عمري إلم غربة ’’ البؤساء ’’ | بقلمي

[CENTER][
البارت الأول : (( الماضي )) الجزء الثاني

"إن من يتحكم بالماضي يسيطر على المستقبل. ومن يسيطر على المستقبل يُقهر الماضي"
البؤساء ’’ هوجو

نظرات متبادلة مليانه كره وحقد كذا هي مواجهات الجارح و المجروح والغادر والمغدور ,, طلال مستعجل ويبي يخلص الكلمتين الي بلسانه وأبو رعد مليان كلام وشتائم مالها حد من كثر الحقد الي داخله ,, وأخيرا نطق ,,

أبو رعد تنهد : طلال وش تبي بعد ؟ ليكون رعد اشتكاك وقالك مايبيني ؟
طلال : لا ,, ضمه لصدرك وسم عليه بس جاي اقولك فكنا من المحاكم وأنا أوعدك بيجي اليوم إلي برمي عليك هزيم وأخذه بأحضانك .. " قالها بقلب كله كره وحقد"
(( دفعه أبو رعد من صدره على وراء وشارع ملتج بناس في طريقهم للمسجد وأنظارهم تسترق النظر ))
أبو رعد : نسيت من تكون يا طلال نسيت الي بيننا العشره والاخوه والمال الي استأثرت به عليك وعيالي محتاجين ,, كم كيس فلوس جاء لك تسوي في اختك وعيالها كذا ,, أنا اعرف نفسك ما تذلها غير الفلوس ,, كم جابت لك اختك من ريال
طلال بعصبيه : لا انت فاهم غلط , ليش ما تقول أن أختي تعبت من الفقر وراحت تدور السعادة وراحة ولا حياتك ,, "يشر على أذنه" ما سمعت وش قالت لك الحياة ماهي غصب !
أبو رعد ضحك بأستفزاز : هاهاهاهاهاهاهاها ,, والله إذا فقرنا على يديك يا طلال كل مره تسافر وترجع تدورعلى الفلوس وأختك كل مره تقترض مني علشانك ؟ وكنت عارف وعمرها ماسبت الحياة
طلال ابتسم بخبث : فلوسك برجعها لك وقوفها دبل عني وعن والديني عسى ربي يتقبلها ,,
أبو رعد أستفزته الكلمه : لا مشكور ,, أرسلها لدور والايتام عسى تشفع لك وتكفر عنك
طلال : حلو ,, أنت يتيم وبعد يحق للي مثلك الاستفاده من الدور الخيريه ما ختلفنا . بس لازم تسجل علشان الوضع يبقى قانوني .
أبو رعد معصب : تدري شي أنا ما أحب الكلام المنحط ,, بس انت واطي وقليل مروه ولا إلومك العرق دساس ,, زهقتوني بحياتي من ارتبطت بأختك أبوك وأمك وصبرت وشريت العشره وعشنا واخرتها زوجتي عينها على غيري وتحب وهي في بيتي
طلال : أخلاقها ماهي اخلاقي ,, بعد أنت لو كفو ما خليتها تفكر بغيرك ولو كفو ما طلقت وجيت تزعجنا .
أبو رعد : واطيه وانت واطي " من القهر "
)) طلال اندفع له بقوة ((
طلال : أحترم نفسك ترى ساكت لك ولا سبيت .
(( أبو رعد واقف مكانه ما اتحرك وطلال الي كان قريب منه حد الألتصاق وغاضب قابله بأبتسامة مستفزه ))
