سيارته كانت ::اودي:هديه من يمان::: سرعــته 200
ساهر لقطه كم مره..
وصل بوقت سريع
نزل وهو يسكر باب سيارته
وراه بسرعه
وبخطوات شبه يركض
دخل البيت
مافيه احد
وراح بسرعه على غرفتها

.....فتح الباب بقووه

وهي فزت بخوووف من حركته
تلاقت عيونها الدامعه بعيونه الخااايفه
كانت مرتميه على السرير
ورفعت راسها له
دخل بخطواته وهو يسكر الباب وراه
جلس على حافت السرير
وهو يهمس بخووف:روري وش فيييك
خووفتيني عليييك
مفكرت تسئله كيف عرف
لازال صوت البنت يتردد على مسامعها
مكانت تسمع غيرهـ...


:ياااحرااام الزين مايكمل مريض بالسرطان
وراح كل الزين والغرور الي يتبختر فيه
من المرض


ياااحرااام الزين مايكمل مريض بالسرطان
وراح كل الزين والغرور الي يتمختر فيه
من المرض

وتذكرت كلامتها الي لحنهــا
حزيـــنه حد الموت
وهو مقالها ورفض العلاج الا لسبب قوي
خلاه يعاف الحياه
نظرت اخوها الخايفه
عليها ذكرتها فيه
ونهارت اكثر
سلطان مات رعب واقترب منها وحضنها وهو يردد
:توتو وربي خوووفتني عليك قولي وش فيك
همست من بين انهيارهها:ليش هو ليش
سلطان بخوف:مين توتو تكلمي انتي ليش تبكين كذا
قولي لي وش فيك
فيه احد مات من صديقاتك
ولا صارلهم شي تكلمي عااد اعصابي تلفت
مكانت قادره تتكلم من شدت البكاء
حاولت تصيطر على نفسها بس مو قادره
:يـ..اهيئ ـمـ..هئئئئئئئئ...شهقت بقووه
سلطان ضمها اكثر :اهدي هدي بسم الله عليك
حبيبتي
تكلم:يـ..هئ ..ـمان
التقط اسم يمان من بين شهقاتها
واستغرب لا انصدم وتجمد
مكان بباله انها ماتعرف
لن العالم شبه كله يعرف
صرخ بخوف:يمااان وش فيييه
شهقت :متى هئئ صـ..هئئ
سلطان بخووف:وش صاار فيه تكلمي ذبحتيني

شوي تمالكت صوتها:متى.. مريض متى وانا ماعرفت

ناظر فيها بصدمه:مرييض شلوون
طالعت فيه بدموع:مرييييض مريض يعني انت ماتعرف
سلطان هز راسه بضيق :ادري ادري
بس يعني انتي ماكنتي تعرفين
هزت راسها ودموعها تنزل:لا تو اليوم عرفت
من البنات من شغلت مقطع صوت له صارو يتكلمون عنه
سلطان ركز نظره فيها:الله يشفيه ايه من زمان له 3شهور
بس رافض العلاج
شقهت بصدمه هي سمعتهم بس ماصدقت:
يعني صدق الي سمعته ليييييييش طيب
نزلت دموعها بكثره
سلطان هز راسه:مدري فيه سبب
ولو جبنا طاري العلاج
جنت جنونه وصرخ فينا وطردنا
وش نسوي له
رجعت تبكي:مو على كيفه اغصبوه مخبوول مايعرف مصلحة نفسه
سلطان متعجب من انهياره عليه وهي تكرهه
:انتي ليش تبكين كذا كله عشان يمان
لجمها سؤاله صدق ليش تبكي عليه
كذا بس ردت بعد تفكير سريع:
مو عليه على ابوه المسكين
ماله غيره مو كفايه عاش حياته كلها حزن بحزن
غدر وطعن وجرح من اقرب قريب له
والله حرااااام عليه
اكيد مكسووور الحين اكثر من قبل
سلطان بستغراب:وانتي وش عرفك به وبحزنه
سكتت شوي وبعدها ردت بدمووع تنهمر
مره ثانيه بكثافه:من ابوي من مذكراته
كل شي صار بينه وبين عمي رواد كتبه
سلطان بصدمه:اييش ابوك
وووين مذكراته الحين
ايثار ناظرت له:احرقتها احرقتها
حتى احرق ذنوبهم
بس الذنب مايحترق حتى صاحبه قتص منه
الله ايسامحهم .وحطت يدينها على وجهها وهي تبكي
اكثر..
سلطان احتار اكثر فيه سر بعلاقة سلطان الجادي ورواد النايف
سمع صوت جواله يدق طلعه من مخباه وشاف عم رواد يتصل.
ناظر لها الي تبكي
وصوتها خف

