البـــــــارت السادس عشــر



........


يابوي ليتك حيّ وتشوف حالي

تشوف وش هو صار من بعد فرقاك


صار الوطن بعدك من الناس خالي

صار... ( الوطن غربه ) بعد مافقدناك




___________________




وقف سلطان وتوجه ليمان الي جالس باخر المجلس
ولاف شماغه على وجهه
شبه متلثم فيه

كان المجلس مليـــاااان من المعزيـــن
من رجال العمال والمعارف والصدقاء لابوه

من غير اهله الي اغلبهم مايدري من وين طلعو
مايعرفهم حتى

جلاد ابو فارس .وش صلة القرابه ايه طلع زوج
اخته يعني زوج عمة يمان
وذاك رائد و جلال
هادي الي وضعه مايطمن كل شوي منهار
ويصيح بصوت عالي
وولده جالس بالقرب منه ويهديه
بس يرجع ينهار ويقول كلام مو مفهم من شدت البكاء
عرف بعد فتره انه كان صديقه بس تفرقو من فتره لسبب مجهول
ناظر لخالد
الي وقف مع سلطان متوجه ليمان
هاذا ثالث يوم بالعزاء
ويممان على حاله بدا يخاف عليه
ترك المهمه لسلطان وخالد هم الي يتولونه
هو ماله علاقه مره
فيهم كثير غير انه صديقه من بعيد
او صديق خالد وتعرف على يمان من خلاله
شاف خالد يشر له وقف وتوجه لهم
:هلا خالد
خالد بضيق:صالح اقنعه يقوم يرتاح
والله بدا يفقد توازنه وكل شوي بيغمى عليه

جلس بقربه وهو يهمس:(ولنفسك عليك حق )ياخوي
يايمان لازم ترتاح
لاتجهد نفسك وانت مريض
يمان تكلم بضيق:وارتح لمن ياصالح الغالي الي رحت اتعالج عشان
رااح رااح ياصالح من بقالي غيره من لي
ابوي وامي واهلي كلهم هو من اعيش له ياصالح قلي من اعيش له
صوت من وراه ويد تحتضنه:لوصية ابوك عيش يايمان لها
عيش لجدتك لااهلك حنا اهلك كلنا اهلك ابو وامك وحياتك كلها
نفديك بعمارنا ياولد اخوي
نزل راسه بحزن فطر قلبه بشعوور
اقرب ماله شعوور بالموت فقد سنده وعضيده بالحياه
فقد الباب الثاني من بيبان الجنه وهو جاهل مكان الباب الاول
عاافها مو طايق يجلس دقيقه فيها بدون لا يشوف وجه ابوه

وقف..بس حس بدووخه قويه وتهاوى على الارض بس قبل لا ياصل كان خالد
يمسكه ويسنده

تحركو طالعين من المجلس وهو يسمع همساتهم الي زادت
حزنه ومرضه
..مسكين فقد ابوه ومريض الله اعلم بعيش ولا يلحقه
..شخص اخر همه الفلوس:الا قل هالملايين وين تروح مامستانس غير عمامه
بيحوشون عليها بارده مبرده

فوق حزنه ضغط نفسي
عند الباب انهار مغشي عليه
كان خالد يسنده لنه كان يمشي عادي
يقدر يسند نفسه بس بلحظه اغمى عليه


صرخ خالد باسمه مما خلى سلطان وصالح مع باقي الشباب
ينتبهون جو يركضون لهم
بسرعه شالوه وعلى المستشفى

وصلو لمستشفى الدكتور فارس ابو سلطان
دخل سلطان يركض وهو يصرخ:طوواري طواري
بسرعه اسعاااف
دقايق وهو على السرير ويركضون فيه لداخل المستشفى
دخل وسلطان وقف على الباب ينتظر
جا خالد وغالي ومتعب نايف بعد دقايق وهم يسسئلون

سلطان تنهد:مدري لسى ماطلع ياارب سترك ياارب
خالد بخوف:ليش تاخرو ومين الدكتور
سلطان يتسند على الجدار:
الوالد عند من عرف انه يمان اصر هو الي يسعفه
خالد برتياح:عمي فارس ان شاء الله خير بيطلع ويطمنا
سلطان غمض عيونه وهو يتذكر كيف تلقو الخبر وفات او مرضه قبل وبعدها وفاته




اليوم الثاني من سفره

كانو باالفندق قريب من المستشفى
خالد وسلطان راحو يضبطون الوراق
ويمان جلس بالفندق يرتاح

بعد ساعه رجعو للفندق
دخلو شافو يمان منسدح بغرفة الجلوس
:السلام عليكم
يمان رفع راسه لهم:هلا وعليكم السلام
سلطان يرمي نفسه على الكنبه ويوجه كلامه له:
كيفك مووني
يمان ابتسم بشووق لصاحبة الدلع:
الحمد الله على كل حال
خالد لاحظ عليه كل مانذكر الدلع هاذا يبتسم
علق:والله يايمان لو اعرف صاحب هالدلع لروح واحبه
على راسه الي كل ماجا طاريه ابتسمت
يمان تنهــد بحزن وهمس :الله يرحمــها
خالد لف على سلطان بستغراب نفسه يعرف مين
سلطان ألآن تيقن انه هو من كان ذاك الطفل
باغراض خالته:اميـــن
خالد بتعجب:مين هي مابتقولون لي
يمان تسند وهو يحط يده على راسه ويغمض عيونه
بدون كلام
سلطان بعد صمت همس:امــه
خالد مامشت عليه الي يعرفه ان يمان مايعرف امه مين ولا بعمره شافها
ومايعرف هل هي حيه او ميته
سمع دق الجرس وقف سلطان وهو يتوجه للباب ويفتحه
دخل الموضف ومعه القهوه الي طلبو
ومعها صحف السعوديه استلمها منه وهو يسكر الباب
ويرجع لهم نزل القهو على الطاوله والكل اخذ قهوته
سلطان سحب الصحيفه
وصار يتصفحها
وفتح على محليات مشتاق لااخبار السعوديه

