يعطيك العافيه بنت ديرتي وتسلم اناملك روايتك روعه ومشوقه نبي البارت بسرعه علشان نعرف شبيصيرعلي شوق ورفيجتهاعذاري مع مبارك واتمني ان شوق تصيرقويه ودافع عن نفسها ولاتصيرشخصيه ضعيفه وشكراابدعتي

البارت 8

مبارك : اي انا عند المصعد انتوا وين ؟
عذاري انقزت ولفت وراها وبقلبه يقههر يعني يستهبل ولفت شوق تطالعه وماسكه نفسها ماتبي تضحك علا عذاري
عذاري ساكته
مبارك : وين لسانج ؟؟؟
عذاري ماتتتت بمكانها وارتبكت حيلل : يالله انا بطلع شوق مع السلامه
واهي لافه وتصدم بنات ثنتين
البنات : شوي شوي شفييج
عذاري انخبصت : هاه اسفه ما انتبهت اختي
وراحوأ
مبارك تعمد : ههههههههه امشي عدل خرعتي العالم
عذاري بتبجي خلاص موقف خايس لفت تطالعه واهو يضحك وراحت بطريقها
شوق : مبارك خلاص عاد ترى ما ارضى عليها اول مره اشوفك تكلم بنت جذي
مبارك : رفيجتج خبله صراحه ويضحك
وراحوا لاهلهم بعد ماعرفوا علا اي مطعم استقروا
ولما خلصوا رجع كل واحد بيته
وخلصت ليلة الخميس علا خير :")
يوم الجمعه الصبح الساعه 8 مشتغل فهد عليهم يقعدهم واحد واحد
منيره : انت شفيك خل خوانك ينامون ماردينا الا 12 بليل
فهد : مايصير خل يقومون وراهم صلاة جمعه والزواره بيت خالتي شيخه عاد بناتج الله خير سااعه علا ما يلبسون ويكشخون
منيره : وآآآآي شهالحنه الللي من صباح الله خير طنشته وراحت
فهد راح يقعد خواته
بغرفة عاليه طق الباب عاليه كانت قاعده : منو
فهد : انا فهد
عاليه : تعال فهد انا قاعده
فهد دخل راسه : فديته اللي قاعد والله بشوفج قاعده ولا لا ء عشان صلاة الجمعه
عاليه ابتسمت : لاء قاعده
عند مبارك اللي قام الساعه 7 تسبح وتنشط ولبس بنطلون رماي من لاكوست ووحفر اسود من لاكوست ونعال بيت ورش عطر جفنشي القديييم *__^ يحبه مايستغنى عنه قعد بغرفته
ولا يطق الباب
مبارك : ادخل فهد
فهد : بسم الله اشك انك جني شدرااك اني فهد
ابتسم : ي خي انته الوحيد المحترم اللي تطق الباب الباقي شواذي اعوذو بالله يدرعمون حتى لو قاعد البس
فهد صكر الباب ودخل : اقول دام قاعد مبجر خل الدردش وياك قبل لا يحطون الفطور
مبارك :غررد قولل
فهد : عن الطنازه وقول متى تزوجج؟
مبارك : وليـــــــه هالسيره ماراح اخلص منها
فهد : ي خي انت بتدخل 36 وانته ليلحين ماعندك ضني ماتبي عيال ماتبي تسمع كلمت بابا ماودك تاخذ عيالك وتوديهم اللعاب وتمشيهم
مبارك ميت ووده بس خايف يجرب ويفشل : عنود كررهتني بزوااج كله
فهد : ي خي مو كل الحريم نفس عنود
مبارك : امبلا بذمتك انت مرتاح مع مرتك ولا عزيز مرتاح
سكت فهد
فهد: مبارك لاتخلط حريمنا بمرتك احنا نعرف حريمنا وعارفين عيوبهم ومغصوبين عليهم وساكتيين كله عشان امي وعلاقتها بخالتي مريم وانته تدري اني انا ما اخذت دلال الا على شان ملاك لاتخرب خطبتها واهي وخالد يبون بعض وبعدين انت زواجك كان تقليدي ماتعرف مرتك ولا ششفتها وتعبت معاه صج ما قلنا شي بس السالفه هذي صارلها اكثر من 7 اسنين وبعدين يعني طلقت بتوقف حياتك مراح تكمل لاتخلط الامور بعض مبارك وفككر بكلامي ترى العمر يرركض تغمض تفتح الا انت داش 60 وبتحسسف قد شعر راسك
فهد واهو و واقف عند الباب وقال : اسمع كلامي يخوك لاتحسسف فكر فيه علا الاقل وطلع
سكت مبارك خصوصا في شيب خخفيف ما يبين الا اللي يقررب منه
وطرت باله عذاري سكت بعدين قال بقلبه ( لا عذاري صغيره شكلها بعمر شوق)
المهم راح مبارك يقعد خوانه
يفتح الباب ويطقه بدفاشه بغرفة محمد : يلآآآآآآآآ يلآآآآآ قوم صلاة الجمعه
محمد : اوووووووووووووووووووووه خلاص خلاص زين لاتحن بقوم
ويززييد طقققق الباب
محمد عصب وقام ودخل الحمام
مبارك : وسلمم قلبه الشاطر
محمد : اقلب وجهك ززين
مبارك بقق عيوونه @@: شنووووووووووووووووووووو
ولا محممد يسسكر الباب بسرعه مات من ضحك مبارك وطلع يقعد خواته لقى عاليه قاعد راح لشهد اللي نايم
دخل غرفتها مثللجه وشغل اليت وطفى المكيف : شهووود يلا يبا قومي ماصارت نوم
شهد تهلوس ناايمه : اااا ..ززز هه
مبارك نقز على فراشها ويصرخ علا وجههاا : شهووووووووووووووووووووووووووووووووود يلاا قوممممممممممي
نقزت مخترعه : وصفقت راسها براس مبارك كان قريب منها
مبارك : ااااااااااخخخخخخخخ راسي عنبوج شهالصماخ اللي عليج لغم مو صماخ
شهد: ااايي رااسي يعوورني اهههئئئ انته صماخك كبيير ااااه
مبارك قام وتل ايدها وسحبها :قووومي يالله وراج صلاة جمعه وسورة الكهف تقرينها لاتطوفج
شهد: انززين( واهي تثاوب) دخلت الحمام
مبارك : لاتنامين بالحمام ترى اعرف سوالفج
تطالع فيه واهي متنحه و وتأشر بأيده وتهز راسها يعني زين زين
وطلع راح لهيا وي ليته ما رااااح
فتح الباب بدفاشه مثل العاده ويشغل الييت ويطفي المكيف
مبارك يصااارخ : هيوووووون هيااا قومي يلااااا
هيا : زين زين بس عشر دقايق
مبارك : اقولج قوومي
هياا: واااي مبارك خلاص زين لاتحن
وهي معطيته ظهرها
مبارك : لاولله زين انا اعلمج
سحححب البطانيه واهو ناوي يشيلها
ولا يشوف دم علا الفراش مبارك صررخ وانصدم : شنو هذااا
هيا اانقزت واهي تحس برطوبه م من تحت
ماتت بمكانها مبارك حذف البطانيه علا وجه هيا وطلع انحررررج
اما هيا ركضت وقفلت الباب واهي تبجججي من الحررراج ودشت الحمام
