البارت 41 والأخــيــر
......
وقعدوا
بدر: انا اعرف بسالفتج كلها وماحتاج تقولين لي مرات كنت اللهي فيصل بشغلات ثانيه عشان مايطلعج ..
فرح : امبلاا الاحظ مراات ماييكلمني اذا ربعه عنده
بدر : شوفي فرح انا واحد ماحب الف ولا ادور دامج بتعيشن بشقتي مستحيل تعيشين وانتي غريبه عني
فرح: شتقصد ؟
بدر : اللي اقصد انج تتزوجيني
فرح :شنو وانت راض
قاطعها : انتي ليش مستهينه بنفسج حيل هاه اول شي انتي مكروه كنتي تقدرين ترفعين عليه قضيه وتسوين له مشاكل
فرح تبجي : اذا انا طلعت معاه عشان مايفضحني تبيني ادلخ مخافر ومحاكم وانفضح
بدر : الحين ابي رايج
فرح : ليش تسوي جذي انت مو مجبور
بدر : ادري بس انتي بالاخير مره لاحول لج ولاقوه انا ابي استرج ي بنت الناس وابي ابعد العيون عنج شقلتي
فرح : بسر
بدر : هههه انا حياتي كلها بهالشقه مالي الا امي وابوي وماتوا بحادث قبل سنتين
فرح: عظم الله اجرك
بدر : اجرنا واجرج .. مالي الا عمي وعمي علاقته معاي مو ذاك الزود ماشوفه الا من وين وين ....شقلتي
فرح بقلبها "جذب ولا لا مومهم اهم شي ربي دزلي رجال يسترني يارب اذا كان فيه خير قربه لي واذا شر بعده عني " و ونزلت دمعه منها : موافقه
بدر : دام جذي باجر نروح المحكمه ونملج ونصدق عقد الزواج اوكيه
فرح هزت راسها
بدر حست بتعبها : تبين اطلب لج شيء تاكلينه قبل لاتريحين بغرفتج
فرح هزت راسها بلاا : ابي ارتاااا ح بس ابي ارتاح تعبت من كل شيء
بدر : الله يقدرني واسعدج ي بنت الناس
ودلها عللى الغرفه وعطها مفتاح الغرفه عشان تتطمن ودخلت وقفلت الباب بس حطت راسها عالسرير راحت بسابع نومه
بدر : عمره 30 سنه موظفه وزارة النفط طوله 187 ومسجم بشكله مملوح اسمر سمار الكويت مسويلحيته عوارض وعيونه متوسطه و خششمه نفس اي خشم خليجي (لووول ) "
.....
باالافنيوز بفافافوم
محمد يختار العطورات ويعطي شوق تجرب
شوق لاعت جبدها : محمد خلااص بس
محمد :انزين بس هذا جربيه شوفيه حلو لا لاء
شوق تشمه وواهي زهقانه : اي حلووو خلااص يالله خلنا نتعشى انا جوعاااانه
محمد : انزين نحاسب ونطلع وراح يحاسب و وتوهم بيطلعون من فافافوم صوب شانيل ولا دلال بوجههم
دلال تخززهم : هذذي انتي ي بواقه رياجيل
شوق فزت واخترعت انخشت وراء محمد
محمد : اقول احترمي نفسج يلاا عاد وسحب شوق وبيلف
ولادلال تمسك وتعلي صوتها
دلال : اي حبيبي مولاقايه اللي يضفها هذي هذ وانتي عندج ملف بطب نفسي بقتتي زوج اختي ودخلتيها الطب النفسي ي ام رياجيل
الناس تجمعت
شوق نحاششت دخلت فافافو وطلعت من اللفه الثانيه تركض ودخلت محل جنبه
محمد صفقها كف : جب ولا كلمه انتي ظهر مو لاقيه اللي يظفج اسمعيني ان شفتج جدامي والله لودييج وراا شمس ودزها عالارض ورااح يدور شوق
عند شوق بالمحل كان فاضي واهي واقفه بزاويه قلبها يرجف حيل اخترعت من شكل دلال ماحست الا بأيد
شوق شهقت
محمد لمها : بسم الله عليج
شوق مجرد مالمها محمد انهارات قعدت تبجي
شوق بصوت ضعيف : محمد انا بواقة
محمد سد فمها : لاا لايبا مالج شغل فيها هذي مريضه لاتفكرين بكلامها
شوق حطت راسها بحظنه : انا خايفه
محمد : لاتخافين دام انا معاج
شوق : محمد لو رجعت ساره لك تهدني
انصدم محمد : شوق شجاب الطاري
شوق دموعها انزلت : جاوبني
محمد مسح دموعها : لا مستحيل ارجع لها واهدج انتي شقاعده تفكرين فيه تفكرين بكلاامها هالمتخلفه مالج شغل فيها
شوق :امشفت االناس شلون تطالعني
محمد : الناس ماهمهم الا ظاهر مايدرون عن شيء صح ولا لاء
شوق : صح
طقها على راسها : انزين اضحكي يالله عاد
شوق ابتسمت
محمد : احبج والله احبج
شوق : وانا بعد اموت فيك
محمد بغرور واهو يسحب ايدها : اي ادري مايحتاج
شوق : لاااا ( وتطق زنده )
محمد : ههههه ماقلتي لي وين تبين تعشين
شوق : لا خلااص مابي عشاا
محمد: لاا والله الحين هالخايسه تكدر خاطرج
شوق: الله يخليك تكفى خلااص ناخذ اي شي تك وي ونطلع
محمد شافها متضايقه ماحب ي ضغط عليها : على راحتج يبا
....