تجمدت عيونه على صورة روواد
والعنواااان الكبيير

رواد نايف النايف رجل العمال الكبير
يتعرض لأزمه قلبيــه


قرا التفاصيل بيدين ترجف ويالله ماسك الجريده بيدنه
حتى خالد ويمان لاحضو
خالد :خير وش فيه سلطان شكلك تغير كذا
مو منتبه له وعيونه مصوبه على
الخبر
ابو يمان تعرض لازمه قلبيه وحتى الحظه هاذي
تحت الاملاحظه وحالته خطره لسى ماعدت الازمه
يمان وقلبه ناغزه :سلطاااان وش صااير تكلم لـ...
قطع كلامه صوت جوال سلطان
وسلطان على طول سحب جواله واخذ الجريده معه وهو يطلع
من عندهم متوجه لغرفته ويقفل الباب
ناظر للمتصل وتوه يشوفه
كانت أيثار رد عليها
:الوو
ايثار بحزن:هلا سلطان كيفك
لاحظ عليها الحزن:الحمد الله كلنا بخير
ايثار قريت خبر بالجرديه صدق ولا اشاعه
سكتت شوي وبعدها هزت راسها وكانه قدامها لنها ماقدرت
تتلكم خنقتها العبره:
سلطان سمع شهقتها وعرف نه صدق:كيفه الحين
بصوت رايح من البكي:حالته خطـــره كل اهل حاطين يديهم على قلوبهم
يترقبون خبره
جلس على الكرسي قدام التسريحه بهـــم كبير
كيف بيقوله بيرجع ولو خبو عليه يمكن يصير لابوه شي
وبعدها وش بيكون:يالله ارحمنا والحل ايثار لازم نقول ليمان
بخوف قالت:بس راح يرجع ويترك العلاج
سلطان بهم كبير:اكيد بيرجع بس وش الحل غير كذا
مانقدر نخبي عليه
ايثار:صادق مافيه حل غير تقوله
سمع طق باب غرفته وقف:طيب ايثار اكلمك بعدين مع السلامه وسلمي عليهم
واي جديد عطيني خبر
ايثار :ان شاءلله مع السلامه
..سكر منها وهو يفتح الباب
شاف خالد واقف من انفتح الباب دخل وسكر الباب رواه
:سلطان قوول الخبر ايش انا اعرف انك شفت شي كبير واكيد يخص يمان
هو الي تكتب اخبارهم بالجرايد
سلطان بعد صمت:عمي رواد
خالد بتوتر وخوف:وش فييه
سلطان كمل:صابته ازمه قلبيه
خالد بصدمه:وشوووووو ازمه
سلطان مايناظر له كان مصوب نظره على نقطه معينه قدامه ويتكلم
بهم:وحالته خطر وباي لحظه يخافون من خبره
خالد بصدمه ترنح وتسند على الباب وراه:
متاكد من الكلام ولااشاعه
سلطان هز راسه:ياليت كانت اشاعه بس اتصال ايثار اكد لي
تو قالت لي عنه
خالد بفجييعه:ويمان كيف نقوووله
لازم يعرف بس راح يرجع ويترك العلاج كيف
بيقتنع يرجع مره ثانيه لا لا ملازم نقوله
سلطان:لاا لازم نقوله ايثار تقول حالته خطره
لو صار له شي وش بيكون موقفنا
سكت خالد بحيره كيف يقوله

لاكن الي ماحسبو حسابه يمان تبعهم
وهو خايف انهم يخبون عنه شي
وسمع الكلام
فتح الباب وعيونه محمره هو غضب او دموع
:ناوين تخبون علي تخبون علي مرض ابوي
وهو ماله غيري حساافه والله حسافه

صحى من ذكرياته وهو ينتبه لنايف الي هتهف وهو يقول
:طلع طلع الدكتوور


.......بعد ربع ساعه وكانها دهــر لهم طلع فارس
ركض له نايف:دكتووور بشر كيفه يمان
فارس مصدوووم وفرحاان بنفس اوقت
:بخير بخير يبه اهدى انت
بس عندي استفسار الحين يمان تعالج من المرض الي كان فيه
خالد هز راسه:لا مثل ماتعرف اول ماصولنا هناك جانا الخبر
بس بنرجع ان شاء الله باسرع وقت
ابتسم فارس :مايحتاج تروحون يمان علاجه هنا
غالي بصدمه:كيف هنا
فارس براحه:تعبه على الخبر الاول بسييط
هو مافيه سرطان
شهق سلطان بصدمه:اييش اجل وش فيه
فارس بهدو:هو كان فيه قرحه بس حاده عشان كذا كان يتعب
كثير وماقدر ياكل ويتقي دم صح
خالد هز راسه:صح بس كان الدكتور الي يراجع عنده يقول طبيعي من المرض

فارس يربت على كتفه:لا مو طبيعي ياولدي الدكتور الي شخص حالته اخطاء
وياكثر الاخطاء الطبيه

واحنا ان شاء الله نعمل له تحاليل كامله مع انا متاكدين بس بنعمل له
ثاني حتى ترتاح قلوبكم
يالله عن اذنكم عندي شغل
ادخلو تطمنو عليه كان تبون
..تحرك رايح لمكتبه
وخالد والشباب كلهم دخلو على يمان
اول واحد سلطان دخل وركض له
وهو يشوفه جالس على السرير
متسند عليه وعيون لقدام شاخصه
احتضنه وهو يهتف :الحمد الله الحمد الله
يمااان انت سليـــم مافيك شي
يارب لك الحمد
خالد احتضنه من اليساره وهو يتحمد له بالسلامه واباقي الشباب
ويمـــــان على حاله ماتحرك
بدى الخوف يعتريهم وش فيه ساكت كذا
:يمــــان ..نادا سلطان بتوتر..
مارد ..حط يده على كتفه وهو يسهل
:يمان انت بخير
يمان كان مايسمع شي غير كلام الدكتور
كيف هو سليم مافيه شي لا فيه مريض هو مريييض
الدكتوور كاذب كااذب حتى لو كان فارس بنفسه
ايه كااذب كان عنده امل يلحق ابوه
عنده امل ضئيل بنه مايعيش كثير بعد ابوه
ليش يعيش اصلا ابوه ومات وحلمه قبل ابوه مات
من يعيش له لاا مايبي يكون بخير يبي يكون مريض
مرض خطير يقتله قاله فيه قرحه
كيف القرحه بس مو سرطان
مو االخبيث الي يقضي على ك من مره

