ووووووين الردوووود

سوري لخبطة هذا البارت الرابع
البارت الرابع

الهدوء الذي يلازمنا في بعض الأحيان هو رحله قصيره نبحث فيها عن بعض الحلول
لمواجعنا أو ربما لصدماتنا من واقع نعيشه


دخلت على خواتها وهن يتابعن بهدوء تام والحزن يطغى على المكان:بنات ما لقيت في بوك ابي الله يرحمه الا ألف قالتها أشجان وهي تشر على الفلوس الي بيدها
شجون:ياربي ألف بس ما تكفي مصاريفنا
بلقيس:طيب شون أبوي يكفينا
:ياحبيبتي مانقدر نستلم الشون لازم احد يراجع الأحوال قالتها وهي تجلس بجنبها
بلقيس بغباء:طيب عادي نراجع الأحوال
أشجان باستهزاء :بسم الله عليك ذكيه بالله عليك كيف نراجع واحنا ما عندنا محرم
بلقيس:إها المشكلة انو ما عندنا أقارب لا خوال ولا عمام
أشجان بتنهيده:الله يعين
بالقيس :شجون وش فيك ساكته ما تتكلمين
تكلمت بعد صمت طويل والأفكار تتزاحم براسها:بنات بشتغل
أشجان :والكلية ؟؟؟
:بتركها
أشجان :من جدك تتكلمين
:اجل كيف تبين تصرف ع انفسنا
بالقيس:أوكيه وش بتشتغلين
:مادري بحاول ألقى شغل
أشجان :الله يسر ألامو
:أمين

