البارت الثامن والعشرون
بالبيت الكبير والخالي وعلى القنفة الكبيرة بالذات قعدت مرام و بيدها الكتاب تذاكر لان الاختبارات ما بقى عليها شي .
بوسط اندماجها بالمذاكرة انطق باب البيت
قامت وحذفت الكتاب على الطاولة وبطلت الباب
لتجد حور امامها ببنطلونها الضيق المثير و البلوزة الورديه الفاتحة
حور طالعت مرام و نزلت نظارتها الشمسية : هاي
مرام : هلا وعليكم السلام
حور ابتسمت : شلونج ؟
مرام : تمام انتي شلونج ؟
حور : بتم واقفة برا
مرام : لا تفضلي
حور دشت وقعدت ع القنفة وحطت ريل على ريل
جلست مرام بجانبها صامتة
حور بعد فترة من الصمت : مرام اشتقتلج وايد
مرام : تشتاقلج العافية
حور لفت عليها : لا جد جد واااايد اشتقتلج
مرام : صامتة -
حور : ما اشتقتيلي ؟
مرام : كل يوم اشوفج بالمدرسة ليش اشتاقلج
حور : انتي جذابة انتي تحبيني وكل هذا مبين بعينج
مرام ابتسمت على الجنب : حور يبه خلاص شكلج وايد تطالعين أفلام
حور بضيقة : انا قع أتكلم جد
مرام : وانا ما تغشمرت
حور مسكت ذقن مرام : ما تحبيني
مرام وخرت أيدها ووقفت : حور لازم تفهمين شغلة هالحركات انا ما احبها
حور قاطعتها : بس قبل ما كنتي تعترضين
مرام بصراخ : قببلل - قلتيها قببل مو الحين
كل هذا من رفيجات كنت متعرفه عليهم - كنت ياهل ما اعرف قببل - والحين خلاص قمنا نعرف الصح من الغلط
حور : يعني انا غلط ؟
مرام : علاقتي فيج الغلط - وان قطعتها وصرنا رفيجات صح
حور بصراخ : رفيجات !!!!
مرام هزت راسها بتأييد : اي رفيجات وغير جذي لا
حور : مروم ادري انج معصبه بعلاقتي مع لجين عشان جذي قع تقولين هالحجي لا...
مرام تقاطعها : حور يا يبه يا حبيبتي انا مو قصدي جذي ولا تعلقين روحج باوهام وانا أصلا ما دريت عنج قلت لج غير رفيجات ما راح ارضى
حور شهقت : بس انا احبج
مرام مسكت راسها من اللي مو راضيه تفهم قبالها : حور انا بنام
حور : يعني طردة ؟؟!!
مرام قامت : لا مو طردة بس يا بخت من زار وخفف
حور شهقت وقامت و بجذب : الشرهه علي اللي يايتج لإنج كاسرة خاطري - انا لا احبج ولا هم يحزنون بس قلت اخفف عنج بهالكلمتين
وطلعت من البيت تبجي -
مرام قعدت ومسكت راسها : لا حول ولا قوة إلا بالله
...........
فوز تمت أيام كثيرة بدون اكل عايشة على الماي وبس ذابحة روحها يا شاقية روحها بالدراسة أو تفكير بضاري
نزلت من غرفتها بتييب ماي كالعادة نفس كل يوم لكن بآخر الدرج ظلمت الدنيا بعينها وحست بضباب لين ارتطمت بالارض بقسوة
.
.
.
فتحت عيونها بالطبيب لترى بيدها اليمنى إبرة المغذي التي تغذي جسمها وأخيها وأمها وأبيها القلقين عند رأسها والخوف يملأ أعينهم أم فوز وفهد و أبوها بأصوات متفرقة : فوز ... شلونج الحين ... شفييج طحتي
غمضت عينها عن الأصوات المزعجة والعالية بالنسبة لها
فوز بصوت متعب : خلاص بس سكتوا تكفون
فهد مسح على راسها : خلاص خلوها ترتاح شوي
أم فوز تبجي : شفييها ؟؟
أبو فوز : يمكن تعبت روحها واااايد بالدراسة
.
.
.
عقب ساعات طلعت فوز من الغرفة عقب ما خلصت من المغذي
و قعدت على الكراسي تنتظر صرف الأدوية
بالقسم الثاني من الطبيب كانت
فرح تصرف أدوية السكري ليدتها وشافت فوز وراحت لها
فرح : فوز شلونج ؟؟
فوز بتعب رفعت راسها : تمام
فرح : عرفتيني ؟
فوز : اي رفيجة سكينة ؟
فرح : اي
فوز بمجاملة : اي هلا
فرح : هلا فيج - وقعدت على الكرسي بجنبها شفيج ؟
فوز : لا ماكو شوية تعب
فرح حطت أيدها على كتف فوز : ويهج اصفر وباهت شفيج مو قع تهتمين بنفسج ؟؟
.
،
فهد عقب ما صرف الدوى وقف يطالع هالصبي الوقح اللي قاعد قبال أخته ويكلمها
فهد قرب و مسك فوز وطالع فرح : خيير ؟؟
فرح طالعته من فوق لتحت : خير بويهك
فهد لما سمع صوتها شك أنها بنت : انتي بنت ؟
فرح : اي
فهد : يالله فوز نمشي
فوز ابتسمت لفرح : بروح تبين شي
فرح : لا سلامتج قلبي
ولما راحوا
فوز : فشلتني مع البنت شفيك ؟؟
فهد خزها : لا ترافجين هالاشكال
فوز مالها خلق تناقش سكتت
........
سكينة قامت من النوم مالقت فرح يمها
دشت الحمام و خذت لها شور
طلعت وبدلت
ونزلت تحت تدور فرح ومرة وحدة تسلم على يدتها
لكن مسكتها ايد كبيرة على ايدها و لزقتها بطوفة الدرج
سكينه اخترعت وارتجفت كل خلية بجسمها لما شافت خال فرح السكران وهو حاشرها
سكينة صرخت بصوت خشن و خايف : وخرر عنني وخخخر
خال فرح وهو سكرااان : انتي ح ح حلو حلوة
سكينة حاولت تفك أيدها لكن كان أقوى منها بس بحكم قوة سكينه وعدم وعي الريال قدرت تدزه وتنحاش للغرفه
وهي تتنفس بقوة كبييييييرة وحتى دموعها ما قدرت تنزل من الصدمة
.................
هند طقت باب بيت مرام عقب ما كلمتها أنها بتيي
.
.
أما مرام حذفت كتابها وبطلت الباب وسلمت عليها
مرام : هلا هنوووود
هند : تدرسين هاه ؟
مرام حذفت الكتاب على قنفة الصالة : امشي فوق
.
.
راحوا فوق وبوسط سوالفهم
هند : حسراااااانه
مرام : ههههههههه انزين روحي الحمام لا تموتين
.
.
انطق باب البيت وفتحته مرام وسلمت على رفيجتها
مرام : عبوور روحي رفيجتي فوق بتروح الحمام وياية انا بروح اقول للخدامة تحط لكم شي
عبير صعدت وقعدت على سرير مرام تطقطق بفونها

طلعت هند من الحمام
والتفتت عبير على هند
وبشهقة وحدة وصوت وأحد من كل وحدة فيهم هند : عبيييير !!
عبير : هننننند !!!
.
.
.
قد تجمعنا الدنيا بلقاء احد لا نريده أبدا في حياتنا
كما قد تجمعنا باحبابنا
قد يدخل لحياتنا اشخاص لا نريدهم
كما يدخلها أشخاص لا نريد مفارقتهم
هكذا الدنيا ، ولهذا سميت دنيا !