طلال وانفاسه تخنقه : أنت وش تبي الحين هاه ؟
أبو رعد وهو يطبط على صدره : سلامتك بس
(( طلال بعد يد ابو رعد عنه ))
طلال : أنت الظاهر بتسويها سالفه , الشارع مليان ناس
أبو رعد بصوت عالي : خلهم يسمعون ويعرفون اخلاقكم .
(( طلال دفع ابو رعد لداخل وهو معه وسكر الباب وراه ,, ورعد كان يراقبهم بستغراب وخوف لان الاشكال كانت قمة بالغضب و البغض ))
أبو رعد : ما تشرف البيت والله ,,
(( طلال كان اسلوبه هجومي وبصق على وجه ابو رعد ,, ألي مسك أعصابه شوي و تنهد ومسحها عن وجهه ))
أبو رعد : اعصابك
طلال :ماعاد فيها اعصاب ,, أنت تبغاها كذا كل مره تخطي وتخطي
أبو رعد : ماهو خطاء الا الحق ,, انت مستعد تشيل من قلبك وتحط علشان الفلوس تربيتو على الطمع و حب الدنيا ,,
طلال : وأنت وش يخليك تتأكد أن هاذا هو السبب ؟
أبو رعد : لانه هو السبب ,, يا بني ادم انت بيع كل شي علشان الفلوس ,, "تكلم بكل جديه" تعال شف العيال كيف مشتتين ثلاث شهور ورعد يسأل وين هزيم وين هزيم وين امي ليش راحو انت يوم ماتت امك ما حسيت بدنيا صغيره وتقهر ولا تسوى بدونها ؟؟ انت وشو ؟
طلال : أنا الانسان إلي يفهم وش يسوي واسلوبك بموعظة ماينفع وأن نفع ,, بخاف ربي ولا أني مطلق اختي مرتين ,,
أبو رعد : نذل ,, وأختك صح كانت احب الخلق على الارض صارت ابغضهم على قلبي ,, لو تجتمع الدنيا ترجعنا البعض ما رجعت .
طلال : طيب أنت وش تبي اذا هاذي مشاعرك ؟
أبو رعد بملامح غريبه : في قلبي زفره ابي اطلعها ؟
طلال بقلب مرعوب : طلعها من ردك؟
أبو رعد :وجودك ..
(( طلال إلي خاف دار ظهره واخذ الباب يبي يطلع وفي مخيلته ملامح لمقولة : أتقي شر الحليم إذا غضب ! ))
أبو رعد : وين يا طلال كنت جاي بكلمتين بعدها تفلتين والحين تدير ظهرك للمره الثانية بدون مايكون لك ختام ..
طلال التفت بقوة : قلت لك مليون مره شتبي ,, بس الحيون حيوان لو تنطق عنده مليون مره مافهم ولا رد عليك ..
(( أبو رعد الي شالته العصبيه ,, أخذ طلال من ثوبه ورفعه قليلا على الجدار ))
أبو رعد : ودي بيميني لو ادخل واخذ قلبك هاذا وأرميه تأكل منه الكلاب ,, "بنبره جاده وحاده" طاغي
(( طلال حاول يفك منه بضربه على صدره ,, وابتدت ضربه هنا وضربه هنا ,, رعد على مشهد العنف هاذا ما تحمل وراح يركض لغرفته وأخذ الباب معه وسكره وحط ظهره على الباب ووجهه بين يديه ومسكر على اذنه مايبي يسمع الي قاعد يصير ,, وانفاسه تتصاعد في المكان إلي ملته خوف ))

