صباح التوكل:
عَلى مَن لا يُخيْبَ الرَجآءَ به !

تسلم الأيادي حلومه
وابتدأ مشوار احرف الهجاء

ألفا أولى بدأت تتوضح معالم الابجديه

يسار
واضح ان الكل كاره من قبل مايسافر يمكن هو طبعه حاد شوي وهم هادين
وبعد هو ناقم على اخوته لأنهم يفضلون أختهم عليه مع ان المفروض العكس هو يكون اقرب بحكم ان الأخ من الام اقرب بكثير من الأخ من الأب
وزاد كرههم له مع الوقت والأخلاق الحلوه اللي متصف هو فيها وخاينته لاختهم
واضح ان بعده عن الدين سهل عليه الوقوع في المحرمات
انا استنتج انه مطلق تمني بحكم ان لها احدى عشر سنه مفترقين وبعد بسبب ذكره لانها تنوي التمرد على حياتها فتوقعت انها مطلقه
وكمان وجود ابو رائد في بداية الأحداث خلني
اقول انها مطلقه



عراق
ابو محمد وين محمد وليش قهره بذكره
عراق مبتوره رجله يعني من الممكن انه فقد ابنه ورجله في الحرب
والقهر اللي صار في الماضي كيف كان عشان يرجع يجدده

ام عراق
قلبك ماقدر يستحمل رجعته حب له والا خوف منه
ومن المشاكل اللي جايبه معه

تمني
مذببه ماتدري من توافق العقل والا القلب
واضح ان عقلها رافض فكرة مسامحته والسبب كثرة خيانته
والقلب حابه وراضي يرجع يفتح معه صفحه جديده
يمكن عشان عيالها تتنازل وترجع بشروط


درر

حلمه بنيل الدكتوراه راح يرجع لها ماضي
من هو صاحب هذا الماضي


أيهم وقيصر
وجوه جديده طلت علينا ياترى لاحد منهم قصه مع درر


كونتيسة



سلمتِ

انااا جييييييييييييت ...... وجايبه معي سلة ورد اوزعها عليكم بمناسبة الظهور الثاني لحبيب ئلبي ابو يزن ، احسن شيء انكم كلكم ضده ، خلوكم كذا ولا تغيرون رايكم ، بس هاااهـ لحد يجي يتلصق فيه بالنهاية >> طبعا يسار بيصير حباب وخوش رجال بالنهاية صح حلوومه !آآآآءءءء حللللم ، اللحين صافطه لزارا واحد سنع وانا بس جالسه تكسرين مجاديفي وتبين تخربين احلامي اللي بنيتها على اكتاف بابا عضلنجي ( اللي هو يسار طبعا ) ، شقد انتي شريرة ... بس انا عارفه انتي صافطه من لزارا ، ذاك وش اسمه اللي بالمكتب وشاف در وتخربط الرجال موووو !!! ويكون بالمعلوميه ماراح اغير رايي في يسار ، الرجال كللش مظلووم انتم ماتفكرون فيه شوي ، بس انا عندي احساس ان كل اللي يسويه هو ردة فعل لاشياء صارت بالماضي ... بس مدري ليه عراق يقول كسرلي ظهري بوفاة ابوي ... لايكون المجنون يسار مسوي لابو عراق شيء !! والا يمكن ماحضر العزا وعراق شايل عليه لانه اخوه وماوقف معاه !! واتوقع بععد ان محمد هو ابو عراق ، عشان كذا من قال يسار ابو محمد عراق تضايق لان يسار ينبش بالجراح القديمه ... اما عن در ، ياهي انسانه عجيبه ، يعني اللحين خايفه على مشاعره وانتي اللي وجبتيه من المطار ووجهك مكشر وكأن على رؤوسهم الطير !! وشدعوه يابه مسويه حنونه بس من تحت لتحت ، والله صدق من قال الحريم مايحبون الا الطرق الملتويه ... آمممم تمني ام يزوون وزززين حبايب ئلبي .. يازينها المرة العاقله ياناس .. خايفه على رجالها وتداري مشاعره حتى لو هو جارحها ومهبب فيها ، يمكن هي تمر اللحين في مرحلة عدم توازن في مشارعهآ ، بس لو واصلت الصد ليسار واعتادت على وجوده ، اتوقع بتكون اقوى من كذآ ، بس هي عندها نقطة ضعف وحده ، واللي هم عيالهآ .. واتوقع هذا الوتر الحساس اللي بيلعب عليه يسار ، وبييصير يشد ويرخي الحبل معهآ ،هذا اذا ماسوى يسار شيء فضييع وخلا عراق يفجر فيه .. ام عراق .. يالله عليها شقد قلبها قاسي ..! ليه تعامل ولدها كذا حرام عليهآ .. يعني مهما كآن المفروض ماتستقبله بهالطريقه ... واللي قهرني زياده لما دخلت وحطت الغداء وماسالت عنه .... شيء يقههر >> وحده ماهمها الا بطنهآ خخخخخخخخخ ..... طبعا فيه ناس انا راضيه عنهم تمام الرضا غير ابو يزن فديته بابا عضلنجي ... بنته الحلووه زيين يازينها بس ، هذي البنت السنعه اللي تبي تضبط امها وابوهآ وتحل مشاكلهم ، اتفائل خير بما انها موجوده بين يسار وتمني ... اما يزن ، احس لو يسار يعطيه وجه شويه ، بيتعلق فيه مرره ، لان واضح عليهم مبسوط في ابووه كثير ، بس خايف على امه ، عشان كذا لازم يسار يحافظ على خطوطه الحمراء مع تمني بوجود عياله .... اما مسألة انه سحب عليهم وطلع ينام برى البيت ، في هذي الله لا يلومه يستاهلون اكثر بعععد ... ولو منه ما ارد على مكالماتهم كلللش ... وووووطبعا حبيت طلت آلووون علينا ، ذكرتني بالعشق القديم ، وياليت بععد لو تخلين علي يتقابل مع عرااق كاان تشوفون القنابل الذريه بين الاثنين ، مع ان شخصياتههم وحده ، بس الفرق علي مايرضى بالغلط لو على نفسه ، ويسار الله يهديه كله على بعضه غللط بس حبيييته كيييفي كيففي خخخخخخ .... طبعا حلوومه الحلوه ماقصرت وكتبت لنا احلى بااارت ، ولكن انا طماعه شويتين وودي بالبارت يكون اطول من كذآ ، عشان نستوعب احداث اكثرةونفهم القصة عددددل ،.... واكيد اهم شيء راحتك حبيبتي ، وراح نكون في انتظارك الى ابد الآبديييين ...