البارت التاسع والعشرون
نزلت فوز من غرفتها وواضح عليها ملامح التعب كانت توها رادة من المستشفى :*
لبست بيجامة قطنية خفيفة ومريحة وربطت شعرها عنقوص و اول ما حطت ريلها بالصالة شافت امها على قعدتها من رجعوا من المستشفى وحاطة ايدها على قلبها وشكلها ما يطمن
فوز ركضت لها رغب تعبها بخوف : يمممة يمممة فيج شي يممة
مسكت امها
ام فوز وهي يالله تتحجى : ما فيني شي يمة ر روحي ارتاحي
فوز بصراخ هز البيت : فههههد فههههد
فهد نزل من غرفته وحتى بلوزته ما لبسها : ها شفيكم ؟
- شاف امه – يمه فييج شي ؟
فوز سندت امها على كتفها وفهد مسكها
فوز بدموع : انطرني بروح البس اي شي بسرعه ويايه
فهد : انا بالسيارة ييبي بلوزتي بطريجج بسرعه


.
.
.
مرام : شفيكم بسم الله !! شسالفه ؟؟
عبير وشفتها ترتجف : انتي ه هند اي هند امبلا
هند : ...................
مرام : شفيكم من وين تعرفون بعض شسالفة ؟؟
هند قعدت على سرير مرام وغطت ويهها بيدها
مرام مسكتها : هنود شفيج ؟
عبير صرخت بانفعال : امبلااا انتي هند ايي هند ما غيرج
مرام صرخت : ما تعلموني شسالفة شفييكم ؟؟
عبير اشرت على هند اللي قاعدة ع السرير : هذي رفيجتج ؟
مرام مسكت كتفين هند : اختي قبل لا تكون رفيجتي
هند صرخت بانفعال واضح : انتي شتبيين مني شيايبج ؟؟
عبير : الدنيا اللي جمعتنا يال###
مرام شهقت !!!
هند : جب محد ## هني غيرج يال##
عبير ضحكت بسخرية : هههههههههههههههههههههه
مرام من الصدمة ما نطقت ظلت واقفة
هند قامت : انا بطلع من هني
مرام : هنند شفييج ؟
عبير مسكت ذراع هند : تو الناس ما شبعت من شوفتج
هند نفضت ايدها منها كانها شي قذر : وخري عني مالج شغل فيني
مرام مسكت ايد هند ووقفت يمها : هنوود شفيج قولي
عبير : مافيها شي غير انها ###
مرام شهقت وصفقتها طراق محترم
عبير مسحت خدها من العوار : كسر ايدج يا – مدت ايدها بتطق مرام – لكن ايد مرام وقفتها ولفتها
هند : مروم لا توصخين ايدج بهالاشكال
عبير مسكت ايدها اللي عورتها حيل
مرام لفت على هند : شفيج ؟
هند غورقت عيونها : تتذكرين بارتي رجاء
مرام وهي تطالع عيون هند المغورقة : اي
هند : سلوى عرفتيها ؟
مرام : شفيها
هند : تتذكرين لمن كنا بالسيارة وقلت لكم سالفة اختها عبير
مرام استوعبت حطت ايدها على فمها : هذي عبيير ؟؟؟
هند هزت راسها ومسحت دموعها
مرام لفت على عبير اللي تطالعهم وصرخت : انتييييي !!!!
عبير ودموعها بعيونها : شكلج قلتي لها انزين متاكدة انج قلتي لها كل شي
مرام لفت على هند : ليش في شي ما قلتيه ؟
عبير : قلتي لها شسوييتي فيني ؟؟ قللتي
هند : قلت لها كللل شي وعلى اللي سويته فيج وهذا يزاج واقل من يزاج يال##
عبير : حسبي الله عليج
هند : لا تتحسبين كانج مظلومة انا اللي مفروض اتحسب عليج مو انتي
عبير : ابوي كرهني بسبتج , عشت ببيتي منبوذة بسبتج
هند : كل هذا بسبتج انتي لو انج ما تعرضتي لي ماكان صار اللي صار
عبير : والله ما راح اطوفها لج بالساهل يا هند وبتشوفين
مرام الدم وصل لراسها من العصبية دزت عبير : برااا براا لا اشوف ويهج بعد اليوم الله ياخذج وياخذ الساعة اللي عرفتج فيها
عبير : ما اشره عليج دام – اشرت على هند – هذي رفيجتج
مرام دزتها لمن طاحت بالارض : اططلعي براا لا اشوف ويهج هني طلعي
عبير قامت ومسكت ظهرها طالعت هند : تذكري اني بحطج ببالي انا لج يا هند وبتشوفين
هند : اعلى ما بخيلج اركبيه
مرام : طللللللعي
.
.
.
تركي واقف عند باب بيت فهد بينزل
لكن قعد مكانه لما شاف سيارة فهد تصفط عند البيت ونزلت منها فوز بعباية كتف ومسوية شعرها عنقوص وماسكة امها وفهد يساعدها
تركي نزل : فهد فههد
فهد لف وراح له : هلا تركي
تركي : عسى ماشر شفيكم ؟
فهد : لا ابد بس امي تعبت علينا ووديناها المستشفى
تركي : سلامتها ما تشوف شر
فهد : الشر ما ييك , حياك
تركي : لا شكلك مشغول خلها وقت ثاني
فهد : اقول بلا حجي زايد تفضل بس تفضل لا مشغول ولا شي
تركي ابتسم ودخل للديوانية مع فهد
.
.
.
بالبيت المتوسط
نزلت زين من الدرج وهي تشم ريحة البخور الغالي اللي من تشمه تدري ان فيه حريم بييون ., وهي مستغربة !
لمن دشت الصالة شافت امها قاعدة بدراعتها الحمراء اليديدة وتتكحل
زين : هلا بالحلوين
ام زين ابتسمت للمدللة واخر العنقود : هلا يومة قعدي قعدي
زين قعدت : شعندج كاشخة ؟
ام زين : عماتج بييونا
زين : افففف
ام زين : يومة عيب هالحجي
زين : متى بييون ؟
ام زين : الحين اتوقع
زين وقفت : عيل انا بروح لرفيجتي
ام زين تبدلت ملامحها لعصبية : يمه ما يصير هيجي حرام عليج عماتج من وين لوين ييون من زمان ما شافوج
زين بضحكة استهزاء : هههههه يمة الله يخليج مالي خلق اضحك اذا بيشوفوني بيسون نفس هذيج المرة يتحجون ويتناغزون اهما وبناتهم
ام زين : ما عليه يمه زين هذول محترين لانج احلى منهم
زين : هههههه فدوة عليج ولاني احلى منهم مابي اقعد مع ناس جياكر ههههه
ام زين ضربت كتفها : هههههههههههههه وويعه وانا
زين : لا انتي الزين كله اصلا انا على منو طالعة ؟ عليج انتي – وغمزت –
ام زين : ههههههههه يمة منج تصفصفين حجي
زين : هههه انزين يالحب اريد اروح
ام زين : روحي يمة امري لله
صعدت زين الدرج وبنصه اتصلت على مها وبعد ثلاث رنات ردت بصوت مبحوح : الو
زين : هلا مهوي
مها : هلا
زين تتصنع الاهتمام : شفيج قلب ؟
مها : ماكو شي
زين : لا شفيج قولي
مها : ماكو شي المهم زيون انا بصكه الحين
زين : لحظة انا بييلج الحين
مها : حياج الله
زين : الله يحييج
.
.
.
وصلت للبيت وهي تمسح دموعها اللي ما وقفت وريولها مو شايلتها
ابوها : لا تو الناس كان نمتي هناك احسن بعد
عبير : كان الشارع زحمة
ابوها : لا تكثرين حجي وذلفي وهذا ويهي ان خليتج تطلعين مرة ثانية
عبير راحت لغرفتها وهي تقول بنفسها " مو وقتك يا يبه مو وقتك لا تزيد علي "
- بطلت فونها ودشت على الملاحظات تتاكد انها سجلت عنوان هند – اللي نطرتها لين طلعت من بيت مرام ولحقتها لبيتها وسجلت عنوانها عشان جذي تاخرت برا وكملت كلامها
" وربي لتندمين يا هند وربي "

