البــــارت التاســع


\\\\\\\\\\\\\\


أنا لست أفضل من غيري ولكنني أمتلك قناعة { قويه }

وكبريـــــاء يجعلآني أرفض مقارنة نفسي بأحد


/////////////


الساعه 7:30

ايثار نزلت بعد مالبست عبايتها وتلثمت

شافت جدتها جالسه بالصاله وعندها القهوه والفطور
ابتسمت بسرها بدون لتبين تذكرها
بجدتها ام غالي
اخذت نفس قوي وهيي تفكر فرق الحياه هنا بكل شي
بدايه بسكن هنا فيلاه عااديه جدا وهناك قصر
وهنا ناس مو عارفه لهم وجه صحيح
مره تقول طيبين ومره تقول شياطين
والبعض لسى ماتعرفت عليهم
وهي ارتاحت هنا تحس انها هنا مكانها
بس شي واحد ماتغير

جدتها نفس جدتها ام غالي بطيبة القلبها
وحياتها وكل احفادها نفس بعض ماتفرق بينهم
صحت على نفسها
بصوت مرت خالها ام طارق:
ترف حبيبتي وش فيك واقفه تعالي
تقهوي
ايثار ابتسمت بحراج كانت واقفه بنصف الدرج وتناظر فيهم
نزلة ومشت لين وصلت الجلسه:السلام عليكم
صباح الخير
..دنقت على راس جدتها ومرت عمها..
كيف اصبحتوو
ام طارق ببتسامه:صباح النور يابنتي عز الله مقدارك
والله بنعمه وبخير من شفنا هالوجه المنوور
ام سلطان بسعاده:ايوالله يامتس والله ان قلبي طاير من الفرحه كل ماشفتها
يمر علي خيال ابوها وامها
طول عمرهم بعيدين عنا واتشفق شوفتهم
جلست قريب منهم وهي تسحب الدله وتصب فنجان قهوه وقفت ومدتها لجدتها :قهوه يمه
الجده ببتسامه:بس يمتس بالعافيه
ايثار مدته لأم طارق :تقوهي خاله
ام طارق بعجاب باخلاقها:بس ياقلبي والله متقهوين
رجعت وجلست وهي تتقهوا
وتوجه السؤال:يمه وينه خالي جاد
الجده :مدري والله يمه وليش تسئلين محتاجه شي
ايثار تنزل الفنجان:لا يمه بس ابي اقوله اني بروح اسجل بالجامعه
وواوراقي مع خالي غالي اخذهن اول ماجيت من امريكاء

ولـ...

:ياولــــد
الجده اشرق وجهها :طاارق يمه حياك الله مافيه الا بنت
عمك
ايثار رفعت حاجب من شكل جدتها الي واضح طارت من الفرحه
من سمعت صوته توي مدحتها وقلت ماتفرق بس شكل هالطارق
غير انتبهت لدخوله وسلامه عليهم
ردت السلام بهدو
غصب عنها عيونها تتبعه وهو يسلم عليهم
غلبها بسلام على جدتها حبها على راسها ويدها وامه بنفس الشي
بس زاد عليها وهو ينزل على رجلها ويبوسها
بدون شعور دمعت عينها من موقفه قليل الي يسوون كذا
نزلت راسها وهي تمسح دمعتها رفعت راسها وهي تسمعه يسلم عليها بصوته القوي
ببحته المميزه
ردت بربكه ماتدري ليش اربكها صوته :هلا الحمد الله بخير
وش اخبارك
طارق رد بهدو وهو يجلس بجنب امه مقابل لها
:بخير الحمد الله
..ناظر فيها شوي وصد عنها ..عساك مرتاحه بين اهلك ياأيثار
ايثار بتوتر ردت:الحمد الله على كل حال اهلي هنا وهناك ..تعمدت تقول اخر كلمه..
طارق لف عليها بصدمه بس سكت وهو يشوف نظرتها المثبته على الطاوله قدامها حس فيها شي
امه اخذت الدله بتصب له
أيثار من شافتها تخاذ الدله فزت :عنك ياخاله
.اخذتها منها وتوهقت هي ماتحب الحريم الكبار يمسكن شي وهي جالسه تناظر بس ماحسبت احساب
انها راح تصب له بس خلاص توهقت سمت بالله وصبت فنجال
وبربكه نزلته قدامه على الطاوله وتقرب له القدوع..
تفضل
طارق اعجبته حركتها مد يده واخذ الفنجال:زاد فضلك
شرب الفنجال وترف وقفت بتصب له
طارق شافها اوقفت اعترض:اارتاحي انا اقهوي نفسي
أيثار بحراج:لا عادي
طارق :والله ماتمسكينها اجلسي بس
رجعت وجلست بهدو وكل شوي عينها تطيح عليه غصب عنها تنهر نفسها وهي تستغفر

الجده :اقول يمه طارق
طارق بنتباه :سمي يمه

الجده:يمه بنت عمك بتسجل بالجامعه واوراقها مع خالها غالي
جبهن لها يمه
طارق تعدل بجلسته وهو ينزل الفنجال
ويريح ظهره على اكنبه طاحت عينه عليها وهي صاده شوي
مستغرب منها لابسه عبايه ومتلثمه
بنات عمه كلهم يجون بجلال او طرحهه
صد على جدته وهو يقول:لا يمه ارواق بنت العم موجوده
ماهي مع خالها
أيثار لفت بصدمه عليه شلوون
هو لاحظ صدمتها من لفتها السريعه عليه وقال متدارك لنفسه
لايتوهق مجنون كيف قال كذا لو سئلت غالي بيقول انها معه:
غالي قبل سبوعين جا هنا وعطانياها
يقول انها بتسجل بالجامعه

أيثار انصدمت فيه معقوله عطاه الاوراق بدون لايسئل وش بتسجل
فيه ولاخلاص رضخ لطلبها

الجده لفت عليها:هاه يمه ترف اوراقك هنا متى بتسجلين
أيثار :والله مدري يمه بس ودي امكن الترم الاول
ام طارق :فات التسجيل بالاول بس سجلي لترم الثاني

أيثار بقهر :لا خالتي كيف السنه باولها
ام طارق ببتسامه حنونه:لا يايمه لازم تجين بدري وقياس ومدري كيف
تعقيدات يمه ماتعرفين النظام
أيثار :لاوالله ماعرف عنه شي ..وبضيق..يعني خلاص مافيه امل
طارق بثقه:لا بتلحقين عليها ان شاء الله بس انتي وش تبين تخصص
أيثار ناظر له بمتنان وراحه من حست بصوته الثقه :
والله مدري محتاره
طارق رفع حاجبه مستغرب :وش كان تخصصك بامريكا
أيثار :ادره واعمال
طارق سكت شوي يفكر :وانتي مقتنعه فيه
أيثار بتشتت:مدري انا كنت داخلته على شان امي كانت رغبتها بـ..
سكتت ومر ببالها الأوراق والفندق
طارق ناظر لها وبستغراب:وش فيك
يعني بتغيرين التخصص
أيثار بسرعه:لالا خلاص ابي أداره
طارق :
على خير ان شاءالله كلها كم يوم ويوصلك القبول وتداومين من اول السنه


