بليزززز ابي ردود وملاحظات انا كاتبه جديده وملاحظاتكم تهمني وتفيدني بالكتابة

ليه مافي تفاعل ؟؟

انا أطالب رئيسة القسم تغلق الروايه لان مافي ردود ليه أكمل؟؟؟أحس انو الروايه موعاجبتكم عشان كذا بغلقها

]صباح الخير كيفكم ان شاء الله تمام
بنزل البارت بليززز ابي ردود وتوقعات

البارت السادس


محمد
بعد ما طلع وسام من عندي اتجهت لغرفت أمي وانا متضايق ومهموم الهم ملى قلبي حبيب قلبي وأخوي وصديقي مات وهو مو راضي عني آه ياخوي فرقونا حسبي الله ونعم الوكيل كم تمنيت قلبك يصفى علي وتسامحني قبل تفارق الدنيا دخلت على أمي بعد ما استأذنت :سلام عليكم
ألقيت السلام وانا أشوفها جالسه على سجادتها تستغفر وتسبح
ردت علي السلام وهي عيونها تتفحص تقاسيم وجهي:وعليكم السلام
أردفت وهي تشر على المكان الي بجنبها:وراك ياوليدي وجهك مو عاجبني
جلست بجنب أمي وانا اضمها وراسي على صدرها رديت بتنهيده:تعبان يايمه تعبان
ضمتني زياده على صدرها وهي تقول:بسم الله عليك من التعب قولي وانا أمك وش بلاك
دفنت راسي بصدر أمي وانا ابلل صدر أمي بدموعي :يمه راح الغالي راح حبيب قلبي راح سندي بهدنيا راح وهو ظالمني يمه ليه محد مصدقني أني مالي ذنب بلي صار ليه يمه تفرقنا بعد سنين من الحب والأخوة
مادري حسيت أني طفل صغير وانا فحضن أمي بلا شعورين قلت الي بقلبي
بكيت من الألم الي في قلبي بكيت كأني طفل مو رجل تعدى الأربعين مؤلم انك تنظلم من اعز الناس لك انخلقنا مع بعض في بطن واحد في وقت واحد طلعنا على الدنيا ونحن مع بعض
كبرنا مع بعض حلمنا واحد و مستقبلنا واحد وفجئه ينقلب عليك مثل العدو وانت مظلوم غادر هذي الدنيا وهو مايعرف بالي في قلبي
انقبض قلبها وهي تسمع حكيه قالت بحذر وهي خايفه بلي في بالها :منهو الي راح
رفعت راسي من صدرها و انا اناظر أعيونها بعيوني الدامعة :يمه ماجد عطاس عمره
حسيت برعشتها ورجفت صوتها وعيونها الي مليانه دموع وهي تقول :ان لله وانا اليه راجعون
الحمدلله لك يارب لا اعتراض على قدرك
ضميتها لصدري وانا امسح دموعها الي سالت وبانت على تجاعيد وجهها السموح :يمه ادعيله برحمه وان الله يثبته عند السؤال
:الله يرحمه ويغفرله
أمسكت يدي وهي تردف:اسندني وانا أمك بصلي ركعتين عسى الله يمسك على قلبي
سنتها وهي تقوم تصلي حتنى لازم أصلي ركعتين من يفرج كربتي غيره طلعت من عند أمي
وانا متجه للحمام بوضي وصلي ركعتين اتطلب فيها ربي ان يخفف الهم الي على قلبي



عن أبي موسي الأشعري رضي الله عنه أن رسول الله صلى الله عليه و سلم قال ( إذا مات ولد العبد قال الله تعالي لملائكته : قبضتم ولد عبدي ؟
فيقولون : نعم ,
فيقول : قبضتم ثمرة فؤاده ؟
فيقولون : نعم ,
فيقول : فماذا قال عبدي ؟
فيقولون : حمدك واسترجع , فيقول الله تعالي : ابنوا لعبدي بيتا في الجنة وسموه بيت الحمد)) رواه الترمذي وقال : حديث حسن.
‏
تعريف الشخصيات
عائلة راشد ال******
الجد:متوفي
الجده:موضي
الابن الأكبر ابو سام هاجد عمره 55سنه موظف في القطاع الحكومي
أم وسام نوره 50سنه ربة منزل
وسام عمره29سنه دكتور
ابو شجون ماجد متوفي في حادث هو وزوجته
شجون 21سنه في ثاني جامعه تخصص رياض أطفال
أشجان 18سنه في ثالث متوسط
بلقيس16ثالث متوسط
ابو رحاب محمد عمره45سنه ضابط
أم رحاب مها عمرها39سنه ربة منزل
رحاب ثالث ثنوي18
تهاني ثاني ثنوي17
فرح7 سنوات
أم حوريه مزنه 40سنه
حوريه27سنه معلمه
حور 22سنه ثالث جامعه