ساعه 10
منيره : هو وين هيا غريبه ما نزلت
مبارك ابتسم : خليها يمه يمكن تعبانه ومونايمه عدل
حمد : سمله شفيه ابو قلب حنون اشوفك لاعن خيرنا بالقومه وهيا لاء
مبارك : مو شغلك
محممد : اي علا الله
واستغربت شهد من كلام مبارك لان امس مافيها شيء و راحت لغرفة هيا اللي مقفله طقت الباب
ولا صوت عاليه : منو
شهد : انا شهد
بطلت الباب
شهد : شفيج هيون يقول مبارك انج تعبانه
هيا زادت بجي: اآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآهئئئ لا لا لو تذبحوني ماني نازله ماحط عيني بعينه بعد اللي شافه
شهد تنحت : ليش اهو شاف
عاليه قالت لها
شهد : موقف خااااااااااااااااااااااااااايس يييمه ي لحراااج
ولا عاليه فونها دق يقولهم محمد يتجهزون عشان بيروحون بيت شيخه
هيا : مالي شغل مراح ارروح
عاليه: شفيج البيت قبال البيت نروح مشي عادي
شهد:ومبارك اكيد بيقعد بدوانيه ماراح تشوفينه
عاليه : بعدين مبارك مو نفس حمد ومحمد مبارك كان متزوج ومطلق يعني يعرف بالامور هذي وعادي
شهد : احمدي ربج مو حمد ولا محمد والله شهر جدام ماينسيج الموقف ويضضغطج
هيا سكتت وقامت تلبس اقتنعت
راحو يلبسون البنات
عاليه عباتها جاينز ساده وملفعها عليه توقيع علا صوب وجنططتها من قيس ملونه وولابسه جوتي كعب اسود ومبوز من جدام
هيا لابسه بنطلون وسيع فيه كسرات شوي ضيج من تحت لونه مشمشي من زارا وبلوزه سوده حفر سترج وفوقه قميص شيفون اسود فاتححه اول زرارين ويوصلي لي الحوض فونشينها طبيعي ايلاينر وكحل بيج داخل العين ومن برى محددته بالاسود وماسكرة ريميل لندن من ماكس وحمرتها مشمشي فاقع من ماك وعطرها ديور الاحمر جنطتها من توب شوب لونها اسود العلاق مال الجنطه طويل والجنطه مالتها مربعه توصل لي الحوض ولابسه جوتي لونه مشمشي من الدو الكعب شوي علي طبي
شهد تنوره تايقر قصيره سترج لي تحت الركبه بوووااجد وتوصل لي الحوض تنوره وقميص حرير من زارا الجم ثلاث تربع دلعته مثلثه ولا بسه جوتي من قيسس تايقر باسوود ذرب وفونديشنها برونزي وايلاينر معرضته شوي وماسكرتة تايقر اتش ار والحمر قمرديني من ماك درجه الهاديه عطرها كوكو شانيل جنطتها من دبنهامز سوده حلو وشكلها عمليه
بيت حصه
قاعده تطالع تلفزيون واهي جاهزه اصلا
ولا بدخلة جوري وعبدالله : السلام علليكم
حصه :وعليكم السسلام هاه شلونك عبدالله يما ان شاءالله جوري مو متعبتك وهي تخز بنتها
جورري : يممممممممممه شنو الحين يرفع خشمه علي لاتقولين له هالكلام
عبدالله اللي قاعد جنبها طقها مع راسها : جب انتي
جوري : شفتيي
حصه : كييييفه حلاله خل يكفخج ( تعاند بنتها )
جوري عصبت واسككتت
وعبدالله برقص حواجبه لجوري مستانس واهي تخزه
قامت حصه تشوف ا خلص الـ مرق شبزي ولا لاء راحت المطبخ
جوري مطنشته
عبدالله : يممه ي زعلان انته
جوري: اسكت ي شااايب
عبدالله @@ : منو الشايب
جوري بنحااسه : أنــــــــــــــت
عبدالله : ماشي ي جوري زززين زززين
مطنشته واهيي ماودها تسكت تحب تسولف معاه تموت عليه
مرت ربع ساعه ساكتين مو متعود علا هدوئها يحب زعاجها
عبدالله : جوريتتي حوووبي انتي بعدج زعلانه
جوري تمد البرطم جنها زعلانه وترفع كتوفها فوق : موووبي مووووبي زعلانه انا
عبدالله بحركه خبيثه سحب برطمها بأيده وقال: فدددييييتها الزعلانه والله
جوري قامت عصبت عفس حمرتها فوووق تحت : اأأأأأأأأأأأه يمممممممممممممممممممممممممممممممممممممممممه
عبدالله : هههه اي خل عميمه تشوف عاادي اصلا بتزفج انتي يالغبيه
استوعبت جوري شقصده سحبت جنطته ونحاشت الحمام
عبدالله : ههههههههه
نزل ناصر وسلم
ناصر: يالله نروح المسجد عبيد
عبدالله : يلاا
وولا حصه تنادي ناصر : نصصوور يممه تعال
عبدالله : هههههه (يدري انه مايحب احد يدللعه يكرره )
ناصر: يمه الله يهداج جاهل انا عمري 9 سنين نصور ترى بصك 32
حصه : راحح اقوللك نصصصووور لين تتطخ و تزووج
ناصر : وللـيه من هالسيره خل يتزوج مبارك ومحمد بعدين افكر اتزوج
حصه :وانت شعليك منهم
ناصر :اللي ييشوف عيال خالتي منيره وحريمهم يكرره الزواج كلله
عبدالله : هذي جوريتي حبيبتي شحلااتها مو كل الحريم نقس اللشيء ترى
ناصر : خيرر ان شاء الله افكر
حصه :اقول بس تعال خل ابخرك قبل تروحون المسجد
وقعدت تبخر ناصر وعبدالله مع انه جوري مبخرته بس يموت بخور عمته حصصه وبذوقها بالبخور
راحو المسجد
وكانوا سابقينهم مبارك واخوانه وسالم ونواف
حمد : اااووو مالي خلق متى نبدى صلاه واطلع
عبدالله : ققصر صوتك فضحتنا جنك بزر مو رجال
حمد : فكنا ززين ( حمد مايحب المسجد قليل يروح هناك كان يتضايق لما يشوف شيخ او مطوع يقعد يتطنزز عليهم وهذا عيب وحرام )
المهم كان اهم اخر من جاء وباخر سطرتين بالمسجد
كان جدام سالم ونواف ومبارك ومحمد وخالد وفهد وناصر
وراه مبارك حمد وعبدالله وعزيز ( مبارك سمع كلام اخو وتضايق يدري انه مايصلي واهو غاصبه علا روحتهم لصلاة الجمعه بس شيسوي يططقه رجال كبير بيدخل 27 اهو ادري بمصلحته تعب مبارك واهو ينصح فيه
محد يتجرئ يسأل حمد صليت ولا لا ء خوانه يستحون يسألونه لازم اهو من نفسه يصلي وعن قناعه )
المهم
اول ماكبر الامام وبدت الصلاه
