مها حبيبتي

المفتول عباره عن برغل يوضع عليه طحين القمح فقط >> الابيض بخليه عجين
كيف بتعمله امك بدون برغل ؟؟؟؟ اساليها اذا حدك

الاضافات اللي بتعملوها اليخنه والقرع انا مابعملها حكتلي عنها هموس وسالت امي قالت هي بالاخر

كانت جدتي تتضيفهم الله يرحمها

بطلوها اكلات زمان واعراس زمان يايعني امممم هلا صارو بالصاله وحجز وابصر شو
المفتول ببنعمل جاهز واغلب المغتربات بجيبن معهن بس انا مابحبه جاهز >>>> على قولة ام البين سنعه

برعوومة بلى بينعمل المفتوول كمان بطحين

جدتي الله يرحمها كانت بتعمله بالطحين الاحمر<<<وعلى فكرة جدتي من غزة ^^
وكانت تجيب زي شبكة نسيت ايش اسمها وبتحرك ايدها وبتعص عليها ومش عارفة كيف بس بيطلع قي الاخير مفتول <<ايش رايك بشرحي ها !
بس امي بتعمله بالبرغل
.....
شوفي احنا عنا الاعراس من ايام الاسبووع في بيت اهل العريس
والحنا بالصاله والعرس حسب! في عائلات بيعملنهن في صاله , واللي عندو مساااحة بيعملن عندو في البيت !!

اها الله يرحم امواتنا يارب
زمان كان غير حتى الرز ماكان موجود والبرغل متوفر واوفر واكلات صحيه
اواحنا كمان تحضيرات العرس بتبلش من اسبوع >>>> تعليله
ليلة الحناء بيعملو عشاء وعلى المناسف بنحط كبه
ودبكه ومجوز ياعيني ههههه جو من الاخر

يلا المشاركة 894 اهو .. نشوفو مين هيطلع الـ 1000 ويبقى نجم الحفله

هههه هموسة ..
ايوة يا قلبي بعرف الرحمات .. اخر مرة عملني مفتول كرحمة كان قبل سنتين .. و الحين كل هاد صار زمان ..
و بالنسبة للأفراح كانوا زمان يلتزموا بيوم الجمعة للفرح .. بس الحين بطلوا عشان حجو الصالات و قاعات الأفراح ما بيضبط معهم يوم جمعة ..

&&&&&&&&&

لولو ..
ايوة يا قلبي امي جنبي .. من دون ما أسألها أنا أقلك لأني بقعد معها لما بتعمله .. و بعرف بالشكل .. بس عندي احساس لو عملته لوحدي مش هيضبط متل ما بتعمله هي ..

بصي يا حلوة ..
بتحطي طحين أبيض و طحين قمح .. و بتخلطيهم مع بعض و شوية ملح .. مع مراعاة كمية الطحين .. و بعدين بتصيري تحطي ترشرشي ميا مش كتييير عشان ما يعجنش .. كل ما ترشرشي قلبي فيه .. يعني حطي شوية مية كانك بتسقيه و بتحركي فيه .. و يبقي فيه شوية طحين .. مش يصير عجينة يبقي فيه شوية طحين و بتبدي تبسيه .. بتعرفي " البس " زي ما بتبسي للكعك .. بتضلها تبس فيه لحد لما يصير زي الخرز و يكون صغير .. بعدين بتحطيه بغربالة .. و تنزليه من الكربال ..
و بتبدي تنزليه شوي شوي من الغربالة و تحطي شوية مي .. و انتبه يكون زي الخرز الصغييييير .. لأنه ازكي و بيستوي أكثر .. و بتراعي إنك تحطي عليه زيت و انتي بتحطي عليه مي .. و ما تمليه مي .. تقريبا بمقدار ربع كاس شاي .. و بعدين بيكون هيك جهز للطبيخ و تبخريه بالطنجرة الخاصة فيه ..
و بعد نص ساعة إتاكدي إنه ما يكونش عجين .. لازم يكون مستوي .. بتنزليه و بترشرشي شوية مي .. بترجعي تحطيه و تبخريه كمان مرة .. و احنا مع التبخيرة التانية بنكون مقطعين بصل قطع صغيرة و كمون و جرادة و فلفل أسود و ملح و جرادة ناشفة و فلفل أخضر إذا بدك و بتدقيهم و عليه شوية زيت .. و بتحطي علي المفتول و بتحطيه عالنار التبخيرة التانية ..
و اتاكدي إنه بيطلع منه بخار .. و بعد شي نص ساعة بيكون استوي و جاهز ..

<<< ملاحظة امي بتقول إنه ما بتظن عندكم غربالة أو طنجرة اسمها مفتولية :)

اي سؤال ؟؟؟
&&&&&&&&&&&
هموس اللحم أزكي مع المفتول .. و علي فكرة انا بحبه ناشف ما بحب احطله مرق :)