كاتب الموضوع :
آلهنوف
المنتدى :
القصص القصيرة من وحي قلم الأعضاء , قصص من وحي قلم الأعضاء
رد: اذكريني كل مآشربتي قهوتككَ ~
اعتذر لك ياطيوفه عن خطاه
تلحق الشرهه ثعابين الحسد , كنت آحبهه واقهر الحب بوفاهه
كنت احبه لكن احساسهه عماههَ :
يابنات تغطو العيال بيدخلون
ياولد هلا هلا باحفادي اللي اقبلو ياهلا بريحه اهلي ياهلا
سلمو العيال على الجده وخالاتهم وصافحو البنات وجلسو
كان دحوم جالس جنب ام شذى وشذى كانت جنب امها يعني ام شذى بين دحوم وشذى
دحوم : شلونك ياخالتي
ام شذى : الحمدلله طيبه
دحوم ب ابتسامه : شلونك ي شذى
شذى بخجل ولا كأنها كلمته قبل كم دقيقه : طيبهه
محمد : اقول يايمه ماعندس قهوهه ؟
االجده : الا ي ولدي عندي ازين قهوه مير ماش بنات كلبوهن رفل حتى الشغالات اللهم ياكافي مغير يتبطحن
محمد : وانتم يابنات وش فايدتكم تجون عند الجده من تنتظرون يخدمكم
ساره : يوهه ي خالي احنا نجيب خدامتنا معنا عشان يشتغلون عننا
محمد : هيا قومي ياشذا عشانك اصغرهم وصبي لنا القهوه
دحوم : لا ياخالي شذى اميرتهم ماتمسك شي الشغله هذي لغيرها
البنات جلسو يصارخون ويتغامزون وشذى زاد خجلها
ام شذى شكت بشي بين شذى ودحوم
خصوصا من نظراته لها طول الوقت
ام شذى : وخر عن بنتي ي دحيم ههااااه
دحوم : ي خاله العين بحر وتعشق كل شي حلو
ام شذى : ي ولد استح
دحوم : ي خاله بس يجي ابوها انا بكون اول الخطاطيب
شذى دخلت وسط ثيابها من الخجل ووزاد حبها لدحوم فعلا دحوم كان يحبها بس عينه كانت على وحده ثانيه وماكان متأكد من مشاعره تجاه شذى
دحوم كان حاط جواله ع الطاوله اللي قدامهه جاه وكز واهتز الجوال وجت عين شذى ع الجوال
مسك دحوم جواله وابتسم ع الكلام اللي كان مكتوب له وكانت عين دحوم طول الوقت على الجوال ونسى المسكينه اللي كانت عينه عليها قبل شوي والمسكينه غارت وتمنت تكسر الجوال اللي سرق نظرات حبيبها منها
ثاني يوم كانو ف المدرسهه والشله مرهقه وتعبانه
الكادي : خلاص ي بنات قربت الاختبارات النهائيه واخيرا بنفتك من الدراسه
ساره : بس بفقدكم ي بناتتت خصوصا انكم تدرون بظروفي واني مستحيل اقابلكم
الكادي : مو انتي بتتزوجين ؟ هيا انا بكون اول الحضور لا وبغني لك بعد وبرقص قدامك اذا عجبني زوجك ههههههههههههه
ساره : ههههههههههههههههههههههه خلاص امزح لاتحضرين زواجي لو سمحتي
ملاك : يوههه عاد كادي تدور الزواجات دوارهه
كادي : ش اسوي ي خي اتقهوا ببلاش وارقص بببلاش ام الفله ي شيخه
همس : اي والله وتشوفين ناس اشكال والون
العنود : تذكرون سعود ؟
جوري : هذاك الكبرياء ؟
العنود : ايوهه
البنات : وش فيه ؟
العنود : احس اني بديت احبه .. :)
جمان : اها تحبينه وانتي تقولين له انك متزوجه ههههههههههههههههه
العنود سكرت عينها وتنفست بقوهه وقالتت اهههه تدرون ليش كنت ابكي ذاك اليوم ؟
البنات : ليش ؟
العنود : لانهه اعترف لي بحبه وانا كنت ابادله نفس الشعور بس ماقدرت اكمل بكذبتي معه حاولت انهي اللي بيننا قلت له ابعد عني مابيك ماحبك قال لي لاتحبيني بس خليني عندك ع الاقل كل يوم اشوف تحديثاتك واسمع لك حس واوعدك ما مسك بشي ولا اضايقك
