صباح الخير جميلاتي :$
الله يسعد أوقاتكم ويمليها سعادة وجمال <3
هذا البارت نزلته وسوري ع التأخير انشغلت اليومين اللي فاتت
حبيت أقلكم اني خلاص حددت مواعيد البارتات
السبت والثلوث ان شالله
ووقتو بالزبط حسب ما يكون جاهز
استمتعوا <3
بانتظار وجودكم :$
ودِي

السلام عليكم جوووود ... وصلت للفصل العاشر ..

امممم بصى اكتر واحد عايزة اتكلم عنه دلوقتى .. وليد ... متضايقة منه جدا ومن طريقة تصرفه مع أهله ، رغم انه شكلهم كلهم طيبين جدا وبيحبوه هو وملاك وبيتمنوا رضاهم ... انا مش عارفة إيه اللى عمله ابوه ومخلى وليد غضبان عليه بالشكل ده ... بس حتى لو كنت زعلان مع والدك جامد ده شئ بينك وبينه بس ... ليه تحمل مرات ابوك واخواتك الذنب وتعمم المعاملة السيئة دى عليهم كلهم ؟؟!!! واللى غايظنى اكتر انه متحكم فى ملاك ومعيشها فى فيلم رعب .. يعنى حرام عليه المفروض يسيبلها حرية انه تقرر علاقتها بأهلها واخواتها ، مش يفرض عليها الوضع اللى هو عايزه .. يعنى ايه مانعها تكلم حد وبيتكلم بالنيابة عنها فى كل حاجة ويخليها تقفل باب اوضتها .. ليه ؟ خايف عليها من إيه ؟؟ على رأى خالد .. هى عايشة مع يهود ؟؟!!! وخصوصا اللى حرقنى كمان انها لما قابلت اخوها وهما خارجين مسافرين اتعاملت معاه بحب .. يعنى هى مش كارهاهم ولا خايفة منهم !!! طيب ليه ياسى وليد تفرض احكامك عليها وتعيشها فى الجو الخنيق ده !!!
يلا كفاية عليه كده ...

رتول حبيبتى ... من قبل ماعرف اسم جوزها انا خلاص تنازلت عن فكرة انه عزيز هو الثنائى بتاعها ... الشخصية اللى رتيل بتحكى عنها مش راكبة مع عزيز فى نظرى ... كمان اعتقد انه عزيز سنه من سن فهد ، فى حين انه جوز رتيل تقريبا 34 او 35 سنة دلوقتى ...

امممممم يلا بقى مش هتكلم عن حد تانى دلوقتى ... مش عارفة انا بحكى معاكى فى افكارى ليه دى اساسا ؟ حاسة بصدعك عالفاضى


سلامات دلوقتى ... وان شاء الله اجى اصدعك تانى بعد ماخلص الباقيين

ههههههههههه جيت تانى ... شوفتى انا سريعة ازاى ؟؟!!! مش قادرة اقوم إلا ماخلصها ... يلا وصلت الثالث عشر .. بس كان لازم احكى معك واقولك اللى فى قلبى من ابطالك ... حاسة هتخنق لو ماقلتش الكلمتين اللى فى بالى !!! ههههههههه

اولا ... مبسوطة جدا بالتطورات الجديدة فى الاحداث بصفة عامة .. لين وسعود .. وظهور عمر اللى هو صقر ان شاء الله ..

امممم سعود ... استغربت جدا طلبه لين للزواج ... من الواضح انه بيعتبر الموضوع برمته عم انسانى وعشان مش عايز يعمل حاجة تغضب ربنا فهو قال يتزوجها ... ياسلام عالتضحية ياباشا ... مش ببساطة كده انه الواحد ياخد خطوة زى دى لمجرد انه يفرج عن انسانة همها ... والله سعود بيزيد تقديرى ليك يوم بعد التانى ..

عموووووور .. حمدا لله عالسلامة ياباشا ... عساها آخر الغيبات ان شاء الله .. بس عجيبة ، من الواضح انه معرفته بيوسف لسه قريبة ... طيب كان فين طول السنين اللى فاتت ؟؟!!! وليه هو مكتئب كده ومش عايز يتعرف على حقيقته ؟ يعنى هو متخيل انه اهله فرحانين بغيبته عنهم !!! حرام لازم يلتمسلهم العذر وانهم دوروا عليه كتير ومالاقوش له خبر .. يلا ربنا يفرج عنه ..

فهد ... الله يعينك على مابلاك يابنى ... ويصبرك على وليد ... متخيلة انه علاقتهم هتتغير بعد الخبر لجديد ده ... وان كنت برضه متضايقة من وليد ... يعنى واخد اخوك بذنب هو مارتكبوش ... يعنى هو مانفوقش من غفلتنا ونعرف الصح من الغلط إلا لما تحط المصايب فوق دماغنا !!! الله المستعان .

سلطان ده عجيب والله ... فاكر نفسه وصى على كل الحريم اللى ربنا خلقهم !!! بس واضح انه وراه قصة مأساوية هو كمان ... عقبال مانعرفها .. وكمان إيه قصة ابو راجح وراشد

ليا استفسار كمان .... انتى ليه مطوحانا فى كذا اتجاه ؟؟؟ من السعودية لبريطانيا لاستراليا !!!! ياترى فيه هدف من اللفة العجيبة دى ؟؟!!!

فيصل ... دايما فى كل عيلة لازم فيه واحدد عصبى مطيور ... تحسيه مش هيرتاح إلا لما يجيب لامه الجلطة ... ومش بيتعلم من غلطه معاها أبدا ..

هديل وداليا ... حبيباتى ... فعلا زى ماقلتى ... دول بالنسبالى فاكهة الرواية ... هديل صعبت عليا أوى لما كانت زعلانة عشان كله ماشى وسايبينها ... أما داليا دى فحالتها حال ... والله البت هبلة ... بتحسسنى انه زوج الجيران مش زوجها ... والله حرام تعبت قلبه معاها ...


يلا سلام حبيبتى ... كفاية عليكى رغى لحد كده