أيثار بسعاده: مشكووور ياطارق
الله يجزاك خير

طارق ابتسم وهو يحس بسعاده
انه قدر يسوي شي لبنت عمه سلطان


امه بستغراب :وشلون ياطارق بتسجلها والتسجيل
فاات


طارق بمزحه:افا يمه مستهينه بولدك

امه بجزع:لا حشى لالله يولدي بس
ياطارق النظام يمنع


ضحك وهو يلتقط يدها ويقبلها:ياجعلني فداك
يمه امزح معك
..سكت شوي بعدها اخذ نفس وببتسامه..
يمه هاذي بنت سلطان
الجامعات بتتسابق على انهم يحضون بشرف
تعليمها عندهم

أيثار رفعت حاجبها من كلامه ماتنكر انها حست بالغرور
بس ليش قال كذا

بس بدون تردد سئلته :وش معنى بنت سلطان

طارق انلجم بسؤالها ماتوقع تسئله
فكر وش يرد عليها نفخ صدره وبغرور

قال :لنك بنت عم طارق

أيثار فتحت فمها بصدمه وهي تناظر له طاحت عينها بعينه
وهي تقول بدون شعور :مغروووور

هو جمد من نظرت عيونها ذبااحه عليها عيوون ماشاء الله
وساااع وكحيلاات
ورمووش كثييفه بعدسات لونها العســـلي
مقادر يرمش
هي انتبهت له وصدت عنه بسرعه وهي تلعن نفسها
كيف نطقت بالكلمه والله كبيره
بحقه
تعب عشانها بس هي صادقه مغروور
ولا كيف يقول كذا
...
همست بعتذار قليل ماتنطق فيه:سووري ياولد عمي

طارق بهدو وصوته ثقل شوي:مصار شي يستحق العتذار

ام طارق تهون عليها وبضحكه:ههههههه
يابنتي لاتعتذرين انتي صادقه هو مغرور

طارق لف لأمه وبعتراض:يييمه ههههه

امه بقهر:وش يمه انا صاادق لو مانت مغرور كان تطيعني

وتريح قليبي وتفرحني

طارق وفهمها:يمه ياعيوني ياعلني فداء رجليك
انا لو تبيني ارمي تفسي بالنار
والله لرميها
بس هالموضوع مقدر يمه مقدر ولا جبتي طاريه
تصيبني ضيقه

الجده بخوف:ياويل قلبي على وليدي والله صايبته عين ماصلت على النبي

أيثار مسكت ضحكتها وهي تشوف شكله قلب ..
طارق وصدق ضاق من
الخطيبه المزعومه:لا عين ولاهم يحزنون
العرس هو
العين براسه
لاحد يجيب طااريه لي وبعدين يمه قلت لكم البنت مااابها
ليش تغصبوني
عليها والله حراام وظلم لي ولها

جدته بزعل:وليش ظلم وبعدين البنت موافقه

طارق بقهر وقف:وانا ماني موافق يمه انتي و امي تعرفني الي تبونه انفذه
لو على قص رقبتي
بس هالموضوع والله والله فوق طاقتي مقدر عليه ارحمووني
عاد

امه بعصبيه:مكان هاذا راايك وليش غيرته

طارق يحاول يكتم غضبه ويتكلم بهدو:هاذ رايي من البدايه
وقلته لكم بس انتم مصرين انكم ماتسمعونه

مع احترامي لها كونها بنت عمي والله يستر عليها بس شخصيتها ماااتعجبني
قلت لكم قبل

انا شريكة حياتي غير عن
كذا وانا ابختارها
بنفسي صاحبة شخصيه قويه
وواثقه بنفسها لحد الغرور وعادي لو تكون دلوعه بس
دلعها مو تصنع حقيقي
ولايق عليها وطويله ووو ..سكت بصدمه وش قاعد يقول
هو مانتبه انه يقول موصفاتها. هز راسه..
يمه الله يخليك لي انسي انسي لين اجي واقولك
طالبك يمه ...يالله عن اذنكم تاخرت

على الشغل وفيه اجتماع مهم
من امس أجله


امه بزعل :ايه هاذا انت كل همك شغلــك
واهلك على جنب
طارق تقدم منها وحبها على راسها:يمه انا طول عمري بخدمة اهلي حتى الشغل لأهلي
ماطلعت عنهم وهاذا حلال ناس حطوه بأمانتي يايمه ماقدر اخلفه لهم وعد قطعته على نفسي
..وتحرك طالع

طلع وله 10دقايق وهي مركزه بمكانه وتسترجع كلامه
ومواصفات شريكته
الي ذكر ليش قال كذا
تنفست بعمق وهي تنهر نفسها بسرها
..ياغبيه
هو وش عرفه لك ولطبعك بس تفكيره كذا وقريب
من تفكيرك

:ترررف يمه

انفضت راسها وهي تلف لجدتها :هلا هلا جدتي

الجده:يابنتي ولد عمك طلع فكي غطاك

ماعندك احد

أيثار ابتسمت:ان شاء الله جدتي

ام طارق وقفت :خوذي راحتك يمه
العيال مايدخلون الا ويصوتون

أيثار تناظر لها تهز راسها لها وبسؤال:وين تبين ياخاله

ام طارق :بقولهم يحطون لك الفطور يمه

أيثار فزت بسرعه:والله ماتروحين اجلسي
انا اروح لهم

ام طارق جلست:الله يهديك يابنتي عادي مابها شي يعني كلها اصوت لهم
يجيبونه بس


أيثار ببتسامه:خالتي والله عيب علي اجلس وانتي تروحين تخدميني
ماكنت ولا عشت

الجده من قلبه تدعي :الله يكملك بعقلك يمه
ويوفقك ويرزقك بزوج الصالح ويرحم امك

والله ربت ونعم التربيه

أيثار راحت للمطبخ وهي مبتسمه
بسعاده على الدعاء للي يفرح القلب لها والمها

دخلت المطبخ وشافت الشغلات جالسات ويفطرن
وقفن من شافنها داخله

أيثار :السلام عليكم صبااح الخيير

ردو:وئليكم السلام سباح النور ماما
ترف
سحبت كرسي وجلست عليه:سانتي
جده فيه فتور

سانتي تهز راسها:يس ماما كلوو فتوور

راني وقفت:انتا يبي فتور

أيثار ناظرت لفطورهن خبز ويدامات منوعه :
اجلسي راني هذا فتوور انا يفطر
معكم عادي

سانتي تهز راسها :يس يس ماما انتي عادي يفتر معنا

راني لسى واقفه:اوكي ماما بسـ..

