السلام عليكم و رحمة الله و بركاته
مرررحبا نانو ، الله يسعدك زي ما بتسعدينا يا قمر
توكلنا على الله

دائما وصفك للطبيعة بيكون أشبه بلوحه فنيه مرسومه بحس فني رقيق
اممم ريمي هربانه ، الله يكملها بعقلها بصراحة البنت دي شكلها هتتحسد
الكل بيحتفل ما عدا هي ، منكده على نفسها و الباقين ، ماسكه في الفكره و مش راضيه تتزحزح ، ايه الدماغ دي !! طالعه لآخوها بالملي

ههههههههههههه و الله الجدين دول عسل ، لسا مخلصناش من جوازه و هما بيفكروا في الثانية
عععععععععععععععع اسبوع واحد بس ؟!! عليه العوض راح فيها اكمل ، الصبر طيب يا بني

شمس معذورة ، إحساس الضياع دا صعب جدا التعايش معه و بديهي انها تحاول تلاقي ثغرات تنفذ منها لأفكارها الهاربه ، لكن للأسف الي بتلاقيه مش حلو أبدا ، انا من رأيي بلاش أحسن يا بنتي
ايون سيبك من الذكريات و خلينا في السؤال ، هيحصل ايه لما تفتكر ؟

علاقتها بالجد كافيه لتعوضها بحرمانها السابق و حبها للمكان بيخلينا نشوفه من خلالها (:
يعني هي تلف و احنا نشوف ، حلو جدا ، ميه ميه نانو

واااااااااااااااااو ايه المكان الحلو ده ! بيانو و أصابع سحريه و صاحبه انخطف قلبه ، يا عيني يا عيني
مش هو لوحده الحقيقة البنت راحت فيها هي كمان من أول ما قال "شمس"
خلاص يا عم خف على البنيه شويه كدا اوفر اوفر ههههههههههههههه

حلو قوي استغرابها الغريب من انه بيعزف ! ميعزفش ليه يعني ؟ ما هو كله ذوق و إنسانيه اهه
انا كمان بقول فكره العزف الثنائي دي هايله
اوووبس بتمسك السلك عريان ليه ، اديك اتكهربت !! كويس كده
المشهد كله على بعضه جميـــــــل و موصوف بعذوبة ، أحسنتي

معلش يا فارس خلي أكمل في حاله دلوقت و هيبقى يحكيلك بعدين
مش لما يقولها هي الأول ! دا لسانه معقود عقده منيله بنيله و هي راكبه دماغها و مبتفهمش بعيد عنك ، أقولك سيبك منهم و روح لشمس أحسن
يعجبني فيه انه عارف دماغ أخته ، هي كارثه بس ، دي قفل مصدي يا جدع

هييييييييييييييييييه هنروح الحفل معاهم ((:
جميل جدا فستانها و طالعه روووعه انما نعمل ايه في الي جوه بقه ): يا دي النكد
هتضيع ليلة العمر في الأوهام ، طب اخبطها فوق دماغها و لا اعمل ايه ؟ عععععععععع

البنت صافي دي عسل انما حظها مهبب زي أخوها ، واخده النسخة الاصليه من دماغ ريماس
مهاب و ما أدراك ما مهاب ، الماده الخام للعقد و الرخامه ، انا نفسي بس اسألها سؤال دا يتحب منين بالضبط خخخخخخخخخخخ
صحيح يا ولاد الحب بهدله

أجواء المكان و الأحداث متقنه و الوصف فوق الرااائع
ههههههههههههههههه الكل واخد باله من نظراتهم المختلسة ! ربنا يحميهم ما شاء الله واعين قوي و اذكياء
حتى مهاب الطوبه ملاحظ ، و عامل مش واخد باله من صافي ، لما نشوف أخرتها معاه هو و أخته

اععععع هوا وليد و أبوه لسا عايشين ! اممم بيهرب سلاح و واخد راحته على الآخر ، طب كانت هتعيش وسط المجرمين دول ازاي ؟!!

غير الجناح بناء على ذوقها و كان طاير من الفرحه و عيونه فضحاه طول الحفل و ما قبلها ، هي البعيدة عاميه و لو عاميه مفيش إحساس خالص و لا مخ
كل دا قدامها و الحب بينط من عينيه لما ربنا يفتح عليها بكلمتين تقوله مجبره !!!!!!!
يا ريتك ما تكلمتي يختي طب فسري بتحدفي كلام زي الدبش و تسكتي ليه ؟ كمليها تقصدي من بالإجبار جررررررررر
جاوبي بقه يا فالحه على سؤاله