رد عليه:هلا عمي
ابو يمان بخوف :هاه يبه وش لونها اختها
سلطان سكت وش يقول له كانت تبكي على ولدك
بس شاف انه يقوله عادي ونفس القوت يمكن يستشف
الي تخفيه هالبنت وقال بحزن وهو يتذكر صديق عمره:توها تعرف بالخبر ياعمي
ابو يمان بتوتر :اي خبر
سلطان بغصه وهو يناظر لها والصمت الي سكنها اول ماسمعت المتصل يتكلم
عنها:خبر مرض يمــان توها تعرف من وحده من صديقاتها وانصدمت وتأثرت
ابو يمان جلس على الكرسي وراه وسكن
وموقف يمر بباله
قبل 22سنه

كان داخل من الباب مسرع بعد ماتصلت فيه اخته
وقالت له ان ولده طاح وتعور
بس تراجع وهو يشوفها قدامه تبكي وهي حاضنته
:راما حرام عليك شوفي شكله بسرعه خلي ابوه يجي
راما بهدو:وجوده حبيبتي وش فيك مابه شي بس ضربه خفيفه
يمان طاح وراسه صار يزف دم
وهو رافض يروح للمستشفى واتصلو بابوه بس
هو رفض
نزلت لمستواه
:موني حبيبي يالله روح مع بابا تعلاج حتى تكوون
بطل كبيـــر
يمان يهز راسه بخوف:لا لا انا اخاف طيب انتي تعالي معي
وجد :طيب بس نروح مع تركي طيب
صرخ بطفوليه:لاااااااااا مع بابا ولا ماروح
وجد بقناع:حبيبي انا ابجلس هنا انتظرك
واذا رحت وتعالجت اعطيــــــك هديييه كبيره وانت تختارها
يمان بفرحه هز راسه :طيب بس لااا تورحين زي دايم
.......راح للمستشفى بس رجع ومالقاها راحت ولا ارجعت

:عمييي
رجع لواقعه وهو يناظر للجوال نسي سلطان
:راحت ولا رجعت يايمان راحت ولا رجعت
سلطان وسمع همسات:عمي معي
ابو يمان:ايه يبه معك قلها تدعي له ان قليبه يلين على ابوه ويرحمه
مع السلامه يبه..سكر منه ماقدر يكمل وهي ترجع له ذكريات الماضي

..انتي اهديتي له هديه بدون اخيتاره بس الهديه ماتنرد
يايمان وبتاخذها
..وقف وبصرار
بيضغط عليه بكل شي
لين يطيعه
تحرك من المكتب وهو ينادي السكرتير
ويخبره انه بيخرج
"
"
"
"
ركب سيارته وتوجه لمكان ولده
الي يعرفه

وصل ونزل صعد لشقته وقف على الباب وهو يضرب الجرس
دقايق وانفتح الباب
وطلع من وراح وجه يمان المصدوم
وهو يشوف ابوه
قدامه:يــبه
ابوه تقدم :ايه ابوك ليه انت على بالك ماعرف
انك هنا
يمان تراجع بخطوات هاديه ووجلس على الكنبه
وقال بمزحه:وش دعوا ياابو يمان تراقبني
ابو يمان بحزم:ايه اراقبك وش يضمني انك ماتذبح عمرك
يمان لف عليه بصدمه من جديته:يبه من صدقك
اذبع عممري ليش مخبول
ابوه جالس مقابل له:ايه مخبوول واصلان انت جالس تذبح عمرك الحين
ولا ليش ترفض العلاج
يمان صد بضيق:يبه تعرف اني مابي افتح هالموضوع
والمرض شي من ربي مو انا تسببت فيه
اوبه بغضب:بس العلاج سبب من السباب الي ربي احلها لنا
حتى نطلب منه الشفاء
يمان وهالطاري يرفع ضغطه:يبه الله يطول بعمرك اتركني براحتي
ابوه بعصبيه:تدعي لي بطولة العمر ومن تبيني اعيش له وانت تذبح عمرك وانت وحيدي
من بتخليني له لو مت وانت السبب بذبح عمرك
يمان بسرعه:العمار بيد الله محد ميت قبل يومه
ابوه بقهر:انت انسان الستغفر الله بس مدري كيف اوصفك
يمان سكت يفكر وبعددها لف له وتكلم :يبه ممكن اسئلك سؤال
ابوه سبتغراب:اسئل وش عندك انت دايم تهرب
يمان:ليش مابعت قصرك الي بحي لـ...
او اجرته او سكنتنا فيه واهو كبييير وبيلم كل عمامي ونصير بمكان
واحد
ابوه بعد صمــت:لغايه بنفسي ابقيته واقف كذا
يمان:الى متى
ابوه بيضق:انت وش تبي من ورا هالأسئله
يمان:جاوبني الى متى بتبقيه كذا
ابوه :لين اموت ووصيتي لك يبقى على حاله
الا ان كنت بتهده كيفك
يمان :والسبب
ابوه بحزن كتمه:احتفظ ف السبب لنفسي
يمان بغموض:يبه وانا ارفض العلاج
بسبب احتفظ فيه لنفسي ولاتضغط علي لني مستحيل اتكلم
ابوه عصب وقف وهو صرخ فيه: لتقول السبب احتفظ في لنفسي
انا غييير عنك غيييير
وقف معه:لا يبه مانت غير نفس السبب
نفس السبب يبه
يمكن انت اقوا مني موقف كان صديقك
واصبر مني بس ماجتك الفرصه
بس انا لا جتني لين عندي الفرصه
وليمكن افرط فيها