.
.
.
شاللي ناوية عليه يا عبير ؟
فوز معقولة بتنسى ضاري ؟
تركي هل راح يكون له نصيب بقلب فوز مثل ما يتمنى ؟
لوين بتوصلين يا زين من هالعلاقات المحرمة ؟

ترقبوا البارتات الياية
:* " حبايبي , قرائي , قارئاتي , لكل من تابعني وشجعني
اسفة كل الاسف على التاخر عليكم ,, كانت لدي ظروف , وعلى الرغم منها اعتذر لكم على تاخري في التنزيل
, لمن تواصل معي في الكيك ,, ولمن يريدون التواصل اريد تنبيهكم ان حسابي (_ ya_fahmni ) , وليس ( ya_fahmni) * هذه فتاة اخرى قد وصلتها رسائلكم عن الرواية لانها بنفس اسمي * اشكرها كثيرا على اعلامي بهذا الامر واشكركم
اختكم : يا فاهمني :$

البارت الثلاثون
زين مسحت على شعرها الغزير وهي تتنهد : خلاص مهوي لا تضايقين عمرج خلاص
مها اللي مقطعة روحها بجي : اقولج ما صار لهم سالفة بالمدرسة غيري انا وياج زيون صاروا يطلعون عني حجي ما ينقال وربي ما ينقال !
زين نزلت لمستوى
ركبة مها ومسكتها : لا تبجين خلاص عشاني انا شكثر طلعوا عني حجي وتكلموا عني بس ما يهمني
مها :بس انا يهمني , انا سمعتي تهمني يا زين
زين وقفت وبخبث تكسوه براءة مصطنعه منحتها اياها عيناها الواسعتان : مهوي حطي عينج بعيني ,انتي مو تحبيني خلاص مالج شغل فيهم
مها من شافت عيون زين ضاعت علومها وابتسمت : اي مالي شغل فيهم خل يقولون اللي يقولونه دامي معاج ماراح اهتم
زين ابتسمت لانها عارفة تاثير عيونها عدل : كفو عليج يالحب
*
*
مهلا ,, مهلا ,, لا استطيع ان اكتب هذه الجزئية وامر عليها مرور الكرام من دون ان اكلم قرائي الاعزاء .
ترى عزيزاتي" الفتيات" التي تقرأن لي الان ,
دعني اسألكن سؤال ’ هل ستخسرين سمعتك من اجل ان تحبي فتاة ؟؟؟؟؟!!!!!
هل ستسمحين بان يتكلم عنك الناس بكلام قذر يشوه سمعتك وسمعه اهلك من اجل فتاة ؟!!!!!!
لمن فعلت ذالك اسمحي لي بان اقول " انها غبية " اتدرون لماذا
لانها خسرت رضا ربها اولا قبل كل شئ وخسرت سمعتها بين الناس
لو ان " مها " لم تسمح لعلاقتها مع زين منذ البداية لم يكن ما حدث ليحدث
وعن كلامها انها لن تهتم لكلام الناس مشيا على قول المثل " كلام الناس ما يودي ولا ييب "
ساجاوب عليها بمثل اخر الا وهو " امش صح يحتار فيك عدوك "
ولو ان مها مشت صح من البداية لم يتجرا اي احد ان يتكلم عنها هكذا !!