بشقة بدر
فرح طلعت من الغرفه
فرح :بدر ممكن طلب
بدر : اطلبي يبا ..
فرح : ابي البحر
بدر : حاظر
فرح : اذا ماعليك امر( واهي مستحيه ) تنزلني وتمشي ابي اقعد بروحي
بدر :ماشي بسس ماراح ابعد حولج راح اكون
فرح : ماشي
وراحوا البحر
نزلها واجهة شويخ وكان فاضي المكان وساعه كانت 8 بليل
قعدت قبال البحر وااستسلمت لدموعها ( هذا المكان المفضل عند ناصر وفرح واغلب ذكرياتهم فيه )
وقامتت تسترجع ذكرياتها معها وبقلبها( شخبارك ي ناصر شكله تزوج ونساني اكيد بينسى 3 سنوات وبينطر ماتوقع
...:فــرح
فرح سمعت اصوت بس قالت يتهأ لي مو معقوله
قرب منها ومسك كتفها : فررررح
فرح لفت واهي قاعده : نــــاصر
ناصر من الصدمه عد جنبه ومسك اكتوفها : انتي ويينج وين اختفيتي مو حراام عليج اللي سويتي فيني مو حرام عليج تعذبين قلبي شوفي حالي من بعدج شلون صار ليش فررح ليشش انا ما استال هذا كله منج ليييش ( ويهزها )
فرح تبجي: ناصر انت مو فاهم شي والله مو فاهم ول عرفت بكل شء ببتعذرني
ناصر : قولي اسمعج ( وقام يمسح دموعه )
فرح قالت له سالفتها كلهاا
فرح : وبس باجر راح اتزوج
ناصر مصدوم : وليش ماقلتي لي \
فرح :ِشقول لك اقولك انه في واحد يهددني بصوري مجرد ماراح اقول راح تفهم غلط قول انك ماراح تفهم غلط
ناصر سكت
فرح تبجي: لاتلومني ناصر يقولون اختفت ولا يقولون كلمه مو بحقك ولا بحق اخوي
ناصر: ااخ بس س ليتني انا اللي ذابحه بأيدي
فرح ساكت وتطالع البحر
ناصر طالع فيها : انزين امشي ارجعي معاي فرح
فرح تطالع فيه
ناصر: انا راضي ارجعي معاي تكفين اانا محتاج لج فرح فرح انا ناصر حبيبح شلون اهون عليج تهديني
فرح :ماينفع
ناصر بصدمه : شنو
فرح دموعها نزلت : ناصر ماينفع ارجع لك والله ماينفع شولن ارجع لك وانا كنت .... ( ماقدرت تكمل قامت تبجي ) .. ماقدر ارجع لك وانا جذي
ناصر : تكفين فرح ابوس ايدج اررجعي معاي حياتي بدونج عذذاب والله عذابب
فرح ماقدرت تحمل حست لو بتقعد دقيقه بتضعف علا طول : ناصر للاتوقف حياتك علي شوف حياتك وتزوج
ناصر وقف وبعصبيه: انتي شتقولين شللووون شلون اتزوج غيرج
فرح: تقدر
ناصر: لاء ماقدر ماقدر ي فرح قلبي ما احب الا انتي
فرح بغصه : تقدر
ناصر يطالع فيها بعيون حايره ( وحاله متغير مو ناصر الاولي )
فرح :اذا تبحني صج وتعزني تزوج
ناصر: شلون شهالتناقض
فرح دموعها نزلت : ناصر اهمني والله ما اقدر ارجع لك ماقدر ارجع لك وانا جذي
ناصر بخبية امل:لما شفتج كنت متوقع بترجعين معاي بس ماتوقعت كل هذا يصير فيج من هالخسيس
فرح : قول لله يرحم هالرجاله مات مقتول وهذي حوبتي ماتعدته بس انت اوعدني انك تغير للأفضل
ناصر سكت
فرح: ناااصر
ناصر طالعها بحزن : عيونه
فرح: اوعدني
ناصر ابتسم: وعد دام انتي تطلبين من هالشيء وعد مني اسويه
فرح : مشكور ومن اليوم تبدا حياتك طبيعيا ولاتكسر قلب خالتي عليك
ناصر :ان شاءالله
فرح : ناصر مقابلتنا هذي خلها سر بيني وبينك وسر جميل
ناصر بغصه : ان شاءالله
فرح: اخوي جراح شخبار
ناصر : اخوج فقد الامل انه يلقاج توقع انج متتي الكل توقع جذي واذا ذكروج ترحموا عليج
فرح سكتت
ناصر: جراح متزوج وعنده ولد وبنت
فرح : يالله عسى الله يوفقه
ناصر : امين
فرح : انا بمشي الحين
ناصر : فررح
فرح: شقلنا تونا
ناصربحزن : بحاول
فرح : لا ابيك تقول من اليوم ببدا بتغيير
ناصر : انشاءالله
فرح : مع السلامه
ناصر طول مده واهو يطالع فيها وجنه يحفظ ملامح وجهه : مع السلامه
راحت فرح وطلعت من حياة ناصر لأبد
....
