السلام عليكم..
ام جمااااااااااااااال خلصت الاجزااااء كلها . شي خطير صراحه..
اجزاء تهبل .. بس اللي يقهر فيها راشد وتعامله مع سمارا.. واللي يقهر اكثر سمارا كيف ساكته كذا..
راشد مريض بالشك مافيه شك بهالموضوع.. يعني تعامله بيكون نفس تعامل جدها محمد مع جدتها عادله..
وهنا عندي توقع.. سمارا للحين ماتعرف هي وش شعورها تجاه راشد .. وعليه اتوقع ان زيارة اعمامها لها بتخليها تحدد موقفها منه ..يمكن تسمع عن تعامل جدها من جدتها منيره وكيف ان الشك اعمى قلبه وخلاه يخسر حياته بين اهله وابتعد عنهم كل السنوات اللي فاتت وهنا بتربط بين تعامل جدها مع جدتها وتعامل راشد معها وبتقرر انها تتركه ..الا عاد ان كانها انخبلت رسمي ورضت بالاهانه.. قال تحبه قال ؟؟ مالت على هالحب اللي يوجع القلب ويوجع البدن .. الرجال هذا ياا سمارا مايحترمتس .. الحب كبيه بالبحر واشتري الاحترام وهالرجال لا احترام ولا عقل يعني البعد عنه غنيمه..وبعدين يا الخبلا الوظيفه اهم من الرجال مالت عليتس . لاتتركين الوظيفه ابد عشانه حتى لو انكم ماشرطوا عليه .. الرجال هذا لازم تبعدين عنه الفين كيلو عشان ترتاحين منه.. اذا من الحين مد يده وبغى يكسر لتس يده وش خلا اجل لبعد الزواج؟ اكيد بيدق رقبتس من اول يوم تدخلين بيته..


راشد: انت ابو المصايب حمااااار كبير وجالس بكل حقاره مخلي هالراما جعلها للسنه جاسوس لك.. وللاسف البنت عارف انها كذوب ومع هذا مستمر بالتحقيق وتسحيب الكلام منها.. وهذا يدل على انك ماتحبها بس تبي تكسر راسها وقلت البنت هذي لا ام ولا ابو وبخليها على كيفي.. واتمنى من كل قلبي ان السحر ينقلب على الساحر ومايفضح عمايلك بسمارا الا هي وتشوفك تضرب سمارا والا تهاوشها وتروح تقول لجابر يجي يكسر راسك ..

نجي عااااد لصعوبي.. الصدق عاد ان احساسي منقسم قسمين بسالفته مع شملا..
الاول اني بكل صراحه ماحبيت وضعه معها والصراحه اني مستحيه لهم .. ومفشليني>>فيس مغطي عيونه..هع
والثاني اني بكل صراحه بعد عاااذره شملا باللي تسويه.. حتى لو مو معجبني بس من حقها تعيش حياتها
لكن اللي صدق مخوفني انها كانت تحب صعب على حياة فهد؟ يعني تصرفها لما ارسلت ولدها لصعب يفزع لها وقالت ان صعب حلالها كان واثقه ان الحل بيكون زواجه منها ولا راح يكون أي حل ثاني وهي ما بغت صعب ولا فكرت فيه الا لانها تحبه .. بس كيف حبته ومتى حبته هنا بالضبظ مربط الفرس.؟؟. يعني لو كانت حبته قبل تتزوج فهد بلقى لها عذر باللي سوته يوم تتزوج صعب.. لكن لو كان حبها له على حياتها مع فهد بهي وحده حقيره وواطيه لازم يشوف لها صرفه.. ومحاولتها قبل لانها تستدرج صعب لعلاقه طبيعيه معها لانها تحبه مو لانها تبي علاقه طبيعيه مع زوج انجبر يتزوجها بسبب ظروفها.. واعتقد ان محاولتها الاولى كانت في بداية زواجها وعقبها هدّت اللعب سنوات الى ان جتها الفرصه الذهبيه بروحتها لجيزان مع صعب.

حياة صعب وطلاقه من بنت خالته بعد زواجه من شملا يخليني اقول ان شملا كانت تبي صعب لها بروحها وهي عارفه ان زوجته ماراح ترضى بالشريكه وبتطلب الطلاق واعتقد انها بعد كانت واثقه ان صعب لو تعرض للاختيار بينها وبين زوجته بيختارها هي لعيون عيال اخوه وعلى هالوتر هذا بالضبط لعبت وتعايشت مع ام فهد وهي كارهتها لعيون صعب بس ولاغير .. وهي اصلا ماتقدر تقلب عليها وتغير تعاملها مع العجوز لانها عارفه وضعها ومكانتها عند صعب لكن لو قدرت انها تغير تعامل صعب معها بنشوف وجه ثاني لشملا مع الكل مو بس مع الجده منيره..
شملا غامضه جدااا بالنسبه لي وما اقدر احدد الحين هي طيبه والا كريهه..؟؟ وعليه بننتظر شوي ونشوف وش يطلع منها.
لكن اتووووقع اتووووقع ان جلستها مع صعب بجيزان هذي بتكون لها فااايده كبيره لها هي شخصيا..
مدري ليش متوقعه ان صعب بيصير له حادث بسبب شغله بالعسكريه ويمكن هالحادث يا بيقربه من شملا او بيقربه من سمارا.؟؟ يمكن لو صار له شي يعالجونه بجده ويقيم ببيت عيال عمه وبيكون قريب من سمارا.هذا اذااا هداه الله ومالعب عليها ابليس واخوه راشد وتزوجته..
زواج سمارا وراشد عندي احسااااس انه ماراح يتم ابدااا ..
والله جا في بالي الحين خطه ثانيه وهي ان راشد يطلقها ويحاول انه يشهر فيها وبسمعتها ويجي صعب هنا ويخطبها حفظ لعرض بنت عمه اللي واثقين انها مستحيل تكون مثل الكلام اللي بيطلعه عليها الحقير..
والا ان راما ام لسان تجلس تسولف على صعب عن فعايل راشد اللي بتشوفها وعقب ..هوووبا الا الحرمه في حظن صعب عقب ما انقذها من شراك راشد..>>فيس معجبته خططه وتوقعاته..هخهخهخه

عمار قريبا بيلتقي مع شريكة حياته الجديده في بيت سمارا واخوانها..
ام جمال تسلمين على النقل وباذن الله نحتفل جميعااااا بنهايه النقل بنجاح .
سلمي على الكاتبه وخليها تزورنا هنا وتشوف اجواءنا كود انها تجي تبسط عفشها بينا>>فيس مبتسم..
بانتظار الجزء الجاي بكل شوووق اذا الله احيانا فلا تتاخرين علينا ام جمال ..من تشوفينه القطيه وجيبيه على طول واقريه معنا ..
تسلم ايد اللي كتب واللي نقل واللي رد.