.....................................
نرجع لروايتنا ,,
قامت هند من نومها وتحس العرق تارس جسمها والجو من حولها مرطب
هند وهي تلف بنظرها حول كل غرفتها : اففف شهالحر ؟؟
منو مطفي التكييف خرا عليه
نزلت ببيجامتها السماوية تحت تبي تشوف شسالفة
لقت فواز واقف على راس العمال وهم يصلحون التكييف
والغبار تارس المكان لانه طلع من الوحدة للتكييف
هند اول ما لامست ريولها سيراميك الصالة وشمت ريحة الغبار انتابتها نوبة سعال ( كحة ) قوية وحست ان صدرها يعورها حيل حطت ايدها على حلجها وكحت حيل لين دمعت عيونها ريولها ما قدرت تشيلها قعدت على ركبتها على سيراميك الصالة وهي ما زالت بعذاب الكحة وصدرها اللي يعورها خصوصا ان فيها ربو
قامت تبي تشيل عمرها عشان تروح لغرفتها تاخذ دوا الربو ( الفينتولين ) اللي ما تدري وين حاطته لان اخر مرة يتها هالحالة بالبيت قبل فترة
فواز سمع صوت احد يكح بالصالة بينما كان بغرفة مجاورة ولما طلع شاف هند قاعدة وماسكة راس وحدة من القنفات وتكح بقوة و ويهها احمر
ركض لها بسرعه ومن خوفه وصل لها بلحظة : هند هند شفيج
هندما قدرت تتكلم كل اللي سووته اشرت على صدرها انها مختنقة
فواز: فيج ربو ؟؟ جاوبيني تحجي فيج ربو ؟
هند هزت راسها بأي واشرت على الدرج
فواز : دواج وينه ؟؟؟
هند : م م كح كح كح م ما كح كح
فواز : ما تدرين ؟
هند هزت راسها
فواز بغى يموت من الخوف عليها ما قدر يوقف جذي شلها بين ايدينه وركض عالسيارة وتوجه لا قرب صيدلية
خذا الفينتولين وبسرعه راح وبطل باب السيارة من الصوب الثاني جدام وقعد قبال هند اللي نزل لها الكرسي اللي جدام عشان تنسدح وهي ما زالت تكح
رفع راسها بيده اليمين ودخل الفينتولين بفمها بيده اليسار و بخه هند ارتاحت وكانه الروح ردت لها من يديد
وقف فواز البخ لما شاف حالتها هدت
لكن هند كانت تبي بعد عشان يخف شوي عوار صدرها
حطت ايدها فوق ايده اللي على الدوا وبخت
وبعد بختين وخرت الدوا عنها وغمضت عيونها من التعب
فواز : ها شلونج الحين ؟
هند بصوت تعبان ويالله طلع : زينة
فواز ما اكتفى ومن خوفه عليها راح لاقرب مستشفى خاص عند دكتور استشاري عشان يتطمن عليها
.................................................. ....
مرام قاعدة بالصالة وكالعادة بيدها كتاب من هالكتب الدراسية قعد تراجعه
قطع عليها دراستها صوت جرس الباب اللي انطق
طنشته وكملت
راحت وحدة من الخدامات وبطلت الباب
: الاستاز الكبير وينو ؟
مرام عقدت حواجبها من سمعت صوت وحدة شكلها لبنانية عند الباب قامت تبي تشوف شسالفتها
مرام : oki Gen you can go


جين :
thanks


راحت وظلت مرام واقفة عند الباب
مرام : نعم بغيتي شي ؟
اللبنانية : ايه بدي الاستاز ابو عبد الله
مرام باستغراب : ليش انتي منو ؟
اللبنانية ابتسمت بدلع : موجود او لا ؟
مرام بكذب : اي موجود بس منو اقوله
اللبنانية : انتي بنتو صح ؟
مرام : اي
اللبنانية ابتسمت بانتصار : انا رفيئتو
مرام كان احد صاب عليها ماي بارد هالبنت اللي شكلها ما تعدت الواحد والعشرين ترافج ابوها !!
مرام : خلج واقفة هني - وصكت بويهها الباب -
بلعت ريقها واتصلت على ابوها من فونها وبعد سبع ثمان رنات رد بصوته الجهوري : نعم
مرام : سكتت
ابوها : مرام ؟
مرام : نعم
ابوها : شتبين
مرام : في وحدة يات البيت وتقول انها رفيجتك
ابوها ببرود : اي وحدة فيهم
مرام انصدمممت من هالرد الوقح اللي رد فيه عليها : مادري عنك
ابوها : ما تشوفيني مشغول شكو داقة علي على هالسبب التافه
مرام : اهيا بالحديقة وناطرتك عالعموم بس حبيت احط عندك خبر
ابوها : خلاص اخلص شغلي وتالي اشوف هالزبالة شتبي
- صكر الفون -
مرام وخرت الفون عن اذنها وابتسمت على الجنب باستهزاء
طلعت للحديقة شافتها قاعدة بتنورتها القصيرة والضيقة على واحد من الكراسي النحاسية الفخمة وحاطة ريل على ريل وشكلها معصبة
مرام : يقول يخلص شغله وبيي خلج هني لين ييج
- ودخلت داخل البيت -
.................................................. .....
فوز قامت من حضن امها اللي نامت معاها طول الليل من ردوا من المستشفى وغطتها ونزلت
قعدت بالصالة ومن الزهقة مهي عارفه شتسووي
جات على بالها فكرة وقامت للمطبخ
كانت تبي تسوي ريوق لاهلها عشان تفاجئهم لمن يقومون
لكن قبل لا تسوي شي ركضت بالدرج لغرفة فهد وبطلت الباب
شافت الدنيا ظلمة والمكيف بااارد والنور الوحيد هو نور الشمس المتسلل بنسبة قليلة من بردة الغرفة
فوز وقفت عند راس اخوها وابتسمت : فههههد فهد
فهد التفت لمصدر الصوت : هااا


فوز : قوم واللي يعافيك
فهد تلحف وعطاها ظهره : يا عمي طيري
فوز قعدت على طرف السرير وهزت كتفه : قووم فهوود تكفى
فهد : فوز شنو هذا - واشر على الباب -
فوز : باب بعد شنو
فهد : حلوو يعني تعرفينه
فوز : اي
فهد : طلعي برا وصكري الباب
فوز : فههههد
فهد غطى روحه بالكفر : طلللعي بناام واللي يرحم والديج
فوز تاففت وقامت
.
.
نزلت للمطبخ وقررت تسويه بروحها
بطلت الثلاجة وحطت اصبعها على حلجها : اممممم الحين شنو بسويلهم بيض عيوون اي اي بيض عيون واممم شنو بعد بسوي لامي وابوي حليب بالزنجبيل لانهم يحبونه وبسوي نسكافيه لي وفهود ما راح اسويله الجلب و الباقي خفايف جبن ولبنة وزيتون وبسوي فوول
اي يالله
طلعت البيض والبصل
وكسرتهم وقامت تحركه بالملعقة