______________________________
في تلك القريه حيثما ينور القمر سمائها السوداء المزينة بنجوم التي يعشقها أهلها
في جلسه عائليه يترأسها الأب هو يوجه نصائحه لعياله الي بيسافرون بكره يكملون دراستهم في الرياض:هي اربع نصايح حطوها حلقه بذنكم
صلاح بستهبال:يبه اسمحلي ماني حرمه أحط حلق
عطاه أبوه نظره خلاه يندم على لقافته
كمل أبوه وهو يقول :النصيحة الأولى :إذا تعسر لك أمر صل ركعتين لله وطلبه لاتذل نفسك للبشر ذل نفسك لخالقك بس النصيحة الثاني فدنيا هذي محد يعضدك غير أخوك مال الخو الا أخوه مر الزمن ولا قصر محد ينفعك أخوك
النصيحة الثالثة حط مراقبة الله قدامك وأي عمل انت محاسب عليه النصيحة الرابعة اتقى شر القريب قبل البعيد
جالسه تسمع بصمت لنصايح أبوها لاخوانها والحزن يغطي ملامحها البريئة مر شهر على الي صار وهي للحين مرعوبه بغت تفقد حياتها أحلامها تبخرت بعد ذاك اليوم صحت من تفكيرها على صوت أبوها الحنون :بسم الله عليس وش فيس ليه تصيحن
مسحت دموعها الي نزلت بدون ما تدري :مافيني شي
قال وهو يمسح ع شعرها:لا يهمس ونا ابوس الي صار في ذيس الليه مكتوب من ربس ان شاء الله بتحل الأمور ما يحتاج كل هتفكير
قالت من بين ادموعها:انت شفت وش سوى بغى
قاطعها أبوها وهو يحظنها:ادري ونا ابوس تعوذي من الشيطان ودعي ربس ان الله يسر الحال
ثم أردف وهو يشر ع السفره:يالله قومي مسحي الدموعس وتعالي تعشي
قالت بهمس متألم:ان شاء الله
__________________
:يمه الله يخليك بروح مع بنات عمي لزواج
:طيب وأبوك لو يدري انك بتروحين قطعك تقطيع
:اصلن أبوي مايمرنا الا الساعه عشره وانا برجع الساعه تسعه
:والله مدري شقولك
:يمه تكفين
:خلاص روحي
:الله يخليك لي يا أحلى أم قالتها وهي تضمها
راحت تكلم بنت عمها على شان تروح معاهن وهي مره فرحانه
________________________________________
يحس بالملل من كثر ماهو جالس بلحاله بالغرفة خاصه انو مافي احد يتكلم معه حرك كرسيه خارج الغرفة متجه لصاله عسى يلقى احد يتكلم معه على دخلته لصاله ارتعش جسمه من الي سمعه وده يموت ولا يصير معه كذا وش ذنبه انه معاق يحس انو رخيص مثله مثل الأثاث الي بالبيت مسك نفسه لا يبكي وهو..........
_______________________
دخل للبيت وهو يناديها بصراخ:إيييييييييه
جاته تركض وهي ترتجف الله يستر اكود دار:وش فيك
مسكها مع شعرها وهي صرخ فيها:وين بنتك
قالت بكذب:نايمه بغرفتها
قال وهو يشد ع شعرها:تكذبين علي تلعبين انتي وبنتك وراي هاه قولي مع من راحت للعرس
قالت بألم:مع عمها
رماها ع الأرض وهو يرفسها برجله:الله يأخذك انتي وبنتك يابنت الكلب طلع من البيت وهو ناوي نيه
جاتها طيف تركض ضمت أمها المرميه على الارض وهي تبكي وتدعي يارب استر
_______________________________________
الرجعت للبيت بعد ما وصلت الطلبات الي طلبت منها جارتها تسويها للزبائن الحمدالله الحين تشتغل مع جارتها فاتحه مطعم للحفلات دخلت للبيت وهي مره خايفه ماحست الا بيد تسد فمها وتسحبها بقوه تبي تصارخ تنادي خواتها احد يجي يساعدها ما قدرت
_____________________________________
جاها أخوها الي أخته معها يركض ويصيح:أبوي جاء يا إيه يقول خل أختك تجي مره معصب
والله بيذبحك
قامت من الطاولة برعب وهي ترتجف:ياويلي من أبوي
أخوها :والله بيذبحك والله بيذبحك
بنت عمها تهديها:لا تكفين انا بخلي أبوي يكلمه
جتها عمتها وهي تقول:أبوك معصب يقول بتجي ولا إذبحها
قالت وهي تضرب وجهها بدينها وعيونها مليانه دموع :ياويلي والله بيذبحني انا وش خلاني أجي
واقف برا يصارخ :خلوها تطلع ولانا اجيها وطلعها بقوه
قال الشاب المعرس الي جاي يأخذ زوجته:الله يهديك ياعم تعوذ من الشيطان
قال بعصبيه :قلتلك خلها تطلع الكلبه ذي يا إيه
طلعت لبوها وهي ترتجف من الخوف ماتبي الفضايح محد يقدر يساعدها حتى عمها يخاف من أبوها
التفت يمها وعيونه حمر من العصبيه.....>ترا القصه هذي حقيقيه انا حظرتها بنفسي
________________________


تكلمت البارت الرابع


ابي الغالي اليوم سأخرج من قوقعتي لأقابل العالم وحدي اليوم يا ابي ستحصد ماجنته يداك في تربيتي
اليوم سأخبر العالم وأصرخ بأعلا صوتي انا اليوم أسجل في التاريخ رجلاً وداعاً يا قريتي الصغير اليوم سأثبت لأهلكي أني رجالاً
هذا حال لسان كلن منهم وهم يودعون أهلهم بعد شروق الشمس التي تزين السماء الصافية بخطوطها الذهبية لا يخلو الوداع من بكاء الأم ونصائح الأب واستهبال الإخوان ختموا الوداع بكلمة دعواتكم اتجهوا إلى سيارتهم وهم من كثر الفرحة يحسون ان الأرض مو شايلتهم لان اول مره يخرجون خارج القريه اسلكو طريق الرياض وفي كل خاطر واحد منهم أحلام وأماني
ياترا راح تتحقق؟؟؟ولا راح ينصدمون من الواقع؟؟؟

على كف القدر نمشي ولا ندري عن المكتوب
عبارة كنت أرددها صدق من صاغ معناها



مشينا دون لا ندري وشربـنا من بـلاهـا كـوب
وهـذي حال الـدنـيـا رمـتـنـا مـا رمـيـنـاهـا