ليش يعيييش لييش
حس بهزه قويه بجسمه انتبه سلطان كان
يناديه بس كان صوووته بعيد
وبدا يعلى شوي شوي
حتى انه صار مزززعج لــه
مزعج بشكل يثير الجنون
بدى صوته يصيبه بالصداااع
صرخ فيه بدوون وعي وهو يقول
:بـــــــــــــــــس
بس ماابي اسمع صوت
برااا بارااااا
كلكم براااا مابي اشوف احد
.ينفض راسه ويصرخ:
اطلعووو برااااا
"
"
"
"
""
"
"
"
""


"""
""""""""""انتـiــــــــــــــــــــــــى

البــــارت الســابع عشــر




________

ياأزمن وش عاد لو خان الصديق
عشرة الماضي واهداني بلاه........

والله اني من عنى وقتي الضيق
واترك الذكرا عناوين الحياه


__

من بكرا
الساعه 4العصر

ببيت ام مشهور
جالسين كلهم
عند اهمهم

لفت نظرها لططارق الي ساكت
وباين انه مو معهم
ولا كان رد على اعمه
:طـــارق
لارد:__
زفرت بقهر وش مشغله مكان كذا
طارق متغييير كثيير من راحت ايثار لبيت ابوها فارس


فز طارق من سرحانه على صرخت ابوه:هــااه سم يبه
ابوه بعصبيه:سمم الله عدووك وش فييك مفهي كذا رد على جدتك
وعمك من الصبح ينادونك
تنهد وهو يعتذر بهمس:اسف مانتبهت
..لف على جدته ..سمي يمه امريني
الجده تنهدت وهي تقول:مابي شي انا
كنت اسئلك عن بنـ..
وسكتت فجاه نسيت ان محد يعرف علاقته باايثار
..لا ولا شي بس وش فيك ساهي كذا وش مشغل بالك ياولد
مشهوور
وقف وهو يخفي ضيقه:ولا شي يالغاليه لا تشغلين بالك
عن اذنكم بمر الشركه فيه شغل ماخلصته
وبعدها بروح لسلطان عازمني لا تنتظروني بالعشاء
طلع وهي تراقبه لين اختفى
لفت لمشهوور تناظر له ودها تقوله عنه تبيه
يعلن زواجه بس خايفه من ردت فعل ايثار
الكل خايف سكوت طارق بنفسه خايف
مو مهم بتصبر هالفتره حتى تعدي
مده على وفات ولد نايف مهما كان هو من الجماعه ولازم
يراعون مشاعر اهله وولده الله يكون بعونهم


ٍٍٍٍٍٍٍٍٍٍٍٍٍٍٍٍٍٍ

بالشركه الرواد


كان
جالس بمكتبه الفخم وهو يكلم
بالجوال:لاااا
هههههههه تطمن كل شي تحت السيطره
الطرف الاخر:_____
رد بضحكه خبيثه :هههههههههه
انت لسى تحسب له احساب هذا كان اول
قبل يموت الشاب لاكن الحين ههههه
خلاص بايعها مو راضي يقبل
حياته بعد ابوه عاف الدنيا على قولته هههههههههههههههههههههه
هههههههههه
الطرف الاخر:______
هو بحقاره وخبث:اصبر علي سبووع بس
ويتم مسح يمان النايف من الخارطه التجاريه
ولو تبي من الحياه كلها كم خليفه عندنا ههههههههههههههههههههههه
خليفه:_______
هو بجشع وحب المال باع ضميره وصار مايشوف الا الفلووس قدامه
:خليفه اتفاقنا ماتنقضه نفسه
ولا انسى كل شي
خليفه:____
هو :حلوووو تم وانتظر اشااره مني بس
بس ويتم كل شي على حسب اتفاقنا

خليفه:_____

هو:يارجال هو ميت بس بجسد حي يقولون مختفي من امس
طلع من المستشفى ولا عاد شافوه
خله يولي ماعليك منه اهم شي الخطه تتم بدون تنغيص

...
وعند باب المكتب تراجع بصدــمه
وهو كان ناوي يدخل
مستحييل الي قاعد يسمعه
اكيد فيه خطاء مستحيل يضر يمان
ليمكن مستحيل فيه شي خطاء مو فاهمه
كيف يخوونه
وهو من عزه ورزه بعد الضياع الي كان عايش فيه

لازم يتصرف قبل يضيع يمان


ٍٍٍٍٍٍٍٍٍٍٍٍٍٍٍٍٍ


بيت ام غالي


ايثار بجناحها لها 5ايام
ماطلعت الا دقايق وترجع كل ماتذكرت رواد
ترجع تبكي بنهيااار
هي مو عارف ليش متاثره لهالقد

حتى ان سلطان يقولها يمان ولده اقوى منها يمسك نفسه
يمان رجال وفوق هاذا مايعرف حيات ابوه
تبكي قهر فوق حزنها عليه
تبكي امها وابوها الي عذبووه
امها كانت تعرف بحبه لها وفوق هاذا اخذت صديقه

