-3-
جلس خلف والدته وهي تصلي
ينتظرها ان تنتهي من صلاتها وتسبيحها
وما أن انتهت حتى ألتفتت إليه مبتسمه.
:عرفت انه انت ياعبادي محديجلس وراي
كذا الا انت
اقبل الى امه يقبل يديها ورأسها
ووضع رأسه في حجرها :يمه زوجيني
ادخلت يدها في شعره الناعم تحركه بحنان. :ابشر ياحبيبي.
قال: اليوم قبل بكرره
ضحكت امه بسعاده :واخيراً عبادي
خجل من امه وقال :اخييراً
سألته بإهتمام :واكيد محدد العروس من هي؟؟!!
تبسم وقال:اي يمه العنود بنت عمي

قالت امه:ونعم يازينها العنود حبيتي هي
قال. :يمه اكلم ابوي والا انتي تكلمينه
قالت:انا وانت نكلمه
في تلك اللحظه دخل ابو عبد الاله
وباشرت ام عبد الاله الكلام حالاً : ابشرك يا ابو عبد الاله اخيراً عبادي طلب نخطب له
تبسم ابوه وقال من هي
قالت :العنود بنت اخوك
عقد حاجبيه. وقال :العنود ؟؟
وسكت للحظات ثم قال:توني جاي من عندهم وكان اخوي ابو فايز
هناك وخطبو العنود لفايز
وتمت الموافقه ):
____________

خرج من غرفة والديه يجر اذيال الخيبه
وحطام الاماني
فما بناه وخطط له من احلاماً ورديه
ُهدم بمجرد سماعه لكلام والده
العنود ماهي من نصيبك والله يرزقك بأحسن منها
حاول ان لا يبدي مشاعرالخيبه لوالديه
لكن ليس بيده حيله فقد تبدت حالته بوضوح
لأمه قرأت ما بداخله
وحاولت ان تخفف عنه
قالت:من بكرره ان شالله ادور لك احلى عروس.
وضمته لصدرها علها تخفف عنه


ما ان وصل لغرفته امسك بورقتها الصغييره
ومزقها دون ندم دون وداع دون ان يلقي عليها نظرةً واحده العنود رحلت لنصيبها
وفقها الله واسعدها مع فايز

قراءه ممتعه لكم وردود حلوة لي

السلام عليكم..
ام رنو قلنا قصيره مهووب عاد قزمه كذا..>>فيس منهبل من قصر الجزء..هخهخهخه
يااويلتس من ربي يا ام رنو كسرتي بخاطر عبادي .. وبعد مايقدر يوقف هالزواج لو هو واحد غريب كان قال بنت عمي وانا احق فيها مع اني ما اطيق هالكلمه بس هه عشان القصص احبها والا لوهو بالواقع ودي افررم اللي يقولها الا غصب تاخذك بنت عمك يا مهبول..

المهم نرجع لعبادي ..تعالي وش هاللي سويته يا اخي الحين هالرسمه هي اول توقع لي رحت شقيتها وخربت توقعي >>فيس مخامصك.. بس مايقدر يصمل فيك ياا بطلنا المحبوب..>>فيس رجع رضى عليك..
الحين فعلا اتوقع انك ماراح تتزوج عنودك بتتزوج وحده ثانيه بس العنود بتكون في بالك الى ان تتزوج وحده ثانيه وتسيطر على قلبك..يعني الحين اعتقد انه 50% ماراح تتزوج عنود.

بانتظار الجزء الجاي ام رنوو فلا تتاخرين علينا اذا الله احيانا..

سلمت الانامل عزيزتي
صحيح هي أجزاء قصيرة حبتين بس كالعادة ما شالله أسلوب مباشر سهل رائع
عبادي تلقى خيبة أمل كبيرة ولكن من خلال ردة فعله لتقطيعه الرسمة تعطينا لمحة عن شخصيته انه بالرغم من حبه وعشقه للعنود لكن لديه تصميم وعزيمة قوية لتخطي اللي صار ،،،،،،،،وربما هناك بالانتظار العشق الحقيقي

ونحن دائماً بانتظار ابداعك
كل الود