الكادي : ههههههههههه انا تحزنوني ي بنات لما تصدقون العيال وكذبتهم ترا كلهم كذابينن ك ذ ا ب ي ن مدري ليش تصدقونهم ؟ ترا مافيه حب اخر حب كان حب عنتر لعبله ومدري وش صار فيهم ماتتوبون انتم ؟
العنود : كادي لو سمحتي انتي انسانه كل الدنيا طايحه من عينك لاتتتفلسفين احسن لك وخليك ف قهوتك
الكادي : عمى ف وجهك ان شاء الله اذكركم بعدين تعالو قولو يوه ياكاديي طلع يكذب عليا -بصوت ناعم -
جمان : ترا بهفك بعلبه البرينقلز ان ماستكي ي فيلسوفه زمانك احنا اللي بنذكرك وتجينا وانتي تقولين اههه ي بنات احبهه
الكادي : آقولكم شي ودي احب ترا احيانا بس محد يستاهل احبه غير معشوقتي قهوتي :$
شذى : خلاص خليك بقهوتك واسكتي
ميرا : يوه ي كادي انتي بتذبحك القهوه خلاصص بتجلطكك
الكادي : يعمري قهوتي تفداها صحتي :$
وجلسو يهاوشونها ع القهوه كالعاده وانه مو زين تكثرين منها وكادي كانت تهز براسها وتسلك
بعد يوم دراسي متعب
رجعت جوري لبيتها
سمعت امها تبكي جت لها
جوري : يمه وش فيك تبكين
امها : ي جورررررررررريييييييي الحقي امممككك
جوري انمغصت : يمه وش فيك وش صايرلككك ؟؟؟؟
اخوكك ي جوري اخوككككك
جوري كل اللي طرا ف بالها انت اخوها توفى ومسكت امها من كتفها
جوري : يمممممممههه وش فيهه اخوي وش فففففيييييههه !!!!!!!!!!1
امها : جوري ي بنتي اخوكك مايرد علي وولد خالك يقول شاف سيارته مدعومه ع الطريق العام
جوري مآحست بشي كل اللي حست فيه دوخه حست كل شي يدور من حولها حتى رجولها مو شايلتها جلست على الارض ومسكت راسها ماتدري هي تهدي امها ولا تهدي نفسها
جوري : يمهه يمكن بس السياره صار لها شي يمكن هو ماصارله شي
اختفى حس امها لفت ع جهت امها لقت امها طايحه بطولها على الارض رفعتها وكانت تصرخخ يمممههه ردي علي يمهه وش فيكك يمهه
ولد خال جوري اللي هو -حاتم - كان جاي يبشر عمته ان ولدها مافيه شي وانه بس كسور بسيطه
فتح الباب شاف جوري ترش على امها المويه وتهز امها ودموعها مغرقتها حاتم نسى اللي جاي عشانه
شاف الطفله الجميله الناعمه اللي تبكي وكان يتأملها صرخت جوري عليههه فز من مكانه واستوعب موقفه شال عمته وحطها ب السيياره واقنع جوري انها تدخل البيت وترتاح لانه واضح ان ام جوري بس دايخه بحكم ان حاتم كان له يد ف الطب وكان طالب طب
اخذ ام جوري للمستشفى وفعلا كان بس انخفاض ب الضغط عشان كذا اغمى عليها رفع جواله يبي يطمن جوري ويبي يسمع حسها
حاتم : الو
جوري : هاه حاتم طمني امي صار لها شي -كانت تبكي-
حاتم : لاتطمني زي ماقلت لك بس انخفض الضغط عندها
جوري :طيب اخوي وش صار عليهه وينه ومن معه وباي مستشفى
حاتم كان هايم بصوتها الطفولي وبدلعها حتى وهي تبكي
جوري بصوت عالي : الو
حاتمم: هاهه
جوري : اقول اخوي فينن
حاتم : لاتخافين كل شي تمام ان شاء الله اخوك ماصارله شي قوي حتى مايحتاج يتنوم وشوي بيطلع من المستشفى
جوري : تطمنت وسكتت
طولو وهم ساكتين ب الجوال حاتم كان يسمع صوت نفسهاا وجوري تنتظره يتكلم
جوري : حاتم !