وسجدوا قام حمد وقطع صلاته واهو اخر سطره وعند الباب والمسجد كان مليان وطلع من المسجد وركب سيارته وراح عند ربعه بدوانية رفيجه وكان ممدمن زقاير اكثر من محمد ( صج انه خبيث ومايصلي بس يييكررره جننس حواء مايحبه ومايحب ييطلع مع اهله ولا شاف بنت بمكان عام يسبها علا بونه اكلم رفيجي وهذي حياته مع انه وضعه المادي فووق الممتاز )
عند حصه
حصه : جوري انتي ماتستحين جايه وايدج فاضيه ليس ماسويتي شي ولا حلا ولاسلطه لو مالج خلق
جوري : ييمه يمممه
حصه : وصصصصمه زين انا مو معودتج علا هالكسسل طلعتج من بيتي مره سنعه تعرف تطبخ
جوري : يمه عبود موراضي مو بكيفي مايخليني اطبخ شسووي فيه
حصه بستغراب : وليش موراضي ؟؟
جوري :يقول عندنا خدامتين ليش تعبين نفسج ماله داعي واذا مسسكت الجوله زفني ززف شتبيني اسوي فيه متعقد من بعد وفاة امه واخته
حصه : ي عمري عليه مايستاهل بعد شيسوي مو سهله علي فقد امه واخته بيوم واحد
( عبدالله قبل ياخذ جوري وكان عمره 25 وبرمضان راح العصر الجمعيه يجيب لاخته توسست عشان الصينيه اللي بتسويها رجع لقى البيت حوله مطافي وصل المطبخ محتترررق صاير فحم ركض لجثة امه واخته وفتح وحده وحده وانصدم فففحم كانو مواضحين حتى لما بيغسلونهم يالله يالله مايقدرون يتكسرون بيدينهم ودخلل عبدالله بحاله نفسيه وصدمه دامت سنتين وكان وقتها ناصر ومحمد مايخلونه يسحبونه معاه وين مايروحون وحصه زوجته جوري بوقتها عشان تملا عليه حياته وبعد معانه من جوري ومجهود دام 6 اشهر طلع من اللي اهو في وتحسنت نفسيته وحب جوري من قلبه ومن كثر ما هو خايف يفقدها حطلها خدامتين وطباخ برى بس عشان لاتدش المطبخ واذا دشت ززععل عليها ومايكككلمها واهي ماتقدر علا زعله )
جوري بحزن : الله يهداه بس هذا كله قضاء وقدر ولمفروض يؤمن بهالشيء
حصه : ي يماه لاتلومينه وانا شلي خلاني اسألج نسيت عبدالله وسالفته خنت حيليي
حصه: يلا خلينا نروح بيت خالتج شيخه عشان نجهز الغدا شكله المساجد فاضوأ
جوري :يالله
^^^^
بدووانية رفيج حمد
جراح : عمره 28 انسان معقد متخلف درجه اولى كلشي لاء عنده وعند كل البنات وصخات ومايستحون مو متربيين
ماعنده الااخت وحده ومورايها انون و مايعلمون يزفها بسسبب وبدون سببب والصاحب سااحب
من ناحية شكله : مزييون عرررييض جثه بس فيه عضلات شوي واقصد بالجثه بونية الجسم وايده ضخمه طوله 189 يشتغل بالمبااحث رتبته حساسه حيل وياخذ القضايا الكبيره وا واهوا شاطر وخبيث وكل قضيه تطيح بيده لازم تنجح وكل قضيه شوفو جم عليها مكافأة شوفوا عاد المكافأت اللي ياخذها جم غير معاشه ... يعني حالته الماديه مممتااززه
سيارته رنج روفر اسود لونه المفضل
رفيجه ثاني فيصل بالحرس الوطني : عمره 27صايع مايهمه شي ومو متزوج ويلعب علا البنات لعب ولخلص قطها
ماعنده خوات امه متوفيه وابوه متزوج وعنده 3 عيال بس علاقته بخوانه ضعييييييفه حيل ومرت ابوه قاطته بالملحق مال البيت
بسوالفها انها جم مره تقول لابوه فيصل يتحرش فيني وتبجي واهو صدق مرته وطرده من البيت وقطه بالملحق وكان وقتها عمره 16 بالمراهقه وصاع واهو بالعمر وهد دراسته ودخل الحرس الوطني وبعدها توظف وعدل الملحق وصار جناح ملكي رااقي بدال ماكانت خرابه سيارته جيب شروكي 2013 لونه ذهبي
من ناحية شكله : ملامحه حلو وهاديه وتدل علا البراءة عكس قلبه واسمر وفيه شامه تحت فمه باليمين وحواجبه كثييفه واعيونه حاده وكبار وشواربه نفس نظام عصابة قرية كابوي *_^ لووول حمد نفسه يسوي وجراح مخلي له عوارض ^^
حمد:هاه تحدقون اليوم
فيصل واهو يلعب بشورابه ^o^ : لاء مالي مزاج مو مال صيد كلش وبعدين وراي قوومر مواعدها الليوم وبشقة خويلد صاحبي
جراح : انت ماتخاف علا اهلك ي خي
فيصل بروود: لااء
حمد : اككره ماعندي الجنننسس الناعم مادانيه بس اسمع صوته اشتهي اخنقها وزين تسوي فيهم حيلك فيهم
فيصل : ههههههههه
جراح يخخززهم ويفكر بأخته مو قلت لكم شكاك: انا بشوف حطو الغدا ولا لاء وقام
فيصل لف علا حمد : حمييد ماشفت اخت جرااح ويعض شفايفه ي خييي ملااااااااااك ملاااااك يمشي عالارض
حمد بقق عيونه مصدوم @@: انت شلون تقول عنها جذي اخت رفيجك ي حيوان وين شفتها اصلا خبري بجرييح حابس اخته ومومعطيها مجال تنفس حتى الثانويه خلصتها وقعدها بالبيت
فيصل : يبا شفيك كنت داخل حمام اغسل بقسم رياجيل واانا طالع بروح دوانيه ولا اسمع صوتت بلبل بغني بعيد شوي صوت. ذبحني الفضول ورحت وراه صوب اللممر عند السور مال البيت ولا اشوف دريشة المطبخ مفتوحه وقممر يغسل الصحون ويغني
حمد لف ورد طالعه : انته حمار ووالله ان درى جراح لا يخلي عزاك اليوم مالنا شغل باخته تفهم اللعب بعيد ي بابا وخرر عنها
فيصل يخززه ويطالعه بنظرات خبيثه ويبتسم ويمسح شواربه : خير ان شاءالله
حمد : فصييل تفهم لاتستخف اخت رفيجك هاذي يعني اختك انت
فيصل يفكر : خلاااص زين زين لاتحن ماني مسوي لها شيء
داخل عند جراح
بغرفة فرح اخته
فرح عمرها 22 سنه فيها نوع من الاكتئاب ماتشوف شارع ولا تدري شلون صاير متعقده وتخااف من جرااح اخوها حييل مهمل باخته لدرجته انه ملابسها قصيره عليها واغلبها مشققه ومايفكر يسألها
