كاتب الموضوع :
الوَعدْ
المنتدى :
ارشيف خاص بالقصص غير المكتمله
رد: وعُود مرتّلة ..!
قبَل إبتدَاء هذا الوَعدْ التّالِي ، ..
أريدُ أنْ أهمسَ لكلِ قارئَـ|ـه ... !
لستِ مُجبَرة على مُتابعَة هذهِ الرواية طَالما انها تُلهِيك عن " الصلاة " ..!
ويُشّرفنِي أن تكُونَ من أولوياتِك في القائمَه هذهِ الرواية دُون التكّثبُ عن بعُدِ ونسيَانِ الفَرائِضْ ..!
جميعَنا نعلم أنها مساحة يَشهقُ فيها الأبطَال أحداثهم ، ويَزفْرُ فيها القَراء ردُودَ أفعالهَم ..!
نحَو هذهِ الرواية ..!
نُريدُ أن نتَبادل الأدب ..ونَجعلْهُ من أوّلِ أولوياتُنَا .. أنا أرحّبْ بالجَميعْ ..الجَميعُ دُونَ إستثنَاء..!
و علاوَة هذا فأنا أقرأ كل ردّ دُونَ إستثنَاء ، الناقِد والمادح ..!
ولا أتجاهلُ من الردودُ شيئًا سِوَى " البعيد عن الأدب" !
لذلك فـ لتثقي بأني حتمًا أقرأ ردّك ..إن شَاء الله .. !
وسأبادلِك بردّ تحيّة ..!
مســـآء النور\\
وقفة \\\
احتفال البعض في هذه الايام بعيد الحب..
دليـــــــــــل على كراهيتهم لبعضهم البعض طوال العام..
اتمنى ان لا يكون منا احدًا تشغله هذه الترهــــآاااات...
: أشكر المتابعات اللي انضموا النا..
يـــا هي سعادة بتواجدكم..حتى اللي من وراء الستار بدأو بالظهور..
وهذا شيء يجمل ساحتنا.. تعلقت فيكم ..أتمنى أن لايخيب أملي بكم..
استعدو هالبارت فيه العجــــــــــــآيب.. ^_^
قراءة ممـــــــــتعة بإذن الله ..،،
الوعــــــــــد الســـــــــابع..
منذ سنين
كبلت بقيود
نفي و ظلم ،،
تآكلتني
حسرات الهوان
و أوجعتني
ظلمات
وسمت بها
حتى الممات ،،
تظل
تذكرني
بأنني يوما ما
كنت مغيبا رغما عني
و مازلت
لكن غيبة روح
لا جسد ،،
تفننت
سياطهم
بغرس ملامح الذبول
و رسم مآقي
تتوه نظراتها ،،
هي
جنة
سكنت الفؤاد
على غير ميعاد ،،
أخاف
من أحزاني عليها
من أوهامي عليها
من أوجاعي عليها
أخاف عليها
حتى من نفسي ،،
>>للعضوة المبدعة :وردة شقى<<
أشكرها لمشآركتي هذا الحس وأشكر أحرفها في ابطالي..
شيء يضفي الكثير من السعادة لي.. ممتنه بقدر هذا الكـــون وأكثـــر..،،
الساعة 5 ونص الصباح..
سمع صوت جواله يرن بشكل مزعج..
مافكر يفتح عيونه من طاقة الكسل اللي فيه..
حاول يتجاهل جواله كذا مرة..
لكن الجوال ماسكت من الاتصالات..
رفع السماعة بتعب\آلو..؟!!
شهاب\رهان طالبك طلبه وانا عمك..انا رايح مع الوعد للشرقية..
بس هالعلوم لاتوصل لهزاع..!
فز بصدمة\وش تقول يابو خالد..بالغصيبة جار البنت ولا برضاها..
شهاب تنهد\لا والله ماهو برضاها.. خايف عليها من الغربة يا رهان..
خايف ياخذها معه ويتغرب هو وياها ..هذي امانة عذاري اختي..
رهان\وش له رايح ياشهاب بالوعد وجارها للشرقية ووش له تبي مني اكتم علومك عن هزاع ..؟!
شهاب\وراهـ ماعلمك أخوك ..؟!
رهان بدهشة\لا والله ما وصلني العلم..وش صاير يابو خالد...؟!!
شهاب\العلوم توصلك بعدين..بس قلت ابلغك عشان لا احتجنا شيء من الرياض انت تفز وتجيبه.. ليما تهدأ الاوضاع ولكل حادث حديث..
رهان بتساؤل\يابو خالد انطق وش بلا هزّاع ..؟! وش مسوي للوعد ..؟!