مابي اجلس ابكي اخر اليل على الاطلال
وبكرا ارقاب عيالها يكبرون قادمي
والا اجلس كل ليله قبل انام
اناظر لصورت بنتها المنسوخه
منها وابكي عليها حتى انام
لا يبه مراح اصير كذا

ابوه تراجع بصدمه يعرف كل شي
كل شي يعرفه عنه كيف ووشلون
بس همه الحين انه يقنعه يتعالج
:لا صارت عندي بدال الفرصه عشر بس فرطـــــــت
فيه تدري ليش تردي ليش فرطت فيها
عشانك عشان ولدي
الي بيبيعني من اول موقف ويذبح نفسه
على موقف
ماقدر يسيطر عليه ليش
نسيت وعد عمك لك
مات بس وعده مامات هنا بهالمكان الي انت
عشقته وصرت تجيه لك يوم
ماضنك نسيته اكيد تذكره
يمان نازظر للي يشر له ابوه:ايه اذكره
بس صدقيك مثل ماطعنك وغدر فيك غدر فيني بعد
على بالك تاركه لك يايبه
وثق وعده لولد اخوه قبل يرحل
ابو يمان بصدمه:وش قصدك

يمان بحقد وكره:لولد عمها طارق يبه زوجها له وهي طفله بعمر12سنه
شفت حقاره مثل كذا انا ماشفت ابد
ابوه بصدمه وجرح كان بادي يندمل مع الوقت بدا ينزف:
لتسبه يابوي ميت الرجال مات
الله يسامحه الله يسامحه
.وبعبره خنقته.لتكون بنت وجد

يايمان طالبك لتقول انها هي






انتهــــــــــــــــــــــــــــــى

البارت الخامــــس عشـــر


........


