احدثكم من فوق السرير و من تحت البطانية و الجو تلـــــــج
احم عفوا مشاهدينا الاعزاء و قراءنا الحلوين كل رواية و انتو طيبين و مزقططين و في ساحة المعركة منورين ... اعععععع حفتقد معركة الافق جدااا جدااااااااا بس خلينا نعيش اللحظة لسه فاضل التقرير النهائي المجمع ان شاء الله و الفصل الاخير

في ظل التطورات الخطيرة للاحداث و بسبب القفلة المنيلة بستين نيلة بتاعة عم الامور جاسر فقد تباينت ردود القراء تجاهها و اليكم آخر الاحداث :

الحالة السائدة كانت استنكار رد فعله و لكن اختلف القراء بين متفهم لموقفه الغبي التيت و رافض و قد قام بعض القراء بالمطالبة بحبسه على عمايله السودا من اول الرواية انتهاءا بالمصيبة الاخيرة و قبل ان ننتقل لاعلان نتيجة الاستفتاء سنعرض سريعا رأي القراء (عشان تعرفوا بس انه تيت) و متتصدموش من النتيجة (تبا لقلبي الرهيف) اكيد طبعا انتو متوقعينها

احم اعلنت سوسو "ام البنات" و سوسنتي "زهرة سوداء" و ام عبادة و همس الصحراء تفهمهن لما فعله (يالا اهو احسن ما يدعموه برضو )

بينما تعجبت روزا "Rozmina" من تصرفه قائلة : "ميقدرش يعدي الفصل على خير " فعلا يا روزا هو فقرررري و كلنا شاهدين على كده

ثم اضافت ملوكتي ”malikaflowers" (رغم القفلة المطينة بطين لكن تذكروا لم يقل ما قاله الا في ساعة خوف على غاليته فما مر به ليس سهلا و اكيدة انه عندما يهدا سيعرف فداحة خطئه و اكيد سيتراجع لكنه يخشى عليها فقط) "اووووووووووكي يا ملوكتي بتدافعي عنه ؟!!! خيااااااااانة و عظمى كمان جرررررررررررر

ثم علقت سولي من كبار داعمي القيصر قائلة " بس ليه كده يا جاسر لييييييييييييييييه يا بني مش كده
مش كده
فكر مرتين قبل ما تنطق
ياعني انا متاكده انك لو هيدت وفكرت كويس
مش ممكن كنت تفكر تنطقها
لا زعلت منك بجد
لكن واضح ان نورسين هتظبطة
جو اوووووووون يا نوري

و زي ما انتو شايفين انها عدالة السماء ... ملوكتي تدافع عن جاسر و سولي من خط الدفاع تدعم نور يووووووبي و لكن للاسف هي اضافت بالنسبة لموضوع الحبس قائلة :
وانا بقووووووووووول لا والف لا
لع
نوب

و طبعا رأي المقاتلة الشهيرة حبيبة هارتي "شوشو" عشق القمر معروف فقد طالبت بحبسه دي كمان كانت عايزة نحبسه من غير استفتاء حبيبتي حبيتي البنت دي
و من ضمن تصريحاتها الرائعة مش بقولكم حبيبتي " حبايبي شوفوا معي ده جاااسر مستتتفززززز عديم التفاءل بالحياه"وهذا مرض بقه نعالجه بطريقتنا ياللهجوم" طبعا مرض نفسي"
شوفو منذكر الاعمال اللي يستحق جاسر الحبس عليها وهي كثييييير ومااخفي اعظم فااحسن نقوول نهائة الفصل وهيه الطااامه الكبرة بالنسبه للبشر اللي عندهم ضمير إنساني شيء عظظظيييييم يعااقب عليه بالحبس النفرادي ومروور للمستفى الحالات الخاصه واخر شيء يجي يسلم عليه انا وايسو وتبع خط الهجوم سلااام خاااص"
و من موقعي الحيادي بقولها انا معاااااااااااااكي يا شوشو يالا بينا يوووووبي

بينما حذرت د/نسيبه من الاقتراب من عم المعقد قائلة " كلو ولا جاسر ارجووووووووووووووووووك " اعمل ايه طيب هو اللي بيستفزني انا كنت ساكتة و كافية خيري شري و هو اللي بدأ "