شهاب\ماهو مسوي شيء يارهان.. بس صايرة مشاكل لهزاع .. من وهو في بريطانيا في جماعة تلاحقه للسعودية..ومطلوب انه يروح حتى يراجع قضية وهو خايف على الوعد لآينهشوها وهي في بلادها يبي ياخذها يظن انه بيدفع الضيم عنها..!
رهان\وش هو شور الوعد ..؟! راضية ولا رافضة ..!
شهاب\قايل لك بالغصيبة مجرجرها من صباح الله ..قامت تبكي علي بس ماسمعت لها..فوضى هو اخليها على كيفها..!
رهان تنهد\طيب كلم هزاع مايصير هالكلام..!؟
شهاب\الا يصير يارهان اخوك عقله ماهو براسه..طاير منذو مبطي..!
رهان\طيب انا قايم اغسل..بروح أشوف اوضاعه..أخاف اليوم لارحنا بيت جدتي وماشافها يزلزل الدنيآ..!
شهاب\هو عارف أن أنا باخذ الوعد..بس مايدري انه اليوم..!
رهان\وانت يهداك ربي ماخذها من بدري..كان توانيت ليما هدأت الأوضاع..!
شهاب\يارهان اخوك محجوور محجوور..مطلوب بقضايا أمنية..مستحيل أسلم له الوعد رهينة..وهي معندة وحاطة براسها انها بتروح وياهـ..!
رهان\تركد يابو خالد ترا القانون بصف هزاع..دامها زوجته فهو أوله بشورها..والموضوع الزوجين راضيين به..
شهاب بغضب\لا حول الله اخلص من اخوك تجيني انت..عنبوكم ياعيال ذياب شبلاكم استجنيتوا..؟!
رهان\ماوراك الخوف بس ماتدري وش بنية هزاع..
هزاع هو اللي معاشر هالجماعة وهو أدرى باللي يسوونه وتركد ياشهاب هزاع أعلم منك باللي يسويه..!
شهاب\يغربها..؟! معناها ان أعلم مني.!
رهان\احسن مما يتركها ويجونكم الجماعة ويضرونها وهي بوسط أهلها ..لما تكون مع هزاع أ أمن لها..وهو عارف باللي حواليه..وعنده الجنسية ..هم بس يبون منه يروح ويراجع القضية فقط لا غير..!
شهاب\رهان خل مخك براسك لاتصير دثوي..انا بسكر.. لاصار شيء قول لي..
رهان تنهد\طيب..فمان الله..!
شهاب\وداعة الله..
أغلق السماعة وهو يفكر في كلام شهاب..رجال هزاع وعمره بيصك الأربعين قريب..مستحيل يفكر بشيء مثل كذا الا وله حكمه ..ولا رجال بعمره ليش يجازف بالوعد..بياخذها لان يعرف انه فيه شيء بيصير..بس ماندري وش ورا هالمواضيع.. ماندري..!
.
.
.
طلعت من غرفتها وهي زعلانة ..
يعني حتى لو أنا أمانة عنده مو يجرجرني للشرقية من صباح الله خير.. وبعدين أنا زوجة هزاع ماني زوجته..
تصرفك ياشهاب ماعجبني..ماني مرتاحة له..وراك علوم انت وهزاع .. خايفة من اللي بيجي وبيصير.. اخاف يكون شيء بالطريق وما انت بشام ريحته ياشهاب..
اللي حوالينا مو مثل أول..الخبر اللي مثل أول ما هو عندنا..
راح .. وهالحين جاي الصعب.. ولا تستصعبه ياشهاب..
ترا شهابك يألم .. لاتتحكم فيني بهذي الطريقة..
أنا ملكــه ..ملــكه..أعذرك على خوفك..
مـــــعذووووور يابو خالد على هالخوووف
ولجل هالشيء قلبي مستحيل يحقد عليك أو يهاجرك..
بس الشرع ماجوز لك تاخذني ورا علم زووجي..
انت ماتدري وش عند هزاع..
هو اخبر منك.. حاسة ان من ورا اخذتك لي مصايب..
تمشت للبحر وهي تضم الوشاح عليها..
كانت تطالع أعماق البحر وبودها لو تغوص فيه وتكشف أسراره..
منظر الشمس في وسط بطن البحر حيرها..
وكأنه شيء شبيه لها.. الشمس فوق بطن البحر مالها حيل..ياتغرق ولا تغيب..
وهي نفس الشمس اللي فوق هالبحر..ياتغرق ..ياتغيب..
مو عارفة وش مخبية لها الايام اكثر..
بس اللي تعرفه انه شيء مو قليل وهي واثقة الى حد مقبوول
حست به واقف وراها وهو يقبل راسها\عذريني يالوعد لكن مجبوور احميك..مجبور ابعدك عن هزاع..مدري وش اللي بوجوده يصير ..ومدري وش يصير لا خذاك..