* * * * * * * * * * * * * * * * *

× في بيت طارق ×

رايح جاي ويتأفف وهي تراقبه ومتوترة من وقفته ,, وهزيم على الكنبه المقابله نايم ,,صارت الساعة الثانية عشر ونصف بعد منتصف الليل والقلق ساكنهم على تأخر رجوع طلال إلي مع طلوع الفجر راح يسافرون مصرَ , وهذا إلي موتر طارق أكثر وأكثر , صفقه كبيرة تنتظرهم هناك وهو مابين طلال و صفقه حتى أنهك تماما من التفكير ,,

ام رعد : أقلقتنتي .
طارق متأفف : أسفين ,, اخوك تأخر وانا قلبي قابضني وبعدين نبي نطلع للمطار قبل الفجر ونصلي هناك علشان ماتفوتنا الرحلة "وهو يناظر الساعه" الساعه وحده إلا والفجر الساعه ثلاث ونص ومن هينا للمطار مسافة الساعه ونص ,, إذا مافيه زحمة .. مع انه مستحيل أجازة وثمامه على الدرب شوفي كيف الزحمة .
(( وجلس بجمبها وهو يضرب اقدامها بالارض من شددت التفكير))
أم رعد : وإذا رحت الرحلة مامات احد
طارق قاطعها : ألابيموت , وتروح علينا الصفقه الي نراكض وراها من سنين ..
أم رعد بستهزاء : تروحون وترجعون مفلسين انتم وصفقاتكم
طارق تنهد : ممكن تتحفيني بسكوتك ,, " بصوت منخفض" يا غبائي وحبي لشقاء كنت مرتاح ورحت اتزوجك
أم رعد بثقه : ترى سامعه ,,ولا حد غصبك علي
طارق بأغاضه : مره بلا مهر ,, هديه جايه من السماء من يرفضها ولو كانت عجوز بس جت فوزية .. " غمز لها "
أم رعد بأكبار : لا مهر كان غالي إلي هو مروتكم ورجولتكم وحياتكم علي بنيتهوها الله يعطيني طول العمر علشان كل ما شفتوني تتذكرون اني كنت نعيمكم .
طارق استفزه أسلوبها : والله اشوف هزيم نايم "وهو يناظره " الى الحين ما قمت بالوجب يازوجتي واشوف لسانك طايل .. لا تخافين ههههه ,, شلون اعطيك مقدمات نسيت انك مطلقه .. المفروض العكس " وضحك ضحكة طويل "
أم رعد بصوت منخفض : حقير
طارق ضحك : حقير ! ,, ترى بيننا عقد شرعي ما دخلت على بكر في بيتها اتهجم عليها .. وماملكت أيمانكم ,, وأنا ملكتك
(( مسكها من يدها وسحبها لين وقفة على حيلها رفع يدها وقبلها ,, وهي جدا متقرفه وتحاول الابتعاد عنه قبل يتمادا ,, لكنه رجل و ملكها حلال هي له ,, أقترب منها وأخذها من يدها للغرفتها ,, وهي مليانه كره له وحقد ماتبي هالوصال يبتدي معه من شدت بغضها له ))

" زفرة ’’

هي : لم تكن خيانة جسد صعق مالكها ,, بلا كانت خيانة روح قد أعلنت لحبيبا سابق الوفاء ,,
هو : لم تكن الحادثه هدية أو مباركه لزواجك يا عشيقتي السابقة ,, بكانت صرخة قلبا قد بعتي حبه وذبلت مشاعره ومتلئ كرها !
هي : كنت الأم التي تهدي فلذات اكبادها ,, بين يديها دعاء لسعاده فسكنتهم بعد أمين ,, تعاسه !
هو : كنت الاب المخلص ,, المتفائل المتشائم كنت من يخبي لهم المال بين اكف صاحب الامانة لانه لا يدري اين ختام حياته ,, فخبيت لهم بعدها ,, لقب أبناء القاتل ,,

* * * *

مع صباح يوم جديد أسود ! ’’

فاتح عيونه للاخر طفل ضايع بمشهد ما مر عليه لا بأحلامه ولا كوابيسه ولا إلعابه وحروبه مع عيال الحاره في المساء ,, مشهد فقد فيه النطق وصراخ ,, " يا يــمه " تعالي شيليني فقدت الحركه ,, أخذ جلال امه حق الصلاة وحاطه بين قلبه وعينه ,, ما حاول يفهم راح للمطبخ وأخذ كاست مويه وراح بخطوات فيها خوف لين اقترب من أبوه وجلس في حضنه وطبطب على خده " يبه " ويحط كاست المويه بين شفايف أبوه بنظرات رجاء يفتح عيونه يحاكيه ,,
أخيرا تفتحت عيون الاب الباهته وأحتضنت عيون الطفل الصغير إلي أستهلت بشوفته أبتسم له وأمتلت عيونه بدموع خابت ظنونه وتعجل وكسر هالابتسامة الصغيرة بسالفة " تـعجـل وقـهـر * ,,, أخذ ولده وجلسه بين أحضانه وحط خشمه بين قلبه و الذقن ,, وطلعت الزفره الي كانت خاقته ,, آه ما اقسى احكام الاقدار . صوت الاب المكتوم بين قلب رعد وذقن ,, مخنوق بالعبارات ..
أبو رعد : سامحني بس ما كان القصد إذبحه بس أجله جاء في يديني ي رب عفوك وغفرانك ,, رعد اسمع وصيتي لا تنساني من الدعاء انت و اخوك مدري وش المجلس الي بيطريني ومن الحبايب الي بيبكون علي ويدعون ومن القرايب الي لاجلي يبنون اوقاف ,, بعد امك عسى تسامحني ,,
(( رعد بدون احساس بكى مع ابوه))
رعد : يـبه انت وش تقول ..
(( رفع الاب راسه وضم وجه رعد مابين يديه وحب على راسه ,,))
أبو رعد : أقول سامحني ,, رعد حبيبي روح ناد عمك سيف قول له ابوي تعبان يبيك بالبيت ,,
(( رعد جلس لحظات مو فاهم تأمل وجه ابو إلي يتحسر ,, قام ومشي وعيونه على طلال الممدد امامه كأنه نايم لا دماء ولا اثار جريمة بس السواد كاسي وجهه ,, ابتعد عنه وصل للباب لي يأخذ براء البيت وراح يركض يدور على الجار سيف ))