تضحكنا تبكـيـنـا تـمـشـيـنـا على المـطـلوب
على كف القـدر نـمـشـي دروب ما رميناها


من الكاسب من الخاسر من الفايز من المغلوب
مع الأيام تـحـصـدنـا وحـنـا ما حصـدنـاهـا



وأنا واحد من الآلاف أعيش بعالمي مرعوب
أحس الأرض مهزوزة من أدناها لا أقصاها



نظرت الناس من حولي وكم بالناس هو منكوب
حوادث هزه الوجـدان أجـل بالعـيـن شفناها



ألا يا عـمـري الفاني ألا يا حـقـي الـمـسـلـوب
متى عـيـنـي بليل الياس لـذيـذ النوم يهـنـاها



متى يحـالفـنـي الحظ ويصحح وضعـي المـقـلـوب

يعـدل قسـوة الأيام وغلطة ما ارتـكـبـنـاهـا


بعد 4ساعات ونص وصلو الرياض تفاجئو من منظرها الزداحم السيارات والعمارات العاليه
وكثرت البيوت بنسبه لقريتهم بيوتها ماتعدى عشرين بيت يعني صدمه عليهم
قال علي الي جاء يكمل دراسته مع اعيال جارهم ابو سعد وهو كبر صلاح وهو مبقق اعيونه :ياطولها طولها وهو يناظر برج الفيصلية
ضحك منه ابو نايف وهو يقول:قل مشاء الله لا تصكها بعين
قال علي وهو ماوده يفوته شي :مشاء الله تبارك الله
نزلو في احد الشقق الي استأجرها لهم ابو نايف دخلو الشقه وهم مبهرين منها
ضحك ابو نايف من علي وهو فاتح فمه مذهول من الي يشوفه ومن صلاح الي يجلس السرير وهو يقول:يازين بيوت أهل الرياض قصور مو بيوتنا خرابه
قال علي وهو ينبطح ع السرير :يا زينه النومه على الباليه ذا يتخفش
ضحك جلال وهو يتذكر كلام أبوه :انتبه لاخوك هوعليوي تراهم دلوخ ما يدرون وين الله حاطهم
ابونايف:انا بروح عندي أشغال تبون شي
انس:سلامتك
طلع ابو نايف من الشقه وهو يدل انس ع مطعم قريب يأخذون منه غداهم
________________________________________________
راح تختنق من ضغط يده عليها حاولت تفك نفسها منه ما قدرت أنزلت دموعها وهي تتخيل نهايتها
ماحست الا احد يسحبها من بين يدينه ويلفها ورآه ويمسكه مع ياقة ثوبه ويضربه ويعطيه بكس
قال وهو يهدده:والله ان شفتك مره ثانيه لتشوف شي ما عمرك شفته
سبحان الله الي جابه وقت حاجتها له جاي يتطمن على بنات عمه بعد ماعرف من المستشفى
ان فارق الحياه هو وزوجته
طرده برا البيت وهو يلتفت لبنت عمه فيك شي
هزت رأسها بنفي
قال بعتب :مره ثانيه ما تطلعي من البيت لحالك المره هذي سلمتي من السكير المره ثانيه مندري شيصير
الرتجفت وهي تتخيل ينعاد معها المره الثانية
:انا جاي التطمن عليكم بعد وفاة عمي الله يرحمه وعظم الله أجرك
ردة بحزن :أجرنا وجرك بس ماقلتلي من انت
:وسام سلطان راشد ال******ولد عمك
ردة بصدمه:ولد عمي أي عم انا ما عندي عمام
قال وهو مستغرب منها معقوله ما تعرف عمامها :الا عندك معقوله ما تعرفين
:لا ماعرف أبوي الله يرحمه ماقال لنا انا عندنا عمام
حس على نفسه انه طول معاها :أختي انا طولت معك وهذا مايجوز انا بخلي جدتي تكلمك
الحين ادخلي داخل لأني مقدر أروح وانتي برا لحالك
ردة بحياء ممزوج بخجل:ان شاء الله مشكور
:على ايش
:على ألمساعده
رد ببتسامه:العفو محتاجين شي
:سلامتك
قالتها ورحت ركض لداخل
طلع من البيت هو مستغرب من عمه ليه ماقال لبناته انه عنده إخوان يترا ايش السر الي ورا عمامه