ثم اضافت زوزو (the earth moon)" قاموس شتيمه يبنى انتا غاوى نكد و كئابه ليه ربنا بيرزقك بالحياه و النعمه و انتا رافضها حتى لو خوفك عليهم كبير دا الجبن بعينه
نورسين و الله صعبتى عليا يا بنتى انا لو مكانك و بعد الفرحه دا كلها و يقولى كدا القتل فيه حلال حلال حلال و انا هساعدك " و انا بقولها ينصرررررررررر دينك يا استاذ خليـــــــــــــفة

و على عكس ما توقعت فقد علقت موني "لست ادري" على موضوع المطالبة بالحبس قائلة" "طبعا لااااااااااااااااااااا اتقى الله يا ايسو ... والله جاسر انا بعتبره مريض نفسى اكتر من نهال الله يرحمها " ما عشان كده يا موني احنا عايزين نحبسه و نجيب له دكتور نفساني في السجن

و طبعا كان رد زهورتي "زهرة منسية" من كبار المدافعين عن سيادته " أكيد نور هيكون ليها طريقة تشفيه من خوفه و أكيد لما تتفهم سبب كلامه ده هتسمحه”

ثم اضافت ريمي "ريماس مصطفى" و هي من المقاتلات النشطات من صفوف الاعداء قائلة :" انا معارضة وبشده على قرار حبس جاسر " بينما أكدت على ان نور تستحق تمثال ... يووووووبي اعتراف صريح وضيح من خطوط الاعداء

و بالطبع رأي جيجي كان :" لالالالالالالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالالالالالالا لالالالالالالالالالالالالا وصلت ..ولا اعلى صوتى اكتر "

احم جيجي ... ممكن توطي صوت التليفزيون شوية و تسمعينا من التليفون اصلي مش سمعاكي كويس


سموحتي حبيبتي “smah90" علقت قائلة "ماعدا استفزاز جسور دماغو جزمه الراجل دا يعني مش خلاص عقدك اتفكت ليش تتعب نور بس انا عارفه انها قدها "


و في مداخلة غير متوقعة فقد علقت ميمي "مها هشام" معترفة بخطأ جاسر الفادح قائلة : "جاااااااااااااااااااااااااااااااااااااااااسر .. معذور معذور اكيد في حاجة خلته يعمل كده
ليييييييييييييييييييييه يا هومي لييييييييييييييييييييييييييه تطعمينا لجبهة الهجوم علي طبق من ذهب .. ده انتي كده اعطيتينا وجبة ساخنة للناس الوحشة .." هع هع هع اخيرا اعترفتي

و بالطبع التمست نانو "اميرة الياسمين" العذر لسيادته و لكنها لم تنكر انه مذنب حيث قالت " ده احنا ملحقناش نقول مبروك
لحظه لحظه يا رابطة الهجوم يا متسربعين هشرح لكم الموضوع ومحدش يقاطعنى لو سمحتم
الراجل معزووووووووووور
ايوة اكررررررررررر معزووووووووووور "

و رغم تفهم سموحة "Samahss" الا انها لم تنكر صدمتها من تصرف الجاسر و طالبت نور بالصبر :" الف مبروك الحمل نور اوعى تزعلى من 'جاسر لانه خايف عليكى خايف يفقدك انتى كل شىء بالنسبه له طبعا رد فعله صدمنى بس عنده اسبابه وانتى ادرى به وبيعقده التى بيحول يحلها من اجلك اصبرى عليه شويه يابنتى"

بينما دخلت الرائعة ساري من خط الهجوم و قد اعلنت انه متفهمة رد فعله الا انها تطالب بحبسه و تمنت انها تكون لحقت الاستفتاء ( يا بنتي ده احنا نوقفه عشان عيونك )

و على الرغم من ان ميسي "لهفة اللقاء" رفضت الحبس الا انها عقبت قائلة رد فعله على خبر الحمل محبط جدا واكيد مؤلم لنورى "

و قد علقت الاميرة سميرة قائلة "ان ردة فعل جاسر على خبر الحمل قاسية لنور"

ثم اضافت دورا "دورونا" قائلة بصدمة : يخربيتك ويخربيت شطانك وأفكارك الملعونة دي يا جاسر
دي ردة فعل يا رجل على خبر زي دا .... ربنا يهديك
بس معزور بردو .... وخايف تتكرر مأساته تاني
بس شوف نور هتعمل معاك ايه يا اخ ...."