بنسبه لشكلها : شعرها طويييل لشوي خفيف يوصل نص فخذها طولها 158 زونها 50 وضعييفه حيييل بيضه وتهبل قمر عيونها كبار خشمها صغيرر شفايفه كبيره بس حللوهه فيها حبة خال بخدها اليسار واضحه واهي اللي محليتها ززياده فيها لمحه من ميساء المغربي بس ماتشبها
جراح جر شعر اخته ومعصب : بتقولللين ولا لاء
فرح : اااه جراح والله ماطلعت والله واهي تبجي
جراح صفقها كف وكف ثاني ورابعض وبصرااخ : جذذذذااابه اعترفي احسن لج انا مو غبي عندج




>>>>>>>>>



البارت9طاحت فرح بالارض وقامت تبجي وطق نفسها : والله ماطلعت والله والله
جراح خزها: ماشي فرح ززين انا اعلمج
وقعد يدخن زقاير ويطالع بخته اللي شعرها خرب وقاعده بالارض ولاصقه بطوفه ومتكوره علا نفسها ولامه نفسها واهي تبجي وتطالع باخوها
جراح بلوعة جبد من اخته : قومي اذلفي انجبي الغدا لادوس بططنج يلاااا
قامت ترككض وحطت الغدا له ولربعه واخذه جراح وداه الدوانيه
لما خلص فيصل قام يغسل
لف حمد علا جراح وانتبه لخصله شعرودم علا كتفه
حمد : جرااح شنو اللي علا كتفك
جراح لف وشاف دم من اخته وخصلة من شعرها علا تي شيرته : من الخررااا اللي داخل
حمد : وليش هالمره شنو بعد
جرااح : شااك فيها احس انها تطلع من وراي
حمد : انت صاحي وين تطلع اذا اهي من طلعت لدنيا من المدرسه لي لبيت ومالها رفيجات ماتقولي شكو تطلع وفرضا طلعت ماتدل شيء اهي شارع ماتدري شلون صاير جرااح شفيك ي خي صج ماحب البنات و دلعهم الماصخ بس والله اختك كاسره خاطري لو وحده من خواتي مكانها جان من زمان انتحرت
جراح سككت
حمد : اقول لاتخلي سوالف افصيل تششكك باختك
جراح : ان شاءالله خير وقام يغسل
####
بيت شيخه
بعد الغدا
البنات متجعين بزاويه ويسولفون وحصه ومنيره وشيخه كانو قاعدين جنب بعض سوالف وضحك
محمد وعبدالله وناصر قاعدين عالارض ويلعبون بلوت
مبارك مندمج بتلفزيون
عزيز واهله وفهد واهله راحوا بعد الغدا بأصرار من حريمهم انه عندنا مششوار (مريم وبنتها ماجوا مايحتاج اقول ليش )

محمد : اللعب العب روووووووووووووووووووووووح
ناصر : عمي العب وانته ساكت وبسسك هييياط
عبدالله : فززت ويهزز رقبتها ويطق الصبع
جوري : وآآآي فديته زوجي حبيبي اي حيلك فيهم
لف محمد : اقول لاتخليني امردغه وامسح وجهه بالقاع
جوري : لا حبيبي هذا عبودي محد يقدر عليه
مبارك : ايـــــه شعليك ي رجل الخضر
ناصر يطالع محمد : هاه جنه يبيله
محمد : يبيله والله
وهجموا علا عبدالله * على1 وعبدالله يدز واحد بيهجم عالثاني لا ناقز علي الاول وهذي سالفه
جوري : وااااي زووججي وخخخرووا عنه ي الفيله ذبحتوا
مبارك يقلدها : وخنوووا عننا ي ف ي ل ه
جوري : مبااارك قوم سو شي لايذيحون بعلي
مبارك : خلي يسنعونه شويه باط جبدي هذا
جوري بصررااخ : قووووووووووووووووووووووووووووووووووووووووووووم اقوووووولك
مبارك سد اذنه انفجرت : اذني اذني ابييهااا والله
جوري عصبت وقامت ووراحت عند ناصر وتسحب ويدزها جان تقوم تنقز علا اخوها وتخنقه ولا ناصر شالها وقطها فوق عبدالله
جوري : ااااااااااااااااي يمممممممممممممممممممممممممممممه
حصه : وصصصصصصصصصصصصصمه زززين انتي الملقوفه طايره فوق اخوج خلج
الكل : ههههههههههههههههههههههه
عبدالله لما طاحت جوري عليه سحبها ولف صارت اهي تحت وعبدالله فوقها
محمد يسوي روحه بينقز وينقزعلا عبدالله (يمثل )
ناصر : وين العجره ي ولد
عاليه : فزززعه فزعه
مبارك : شد عليــــه
اخر شي عبدالله : بسس خلااص خنقتوني انا وزوجتي وخرروا عنتالله عليكم
محمد : ماشي
ناصر : خلااااص خلااص كسسرت خاطري
مبارك : افا طلعت لاتهش ولاتنش خيخه
عبدالله : قالوا لك بطل فلم هندي انا اثنين علا واحد اكيد بيقدرون علي ويرفس رجل محمد
محمد يهز راسه : مشكله الجهال واهو يلعب بفونه
عبدالله وجهه احمر : جهال بعينك زين اكل تبن بس
جوري لفت عليهم : وي حسبي الله عليكم ذبحتوا اللي يسلط عليكم
عبدالله حاط راسه علا صدرها ويطالع فيهم ويرفع اصبعه : الله يسلط عليكم
مباارك : ههههههههههههههههههههه
محمد يخزهم واهم قاعدين عالكنب ومحمد وناصر الارض
محمد يطق عبدالله من رجله : قوووم زين تبط الجبد انت ومرتك لاتدلعون جدامي
عبدالله بنحاسه : جوريتي حبيبتي راسي يعورني وينسدح بحظنها دلكيه
جوري : من عنوني جم عبود عندي (واهي قاصده تزهق محمد )
عبدالله بدلع مولايق كللللش جنه ترف ويأشر بصبعهه : بس وااااحد انا عببببببببودي
محمد : ووووووووووووووييع وييييييييييييع ويع لوعو جبدي هذيل
شيخه : هووو انته شعليك منهم شم زهققكك
محمد : بسس لايتدلعون
شيخه : الله عشانك يعني كيفهم
عبدالله يرقصص حواجبه لمحمد محمد اخذ كوشيه حذفها عليه عبدالله حطها بحضنه واهو يضححك
بيت شيخه صالات مفتوحه علا بعض وشوق قاعده بجلسة ثانيه
عند شوق الللي بعيده عنهم ومبتسمه و بأيدها فونها وماسكته واصلها مسج نظظام رساله من بن غريب ماتعرفه وتفكر برساله اللي وصلتها ساعه 8 الصبح
مكتوب برساله
*شوق انا غلطت بحقج واجد وي ماظلمتج
مادري شنو اكتب لج بس انا احبج مثل ما انتي مهوسسه بأسمي من كنتي صغيره
شوق انا توني عرفت قدرج ومعزتج بقلبي اترجاج سامحيني تكفيين ترى قلبي قاعد يتعذب بحبج واذا صج انتي بتسامحيني قولي لي انطررج علا نار .... أحبج *
حبيبج...
