مليان هالعالم بالاشياء الجميلة اولها انت

بعد ساعه ونص خلصت المحاضرة
مي : هذا كيف يطردني كذا ويهزأني بهذا الشكل
منيره : خلاص طردك وخلصت السالفه
مي : اصلاً هو إنسان قليل أدب يرفع صوته على بنت
منيره : لو تشوفين شله البنات الي ضحكوا عليك شرشحهم وطردهم هما كمان
مي : احسن بس والله شرشحني الي مايتسمى
منيره : قصدك دكتور طلال
مي : اي … الي قاهرني سجلت عنده الماده وانا ما اعرفه الا اهو جم سنه يدرس بالكلية ؟
منيرة : اممم على ما أضن اول سنه له
مي : اها عشان كذا شاد حيله ويبي يظهر نفسه
منيره : لا حرام عليك … بصراحه يفهم
مي : لأجد اول يوم معاه ويسوي كذا
منيره : خليك منه انا جيعانه ابي اكل
مي : اي حتى انا
………………………
عند ملاك تتكلم مع الدكتوره منال عن مسابقه
منال : ملاك انتي طالبه ممتازه وشاطره
ملاك : تسلميلي دكتورة
منال : وانا ابيك من ضمن الطلاب المشاركين بالمسابقة
ملاك : ومين المرشحين غيري
منال: هذي القائمة : سالم ال،ناصر ال، حمدان ال، حمد ال،عبدالله ال،طارق ال،يوسف ال،سعد ال،عبدالعزيز ال،خالد ال.
ملاك : والبنات ؟
منال : انتي ،منى ال،نورة ال،مريم ال،ريم ال، دانه ال،ليان ال،ساره ال،نور ال،رزان ال .
ملاك : اها
( ليان وريم صديقات ملاك وعبدالعزيز وحمد ويوسف وخالد بعد عرفتهم بحكم انهم معروفين بالديرة )
منال : للحين ما وصلتنا موفقاتهم والأسامي من الدكاترة الا عبدالعزيز دخل المسابقة واسطه
ملاك : ان شاء الله على خير
…………………………
( نبذة عن المسابقة )
مسابقة تتكون من 20 شخص يتأهلون للنصف النهائي 10 خمسه بنات وخمسه شباب والفريق الي يجاوب اكثر يفوز وتعتمد على المواد العلمية والأدبية والاخلاقيه والقانونية يعني معلومات عامه وبعدين ينقسمون ثنائي ويحاولون يخترعون او يبتكرون اي شي له علاقه بالمواد العلمية
…………………………
عند حمد …
دكتور سعود : حمد بعد بكرا في مؤتمر عن المسابقة ولازم تحضر عشان تعرف تفاصيلها
حمد : ان شاء الله دكتور بس الساعه كم ؟
سعود : الساعه 9 الصبح
حمد : ان شاء الله
وطلع حمد ووصل للبيت سلم على أمه وسولف معاها
حمد : يمه فيه مسابقه وانا من المرشحين لها
أمه : اي وبعدين
حمد : والمسابقة ببريطانيا ما ادري أوافق او لا
أمه : اذا فيه نفع لك وافق
حمد : بس مابي أتركك لوحدك
أمه : الله يرضى عليك يا يمه روح الله ييسر لك
………………………
طبعا كل أبطالنا يدرون عن المسابقة بس بطلتنا دانه ما عرفناكم عليها
دانه / حساسه اجتماعيه ومرحه وفيها شوي جرأة طولها متوسط بيضه عيونها وساع ورموشها طوال وضعيفه ( اخت بطلنا خالد )
………………………
فون خالد يرن
خالد : هلا والله بالغالي
يوسف : هلا بك شخبآرك
خالد : بخير وانت
يوسف : الحمدلله
خالد : عساه دوم
يوسف عازمة اليوم على دوانيتنا شرايك
خالد: والله لي الشرف
يوسف : يعني بتجي
خالد : اي على خير
يوسف : اوك
………………………
عند يوسف
نور : مين هذا ؟
يوسف : ما يخصك
نور : مالت عليك
………………………
( اليوم التالي )
صدفه ومن بين كل الناس علقني من يوم شفته وعيني جات في عينه