الوعد بعتاب\يابو خالد انت مو هزاع..عشان تتصرف بي كذا..
انا مو الوعد قبل..انا وعد هزاع..اسمي بأسمه هو اللي له احقية التصرف..وبعدين هزاع 15 سنة يعرف هالجماعة انا أعرفه مستحيل يجازف بي وهو أخبر منك ماتدري يمكن لا بقيت هنا يسلبوني..بس لاصرت قدام عينه أهون..
شهاب\انسي اتركك تروحين له لو على قطع رقبتي..
يتعقل ويجلس مكانه او يروح بالغربة يراجع قضيته ويرجع
الوعد بغضب\راضي ياشهاب تخلي ولد اخوك يرجع غريب..
راضي يروح مكان مارد..؟!! راضي يروح للغربة بعد ما شيبت راسه..! وش بلاك ياشهاب وش بلاك رجيتك لله حن بقلبك عليه تراه تمرمر 15 سنة لاتزيده فوق شيبه شيب..!
شهاب بعدم قبول\مستحيل أسلمك للموت بإيدي..مستحيل..!
الوعد بقهر\انا حرمته ماني حرمتك..الشرع ماجوز لك تاخذني من غير رضى هزاع..
شهاب بعصبية\يعني يرضيك تروحين 15 سنة فوق عمرهـ وتتغربين وياه وترجعين بلا حيل..!
الوعد بإصرار\أنا زوجته..أنا مسند ظهره..لاتسلمني بس حس بقلبه..يعني لاراح لوحده غريب من يهدي حيله..من يسمعه ويفهمه..واجبي عليه أهديه ياشهاب..أروح وياه واسانده بالحلوة والمرة.. هذا زوووجـي زووجي
شهاب\عذريني ..ماقدر اخليك..خوفا عليك..
وانتي بعدك صغيرة وماتفتهمين لكل الامور
الوعد بقهر\لاصار لي شيء بغياب هزاع..دين في رقبتك ليوم القيامة..
مشت عنه وهي في حالة قهر..
مو من حقه ياخذني ..ماجوز له الشرع..زوجي أدرى بمصلحتي..صح هو عمي وله الولاية علي..بس الشرع يقول ولاية الزوج مقدمة على ولاية أي شخص آخر..وزوجي هزاع فاهم ومفتهم..مو شهاب اللي عايش بغربة15 سنة وعارف الجماعة
هزاع هو اللي يدري بطواريهم ويدري ان بوجودي من دونه خطر يدري اني انا حيله لهم يبون يخلونه يرجع لبريطانيا ويهدوني ..يهدون أركاني مثل ماهدوه..بس لما اروح معه بيحميني له معارف هناك وله صديق يقدر يساعدنا يحمينا.. لو بلغنا عنهم راح يكون في خطر على حياة هزاع..من قبل الحكومة البريطانية..عشان كذا نقول عنه محجور..
ماهو قادر يدافع عن نفسه ولا هو قادر يروح لهم ويسلم حاله..
بس هيهات يكون ذليل ..هيهات..ماهو بهزاع اللي ينهشون راسه وشيبه..ماهو بهزاع اللي ينهشون يابسه وأخضره.. ماهو بهزاع اللي ينهشون بقلبه.. واقف بإذن الله ضدكم.. وانا انتظرك ياهزاع..
.
.
.
في بيت ام ضرغام..الساعة 12 ونص الظهر..
كان توه راجع من المسجد ومصلي جماعة..وابتسامته على وجهه..كيف ان الرياجيل اليوم جالسين معه ومكلمينه..فوق ما انه تكلم مع صديق عمره هزاع بالمسجد..وشاف اخوه رهان ..
يعني على الاقل ارتاحت نفسيته..وقرر إنه يبتدي صفحة جديدة..
حتى لو كانت هالمسألة صعبه يحاول انه يهدي نارها المشتعلة جواته..
دخل للصالة وشاف هشام ورهف وابتسم ابتسامة جانبية..عرف ان شوق ماصدقت على الله من سمعت انه وافق على طول جت..خلت زوجها يجيبها قبل يروح يصلي جماعة بالمسجد..
انتبه لرهف تنط في حضنه ابتسم له وهو يقبلها\شخبارها الحلوة..؟!
رهف\عتني ليال..
ضرغام يضحك\تبين ريآل بس..؟!
رهف\ابي ليال..
ضرغام\تبين ريال ولا مية..؟!
رهف\ليال..!
ضرغام ضحك\مية ولا ريآل..؟!
رهف بعصبية\أبي ليال..