بسيارة بدر
بدر: شلونج الحين احسن
فرح بحزن تحاول تخفيه :الحمدالله تمام
بدر : ان شاءالله دوم
...
بيت حصه رجع ناصر لأمه ونفذ رغبة فرح
حصه قامت تلولش: كللووووللوللش
ناصر : بس يما بس الناس نايمه
حصه بدموع : وي خلني فرحانه فيك ي يمه
ناصر باس راس امه وايدها وارجولها ولمها بحظنه
ناصر: عسى الله يطول بعمرج ي الغاليه وتشوفين احفادج واحفاد احفادج
حصه تبجي : أمين ي يمه أمين
.....
بعد سنه
فرح تزوجت بدر وحامل بشهر 5
ناصر تزوج هيا ولكن حبها اي مثل اي زوج يحب زوجتها ويحترمها بس حبه الاول كان فرح لكن مو مقصر هيا مسويها ي دهينه لاتنكتين وجابت بنت وسموها منيره
وبشهر 7 يو م الاربعا 2 العصر
بشاليه
الكل متجمع
عالطاوله برى قبال الشاطيء وكل وحده تجيب ابداعاتها ا
حور وخدامتها وراها تساعدها : انا مسويه صينيتين وسلطه ماحد يصك على طباخي
عزيز : وانا اشهد ي ام حسين فديتج والله
عذاري واهي تجيب صواني مالتها : لا حبيبتي ا ماتصكين على طباخي
جوري واهي طالعه والخدم جايبين الاكل وراهم : انتي هيي هي ماتصكين علي يالله مناك انا بنت حصه حببيبتي
مبارك : اقول محد يجي عند عذاري بالطبخ
عذاري: وااااي فديتك برروك ااحببك
حمد : ولليه بدت الحنه يبا هذيل شكو حاطينهم مع بعض اكيد صارت حرب بالمطبخ
شهد : بعد القرعه طاحت عليهم اهم اليوم امس انا وشواقه وهيون
...
عند ناصر ووهياا
هياا ماسكه ايده : شخبار رجله بعد الطيحه بالملعب
ناصر: لا الحمدالله احسن
هيا: انا مادري شتبون بهالكوره والله وكل ماتروح وترجع لي مكسر اتصروع
ناصر : فديتها والله اللي تحاتيني يبا شفيج زوجج سبع سبع ويطق ظهراا
هييا ألم : أأه( وطق كتفه ) وأنا شكوو
ناصر : هههههه
خلود بنت عزيز تركض وتناديهم
خلود : يللاا تعالوا حطوا الغدا
ناصر : يلاا كانا جايين
وراحوا وراه خلود
...