بعتراض وهي تبتسم:لاااراني كم مره قلت لك لا تقولين ماما
انا ترف ايش ترف

ولا ..وبضحكه..أيثار الي نسيووه وهو اسمي الحقيقي
راني تهز راسها:زين انتا ترف يبغى شائ ولا حليب

أيثار ببتسامه:شاائ

راني راحت تسوي الشائ وترف بدت تاكل
دقايق وجابت لها الشاي
خلصت وصارت تشرب شائ

وتسولف معهم ببستامه
شوي ودخلت ام طارق وناظرت لها بستغراب: ترووف حبيبتي انتي هنا وانا انتظرك تجين

أيثار لفت لها بسرعه :ليش خالتي محتاجه شي

ام طارق:لا بس عشان تفطرين

أيثار ببتسامه:تسلمين ياقلبي بس انا افطرت لقيتهم يفطرون وجلست افطر
معهم
ام طارق بصدمه:معهم افطرتي ليش ماحطو لك فطور جديد
أيثار هزت راسها بنفي:لا لا خالتي بس حارم الكل كثير وبعدين كانو يفطرون مابغيت اقومهم حراام
ام طارق بعجاب وبخاطرها احس هالبنت كنزز وكل يوم تصدمني بشي
..ـ
وعجابها يزيد فيها:مااشااء الله عليك يمه افطرتي معهم عشان ماتقويمنهم
عن فطورهم

أيثار تهز راسها:ايه خالتي ماله داعي
بس راني كثر الله خيرها صلحت لي شائ

ام طارق مشت وجلست عندها على الكرسي
بعد ماطلعن الشغلات من شافنها
دخلت والواضح ياخافن منها
:يابنتي حنا جايبينهن بفلوس عشان يشتغلن يعني لو
طلبتي شي منهن
عادي مابها شي
ترف بضيق:عارف خالتي بس حرام نغلبهم احيان حنى نقدر نسوي
الشي بانفسنا
ليش نزعجهم هم بالنهاية جو هنا وتغربو للحاجه
ليش نكون حنا والغربه عليهم

ام طارق لجمتها بكلامها وماقدرت ترد


شوي وهي تفكر
:جدتك عندها شغالات

أيثار ردت بهدو:ايه خالتي عندها
5 عاملات 4 تنظيف ووحده طباخه لن
امي مره كبيره يمان ولد عمي رواد جابهم
لها

ام طارق بصدمه:5شغالات
وش يسون كلهن

أيثار ابتسمت:خالتي بيت جدتي كبييير مره
صحيح دورين
بس الدور الواحد كبر البيت هاأذ مرتين

ام طارق بصدمه :الله اكبر كل هذا وجدتك ساكنه لوحدها

أيثار بضيق:ايه الله يعينها على كبره مووحش البيت ان مصار به ناس
كثار يبقى موحش على جماله وزينه

ام طارق ناظر فيها شوي وحست انها ضاقت
:ابسئلك ياترف

أيثار بتوتر وهي تخاف من شي اسمه سؤال:تفضلي

ام طارق:مرتاحه عندنا ولا ودك ترجعين هناك عند النايف..وتعمدت تقول النايف..


أيثار وفهمت مقصدها بس ماتدري ليش قالت الي بقلبها:
خالتي اكذب عليك لو قلت لا انا مرتاحه وبنفس الوقت
مو مرتاحه
والله مو عارف لنفسي ماكنت كذا متردد
بس ان شاء الله فتره وتعدي

ام طارق بمحاولت فهم وش يدور ببالها:ليش يابنتي مو مرتاحه
البنات يضايقنك بشي ولا عمامك ولا وش
بالضبط تراك بنتنا
ياترف

أيثار بفضفضه وماهي حاسه بنفسها الا ان هالمره
الحنون جالسه معها
ومحتويتهاا:ماعرف خالتي هم حبيبين معي بس
مــي ماحسها
تحبني ودايم تقط علي كلام
بس والله انا ماشيل بقلبي عليها ولا اذكر اني قلت لها شي

ام طارق ضحكت بسرها وهمست:من يلومها حست بالخطر
عارفه انها الخسرانه وشكلها بدت تخسر من الآن

أيثار انصدمت بردها:ليش خالتي

شهفت ام طارق فاهي ماتوفعت انها تكلمت
بصوت مسموع
وبتبرير:لا يبنتي لاتفهميني خطاء
بس هي غيووره ومن شافت الكل يهتم
فيك خافت تاخذين الضؤ

عنها شلون لو تعرف ان طارق هو الي قدم اوراقك
بالجااامعه
هههههههههه الستغفر الله بس مابي اتخيل

أيثار مفجووعه من هالعجوز كل شوي بمزاج مره زعلانه ومره تستجوب ومره
ضايقه ومره رايقه
ضحكت لضحكته وهي تسئل :ههههههههه ليش خالتي وش دخلها هي

ام طارق بضحكها:هههههه لنها العروس المرفوضه

من قبل ولدنا المبجل

أيثار ضحكت وهي ترفع الشاي لفمها بتشرب:ههههههههه خالي حلوووه
المبجل ياليت يسمعك ولدك المغروور

ام طارق ضحكت وبعتراض: هههههههه ولدي مبجل واتباها فيه بس مو مغروور

يوم يقول كلامه مشوين ترا يـ...
قطع كلامها

صوته من عند الباب الخارجي للمطبخ :ياوولد

فزت أيثار وهي تقول:حيااك خاالو ادخل

دخل ابو طارق ووقف يناظر لهم:ماشاءالله
اجتمعات بالمطبخ من وراي
يأم طارق

أيثار ضحكت وهي تسلم عليه:ههههههههع لا افا عليك خالي

وحنا نقدر نسوي شي من وراك
ولا وشرايك ياسجوو

ام طارق ضحكت :ههههههه انا اشهد ياتوتو

ابوطارق رفع حاجبه :سجو توتو
تطورنا يأ م طارق .رفع صوته ..تعاال ياطارق اسمع
امك

أيثار شهقت بخفه وهي ترفع الطرحه على راسها وتتلثم بسرعه


دخل طارق والبتسامه على وجهه:انا فدءا ام طارق من عمرها متطوره

وبعدين يابوي مايحق لها تتدلع باسمها وانت بنفسك تدلعها

ابو طارق ضحك:ههههههه غلبتني ياولد سجى
الا يحق لها ونص يابوك هاذي سجااوي حبيبة قلبي

ام طارق قلب وجهها احمر وتحركت طالعه من المطبخ وهي تقول:
امش تقهوه وافطر عند عمتي جالسه بالصاله

ابو طارق بحب مشى معها وهو يضحك: هههههه من عيووني ياعيوني

وقف طارق وعينه على أيثار الي متجمده
وماتحركت استغرب منها ليش لسى واقفه
شافها ترفع يدها
وتمسح عيونها
انصدم تبكي ليش
فتح فمه بيتكلم بس تراجع
ناظر فيها شوي وبعدين مشى بهدو
راجع مع طريقه
....ترف جلست على الكرسي وراها

وهي تكتم عبرتها موقف خالها وزوجته
مع ولدهم ذكرها بعايلتها الي تحت التراب

ذكرها بسلطان وكيف يدلع وجد

وقفت ومشت صاعده لغرفتها وهي تدعي ماينتبهون لها ويمسكونها





وصلت غرفتها بسلام
دخلت وسكرت الباب

وارتمت على سريرها تبكي شووق
وحزن لفرااقهم اليوم بس عرفت انها تفقدهم

ولحد المووت شووقها بيذبحها لهم بتمووت
وتشوفهم لو نظره من بعيد
بكت لمدت ربع ساعه بعد هالفتره تحاول تسكت مو قادره
تحس قلبها يوجعها وروحها بتطلع خلاااص مو قادره
تتحمل فوق طاقتها
صارت تدعي لهم بالرحمه دق جوالها
الي على الكومدينا عرفت من المتصل من
النغمه وقلبها قال لها
تعدلت وهي تسحبه وترد بسرعه :تررررف بمووت تهئئئئ
.شهقت
بقوه
من اثر البكاء...