شوق دخلت وضحكت\عنبوك من بنت خالك يخيرك بين الطيب واليابس وماتبين الا القليل ..دوشي في جيبه يمكن تلقين مهر عرسك
ضرغام\ههههههه وش الحل مع هالقزمة..
مالي الا احشرها بالزاوية..
مسك كف رهف وحطها بجيبه وطلعت من جيبه 50 ريال ..وضلت تبكي تبي ريال مو مقتنعة..بعدها مقتنعة ان الريال هو العملة القوية عند الاطفال..لان كل طفل ياخذ له ريال يفرح به..
ضرغام يضحك عليها\شوق انتي جايبة بنتك من طائفة الفقراء القنوعين..
شوق تضحك\ههههه حليلها بنتي قنوعة..ماتبي تثقل على خالها..
ضرغام يمد لشوق الـ 50\خذي يام هشام..>>مد لرهف ريال>>خذي يالفقيرة القنوعة..
رهف بعصبية وهي تاخذة\ليالي..
ضرغام\اخس واعقب الحين تعصبين وتزامرين على خالك..
روحي انثبري إلى موطنك ..يا ام حفاظة ..
شوق ضحكت\هههههههه ان لله ابوها مستلمها يام شلحة وانتت ام حفاظة...
ضرغام\حليله ابوهشام ماهو مقصر فيها..مستلمها عدل
شوق بفرحة\صدق وانا اختك وافقت نخطب لك..
ضرغام وهو يفسخ شماغه ويحطه ع الكنب\ايه وافقت..وعلى ايدك انتي والوالدة
شوق\تطمن ياضرغام وعزه وجلاله لتاخذ البنت اللي تسر خخاطرك..وعسى فرحك يدوم
ضرغام\ها وش مسوية بالمدرسة..؟! ليش ماداومتي اليوم..؟!!
شوق\هههه اصلا ماجلست الا الساعة 8 ..
اليوم اجتماع مع الوزارة بس سحبت عليهم وكبرت المخدة..
ضرغام\ههههههه ايه احسن من يوم مناوبتك ماتجين الا وانتي مابقى لك على الموت الا شوي..شعرك منفوش وكأن أحد شاد لك شعرك..
شوق تحرك شعرها\ويازينها هالشوشة..ناعمة
ضرغام بخبث\بس لاتنفش علينا تصصيرين كأنك نعامة..
شوق\ههههههههه اعوذ بالله.. ماتخلي أحد بحاله
.
.
.
جلست من النوم ..
وتحسست مكان سلطان وماشافته موجود..
اكيد سلطان راح يصلي جماعة الحين..
ماقدرت تقوم من الألم اللي في بطنها..
حاولت تتحرك بطريقة تريحها..
حاولت تنام على بطنها لكن زاد العوار اللي في بطنها..
بدأت ترجف من الخوف..
تحس بإحساس غريب ولوعة..
وجسمها بدا يعرق عندها.. ماهي عارفة وش السر ووش السبب..
حاولت تسوي أي شيء.. تحط مخدة تحت بطنها حتى ترتاح..
لكن العوار لازال ..
غمضت عيونها وهي تشد على روحها..
تحاول ماتصرخ من الألم..
تحس وكأن رحمها مقبوض وفي سكاكين تقطعه..
الألم مو طبيعي..
كل شووي يزداد..
ظلت تأن وتنادي سلطان..
.
.
فتح باب البيت وهو مبتسم..
لانه طلع من المسجد وراح للمستشفى يشوف ملفها الطبي ويراجعه.. قرر يسويها مفاجأة لها..
لانه راح تحبها أكيد..طول هالايام وهو ينتظر هالورقة حتى يسعددها ويعوضها ..ويرجع لها ايامها الاولى بسعادتها..
فتح الباب وعقد حواجبه ..
لأنه سمع ونينها وسمعها تصرخ..
دخل للغرفة بسرعة وانصدم منها..
ومن وضعيتها..
ومن اللي على السرير..البنت قاعدة تنزف ومو حاسة بنفسها..
انهبل لما حس بكمية الدم تزيد وحس ان غزلان راح يغمى عليها..
غير لها ملابسها بسرعة وهو يحاول يصحيها ولكنها كانت مثل الدمية في يده..ماتتحرك الا بحركاته.. ووجهها اعتلت عليه ملامح الشحوب.. لبسها عبايتها ..
وطلع وهو مفجوع..وش سر هاللي قاعد يصير..
توي موديها لجلسات علاج حق عيونها..
ماكان وراها الا الخير..وشش اللي قلب حالها وخلاها تنزف..
دخل المستشفى مرعوب وجسمه يرجف من قمة راسه إلى أسفله.. دخلوا الممرضات وعاينو حالتها..وماظلوا ربع ساعة حتى نقلوبها لغرفة ثانية..