فهد قام يتقلب يمين ويسار ما ياه نوم قام يدعي على فوز
ولما فقد الامل بالنوم قام ولبس ونزل ما شاف احد بالصالة والبيت هاااااااااادي شم ريحة اكل وراح المطبخ شاف فوز مشمرة كمومها وتطالع البصله وبيدها الثانية سكين
فهد ضحك : ههههههههههههههههههههه شقعد تسوين
فوز مدت بوزها : وانت شعليك
فهد : بذمتج قعد تقزين بالبصلة انتي
فوز : جب قعد احاول اقصها بس مادري شلون
فهد : الحين انتي شتسويين بالضبط
فوز : بسوي الريوق لامي وابوي
فهد : وانا مالي رب
فوز : لا والله قبل شوي كنت بقعدك عشان تونسني ما قمت
فهد : اي ذكرتيني ليش قومتيني يا مالج الصلاح طيرتي النوم
فوز ببراءة : كنت زهقانة
فهد : والله صج ههههههههههههه
فوز : انزين خل عنك الضحك الحين قولي شسوي بهذي
فهد : قالولج منال العالم شنو
فوز : اففف الحين شلون اقصها ما تنقص
فهد : اذا انتي بتسوين الريوق ماني ماكل انا ابي نفسي يبه ماني بايعها
فوز : هه هه هه ضحكتني تصدق اصلا من قالك بتاكل
فهد : ههههههههههههههههههههههههههههه
- دق فون فهد -
حطه سايلنت وقعد على الطاولة مالت المطبخ
فوز : افففف بلاها ماراح اسوي فول - وردت البصل مكانه -
دق فون فهد للمرة الثانية -
وحطه سايلنت
فوز : شفيك فهود ليش ما ترد والا بنت هااه
فهد : هههههههههههههههههه حلفي يعني الحين جاكتني
فوز : امبلا بنت وما تبي تحاجيها جدامي اعترف
فهد :هههههههههههههه هبلة وربي هبلة
لا بس هذا واحد من ربعي اللي قبل ايام الدراسة من زمان ما حاجاني وتوه يدق
فوز : حرام عليك اكيد مشتاقلك يبي يكلمك ليش ما ترد عليه
فهد : هه مشتاقلي !! يا معودة هذا بالذات بعيدة عنه انا ما صدقت فج عني
فوز : افف صج بس ليش شفيك عليه ما خبرتك حقود
فهد : لا مو حقود بس هذا سوالفه وخرابيطه ما تعجبني ولا نفس تفكيري ولا تفكير ربعي هالانسان مصلحجي درجة اولى وخبيث
فوز : اف كل هذا عيل صاج لا ترد
- دق فون فهد للمرة الثالثة -
فهد بصراخ وهو يحطه سايلنت : اففف ضاري بس عاد مابي ارد ما تفهم
فوز لما سمعت اسمه فز قلبها
يعني اللي يتكلم عنه فهد كان ضاري !!
اهوا صح كان رفيج فهد قبل لكن لفترة معينة وبهالفترة حبوا بعض اهوا وفوز
لفت ظهرها عن فواز وسووت روحها منشغلة تقلب البيض وتساقطت دموعها
على الحب اللي جمعهم , وعلى خيانتها لاخوها و اهلها وطلعتها وياه , وعلى مكالماتها الغرامية , وعلى خيانته لها , والاهم من هذا كله الكلام اللي سمعته من شوي عنه
.
.
"فوز اللي بقولج عنه ان ضاري ما يستاهل خيانتج لاهلج واخوج عشانه"
ومو بس فوز لكل بنت حطت ثقتها بشاب
اقولكم ترى اهلج اهم ورضا اهلج وسمعتهم اهم
ترضين ابوج باجر يمشي منزل راسه من اللي سوويتيه ؟
حتى لو انج ما غلطتي بزنا او شي محرم معاه
كافي انج خنتي اهلج بربطج معاه بعلاقة غير شرعية !
مثل ما فكرة ان بنت تحب بنت غلط
فكرة انج ترتبطين بعلاقة غير شرعية مع رجل غلط
اسال الله لكم الهداية احبتي واسال الله لكم التوفيق بحياتكم :$
................................
انسدحت على سريرها وهي حاطة الايباد بحضنها ومعليه على الصوت لاخره باغنية حاتم العراقي اللي اهيا وايد تحبها
اشوفك وين يا مهاجر قلي باي بلد صاير
قلي باي بلد صاير اشوفك وين يا مهاجر
فراقك مو سهل عندي ولا هي ازمة وتعدي
تعال وطيب الخاطر اشوفك وين يا مهاجر
فراقك علة العلة عقل بالراس ما خلا
ويوم اللي هاجرت والله فطر قلبي وصرت شاعر
..... : للحينج تسمعين حاتم ؟
التفت هند على الصوت اللي كلمها وشافت امها واقفة عند الباب
هند طالعتها ولفت ويهها ورجعت لوضعيتها السابقة
ام هند استغربت من ردة فعل بنتها وقعدت على طرف السرير عند ريولها : هنوود قلبي شفيج ؟
هند خنقتها العبرة لكن كابرت وهي تقول : متى ييتي ؟
ام هند وهي تمسح على ريول بنتها : توني وصلت وييت لج طايرة
هند ضحكت باستهزاء : صج لهالدرجة اشتقتي
ام هند : هنود شهالحجي - بجت وهي تمد ذرعها - ما تبين تسلمين على امج و تلمينها
هند ما قدرت تكابر اكثر طاحت بحضن امها وبجت
ام هند مسحت على شعرها : اشتقت لج وااااايد
هند : وانا بعد
ام هند : يبتلج فساتين واااايد حلوة من هناك ويبتلج فون يديد وكل شي تبينه
هند ذرفت دموعها : مابي فساتين ولا ابي فون ابيج انتي يمه والله محتاجتلج
ام هند : بسنا من هالحجي وقولي لي شمسوية
هند : ماكو عادي الوضع طبيعي
ام هند مسحت على خد بنتها : ليش ضعفانة ؟
هند : الا قولي متنانة
ام هند : لا والله ضعفانة وويهج اصفر
هند : ماكو شي انتي قولي لي جم يوم بتقعدين
ام هند : بعد شوي بمشي
هند اتسعت عيونها : تو الناس مو توج واصلة
ام هند : امبلا بس ناصر مستعيل على ما اروح السوق الحين واخذ لي اغراض بالليل بنروح
هند : لا تروحين السوق قعدي معاي لي الليل
ام هند : هنودة ما يصير ماما انا ابي السوق انا ييت هني عشان ال..
قاطعتها هند وهي تبجي : عشان السوق صح !! كملي ليش سكتي يعني مو ياية عشاني قلتي يالله خن امر هالمسكينة اشوفها
ام هند : لا يمة لا تفهميني غلط
هند بجت وبصراخ : امبلا هذاا انتي عمرج ما تغيرتي عممرج ما تغيرتي عندج السوق الطلعة والروحه اهم من بنتج طلعي براا
ام هند : هند صبري
هند اشرت على الباب : طلعي برا ماابي اشوف ويهج
ام هند انتبهت لقطنة فيها دم بنص ايدها مسكت ايدها : هند شنو هذا شفيج ليش خذيتي ابرة انتي تعبانة ؟
هند نفضت ايدها من امها وصرخت : تعباانة ولا بمووت مو شغلج طلعي برا طلععي
..............................................
مرام صكت كتابها اللي خلصت اليوم من دراسته وحطته بطريقة مرتبة داخل مكتبها الدراسي
والتفتت على صوت الباب اللي طق : تفضل
دخلت جين :
ms Maram your dad is down he want you know