تفكرر (معقوله محمد لا مستحيل شكو اصلا بس انا ما حب الا محمد يمكن اهو ليش لاء ) وكانت مستانسه
منيره : شوقه وين كيكتج اللي ازعجتيني عليها ابيج تذوقينها وابيج تذوقينها
شوق استحت : الحين اجيبها
مبارك : عاد حلاا شوق لا يعلى عليه عجججيب ماينشبع منه نفس صاحبته
شوق بحرااج (اول مره احد يمدحها جذي وجدام الكل ) : مشكور مبارك
مبارك غمز لها : اعجبج
راحت تجيب الكيك وكانت مسوية كب كيك ومحشيته داخل تشيز كيك بفراوله وومزينته بمربي فراوله طبيعي وشكله مغري وحلو جهززته ومن الخوف وربكه قالت الخدامه تودي واهي ظلت بالمطبخ
عند البنات
شهد : وييع صدقت نفسها هذي
هيا : هههه خليها تستانس محد مدحها ولا احد معطيها وجه الكل يدقر فيها
عاليه : هههه اي والله علا الاقل يكسب فيها اجر مبارك هههههه
هيا : اقول ماجنا مبارك وعدنا يودينا السينما اليوم
شهد تعلي صوتها : برروووووك
مبارك حذفها بالكوشيه : اصغر عيالج برروك
شهد : انزين ي شايب
طالع فيها وبنظره
شهد : هاه شقول
مبارك : عن العبط وتدرين شتقولين
هيا : مبارك حبيبي مالك شغل فيها هذي ام اللسانين
محمد: اووووووووووه فيها حبيبي كراااااااااف ي ولددد انحححححش
هيا: حمووود اسكت
ناصر : ههههههه
مبارك :شتبون عيوني لكم تدللووا انتوا بس
محمد: ايـــــــــــه عدل احنا لنا العنة الخير وخوات سندرلا وامها لهم الدلع كله
عاليه حذفته بالكوشيه وردها لها بأقوى : اخخخ راسييي راسسسي ابيه والله ابييه
جوري ماتت ضحك : هههههههههه خوات سندرلا هههههههههههههههههه
عبدالله : سمالله عليج عمري لاتموتين انتي شوي شوي اضحكي موزززززززين (وعينه علا محمد يززهقه )
محمد: اقول جب انت ومرتك ززين
مبارك طنشه : شعندكم يبا؟؟؟
هيا : انت امس وعدتنا تودينا سينما
شهد : نبي برج الحمرا
عاليه : اسكتي انتي وتختار بعد خل يوافق اهو اول
مبارك يأشر علا عيونه يعني حاظر : من عيوني انتوا تامرررون
محمد : وليش ما تروحون انتو؟ ماعندكم سياره !!
مبارك: انا واعدهم امس اوديهم
شهد: من زمان ماطلعنا السينما مع بعض اخر مره قبل سنتين
ناصر (بعبط ): طلعة عائيليه يعني ؟
هيا: أأأأأأأأأأأأأأأأأأأأأأي عندك شيء .. ترى فاهمتك نويصر هاه
ناصر: روحي موتي
محمد : دام عائيليه علا قولت نويصر انا معاكم برروح
ناصر : لاا توأمي بيرووح وانا لاء لاازم معاكم
محمد : زوجتك انا شتبي انت
ناصر: كيفي يا خي احبك شسوي
محمد :حبتك القرااده (ناصر يننط علا محمد ويببوووسه حيل وطاح محمد علا ظهره )
محمد: ولك وخخخخرر ويييييييييييييييييع ويييييييييع
هيا: ويييع الله يلوع جببببببدك
محمد دز ناصر وممسسسح خده واهو لايعه جببده : خلاص خلاص دريت انك تحبني من غير فعل ي خييي
مبارك : ولك تششفط مو تبوس بـــل عليك هههههه
محمد : بغى يشفط وجهي
ناصر يطالعه بنص عين : حاصصلك اصلا غيرك يتمنى (بغرور )
مبارك : خير ان شاءالله
شهد: الحين انتو شتبون نبي بس مبارك
محمد : عاد عنااد فيج برروح بس جذي كيفي
هيا : وااي مو صج انت تززهق خلك مع ننصورك اللي يحبك
ناصر يقلدها: وااي لااا مو سسسسسج (رد صوته طبيعي )جب انتي بس ( هيا ماتقدر عليه تخاف ترد يضغطها تعرفه عدل)
مبارك : بلا ملاغه عاد ومتى تبون ترووحون ؟
عاليه : علا 7 جذي
شهد : نبي برررج الحمراا
محمد :هذي شفيا علا برج الحمراا ترى حاله حال اي مجمع لاتشططين زياده
شهد: كيفيييييي
مبارك يأشر علا خشمه: علاا هالخششم حاااااظر جم شششهود عندي
عاليه : غريبه مبارك الليوم نفسيتكك تهبلل
شهد: عسىى دووم جذي
مبارك يبتسم
خواته ومحمد : امممييين يارب
عبدالله : بــــل شكله مكرهكم بحياتكم
جوري : ههههههههههههههههههههههههههههههههههههههههههه (ضحكتها عبط )
مبارك : سكت هالمسجل المعلق لا اكسره الحين
عبدالله : فديت هالمسسسجل والله ملح حياتي
محمد : اقول اعبيد الله يرحم اللي مايعرف يقول كلمتين حب علا بعض
ناصر : ترى بطيتوا جبدنا محد حب غيركم طسووا برى واقعدوا حبوا بعض لين تشبعون
جوري لافه ايده بأيد عبدالله بتمللك : موشغلك
مبارك : لافه ايدج عليه ولا ايد لعبه اها اوك ايــــدج ( انه عبدالله عضلاته كبار وجوري نتفه عنده )
جوري : حاااااصلك وحد ه تدلعك
طرت باله عذاري وتذكر شيء وقام بيرقع : اقوول بس رووحوا موتوا
بوقفتها دشت الخدامه وبأيدها تشيز كيك فراوله علا نظام كب كيك
مبارك :اووووه خوش كب كيك لا يطوفكم واخذ وحده وطلع
محمد يموت بالكب كيك لانه حشوة تشيز كيك فراوله
وقاموا يهجمون ناصر ومحمد وعبدالله
عبدالله ياخذ ويعطي جوري ^o^ فيلم هندي هذيل
مبارك راح يدور شوق ولقها بالمطبخ ونادها يقعدون بالكراسي مالة طاولة الطعام
مبارك ابتسسم : خووش كيك والله عجيب تسلم ايدج شواقه
شوق بحيا : الله يسلمك
مبارك : بسألج شوق صج عذاري رفيجتج هذي متى تعرفينها اهي زينه ولا لاء
مبارك وبقلبه اخخخ من هالعذاري قلبتني فوق تحت هالبنت بس هم لازم اسأل عنها بعد مابي ابتلش نفس الاولى (الحب عنده اخر شيء يحكم عقله قبل قلبه )********

شوق علا نياتها : اعرفها من ثانويه اي زينه حبوبه اصلا اهي اللي تدق انا مادق عليها استححي