^
^
^


هههههههههه بنت رادوي تعليقك تحفة مت ضحك بالله ايش عاجبك في يسار هذا اللي حتى صلاة مايصلي أستغفر الله مالت عليه ... حلومة تكفين ابغاك توضحين شجرة عائلة عراق تكفين تخربطت كيف تمني اختهم ويسار اخوهم مرة مافهمت معليش زهايمر مبكر ههههههههه .

السلام عليكم ..

عدنااااا

آسفة حلم تأخرت كنت شوية مشغولة.. وربي فاتحة صفحة البارت للتهجئة الأولى ع الابتوب من ذيك المرة وللحين مفتوحة الصفحة خخخخ ,,
يعني مادري إذا نزل بارت ثاني أو لا .. الزبدة بعلق بعد مخمختي للبارت ثم أشوف المستجدات :d

وقبلها أرحب بزارا .. اللي ذوقها ف الروايات لا يُعلى عليه
أحب اختياراتها من زمان وأحب ردودها =)

نجي للبارت ..

الزمن : بعد أكثر من 11 سنة
يعني نقدر نقول الزمن بعد : 2009 م .
لأن 11 سنة تفصل هروب يسار من العراق وأكيد لما راح كان كبير ع الأقل 20 سنة ؟ ما أقدر أعرف هل راح برا وزوجته عندها عيال أو سافرت معاه أو ايش بالضبط؟
الزبده ان الأحداث لازم تكون حالياً 2013 جذيه ,, مو ؟


في المشهد الأول .. الشخص الصغير العاشق بصمت لبنت زوجة أبوه من رجل آخر ..
تزوجها .. أنجب منها بنت وولد .. أبــو يزن
لكن .......



أم عراق كان عندهـــا من زوجها الأول: عراق + بنت ما انذكر اسمها لكن هي اللي هربت مع عراق

ثم تزوجت رجل آخر جابت منه التوأم زين و تمني .. زين اللي تعرض لشي بس ماندري وشو ..

أم يسار كان عندهــــا من زوجهــا الأول: يســـار

زوج أم عراق الثاني تزوّج عليها أم يســار وجابت منه : در


يعني زين وتمني ودر = إخوان من أب واحد
يسار و در = إخوان من أم وحدة
عراق وأخته اللي هربت معاه في بداية الأحداث = إخوان من الأم والأب
عراق وزين وتمني = إخوان من أم وحدة


منو دكتور حسين؟ وهل فعلاً انه مرت أبوه المتوفي لهفت فلوسه ؟
وليه عراق يدافع عن زوجة أب حسين؟؟


رائد أبو مصطفى .. البخيل .. قالوا عنه عيال تمني : عمو
هل هو أخو يسار من أبوه ؟ أو يقولون له كذا مجرد احترام ؟

هذا الرائد استخدمته تمني كورقة رابحة تغيظ فيها زوجها المهمل يسار .. هل فعلاً أرادت الطلاق من يسار وتتزوج رائد أم تريد أن تستثير غيرته ليعود من حيث كان وتلتقي بحب الطفولة أو المراهقة؟

