لمنتصف الساق موضح نحولها الشديد ، شعرها الليلي الذي يتراقص على كتفيها ضعيفة ..
ابتسم: نعيماً ...
لتنظر لـ عينيه ثم بهدوء: الله ينعم عليك ..
جمال مد يديه: تعالي هنا ...
لتحضن يديه من ثم امسكها لتسقط بين احضانه ..
وهم: جمال ..
جمال ابتسم بحب: يا عيونه
وهم: شوف بـ افتح صفحة جديدة معك .. لكن والله لو غلطت فيني مرة ثانية
وضع انامله على فمها من ثم همس: اشش انسي كل شيء وارميه ورا ظهرك
تدرين ان ملامحك حلوة بدون ها الخرابيط الي تحطينها بوجهك ..
زمت فمها بزعل: لا والله سيد جمال .. اصلا انا حلوة
قبل جبينها بحنان: بعيوني انتِ ملاك يا وهم ..
بخجل انثوي: جمال وش فيك .. عيونك تقول اشياء كثيرة
قبلها بهدوء ثم ابتسم: مثل شنو
لـ تضيع بين عينيه من ثم تردف: جمال الله يخليك مابي اسافر .. انا وحده اكره السفر
تكفى لا توديني مكان شوف لو تبي نروح مناطق المملكة ونزورها شبر.. شبر ما عندي مانع
بس مابي اسافر ..
مسك يديها من ثم نظر لعينيها الناعسة: شوفي الخوف لازم تواجهينه وتكسرين حاجز الخوف ، وبعدين أنا معك
وهم بجدية: مابي نسافر وملاك .. والله ما يهون علي اسافر وهي متضايقة افهمني وانا عارفة انك تبي تسفرني شهر عسل بس ملحوق عليه
جمال: هقوتي ما خاب ظني فيك .. الي كاسر ظهري عنادها وسلبيتها .. ملاك ما كانت شخصيتها كذا ..
تعبت منها مصره الا تأذي نفسها والله انها مـ وجعتني ولا يرضيني الا انها تكون سعيدة بحياتها بس ماهي مرتاحة .. هي توأم روحك يمكن تفهم منك أكثر من كوني اخوها
وهم: تأمر حبيبي
ابتسم ثم مسك يدها: وش قلتي توك
عقدت حاجبيها: قلت تأمر حبيبي
جمال: واخيرا قلبك حن علي وتنازل يا شحيحة
بغضب: جمال انا بخيلة ... وش بخلت عليك
جمال: شحيحة في الحب ...
ابتعدت عنه ، لـ تجلس على الكرسي ثم تسحب مشط لتسرح شعرها وتنظر لصورته العاكسة بالمرآه




حضنها ثم همس بهدوء: زعلتي
وهي تنظر لعينيه: ازعل ليه .. دامني بخيلة فـ هو جزاك واقل بعد من جزاك
لـ يقهقه وهو مستمتع لـ تعذيب غضبها الذي اشبه بطفولي ..
زفرت: جمال وش الي يضحك في الموضوع .. انت وش فيك اليوم
بخبث ابتسم: وانا صادق لي شهور وانت شحيحة في حبك وعطائك حتى الناس الي اقرب لك
تنهدت: جمال فضها سيرة .. ودني لـ ملاك ابي اشوفها لي فترة طويلة ما شفتها
لـ تبعد عنه بهدوء في لحظة تدور ...
امسك بها وبغضب: شوفي تهورك وين وصل قومي افطري و لا تقولين لي ما انتِ مشتهية .. بوكلك بالغصب
ابتسمت له بوهن: انا بخير بس هذه دوخة شيء عاي ...
بصارمة: من متى تجي لك دوخة ... ما تردين يا مدام
امسكت بيده لتضغط عليه بقوة: مدري ما لها الا كم يوم .. انا بخير
جمال: شوفي تهاوني في كل شيء إلا صلاتك وصحتك فاهمة
لـ تهز رأسها علامة القبول .. لـ يجلسها بالكرسي من ثم يعطيها بعض قطع من الخبز المحمر بـ زبدة وجبنة ..
جمال: افتحي فمك .. ولا تعارضين ولا بكلمة
ابتسمت له بحب: تدري احس نفسي متناقضة قبل كم يوم كنت شايله عليك والحين احس نفسي طبت من كل شيء.. جمال كل يوم اتحلم احلام غريبة عجزت افسرها
بادلها الابتسام: إن شاء الله انها خير .. سمي بالله ولا تتهربين من الاكل



قلبها يخفق بقوة .. لا تفهم ما الذي يحصل معها بعد رياح العاصفة هدوء قاتل بضلعها
لا تعلم ما بالها وكأنما عاشت معه منذ سنين و هي اول نهار بزواجها .. وتتصرف بكل بساطة وشفافية .. وكأنما اتفقت روحهم بـ هدنة تمر بسلام .!!