وابوها كان على علم بحبه لها واخذها بارده مبرده
هي لو استمرت اكثر من كذا بتنجن اكييد بتنجن
لازم تطلع تبعت من هالجو الي هي عايشه فيه
وقفت وهي ترمي الغطاء عنها وتتوجه للحمام.(وانتم بكرامه)
اخذت شاور باارد بالجو الحار
حتى التكييف ماتحس فيه من شدت البرد
طلعت وتوجهت لخزانة ملابسها
لبست فستان طويل لنصف الساق
بكم كامل ساده بالون الاسود
على جسمها نشفت شعرها وربطته لفووق
حطت مرطب شفايف مع بخت عطر خفيفه
طلعت من جناحها نزلت تحت دورت جدتها مالقتا ويني مختفيه
نادت الشغاله وسئلتها
قالت بالحديقه
طلعت متوجهه للحديقه
وهناك باخر الحديقه على الكراسي مقابل لنافوره الصغيره
كانت تجلس وعندها شخصين ماعرفتهم لاكن من قربت شافتهم زين
طارق وسلطان غريبه
كانت اصواتهم واضحه لها

هي لنها منتبهه لهم تشوفهم لاكن بينها وبينهم
اشجار وماهي واضحه لهم مع انها قريبه لهم
كانت واقفه ورا الشجره مباشره بعد ماقطعت الممر وصارت واقفه قرييب وتسمع
سمعت جدتها تقول:سلطان لكم ساعه جالسين وتناظرون لبعض
قولو وش فيكم
اقلقتوني
طاارق تكلم بتوتر:خالتي والله مو عارف كيف اقولك
انا محتاار متوتر ووو اخااايف اتكلم

الجده ام غالي زاد توترها
:طارق قول وش عندك اخلص رفعت ضغطي ولـ.. السلام عليكم
انتبهت على غالي يدخل وه يرمي اسلام
جلس بعد ماسلم على الجده
طارق ناظر له بتوتر هو معطيه خبر
وبعد تفكير لقى انه يقول لاام غالي احسن حل
ايثار حست ان وقفتها مالها داعي ولفت بترجع بس
تجمدت وهي تسمع اسم ابوها شي بداخلها قالها فيه مصييبه
.تكلم وهو يطلب العون من غالي بعيونه:
خالتي قبل9سنوت جاني عمي سلطان
وطلبني بموضوع
الدجده بتوتر بعد سكوته:كمل وش كان موضوعه
ماقدر يقول هم خووووف يستوطنه كل محل طاريها مادري ليش
يعترف لنفسه انه حبها وخايف خايف بعد ماتعرف ترفضه
رفضها له بيكوون جرح جرح ليمكن شفاؤه
.
غالي استجمع شجاعته وهو يقول لها:
طلب منه يتزووج أيثـــار
شهقه كانت مكبوته من خلف الاشجار بس مانتبهو لها
لنهم كانو مهتمين من ردت فعل الجده ولاكان ببالهم
ان ايثار بتكون حووولهم كلش..

الجده بصدمه:طلب منك تتزوجها شلوون كانت طفله مكملت 11سنه
سلطان هز راسه:صح كانت بعمر11سنه
صغيره
مصدومه :وش كان ردك
نزل راسه بهم كل المقدمات ماتشفع عند القنبله لو انفجرت
:رفــضت طبعا بس كانـ..
.قلب كان يرجف رعب وخوف ماتبي تنصدم مصيبه القادم مصيييبه هي حاسه كذا وليمكن
يخيب احساسها,,
الجده مو قادره تتحمل اكثر حاسه فيه شي غير الرفض:
كمل ياولد لتقطع بكلامك اقلقتني وش رد لك بعد رفضك لطلبه
تغير صوته وهو يتذكر كلام عمه:ترجان لدرجت انه بكى
عندي كان يقول انا مريض ياطارق وماقدر احط بنتي امانه عند احد غيرك لني
اثق فيييك ياطارق طالبك لاتردني كانك تحبني اثبت لي
ولاتردني
.سكت شوي وبعدها تكلم وقضى على اخر امل كانت تامل ان احساسها يخيب
..وافقت عشان خاطره كان كان مريض وخايف يموت وهو
على قولته ماامن حيات بنته حتى عمتي زووجته ماقالها

..
مشت تااااهيه ضااايعه مجروووحه ومطعوووونه
من ابوها كيف سوى فيها كذا كيف بااعها مهما كان مالمفروض يسوي فيها كذا
ضيعها زوجها وهي طفله قاصر حتى يحميها من مين يحميها ليش
هزت راسها بعدم استيعاب ماهي قادره تستوعب
الي سمعت يكذب طارق يكذب
بيستغلني ايه بيستغلني يمكن
يبي افلوسي اكيد بيهم طيب ياخذهم بس لايكذب علي
دخلت البيت وهي مو مستوعبه صعدت على الدرج
وعلى اخر اعتبه زلت رجلها مكانت تشوف طريقها
ممن الدموع حاوولت تتمسك بالحايط بس ماقدرت
وطااااااااااااااااحت

من اول الدرج لاااخر عتبه فيه وبكل عتبه كان راسها يرتفع ويضرب العتبه الااخرى
بقوووه
بدون صوت ولا حس
ما اصدرت ولا نفس

"
"
"
"
"بعد ربع ساعه
من طيحتها دخل
غالي
كان مسرع ومانتبه لها
بس وقف عند اخر لحظه مفجــــــــــــوع
وهو يشوفها
قدام الدرج متمدده جثتها وغرقانه بدمها بدون
حركه

ركض لها وهو يشيلهـــا من الارض ويصرخ باسمها
:ايثـــــــــار ايثـــــــــار وش فيييك
حركه مانتحرك
صرخ بصوووت عالي هز البييت

:سلطـــــــــــــــــــــــــــــــــــان

الحق علي ايثااااااااااااااار



انتهـــــــــــــــــى

"

البـــــــــارت لثامن عشــر


___



.....معقوله حلمي انتهى
معقوله فرحي انقضى
...ويلآهـ لو ضاع الأمل
والحزن في صدري بدى