خلص توقيع ملفها ودفع فلوس لان المستشفى مو حكومي خاص..
وجلس بغرفة الإنتظار ينتظر وضعها ..
طلع وانتبه لصاحبه ضاري بحكم انه دكتور..
وأمنه على زوجته بأنه يعاينها عن طريق الممرضات
وراح له وسأله\ضاري..سم الله وقل وش ورا غزلان..؟!
ضاري\سلطان وش مسوي لزوجتك..؟! مانت داري انها حامل..؟!
سلطان بفجعة\حــآمل ..؟! متى حملت طيب..!
ضاري\وش مدريني تسألني أنا ..؟! البنت متعرضة لأشعة أثرت على الجنين..!
سلطان بارتباك\كنت عارضها لدكتور حتى يسوي لها جلسات علاجية بالليزر لعيونها..
ضاري بصدمة\انت تدري وش اللي ورا ذا..! ياولد ضيعت الولد طاح.. والبنت تعيبينة ..
سلطان\وانا وش مدريني..المستشفى عطوني انها سليمة وماهي حامل.. وش السوات..؟!
ضاري بغضب\قدم شكوة لوزير الصحة..هذا اهمال من المستشفى نفسه ..لازم يعاينوا على البنت ان كانت حامل ولالا..يسبب سرطان للجنين..واحيانا سرطان للرحم..
سلطان بقهر\ماهو أول خطأ بالمستشفيات يصير..
يوقعونها بخطأ طبي وتعويض..ولاني متنازل..موتوا المرأة على حسابهم.. عنبوهم راتب يضيعون به حياة الناس...
ضاري\العوض بالجنة ياسلطان.. طمن زوجتك ان حالتها جت سليمة بس أثرت على الجنين وطاح .. بس ياسلطان تريث ع البنت ومايصلح لها ان تحمل على طول...تريث لسنة ومن بعدها جيبوا العيال.. والله يعوضك هالولد ينتظرك على ابواب الجنة..
ابتسم بأسى لضاري.. وراح لغرفتها .. منعوه الممرضات من الدخول.. لكنه عاندهم ودخل.. عصبوا الممرضات وهددوه بالأمن بس ضاري مسكهم واستلمهم.. توجه لها وهو في نيته طيب لها بس ماجات على ماتمنى.. خسر طفله..وخسر عيونها..
ماكان يدري انها حامل..ولا مستحيل يعرضها لمثل هالشيء..
مسح على راسها وهو يناظر شحوبها.. وذبولها..
هالدنيا تكبر .. تكبر.. مسح على خدها بنعومة..
وحط يده على بطنها وهمس\اللهم بك استعين ولقوتك أرجع..عليك توكلت..واليك المصير..اللهم ارفع شأنه وانصب خيره على ابواب جنانك..واجعله شفيعا لأمه وأبيه...
برحمتك يارحمن يارحيم..
مسح على بطنها بعد ما قرأ عليها بعض الآيات..
مسح على شعرها مرة اخرى وقبلها في جبينها..
وانصرف ..!
.
.
.
في بيت الجدة..الساعة 1 الظهر..
قبل الغداء .. دخلت ام هزاع بعد ما وصلها رهان..
ورهان عارف ان المصايب اليوم فوق راسه..
واليوم الجمعة في بيت الجده..
والظاهر قايمة القيامة بقومة هزاع..
بعده مادرى بس هين وبيدري قريب
دخل المجلس وحياهم ثنيان\السلام عليكم..
رهان وهزاع\وعليكم السلام..
ثنيان ابتسم وهو يسلم على هزاع\ارحبو بالعريس.. اللي قالطها قلطه..
هزاع بابتسامة جانبية\الفال لك..
ثنيان\ههههه مالقيتها..
هزاع\الله يعطيك..
ثنيان التفت لرهان\هههه حسيت اني طرار للحظة..
رهان\ماهو عنده الا كلمة ورد غطاها ما بيجاملك...
هزاع بتساؤل بعد ما جلس\الا وين شهاب..!؟
سكت رهان وتغيرت ألوانه..
ناظره بهزاع كيف دقق نظره فيه وضيق عيونه..
عرف ان رهان داري بالموضوع.. وشهاب رايح بالوعد لمكان..
ماخابت علومه..يدري من امس..
يدري من لما رجعوا من المطعم انه مابيصير خير..
انقهر وتوجه لرهان\وينه شهاب..؟!!
رهان\مدري عنه..!
هزاع مسكه من قمة ثوبه\رهان تكلم وينه هزاع..!؟
رهان بغضب\وانا وش مدريني تسألني..