______________________________________
رحاب
كنت مندمجه مع جمانه في السوالف ما انتبهنا الا الي داخله علينا مدرعمه الأخت ههههههع
الا وتنط فوق السرير وتصفق نفسها وهي تقول:ياويلي ويلاه شافني ياويل حالي من أبوي
عاد احنى متنا من الضحك بسم الله علينا واحنا نشوفها تتراجف وتصفق نفسها خبله هل البنت وش سالفتها قلت وانا اضحك وبنفس الوقت مستغربه :وراس يالخبله تصفقين نفسس
قالت جمانه وهي تضحك:أكيد مسويه بلوى
قالت من بين دموعها:بلوى الا مصيبه ياويل حالس ياتهاني رحتي فيها
قلت وانا خايفه عليها هذي وش مهببه فيه:بتقولين ولا اكفخس
قالت السالفه وهي ترتجف وعيونها مليانه دموعه
انا خلاص مت من الضحك شكلها مره يضحك ياحليلها طايحه عند رجليه
التفتت إلى جمانه الي أعيونها مليانه دموعه:وجع انتي وياها اشرهه على الي علمسن
قلت بعبط وانا اضحك:ياحليلس طحتي عند رجوله هاه بيقول هذي جايه تدورني ما تستحي
:والله ما قصدي والله مادريت عنه قالتها وهي تبكي الخبله مصدقه كلامي
مسكينه وخيتي اول مره تطيح بهل مواقف بحكم ما عندنا عيال عمان الاواحد ومايجينا كثير
قالت جمانه وهي تستهبل:امديه يقول ياترا منهي هذي المزيونه الي قميصها مقلوب الي ورا قدام والي قدام ورا
طيرت تهاني عيونها من كلام جمانه نزلت راسها وهي تشوف قميصهامقلوب
قلت وانا أشر على رأسها :ولي شعرها مليان حنى
تلمس راسها بيدها تبي تتأكد من كلامي نزلت دموعها وهي تتذكر أنها حاطه حنى :ياويل حالي امدي الرجال طار عقله ويقول ياوك الجني ذا وشهو
كملنا جلستنا وحنى نعلق على موقف تهاني
________________________________


الوليد
من دخلت مكه وانا أحس براح ما عمري حسيت فيها طول حياتي وصلنا لباب الحرم وانا مو مصدق شتت نظري في أرجاء الحرم وتأمل الناس الي مليه البتسامه ماتفارقهم والراحة والسعادة مبين على تقاسيم وجوههم الي يصلي ولي يسبح يقراء ويتدبر القراءن والي نايم كيف ينام وصت الإزعاج رغم ضجيج أصواتهم يحس انه مرتاح بنومه
شد على ايدي وهو يقول:يالله نبدأ
هزيت راسي له وبدينا في العمره وهو يعلمني بكل شي فيها انتهينا من العمره وانا أحس بشي جوا بصدري بس شنو هل هو راح أو سعاده ممزوجه ندم على مافات من عمري وانا بعيد عن ربي
خلصنا قبل صلاة العشاء
قبل لا أكمل خلونا نرجع قبل يوم أو ساعات

