مساء الخير حبيبتنآ ومبدعتنا وعوده ..كيف حالك وعساك طيبة ؟؟
يازينك ويازين البارت،،حمستيني اعرف كل شيء واحس تحمست اتعمق واوصل لباقي الرواية..
قاعدة اتخيل الاحداث..طلبتك طلبة يالوعد لا كتبتي لا توقفي او تقفلي الرواية..لان في كاتبات يبدعون لكن فجأة تلاقينهم متوقفين تمامًا عن الكتابة.. لانك راقية الحرف وتجذبين صراحة ..اتمنى منك واطلبك طلبة انك تكملين لنهاية الطريق..واحنا معك ان شاء الله.. والأعضاء الحلوات اللي يتابعونك لاتخافين..يمكن ينتظرونك توصلين لأعماق الرواية حتى يردون عليك.. وصدقيني راح تشوفي عدد هائل يتابعك.. بس هذي هي خطوة بداية لا تتراجعي بسببها.. بل بالعكس تقدمي واثبتي جدارتك..الكاتبة كل ماثبتت جدارتها وحاولت بتلقى متابعات ماشاء الله..

وانتي ماينقصك ماشاء الله عليك سحرتينا بقلمك منذ البداية..وأنا كل مرة أتفاجأ بصراحة بابداعك..
بالنسبة على قولة مشرفتنا الحلوة شبيهة القمر ..ان الوعد حقتنا ماهي حقة الوحش.. اللي نتمنى انه مايكون وحش..وصحيح الظاهر انه تخلى عن الوحشية..عشان نكسر روتين الاحداث..ويكون افظل تفرد بـ اسلوبك الناضج في الطرح الموفق ..

شيء ثاني ..ضرغام حالته تهد الحيل من البارت الثالث وانا متأثرة عليه وشوي وابكي على حالته..مكسور خاطره وقلبه يبي له جبر ببنت تطيب خاطره وتساعده على انه يرجع ضرغام الأولي..

سلطان وغُزلان .. ثنائي جميل..اتمنى مايصير بينهم مشاكل.. واتمنى سلطان يستمر على حبه ..
وشهاب وخالد ههههه هذول عاد يبي لهم قلب الجده ام ذياب وعليآ عليها ..مسكينة م غير تزامر في خويلد هالنذل..<<<لاتضربين ..

شاهين ورهان اختفوا ..؟! هههه يعني يبي لك البارت الجاي تجيبين طاريهم..
ماقدر اضيف اي شيء اخر لان بكل بارت تتقدمين وتثبتين الجداره..

السلام عليكم
كتبت رد طويل وانقهرت انه حذفه الايفون بسبب الصفحه
يلا الله يعيني اعيد الرد
تسلم ايدك وعوده حبيت الوصف وخصوصا في لقاء هزاع مع الوعد
حبيته حيل
حبيت غزلان مع سلطان بس خايفه يكون يلعب بمشاعرها وانه ماحبها ولا شيء
هزاع اتوقع الرجال اللي اسمه حمد هو سبب دخوله السجن انه اشتكا عليه
وكان سبب دخوله لسجن
يعطيك الف عافيه وبانتظارك وانتظار ابداعك حبيبتي وعوده

مسائكم وصباحكم نقاء. حبايبي الا هنا والا يمرون

قمورررره منوره الحته يابنت والله ناويه اعزمك تجين تقرينها بس قلت اخاف توقف الروايه خابرتن عمري ماعزمت على روايه الا توقفت هههههه

بانتظار طلت المملوحه حبيبت قلبي الا ساكنه ربوع لندن خريش. تطل علينا هنا في شين بيجوز لتس قلوووب تنبض




بعد المقدمه الافوق عدنا والعود احمدو. رغم اني والله وراي ميه وتسع وتسعين شغله على قول خالتي الله يغفر لها ومخي متنح وماعندي تحليل ولا توقع

لكن اهنيك قلمك جذبني ذكرني بزمن اقلام الطيبين ههه

ااحرف جميله جدا. لكن لفتتني اللهجه لاهيب للهجة الجنوب مدري وشهي للهجتك هههه يحلفون انها نست الجزء وقامت تفكر في اللهجه اعجبتني كثيررررر


احرفك طرت على قلبي على قول اهل مصر هههههه. ايه ياهزاع وش وراك من اسرار. وش مخبي. للوعد.

الوعد يتمنعن وهن الراغبات هههههه. مار وبس وطاح الحطب الا في راستس من كلمتين.