القفلة .. ؟ وش بيكون الكلام بين زوجين حبيبين واحد يحب بإهماله وجاي غيران من تهديد حرمته بالطلاق والزواج من آخر؟
وش بيسوي عراق لو درى ؟؟

الصراحة شخصية عراق جمممميله بالرغم من اعاقته شايل المسؤوليه
وفديت يزن طالع على خاله :$


كلامي مجرد تحليل وتخمين للشخصيات .. أكيد بالبارت الثالث بيوضح كل شيء ^_^

شبلتس ~

عدنا بعد قراءة البارت الثآلث :$

حلو حلو .. عرفنا سن زواج تمني و يسار كان عمرهم 19 سنة
يعني الحين هم بسنة 2011 ..


تزوجها يسار وحملت بالتوأم ( يزن الولد و زين البنت )وهي حامل تركها ؟ وهذه هي مرت 11 سنة ..بس خلال هالفترة كان يكلم عياله بالسكايب..عشان جذي هم يحبونه ..مايعتبرونه غريب ..

اللي فهمته انه لاعب وغرته أضواء الشهرة والمعجبات ..


المهم
الحقير يسار يبي ياخذ العيال من أمهم .. وش هالأنانية؟ هي اللي تربيهم وتتعب وتجي بكل برود تاخذهم.. ماهو حب فيهم ولا لمصلحتهم .. بس عشان تقهرها؟
صج إنك خسيس
لكن ماعرفت منو يزن وهـ فديته أرجل منك .. هو عزوة لأمه وسندها بعد عراق ..



سميرة .. أم عراق.. مديرة مدرسة..

شلون صارت أم يسار..؟؟ *فيس بينتحر*
خخخخخخخخخخخخخخخخخخ

طلع كل تحليلي بالبارت السابق غلط في غلط ههههههههههههههههههههههههههههههههههههههههههههههههههههههه
أجل لو أقولج إني كنت ع بالي عراق خطيب در؟ خخخخخخخخخخخخخخخخخخخخخخخخخخ

يلا نعيد تحليل : (

سميرة أم عراق زوجها الأول محمد : عراق , درصاف هم اللي شسمه ذا انحاشوا وكذا أعمارهم حاليا بالثلاثينات, والظاهر طلقها محمد وتزوجت واحد ثاني وجابت يسار

وزوجها محمد لما طلقها تزوج عليها نزهت وجاب : تمني وزين

يعني عراق ودرصفا وتمني وزين إخوان من الأب محمد
عراق ودرصفا ويسار إخوان من الأم


مات محمد وماتت نزهت



الزبده الله يسامحج حلم انلحس مخ مخي ساعدينا نعرف الشخصيات :(
صرت بدال لا أحلل شخصياتهم وتصرفاتهم , قاعده احلل علاقتهم ببعض :(

وشسمه ذا شكرا لأم الدرة انها ذكرتنا بالمقطع اللي وقتها كنت اقول الحوار هذا ماله داعي ليش حلم كاتبته؟ اكيد فيه سبب بس انا الغبيه مافهمت خخخخ
والحين عرفت :$

ألـــن :فيس قلوب: أحبه لأنه صار مسلم وصار محمد .. وحلو انج جبتيه هني عشان نشوف حياته عقب الاسلام ,, وهل بيتزوج ويعيش حياته؟ ولا يتحقق حلم عمر ويموت ويلحق فقيدتنا للجنة ؟ * ع طاريها فيس بيبكي :( حبيناها جداً :( *


اخر مشهد فيه حب بس مدري يجمع منو ومنو .. درصاف ؟ و ؟؟؟


يعطيج العااافيه حلومتنا المبدعه لا تتأخرين علينا وكذا :$

اقتباس :-   المشاركة الأصلية كتبت بواسطة حلمْ يُعآنقْ السمَآء

و عليكم السلآم و الرحمة قلبي يا مليووون هلا و مرحبا برييم الفلاا هههههه صدق قصة !! ، حبييبتي إنتتتي يآ جميلة الجميلآت ، كُلي فخر إنووو إنضم لـ ركباني قلب يجننن مثل قلبج وجُودج ، مُتعة .. صدقا حبيبي بس سؤاال ، شنو معنى إسمج !! ترة دخت مدا اقدر الفظه ،

الله يسعدج . انتي الجميله وكلآمج هووووو اا الأجممل

هذا الله يسلمج كان عندي لقب بالمنتدى ومو راضين ادخل منه .. قعدت شهور وانا اطلب باسوورد منهم واكتبه ويطلع غلط.. لين طفشت وماسجلت ..وبعد فترة طووويله قررت اسجل, وكل اسم يقولي موجود , كنت وقتها آكل بطاط شيبس اسمه "شبلتس" فسجلت شبلتس