.
.
.






في العصر





وهي تدور بين ارجاء غرفتها .. وبكاء طفلها الجائع



ملاك: خلاص ... يا عمري انت .. انت الي بـ تعوضني عن ابوك ..
تحاول ترضعه ولكن لا يستجيب: يا ماما وش فيك متوجع من شنو يا روح امك
تبي اوديك طبيب ..
لولو: ماما خلودي ليه يبكي
ملاك لا زالت تدور دون تعب ... لتدخل ياسمين لتمحي ابتسامتها
ياسمين شهقت: ملاك بسم الله وش فيه صياحه واصل لغرفتي
ملاك بخوف واطرافها تبدي رجفة: مدري ياسمين .. كلمي ابوي يوديه لطبيب ، والا بدر ..
ياسمين: طيب .. بس هدي بالك روقي واعطيني خلودي
ملاك بغضب ناري: قلت لك نادي ابوي .. أنتِ ما تفهمين
ياسمين بصدمة: بسم الله الرحمن الرحيم .. ملاك حبيبتي هدي بالك انا بروح بس عطيني خلودي وانتِ البسي عباتك وبطريقي بكلم بدر ...
وهي تدور بحلقة مفقودة: خذيه انا بلبس عباتي وبلحقك




خرجت ياسمين .. لترى أمها ..
أم جمال: وش فيها اختك .. وراه يصيح
ياسمين: مدري يمه .. شفتي بدر ..
أم جمال: خرج اليوم لصاحبه عازمه على الغدا ... هاتي اشوف
لتتقدم بضع خطوات وتعطيها لأمها ...
أم جمال: يا وليدي .. بطنه يمغصه عطيني دواه .. هاتي دواء المغص
ياسمين بربكة: يمه ما ظنتي في دواء ..
ام جمال: هو ... ما به وقت تظنين .. عجلي يا امك
ياسمين: إن شاء الله يمه بروح ادور عساني القاه ...




وهي تحاول تثبت الطرحة لكن رجفة يديها لـ يسقط من يديها من جديد ...
لـ تنظر لعين امها بخوف: يمه ولدي به شيء .. والله ان قلبي حاس انه به بلاء
أم جمال: تعوذي من ابليس يمه .. وتعالي ولدك بخير إن شاء الله ما عليه الا العافية ولدك ممغوص وانا امك
ملاك بخوف وبنظرات تائهة: هو بخير يمه صح يمه هو بخير
أم جمال بـ انكسار: لا حول ولا قوة الا بالله .. تعالي يا امك اقربي .. وراك خايفة
لتجلس بقرب والداتها و تعناق طفلها و ضلعها يئن من الجرح المكشوف
أم جمال بصدمة: تنفسي زين يا يمه بـ تكتمين انفاسك .. خذي نفس يا امك .. حسبي الله ونعم الوكيل فيك يا سالم .. حسبي الله ونعم الوكيل فيك
ملاك بجنون بدون وعي تهمس: يمه لا تدعين عليه .. بعدين يصقعك بكهرباء
اتسعت عيني والداتها وعينها تدمع: يارب تصبرني .. يارب تهون على ها المسكينة





لولو بخوف: ماما ليه تبكين
لتمسح دموعها: انا ما ابكي يا ماما .. عيني دخلت بها غبره ..



لتأتي بهرولة وهي تأخذ بضع انفاس
لـ تزفر: بعد ما قربعت ابو دنيا لقيته .. يمه وش فيك !!



















.
.
.





كل ثانية تُسحب من عمرك فسجل فيها عمل ينفعك تسبيحة أو تحميدة أو تهليلية أو تكبيرة خير من الدنيا وما فيها فوا حسرتاه على الغافلين.



لقاؤنا الجمعة القادمة إذا الله اعطاني عمر




.
.
.






عمر الغياب