صحيت وانا أشوف نفسي بين يدين الشيخ ومعه واحد من الحضور شتت نظري بينهم وانا أتذكر المحاضرة نزلت دموعي مسح الشيخ دموعي وهو يقول:وش فيك ياولدي تحس بشي
المست الحنيه بكلامه
:ياشيخ ممكن أكلمك على انفراد
قومني وجلسني على احد الكراسي وجلس بجنبي وهو يقول:وش فيك احسك مهموم
نزلت دموعي وانا أقول:ياشيخ انا عصيت الله أكثير لا صليت ولا صمت إذا تبت ربي راح يتوب علي
قال الشيخ:قال الله تعالى ﴿ يَاأَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَصُوحًا عَسَى رَبُّكُمْ أَنْ يُكَفِّرَ عَنْكُمْ سَيِّئَاتِكُمْ وَيُدْخِلَكُمْ جَنَّاتٍ تَجْرِي مِنْ تَحْتِهَا الْأَنْهَارُ يَوْمَ لَا يُخْزِي اللَّهُ النَّبِيَّ وَالَّذِينَ آمَنُوا مَعَهُ نُورُهُمْ يَسْعَى بَيْنَ أَيْدِيهِمْ وَبِأَيْمَانِهِمْ يَقُولُونَ رَبَّنَا أَتْمِمْ لَنَا نُورَنَا وَاغْفِرْ لَنَا إِنَّكَ عَلَى كُلِّ شَيْءٍ قَدِيرٌ(8) ﴾
( سورة التحريم )
ثم أردف :لاتخاف ربي رحيم يغفر للعاص إذا تاب وندم على كل ما فعل قال تعالى
﴿ إِنَّمَا التَّوْبَةُ عَلَى اللَّهِ لِلَّذِينَ يَعْمَلُونَ السُّوءَ بِجَهَالَةٍ ثُمَّ يَتُوبُونَ مِنْ قَرِيبٍ (17) ﴾
( سورة النساء)
مسحت دموعي وانا أقول :ياشيخ بصلي
مسك الشيخ بيدي واتجهنا إلى المسجد لان كنا بمهرجان دخلنا الحمامات وعلمني الشيخ گيف أوضي لأني بصراحه ما اعرف أوضي لي سنين ماصليت بعد ماوضينا دخلنا المسجد وبديت أصلي مع الشيخ انهرت ونا اسمع الشيخ يرتل القران بصوت عذب حسيت براح غريبه ممزوجه بندم و بلذه ماحسيت فيها بحياتي خريت ساجد بعد ماسجد الشيخ ودعيت ربي ان يغفر لي
بعد ماصلينا بفتره نصحني الشيخ نروح للعمر
قطع علي أفكاري المؤذن وهو يقيم كلها لحظات وصدح صوت الشيخ ماهر المعيقلي العذب وهو يرتل القران في أنحاء الحرم ويتوغل في قلوبنا
________________________________
متى ينقشع الغمام وتظهر لنا صفاء السماء لتصفى قلوبنا حقد قد تغلغلا فيها
لما نحن هكذا لما السماء سوداء كسواد قلوبنا غمام أحاط بها كما تحيط الكره قلوبنا
ظلم وربي ظلم ظلم قد حاط بي وحبيبً ظلمني وحزن ملى قلبي
احبه وماذنبي؟عشقته وعشقه يسري في دمي؟
هل هذا عقاب لي على حبي له؟اما مذا


موقادره تصلب طولها تحس بروحها بتنزع منها لامستحيل طاحت مغشي عليها وصدى كلام أمها يتردد في أذنها :ناجي طلقس
امسكتها أمها وهي تضربها ع الخفيف على اخدودها:يمه عواطف اصحي
ثم أردفت بصراخ:حسنه بسرررعه جيبي مويه
جتها حسنه تركض وبأيدها كوب المويه
أخذت المويه من بنتها وهي تصب شوي بأيدها وترش عليها
صحت عواطف وهي تشوف نفسها في حضن أمها شتت نظرها في المكان وهي تحاول تستوعب الي يصير لها لحظات ومتلت عيونها دموع وهي تقول لامها:يمه ناجي ماطلقني صح
قالت أمها ودموع متحجره في عيونها:قلعته وش تبين فيه الي مايبينا مانبيه
قالت بأعلا صوتها من بين شهقاتها ودموعها الي خذت مجراها على اخدودها:لا يمه حرام عليه انا وش سويت له ليش يسوي فيني كذا ليه يمه ليه
ضمت بنتها لحظنها وهي تبكي معها قلبها يتقطع على بنتها
يسمع صوتها وصراخها متألم لأجلها هذي بنته حبيبت قلبه قطعه منه يصير معها كذا ليه
وش ذنبها أكيد ناجي شايف فيها شي ليش يطلقها اجل بس هذي بنته تربيته مستحيل تسوي كذا
حسبي الله عليك يا ناجي تعوذ من إبليس وهو يحاول يطرد الوساويس الي تهجم راسه
التفت وهو يرد السلام على حسنه وأمنه الي جلسن عنده:هاه وشلونها اختس
أمنه :الحمدالله نامت وأمي عندها
:الحمدالله
حسنة:حسبي الله عليه الله لايوفقه
أمنه :أمين يارب ويأخذ حق أختي منه