فبيت ابو ريم
ريم : يبه آيش قلت بموضوع المسابقة
أبوها : يا يبه انا أخاف عليك وإنتي لوحدك
ريم : يبه بليز معاي ليان وملاك
أبوها : يالغالي هما اقدر أخليك لوحدك
ريم : لو امي حيه وافقت
أبوها : خلاص يا بنتي افكر واقولك
………………………
فبيت ابو ليان
ابو ليان : يالله يا نورة جهري العشا بيكون ضيوف
ام ليان : ان شاء الله
………………………


[ اذا فيه تفاعل راح نكمل ]

الباين رواية حلوة ننتظر احداث مميزة وننتظرك

…………………**
عند باب بيت ابو ليان
ابو حمد : يلا يا حمد توكلنا
حمد : يالله
ونزلوا ودخلوا المجلس
ابو ليان : يا حيا الله من جانا
ابوحمد وحمد : الله يحييك
وقعدوا يسولفون بالشغل والمسؤوليات
حمد : يلا انا استإذن
ابو ليان : اقعد شوي ما تعشيت
حمد : لا عندي أشغال ان شاء الله أجي اخذ الوالد
قام ابو ليان مع حمد وبعدها دخل البيت
ابو ليان : يا نورة يا نورة عطيني الحلو
ام ليان : ان شاء الله جابت الحلو وأعطته ابو ليان
قبل لا يطلع ابو ليان سمع صوتها
ليان : يبه يبه
ابو ليان : هلا يا بنتي
ليان : ابي فلوس بروح المكتبة شوي
ابو ليان : طيب كم تبين
ليان : الي يجي منك
........................
طلع حمد من البيت ودخل سيارته وصار يمشي وتذكر انه يبي يروح المكتبة وتوجه لمكتبه الكتب العالمية
.........................
ليان : يلا يمه انا رايحه
ام ليان : الله معك حبيبتي
ليان : امين
وراحت مع السايق ووصلت المكتبة
كانت ليان تبي تأخذ كتاب ومسكته وحست ان فيه احد غيرها يشده
تشد وهو يشده ليما بالغلط زلقت رجلها وكانت بـٓ تطيح بس الله ستر ومسكها حمد مع ضهرها
ليان : وخر عني
حمد فكها وقال : سلامات و الكتاب اخذيه ما ابيه
ليان وهي معصبة : انت واحد قليل أدب وما عندك ذرة احساس
حمد : ان لله وان اليه راجعون
ليان : ومين قالك تمسكني مو محتاجة واحد مثلك
ما رد حمد عليها وطلع من المكتبة وهو متضايق ان وحده شرشحته
.........................
كان قاعد بالسيارة وهو متضايق وحرك وتوجه للاستراحة يمكن عبدالعزيز موجود
وصل حمد للاستراحة وقعد جنب عبدالعزيز
واحد من الشباب ( مشاري ) : هلا والله حمد تعال العب معانا
حمد : مالي نفس
مشاري : يعني تردني
حمد : ما عاش من يردك بس مابي
عبدالعزيز : حمد شفيك مو على بعضك
حمد : لا ما في شي
عبدالعزيز بنفسه ادري فيه شي بس ما يبي يقول
عبدالعزيز : تعال نطلع برا شوي
حمد : يلا
طلعوا برا
عبدالعزيز : حمد شفيك ؟
حمد : اليوم رحت المكتبة وقاله الي صار
عبدالعزيز : يعني هذا الي مضايقك
حمد : اي
عبدالعزيز : ما هقيتها منك تضايقك بنت
حمد : خلصنا من سالفتي ، بسالك
عبدالعزيز : شنو
حمد : ليش تكره البنات بستثناء خواتك وأمك
عبدالعزيز تضايق مره وما عرف يرد
حمد : يعني ما تبي تقول ، مصيرك بتقولي
.......................