مبارك: فيها االخير والله
مبارك بتردد بس ما مو مبين عليه : شنو تعرفين عنها شوق ؟
شوق استغربت وتخاف تسأله يزفها فقالت كل شي تعرفه عن عذاري من اسمها لي وين ساكنه ومنو اهلها
مبارك بقلبه زين طلعوا من جماعتنا حلوو
مبارك : اقول شوقه برووح انا والبنات سينما امشي وويانا
شوق : لاا مابي
مبارك : افاا ليش شوقه يلا تزعلين اخووج الكبير واهو يشد علا كلمة اخوج
شوق ابتسمت : ان شاءالله
راح مبارك لعبدالله اللي ناداة يبي يلعب معاه هند اهو وناصر
شوق واهي قاعده بمكانها شافت محمد يصلي بالغرفه اللي صوب الدرج كانت جلسسه ارضيه(مغربيه) اسود بسلفر مرات يقعدون فيها **
اول ما خلص راحت له
شوق بتوتر : محمد انا سامحتك علا كل شيء
محمد بستغراب : شنو (ويبتسم بسخريه )
شوق سكتت
محمد : علا شنو مسامحتني واذا مسامحتني علا قولتج شتبين يعني جايه مصدقه عمرج انتي
شوق انصدمت : محمـ
قاطعه واهو ماسكها من زندها : جبببب جببب لاتقولين اسمي علا لسسانج (ويمسك زنودها ويضغطط عليها حيل ويقربها صوبه ) لاتقولينه تفهمين احسسس بنشااز اتنرفز من صوتج ونظرااتج (بحده ) تفهمين ولا افهمج بطريقه ثانيه (ودزها علا الكنبه الارضيه )
شوق طالعت فيها
محمد خززه واهو لايعد جبده منها وطلع
شوق دموعها بعيونها واهي تطالع الفراغ اللي تركه محمد صعدت غرفتها واهي متضايقه حيل وقعدت تبجي هالمره غير جررحها من قلب ترك له اثر كبير بقلبها بس اثر اسود ^
محمد طلع برى بالحديقه وقعد يدخن واهو متنرفز . شافه ناصر وراح له
ناصر : شفيك محمد ؟
محمد قاله كل شيء
ناصر ماسك بطنه : هههههههههههههههههههههههههههههههههههههههههههههههههه ههههههههههههههههههههههههههههههههه
محمد : عن العبط ناصر ترى مالي خلق لك
ناصر : ههههههههههههه سوري محمد بس اهي غبيه ولا تخيل علا كثر مماتدقر فيها ههههههههههههههههه
محمد : هالانسانه غريبه مادري متى تفففهم اني مابيها مابيها وشكو جايه تقول مسامحتك خبله ولا تستهبل
ناصر : وانت معصب عليها يعني خبري اللي يعصب على شيء يستاهل مو علا (وعفس وجه ) هاذي
محمد: تنررفززز ماشفتها شلون تكلم
ناصر: هههههه يمكن شافت معاملتك لها بشاليه المره اللي طافت وقالت (وينعم صوته ) خلاااص حبني ههههههههههههههههه
محمد مايتخيل شوق حبيبته وطق ناصر بكتفه : خلاااااااااااااااص نويصر عاد عن الملاغه لاتصير سخخخييف
ناصر احترم نفسه وسكت لما شاف محمد جاد بكلامه
ولا حمد صافط سيارته عند بيت خالته شيخه ونزل وراح لمحمد وناصر : سلااااام شباب (وقعد معاهم ) (كانو قاعدين بكراسي شعبيه بره وراى الكرااسي دوانيه خارجيه
محمد : وعليكم سلاام
ناصر يطالع بسياره (كانت همر 2013 سلفر ) : ماشاءالله مبررروك سياره الجديده متى شريتها ي خي ماتقول
حمد: لا سيارة هيا مو سيارتي
محمد : وين سيارتك ؟
حمد : موجوده
محمد بنظره : يعني مافيها شيء سيارتك
حمد : لاا
محمد: ولليش تاخذ سيارة هيا ي خي ماللك شغل بسيارات البنات
حمد : لليش شاكين لك الحال
محمد: لاء ماشكو بس اخذ سيارتي ولا اي سياره من اخواني مالك شغل بسياير البنات انا اخوهم استحي اقول عطوني سويج السياره
حمد: انا ما استحي وبعدين ماوراهم شيء ويك اند
محمد : استغفرالله
ناصر : شنو يعني نحاسسه سالفه ي خي مو عاجبتك رووح اشتر سياره ماشاءالله فلوسسك واجد
حمد : عطني فلوس اشتري ماعندي شيء
محمد: لا عندك بس ماتبي انت
حمد : كيفي (طلع باكيت زقاير وقام يدخن )
ناصر : اذا ماتقدر عالكاش اخذها بالاقصاد
حمد : خير ان شاءالله
محمد: وبعدين سيارتك مافيها شيء واذا مو عاجبتك بادلني
حمد : لاءء ما ابادل
ناصر : انت وينك اليوم لما خلصنا صلاة لفيت مالقيتك
محمد يطالع باخوه ساكت مايبي يفضحه

البارت 10

حمد برررررود: لما سلم لامام طلعت بسرعه كان عندي شغيل
ناصر : اها
الا بطلعة حصه ومنيره وشيخه
شيخه : هاه شلونكم شباب
الشباب : هلااا تمام
منيره :وينك حمد عن الغدا اليوم طافك خوش غدا
حصه : اي و الله صج ماعندك سالفه هاد طباخي وطباخ خالاتك وكاشت فينا
حمد ابتسسم : المره الجايه شسوي انشغلت يالغاليه
حصه : بطوفها لك هالمره لكن المره الجايه شوف شسوي فيك
ناصر: عاد ي ويلك امي قول وفعل
حمد: مايصير خاطرج الا طيب (قام وحب راس خالاته وامه )
محمد: علا وين البنوتات ..
شيخه : اي بنوتات ولي يعافيك
منيره: بعد خلاص راحت علينا مايصير ناخذ جيلنا وجيل غيرنا
حصه : لا حبيبتي راحت عليكم انتوا اما انا لا توني صغيره وي ي حلوك ي حمود هذا الكلام الي يطيب الخاطر (واهي تدز له بوسه )
محمد يغمز لها :اعجبج خالتي جم حصوصه عندي
منيره وشيخه : هههههه خوش والله
ناصر : يمه وين بتروحون ؟
حصه : انا برووح عندي موعد عند دكتور بشره منيره وشيخه رايحين بيت ام عبدالرحمن عازمتهم عندها
محمد : اهاااااا
شيخه : سكر فمك لايدش شي
محمد يحط ايد علا فمه
حصه ومنيره وشيخه : يلا مع السلامه
الكل : مع السلامه
.....
عند شوق تطالع محمد من الدريشه واهي متضضايقه حيل ( دام مايحبني ليش داز لي هالمسسج اخخ ي القهر بس ي حظج فيه ي ساره ودمعت عيونها )
....