فوضويّ،
حين أكون بلا أحلام،
ورجُل أوهام،
حين أطاردُ حلمًا كـ السراب.



~~~~~~~~~~~~~~~~~
ِِِِِِِِِِِِِِِِِِِِِ




قبل 6شهور كانو مجتمعين
هنا بنفس المكان يودعونه عشان سفرته
لماليزياء
لاكن هيهات الفرق بين
امس واليوم

اليوم الكل يودعه بدموووع
منهمره وخوف من الفقد
وعدم عودته


حتى طارق وعمامه مجتمعين
مع عمهم علي ابو خالد صديقه
ااصدقائه
خالد سلطان تركي رافل الرابط بينه وبين طارق فيهم
كان يتأملهم كلهم
والجرح الي ينهش بروحه اكثر من الم جسمه
طارق الي مراكي عمه ابو ماجد بصدر المجلس
مشااركه بكل شي كل شي ياخذه منه
يكرهه كره العمى لاكن كرهه يكتمه بقلبه
كيف وهو يشاركه باصدقائه وبحياته وبشغله
وحياااته قلبه حتى قلبه سرقه منه
كل شي شاركه فيه الا قلبه سرقه منه
صار يفقد الأمل بالحياه
كيف يروح يتعالج
ويرجع لالشي
هو مو رواد يقدريعيش على
ذكريات يتقاسمها مع جروحه
ولاسلطان الي ضحى بصديق عمره عشان شخص رباه
وعتبره ابوه
ولا ترف الي تحملت كل شي عشان
بنتها الوحيده ضحت بسعادتها وعمرها وكل شي
ولا طارق الي يسرق كل شي يبيه بدون ضمييير

لاااا انا يمان الرواد
راح اموتـ..
حسيت بالي جلس بجنبي وقطع علي افكاري
بس ماتحركت
سمعت همسه
:اكلت الرجال بعيونك ونظراتك الحاقده الكل انتبه لك
يمان بسخرياء:ليش وعيوني بقى فيهم نظر حتى تاكله
متعمد قلتها وحسيته كمش على بعضه:يمان لاتيأس من روح الله
حراام عليك خل عندك امل
رد يمان :الستغفرالله ماقلت شي بس انا صادق

انت تفسر على كيفك
شفت خالد وقف كان جاالس قرب الي اسمه طارق
اتجه لنا من قرب دف رافل:بعد شوي خلني اجلس
بجنبه
رافل يتمسك بيمان:طير مناك انت بتروح معه بس انا لا
يمان يدفه:كلكم توكلو عني ترا مو ميت بتعالج وراجع كان باقي فيني عمر
ضربه رافل على كتفه مكانت قويه بس هو مافيه حيل وتألم
طلع منه صوت لايرادي:اااه
خالد سحبه ودفه عنه:اااذلف يالدفش بتذبح الرجال انت
فجاه احد نط من فوق الكنبه اوجلس بجنب يمان:
كلكم طيرو وو يالله مووني محد يجلس بجنبه غيري

..موووني هزته ومو لوحد هزززت رجل بشيييباته
مووني من كان يناديه كذا
وحده تعلق فيها مثل امه وااكثر الي مشافها
ابتسم بحزن:مووني متى اخر مره سمعت هالدلع
سلطان ناظر فيه وابتسم:ياحيي ياموني الي رسم هالبتسامه على شفااتك
..وكنه تذكر..ومن قال انه لك الدلع
يمان ابتسم:وليش مايكون لي اجل لمن
سلطان وهو يربط بين الصوره وبينه:ممم تصدق احسه يشبه لك
يمان :مين الي يشبهني
سلطان :الصوره الي كـ...(قطع كلامه وهو يحس انه قال شي خطاء)
..همس وهو متوهق. مدري خلاص اقولكك بعدين
يمان سكت وهو يحس بدقات قلبه تعصصصف فيه
مايدري ليش الصوره الي ذكرها سلطان خلت قلبه يدق
تكلم خالد الي جلس بجنب سلطان ورافل بجنبه
وكانه ماله علاقه بكلامهم ولا علق حتى
:يمان موعد طيارتك قرب يالله كان بتودع هلك
توكل على الله حتى نلحق
وقف يمان ووقف معه غالي
طلعو من المكان
بعد ماسلم على الكل
ومايقدر يرجع والوقت تخر
وتبعه ابوه الي يسنده متعب
هده تعب ولده
خالد يكلم سلطان:
سلطان اعدل عن جنونك مايصلح كلنا نسافر
الشركه بتسيب وعمي رواد مو قادر لوحده
سلطان بجموود:والشركه وش ابي فيها بدون صاحبها عمرها
ماعتدلت
كانك خايف عليها اجلس انا اكفي
خالد بغضب:انت تعرف اني مستحيييييل اتركه
يسافر لوحده هو مو راضي يتعالج
مو معنها وافق ايسافر
خلاص بيتعالج لا بنووواجه صعوبه حتى يدخل المستشفى
سلطان بموقف ثابت:انا مراح اتراجع
خالد :الدعوا عناد ولا كيف انت عارف انا سفرتنا ثنينا
مافيها فايده له كثر مافيها ضرر على شركته الي تركها امانه باعناقنا
سلطان مقتنع بكلامه بس مايقدر يتراجع
:خالد لتحاااول لنه مستحيل اتخلف عن السفره هذا وااعد
قطعته لهاولـ...(قطع كلامه وهو يصد عنه)
خالد انتيهنا خلاص لتناقشني
..وقف .عن اذنك بروح اودع الااهل
بس خالد مارد عليه وضل يتبعه بنظراته حتى طلع

وكلمته تتردد بباله

هذاوعد قطعته لها

ياترى مين هي

___________________

جت تركض وهي تقول:اشجان اشجان

اشجان الي كانت واقفه بالممر ردت ببتسامه: هلا
توتو

ترف بستعجال وهي ماتناظر لها:اسمع
احد اينادك شكله سلطان روحي شوفيه


اشجان بتعجب:سلطان وكيف يدخل غريبه وليش ماتصل فيني

ترف صدت تناظر للباب وكانها تراقب احد
:مدري بس روحي بسرعه قبل يدخل احد

اشجان بعدم فهم:يدخل مين قصدك

ردت بتوتر:يووه اقصد من الشباب

هو بالمجلس روحي
اشجان تحركت للمجلس حتى تشوف سلطان
دخلت بسرعه على كلام ترف وهي تعدل
شعرها الي انحاس

بدون لاتناظر:نعم سلطان(رفعت راسها)وشتـ...(شهقت )
وجمدت على حركتها وعينها على الي واقف قدامها
ومتجمد يناظر لها بصدمه حاولت
تتحرك تتكلم تتتنفسس
ماقدرت صار شكلها يتغير ويقلب للحمر وعيونها
قلبت
حمرااااا بشكل فضيع دلالة على ارتفاع ضغط الدم
دخلت ترف بندددددم

بس فات الأوآن
وش بيكون عذرها لها وش
بتقول
حاولت تتكلم تقول