هزاع\اما تكلمت يارهان ولا يمين بالله عليك الذبح حلال..!
رهان بقهر دفعه عنه\رح دور عنه في ارض الله الواسعه..انا مدري وين هوا داره..
هزاع\ان عرفت يارهان انك داري ومخبي يمين بالله لتندم..
شهاب رايح بالوعد..مايدري ان الجماعة تلاحقنا..ومصيره يعرف وش بيصير .. لكن انا اوريه..
طلع بغضب بعد ما افرغها برهان...
ركب سيارته يحاول يجمع وين ممكن يكون فيه..
أخذ شريحة جديدة وركبها..
بحكم ان شهاب ماراح يرد على هزاع مية بالمية..
لكن فور ما ان اتصل بالشريحة الجديدة وجاه صوت شهاب\آلو..
هزاع بسخرية\عليم يابو خالد تاخذ الحريم من رجالها..
شهاب بقهر\ماتخلي حركاتك ياهزاع..وش تبا انطق..!؟
هزاع\أبي الوعد.. ووينها أبيها..!.؟
شهاب\الوعد معي ومابيصير لها مكروه من اللي ببالك..
الجماعة وتخطيناها..
هزاع\خطأ ياشهاب خطاك الظن هالمرة..الجماعةوراكم وراكم..
وينك فيه..؟!
شهاب\لاتخاف..الوعد ماهي غرقانة بوسط البحر..!
هزاع ابتسم\حلو..في أي شاليه انتم..؟!
شهاب بدهشة\ماتوقعت ذكائك واصل لـ هالحد..بس روّح على الدمام وحنا بشاليه الـ..........
هزاع\جاي ياشهاب..وظنوتي ماني واصل الا والجماعة محايطينكم..وقل ساعتها ليه هزاع يـبي ياخذ الوعد..!
شهاب\تركد يابو ذياب لاتحرق اليابس واخضره..
هزاع\ورا مانهشتني..انا مولي الوعد..مانت بموليها..وزوجها وحق التصرف فيها عندي حلال..
شهاب\تعال انت ووقتها نتفاهم واعلمك دروبك عدل..
هزاع بضحكة خفيفة\ناويها مضارب ياشهاب..ما انت بربحان..
وداعة الله يابو خالد..
سكر الخط بقهر ..معقول يوصل فيه لـ هالحد ومايفهم..
مايدري ان اللي جاي أعظم مما يتخيله..مايدري اني لو تركت الوعد هنا بياخذونها.. ولو خذيتها معي وقدام عيني اقدر اوديها لمكان احميها فيه.. بس لما تصير عند شهاب هو يظن ان مــآحد بيوصله.. لكن هزاع يعرفهم..15 سنة وهو أدرى..
يدري ان شهاب معه حق في انه يخاف على أمانة اخته..بس لو شهاب يدري بحقيقة اللي بيصير ماتردد انه يعطيها هزاع..
تنهد وهو يحرك للشرقية..
ويبي يوصل بأسرع ماعنده...لان الجماعة اكيد وصلهم العلم..
ويمكن واصلين قبله..
.
.
.
التفتت عليه وكانت ضامة نفسها من قوة البرد..
ناظرته بعدما اجرى مكالمه معه وهمست\بالموت تعطيه العنوان..
وش يضرك لو دليته من بدري..
شهاب بقهر\لو ما ذكاءه ولا كان سقتها عليه..بس زوجك فطين..
ضحكت بفرحة\ايه ..من يومه يعرف ومربيته الحياة..مو مثل بعض الناس سرووووووقين.. يسرقون املاك غيرهم..
شهاب ابتسم\قلت أحميك..وتكوني تحت عيني..
الوعد\مع ان الشاليه حلو بس كرهته..
شهاب\وش له ..؟!
الوعد رفعت كتوفه\مارتحت له..
شهاب\معك عمك شهاب ..
الوعد\عمي جارني من الرياض للشرقية..عشان انه يفكر بيحميني.. بس ما جت على مايبي..
شهاب بقهر\جاي هزاعك.. بس لو يموت ماسلمتك له..
الوعد بابتسامة\اهم شيء..انه بيجي..وبنشوف الحق مع مين..
لكن الحقيقة ..
انه خرج من الشاليه..
ليأخذ بعض المواد الغذائية..
سيشوي لها بعض اللحم..
ويحاول ان ينسيها مما دخلته ذاكرتها..
ركب سيارته..
سيتحرك إلى الشاليه..
سيمضي قدما ..
إلى موعودة أخته..
وعد الجميع..
وعد الجميـع بلا استثناء..
لكنه ما ان ركب ..
وبدأ يمشي في الطريق..
ودخل بين الشوارع..