___________

بمستشفـــــى الفتــوهـ




غالي وطارق وسلطان

واقفين قدام غرفة
العمليات لها سااعه داخله

سلطان قرب لغالي وهو يهمس بهم:
غالي كيف صار كذا
مو مصدق
غالي بحزن:مدري مدري ياسلطان
دخلت وشفتها غرقانه بدمها
..هز راسه..مابي اتذكر
لتذكرني ياسلطان كل ماتخيلت المشهد
احس بيغمى علي

سلطان تراجع بنهيار وهو يتذكر

"
كان جالس برا وسمع صرخت غالي
ماقدر يتحرك من الخوف حس فيه مصيبه
لين سمع صرخات لشغاله وهي طالعه تركض
وتقول
:ماما ايثار فيه موووت ماما ايثار فيه مووت
فز طارق بخووف وهو يقول:ايييش
وش فيها ايثار
ركض معها ودخل لبيت
فز سلطان وركض وراهم
دخل وراه بس جمدت رجله عن الحركه وهو يشوف
غالي جاثي على ركبتيه وراس أيثــــــار
بحضنه لاكن الدم الي كان تحته جمد الدم بعروووقه
وش هاذا؟؟
يدينه ماسكه راسها وهي ملياانه دمه
ماقدر يتحرك وهو يسمع صراخ
غالي عليه وطارق الي متجمد قدامه
لكن طارق استوعب وهو يتحرك وينزل يشيلها وهو
يصرخ:غالي البنت بترووح رح شغل السياااره
ركض وهو شايلها تارك وراه غالي وسلطان
متجمدين من الصدمه

..وشخص رابع كان واقف مصدووم
من الخبر الي سمع وبعدها طيحت ايثار الي مامدها تلحق عليها...


صحى من ذكرياته على
صوت الدكتوور
فز وبخووف وترقب وقف يسمع رده على طارق الي يسئله
عن حالتها
:والله ياأخ طارق مدري وش اقولك بس تاكد ان كل شي
مكتووب
طارق بنافذ صبر:دكتووور
قل وش فيها زووجتي
الدكتور بشفقه على وضعهم:
زوجتك ياخ طارق الحمدالله نجحت عمليتها لاكن.. دخلت غيبوبه
مامداه يفرح الا وصدمه بالخبر صرخ بصدمه: غيبووووبه؟؟؟
الدكتور ربت على كتفه:توكل على الله ياخ طارق
زوجتك محتاجه الدعـاء منكم
سلطان ماقدر يتحمل جلس بالارض
وغالي اختفى مايدري وين راح
شوي وشاف امه داخله ومعها اشجان
مسرعين بتجاه ووراهم ابوه
وصلت له امه وهي تبكي:
سلطان وش فيها اختك
وش صار
سلطان مو مستوعب لسى
وفجعه دخول امه وش بيقول لها بتنهار بيغمى عليها
مو كفايه خالته ام غالي متنومه والله لتلحقها
سكت ماقدر يقول شي حالته اصلا
تدل على الوضع:__
ابوه وصل لهم وهو يستفسر
بس مالقى الا الصمت انتبه لطارق
قرب له وهو يسئله
قاله طارق الخبر بصووت مكسوور مفجوووع
باليوم الي فكر يعلن زواجه منها ينصدم بحادثها
ماقدر يتحمل وهو يشوف انهيار خالته ام سلطان
ونهيار اختها اشجان .

طلب من الدكتور يشوفها وبعد محاولات وافق
لهم يشوفونها كل واحد دقيقه

اول وحده امها وبعدها ابوها وسلطان
واخيرا جا دووره
دخل شافها متمدده والسلااك تحيط فيها
والكسجين مغطي نصف وجهها
قرب منها مد يده بربكه وحزززن يقطع قلبه
مكان بباله ولا واحد بالمية ان اول لقاء له فيها
بيكون بهالحله بس الحمد الله على كل حال
.مسح على راسها وهو ينزل عليها ويقبلها بين عيونها
دقيقه وهو منزل راسه ماقدر يرفعه حتى حس بدموعه على وجهها
رفع راسه ببطئ وهو يهمس:قومي ياروح طارق قومي ماتحمل اشوفك كذا
شوفي بكيتنيي ياأيثار انا طارق الجاد
تنزل دمموعي ولااول مره
يابنت عمي قومي
شوفتك كسرنتي والله اكسرتني
بعد فتره ...
دخل الدكتور وهو يقوله:اخ طارق
انتهى الوقت لو سمحت اطلع
وقف وهو يودعها بقبله على جبينها
طلع من عندها شاف مافيه احد
استغرب بس انتبه للوقت
معقوله تركه الدكتور عندها ربع ساعه وهو قايل له
دقيقه دعاله من قلبه وهو يتوجه لمكان خالته ام غالي
وقف عند الباب
بس قبل يدخل تراجع لاكن سمع صوت
سلطان يقوله ادخل مافيه احد
دخل وشاف ابو سلطان وام سلطان جالسين عندها
سلم بهدوو وهو يقرب لها ويقبلها على راسها:سلامتك
ياالغاليه من التعب
بتعب وهي تكتم دموعها وعبرتها:ربي يسلمك
يمه قلي وشلونها بنتي سلطان يقولمقامت قلي يمه طمن قليبي
كتم حزنه وهو يبتسم خوف عليها:
لا ابشرك انها ابخير بس لسى ماصحت ياخالتي
طيحتها ماهي سهله بس ان شاء الله تقووم منها بالسلامه ادعي لها
يخالتي
ام غالي ودموعها طفرت غصب عنها:يارب يارب
الطف فينا يارب قوم بنيتي بسلامه ياكريم
همس بامين وهو يلف يسلم على ابو سلطان
وام سلطان
ابو سلطان كتم دمعه كادت تخرج
وهو يتذكر صديقه وولد عمه سلطان
حس بالخيانه له وهو يشوف بنته اليوم
محافظ عليها يعترف انه اهملها مكان بيده
شي وهو يشوف عمامها يخذونها منه
ووزوجها طارق هو الي مسكه من اليد الي توجعه
بضغطه عليه وافق انها تروح معهم
حس بيد طارق على كتفه وهو يهمس:عمي ممكن
تجي معي برا ابيك بكلمه
وقف بثقل وهو يتوجه معه لبرا..
وبرا عند الباب وقف عند الكراسي وهو يمسك يده ويقبله على راسه
بعد مالمح الدعمه الي تعلقت برمشه هزته من اعماقه
وهو يشوف رجال بعمر ابوه يبكي همس له وهويقبل يده:
اســــف ياعمي اسف على كل شي سويته
ابو سلطان صد عنه هو شايل بقلبه عليه من اخر موقف
:وش يفيد اسفك ياولد مشهور بيرجعها لنا شفها طريحة الفراش غايبه عن العالم
طارق بندم فضيع هو من ذيك الحضه ندم بس ضغط عمامه
وابوه وكلامهم اشعل نار الغيره بقلبه وخلاه يسوي الي سوى
:ماكان بيدي ياعمي والله غصب علي كلام ابوي وعمامي اثار الغيره فيني
عمي بالله عليك كيف اشوف زوجتي يخطبها واحد وبيتزوجها
وانا ساكت واناظر
والله لوني رخمه ماسكت انا عندي غيره على اهلي
ابو سلطان بغضب:مكان كلامك قبل كنت رافضها وحتى بعد الزواج
مسئلت فيها ونسيتها حتى انه جت فتره ماتدري عنها هي حيه او ميته
طارق بصدمه منه:كنت تعرف اني متزوجها
هز راسه بحنق:ايه اعرف على بالك سلطان بيسوي شي بدون لايقولي
مع اني رافض انك تتزوجها وللحين انا رافض
انت ماتبيها ولـ..
قاطعه و هو يقول:لا لا عمي كنت كنت لاكن الحين ابيها والدليل
اني قلت لخالتي ام غالي وغالي
وسلطان وجدتي لني ابي احد يساندني حتى اقدر اعلن زوواجي
منها ويقنعونها وطبعا ابوي كان عنده خبر
ابو سلطان صد عنها برفض وهو يقول بغضب:انا مو راضي وانا بمقام ابوها
وليكون على بالك اني سكت لكم قبل بسكت الحين