شي بس اشكالهم خوفتها
متجمد على الباب
ماتحرك
وعينه كانها مصوبه على الي قدامه بدون حركه
ركضت لأشجان ومسكت يدها بتاخذها برا

ترف:اشجان امشي معي
سمعت احد ينادي اشجان
وشهقت بصدمه هذا سلطان
كيف دخل
معقول ياربي رحمتك ارسلته حتى ينقذ الموقف
بس لااا غالي هنا عندنا لو دخل وشافنا
يااارب همست
:اشجان اخوك بيدخل ويشوفك هنا قدام غالي
طلعيييي معي بسررررعه
اشجان وكانها استوعبت
الموقف لفت تناظر لها بتهام وتحركت طالعه مع الباب الي دخلت منه
راكضه
ترف ناظرت لعمها شافت حالته غريبه بس حست بحركت الباب
تنفتح ركضت طالعه من عنده بالوقت الي دخل سلطان وهو يناظر

للمكان وطاحت عينه على غالي واقف متجمد
استغرب منه قرب له شاف عيونه محمره
همس:غالي
غالي لف عليه بجمووود :نعــم
سلطان خاف من شكله:غالي فيك شي
غالي بنفس الجمود:مافيني شي بس متضايق شوي على فراق ولد اخوي
همس سلطان:يارب يرجع لنا سالم معافى يارب
انا جيت ابسلم على خواتي وامي قبل نمشي
غالي بصدمه:كيف تمشي وش قصدك
سلطان:مسافر مع يمان
غالي:من جدك
سلطان :ايه لازم اروح
غالي ماعلق ماله شغل كيفهم يتصافون:اها
سلطان وجواله بيده:ماترد مدري ليش
غالي بالله دق على احد ينادي أيثار واشجان
بسلم عليهم ويسوون لي درب اسلم على خلاتي وامي
غالي والأسم رجع يضرب قلبه مثل السوووط
طلع جواله وودق رقم عهد ترف مايبي يشوفها بعد الموقف الي حطته فيه
مع انه مو ذنبها بس شافته
:هلا عمووو
غالي برود:هلا عهد روحي نادي أيثار
تجي لي بالمجلس وترا اخوها فيه
عهد :طيب عمو باي
..سكرت منه وراحت للمجلس
وبغرور دخلت وجلست على اول كنبه وهي تناظر الأيثار
جالسه بجنب جدتها وحاطه راسها بحضضنها ومطنشه العالم
:أيــــــثار
ايثار عرفتها وبدون لاترفع راسه رد:نعــــــم
عهد بكره قالت:غااااالي يبيك بالمجلس الي برا

ومعه اخووك مدري ولد خالتك
تعدلت بجلستها وهي تناظر لها
:اخوي مدري ولد خالتي له اسم قولي اسمه
ولا تدرين موو لازم مع غالي يكفي من يكون
وقفت وطلعت من المجلس
توجهت لبرا رايح للمجلس
وصلت ودخلت عليهم :السلام عليكم
ردو السلام وغالي تحرك طالع
سلطان ناظر لها :وين اشجان
هزت اكتافها :مدري عنها
ركز نظره فيها :روحي ناديها ولا سوييلي طريق بسلم على امي
ووجدتي قبل امشي
رفعت عيونها له بفرحه كتمتها:بتسافر
هز راسه وهو يلمح طرف الفرحه الي كتمتها
وقلبه يتقطع على صديقه وعلى اخته الي تخبي كل شي
بس مفضوحه كيف لو عرفت بسر زواجها وربي لتنجن
..تحركت طالعه من عنده وهو وقف ينتظر
دخلت المجلس مره ثانيه وهي تشوف اشجان وترف جالست
بنجب بعض بصمت مكانن فيه قبل شوي
ناظرت لجدتها :يمه سلطان بيدخل يسلم عليك
لنه بيسااافر
وقفن البنات وطلعن والحريم تغطن وهي الجده تقول
خليه يدخل
شوي ودخل سلطان يسلم جلس شوي
دق جواله رفعه ورد :هلا غالي
.طيب .. خلاص ادخلو مافيه احد
يالله مع السلامه
.
لف ووجه كلامه لااشجان وايثار:
قومن الشباب بيدخلون يسلمون
وقفت اشجان وطلعت بسرعه
وايثار ماتحركت
ناظر لها سلطان
بتعجب:ايثار ماسمعتي قوومي
ايثار وقفت وهي تقول:وش فيك انت تقول غالي
من معه
سلطان بعصبيه:انا قلت قومو يعني معه احد
اطلــعي بسرررعه
معه يمان
تحركت بهدوو عكس غضب
سلطان الي بدون مبرر
عند الباب وقفت مصدووووووووووووومه
من الي واقف قدامها شبح يماان
وينه يمان الي تذكر وينه الشاعر المغرووور
الوسيييم وين اختفى
شكله مخييييف بعضام وجهه الي
باارزه ونحوول جسمه
هزت راسها وبدمووع اختفت الرؤيا
من خلفها
لمحت دمعـــت من بين الضباب الي مغطي عيونها
دمعه وحيده تدحرجت على خده النحيـــل
وهو واقف يناظر لها
شوفته بهالشكل جمدتها وماخلتها تعرف تتصرف
ولا واحد بالميه كانت متخيله شكله كذا على كثر ماوصفوه
موفو بوصفه ليش هو كذا مريض وتعرف بس مايوصل لهادرجه
عااادي ياكثر الي مريضين نفس مرضه ماتتغير احوالهم الا بعد
مايبدون بالعلاج
حست بالي يدفها مع كتفها لفت عليه وشافت سلطان
يناظر لها
بصمت وبنظره مافهمتها
ويشر لها تدخل داخل عنهم
تحركت بربكه وركضت من عندهم

سلطان طار عقله بتنهار قدامهم
وبتفضحهم مهما كان هي مالها حق تبكي وتنوح بنظرهم
طلع جواله وهو يبتعد شوي عنهم بطرف المجلس بعد
مادخلو
دق على اشجان:
الو اشجان بسرعه روحي الأيثار
ثنين لفو عليه بسبب كلامه المربك
بخوف يترقبون ليش
غالي الي لمح ايثار وهي تركض من عندهم فاهو جا متاخر
مانتبه للموقف
ويمان يترقب بيشوف وش صار لها
بعد مشافته عارف انها ماتثرت الا شفقه ورحمه له
مو حب فيه
سلطان نهرها بعصبيه بدون لاينتبه لنفسه بس كان
بباله ايثار:أشجــان
ولا حرف تنطقينه لها فاهما خوذيها لمكان بعيد عن البنات
ولا اقولك نادي ترف لها هي بتتصرف معها
..نعــم وين راحت
..طيب طيب يمكن راحت لجناحها روحي شوفي
..سكر منها وانتبه لغالي ويمان يناظرونن له
بس سوا نفسه مانتبه لهم
وقف :يالله مع السلامه شباب
انتظركم برا
...طلع



