جميللللل فصل يشفي الغليل سلمت يمينك غاليتي لم يبقى غير شخص واحد يحتاج ان يفجر مكنونات قلبه المليء بالعشق اتحرق شوقا لقراءة تفاصيل استسلامه ورفع راية السلام اخيرا اهدي كل زوجين جميلين باقه ورد حمراء نور و جاسر رحمة و عصام اما هند و ادم حكاية غرام تستحق التامل بروعتها سلمت يمينك

ريمى يا قمرى ... واضح انها عادة عندى انى اوصل دايما متأخرة عن الكل ... لكن اعمل إيه ظروفى غصب عنى ... لكن انتى عارفة انى معاكى من الاول وناوية اقرأها من زمان ... يلا الحمد لله على كل حال

المهم أنا شغالة فى الفصل الحادى عشر دلوقتى ... وعايزة اقولك أولا انا مش قادرة اقوم من عليها .... بجد بشد نفسى من عليها بالعافية ..



بجد يا ريمى الرواية قمة فى الروعة حبيبتى ... الفكرة فى حد ذاتها مختلفة جدا عن أى افكار سابقة ليكى ومتميزة لأقصى درجة ... لا وما شاء الله ذقادرة تحبكيها كويس جدا عشان توصلى لأهدافك وتوصلليلنا فكرتك ... كمان الاسلوب نفسه متطور ورائع لاقصى درجة يا قمراية .


نيجى بقى لبعض ملحوظات عن الابطال ..

طبعا انا بشتم نفسى لأنى كنت بتابعكم احيانا فى قسم الشرطة ومنها عرفت انه هند هتكون لآدم فى الاخر .. وتقريبا ملك هترجع لكريم برضه ... ده للاسف حارق عليا الاحداث ومخلينى مش متقبلة على من أول يوم ظهر فيه مع انى فى العادى كان المفروض احبه رغم اسفى على آدم .. لكن بحاول اعصر على نفسى كام ليمونة عشان اكون حيادية ، فبجد انا بعذر على فى كل اللى عمله رغم انى مانكرش أنانيته ودى صفة كريهة جدا .. لكن ده انسان مريض ودايما المرض الجسدى بالذات لما يكون حاجة رهيبة زى اللى عند على – ربنا يعافينا – اكيد بيأثر على نفسية الانسان ويأثر على قدرته على الحكم على الامور واتخاذ القرارات فأبدا ماقدرش الومه على انه خبى عليها ، ولا أقدر ألومه انه ضغط عليها وخلاها توعده بعدم التخلى عنه ... وهند زاد اكبارى ليها انها استحملت كل الوضع الصعب ده رغم انها كان ممكن تنسحب بعدما اعترفلها بوضعه وآدم كمان قالها الوضع على حقيقته ، لكن هى ماعملتش كده وقررت تتحمل قضاء ربنا ليها .... لا بجد أخت مصطفى فعلا .


مصطفى وعنان ... مش هقدر اتكلم عنهم لأنهم الاتنين فى نظرى أكبر من أى كلام فهكتفى انى ادعيلهم ربنا يباركلهم فى كل امورهم دايما يارب ... ويباركلك يا ريمى يا حبيبتى على قد مابتسعدينا وبتعيشينا الاجواء الجميلة دى وبتدخلينا عوالم عمرنا مادخلناها ، لا وبتوصليلنا من خلال حكاياكِ رسايل قيمة توزن بالذهب ... ربنا يزيدك من فضله ويجعله فى ميزان حسناتك يا قمراية



نيجى لكريم وملك ... برضه ملك تصرفها قمة فى المنطقية واحييها عليه بشدة ... هى مش فى ظروف عادية عشان تتمسك بحبها وتحارب عشانه الناس كلها ، لأنها لو عملت كده هتخسر اقرب الناس ليها وهتأذى ناس كتير أولهم ابوها واختها واخوها وكل اللى حواليها وربما امها نفسها تطالها الاهانة لما يقولوا على ملك " خطافة الرجالة زى أمها " ... انا مقدرة انفعال كريم واحساسه بالاهانة وانه معتقد انها تخلت عنه وعن حبه بكل بساطة مع اول مشكلة تواجههم ، لكن هو فعليا مش فاهم حقيقة ووضعها او مش قادر يتخيلها ومعتقدها بتبالغ .

رد فعل كريم بزواجه من شذى متهور وخاطئ لاقصى درجة ، وهو وحده يتحمل ذنبه وعاقبته .. فمايجيش يرمى باللوم على ملك لأنها مالهاش ذنب ... هى ممكن تكون قالتله كده فى لحظة انفعال لكن ماحدش كان يقدر يجبره .... الأذى والجرح اللى هيسببه لشذى لما تكتشف الحقيقة هو لوحده السبب فيه وإياك انه يفكر يرمى باللوم على ملك أبدا ابدا وإلا هولع فيه المطيوووووووور ده .