دخلت البيت شجون وهي تحط يدها ع قلبها من الخوف وإحياء وخجل واستغراب مجموعه من المشاعر تجتاحها في نفس الوقت جتها أشجان وهي مستغربه من أختها :وش فيك
سحبت أختها وهي تقول:تعالي أقولك
جلست ع الكنب بجنب بالقيس وهي تقولهم كل السالفة
أشجان وبلقيس انصدموو مومستوعبين يعني كيف يطلع لهم عمام في يوم وليله
وليه أبوهم ماقال لهم علامة استفهام تدور حول هذي السالفة
__________________________________
يحس بالملل من كثر ماهو جالس بلحاله بالغرفة خاصه انو مافي احد يتكلم معه حرك كرسيه خارج الغرفة متجه لصاله عسى يلقى احد يتكلم معه على دخلته لصاله ارتعش جسمه من الي سمعه وده يموت ولا يصير معه كذا وش ذنبه انه معاق يحس انو رخيص مثله مثل الأثاث الي بالبيت مسك نفسه لا يبكي وهو يسمع مرت أبوه وهي تكلم بتلفون :أف من ذا المعاق طفشنا جيبوني وحطوني وسوو كذا مدري ايش أف ياخي فشل ابوه حتى انو اصاحبه ما يقلون الا ابو المعاق
ردت مره ثانيه وهي تقول:اصلن ابوه سجله بإحدى الجمعيات يعالجونه ويفكونه منه إيه ياختي غاثنا
حركه كرسيه وهو ماوده يسمع اكثر كلامها زي الخنجر يطعن قلبه المسكين ليه ما احد فاهمه وش فيه المعاق حاله من حالهم بس عشان ما يمشي دخل غرفته وهو يحس نفسه مخنوقه يارب رحمتك
تعوذ من الشيطان وهو يرفع يدينه يدعي ربه انه يهون عليه ويحنن قلب ابوه القاسي
_____________________________
وسط الظلام الدامس الذي يحيط بالمكان تسمع صوت صراخها وبكها وهي تقول :يممممه الحقيني لاتتركيني يمه انا أتعذب بدونك
صحت من النوم مفزوعه وهي تتعوذ من الشيطان وتمسح وجها بيدينه
: بسم الله عليس وش فيس قالها وهو يمد لها كوب المويه
أخذت كوب المويه وشربت منه شوي قالت وهي ترجع الكوب مكانه :سمعتها تناديني وتستنجد
:تعوذي من الشيطان ان شاء الله ما فيها الا العافية
أنزلت دموعها وهي تقول ان شاء الله
انقلبت ع الجهة الثانية وهي تتعوذ من الشيطان
______________________________
نهاية البارت
لا تحرموني من توقعاتكم وردودكم؟؟؟؟


(رَبَّنَا آمَنَّا فَاغْفِرْ لَنَا وَارْحَمْنَا وَأَنتَ خَيْرُ الرَّاحِمِينَ

ياهلا ومرحبا فيك بليلاس الغالي مجمع الابداع والاحبه
انشالله تلقين الي يرضيك و تصلين بروايتك لبر الأمان ....
قوانين القسم ( شروط انتسابك ككاتب + قانون القصص المكتمله والمهمله + الردود المخالفه )
وحبيت الفكره من الفئات اللي لها حقوق علينا هي ذوي الاحتياجات الخاصة
والايتام والاسلوب جميل والقصه فيها من الغموض والشخصيات اللي للحين ماتعرفنا عليها عدل
شنو صار لطيف في ليلة زواجها ؟؟؟؟
الاعاقه ليست ذنب ارتكبه المعاق لما نظرت المجتمع للمعاق هاكذا احببت الرسالة التي وجهت للمجتمع ومن الفئات اللي نحن مقصرين معها فئة ذوي الاحتياجات الخاصة

البارت الخامس






حزن ابتسامه ضحك الأم سعاد حنان قسوه ندم خوف مزيج من المشاعر تبعثها الرياح لتدغدغ مشاعرهم في ذالك اليوم الغريب
غريب !!!! وما غرابته ؟؟؟
غريب في لحظاته وأوقاته تتثاقل ساعاته وتلوذ دقائقه وثوانيه ومايخفيه بين طياته
سوى عقاب للبعض وفرحه وندم للبعض