عند مبارك وعبدالله والبنات
مبارك : هاه يالله نمشي
عاليه : تو الناس ما جت 7
مبارك : لا خل نطلع الحين احسن
البنات : يالله
هيا : بروح ابدل
مبارك : شتبدلون بعد كا شحلوكم اذا بتبدلون مافي رووحه
البنات : لا خلاص خلاصص ( قامو البنات يضبطون اشكالهم )
لف مبارك على عبدالله : هاه بوعابد ترووح معانا
عبدالله : لا ما عليه مره ثانيه
مبارك : شعندك امش معانا
عبددالله : والله المدام عازمتني اليوم عيد ميلادي (واهو يتنحنح ويعدل دشداشته )احمم احم
مبارك : اوووه كل عام وانت بخير
عبدالله ابتسم: وانت بصحه وسلامه
مبارك : الله يهنيكم (وقام )
عبدالله : تسسلم وعقبالك
مبارك ابتسم وطلع برى
مبارك : محمد هاه يلا تمشون
محمد : يالله مشينا يالله نويصر
حمد : وين علا الله
مبارك : سينما برج الحمرا امش معانا
حمد: لا مالي خلق رووح انتوا (حمد مايحب السينما )
مبارك :علا هواك ورااح
عند الشباب
كل واحد يشغل سيارته
مبارك : بو حميد عطني سويج سيارتك انا بسوق
محمد : ليش ماتسوق بسيارتك
مبارك: لاتستعبط تدري انه سيارتي ماتكفي (مبارك سيارته سلفرادو اسود بو غمارتين بس باب واحد )
محمد عطا سويج سيارته سيارته (رنج روفر اوف وايت 2013 )
مبارك دق علا شوق عشان تطلع
شوق تعدل صوتها جنه مافيها شيء : هلااا
مبارك ماحس بشيء : هلا شوقه يالله اطلعي برى
شوق : لا مالي خلق
مبارك : شنو مالج خلق يلا شوق امشي بتستانسين
(محمد سمع كلامه وعفسس وجهه لما درى شوق بتطلع معاهم وقال )
محمد : انت من صصججك مكلم هالسعلوه تطلع معانا (كان متعمد يعلي صوته عشان تسمع )
مبارك خزه وعصصب
شوق سوت روحها ماتسمع واهي مقموت من تشبيه محمد لها : شكله في احد يناديك روح لاتأخر عليهم
مباركك ارتاح عبالها ماسمعت : لا امشي انا معاج يالله عاد
شوق : لا مبارك ماعليه الجايات اكثر انا تعبانه اصلا احس بدوخه مونايمه من 6 الصبح
مبارك صدق : علا راحتج يبا وسكر التلفون
ولف علا محمد ومسكه من ملابسه وبحده :انت حمار ماتفهم جم مره اقولك مالك شغغل فيها تبيني اكسسر راسك الحين
محمد يوخر ايدين مبارك (مايبي يمد ايده علا اخو الكبير ) : اووووووووه خلاص عاد وخر
(ويجي ناصر بينهم ويوخرهم عن بعض ): خلاصص شبباب شفيكم
مبارك : اخر مره اشوف تدخل تفهم
محمد طالع فيه وركب سيارة ناصر ( سيارته كمارو سودا 2013 )
البنات طلعوا وركبو مع مبارك بسيارة محمد
وراحو برج الحمرا وحجزوا فيلم محمد سعد تّنح ويبدا بعد بع ساعه وقامو يفترون بالمجمع علا مايبدا الفيلم

عند عبدالله اللي عازمته جوري علا عيد ميلاده
كان مايدري وين عباله مطعم وهديه وخلاص
جوري كانت لابسه تنوره عنابيه شيفون توصل لي الحوض وحزام موسكينو الضعيف علا الحوض وقميص شوي ضيج فاتح اول زرارين وملفع اسود شيفون وسكارف عنابي بذهبي لافته علا رقبتها وموسعته شوي وفونديشنها طبيعي وايلاينر سعاد حسني وكحل داخل العين اسودوماسكارا تايقر اتش ار وحمر عنابي مطفي اف سان لوران ورشت عطر شوبارد الجديد ^_* (قويه ريحته ) لبست جوتي كعب اسود ممن لويس فاتون وجنطه لويس فاتون سوده
عبدالله ينطرها بسياره
طلعت وركبت معاه
عبدالله : يه يه شهالزين كل هذا حقي
جوري ابتسمت : اي عندي غيرك المهم ابي اسوق
عبدالله @@: خير يلا مناك
جوري : يلا انا عازمتك علا مكان مابي اقولك وين
عبدالله : يلا بعد بطاوعج مابي اردج
نزل وركبت سيارته جوري وساقت
بعد فتره
عبدالله بقلة صبر :وين هالمكان انتي داشه الحره
طالعت فيه وابتسمت
سفطت عند فندق ومنتجع المارينا
جوري : يلا انزل
عبدالله نزل ودخلوا داخل عباله عازمته علا عشاء
دخلت وسوت شيك اون ودخلوا سويت
دخل عبدالله الاول واول مادخل انفجرت بالون فوقه كانت معلق بسقف وطاحت الزينه كلها عليه
ولمارفع راسه شاف الكيكه جدامه كانت نظام الكتاب مكتوب كل عام وانت بخير وصوب الثاني حبيبتك جوري
ولا بالونات سلفر بنفسجي بابيض وكانت واقف بسقف صايره نظام ديكور وحلو كان
وسكرت الباب جوري وشغلت اغنية عبدالمجيد عبدالله غنوا لحبيبي
عبدالله ماتوقع هذا كله انصدم وبنفس الوقت ستانس
راح لها ومسك ايدها وباسها : الله يخليج لي يارب
جوري : كل عام وانته بخير حبيبي
عبدالله : وانتي كل سنه معاي انا بخير
ابتسسمت
لف علا الجنااح وقعد يشوفه وقلبه طاير من الوناسه
عبدالله : اه ي شيطانه متى امداج تسوين هذا كله
جوري واهي تغمزله : افا عليك اعجبك
شاف الغمازات وقام يقرص خدودها واهي تضحك
جوري : عبود خلااص عاد يملغك ماحب جذي ههههه
وقعد علا كنبه وقامت تجيب له هديته اللي علا طاوله وقعدت جنبه وكانت
(نظارات شوبارد الجديده تدري انه عبدالله خاطره فيها لانه مره ككانوايتمشون بالمرينا مول ومروا نظارات الحسن واعجبته النظاره كانو عارضينها برى بوستر كبير وماكاننت نازله المعاشات بافي اسبوع عليها ومامعاه شيء فققال علا نزلت المعاشات اشتريها وجوري تقوله ويع من حلاتها بتصير جنك هتلر فيها كّرهته بنظاره كلها xd )
نرجع
عبدالله استانس لما شاف النظاره وتذكر شي واهو يطالعها بنص عين : مو تقولين جني هتلر فيها وتطنززين
جوري :ههههههه احسن عشان ماتشتريها خفت اشتري شيء علا ذوقي و مايعجبك
عبدالله باس راسه : عسى ربي ي خليج لي دام جبتي لي هديه من باجر نروح اسوق واختاري هديتج
جوري : لا خلها بعيد ميلادي ووعلا ذوقك بعد
عبدالله : فديت قلبج والله
جوري استحت واسكتت
ساعه 8 بليل
بيت شيخه وسالم
نزلت شوق تبي تشرب ماي
لجمي : شوق يبي عشا
شوق : لا مايبي شيء
وشربت ماي وطلعت واول ماوصلت عند الدرج تبي تصعد ولا ابوها توه جاي من برى
سالم كان توه جاي من ديوانيه راد مبجر
سالم قرب منها وقال: هاه منو هالمره اللي مبجيج
شوق سككت وصعدت فوق ماحست الا اللي سحبب شعره
سالم : تبيني انتف شعرج واخليج تعالجين مره ثانيه
شوق بألم : ااااه لا والله موقصدي يبه (دموعها بعيونها )
سالم : واهو يطق راسها بطوفه ويدزها على الدرج : انااا مو ابوج مو ابوج ماتفهمين جم مره اقولج لاتناديني يبه ماتفهمين (ويطق راسها اكثر من مره بأيده ) ماتفهمين انتي هااه (سالم كان يرججف من العصبيه ) ورفسها برجله
انقللعي عن وجهي لا اذبحج الحين
قامت تصعد الدرج واهي حاطه ايدها علا فمها تمنع شهقاتها
دخلت غرفتها وقامت تبجي من الحره والقهر وظلم بدون سبب وبقلبها(انا ملييت من هالعيشه ملليت ماجني بنتهم ااااه ماحد حاس باللي احسسه محد حااس انا خلاص مو قادره اتحمل ) وقاامت تبجي بزيااده ونهااارت وكرهت نفسها وامها وابوها واهي تبي تسسوي شيء فبالها ومصصممه عليه !!!!