~~~~~~~بمجلس الرجال


سند بجنب طارق جالس وكان يراقب
يمان بين الفتره وفتره
همس لطارق بجنبه:مدري ليش
احس يمان وده يقتلك من نظراته قبل شوي
واضح يكرهك
طارق بضيق:ملاحظ ياسند بس مدري وش السبب
ماذكر اني ضريته بشي اصلا ماعرفه زين كل عمره مسافر
مارجع الا من فتره
ماعرف الا شركاتنا متفوقه عليهم يمكن هاذا السبب
سكت سند وهو شبه مقتنع ان هاذا السبب
وقف خالد وهو يسلم عليهم
:يالله انا استاذن واسلم عليكم انا ماشي

الكل وقف وسلم عليه
ومن قرب لسند
حظنه وهو يهمس:تروح وترجع بالسلامه
خالد شدد من حضنه:ربي يسلمك طالبك ياخوي ادع ليمان
وانتبه لابوي امي وخواتك خلهم بعيووونك
ابتسم سند: ان شاء الله ربي يردكم سالمين وبحاول مع ان المقرودات مايحبني كثرك
بس ابستغل غيابك ههههه
سلم عليه
وصل طارق سلم عليه بنفس حضن سند
طلع من عندهم وهو شايل هم ابو يمان بس تذكر غالي وارتاح
ركب سيارته وهو ينتظر يمان

...سلطان راح لبيتهم واخذ اغراضه
وتوجه للمطار
هو لسى مقال ليمان انه بيسافر معه
كان خايف من رفضه
حتتى انه فكر يسافر بدون لايقوله
وكان يمشي على مهله ...