نمرح ونلهو في هذه الحياه غير متداركين ما نفعل نعلو ونسموا في سماء المعاصي فرحين جداً
ولايدوم الفرح الا لحظات ويتبعثر ويعود الندم من جديد
يبحثون عن السعاده في فعل المحرمات وهم لا يعلمون انا بفعلتهم هذه احرمو عليهم السعاده
إلى متى نحن نعصي إلى متى ونحنو لا نفكر في عقوبة ما نفعل إلى متى ونحنو لانتوب
عبد الله اتقي الله اعلم ان الله يراك يا أيها العاصي تب إلى الله


نزلت دموعه وهو يسمع كلام الشيخ مثل الخنجر يطعنه في قلبه ندم وحسره على ماضيه
انهار وهو يسمع الشيخ وهو ينشد:
الحمد لله عرفنا الدين والجاهلية تركناها
ماعاد نمشي مع الغاويين يوم الحقيقة عرفناها
الله خلقنا عشان الدين ماهو علشان دنيانا
حنا عصينا الله ولاهين نسينا ناراً تحرانا
الله خلقنا عشان نتوب الله خلقنا عدد والله
عبد الله اترك جميع ذنوب ماهو لوجهي لوجه الله
شكيت حالي على الأموات قالوا تزود من التقوى
كانك تبي تدخل الجنات كانك تبي جنة المأوى
أبحرت وبحرت للدنيا لقيتها كأنها ساعة
يا فلان لاتغرك الدنيا تغانم الوقت بالطاعه
سلام يا شارب الدخان لاتحرق الروح يا غالي
الوجه شاحب تقل عطشان ارجع إلى الله يا غالي
سلام مني إلى الحبّيب لا تتعب النفس يا غالي
جرحك ما يبغي له طبيب ارجع إلى الله يا غالي
القبر و إن طالت أيامك لأبد من يوم تدخل فيه
تلقى اللي سويت قدامك واللي زرعته تبي تجنيه
و الحل كأنك تريد الحل الحل والله بالتوبة
تتوب لله عز وجل وتبعد عن إبليس ودروبه
طاح من الكرسي وهو ينحب بشكل موجع يحس صدره ثقيل ومخنوق وده يبكي
ما يدري ليه الكلمات هذي غيرت في إحساسه أكثير
ذكرته بصاحبه الي مات وهو ملطخ بالمعاصي ملطخ بذنوب عاصي ربه
صرخ بأعلا صوته وهو يقول يارب لفو كل الي حوله وهم مستغربين مر شريط حياته قدامه
كيف جاله قلب يعصي ربه كيف
يشوف سيارت صاحبه الي تحترق قدام تحترق صراخه وهو يناديه
ماحس بحاله الا وهو مغمى عليه
__________________________________________
أحياناً يغرقنا الحزن حتى نعتاد عليه .. وننسى
أن في الحياة أشياء كثيرة يمكن أن تسعدنا
وأن حولنا وجوهاً كثيرة يمكن أن تضيء
في ظلام أيامنا شمعة .. فابحث عن قلب يمنحك الضوء
ولا تترك نفسك رهينة لأحزان الليالي المظلمة