بالجامعه

ترف شهقت بخووف:ايثااار وش فيييك
ايثار مسكت نفسها
:ترف اشتقت لهم ابيهم ياترف
ماقدر اعيش من دوونهم مقدر حاولت بس مقدر
ابمووت
ياترف والله ابمووت
ترف وقفت وبخوف ماهمها نظرات الناس الفضوليه
:اهدي ايثار
حبيبتي واذكري الله
قول لاإله الا الله

رددت وراها:لاإله لا الله

ترف تشيل اغراضها وتلف لصديقاتها:بنات انا لازم امشي

بنت خالتي تعبانه

وحده من صديقاتها:ماتشوف
شر حبيبتي

طلعت و بسرعه
قطعت التصال ودقت على
السواق دقايق وهو عندها
صارت تدق عليها ماترد

ماتت رعب ليش ماترد عليها قالت لسواق
يوصلها بيت
خوالها ونزلت ركض
شافت الباب مفتوح دخلت

~~~~~~~~~~~~~~~~~~~~
~~~~~~~~~~~~~~~~~~~~



........ـ
قدام الفيلاه كان جالس بسيارته

قبل يمشي جت سياره مسرعه ووقفت
هو بصدمه ناظر لها شاف البنت تنزل
وتركض للبيت الي فاتح
وتدخل نزل من
السياره وراح لسواق يسئله
:مرحبا

السواق:هلا مرحبا

طارق استغرب سعودي :لو سمحت
يأخ
مين البنت الي وصلت هنا
السائق ناظر له شاب بحدود 30بعوارض وملامح
رجوليه
ذباحه لو بنت خق عليه وقاله تزوجني

انتبه لنفسه:عفوو اخوي بس من انت ماعرفك حتى
اقولك

طارق رفع حاجب بس اعجبه رده:صح اعتذر ماعرفتك بنفسي
انا من اصحاب
البيت والصراحه خوفني شكل البنت وهي نازله
تركض

السائق دقق فيه :مدري والله
بس كانت تكلم بالتلفون وتصرخ
باسم بنت تبيها ترد عليها

طارق بتوتر:ومين البنت

السائق لاحظ خوفه:ممم اعتقد اسمها اثرا او ايثار كذا


طارق بستغراب:ايثار غريبه

تراجع ودخل البيت شاف ابوه وامه جالسين عند جدته

والجو هدوو
:السلام عليكم
الكل :وعليكم السلام
ابوه ناظر فيه:وش عندك رجعت ماكنت بتروح لشغلك
طارق يجلس وبباله بيسئل عن أيثار:ايه بروح بعد شوي
لسى الموضفين ماجتمعو
ابوه بعتاب:شلون تبيهم يجتمعون والمدير متاخر
طارق :لا ان شاء الله مراح اتاخر .الا بنت العمه
هنا وش عندها
جدته بستغراب :اي عمه
طارق :ترف
الجده استغربه :بسم الله عليك يمه مسخن

طارق فتح فمه: يمه والله شفتها تنزل من سيارتهم مسرعه وكنها خايف او شي
زي كذا
الصدق خفت وجيت اشوف وش فيه بس اشوفكم جالسين عادي
مصار شي
جدته بتفكير:انت من تقصد
طارق مستغرب:يمه ترف بنت عمتي ريفال من اقصد يعني
.
امه وقفت بخوف
:ليكوون بنت وجد بها شي
والله ماهي معجبتني من اصبحت
ابو طارق بخوف على بنت اخته:ليه وش فيها
ام طارق تحركت بتروح تشوفها:مدري والله بس بروح اشوفها الحين
طارق خاف صدق الي يشوف شكل ترف وهي داخل يخوف
:الله يستر
ابوه لف عليه وابتسم له يطمنه ..

بعد عشر دقايق رجعت ام طارق
وهم كانو بترقب
الجده بسرعه تكلمت:هاه بشري وش فيها
ام طارق جلست وبصوت حزين:مافيها شي بس تقول بنت ريفال انها
تذكرت اهلها وانهارت ويالله هدت والحين نايمه

ام سلطان:وش ذكرها فيهم
طارق تذكر موقفها بالمطبخ بقلبه يقول يمكن
جمتعهم مع امه وابوه ذكروها همس بأثر:وهي نستهم
يمه ألأم والاب شي عظيم مستحيل ننساهم
الجده همست:ايوالله انك صادق ياولدي









ّّّّّّّّّّّّّّّّّّّّّّّّ
الساعه 1 الظهر

فيلاة ام غالي



على الغداء
بصالة الطعام
ام غالي وغالي وابو نايف
وابو يمان ويمان
ونايف ومتعب

ينتظرون يكمل الغداء تقديم من قبل الخدم

اخر صحن لسلطه نزلته الشغلاه على الطاوله
ام غالي على راس الطاوله
:يالله بسم الله كولو

سمو و بدو ياكلنون

نايف يناظر لمتعب الي باخر الطاوله عقاب من الجده مفرقتهم
عن بعض
متعب مسوي مانتبه له
وياكل بأدب
غالي يراقبهم ويهديد بعيونه يعلم عليهم

بعد 5دقايق متعب ماقدر يسكت :جدتــي ليش الظلــم

الجده ناظر له بغضب:بـــس ولا كلمه
نايف انفجر ضحك:هههههههههه بالجبــهه
الجده لفت عليه:وانت ولا حرف
يمان وغالي انفجرو ضحك :ههههههههههههههههه
ههههههه
يمان حاول يكتم ضحكته :سووري
الجده لفت عليهم بعصبيه بس سكتت لنهم مو مثل ********
غالي كتم الضحكه ونزل راسه بصحنه...
نايف ومتعب انقهرووو طرطعو منهم
متعب وقف:الحمد الله كثر الله خيــــرك ياجدتي العزيييزه
..رمى لها بوسه بالهوا وطلع من الصاله...
نايف مشى وراه وسوا نفس سواته وهو يبتسم
بالغصب
ابو يمان يانظر لامه:يمه خفي عليهم والله انهم ضحكتنا
ام غالي ازفرت هوا قوي:والله ياولدي تعبوني بخبالهم ابيهم يعقلون شوي
ابو نايف يشجعها :ايوالله يمه عليك فيهم عقليـــهم وخاصة هالنايف والله انه رفع ضغطي
ابو يمان بزعل:على هونك يامتعب حرام عليك
والله انهم يوسعون صدورنا ويونسونا ونفقدهم
لو غابو