انسة مرام اباك بالاسفل وهو يريدكي حالا "
مرام حركت راسها : اوكي
.
.
ونزلت لابوها اللي قاعد بمنتصف الصالة الكبيرة وبيده فونه وهو يعدل نظارته الطبية وعاقد حواجبه
مرام تنهدت : ناديتني ؟
ابو مرام : اي , انتي صج حسابج صفر بالبنك
مرام : اي
ابو مرام : وهالحجي من متى
مرام : صارله فترة
ابو مرام قام بعصبية : وشحقة ما تحجيتي
مرام : كنت يايتك الشركة بقولك بس ... سكتت
ابو مرام ضيق عيونه : بس شنو ؟
مرام : ولا شي
ابو مرام تذكر : المهم ما علينا ,, انا نزلت بحسابج مبلغ محترم ومرة ثانية لمن يفضى حسابج علميني مو بنت ال.... اللي يفضى حسابها
مرام : يصير خير مني لي هذاك الوقت
ابو مرام : هذاني علمتج ونبهتج مو مرة ثانية يفضى حسابج وتقعدين تطرين على بو ما تبين تحاجيني
مرام اتسعت عيونها : اطر !! انا عمري ما مديت ايدي لاحد حتى لو كنت محتاجة
ابو مرام : لا يكثر وذلفي
مرام صعدت لغرفتها والدمع خاواها من حجي ابوها اللي مثل السم

البارت الواحد والثلاثون
يوم الخميس //
اخر يوم دراسي بالاسبوع
واخر يوم دوام كامل للطلبة قبل الاختبارات النهائية
هند الصبح اول ما طلعت من الحمام وهي لافة فوطتها حول جسمها وتنشف شعرها بفوطة زرقة صغيرة وتبطل الادراج بطريقة سريعه وعشوائية تدور الستريت : افففف وين حطيته هذا بعد
اي كاهو بطلته تبي تسوي شعرها ع السريع عشان لا تتاخر على المدرسة لان الباص بيوصل بعد شوي
لكن حظها النحس واللي دايما موديها بستين داهية ان الستريت كان خربان )
هند تضغط عليه مليوون مرة وتصارخ من قمة راسها : لا لا لا لا لااااااا مو وقتتتتتك لاا
اففففف ليييش ليييش جذي حظي لييييش
قطته على التسريحة وهي تنافخ وتسب وتلعن على هالصبح
تلاحقت عمرها ولبست ثيابها المدرسة عشان تلحق ترقع بشعرها اللي لمن ينشف عنه الماي بيصير شمس
خلصت وقعدت على الكرسي قبال المنظرة وهي ماسكة المشط وتمشط شعرها على امل يهبط
: اففف انزين وين الاستشوار خن اقوم ادوره
توها بتبطل الدرج تدور الا تسمع صوت هرن الباص من دريشة غرفتها صكت الدرج بقوة وهي شوي وتبجي
بسرعه بسرعه لبست جوتيها وخذت جنطتها ولقطت تاج اخضر فسفوري ضعيف من التسريحة وطلعت ركض
وهي تتحلطم
و اول ما ركبت الباص التفتت على رفيجاتها الخبلات
روان ماسكه حلجها و تضحك : هههههههههههههههههه شفيج جذي حشى جنج اسد طاب علينا من الغابة
هند وهي تلبس تاجها عل وعسى يرقع : هه هه ههه ضحكتيني تصدقين جب بس جب يعلني اشوف فيج يوم يا رويينوه
بشاير : هههههههههههه ما عليج هنودة روان محترة من شعرج الناعم هههههههههههههههههههه
هند : جب انتي الثانية تتطنزين ما عليه انا اعلمج
.................................................. ....................
زين قامت متاخر ونزلت تحت وما حطت بحلجها لقمة
لقت امها قاعدة وتقرا مجلة ازياء
زين وهي تعدل شعرها من منظرة الصالة الكبيرة : هههههه يمة بذمتج ما كبرتي على هالسوالف
ام زين : جبي بس جبي وذلفي مدرستج
زين قربت منها وهي ماسكة بطنها من الضحك : ههههههههههههههههه - ضنتها - فدوة على اللي يتشببون انا
ام زين صكت خشمها : زيوون اكلي شي الله ياخذج ريحه حلجج صرعتني
زين ضحكت ونفخت بويهه امها متعمدة : ههههههههههههههههه
ام زين بعصبية : وييع وخري عني حشى صبي صبي مو بنت
زين : يمااااه عاد يالله عن العيارة توني غسلت اسناني
ام زين : بس حتى ولو لازم تاكلين عشان ما يطلع لحلجج ريحه
زين : هههههههههههههههههههههههههههههه انزين الحين اكل تامر الحجية
وخذت لها توست وقعدت بالصالة على فونها تنطر سليمان على ما ينزل
.................................................. ................
بالمدرسة :*
روان مكتفة ايدينها بالصف تطالع هند : يالله هنود امشي لاحقة عالقعدة بالصف امشي خن نتمشى قبل الزفت الطابور
هند قبال منظرة البروجكتر تعدل شعرها : افففف ابجي ولا ابجي هااه ما تقولين لي - كشت على عمرها - لو غايبة مو احسن افففف
روان ما قدرت تستحمل وبطتها ضحك : هههههههههههههههههههههه
هند تطالعها من المنظرة : اي ضحكي ضحكي ضحكتي بدون ضروس انشالله لكن ما عليه مقيوله يعلني اشوف فيج يوم يا رويين
دخلت زين وهي تتمغط للصف وشافت هند وروان
لفت على روان : شلونج
روان كاتمة ضحكتها على هند : حمد لله الله يسلمج
لفت زين على هند ولما شافت شكلها ماااا قدرت تسكت : هههههههههههههههههههههههه شفيج متكهربة ببيتكم وياية
هند : هه هه تبين اضحك مثلا
زين وروان تسدحوا من الضحك على شكل هند وهي تتكلم
.................................................. ..........
بمكان اخر بالمدرسة :*
بغرفة الاذاعة - مرام و فوز يسولفون
مرام : و
هذا كل اللي صار
فوز : وليش ما قلتي لي وقتها
مرام : ما يات على بالي السالفة نسيت
فوز : وله عين بعد
مرام : ليش في شي احنا ما ندري عنه
فوزبغصة " قالت لها كل السالفه "
مرام : ما استبعدت منه هالشي ابد
فوز: عسى الله يسهل دربه ومثل ما باعني حتى انا بروح بطريجي وما بلتفت له
مرام وقفت ومدت لفوز ايدها توقفها : يالله امشي خن نتمشى برا
.................................................. ..............
عقب ما مرت هالجم ساعه وخلص الطابور اللي هند ما حضرته من الفشيله وخلصت الحصتين الاولى والثانية
هند تتمغط بمكانها وتتثاوب : افففففففففف زههقت من هالمراجعات - وترفع ايدها للسما - روحي يعلج يا ابلة بدرية ما تتوفقين لانج خليتيني اداوم غصب
زين : هههههههههه شسووت هالمسكينة
هند : وقعتني على الانذار الثالث للغياب وقالت لي ان ماداومت اليوم ماراح احضر اختبارات الفاينل
زين : اها عيل جذي السالفه المهم يا بقه
هند تتثاوب : هاا
زين : بما ان اليوم اخر يوم قبل الفاينل شرايج نسوي شي مينون
هند : فوقه
زين سحبتها : يالله امشي قبل لا تيي الابلة خن نهرب
هند طالعتها بنص عين : الحين ذابحتني شي مينون وشي مينون واخرتها هذا ينونج
زين : ههههههههههه لأ لأ هنود عيب انتي جذي تسبيني انا قلت لج امشي خن نهرب كخطوة اولى بس
هند رفعت كتوفها وميلت بوزها : عيل خن نشوف ينونج
التفت ايدين زين حول معصم هند النحيل وركضت فيها لين ما صار الهواء يتخلل بين شعرها وصار يتطاير بالرغم من نكوشه بالهواء الين ما وصلوا لتحت الدرج
ولما وقفوا هند تحاول تلتقط انفاسها :تعبت يا مال شقول
زين بهمس : اششش سمعي اختبارات الفاينل الاسبوع الياي صح
هند : اي
زين : انتي واثقة انج بتنجين ؟
هند : شهالحجي انشالله كلنا بننجح
زين : انشالله بس نبي شي عالاقل يظمن يعني نتكل عليه ولو شوي
هند : واللي هو
زين حركت واجبها بطريقه مضحكة : الشفوي
هند : هه هه ضحكتيني قال شفوي قال حبيبتي منو اللي يعتمد على الشفوي انا وياج شنغل ومنقل يا عمي غسلي ايدج
زين : وعشان احنا على قولتج الشفوي صفر نبي نضمنه
هند : زيين تكلمي بطريقة مباشرة كلام الالغاز ما احبه
زين : يعني بندش على مكتب الابلات ونغير بدرجات الشفوي
هند : مينونة انتي ولا مينونة شلون ؟
زين : عاد شلون وكيف و how - ضربت صدرها - خليها على زيون
.................................................
مرام وهي بطريجها للحاسوب شافت حور
سووت روحها ما انتبهت وكملت طريقها لكن تفاجات بايد مثل الحرير التفت على معصمها وبان منها فرق اللون الشاااسع بين بشرة مرام وبياض بشرتها
حور : ممكن اكلمج شوي لو ما عليج امر
مرام : اسمعج
حور وخرت ايدها وبعبرة : ليش تتجاهليني وما تبين تشوفيني ؟
مرام : ما تجاهلتج
حور بسرعه : امبلا تجاهلتيني , مرام انا احبج ولا يمك..
قاطعتها مرام : اتوقع تحجينا بهالموضوع من قبل
تغيرت ملامح حور لضيقة وذرفت دموع : انزين راضية خلااص ما ابي اكون حبيبتج بس عالاقل رفيجتج عبريني
مرام انكسر خاطرها لما شافتها طلعت كلينكس ومدته لها : انا قلت لج ابيج صديقة من قبل بس انتي ما رضيتي
حور وهي تمسح دموعها : ما توقعت منج هالتجاهل
مرام : ما عليه حور سامحيني حقج علي
حور ابتسمت لين بينت صفة اسنانها اللي جنها لولو : مسامحه
.................................................. ..........
اما فوز طلعت من مكتب ابلة الكيمياء مبتسمة على الثناء والمدح اللي قدمته الابله لها جدام القسم لمن ودت اغراضها ولكن اللي خرب عليها هالوناسة
خلود : فوز
فوز كشرت بملامحها وكملت طريجها