ععععععععععععع انا متغاظه منك دلوقت غيظ السنين إنما لازم أقول تسلم ايدك الوصف المتقن لكل حدث و شخصية الحق حق ((: أحسنتـــي
لكن بغض النظر عن كدا سلمي ريماس و مهاب لأقرب زنزانة منك ، مش عايزه أتعبك انت عارفاني طيبه

الله يزيدك من فضله و ييسر كل أمورك
دمتِ بكل الحب و الود

منوراني لولوووووووووووووووووووووووووووووووووووووووووو

ازيك يا احلى وارق نانو ..ودايما سلامى لفارس الرواية فارس باشا (فيسى اللى يحبه ع طول)
بدأت اليوم بوصف رائع وخلاب للطبيعة المحيطة والجو العائلى الدافئ المشبع بالفرح على جميع افراد الاسرة ماعدا ريماس اللى معقدة نفسها بنفسها ..الناس كلها جاية تبارك والاخت مزعل نفسها ومتعلقة بالاوهام ..امامها اكمل وعينه تكفى فقط لكى يصرح عن حبه .خلاص مفيش تدقيق فى النظرات ..قوللى اجيبلك نظرة .

ههههههههههه والكل ماشاء الله مركز مع فارس وشمس ..وخاصة صقرى الرواية الجدود ممدوح ورؤوف ..طبعا لديهم خبرات وتجارب سنوات لذا لديهم حصيلة تكفى لفهم نظرة من امامهم
كما ان رؤوف يعوض شمس عن مافقدته من حب وتفاهم بعد وفاة والدها .
واكيد الصداع اللى بيحصل معاها نتيجة انها ربطت نفسها بين الماضى والحاضر فعلقت بينهم ..تريد اى شئ يوصلها لهوايتها بدلا من احساس الضياع والفراغ الذى تحياه ..نصحية الحاضر اجمل استمرى فيه الماضى كله حسرات

حب شمس للازهار لا ينقطع يربطها بماضيها وحديقتها التى نسقتها بنفسها فيما مضى ..والان تهتم بها ايضا وتتبع اثرها وتتأمل روعتها ..حتى وصلت الى مكان رائع احسنتى فى وصفه نانو ..يعنى مينفعش اروح معك ياشمس
المكان منسق وجعله اروع هو وجود البيانو الذى يشارك فارس اوقات فراغه ..حتى انها عزفت تلقائيا عليه (سحر البيانو ولا سحر صاحب البيانو)ههههههههههههه
وسووووووووووووووووووووووووووووووووووووووووووبر لايك للمشهد الراقى والمفعم بالرومنسية حبيته كتير ..بدءا من نظرات فارس حتى عزفهما المشترك ..والاحاسيس التى انتابتهما لاشتعال شرارت الحب بينهم
وصورة فارس روووووووووووووووووووووووعة ..الواد يجنن هو ونظراته

ونتقل لاجواء الحفل ...اللى كان المفروض نتعزم عليه ..ونحضر له كمان ..اكمل بوسامته التلقائية فى انتظار عروسته الفاتنة لتشاركه سعادته وفرحه ..بينما ريماس تضيع فرحتها منها بسبب كتمانها لمشاعرها والافكار التى تدور بمخيلتها ..هى فى تصارع بين حبها وشبح المراة الاخرى التى وضعتها حائلا فى طريق سعادتها ..وماهى الا اوهام صنعتها بنفسها ..وصفك لفستانها جميل حبيته كتير ..والمكان الحفل ..حتى احساس كلا منهما بالرقصة معا ..هو يريد ان يشعر بها كما يريدها ان تكون ..وهى تخشى على نفسها منه ..وترتدى قناع صلابة يخفى كل ما يجيش داخلها

شمس المتألقة وغيرة فارس عليها ..كلاهما يفتح قلبه للحب لاول مرة ...والجميع يشعر بذلك حتى مهاب ههههه وصافى المسكينة عازمة على تخليص مهاب من المه الدفين ..جووووووووووود لاك ياصافى ..مهاب يستحق الجهد انا واثقة ان مهاب حلو ..برضه

انما اععععععععععع وليد يرجع من جديد ..ويقسم ويتوعد لشمس ..وكمان فريد يستغل غيابها ويدخل شحنة سلاح ..اشوفكم ولعين يارب

ايييييييييييييييييه اللى عاملته ريماس ده ..كده تصدمه فى احلى ليلة فى عمرهم ..وتغطى على فرحته ..وتصرح انه مجبور زيها ..اعمل ايه فى دماغ ياريمى ؟؟ منتظرة ردة فعل الدكتور الوسيم وهو يتلقى اول الطعنات من حبيبته

بجد الفصل جنااااااااااان وفى غاية الجمال ..الوصف والتشبهات بليغة وعبرت عن ما أرتى ايصاله لنا ..موفقة يانانو ..من مزيد لمزيد ياقلبى