و كما رأيتم مشاهدينا الاعزاء ان جميع القراء تقريبا صُدموا من موقف عم المعقد جاسر باشا الا ان الكثير و يا سبحاااااااااااااااااان الله رفضوا سجنه!!!! و ذلك يؤكد ان مع هومي مفيش مستحيل
فكما فرح القراء لحالات الطلاق و الوفاة ها هم يتقبلوا رد فعل جاسر الكارثي بل و يلتمسوا له الاعذار!!!!
ما شاء الله ردود الافعال في الحياة حمادة و في "الافق" حمادة تاااااااااااني خالص

و مع ذلك كانت النتيجة لصالح حبس الجاسر طبعاااااا (مالكم مستغربين ليه) و كله بالقانون حتى اسألوا آدم و مصطفى

مثلا سولي قالت : (لا ثم الف لا ثم اتبعته بـ لع و اخيرا بـ نوب ) مع ان كلنا عارفين ان في الاستفتاءات أي كتابة على الورقة بتخلي الصوت باطل المفروض تعلم صح بس على "لا" و بما ان مفيش ورق فطبعا كتابة "لا" واحدة كفاية و كده سولي صوتها باطل

و طبعا جيجي صوتها باطل و كمان موني و مين تاني نبطله مممممممم

اه طبعا بعد ان صرحت الكاتبة الحيادية برأيها عن التصويت قائلة : انا بقول لا و الف لا طبعا و صوتي يتحسب بمنتهى الحياديه" ... هومي كمان صوتها باطل بالتلاتة مش كفاية انها الكاتبة و متحيزة للبطل جرررررررر ..... في ورق مين كمان نبطله؟؟؟

لكن طبعا بالنسبة للقراء بتوعنا اللي مصرحوش بـ " نعم لحبسه " فاحنا هنا حنمشي بروح القانون

يا سلاااام عليا و على حياديتي اجنننننننن خسااااارتي بجد
بس يؤسفني اني ابلغكم اننا مش حنحبسه و لا حاجة مش عشان نتيجة الاستفتاء التي لا تشوبها شائبة لا سمح الله لكن من اجل الضغوط الخاارجية و الابتزاز مفيش داعي لذكر اسماء طبعا (شريررررررررررررررررررررة يا هومي ) ايه ؟ بتقول ايه؟ ده طلع في التقرير؟؟

و بعيداً عن المعركة المعتادة بين فريق الدفاع و فريق الهجوم فقد وجدت استنكار غريب من نانو و ريمي عندما اعلنت ان كريم حبيب هارتي ملاك بجناحين جنب جاسر ثم رفرفرت برموشي
مش عارفة مستغربين ليه؟!

كما طالبت صديقتنا الرائعة "ام مروان" بحبسي قال ايــــــــــــــــــــه انا بثير الشغب و بفتري على الابطال!!!
و انا اطالب بحبسي انا كمان لو السجن جوه اكثر دفئا من بيتنا
صحيح يا ميمي "ام مروان" اعتبرك انك انشقيتي عن خطوط الوسط الحيادية و بقيتي من صفوف الاعداء؟!! طب ما تيجي معانا احسن؟


مشاهدينا الاعزاء و قراءنا الحلوين شكرااااااااااااااا جزيلا لتواجدكم و تصويتكم و ان شاء الله نبقه نحبس ابطال تانين في رواية تانية و امرنا لله :(

و دلوقتي كلووووووو يثبت مكانه عشان التقرير النهائي و الصورة الاخيرة لصفوف المعركة دفاع – هجوم – وسط (احلى تحية لخط الوسط الحيادي)

خط الهجوم اثبـــــــــــت ..... خط الدفاع ( لو عايزين تنشقوا عادي على فكرة لسه في وقت )

مشاهدينا الاعزاء كونوا بالقرب ... فلا زلنا جميعا ننتظر رد فعل نور على تصرف الجاسر التيــــــــــــــــــــــــــــــــــــــــت ده غير ان حضرته لسه معترفش بحبه لنورسين حتى هذه المومنت انجزززز يا عم الامور مش كده
و بالطبع في انتظار المفاجئة الديالية و رد فعل كريم عليها (جوووو كيمووو جووو )

استعدوا قراءنا الرائعين للاحتفال بختام الرواية .. يعني كل واحدة تيجي بفستانها و جاتوهاتها و عصيرها و اسلحتها احتياطي احنا مش ضامنين و ممنوع حد يقتل اي حد تاني اكتر من 5 مرات احنا برضو صحاب في الاخر و مش عايزين خسائر في الارواح

كانت معكم ايسو
من امام معركة الافق المشتعلة رغم برودة الجو (محدش شاف الشراب بتاعي؟؟)
عبق الرومانسية
ليلاس