تعريف الشخصيات
عائلة يوسف ال******
أبوسعد نايف 65 سنه متقاعد
أم سعد حصه 55سنه
انس 25سنه متوضف في العسكرية
جلال 22سنه
عواطف21 سنه
أمنه 20سنه
حسنة18سنه
صلاح17سنه ثاني ثنوي
أعليان 13اول متوسط
هاجر آخر العنقود9سنوات
_____________________________

جايه في الزاوية وهي ضامه نفسها بأيدينها الصغيرة وترتجف من الخوف وعيونه مليانه رعب وهي تشوف وهو يقرب منها شكله مخيف جدا وهو في وسط الظلام الدامس الذي يحيط بها
قالت بترجي وهي تزحف لورا :تكفى ابعد عني
زاد صراخها وهي تشوفه يمسكها :لا تكفى يمممممه الحقوووني
صحى من النوم وهو مرعوب تعوذ من الشيطان ينفث على يساره ثلاث مرات قام يوضي ويصلي ركعتين بعد مصلى قعد يفكر ياربي الحلم هذا له سنه وهو يتكرر علي الله يستر يارب هذي منهي غريبه شكلها ما عمره مر علي انا لازم أفسر الحلم ولا أروح نفس المكان الي شفته في الحلم قطع عليه تفكير صوت الأذان وهو يصدح في المكان(الله أكبر الله أكبر الله أكبر .....)تمتم بهذه الكلمات بعد ما ردد ورا المؤذن (اللَّهُمَّ رَبَّ هذِهِ الدَّعوةِ التَّامَّةِ ، والصَّلاةِ الْقَائِمةِ، آت مُحَمَّداً الْوسِيلَةَ ، والْفَضَيِلَة، وابْعثْهُ مقَامًا محْمُوداً الَّذي وعَدْتَه )قام يغير لبسه ويلحق الصلاه
______________________________
رما القلم الي بأيده وهو يتمغط بعد ماطلع الأستاذ من عندهم :آه اخيرر مابغى يخلص
قال صلاح وهو يوقف:ايوالله مغثه مابغى كتم أنفاسنا وه
التفت لغيث وهو يساسر مهند:أقول مهند ورآه هذاني لنا شهرين من جينا وهو ساكت وش فيه قالها وهو يشر على غيث الهادي الي باله مو يمهم
مهند:والله ما ادري عنه من عرفته وهو كذا بس يقولون ان ابوه قاسي لاعب فيهم
قال علي بعد ماسمعهم:بس هذا الي مخليه كذا ما عنده سالفه انا أبوي إذا عصب علي علقني في الشجره مدة يوم
طير صلاح عيونه على كذبة علي مره من جنبه وهو يهمس له :علاك هلس مو طبيعي
قال علي وهو متفشل :طس بس
مهند: اما عاد الحمدالله انا أبوي مو زي أبوك ولا امديني رحت فيها
علي:ايه الحمدالله
دخل عليهم يوسف وهو يغني ويستهبل :حبيبي والله أحبك لا تبتعد عني قلبي (ترا الغنية من عند راسي علا شان ما احد يأخذها ويسمعهما وأخذ ذنبكم هههههع شرايكم بالغنيه اعرف أللف صح)برررررا
مايمديه يكمل غناءه وهو يشوف زميلاه يشرون ورآه التفت وهو يشوف المدرس متكتف وشاق الابتسامة :من هو حبيبك هاه اعترف
طاح وجهه من كلام المدرس تورط مايدري ايش يقول :هاه
ضحكوا عليه زميلاه وهم يشفونه متورط مع المدرس
قال المدرس باستهزاء :إها انا أشوفك فاشل في الدراسة هضرك تحب انت وجهك لازم اعلم أبوك يتصرف معك حرام يبعدوك عن حبيبتك
تورط يوسف مايدري وش يقول قال بعد مابلع ريقه عدة مرات:هاه لا من قال بس انا
قال المدرس وهو يضحك :تلخبطت انت وجهك قم انثبر بمكانك ولا تعيدها
جلس يوسف مكانه وهو يدعي على المدرس الي فشله
_________________________________________
نهاية الباااااارت أتمنى يعجبك
لاتحرموني من توقعاتكم وردودكم