لاااا لو تطلب المر اني اشتكيكم شف وش سويتو فيها
تراجع طارق مصدووم من رفضه :عمـــي وش هالكلام
ابو سلطان تحرك من عننده متوجه لمكتبه وهو يقول :ماعندي غير هلاكلام
وياطارق كف شرك انت وعمك عني ترا مو ناسي سواته من سنين من عمره
يكيد لي موراح يترك طبعه
طارق وأعامه غضبه:وش سوييت ولا عمي وش سوا لك ترا بنتك على قولتك
كانت ببيت النايف يعني حتى لو اشتكيت علينا المتضرر هم النايف وخالها
غالي لنها كانت ببيته وانا اول واحد راح اشتكي عليكم
واخذ زووجتي بالطيب ولا بالغصب

صرخـــه من وراه مصدوومه مقهوووره
:بــــس بـــس ماذبح ايثار غيرك
انت السبب انت السبب
حسبي الله عليك
لفو لصوت كلهم بصدمه من اصراخها
ابو سلطان صرخ فيها:أشـــــــــجان
اشجان صرخت بحقد ومن بين دمووعها :
بابا هذا اهو السبب هو السبب الحيقييير
ابو سلطان مصدوم من بنته:اشجان وش توقلين
من بين دمووعها :ايه هو السبب سمعته وهو يقول انه
متزووجها وهي طفله سمعته يابابا وماقدرت تتحمل الصدمه وهي تصعد
من الدرج طااحت انا كنت بالمطبخ بس طلعت ابوصل لقهوه
لهم وسمعته يتكلم
وانتبهت عليها وهي تدخل بعد ماسمعتهم لاكن كانت اسرع مني
وهي تركض وطاحت قدام عيووني ماقدرت اسوي شي من الصدمه
ماقدرت ايثار بتموت وهو السبب..طاحت على اركبها وهي تنهار
طلع سلطان شاف ابوه وطارق
واقفين بس يناظرون لمكان وواضح الصدمه بوجييهم
لف وشاف اخته انهبل وش فيها هاذي
ركض لها.
نزل لمستواها وهو يحتضنها ويهتف:اشجان
وش فيك قوومي حبيبتي
اشجان ارتمت بحضنه وهي منهااره تماما
:سلطان ايثار بتمووت هو السبب
سمعته هي بتمووت بتموووت
ايثااار بتمووت
سلطان مصددوم من انهيارها
كانت قبل شوي عادي وش الي خلاها تنهار كذا
:بس حبيبتي اهدي ايثار بخير بخير

.طارق كان مصدوووووم وماحس بنفسه
الا وهو براا المستشفى بكبره
.هو السبب سمعته
ياارب انا السبب
ركب سياارته وهو تاااهيه ضايع
ويحس بالذنـــب هو السبب بالي هي فيه
تمنى المووت من شدت مايشعر فيه
حرك سيارته ومايدري وين يرووح
يحس روووحه بتطلع
انا السبب

ٍٍٍٍٍٍٍٍٍٍٍٍٍٍٍٍٍٍٍٍٍٍ


الساعه 10 باليل

.