حتى حاصرته سيارة..
حاول ان يبتعد عنها..
لايريد الآن شيء سوى حمايتها..
لقد ابتعد عنها..
وهو متأكد ان المكان مغلق بإحكام..
لكنه ما ان حاول الابتعادد..
حتى وقفتت السيارة امامه..
خرج له شخص مسلح وهمس\انت هزاع الدحام..؟!
همس بقهر\لا ماني بهزاع..بس انا واحد متورط معه..
انقهر..صدق من قال اللي ينازع هزاع بكلامه كذاب..
اللي صدق بـ هالكلام هزاع..
هو اللي فاهم وش ورا هالجماعة..
هو اللي فاهم صدق..
والظاهر انه تسرع لما أخذ الوعد للشرقية..
ماكان منتبه لجماعة تلاحقه..
وحذرته الوعد وقالت له انا حاسة انــه بيصير شيء..
بس مانتبه لكلامها..
يضن السالفة قضية منتهية..
لكن الحقيقة انصدم وهم يسألوه\زوجته معك..!؟
شهاب\لا ماهي معي..
رفع عليه واحد سلاح\زوجته معك..؟!
شهاب وهو يحاول ينزل سلاح الشخص اللي امامه\عليي الحرام ان ماتطق بذا السلام.. يارجال خلنا أوادم نتفاهم ..! ورا تلاحقونه هالرجال..
\مطلوب بقضية امنية ولازم يرجع بريطانيا يراجع قضيته..
محجور من الخروج من الحدود ..ولكل متمرد عواقب..
شهاب\طيب وش تبا مني ياخي..؟!
\وين هزاع وزوجته..؟!
شهاب\وش له بزوجته..هزاع بالرياض..
بصرخة\ماهوووو بالرياض..
شهاب رفع كتوفه\ولله العلم مدري عن اراضيه..
بقهر\تورط بحالك ياولد الناس تكلم..!
شهاب بغضب\يارجال اتركني بحال سبيلي..
ابي امشي وراي اشغال..الناس ماوراها الا انتم..
لكن بالحقيقة هجموا على شهاب..
وظلوا يضربون فيه ..
ليما طاح بالارض.. حاول يمسك جواله يدق بالشرط..
بس ماقدر..والطريق معزول..يعني يمشي بصحراء وبعدين يوصل للشاليه..
طلعوا اللي بجيبه..واخذوا فلوسه..
فتحوا الكروت..كلها كروت للرياض..الا كرت حق الشرقية بشاليه..
وعرفوا من هالورقة الصغيرة مكان هزاع مثل مايقولون او يعتقدون..
مشوا عن شهاب بسيارتهم..
كان مهدود حيله بس مو لدرجة انه بيموت..
تسند على سيارته بألم..
شاف شماغه وعقاله طايحين..
رفع السماعة وكلم رهان\رهان وانا عمك..طلع اخوك الصدوق ماهو بأنا..امش للشرقية ضربوني عيال الكلب ونهبوا فلوسي كلها..
رهان بصدمة\وين انت..؟! والوعد وينها..!
وشلون مسكوك وضربوا فيك..؟!
شهاب بتعب\مدري يارهان..عجل يارهان عجل..
ولا تخلي احد يدري بالموضوع..غيرك انت وبس..
رهاان\طيب..بحاول ابلغ الشرطة يرحون لمكان الشاليه..
شهاب\طيب..يلا..
قام بصعوبة وتعب..
وشغل سيارته..حاول يسوق للشاليه..
والتعب والعوار هاد حيله..
ماظل شيء مانهبوه اياه..
زين انه نسى جواله بالسيارة..
ولا كان حتى رهان ماقدر يتواصل معه..
هالحين عرفت وش ورا هزاع من علوم..
بس الله يستر هالحين كان مايوصلون للوعد...!
.
.
.
قبل ساعتين ..
في الشاليه...
كان توه واصل..
وقلبه ناغزه وحاس بشيء..مايبي يخاطر بالوعد ..ومايبي شهاب يقصر بحق حمايتها..هاللي قـاعد يصير كله في سبيل حماية الووعد..
توه لباب الشاليه..وضرب الباب عدة مرات..
حس بأحد يركض من بعيد لان سمع صوت خطواته..
سمع صوتها من السماعة\شهآب,...؟!
هزاع\لا انا هزاع فتحي الباب..
بدون تردد فتحت الباب ودخل واحتضنها وهو يقبل جبينها..
استغربت تصرفه وهمست\هزاع وش فيك..؟!
هزاع\خفت يسوون لك شيء..أو يلحقونك بأذى...
كنت ساعتها بقتل شهاب..!