بعد ربع ساعه
وصل يمان وخالد
وكان معهم غالي وابويمان
وابو ماجد وابو نايف
وابو فهد الي قليل يشوفونه بس جا اليوم يودع ولد اخوه
وعيالهم كلهم لحقوهم بسيارتهم
..
دخلو وجلسو بالنتظار
يمان شاف سلطان جاي من برا وبيده شنطة سفر دق قلبه بفرحه مقتوله
يتمنى سلطان يسافر معه بس مستحيل يقوله
هو صاير حساس ومن كلمه يتحسس ولو
رده سلطان كان يموت بمكانه كيف وهو سلطان الجادي
واااه من الجادي وطاريهم
وصلهم سلطان وعينه على يمان خايف من ردت فعله:
السلام عليكم
الكل رد السلام ومتفاجئن
من قراره الي محد عرفه
ابو يمان اول واحد تكلم :بتسااافر ياسلطان
سلطان وعيونه مارحت عن صديقه:
ايه ياعمي مقدر اترك صديقي يسافر وانا جالس انها
لمح ابتسامه على فم يمان وارتاح يعني مرحب فيه


أعلن الرحلة
المتوجهه الى ألمانيا

رحله الله وحد يعلم
هل راح تطول او تقصر
وهل
بيرجعون نفس مراحو ولا ينقصون

وكم بياخذون سنه سنتين
شهر
ودعووهم بدمووع وطلعو

من المطار

بقلب أب مفجوع على ابنه
لو فقده هل راح يتحمل

مايعتقد هو فقد باول مره
وثانيه قضة على كل شي كان يقدر يقاوم فيه
ومابقى الا القليل
والفقد ثالث مره بيسلب منه رووووحه

كيف وهو ابنه الوحيييد قطعه من جوفه
تحمل كل عنا وحزن وضيق على شانه
وبلمح البصر يفقده
او باي لحضه مهدد انه يفقده

عند البوابه تقدمهم متعب وغالي يمشون
بقرب رواد مع الجهتين
بمسافه بعيده شوي بطلب منه
حس الدنياء تدور فيه
عند اخر نقطه
بيفقده المرض الي فيه
هو الموت بعينه
الظلمة الدنياء قدامه وصار يشوف المكان سواد +سواد
وســقط مغمـــى عليه