متعب كان راجع وسمع دفاع خاله صرخ بسعاده:ينصـــر دييينك يارواااد
ياعل عيني ماتبكيك

..
الجده طنشت متعب وهي تسئل غالي:غالي
غالي رفع راسه لها :سمي يمه

ام غالي:رحت لبنت اختك
غالي ناظر ليمان وسكت..
امه ناظرت له:وش فيك سكت اكيد مارحت
غالي تنفس بعمق:أســــف يمه بس مارحت
امــه ناظرت له بغضب:شلوون وليش مارحت هاذا رد
غالي سكت ماقدر يرد وش يقول اصلا مايقدر يقول شي
بعد مواجهة طارق والكلام الي قاله
والي عرفه افقده عقله هو اصلا مو مستوعب بس
سكت لنه على قولت طارق هو ماله حق يتكلم او يتدخل
هو مجرد خالها من امها من عايله وفخذ ثانيه
اخذ نفس وتكلم:ماقدرت يمه بس اوعدك قريب
امه :مكان كلامك امس وليش مارحت الصبح
غالي حس انه بزاويه محشور
هو مستحيل يتكلم ويقول شي حتى يمان الي سمع اخر الكلام
مو فاهم شي
:خلاص يمه ابروح العصر
وقف بضيق وطلع من المكان بصمت وامه تتبعه بعيونها
ابو يمان بعد خروج غالي لف عليها:اقول يمه وش اخبارها بنت سلطان
امه لفت عليه :بخير ماعليها تكلمني كل يوم
وتقول انها مرتاحها
ابو يمان همس:زين الحمد الله اهم شي تكون مرتاحه
..وقف ..كثر الله خيرك يالغاليه نعمه دايمه
امه:صحه وعافيه يمه

وقفت

والكل وقف معها وطلعو من الغرفه




"""""""""""""""""""""


فوق بجناح غالي

جلس بالصاله الصغير وهو يرفع السماعه
ويدق ارقام يحفظها زين

ممافيه رد مره مرتين ثلاث محاولات اتصال مافيه رد
عصب هو من وين يلقاها من امه ولا منها
تافف بقهر ودق ارقم البيت
بعصبيه
ثلاث رنات وجاه الرد
صوت حرمه كبيره:الوو
غالي بحترام سلم:السلام عليكم
ردت:هلا وعليكم السلام
غالي بهدو:معليش ياخاله على الزعاج بس
ممكن أيثار لني ادق عليها ماترد وانا ابيها ضروري
قولي لها خالك غالي
ام طارق :حياك الله ياغالي لا ياولدي لازعاج ولا شي
ان شاء الله دقايق انتظر شوي
غالي :طيب

ام طارق نزلت االسماعه ووقفت بتنادي أيثار

طارق الي دخل توه الصاله وسمع كلام امه
راقبها لين طلعت
وبسرعه رفع الخط :انا وش قلت مراح تشوفها
ريح عمرك ياغالي ولا بتصرف
غالي بعصبيه من سمع صوته:والله مالك دخل بنت اختي وانا حر اسوي الي ابي
طارق صرخ بعصبيه:وانا قلت لك مراح تشوفها وانت مصر على الي بتسويه
انا مامنعتك من شوفتها الا لمصلحتها
غالي صرخ عليه:مصلحه اي مصلحه الي تقول عليها
طارق بنفس الصراخ :ايه مصلحه انت ماتعرف شي عشان كذا خلك بعيد
غالي بدا يفقد اعصابه:انت وش تخربط كيف تبيني اصير بعيد وانا اشوف بنت اختي تضييييع
طارق بقوه :اسمعني زين مافيه احد كثري تهمه مصلحة أيثار ولا حتى انت
أيثار مسؤليتي أنا وبس فااهم ولتـ...سكت وهو يحس السماعه فيها صوت ثالث
عرف ان ايثار رفعتها
قال بتهديد:احذرك ياغالي تلعب من وراي
مع السلامه
سكر السماعه بعصبيه
وتعدل بجلسته
وهو يرفع راسه تجمد نظره و من الصدمه وقف على حيله

أيثار واقفه قدامه
وتناظر له بصدمه
كانت لافه طرحه ومتلثمه فيها وبعبايه كالعاده
نزل عيونه على التلفون كان متاكد ان فيه احد رفع الخط
من يكون وأيثار قدامه الحين


أيثار تناظر له مصدومه منه

همست بصدمه:ليــش










انتهـــــــــــــــــــــــــــــى

البارت

://///////////////////

البــــــــــــــارت العــــــــــــــاشر


: : :
. .
.



صرت ياماه احياء في شجوني دونآ امآ في مداها تحتويني

آآه ياماه من شوقآ حزيني سكن الذكرا بدمعي في سكوني


"""""""""""""""""""






أيثار تناظر له مصدومه منه ومن كلامه لخالها وتهديده
له كانت مو مستوعبه
:ليش

طارق ماعرف وش يرد:هاه


أيثار ويتردد كلامه ببالها

احذرك ياغالي تلعب من وراي

احذرك ياغالي تلعب من وراي

احذرك ياغالي تلعب من وراي

:ليش تحذره وش مسوي خالي

طارق
حاول يتكلم يقول شي وانقذه دخول امه
وصوتها :هاه يمه ترف كلمتي خالك
ايثار لفت عليها وبدون تفكير كانت تهز راسها بايه كلمته

ام طارق ناظرت لها وخافت شكلها كان فيها شي:ترف يابنتي
وش فيك خالك فيه شي او جدتك
هزت راسها :لا خالتي كلهم بخير عن اذنك بروح اكلم امي ييقول تبيني اكلمها

...تحركت راجعه مع طريقها
وعين طارق تتبعها

ام طارق تناظر له :طارق وش فيك تناظر البنت كذا عيب يمه
طارق بتوتر:اسف يمه بس استغربت ردها
امه بعدم فهم:ليش استغربت
طارق انتبه لفسه:لا يمه بس كلمت خالها وتغير شكلها وهي تودعه وشكلها
زعلانه منه

....ايثار الي صعدت فوق وقفت من سمعت سؤال امه له
انتظرت رده وستغربت حست ان فيه شي كبيير
بس مو عارفته كملت وراحت لغرفتها وهي تشغل جوالها الي كان بالشاحن
وتناظر فيه اربع مكالمات من خالها على طول اتصلت عليه
وهي تجلس على السرير:
الوو هلا خالي
غالي الي كان يغلي من طارق واسلوبه
:هلا ايثار وييينك عن الجووااااال
ايثار بعدت الجوال عنها شوي مصدومه من اصراخه:خـــــالي ريلاكس وش فيك معصــب
كذا
غالي هدا نفسه وبهدو ياحول يتحلى فيه:توتو حبيبتي ليش ماتردين على جوالك
اقلقتيني عليك
وخليتيني ادق على الثابت