الوعد بخوف\أعـوووذ بالله
هزاع ابتسم\وينه شهاب..؟!
الوعد رفعت كتوفها\طلع من ساعتين ومارجع..
ناظرها بصدمة وهزها\طلع ومارجع..؟!!
الوعد هزت راسها\ايــه..
هزاع بعجل\وين عباتك..؟!
الوعد\داخل..!
هزاع\بسرعة دخلي لبسي عباتك وتعالي معي..
الوعد مسكت ذراعه\وش صاير..!
هزاع\تالي يوصلك العلم..لبسي عبايتك بسرعة انتظرك..
الوعد هزت راسها\طيب..
ما أمن ينتظرها برا..
دخل لداخخل..هذولة وحوش بشرية..
ممكن يصير لها شيء..
وممكن يقتحمون المكان في غضون هالدقائق..
كان واقف امامها..مسكها ومشى معها للسيارة خارج الشاليه..
تعمد يترك الباب مفتوح..حتى لما يرجعوا يظنوا ان الوعد هربت..
ركب معها السيارة وحرك بسرعة إلى مكان ثاني..
راح وهو طول الطريق يناظر وراه ان كان فيه من يلحقه..
لكن الحمدلله امن...
بس بالصدفة..طلع هزاع بسيارته من الشاليه..
بينما جماعة بريطانيآ دخلت للشاليه وهم يقلبون الدنيا فوق تحت ..
لجل يلقون هزاع وزوووجته..!
.
.
.
سمع ولد عمته يكلم ابوه وواضح انه مصدوم..
واضح انها سامع شيء مو هين..واللي عرفه..
ان ابوه انضرب من هالجماعة..
ومن يوم ماشافهم بيوم الحادث وهو حاس بخطر على ابوه..
طفل ..لكن عقله يوزن بلد..وفاهم الدنيا ...
وفطين ويعرف وش اللي حوله يصير..
يعني ما يتخبأ عنه شيء..
لف رهان للخلف وانتبه له وشهق\خـــآلد..؟!
خالد بخوف\رهان رجيتك لله وش البلا اللي نازل على ابوي..!
رهان ابتسم يجامله\ماصابه شيء كنت اتكلم مع واحد من ربعي الشباب يلعبون وصابه ضرب..
خالد بقهر\كذوووب..سمعتك تكلم ابوي...وسمعتكك تنطق باسمه..قل يارهان لا اروح اسوي لك وكالة أنباء هالحين في البيت والكل يوصله العلم..
رهان بقهر\ايه ابوك مضروب وتعبان ويبيني اروح للشرقية يخاف ان الوعد يصيبها شيء..
خالد\خذني معك..!
رهان بغضب\وش اخذك معي..! ياولد رح لأمك..
خالد بتهديد\اما خذيتني يارهان ولا سويت اللي قلت لك عليه...وعلمت ام ذياب وعلمت الحريم والجمايع..
انقهر رهان من خالد وظل يسب في نفسه ..
وش اللي بلاك ياشهاب مع ذا النشمي..
بس ان كان يدل على شيء..
انما يدل على روح الرجولة في خالد..
منذو الصغر..بس هم الموقف يقهر..
يعني وقفت على هالقزيمان يهدده..
مسكه من اذنه\اسمع ياخويلد ان نطقت لمخلوق في الارض عن هالشيء بذبحك..لاتفكر ان حنا بنروح لمغامرات علاء الدين..
خالد ضحك\اقول امش وقدامك سسبع مايهاب اسباع..
رهان ابتسم\ماهو وقتك يلا مشينا..
طلع معه صح خطر على خالد..
بس هم خالد بيسوي فضيحة..
قال انه بس يوصل الدمام بينزله عند واحد من معارفه حتى مايصيبه شيء...ويتوهق مع شهاب..
مشى للدمام وهو يدعي ان الله يحفظ الجميع..
.
.
.
وصل بسيارته للشاليه..
وانتبه للباب مفتوح.. دخل بتعب وهو مصدوووووم...
تعبه كله يهووون..بس لايصيب الوعد شيء..
لايصيبك يابنت عذاري شيء..لايصيبك..
دخل الشاليه وهو عنده أمل انه بيلقى الوعد..
ظل يدور مع انه هالامل ضعيف من حالة المكان..
وظل يصرخ بإسم الوعد..
ولكن حيله مهدود..
ماقدر يسوي شيء..
بس الإغمآء داهمه في وقت مو وقته..
حاول يقاومه وهو يتعثر حتى يطلع من الشاليه..
ولكنه طاح مهدود الحيل والسواد مغشيه
|
15-02-14, 10:05 AM
جديد مواضيع قسم ارشيف خاص بالقصص غير المكتمله
العرض العادي