اما عند بطلة القصه
شوق : وااي حمووود خربت الكاميررا
محمد طقها على رراسها: جبب زين انا اللي شاريها
شوق: موجايبها لي هديه
محمد : اي اي هذيه بس اسكتي يالمزعجه
شوق : انا مزعجه زين (وتدز عالماي )
محمد : لا لالا يالخبله ههههه ,انحاش
شوق : تعالل
( محمد شرى لشوق كاميرا كانون فوتوغراف الجديد بمناسبة تفوقها باقي لها كورس وتخلص)
وصلوا عند الطاوله
محمد : هاه حطيتوا الغداء اد ميت تجووع
ويقعد وينادي شوق
محمد: سنييوره تعالي اهني بابا
شوق تمشي واهيت تدلع بعد ماسجبت من الكاميرا وقعدت جنبه
محمد : شنو احطلج ابوي انتي
شوق لاهيه بالكاميرا : اي شيء عادي
محمد سحب الكاميرا : اكلي اول بس بس عاد
وقاموا ياكلون
وكل واحد يمدح طباخ امرته
حصه : بس عاد ازعجتونا يبا كلكم طباخكم حلوا شنو جهال انتوا
شهد : لو بمسابقه شتسوونن
حور : بلاوي بلااوي
عزيز : مو منج مومنج من ال24 ساعه قاعده معاها
عبدالله : اقوول عاد حدك عطيتك وجهه تغلط على امرتي
عزيز : عمي اكل تبن انت وياها
عبدالله : ماشي ماشي ي عزيزان اعلم
تنرفز عزيز: اسمي عزيز شنو عزيزان
عبدالله :هذاك اليوم مرتك تناديك عزيزان
عزيز: والله مرتي كيفها
عبدالله : ااممم جذي نظامم
عزيز :اي اي جذي نظامي
حصه : فكوونا عاد وقولو وين بتسافرون بعد الشاليه
مبارك : والله ي خالتي العزيزه حجزنا لأيطاليا البندقيه وروما
ناصر : اما انا وهيونتي بنروح جزر مالديف
عزيز : واحنا للأسبانيا وايطاليا
مبارك: او يعني بنتواجهه هناك
عزيز : علا حسب التواريخ
عبدالله : وانا القومر اللي جنبي بنروح قبرص
حمد : انت هيوو ي الغرقان بالعسل ( يكلم محمد بس محمد مو فاضي لسوالفهم لاهي مع شوق :")) هيييي حمميييدّ
محمد تنرفز وشوق ماتت من الضحك
محمد : شتبي شتبي اسمعك والله بس مالي خلق ارد عليك
حمد : لااااء
هيا : وين حجزتوا
محمد : والله اهو الحقيقه يعني اول شي بنروح دبي يومين بعدها من الدبي على كاليفورنيا
مبارك:اوله كاليفورنيا بأخر الدنيا خبل صاحي تقعد بطياره اكثر من 24 ساعه
محمد : والله مشتهين انا وهالكتكوته نروح هالولايه
ناصر: اي بس انت بتروح اسبوع او اسبوعين وبترجع مو بتقعد شهر يعني ماتسوى روحتكم لامريكا
محمد : عادي يبا شنو يعني اهم شيء نستانس صح شوقه
شوق : صح
حمد : اما انا ووشهودتي الحلوه وخالتي بنروح فرنسا اسبوع بعدها لندن اسبوع
مبارك : حلووو
عبدالله : يالله تروحون وترجعون بسلاامه مقدما
الكل: الله يسلمك
....
اما عند بدر وفرح
فرح كانت حامل وبشهر 5
حاطه راسها بحظن بدر واهو يمسح شعرها
بدر: حبيبتي تحسين بتعب الحين
فرح : لا الحمدالله احسن لاتخاف حياتي مافيني شيء
بدر ابتسم : عسى ربي يخليج لي ويخليني لج قولي امين
فرح براحه : امين ( واهي ماسكه ايده الثانيه) عمري ماراح انسا لك هالمعروف طول عمري
بدر يلمس خدها : حبيبتي خلااص انسي مو كل شوي تقولين نفس الجمله ترى صار لنا سنه متزوجين
فرح : أحــبك
بدر : وانا امووت فيج ي روح بدر انتي
( الله عوض لها بأنسان يحبها ويحترمها بعد معاناة واذية من فيصل وهذي حوبه فرح ماتعدته واهي مظلومه واحذروا من الظلم الظلم ولظلم من ظلمات يوم القيامه ,,, بدر مو مقصر معها بأي شيء يحاول ينسيهها حياتها الكئيبه مع فيصل وطبعا بعد ما ملج عليها بدر سلمها مهرها ودها العمره وحججها وصار كل سنه يوديها عمره ويحججها كل سنه )


النــهــايــه ..
تمت بحمد الله اتمنى ان ينال على حسن اعجابكم
ولي لقــاء ثاني معاكم ان شآء الله ,
وشكرا عالتشجيع والمتابعه اشكركم من كل قلبي :***
مع التحيات
أنــين القلب (سابقا)
ؤحشتني سؤاليفك ,# (حاليا ),,

أب
أب
أب
أب
أب
أأب

وااااي ..
حدها عجيبه روايتك ، ننطر ابداعك في روايات جديده.

حيآآآآج حبيبتي نوررتي : " )

روووووووعة وأحلى ثنائي محمد وشوق رغم المصاعب اللي مروا بها