دخــل
السترااحه



رمــى اسلام على الشباب

وهو يمشطهم بنــظر
نايف متعب فهد فارس سعد
وينه
:
شباب وين يمــان

رفع راسه متعب من جواله
:مدري والله من امس ماشفته
تنهد بهم وين بيلقاه
وش بيسوي بالمصيبه الي
بتصير لو ماتداركها ومايقدر يسوي شي بدون
يمـــان
بصمت تراجع وطلع من عندهم تحت نداءت
متعب المستغربه منه..
طلع وهو يتصل بخالد
دقايق وجاه صوت خالد
:هلا ماجد
ماجد بقلق:خالد يمان وينه من امس مداوم واسئئل عنه
مالقيت خبر
سكت خالد دقايق بس بعد صمت قرر انه يقوله
حتى يطمنه:يمان بخير بس هو مبتعد ويبي يختلي بنفسه
ماجد بعد تردد قال:خالد فيه موضوع بالشركه
لازم يعرفه
خالد بهدوو وكانه يعرف وش بيقول:
قصدك مدير قسم المحاسبه بالشركه
ماجد بصدمه:ايه تعرف عنه شي
خالد بكره:كل شي اعرفه بس انتظر منه حتى يطيح بشر اعماله
وترا يمان مايعرف شي ومابي يعرف هو يكفيه الي فيه
بكل وقت مصيبه تطيح عليه
ماجد بخوف منه:خالد انت لو سامع كلامه امس
وربي تطيره بثانيه كلاامه ايخووف
خالد بروود:يارجال ارتاح هذولا اشخاص ماعندهم غير الهياط
ومثل ماطيحنا ابوه بنطيحه
ماجد بعدم فهم:كيف طيحتو ابوه ماني فاهم
خالد تنهد:اسمع السالفه طويله وعريضه
مانت فاهمها بدقايق بس لني محتاجك
ويمان مو همته الشركه
لازم احنى نتعاون ونطيح فيه
وقبل نبدى تجي بكرا تتغدى معنا