خلود ركضت وسبقتها لين ما صارت قبالها بالضبط : فوز الله يخليج سمعيني
فوز : ما ابي اسمع منج ولا كلمة ويلا فارجي
خلود بعبرة : فوز شفيج عمرج ما كنتي قاسية جذي انتي مو فوز اللي اعرفها اللي كلامها مثل نسمه الهواء موو انتي
فوز ابتسمت باستهزاء وذرفت دمعه : انتي بالذات ما اقدر ارد وياج مثل قبل تدرين ليش , لان تصرفج هذاك اليوم كان قمة بالحقارة
خلود تكلمت وهي صدرها ينزل ويرجع من القهر وهي تبجي : ما سويت جذي الا لاني اح...
فوز قاطعتها : وانا قلت لج اني كلللش مو جذي
خلود مسكت ايدها : انزيين بوخر عنج وما راح تشوفين ويهي بعد بس سامحيني
فوز سحبت ايدها منها بقرف : عاد والله هذا شي راجعلي
ومشت وتركت خلود منهارة ومحطمة
.................................................. ....
عند زين و هند اللي دشوا مكتب ابلات الاجتماعيات وسرقوا دفتر الدرجات لمن تاكدوا ان القسم فاضي وغيروا على كيفهم درجاتهم قبل لا يسلمونها
ونفس الشي مروا كل قسم واذا كان فاضي سووا نفس الحركة
لكن في مثل يقول " مو كل مرة تسلم الجرة " .
عند قسم الرياضيات القطت هند انفاسها وتلفتت يمين ويسار وتوها بتخط على دفتر درجات الابلة مصير درجتها
رئيسة القسم : تعالي انتي وياها
هند قطت القلم مخترعه وقلب ويهها الوان ونفس الشي زين
رئيسة القسم بحزم : شكنتوا تسوون
زين : كنا نحط الدفاتر
هند : اي اي كنا نحطهم
رئيسة القسم بشك : وشقاعد تسويين بدفتر الابلة
هند : الله يسلمج كان فيه علج وقلت اوخره بالقلم
زين بغت تضحك على ترقيعه هند البايخه ب تمالكت نفسها
رئيسة القسم : علج هاا عالعموم طلعي انتي وياها برا وعن التليقف بدفاتر الابلات
هند وزين : انشالله
ولما طلعوا بطوها ضحححك
.................................................. ..
الحصة الخامسة - الحصة الغثيثة الطويلة من بين الحصص الدراسية
فوز ومرام منتبهين بشده بينما العيون من حولهم تراقبهم باعجاب
خلوود حطت ايدها على خدها ومن المقعد الاخير كانت تتامل فوز
اما فوز كانت مرتبكة حيل من طاري الاختبارات وتخاف تسوي نفس اختبار الانجليزي هذاك اليوم
.
.
.
بعكس الطلاب اللي كانوا زهقانين بحصصهم
هند و زين كانوا فرارة بالمدرسة
لكن بنص الدرج وهم يركضون منحاشين من ابلة بدرية حست زين باحساس غريب ممزوج بالثقل وهي تركض وقفت ومسكت راسها لانها تحس الجو حار من حولها والجو تحول لالوان غريبة من حولها وحتى صوت هند اللي يناديها تحسه بعييد يعييد
هند مسكت زين اللي اختل توازنها وطاحت عليها : زيين زيوون شفيج
زين غمضت عيونها وقالت بصعوبة : مادري مسكيني هند مسكيني
هند : انشالله
وقعدتها على درجه من درجات الدرج وهي تسمي عليها
لكن لما شافت ان حاله زين كل مالها وتسوء سندتها على كتفها وراحت للمرضة
.
.
.
عند الممرضة فحصوا ضغطها وكان واااااااااااااااااااايد نازل بس الحمد لله الله ستر
.................................................. ..........
سامحوني البارت قصير ادري والاحداث شوية لكن انشالله اذا الله عطانا عمر ب تستانسون او يمكن تبجون " ما يندرى ^_*