انسعق وهو يسمع كلام ابوه:جهز نفسك بكره راح اوديك جمعية المعاقين ابي افتك منك ومن غثاك
ذابت الكلمات بين شفتيه يبي يتكلم مايقدر لا مستحيل كيف مايصير انا ولده حرام عليه ليش كذا؟؟؟؟؟
قال من بين دموعه التي أنسابت على خديه:يبه انا ولدك ليش تسوي فيني كذا
قال بقسوه:تخسي تكون ولدي ما يشرفني
لاالالالالا يبه لا تقول كذا حرام عليك انا ولدك محتاجك يبه لاتتركيني كذا انا من لحمك ودمك
أردف ابوه وهو يقول:انت مو لدي وانا ماني أبوك انا تزوجت أمك بعد ماطلقها أبوك أصرت تأخذك معها وانا وفقت ماتت وبتليت فيك
هز راسه بمعنا لا مو مصدق الي يصيره لا ياربي لا رحمتك ياليتني مت في ذاك اليوم ولاعشت
ياليتني مت واندفنت واندفن همي معي ياليت ازمن يتوقف ويرجع للوراء وما تموت امه
ياليت أنفاسي تتنازع وتطلع روحي وتغادر هذا الجسد المشل عن الحركة
ليه انا كذا ليه
يبه وينك يبه تعال شوف ولدك كيف عايش في عذاب يبه ولدك كرامته انهدت يبه ولدك ضايع
في همومه يبه ولدك همه مثل الجبل على قلبه(هذه الي يحس فيه البراء في هذه اللحظه )
ناظر ابوه أو مسما ابوه يغادر الغرفة
وجه كرسيه إلى القبلة صلا ركعتين خفيفه رفع يدينه وهو يدعي الله يلهمه اصبر يبدل حاله من الحزن إلى السعاد
_____________________
كانت مره ميته ضحك منها البنت هذي مو طبيعيه:الله يأخذ إبليسس عليس حركات
جمانه بضحكه:توس ما شفتي شي ذاك اليوم رحت مع حميد للمدرسه وقدام انزل الا وأشوف
زميلتي سواقها بيفتح لها الباب وهي تنزل شوي شوي ويعطيها الشنطه وتأخذها منه بهدوء قالتها وهي تقلد حركاتها
قالت وهي تكمل كلامها :عاد انا قلت ليه ما اسوي زيها عاد هي واقفه تنتظرني اجيها لفيت لحميد وجيت بقوله يفتحلي شفت خشته وهونت
رحاب وهي تضحك:ليه
:يختي الشوشه طايره ماحلقها والثوب مصفر
تهاني وهي تضحك :وش سويتي
جمانه:أبد أخذت عفشي ونزلت انا ماقلت لكم
البنات:لالالا
جمانه:زميلتي مصوره أخوها وهو مسوي لها الفطور
رحاب:أما عاد هذا سعودي
جمانه:إيه سعودي
تهاني:معقوله سعودي شكل فيه عرق من المصاريه
جمانه:ياويل حالي انا لو يذبحني الجوع قدامه ومرضانه ماسوا لي فطور والله يجرني مع شوشتي للمطبخ
البنات ماتو من الضحك
قطع عليهم الشغالة وهي تقول:تهاني بابا يقول خلي يجي مجلس
تهاني وهي تقوم:طيب

تهاني
طلعت من عند البنات وانا امشي على السريع متجه. للمجلس دخلت للمجلس وانا مسرعه:هاه يبه بغيت مايمديني أكمل كلمتي الا وانا متزحلقه ماحسيت نفسي الا وانا عند رجول رفعت راسي الا وذاك الرجال الغريب منزل راسه وهو ماسك نفسه لايضحك لفيت راسي الا وشوف أبوي مطير عيونه من الصدمه صرخت بأعلا صوتي جيت بقوم ارجولي ماتشيلني لملمت نفسي بقوم يوم قمت جت الطامه الكبرى
صقعت الطاوله وانكبت فناجيل القهوه وانا أحط رجلي إلى وتزحلق مره ثانيه
خلاص تعال دوروني ماتلقوني من الفشيله سحب نفسي لين طلعت من المجلس بعدها حطيت رجلي يم البنات