ههه هالخالد والله انه يطري على ناس الله يخليهم لي ويصلحهم





الوعد الاسم عاجبه تردده. قلوووب تنبض

بانتظار المزيد من حرفك واعتذر لردائة الرد لكن ماحبيت ادخل ومسجل حضووور






ف عز الكلام سكت الكلام

صباح الخيرات .. صباح المشاعر الحلوة والرومانسية الي تسعد القلب ... ترتيلة جميلة جدا عيشتنا جو كبير من المشاعر المتنوعة لكن هل بيظل الحال على ماهو مااعتقد حاسة انك بتصدمينا بأحداث من النوع الثقيل .. والله يستر عاد مايكون واحد مطينا مابيلاقي غير خيزرانتي على جنوبه خخخ

في تحسن ملحوظ جدا منك ياعسل في الوصف والسرد .. لكن بعد زيدي عيار الوصف بالنسبة لوضعية الشخصيات يعني لما توصفي المكان اذكري الشخصية كيف وضعها جالسة كيف مين جنب مين ومين مقابل مين ... مثلا شهاب لما كان يذاكر لخالد ماوصفتي هم وين جالسين وكيف وضعية كل واحد وخالد الدلخ عيونه ومخه وين مطيرهم والله لو هو عندي خليته يرطن الي بيدرسه بالثانوي الخايب .. اجل يجاوب على عمره والسؤال عن اسمه .. ولدي البزر الي ماوصل للروضة استاذ جنبه .. عيال الروضة يعرفو الالوان والحروف واسماء الفواكه وهالخبل يتحرطم

الا مهرة بدل هالضحك ورى ماصكته بأخو يكسر راسه مابيتعدل الا اذا شاف الي بياخذ الجو عنه خليها تحمل ولدها صار ثور وشهاب والجدة وراهم ساكتين لها .. فيس التحريض ولقافة الحريم


ضرغام

حلو اسلوب امه التدرج في هالمواضيع مفيدة كثير .. وان شاء الله قريب بيجي لامه وبيطلب منها تشوف له وحدة صبورة وتقدر الي مر فيه .. عاد هالموقف يبغي له وحدة ناضجة وفاهمة وتعرف تتصرف حتى ضرغام يقدرها ويقدر يتعامل معاها بدون ظلم لها .. وننتظر زوجة المستقبل الي اكيد بتتعب في البداية لكن بتكسبه في النهاية


سلطان وغزلان

الحمد لله فرحتينا بتعامل ام سلطان مع غزلان ربي زرع المحبة في قلب هالحرمة لهاليتيمة .. واتمنى تكتمل فرحتها برجوع نظرها وببزر يملي عليها حياتها اكثر

للان عندي احساس انو في صدمة من سلطان لغلان جاية بالطريق ماراح تكون حياتهم بهالهدوء لابد من احداث بتصير بيكون لها تأثير بس كيف وايش ننتظر الطبخة تستوي على مهل


هزاع والوعد

ثنائي جميل والاجمل تعبير هزاع عن مشاعره .. يمكن البعض يشوف انو هزاع متسرع بتصرفاته وهو اول مرة يجلس مع الوعد .. لكن عادة الي بعمر ناضج تصرفاتهم تكون اجرء من الي بسن اصغر يعني مااتوقع تصرفات رهان لشاهين بتكون بنفس النمط .. صح في تعبير عن فرحة وعن مشاعر يحملها الاثنين بس هزاع غير ..

ولاننسى المحنة المريرة والظلم والحرمان من الامان والحرية طول 15 سنة شئ مو بسيط منه ... عادة هالظروف تخلي الانسان جاف في المشاعر لانه ماعاش كأنسان طبيعي طول ايام الغربة

انحرم الفرحة وانحرم الضحكة مافي غير الالم والوجع والحسرة على العمر الي ضاع ... بعد هالحركات اعتقد انو الوعد بتتعلق وبتعشق هزاع مثل اي انثى بتكون مكانها ... لكن وقت المحن الي اعتقد ماانتهت من حياة هزاع كيف بتتصرف الوعد وكيف بتساند هزاع

وهالحمد الزفت ليش يلاحق هزاع بعد الجرم الي سواه بحقه ... ليش مايعتقه وايش مبتغاه اصلا ... نجهل الكثير واعتقد مازال هناك شخصيات كريهة بتظهر مع الاحداث والله يعينهم على الدعوات الي بتجيبهم من المتابعات واولهم انا خخخخ .. من زمان ماهاوشت شخصية برواية على حرقة اعصابنا بسببهم بس شكلنا قريب بنجدد النشاط

في انتظار الترتيلة الجديدة على نار