حاتم بنفسه ي روح حاتم : هلا
جوري : انا بسكر وبلبس وبجي مع السواق عند امي ع الاقل اكون معها
حاتم فرح لانه بيشوفها :طيب خذي راحتك
ام جوري صحت : حاتم حبيبي ولدي فين
فهمها حاتم اللي صار وتطمنت ام جوري وحست بالراحه
الدكتور : لازم تجلس عندنا اليوم لين يرجع ضغطها لوضعه الطبيعي
حاتم : ان شاء الله ي دكتور يصير خير
جوري دخلت الغرفهه وشافت امها تعبانه وزاد بكاها
ام جوري : خلاص حبيبي ماصار لي شي شوفيني الدكتور يقول شوي واصحى
جوري حاضنه يد امها وتبكي
حاتم كان عاجبه وضعها وهي تبكي وكان عاجبه انه كشفت عن وجهها ونست ان اللي معاها مو محرم لها
هدت جوري ورفعت عينها تعلقت عينها بعين حاتم وهو لابس تيشيرت اخضر وجينز اسود وشعره مسويه بطريقه جميله كان مبعثر بطريقه جميلههه ججددداااا
ابتسم حاتم نص ابتسامها وام جوري قرصت جوري
امها : ي بنت استحي
جوري : لفت لثمتها وما كانها سوت شي جمال عينها كان نص جمال وجهها
حاتم كان يصد عنها احتراما لعمته ولا هو وده يقعد بحضنها بعد
نترك العصافير اللي لهم سالفه طويله شوي نرجع للجميله ملاكك
ملاك : يوهه ياربي انا اختباراتي قربت لازم اشد حيلي وانتي طالعه لي بكل مكان
منيره : تشدين حيلك على ايش ياحظي شدي حيلك ف البيت لانه مكانك وترا شهادتك ذي مابتنفعك
ملاك : الله واكبر وانتي وش دخلك فيني وف دراستي التهي بنفسك ي حرمه وفكيني من شرك
منيره : اقول اخلصي علي بطلع انا للاستراحه وابوك لزم علي ما اطلع الا وانتي وهالقرد معك اففف الله ينشبكم ف حياتكم كان نشبتولي وغثيتوني
ملاك تضايقت لانه ماكان لها خلق لاهل منيره لانهم همج بس وش تسوي بتطلع ترفه عن نفسها لان الاختبارات قربت
طلعت ملاك لغرفتها ولبست فستان على قد جسمها ميد يعني وكان فيه فتحه من ورا لبست كعب اورنج وخلخالها الناعم الذهبي فتحت شعرها الطويل واكتفت بقلوس وردي خفيفف وبلاشر - مايحتاج تزين نفسها لانها جميله -
لبست اخوها ثوبهه وشماغه وعطرته ب العود وقالت : شفت طلعت رجال زي بابا
اخوها : لا انا مابغا زي بابا مابغا اجيب حرمه تخلينا انا وانتي نبكي
دمعت عين ملاكك بس مسحت دموعها ماكانت تبي تحول روحتها لحزن
لبست ملاك عبايتها ومسكت يد اخوها وطلعو
وصلو للاستراحهه وكان صوت الدق لبرا واصل تحمست ملاك
بس منيره دفت ملاك وكانت تتهزأ بشكل ملاك بس ملاك ثقتها بنفسها
منعت منيره من تحطيمها - منيره كانت بتموت من القهر لان بنت رجالها اجمل منها -
دخلو وسلمو ع الحريم وجلست منيره وجلست ملاك جنبها
جت اللي تصب القهوه وكانت تبي تصب لملاك وسحبت منيره الفنجال من يد الحرمه وقالت : ملاك ماتشرب قهوه توها بزر على القهاوي وضحكت
ملاك بشموخ رفعت حاجبها ابتسمت نص ابتسامه طلعت جوالها وسحبت اخوها وطلعو برا ف الحديقه الخارجيه كانت ملاك تلعب اخوها ب الكوره
ملاك : يالله ارمها اقوا
اخوها : انا رجاااللل وشات الكوره وفعلا كان شوتته شوتت رجال طيرها لورا الاشجار
راحت ملاك بتجيبها وكانت تتمايل ع صوت الاغاني اللي واصله لبرا دورت الكوره مالقتها التفتت تبي تنادي اخوها شافت الكوره بيد شخص وماكام شخص غريب عليها شافته من قبل
ملاك : انت وش تبي طالع لي ف ككل مكان
تركي مد لها الكوره : انا قاعد اطلع لك ف كل مكان عشان اساعدك وهذا ردك للي يسويلك الجميل ؟
ملاك فهت فيههه : هاهه وسحبت الكوره من يده ولمست يدها يده
-قلبي وعقلي والمشاعر والاحساس
واحلا قصايد الغزل يفدون عينك
ماهمني وش بيقولون علينا الناس
دامني لمست راحه يدينك -
آبتعدت ملاك وتذكرت انه من قرايب منيره واشمئزت منه
وسحبت نفسها وراحت
وقف تركي يناظرها لين دخلت - يااهههه ريحه عطرها في يدين للحين اهه ياليت الوقت وقف ولا تحركت من قدام عيني هذي من وين طلعت لك ي تركي من وين جت ؟ وش سوت فيك ي تركككييي وش سووووتتتت -
جلست ملاك وكان تفكيرها باللي صار قبل شوي وابتسمت لان فعلا الموقف كان يخقق
وتركي للحين يشم ريحه عطرها ف يدينهه
-
وبكذا اوقف هنا
رايكم ؟ وتوقعاتكم .!
|
22-09-13, 02:56 AM
جديد مواضيع قسم القصص القصيرة من وحي قلم الأعضاء , قصص من وحي قلم الأعضاء
العرض العادي