أيثار بترقب: ومن رد عليك
غالي سكت شوي بعدين قال:مدري حرمه كبيره وقلت لها تقولك تردين على جوالك
وسكرته
أيثار تهاهت اكثر غالي وكذب عليها كيف بتعرف الي بينهم
:اها صح هاذي ام طارق جت وقالت لي عنك
غالي بسرعه:شوفي انا ابجي ازورك انا و ااالعصر اقصد
ايثار حست انه بيقول شي:انت لوحدك
غالي :ايه لوحدي شوفي كوني جاهزه وبتصل عليك خلي جوالك معك
ايثار بستغراب:طيب حياك الله
سكرت منه وهي محتاره اكثر
فيه وفي طارق
زفرت بقوه وهي ترمي نفسها على ورا فوق السرير
مستليقه عليه:يااااربي
وش هالحاله كل يوم اسرار والله كثرت السرار كيف ابحلها
الحين
.مممم موضوع الفندق هاذا قصه لازم اعرف مين الي يديرها
خالي جاد او مشهور او بدر لا لا ماعتقد لو كانو يعرفون
قالو لي على الاقل
او ياخذون توكيل
..انفخت هوى قوي..ااففف والي مسؤل الحين مامعه توكيل اكيد معه
بس شلووون ياربي انا شلون اعرف قـ...
لقــــتها قفزت وعلى المكتب الصغير الي باخر الاغرفه
فتحت الابتوب وشغلته :افتح افتح ياررربي
وش فيه هاذا علق
انفتحت الشاشه بصورة وجــد محمد تضحك وهي قافزه على البالونات الطايره
فتحت نافذة قوقل كروم
على طول شبكت النت ودخلت على قوقل
..وكتبت
فندق ألأيثار
جاري البحث
تم...
فندق ألأيثار
فتحت اول رابط
تقرير عن فندق ألأيثار

من المعلام المشهوره على مستوا القصيم
وهو يعتبر رمز لها بشكله الحظاري التراثي بنفس الوقت

حيث يربط بين الحظاره والتراث
بفكره لم يسبق لحد ان عمل فيها
من قبل

مؤسس
الفندق الستاذ سلطان طلال الجادي
قبل 20سنه
عندما فكر بالمشروع وعرضه على سمؤ الأمير
حين اطلع الأمير على المشروع اعجب فيه اشد العجاب
وشجعه على ان يقيمه
اقترض قروض عديده
واقام المشروع
بعد 7سنوات استطاع اتمام المشروع وافتتاحه

وبعدها 6سنوات استطاع تسديد كل القروض ألتي اقترض

واستمر بنجحات والمكاسب
لسنوااات عديده
وعند وفاته تحولت ملكية الفندق البنته الوحيده لكونها الوريثه الوحيده له
أيثار سلطان الجادي
وعندها سافرت زوجته وجد الجاد لأمريكا لتكملة ابنتها الدراسه
حسب ماعلمة مصادرنا
وحتى اهذي الحظه لم نتعرف على المدير العام
للفندق...


...صرخت بقهر:لااااااااااا
وليش بالله كيف اعرف
من هو هاذا صدق حريص بالله كم سنه يديره وحتى الصوره مـ..
صح ليش مابحث بالصور يمكن يطلع مستحيل ماله صوره

كتبت بالبحث مدير فندق ألأيثار
جاري البحث صور
.
.
.
.
.
.
.
.
.
:::لم يتم العثوور
صرخت وهي تسكر الجهاز بقوه:لااا تبـــــن عليك
من تكون طس اصلا مابي اعرف
خلاص مليت

تسندت على الكرسي
وهي تفكر مر ببالها طارق:ليش ماسئله هو بيقولي
اكيد مستحيل يردني وبيساعدني
..لا لا طارق هاذا نشبت فيه كثير كنه هو المسؤل عني
من من من
سلطـ..
لا هذا زعلانه منتـ.أ،هـ
ماقدرت تكمل لنها خنقتها العبره
من ذكره تموت قهر كل ماتذكرته
انه يبدي يمان عليها دايم بدت تكره يمان بسببه
مسحت دموعها بقوووه :ااف
منك ..نزلت دمعه ثانيه ومسحتها وثلاثه بكت سلطان هو الوحيد الي نزلت
دموعها منه كثير بعد امها وابوها

:اكرهك ياسلطان واكره قلبي الي اعتبرك اغلى من روحي

"""""""""""""""""


العصر الساعه 4:30
دق جوالها وشافته غالي على طول ردت

:هلا خالي


..غالي واقف بسيارته قدام البيت :هلا روري
انا عند الباب اطلعي لي
ايثار :اطلع وين برا
غالي بهدوو وعينه على سيارة طارق الي وقفت تو قدامه على الباب
نزل منها ودخل:
ايه بنروح انا وياك نتمشى شوي من زمان ماتمشينا مع بعض
وبالمره تشوفين جدتك الي تفكر فيك وناقله همك
ايثار مستغربه سلوبه:طيب خالي بس انا ماقلت لحد اني ابطلع
غالي عصبه:نعــم انتي طالعه مع خالك مو مع غريب حتى تستاذنين
ايثار بدت تقلق اسلوبه وتعامله تغير ليش
:خالي اهدى وش فيك موشرط غريب بس لازم يعرفون ابشوف خالي جاد
غالي زفر بغضب كاتمه:طيب بسرعه قولي لجدتك لن ماعتقد
فيه احد غيرها هنا
ايثار بهدو متوتر:طيب مع السلامه دقايق واطلع لك
وقفت وبدلت لبسها على السريع
ولبست العبايه ولطرحه تلثمت
وطلعت من غرفتها لفت يمين يسار مافيه احد والبنات كل وحده مسكره
غرفتها كالعاده
حتى منتصف اليل بعدها يطلعون
نزلة مع الدرج ووقفت بالنص وهي تشوف طارق واقف ويطرق برجله الارض وكانه ينتظر احد

ركزت فيه شوي وبعدها نزلت بهدووو
عند اخر عتبه انتبه لها هي كانت تنزل وتسترق النظر له
شافته انتبه لها تعدل ولف بتجاهها
وناظر لها بشكل متوتر مرتبك
اول مره تشوفه كذا
استغربة بس مستحيل تسئله
مشت شوي ووقفت وهي توجه له السؤال
:طارق شفت امي
طارق ابتلع ريقه وهمس وهو يهز راسه:لا
أيثار خافت من شكله بس ماعندها الجرأه تسئله
سكتت وتحركت لصاله
وجمدت وهي تسمع صوته الي فيه بحه وااضحه
وماتبين الا اذا توتر :أيــثــار

لفت عليه بهدوو ظاهري بس قلبها كان يدق بشكل عنيف
:نـعـ.ـم
طارق ماعرف وش يقول سكت شوي بعدين قال بتوتر:اـ غالي برا