كان جاي يشوف عمه ويخبره بوفاة اخوه بس تفاجئ من دخلتها عليهم خلاص يادوب مسك نفسه
من الضحك يوم شافها طايحه عند رجليه بس خاف يوم سمع صراخها سرعانه ما اختفى الخوف وحل مكانه الضحك وهو يشوفها تطيح مره ثانيهقال بعد ما شاف بنته تطلع وهو حده متفشل منه:حياك الله يا ولدي
وسام:الله يحيك بصراحه ياعم انا جايك بموضوع
محمد:خير ان شاء الله
وسام بتردد:عمي ماجد عطاك عمره
محمد بصدمه :مات لا قول انك تمزح
وسام :الله يرحمه ادعله
محمد وهو يضم راسه بين يدينه :آه يماجد وانا أخوك مت وانت ما برد قلبك مت وانت ظالمني حسبي على الي كان السبب
وسام انصدم من الي قاله عمه وش السالفة في شي مخبينه عنه يا ترا وشهو
معزوفة من الألم
تعزف على ... أوتار الحنين
و بقايا الذكريات...
فتلهب القلب
و تحشد ألاف الدمع بالمقل
لتهطل أمطارا تروي الفراغ
طعم (مر) ذاب في الفم
جروح بليغة لا دواء لها..
وجه شاحب بغبار القسوة
صعب يا ناس الفراق
كيفما كان يبقى صعبا
و كل دقيقة تمضي يزداد الشوق
فتتضاعف ..أوجاع القلب
فلا أمل و لا شعاع
لعودة أحد ما إلي..

_____________________.


إحساس مؤلم
أن تقضي عمرك الصغير في التضحية
وحين تسقط تتألم من أعينهم التي تراك و كأنها لم تراك
إحساس مؤلم
أن تقضي عمرك الصغير في التضحية
وحين تسقط
تتألم من أعينهم التي تراك و كأنها لم تراك

إحساس مؤلم
أن يكسر كل شيء في داخلك وتبقى مجرد خيال يظنه الاخرين إنسان
إحساس مؤلم
أن تضحك معهم
وحين تبكي لاتجد من يمسح دمعتك

إحساس مؤلم
أن تجد بعد العناء من يحبك
لكنك في النهاية عاجز عن الوصول اليه

إحساس مؤلم
أن ترى الغالي يتعذب وتتعذب لعذابه
وأنت فاقد للراحة فكيف تعطيها

إحساس مؤلم
أن تبقى على أحلامك في ريبة هل تتحقق ام لا
والأشد كراهة أن تعيش كما يقال
على حلم عيا يتحقق وعجزت في نفسك تقطعه

إحساس مؤلم
أن تكون في أشد حالات الجوع وأصناف المأكولات أمامك
وأنت متعب نفسيا بل ومرهق حسيا لا تستطيع الأكل

إحساس مؤلم
ان تحب وتتعلق بالقاسي عديم الذوق
تتعب له مرة بعد مرة ويستمتع هو بتعبك كل مرة

دخل البيت هو مره تعبان جسدين ونفسين دخل وهو يشوف ابوه يضرب بأخته بوحشية
يسحبها مع شعرها وهي تصرخ وتبكي من الألم امه وإخوانه مو قادرين يسوون شي
ركض يم ابوه وهو يفك أخته من ابوه جاء بين ابوه وأخته ابوه راح يضربه بعنف
أشر لامه تبعد أخته وهو يتحمل ضرب ابوه وهو ينضرب بس امه وخواته مايجيهم شي
سحبت امه أخته لغرفتها وقفلت عليها عشان ابوه مايجيه
بعد عن ولده بعد ما فرغ عصبيته فيه طلع من البيت وهو يهدد
يحس جسمه متكسر مو قادر يتحرك قوم نفسه بشويش مايبي يضعف قدام إخوانه
لازم يكون قوي
جاه اخوه الصغير وهر مرعوب:غيث فيك شي
هز راسه بنفي :لا حبيبي مافيني شي
قال من بين دموعه:انا ما احب أبوي اكره ليه دائم يطقنا يارب يموت
قال بفجع:لا استغفرالله مايصير حبيبي تدعي على أبونا ضم اخوه لصدره وهو متألم من كلامه
آه يايبه متى تحن علينا لمتى وانت قاسي
________________________________
يحس بألم يطعن قلبه على بالهم انه أنجن بلي سواه يوم
زواجهم والله يحبها بس الي سواه لمصلحتها تألم وهو يتذكر بكاها وصراخها وهي تترجاه وخروجها من البيت في المطر إه يا عواطف لو تدرين بلي فيني
______________________
نهاية البارت
توقعاتكم؟؟؟؟
ايش السر الي يخفيه ناجي ؟
محمد وهو خوانه متقاطعين من زمان ايش أسبب برأيكم؟
جمانه هل لها دور في الروايه؟
تتوقعون بيصير شي بين وسام وتهاني؟