** لا إله إلا الله **


( وسيق الذين اتقوا ربهم إلى الجنة زمرا حتى إذا جاءوها وفتحت أبوابها وقال لهم خزنتها سلام عليكم طبتم فادخلوها خالدين وقالوا الحمد لله الذي صدقنا وعده وأورثنا الأرض نتبوأ من الجنة حيث نشاء فنعم أجر العاملين وترى الملائكة حافين من حول العرش يسبحون بحمد ربهم وقضي بينهم بالحق وقيل الحمد لله رب العالمين )

في المجلس جالسه وفي احضانها هزيم وهو بالكنبه المقابلة جالس يهدي المشاعر ويصبر القلب ,, وهي في وحده مع نفسها وكأن لا وجود لها مجرد خيال ,,

طارق : لا أله إلا الله ,, مر أسبوع يا بنت الحلال وانتي مو راضيه توقفين ذا الدمع , أدري قويه عليك موتت أخوك وبعد رعد عنك بس انتي شفتي كل شي بعيونك حاولت اخذه وعيا وابوه "من دون نفس " موصي عليه الجار وظاهر ولدك ذا عنيد وفطين .
أم رعد من دون نفس : روح يا طارق للي تبي تروح له ماني طالعه من الرياض وحالتي كذا ورعد مدري عنه شي ,ولله قلبي كل ثانية يسأل عليه ويتقطع , لا تطول السالفة وروح الله يستر عليك .
طارق بتذمر : اوووه يا بنت الحلال انت مو راضية تفهمين قلت لك رحت وسألت عنه وعند الجار ,, بعدين هو حتى مايبي يجي ,, وبعدين كيف اروح واخليك لحالك من جدك انتي ,
أم رعد بصراخ : مابي اروح مابي ,, السالفة ذي كم مره من ثلاث ايام العزاء وانت على راسي كأن ما قلت على الله تمر ثلاث ايام ,
طارق بصوت منخفض : بتعفين عنه ؟
أم رعد رفعت راسها : مدري ما فكرت ولا استخرت , قتل اخوي هاذا يؤلمني أبو عيالي هاذا يردني ,, مابي بكره عيالي يكرهوني علشاني حرمتهم من ابوهم
طارق ضحك : أجل إذا ما عفيتي تحملي المحاكم والاوراق وسوالف الحضانه ما حضانه ,, وبعد تحملي لانه بيأخذ كل عياله عنده وانا حياتي كله بمصر .
أم رعد تنهدت : تدري انك فاضي ؟ لا بلا احساس قاعده حزينه على فقد اخوي وحال عيالي قاعد تناقشني بمحاكمه مدري متى تصير وتحرضني وتقلقني زياده , اسألك بربك انت وش ؟
طارق : ماني شي بس اسولف لك يعني كلها وقت تحقيق وبيسألون عن رايك
أم رعد : بين اليوم وبكره حياه وموت . " واخرجت زفره طويلة "
طارق بلهجه جاده : اسمعي يا فوزية إذا اخذتي عيالك ترى البيت مرحب بهم وفي حياتي مثل عيالي أي شي يبونه جاهز له ,, المهم ما تحسين بالحزن وتفكير الي يأخذك بكل لحظة عيشي حياتك ,, الدنيا كذا تأخذ وتعطي ولا تدرين وين الخيره فيه . لا تكثرين على خاطرك الحزن والأنكسار ,, أبتسمي قومي شوفي شي يشغل وحدك وأنا أوعدك ببذل جهدي أجيب لك رعد ونسافر سوى .
(( أم رعد سكتت وسكنها قليل من الامان وكثير من الندم ))
أم رعد : كنت انا السبب بكل شي خسرت اخوي وامانة امي وخسرت ابو عيالي وبخسر عيالي ,, بعيش شتات بين ماضي بيسولف معي بكل خلوه لي مع نفسي ,, وعيون تسأل عن ابوها ,, وتاريخ يكتب البلوى إلي سواها اخوي وطليقي , وش الوجه بقابل العالم فيه ,, سامحيني يمه جيت بحفظ وصيتك واخوي وضيعته ومات وانا السبب ,, وسامحيني يا خواطر الطفليين إلي ضيعتهم بين أم عروس وابو سجين ,, يالله مصغرها من دنيا قبل شهور أشوف ضحكهم حولي واليوم فاقده نصف قلبي ,, وخسرت وصية ما اسامح نفسي على ذا الغلطه وخسرت عائلة بنيتها سنين وبنفس اليد هدمتها ,, صافح يدي بتحقيق لي السعادة ورديت عليه بالخذلان ,, ياربي رحمتك .
(( طارق يتأمل عيونها الحزينة وبخاطره الحزين ))
طارق : مره ذي المشاعر وقاسيه ,, فقدنا الحبايب بصدمة وكل ما أسمع طاري مات فلان البقى براسك إذكرها واذكر يوم تلاحقني وتداريني من الشمس و درب الاخطار حتى من الشوكة الصغير تركض وراي حافيه وإذا لدغتها جتني تركض تشيلني ماتبي نفس الالم البسيط ذه يضرني كانت لي غطاتي من برد الشمال وهبوبه وكانت لي الظلال من الشمس وليهيبها ,, كلها حنان وطهر وليش لا والجنه موطى قدمها ,, يالله عسى قبرها وسيع الاميال ومن ريحة الجنة بقبرك تهنين ..
(( قطع عليه خلوته صوتها تناديه ))
أم رعد : طارق طارق
(( طارق بدون احساس وبلحظة عطف ))
طارق : عيونه ,,
أم رعد المستغربه : أبي حليب لهزيم ..
(( طارق هز راسه بإن شاء الله وانكب على ذكرى ناس غادرو الوجود واهدو له الحياة ,, وهي محتوية صغيرها وشاده بأحضانها حتى ابتدى يفكفك نفسه منها وتشدت زياده ببرودة مشاعر وهذيان ))