أيثار هزت راسها بمعنا ادري:همم عـ.ـارفه
طارق بيمنعها من الخروج معه بس مو عارف كيف يقول
بتقول وش دخلك هو عارف
شخصيتها وطبعا بتفر فيه وتقول مالك دخل وتاكله بقشهوره
هي ضلت واقفه تتنظر وش وراه وهو
ساكت ومقابل لها
تذكر الي كان معه
قال بقهر:وبتروحين معهم
هزت راسها بس انتبهت لكلمته وهمست مستفسره:معهم من تقصد
قال بسرعه:غالي وولد خالتك
أيثار بصدمه:ولد خالتي ميـــن
طارق حس انها ماتدري عنه :سلطان الجادي
أيثار غرقت عيونها :ميين سلطان هنا مع غالي

استغرب ردت فعلها :ايه مع غالي
أيثار بغضب:عشان كذا يقول تعالي معي بالسياره
هذا ماقلت اني مابي اششوف وجهه مره ثانيه
خله يولي لصديقه الي يبديه علي
طارق مصدوم من كلامها وماهو فاهم شي:وانتي ليش معصبه اصلا وش علاقتك فيه
أيثار من قهرها على سلطان مو منتبهه ان طارق واقف قدامها ويسئلها باشياء ماله حق فيها
:لنه اخوي بس انا عايفه هالخوه خله يولي وماني رايحه لا معه ولا مع غالي هاذا
.ومشت معصبه صاعده فوق
دق جوالها الي كان بيدها وردت عليه وهي على الدرج
:نعــــــم جياب سلطان معك من قالك اني بشوفه امش من هنا ترا مو طالعه لك
سـ....

خر شي سمعه طارق وهي تلف بعد ماصعدت وتتجه لغرفتها
تحرك طالع من البيت حتى يشوفهم
ركب سيارته
وحرك شوي شوي وهو يراقب سيارة غالي الي تحركت مبتعده عن البيت

ويدور بباله سلطان وكيف يكون اخوها بس اكيد بالرضاعه اجل
شلون
دق جواله وبسرعه رفعه ورد

وعارف هوية المتصل:هلا يونس
يونس:_ـ___
طارق بعصبيه:قلت لك أجلووووه ماني جاي عندي شغل ماقدر احضر
يونس:
طارق صرخ عليه:انت ماتفهم خله يووولي
اصلا بعقلك أجرله المبنى كله بهالمبلغ
ولا حتى اتفاوض معه
وبعدين قلت لك خل سند يقابله انا مو مقابله
يونس:ـــــــــ
طارق سكت شوي يفكر :اقولك قله مسافر ومايقدر يحضر الا السبوع القادم
واحجز موعد معه الثلاثاء الساعه 4 العصر
يونس:ــــــ
طارق بنرفزه:ادري انه وقت مو مناسب عشان كذا قلت لك احجز فيه
بضيق عليه ياخي من الا اخر مابي اجتمع فيييييه
يونس:ــــــــــ
طارق:حلو الله يقويك واحرص انك ماتبين اني موجود هنا
يالله مع السلامه
...سكر منه ونزل الجوال قدامه
وصار يفكر وش يسوي الحين
غالي معاديه بشراسه ومافيه أمل انه يجلس معه ويتفاهم
بباله شي واحد اني ظالم ومستبد زفر هوا وضرب على الدركسون:
انا وش ذنبي كثير افكر اني مظلووم
اصلا انا مظلوم وبكل وقت
ولا كيف كل هالي انا فيه وماحد معي وحاس فيني
يمكن ابوي يعرف بعض الاشياء ومهون علي
وغالي ااااخ منك ياغالي
ماتوقعت بيوم انك بتكرهني وتعاديني كل هالعداوه
اااه ياااااااااارب
..لمح بالامرايه سيارته وراه...

لاااااااا وولد الجادي معك يارب وش السواه
غالي صاير فاقد هدووه المعروف فيه وصاير قنبله مؤقوته
باي لحضه تنفجر
وش السبب مكان كذا
اسرع بسيارته مبتعد ..
بس غالي وراه ولواضح يبيه
ماله مفر هدا ولف على جنب
بس الصدمه كان قدام مقر عمله وش هالمصيبه لاااااااااا
لف مع اول لفه وطلع لاكن غالي وقف قدامه
وبتلقائيه ربط بريك حتى يتفادها
وصار واقف على يسار سيارة غالي الي معترضه الفه
تلثم وضل جالس بسيارة
نزل غالي من السياره وسلطان وراه وشكله يكلمه يرجع لنه يمسك يده
وغالي ينفضها
وصل له وضرب الزجاج:
افتح ياطارق احسن لك والله لاالم الشارع عليك وعلمهم حقيقتك
طارق هز راسه بقهر غالي من الغضب نسي نفسه والمكان
فتح شوي حتى ياصل له الصوت:ابو نايف ..تعمد يقوله ابو نايف حتى يذكره من ولده هو...
تعوذ من الشيطان انت بمكان عام لاتفضحنا
انا مستعد نجلس ونتفاهم ووضحلك كل شي
انت مو معطيني فرصه
سلطان الي مو فاهم شي غير ان طارق يتدخل باخته وهو الي منعها تطلع معهم
على حسب قوله
مع انه متاكد انها هي الي رفضت تطلع لنها عرفت انه مع غالي
وسمع صوتها الواضح وهي تصرخ عليه بالجوال
مسك غالي:غالي انت بالشارع الله يخليك لا تفضحنا خلنا نجلس بمكان وتفاهمو
امسك اعصابك انت وش فيك
غالي نفض يده:بعد عني هاذا شخص مايستاهل حتى تكلمه بس والله لعلمه
قدره
طارق مانتبه لكلامه وعينه على يونس الي طلع من البوابه
وانتبه لسيارة طارق همس بقهر:خلنا نمشي من هنا الله يخليك ياغالي
ولك والله لك الي تبي بس لاتفضحني بهالمكان
غالي ماهمه كلامه فيه قهر بيفرغه فيه وباي مكاان
شاف رجال متجه لهم قرب منهم
:السلام عليكم
سلطان ناظر له:عليكم السلام
الرجل والي يكون يونس:عفوآ استاذ بس المكان ممنوع الوقوف فيه
سلطان بتوتر:طيب اخوي الحين نمشي اعذرنا بس صديقي تعطلت سيارته
يونس لف لجهت طارق ودقق النظر فيه هو متاكد من السياره بس صاحبها مو واضح
متلثم بدا يشك انها مسروقه