تحت صرخات متعب المفجوووعه :
خااااااالي خاااااااااااالي










ٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ
~~~~~~~~~~~~~~~~~~~~

ايثار من طلعت من المجلس صعدت لجناحها
وقفلت على عمرها

شوفتها له قبل شوي
رجعت كل ذكريات الماضي لها وذكريات وشنطن
وحياه احرقتها ذكرياتها وهي تحاول تنساها
انهارت تبكي


وهي تتذكر كانت ببيت ابو سلطان
جالسه لها يومين عندهم
بعد انهيارها وبعدما ماهدت اتصلت بعمها مشهوور واستاذنت انها بتجلس
عند اخونها اسبوع وافق لها

بعد يومين جاها اتصال
من رقم غريب
ماردت بالاول
انقطع ورجع ودق
ماتركها ازززعجها
حتى ردت
ونفجعت من الي ستمع
:الووو أيثار انا خالد ولد عمك علي
بصدمه رديت:نعـــم
رد بهدوو بس فيه توتر:ادري اتصالي غلط
بس والله مضطر
انتي بمثابت حبل نجاه لشخص واعرف انك مستحيل ترديني
وانتي تعرفين انك انتي الوحيده بالعالم كله يقددر يساعده
بين دقات قلبي الي مو راضيه تاقف:
وكيف بساعده
رد بعد صمت:تكلمينه تقنعينه
همست بعدم تصديق للي اسمعه:اقنعه بوشو
خالد انت تخووفني تكلم زي العالم
الي يوترني ويخوفني سكووته بعد مايسمع كلامي
بعد فترت سكووت جننتني:يمان مو راضي يتعالج
كلنا كلمناه واقنعناه بس مو راضي طالبك
تكلمينه وتقنعينه يتعلاج
مصدوومه مفجووعه ليش انا ليش انا الي اكلمه وقنعه
وش معنا انا
تسائلات كثييييرها ببالي بسبب
اختياره لي انا الي اكلمه واقنعه ليش
بس كان ردي عليه:ان شاءالله
..ورميت بكل اسئلتي بعرض الحايط
"
"
"
"
بعدها جاتني رساله كان رقمه خزنته بسرعه
بس ماكلمته الا من بكرا
واااه من اتصاااااالي
دقيت رقمه
وجاني صوته التعباان
ماقدرت اتكــ.....

تعدلت وانا مسح دموعي واسمع صوت طق على باب جناحي


وقفت وبتعب نفسي مو جسدي
ممشيت بخموول للباب وفتحت
وانا اطل من وراه ممن بيكون
شفت ترف واقفه على الباب:مممكن ادخل
ناظرت لها وش هالأدب الي نازل عليها
وانا مالي خلق ارد حتى صديت عنها وكملت مشي
راجعه لسريري رميت حالي عليه
وانا مطنشتها ترف واعرفها
شوي ودخلت بدفاشه.
وجت مسرعه وتقفز على السرير
وهي تقول:ماااالي ذنب استاذنت وانتي مارديتي ولا تعبتي نفسك
بالسؤال حتى والحين خبزن خبزتيه يالرفلى كوليه
.وش هالمثل ووش دخله بالسالفه بس هاذي قرابة نايف ومتعب
مو هي بنت عمهم اكيد مثلهم ابتسمت لاكن البتسامه جمدت بفمي
وانا اششوف العالم الي دخلت جناحي
لفيت اناظر لها بصدمه
شفتها ترفع كتوفها وتشر علي يعني انا السبب الني فتحت لها وانا عارفه انها هي
حسيت سريري الواسع يضيق علي من الي تقافزو عليه
سديم تدفني شوي وبغيت اطيح:
يابنت الذينا وانا اشوفك مو معجبك العجب عندنا اثاريك عايشه عيشة
ملوووك
وسن تقفز ببتسامه وهي تهتف بمرح:
هههههههههه صااادقه سدوووم والله وطلعت بنت الجادي مو هينها
حلا تصرخ:لااااااااا انا احتج الحين بنت الجادي تملك جناااح
كبر شقت امي وابوي ولـ..
قاطعتها سدن وهيتضحك وبحركه مسرحيييه
:مااشفتي الحمام والله هو الي كبر شقتكم هههههههههههههه
غصب عني ضحكت على طريقة كلام:هههههههههههههههههه


بس مع هاذا مو قادره تتنفس من تزاحمهم لاااااا ويامصيبتي

بنت النايف معهم لفيت لترف بغضب كيف تدخلهم
مع بنت سعووود هاذي
كانت تراقب بقرف لحركاتهم وصراخهم
ناظرت فيها وبقهر كنت ناويه اسفل فيها
بس تراجعت وانا احس الجوو هدا شوي ناظرت للبنات انتبهت انهم يناظرون لي
يمكن شكلي فيه شي ابتسمت بمجامله وحتى انسى التبن
الي واقفه قدامي:ههههههه وش فيه شكلي غريب عليكم

صرررررخه جماااعيه :يااااااااااااااسلاااااام

حلا قفزت وهي تصرخ:ترررررررووف العشاااء ببيتكم اليله والله
على حسابك شوووفي ضحكنااااها
فتحت فمي بصدمه كل هالمسرحيه حتى يضحكووني
وهم وش يدريهم اني متضايقه
بتوتر ناظرت فيهم وانتبهت لأشجان الي
قالت وكانها تقرا افكاري
:ههههه لبى هالضحكه كلنا بنتضايق على سفرته بس انتي غير
وخفنا انك هنا تبكين عليه بس لاتلومينه
هاذا صديقه ومايقدر يتركه وخصوصا انه مرييض والله اعلم
متى بيرجع
.
مع كل كلمه كان قلبي يضرب بعنف
بس من انتبهت ان الكلام عن سلطان
ارتحت بس غصيت بدمعتي عند اخر كلمه متى بيرجع
الله اعلم هو اصلا راح يرجع محد يدري بس يارب
يرجع

سدن صرخت:لاااااااااااا اشجااانوه ماصدقنا تضحك ترجعين تبكينها
هزيت راسي وانا اقول
:لا لا مابكيت هههههه هذا انا اضحك
..مانتبهت لدموعي الا يوم سديم مسحتهم

"
"
"
"
"
"
"
"
"
:بشر دكتووور وش صار على عمي
الدكتور صد عنه وهو يقول:مدري كيف اقولك بس لسى هو تحت
الملاحظه ماعدى مرحلة الخطر
انتظرو 24ساعه ويتبين لنا كل شي