* * * * * * * * * * * * * * *

مرت الايام مثل الجحيم والجحيم أعظم والعياذ بالله ,, في سجن الرياض كان جالس معتكف على نفسه يفقد الاحساس ويمكن اللسان علشان ينطق له كم كلمتين ,, عارف المصير ونهاية حدود الله تقام على المقهور المظلوم او ناسي ,, مامر بخاطره وأنظاره غير صور سريعة عن حياة كانت ماضي وانتهت ,, كلها ذكريات الماضي يا حنين وأيام لا تنساء يا إلام وايام يتعوذ منها ,, قام حكم الله ,, وأخذ البقايا رحلها بقطعت قلبيها رعد وهزيم والاقدار تخبي الكثير ,, لكل بداية نهاية ولكل عقد ختام ,, رحل الوالد وكتب رسالة لمعنى القهر و التعجل ,, وكل مامرت سالفة الشايب تذكرت .. الرجل الذي اتى إلى الرسول وقال أوصني وكرر عددت مرات لا تغضب لا تغضب *


النهاية للبارت الاول وقصة المـاضي لو فصلت فيها أكثر ربما يصيب القارئ الملل ,, عندي نقطة أود أن أوضحها ومنها ربما نصيحة لمن يريد الكتابة ..!

وقعت في مخيلتي عندما قرأتها لروائي عالمي لم يحضرني أسمه عندما قال أو معنى ما قال,,

شيئآ لا تصفهما بالكتابه أو تتعمق بالوصف وسرد عنهما ,,

* الأمور الجنسيه ,,
* الأمور القتالية أو عُنفية ,,

,, أتمنى تواجدكم بالسبت المقبل في بالبارت الثاني " الرحلة الأولى " .. دمتم

لا تحرموني من الردود )(
/CENTER]