الساعه 9 ونص توهم طالعين من السينما وعجبهم الفيلم الا ناصر ماعجبه
عاليه :بالعكسس نكته يونسس انا استانس علا افلامه
ناصر : والله سخخيف واسخف منه ماشفت مادري علا شنو تحبون افلامه
محمد : ي خي ناس اذواق وانا اشوف انه حلووو وعجيب الفيلم
مبارك مستمع كان وقلبه مع شوق خايف عليها من معاملت الكل لها لاتسوي بنفسها شيء (خصوصا واهي بفترة المراهقه 16 سنه حاشتها حالت اكتئاب حاااد واظطروا حصه ومنيره ومبارك يودنها طب نفسي وقعدت اهنك شهر تعالج من غير لا يسألون عنها ابوها وامها )
وكان يهدها مبارك يزورها يوميا وومنيره وحصه كانو يتناوبون ينامون عندها ومرات الدكتور يمنع ومرات بعد ضغط من مبارك يرضى ,,,,,,,,,,,,
عند شوق
واهي تبجي دق تلفونها وكانت عذاري وحست انها اهي المنقذ الوحيد لها
شوق ردت بشهقاات : اااااااااائئئ ع ذاري ل حقي ني
عذاري اخترعت من صوتها ماتدري عن حياة شوق مجرد صداقه وانه اهي مصاحبتها عشان مبارك ومولسواد عيونها : شششفيج شووق خرعتيني
شوق بس تبجي وعذاري مافهمت منها شيء وتحاول تفهم شوق شفيها صوتها كان يكسرر الخاطر وتأثرت عذاري وماسكه نفسها لاتبجي ماتبي تزيد شوق
عذاري ماسكه نفسها : شوقه حبيبتي انا اجيج باجر الصبح ساعه 8افهم منج جذي مادري شتقولين مو فاهمه شيء
شوق تبجي وتشهاق : تتكفين لاتهديني عذاري انا محتاجة لج كلهم تخلوا عني لاتخلين عني تكفين لاتسدين الخط تعالي الحين لي طلبتج
عذاري : شوق ماقدر اجيج الحين بتدش 10 وابوي ماراح يرضى والله مو بكيفي
شوق : تككفين (واهي تشاهق وكلامه مقطع )
عذاري كسرت قلبها شوق واهي بهالحاله : حياتي من يطلع االصبح انا عندج وماراح انام بسهر عشان اجيج وافهم منج انا مو فاهمه شتقولين انتي
شوق بقلبها (كلكم نفس شيء ) بهدوء : خلاص ماشي
عذاري استغربت من هدوئها وخافت عليها زياده : شوق حبيبتي والله ماقدر اطلع الح
قاطعته شوق بهدوء: خلاص قلت لج ماشي انا انطرج
عذاري وقلبها ناغزها : اوك ماشي وسكرت اخط
...
وشوق قامت تفتر بالغرفه وطولت واهي تفتر بعدها سمعت صوت سياره
طلت من الدريشه شافتهم توهم رادين من برى وكانوا يضحكون وشافت محمد اللي يضحكك مستانس بقلبها( راح ترتاح مني ي محمد وماراح تشوفني مره ثانيه ولا راح تغثك هالسعلوه علا قولتك (وضحكت بستهزاء ) )
عند عذاري ترجى ابوها يرضى تروح لرفيجتها
ابوها : قلت لج لاء ماكو طلعه الحين ان شاءالله لو تموت مافي طلعه الحين شايفهه جم الساعه لي طلع الصبح روحي لها
عذاري بخرعه : لا يبه بسم الله عليها لاتقول جذي واهي ماسكه روحها لاتبجي وصعدت غرفتها واهي حاسه بخيبة امل توقعت يرضى لو قالت رفيجتها تعبانه وماعندها احد بس خاب ظنها
,,,,
عند شوق
الساعه 5 الفجر _يوم السبت
مانامت وكانت مواصله وقاعده بزاوية غرفتها ودموعها جافه علا خدودها وعينها منتفخخخه وحمره وتحس راسها وعيونها تعورها من كثر البجي
وشكلها كان يكسسر الخاطر يلين اللي قلبه قاسي
فجأة قامت ونزلت وكان البيت ليتاته طافيه
ودشت المطبخ و اليت طافي ماتبي احد يحس انها قامت
فتحت درج السكاكين وكانت تدله وخذت سكينه حاده حيل مالت الخضره وخشتها ملابسه وصعدت غرفتها واهي تبتسسم
وسكرت الباب بس للأسف من غبائها ماكملت خطتها بقفلة باب الغرفه ...
راح تنجح خطتها ولا تفشل ؟؟؟!
دخلت حمامها وطالعت نفسها بالمنظره ومركزه علا نفسه بالمنظره وطولت واهي تخززز نفسها
طلعت سكين من ملابسه وحطته علا عرجها واهي تطالع نفسها بالمنظره وترد تطاللع سكين (منو اللي يسأل عنج وعن احوالج محد فيهم يدق يسألني عن اخباري حتى جوري ماكلفت نفسها تقعد معاي امس )
وقطعت عرجها وتطشر الدم بالحمام وقعدت علا الارض واهي تطالع بدمها وتطالع بسكين وسندت ظهرها علا الطوفه وواهي مستلمه للموت وتحتظر !!!
بنفس الوقت
عند حصه
اللي قامت من النوم واهي تحس بنغزه بقلبها : اعوذ بالله من شيطان الرجيم بسم الله
وقامت تدق علا شوق وماترد وتدق وماترد اخترعت واقعدت تدعي انه الله يحميها وقامت تصلي ركعتين وتقرى قرأن
......
عند عذاري كانت الساعه باقي لها ربع ساعه وبتدخل 6
بسرعه بدلت لبست جينز اسود وبلوزه رماديه لي فخوذها وملفع قطن رمادي
وبسرعه خذت سويجها وتلفونها وطلعت
ولا ابوها بوجها كان توه قاعد : وين طالعه انتي
عذاري واهي تبجي : يبه الله يخليك اترجاك خلني اروح رفيجتي امس تكلمني وضعها مو طبيعي اول مره تكلمني جذي الله يخليك خلني اروح
ابوها كسرت خاطره بنته : خلاص يبا روحي بس دقي علي لاتخوفيني عليج