نيجى بقى للثنائى الرهيب نور وجاسر .. بصى ياستى نور معذورة آخر حاجة فى فكرتها وموقفها من الرجا ل ... ده بالاضافة انه دمها شربات وأنا حبيتها جدا ومافيش حاجة تتعاب عليها ابدا وده باعتراف عمنا الأمور نفسه لما علق مع نفسه على تصرفها عندما تهب للدفاع عمن تهتم لهم ... يعنى من الآخر تصرفاتها مع جاسر لحد دلوقتى لا تشوبها شائبة ، خصوصا انها دايما مجرد رد فعل ، يعنى هى مش بتبدأ بالغلط فيه وانما بس بتردله وهو يستحق تالت ومتلت .
أما عن جسور نفسه فصراحة انا لو اطول اولع فيه مش هقصر الصراحة يا ريمى " بس الاول كده هعترفلك انى برضه معجبة بيه للأسف قبل مارجع لوصلة الهجوم " ... يعنى انا افهم انه متأثر بحادثة حصلتله زمان وخلته يقرر انه مايرتبطش ابدا طول حياته ويعيش حر .. لكن ممكن افهم إيه سر كراهيته لصنف النساء ( بغض النظر انه مش عايز خنقة ) لكن إيه اللى بيعيبه فيهم ؟ ليه دايما بيبصلهم النظرة الدونية دى وكانهم مخلوقات خلقت فقط لاسعاد جناب سعادته ... احنا فين هنا !!!
حاجة كمان ... أيا كان موقفك من النساء انت حر فيه ، ياك يا أخى عمرك مارتبطت بستات فى حياتك ولا يهمنى .. لكن معناه إيه أنه ينصب نفسه الحاكم بأمره على مخاليق ربنا !! يعنى بيقول لنور انه تزوجها بهدف الاستمتاع بترويضها !!! وانت مال أهلك !! كنت من بقية قرايبها !! ماتكون نمرة ولا لبؤة ولا حتى ثور هايج انت تعبان فى إيه ؟ هى ماتعرضتلوش ابدا ، بالعكس هو اللى حط نفسه فى طريقها وبدأ باستفزازها ومهاجمتها .. بيفكرنى بمروضى الخيول البرية ... مابيقدروش على نفسهم يشوفوا خيل برى حر طليق إلا ولازم يروضوه عشان يخضع لارادة البشرى ... حاجة مستفزة الصراحة ..


هو فاكرها لعبة وانه بيتسلى يومين وبعدين لما يزهق منها أو يخلص مهمته يرميها كان شيئا لم يكن ... مش عارف يعنى إيه انه يروض انسانة حرة أبية عنيدة ، يروضها معنها الوحيد أنه يكسرها .. إنه يسلبها روحها ... بعدها تبقى مجرد بقايا انسانة فقدت روحها وكيانها ، فقدت قدرتها على الحياة .. ميتة بين الاحياء ... حسبى الله ونعم الوكيل فى ده تفكير حقير !!!


على فكرة ياريمى على رغم كلامى ده كله إلا انى مش بكره جاسر .... أنا بكره بس تفكيره فى النقطة دى بالذات لكن عادى لأن نور حبيبتى هتحطه فى مكانه المضبوط وتعرفه حجمه الحقيقى فأنا مش متضايقة .. بس صراحة نور رغم قوتها وإباءها إلا انها فى الاول والاخر مجرد فتاة ... بالله عليكى دى عملة يعملها يوم فرحهم ... الحقير يدخل ويسيبها كده وهى أكيد هتموت من الاحراج والرعب من الموقف الجديد والحياة الجديدة اللى هى داخلة عليها ... مش عارفة بس بحس دايما انه الموقف ده له رهبة غير عادية ... تصرف غير انسانى منه بالمرة انه يهاجمها بالشكل ده ويتعامل مععاها بالاسلوب ده من أول ليلة كده !!!



صراحة ياريمى أنا لو سمحت لنفسى يوما انى اخرج عن الحيادية فاعتقد انى بلاشك هنضم لجبهة الدفاع عن نور .. ومتأكدة انه الاحداث الجاية هتثبت صحة موقفى اكتر واكتر ...


اممممممممممممممم .... لسه فيه حاجة تانى ؟؟!!!! صراحة مش فى بالى حاجة تانية دلوقتى



كفاية عليكى رغى لحد كده ... انا اتكلمت كلام يكفى يومين قدام




سلامات ياقمر