السلام عليكم
الوعد ابدعتي في هالبارت
عرفنا قصة ضرغام وعائلته اللي فقدها الله يصبره
اتوقع امه بتقنعه يتزوج
غزلان مع سلطان ياترى بدى يحبها او تمثيلية
بس اعتقد انه بداية حب لها
الوعد الله يعينك على هزاع
وعقده بس انا متأكده انك بتخليه يحبك بعفويتك
شكرا الوعد وانتظرك بالبارت الجاي

وعــــــودهـ ..
اانا من زمان وقلبي حاكني انتظر رواية زي كذا
بس مالقيت منهو يشجع.. وجيتي انتي الجميلة ونطيتي وعطيتنا ذيك الرواية اللي تسر الصدر..
تطورات هزاع.. واسلوب الوعد واعتذرها شيء رائع ومقدمة لـ أحداث حلوة ..
وغزلان وسلطان .. ياقلبي عليهم ثنائي مرح يهبل..
ضرغام .. ياقلبي عليه قسم فجعني هالبارت عليه شوي واصيح.. من اسلوبك اللي يدمج القارئ
شوق وبزارينها ..احسهم يهبلون..
الجده ام ذياب..ياهي عليها اتفاقات من ورا ظهر الوعد مع هزاع مايندرى وش تاليها..
بانتظارك بشووووووق وبأحر من الجمر .. والبارت موعدهـ الخميس والجمعة والسبت لاتنسي وعودهـ ..
بانتظارك <333

صباح الورد ... يالله انا جيت اشجعك وادعمك هنا بعد دام اني ليلاسية بعد خخخ ... جدا راقت لي الترتيلة فيها الهدوء والكثير من المشاعر المتنوعة لكن عندي منك طلب بسيط وهالشئ راح يعطي للرواية طعم لذيذ انا بطبعي اعشق هالاضافات لاني احس اني ادخل داخل جو هالاحداث بسببها

اول شي ياليت تحددي لنا المنطقة الي تدور فيها احداثك لانو اللهجة الي تكتبي فيها مومنتشرة بالروايات حلو انك تعرفينا هاللهجة الحلوة لاي منطقة بالتحديد تنتمي حلو تعرفي القارئ على لهجات لمناطق يمكن سمع عنها بس ماعرف لهجته بكذا انتي تعرفينا على اشياء جديدة علينا وحبيناها

قبل كل مشهد اذكري مكان الحدث يعني مثلا بيت الجدة الساعة 4 العصر بالصالة الواسعة كانت جالسة بجلسة ارضية لانها بطبيعتها وبحكم كبر سنها ماتحب الا الجلسة على الارض ...الخ وتبتدي توصفي لنا لون الصالة اذا فيها ستارة نافذة اي شي يخلينا نعيش هاللحظة
اوصفي طريقة جلسة الجدة ونظرتها وين موجهة اوصفي لنا ملامح هزاع لما طلع متضايق كيف كانت يعني التعمق في هالتفاصيل لها نتايج حلوة بشكل كبير على مستوى الرواية وانتي ماينقصك ابداع ولا خيال قادرة تبتكري لنا العجايب

نجي للتعليق على الترتيلة الجميلة لليوم ...

هزاع والوعد

اكثر شي حببني بروايتك هو نضوج اعمار شخصياتك وخصوصا الرجال .. لان الاعمار الناضجة توحي على نضج احداث الرواية مو بس الشخصية راح تقنع جميع الاعمار مو بس فئة عمرية وحدة ..

من الاول وانا اقول انو هزاع قلبه محمل بالكثير من المواجع وعاش ظلم مايتحمله الا ايمانه قوي على الغربة الطويلة الي عاشها مازال متشبع بالعادات الشرقية والرجولة الي تنبع من تصرفاته

طريقة عقاب الوعد جدا جميلة اشتغل على وتر المشاعر الي تكنها للجدة حلو انو عالج المشكلة من بدايتهم قبل ماتطور حياتهم في المستقبل لانو قدامهم مشوار طويل

اما الوعد ياليت تكون عقلانية اكثر وتخلي تصرفاتها اكبر من عمرها .. صح صدمة انا معاها فيها وخصوصا ماكان في تمهيد لها من الاول لكن مثل ماهي دوبها تتعرف على زوجها نفس الشي هزاع خبره فيها عمرها خمس سنوات بس ... فرق العمر مو مشكلة في الحياة الزوجية طالما تواجد التفاهم والاحترام والتقدير من الطرفين لازم تكون الوعد الصدر الحنون الي يحتضن هزاع بالمستقبل وهي الي تعرفنا على المعاناة الي عاشها من خلال تقاربها معاه وبننتظر كيف بتتوافق هالشخصيتين مع بعض ويكسرو الكثير من الفروقات


غزلان وسلطان

غزلان هالبنت جدا متعاطفة معاها وخايفة عليها من سلطان لاننا للان مومتأكدين هل سلطان يتصرف بمصداقية ولا في شي بداخله مخفيه وممكن يصدم هالمسكينة ... ياليت تخلي كل شخصية تعبر عن مشاعرها عن طريق مخاطبة النفس يعني نعرف تفكير شخص بينه وبين نفسه حتى نوصل لاكبر مقدار من المشاعر ونتعرف على الشخصية بشكل اكبر ..

ضرغام

موجع وصفك للحادث وهيئة كل شخص في هالحادث ابدعتي في توصيل الصورة لنا وهذا قصدي بالتعمق اكثر في السرد والوصف خليتيني اتخيل الحادث والموقف واتوجع لوجع ضرغام

راي اخته صحيح بالزواج دام نفسيته متأثرة بقوة لكن مااتمنى امه تحط رضاها شرط لزواجه لانو الحياة الزوجية اذا ابتدت بالضغوط الضحية هي الانسانة الجديدة لازم يقنعوه بالعقل ويراعو انو موبس فقد زوجته وعياله لكنه كان متواجد في هاللحظة المرة مااحد يعرف مقدار الوجع الي عاشه هو

انا ضد استخدام العصبية او الاجبار لاقناع شخص بالزواج ... في شئ اسمه تحاور بدل هالتصرف يخلو شخص عقلاني عنده اسلوب هو الي يكلمه انو لازم يبني له حياة جديدة ويكمل مشواره علشان يخف وجعه .... الكلمة الطيبة والاسلوب الحنون له تأثير كبير حتى على الشخصيات العنيدة

عسولة عرفينا من خلال الاحداث على اعمار باقي الشخصيات ومواصفاتهم حسب ظهورهم في الحدث علشان نتخيل الصور والحدث بشكل سلس

في انتظار الترتيلة القادمة