وتقابل ابوي يحكي لك القصــه كلها القديمه
حتى تفهم وبعدها نبدا

~~~~~~~~~~~~~~~~
ٍٍٍٍٍٍٍٍٍٍٍٍٍٍٍٍٍٍٍ
بعــــــــــد شهر

"
"
"
"
"
"
"
"
"
"
"
"
بيت ام غالي

دق تلفون البيت

ترف رفعت الخط :الو نعــم

:السلام عليكم
ردت بهدو وهي تسمع صوت الرجال:وعليكم السلام نعم مين معي
:معك مستشفى الفتوهـ
شهقت بخووف وهي تتذكر ايثار:اييش ايثار فيها
شي


الدكتور بهدو :لا اختي تطمني بس اختك
صحت
صرخت بفرحه:ايييش صحــــت
رمت السماعه وهي تركض تنادي غالي
:عمــــي عمــــي ايثار صحت ايثار صحت
على صرخاتها
طلع غالي ووراه ابو نايف وابو ماجد والجده
غالي بدون شعور مسكها وهو يهزها:انتي
صادقه ولا تمزحين
ترف تحضنه :والله صادقه ياعمي والله صادقه تو الدكتور اتصل فيني

الجده خرت ساجده وهي تبكي وتحمد الله
غالي ركض صاعد بثواني وهو ينزل يركض بيده مفاتيح سيارته وجواله يتصل على سلطان
لف عليهم قبل يطلع:
انا بروح قبلكم ونت .يشر على محمد..ابو ماجد وصل امي تكفى
ماقدر انتظر
.
طلع وهو يسمع صوت سلطان على الخط:
هلا غالي
غالي بفرحه:سلطان ايثار صحت صحت ياسلطااان
سلطان بفرحه :غاااالي
بربك كلامك صحيح
غالي :والله تو اتصلو علينا ونا طالع لهم
سلطان مو مستوعب:غالي ممتاكد
من كلامك اخاف يكذبون علينا والله معاد اتحمل
غالي بتاكد:والله صادق تعال الحين وتعرف
سلطان وقف وعين خالد ويمان تتبعه بترقب
شكله خوفهم وشفيه يارب يستر
قلبه المريض والزاهد من كل شي
ألا من ذيك الطفله الي اصابته
بمرض يسمى (الحب)
وقلبه أنذره ان الأمر يتعلق فيها
لكن لسانه عجز ينطق ويسئل من الخوف
من شهر لم يستوعب موت ابوه حتى صعق بخبر
وقوع الحادث لها وبعده دخولها بالغيبوبه
اعتزل العالم بما انه لايستطيع زيارتها ويستحال ان يزورها
قرر اعتزال العالم باكمله لم يكن يرا الا خالد وبعد نصف شهر سلطان
سمع كلام من سلطان انها لم تكن تعلم بزواجها من ابن عمها
وبذاك اليوم علمت بالخبر وبسببه كانت غاضبه وسقطت من
الدرج لايعلم كيف تلقت الخبر انتبه على خالد يسئل
رفع نظره لسلطان يترقب الاجابه
رد سلطان بستعجال:ايثار ايثار
يمــان بدون شعور من خوفه عليها وقف على حيله:وش فيــها ايثار
سلطان كان عند الباب بيطلع من شدت فرحته كان متلخبط
ومو عارف حتى يتصرف:ايثار غالي يقول ايثار صحت
يارب لك الحمد انا رايح لها
خالد حاس فيه وبفرحته وبشعوره كيف وهو عايش هالشعور
وقف:سلطان انتظر لاتروح لوحدك بنوصلك
يمان فهم من خالد انه يبيه يروح معهم بس سكت وخالد
لحق سلطان وهو جلس يتلهى بالوراق
بعد خروجهم ب3دقايق استوعب الي قال سلطان ايثار صحت من الغيبوبه
وقف على حيله وصار يلف بالمكان وفجائه خر ساااجد ونهمرت دموووعه
بفرحه :يارب لك الحمد يارب لك الحمد
5دقايق وهو يدعي وساجد
رفع من السجود وقف ورجع على مكتبه
تسند على الكرسي وطلع جواله

فكر يدق بس وش بيقول
مهما كان خالد يعرف كل شي مستحيل
لا هو قاله انه نسيها بس مايقدر قلبه مايطاوعه
انه مايسئل عنها.فتح على الرسائل
وكتب رساله لخالد ضغط على ارسال
وانتظر حتى رد..تم الرسال
رمى الجوال على المكتب قدامه وهو يتسند
على ظهره ويفكر كيف حالها بعد ماصحت ويكف بتكوون
حياتـ...نفض راااسه وهو يهمس:
يــمان بس عاد انسى ولا تفكر الا انها تكون بخير
غيره انسى انسى .
دقايق وسمع صوت رساله فز وهو يرفع جسمه ويخاذا الجوال
فتح الراساله بسرعه
خالد. يــمان ابشرك البنت صحت وهي بخير واهلها كلهم عدنها
تطمن وانا ساعه وجايك.
رمى الجوال مره ثانيه .ابتسم براحه .
اول مره يبتسم من توفى ابوه الله يرحمه
شوي وسمع الباب يطق
وصوت السكرتير .سمح له يدخل
دخل وعينه تراقب المدير من رجع لدوام قبل سبوع ونصف
وهو نفسيه ولا يتحمل كلمه
لاكن انصدم وهو يشوف البتسامه مرسومه حلى وجهه
بقلبه تمنى تدوووم يمان يستاهل كان مثل ابوه واحسن بتعامله معهم
عمر ماحسسهم انهم يشتغلون عنده بالعكس كان يعاملهم كا اخوانه
بالرغم انه ماجرب الخوان كان وحيد ابوه وامه
عارف انه كان يمر بضروف موت ابوه



واشياء تخفى علييهم وتظهر لخالد صديقه
يــمان انتظره يتكلم بس طال صمته وتأمله فيه
ابتسم وهو يتتعدل بجلسته:اخ سلمان وش عندك جالس تتأملني اول مره تشوفني
هههههههههه
السكرتير سلمان ابتسم بحراج:هههه
لا استاذ بس لاتلومني فرحت ببتسامتك
يارب تدووم
زادت ابتسامته لكن بلحظه تلاشت وطيف ابوه
يمر قدامه وهمس وقلبه مشتعل بنارين
مايعر ف متى بيطفن:أميـــن ياسلمان امين
وش عندك
سلمان تنهد بخفه وهو يقول:فاكس من
رواد هادي الهادي
فز قلبه
:ويــنه
سلمان ابستم بخفه وفرح لفرحته
مد له الوراق:تفضل استاذ
يمان بعجل التقطهم وبسرعه فتحه وصار يقرا
سلمان يترقب ردت فعله وكان ايلاحظ البتسامه
ارجعت له وكل سطر ينزل كانت تعلى وتعلى
حتى فجائه صرخ:ينــصر ديـــنك يابويمـــان
لف على سلمان الي كان فرحاان لفرحه
وقال الي بقلبه قبل دقايق واخفها حتى ماينفضح عند سلطان وخالد
لاكن الفرصه وجته وهي تستاهل رغم انها للاولى افضل
:سلماااان اكتب قراار اجاازه 3ايام لكل الموضفين الي ماخذو اجازه قريب واصرف مكااافئه
لجميـــــع موضفين الشركه الكبير والصغير الأخبــار تستاااهل اليوم
اوما براسه سلمان وهو يستاذن منه ويطلع




ٍٍٍٍٍٍٍٍٍٍٍٍٍٍٍٍٍٍٍٍٍ

"
"
"
"





الدكتور فارس ابو سلطان من عرف بالخبر
امر بعدم السماح بزياره
حتى ياصل
وصل للمستشفى ولقى غالي وسلطان
يصارخون على الدكتور المسؤل عنها
اسرع لهم:سلطاااان

سلطان من شاف ابوه ركض له:يبه
بندخل نشوف اختي مو راااضي
هالدكتوور مسوي فييها المسؤل
اختي صاحيه ومافيها شي توالممرضه قالت لنا
فارس وقف وهو يتنهد بعمق
:سلطان اهدا ياولدي كيف بنخليك تدخل وانت منفعل كذا
غالي مو قادر يمسك اعصاب رص على اسنانه:ابو سلطان
بدخل اشوف بنت اختي امي على وصول
فارس صد عنه شوي خايف ينقلهم خوف واحساسه
بس لازم يتكلم :غالي كانك تبي صحت بنت اختك امسك اعصابك وترككني ادخل اشوفها
واتأكد من صحتها
سلطان وغالي سكتو بخووف
من كلامه تقدم تاركهم يفكرون بأسوى الحتمالات
فتح الباب ودخل بهدووو
سكره بخفه
كانت جالسه ومركيه ظهرها على السرير
وعينه مركزه على نقطه معينه فووق
حاول ايسيطر على صوته ويتكلم بصوت قوي شوي:السلاام عليكم
لفت بسرعه كانت غافله ولا حست بدخووله
دكتوور بعمر ابوها كبيــر ردت السلام وهي تلف عنه
قرب شوي :كيفك يا أيثار
هزت راسها بصمت بمعنا بخير او الحمد الله
حس بوخز بقلبه ياارب الطف فيني ولا تاكد شكوكي يارب
غصب عنه ضعف صوته وهو يسئلها وخايف من الرد :ايثار
يبه تعرفيني
لفت تنااظر له
وهزت راسها بدون كلام وصدت عنه
حس بفرحه :الحمد الله كنت خاايف تفقدين الذاكره
لفت عليه مره ثانيه وهي ساكت تقدم كم خطووه لكن تجمدت رجله
عن الحركه وهو يسمع صوتها


:مافقدت الذاكره وكنت اتمنى لكــن مع الأســــف
فقدت الثــقه فيكم







انتـهــــــــــــــــــى

تعليقاتكم على البارت

وتوقعاتكم للبارت القادم




دمتم بحــب

نلتقــــي قريبا ان شاء الله

واخيرا وصلت عندنا للبارت الثامن عشر واه من هالبارت
سقوط ايثار والخوف اللي صار بعد معرفتها بزواجها من وهي صغيره الخوف اللي صار لأهلها ورجلها
ردها على ابوها فارس يعطيك الف عافيه وانتظر البارت التاسع عشر متابعه بالتأكيد

السلام عليكم

مسااء الخير

حبايبي دقايق وينزل البارت