تقدم لها وطرق النافذه:استاذ لو سمحت

طارق بدا يدعي عليه هذا وش طلعه
طلع جواله ولف عنهم
وهو حاطه على جنب مخبيه عنهم
كتب رساله له(انا طارق الجاد هددهم بالشرطه لو مامشو قبل احد يطلع وانفضح
بسرعه يونس تكفى انا بورطه بس لاتنفذ تهديدك لنهم من ربعي ولتبين نك تعرفني)
ضغط ارسال ...تم ارسال الراسله
دق عليه وحط يده على الزر الاحمر ولف لهم وعينه عليه
شافه يطلع جواله من جيبه وناظر لرقم من شافه بيفتحه قطع التصال
وهو يترقب ابطى الجوال بيده فجائه لف عليه وكانه مصدوم
ولف لهم ورجع نظره له
طارق انهبل شلكه مفهي وبيسوي مصيبه
بس ارتاح وهو يسمعه
:لو سمحت يا أخ امشو من هنا فيه
مسؤلين الحين بيجوون انتم مسكرين الطريق
غالي صرخ فيه:اقول بعد عني وانت تعرف من انا
سلطان شهق بصدمه وش يقول هاذا بيفضحنا والله لو يعرف يمان ليولع فيه نااار
:حاضر بنمشي خلاص ..مسك يد غالي وبعصبيه...
خلااااص انت فضحتنا لو ماتحركت ابتصل على يمااان
يجي يتصرف لـ...
سكت وهو يشوف سيارات تاقف
صددددمه لهم ولطارق الي واقف وعينه على السيارات الي وقفت
نزل واحد ومنهم وقرب تبين لهم خالد
خالد انتبه لهم وبصدمه:غاااااالي سلطاااان وش تسوون هنا
سلطان متجمد يمـــان بيشنقهم بالموقف الي حطوه فيه
نزل واحد ثاني من السياره الي ورا سيارة خالد
:استاذ خالد وش صاير ليش توقفت
خالد ماعرف وش يرد
وهو يناظر لغالي وسلطان ينتظر تفسير
يونس طارت عيونه وعينه على طارق الي ستسلم واتكى على ورا ينتظر الفرج
حس بالغضب يعتريه وهو قليل مايغضب
تقدم من طارق وضرب النافذه بقوه :ياستااااااذ
طارق لف عليه بهم حاول يخفيه مو وقته
اخر الموعد بعد سبوعين يمكن يقدر يرتب كل اوراقه
مو بالسرعه ياربي فتح النافذه وهو يتكلم بجموود :نعــــم
يونس كان منقهر من شكله واضح انه بمصيبه هو يعــــــزه
ياما وياما ساعده بايام زنقته يكفي انه انتشله من الفقر الي كان فيه
وحاولو يطردونه بس هو تمسك فيه لين حطه سكرتيره الخاص
اخذ نفس وهو يرفع صوته عشان يسمعهم:يااااخ تحرك ماتشوف السيارات الي انت موقفها
ارجع على وراااا بســـــرعه يالله ولا ابتصل على الشرطه
طارق فتح فمه بصدمه وش يخربط هاذا
بس انتبه لنظرته وهو يقول :
ارجع الى ورااا وبعد عن الطريييييق يأخ
بسررعه
طارق بدون تفكير شغل وحرك بسرعه مرييووووس
ولف ومكان له طريق الا من تحت البواب داااس البنزين ومر متحتها
متعدي الموكب الي فوق 5سيارات
تنفس الصعداء وهو يمسك الطريق العام
ويلعن بغالي ويشتمه

......سلطان لف على خالد ولف نظره لرجال الي واقف بجنبه
وماعرف وش يرد بس انتبه للمكان وقال:اها ايه كنا حاجزين موعد
بس قالو لنا ان المدير ملغي كل مواعيده ومسافر لظرف طارئ
يونس لف عليه بصدمه وش عرفه يكون يعرف شي
ايه طارق قال انه صديقه
بس طارق لا يـ..
حس ان الي اسمه خالد يناديه:نعـــم
خالد:يونس وليش ماقلت لنا مديرك ملغي المواعيد
يونس وعينه على سلطان تروح وتجي :والله ياستاذ خالد كنت ابتصل عليك
بس قال استاذ سند بيقابلكم وتيفاهم معكم مثل ماتعرف انا مجرد سكرتير مابيدي الا الأوامر
خالد شتم بقهر:العنه لتــ.. ومن يضن نفسه عشان يماطل بمواعيده معنا
يونس بقهر:الستاذ مايماطل فيكم بس هو صدق عنده ظرف
..وبننظرت تهديد قال..ولو سمحت تكلم بأدب عن الستاذ
سلطان فاتح فمه كذب وطلعت صدق لا وخالد عنده موعد
بيبدى تحقيق بس من شاف الفاضه قال:خااالد وش فيك احترم الرجال بغيابه
خالد لف عنه وهو شاك بالي مشى قبل شوي هو يعرفه شافه قبل كذا
:ومن الي كان هنا قبل شوي شفت طريقته ومن وين طلع
يونس لف على سلطان بسرعه بيشوف رده
ومن اسلوبهم يعرفون بعض
غالي تحرك رايح لسيارته:سلطااان امش يالله والله ماتركه بسرعه قبل يرجع للبيت او يروح لمكان ماعرفه
سلطان ركض وراه ومتناسي وجود خالد:اقول امسك ارضك عدت قبل شوي لاكن الحين مستحيل اخليك تروح ولا والله
لقول ليمان
غالي كان ركب وسكر الباب
:هاذا كلام تهددني بيمان انجنينت انت
سلطان ركب وسكر الباب:والله ان كنت جنيت وفقدت عقلك لسبب تافه
لازم انبهك حتى لو تهديد
غالي صرخ فيه وهو يحرك ويمشي من قدام يمان الي صاد عنهم عشان مايبين للي كان بجنبه جالس
:انت احماااار ماتفهم طارق هاذا شايف نفسه فووق علينا على وشو
كل ماقلت شي قال لا حتى بنت اختي متحكم فيها ورافض اشوفها
سلطان :بنت اختك رفضت لنها عرفت اني معك سمعتها باذني
غالي صرخ:لنه هو الي قالها لو طالعه كان تفاهمنا معها وهدت النفوس يعني انت ماتبي ترا ضيها
سلطان بهم:اكيد والله اتمنى هاذا اليوم
مشوو مسافه وطارق ماله اثر


...........طارق بعد ما مشى مسافه هدى السرعه وهو يفكر بغالي وسلطان
ملازم يكونو اعداءه خاااصه سلطان لازم لازم يكون بصفه مهما يكون ولازم يسعى لهاشي
هدا وهو يبحث عن مقهى وقف على اول مقهى شافه
ودخل بهدوو المكان هادي
جلس وطلب قهوه طلع جواله واتصل على سلطاان
بس تراجع وهو يقطع التصال..
فتح الرسائل وكتب رساله له وارسلها وجلس يتقهوى وينتظر الرد



......غالي تعب من الفر ومشى راجع للبيت
سلطان سمع صوت الرساله طلع جواله وشاف الرساله من
طارق

(تعال انا بمقهى لـ.. بس بدون غالي ولا يعرف ابيك بموضوع)


سكر جواله ورجعه بمخباته
لف على غالي الي يطبخ من القهر :وين رايح الحين
غالي صرخ بقهر وهو يتذكر امه:لبليـــس
مدري وين اذلف امي متوعده فيني شلون اذا عرفت اني مارحت لها