البارت الثاني والثلاثون
مر أسبوع الدراسه ثقيل و بطيء
ولكل بطل من الأبطال كان له حدث :*
خن نشوف كل واحد من الأبطال شصارله بهالاسبوع ....
راكان كان طااير من الفرحة لانه راح لبيت رفيجه فهد وشاف فوز
.
.
أما بعكس راكان المتفائل و السعيد جداً بلقاء فوز فكان هناك من يضرب اخماسا بأسداسا بفراقها و رؤية دموعها بذاك الموقف الغبي قطع قلبه مليووون قطعة
منى خلاااص آنا ما قلتلج عشان تعاتبين و تقولين اللي فيني مكفيني الله يخليج ، آنا قلت لج عشان تروحين لها تكفيين منى فهميني
منى : لا ، ضاري سوري ما اقدر اخاف اروح لاااا اخاف البنت تردني ولا حتى ما تحاجيني و بعدين ضاري بصراحة انت ما تستاهل فوز - اي لا تطالعني جذي ما تستاهلها فوز ذهبة تعرف شنو يعني ذهبه
ضاري مسك راسه لما تذكر منظر دموعها : تكفين منى تكفييين روحي لها تكفيييين
منى غمضت عيونها و تنهدت : متى اروحلها ؟
ضاري يسحبها : الحين الحين تروحين
منى تسحب أيدها منه : صبر صبر ابدل
ضاري : بسرعة منى بسرعة الله يخليج و ربي بموت وربي
منى اللي بغت تبجي من منظر اخوها : اوكي أوكي خمس دقايق بس
.
.
أما محطمة القلوب فوز و آسرتهم كانت بغرفتها تدرس وبينما كانت تقلب صفحة من صفحات كتاب العربي شافت براس الصفحة حرف (d) كبير بلون الحبر الأحمر كانت كاتبته وهي سرحانه بإحدى حصص اللغه العربية الكئيبة نزلت دمعة حائرة تمثل معاناتها بفراقه او بالأحرى خيانته و عضت طرف شفتها السفلية لما حست بالدموع اللي ورا بعض تنحدر من خدها غطت ويهها بيدينها و ابتداء نواحها وفجأة اندق باب غرفتها وسمعت صوت فهد : فوز فووز
مسحت دموعها وتحكمت برجفة صوتها : هلا فهد
فهد : انا طالع تبين شي ؟
فوز انسدحت وغطت عمرها بفراشها : لا
فهد من ورا الباب وهو عاقد حواجبه : فوز ! فيج شي ؟
فوز : لا ماكو شي
فوز هز راسه : اوكي - وراح
بعد غياب صوت فهد قامت فوز ودخلت الحمام تتسبح يمكن تلتهي وتنسى لكن خاب ظنها لان دموعها اختلطت بماي المسبح قعدت داخل البانيو وضمت ريولها لبعضها وتعالت شهقاتها
.....
أما هند كانت زهقانه بكل ما تحمله الكلمة من معنى !
بعثرت كل كتبها الدراسية حولها وقعدت تطالعهم وهي حاطة ايدها على خدها
هند : افففف مالي خلق ادرس لا أحياء ولا كيمياء ولا فيزياء ولا اجتماعيات ولا انجليزي ولا عربي افففف عيل شدرس ؟؟؟
حذفت كل الكتب و مسكت فونها شافت ثلاث رسايل واتس اب بطلتها وهي مستغربة من الرقم الغريب
_________________________
دنووش وينج يا جلبه وربي اشتقنا
يلا عاد
اي شوفي كشختي اليوم بالعزيمة شرايج فيها
- والرسالة الثالثة - كانت صورة لبنت بغااااية الجمال بفستان قصير وشعرها طوييل
_____________________________
هند كانت اول ردة فعل لها لمن شافت الصورة : منو هذي ما اعرفها ومنو دنوش ؟؟ بس حرام البنت اكيد غلطانة وقع تدز لي صورها
دزت لها هند
_________________________
حبيبتي شكلج غلطانة انا مو دنوش
__________________________
ولمن نطرت ترد عليها وما ردت صكت الفون ونامت
.
.
.
اما مرام كانت مثل عادتها قاعدة بالصالة وتدرس
مر من عندها عبود وهو شايل لابتوبه الابيض اليديد ويكلم رفيجه بفونه وهو معصب : خراااا عليك وعلئ ويهك الشرهه علي اللي يعتمد عليك .... كل خرا
مرام عقدت حواجبها وسكتت تنطره يخلص
عبود صك فونه ونفس الشي لابتوبه وتوه يبي يطلع من البيت
صوت مرام وقفه .
مرام : وين رايح ؟
عبود : عند رفيجي
مرام : شفيك على رفيجك
عبود : ولا شي سالفه بيني وبينه
مرام أشرت على الابتوب : متى شريته ؟
عبود : امس
مرام : بس خبري ما تحب الابتوب او اي شي كبير خبري فيك اجهزتك دايما صغيرة
عبود : لا شكو عادي بس لاني محتاج له
مرام : محتاجه بشنو
عبود : هههههه مروم عن التحقيق - وطلع -
.
.
مرام تكلم روحها : الله يستر منك يا عبيد الله يستر
.........
سكينة مستلقيه على ظهرها بسرير فرح وتفكر فكرة توديها وفكرة تييبها الاسبوعين اللي طافوا كلش ما داومت
و الاختبارات الاسبوع الياي ودروس الدنيا طايفتها هذا اذا ما عليه مليوون إنذار على الغياب بدون عذر
لكن لما قلبت حالتها بمخها شافت ان أبوها شكله مطول بالسجن على الديون اللي عليه ولازم تعتمد على نفسها فقررت تدرس عشان عالاقل قريب تتخرج وتلقى لها اي وظيفه حتى لو معاشها مو شي عشان تصرف على عمرها
.
.
نزلت تحت عند فرح ويدتها
لكن شافت خالها معاهم
كشرت بويهها و رجعت خطوتين ورا لما شافته يغمز لها ويطالعها بنظرات وقحه
لكن قعدت غصب عنها عشان لا تبين
وبعد ربع ساعه قامت وصعدت عشان تروح غرفتها
لكن اللي ما تدري فيه ان خال فرح لحقها
وتوها بتصكر باب الغرفه شافت احد يدزه
ومن قوته طاحت سكينه عالارض
صرخت ، لكنه مسك حلجها
رفست ، لكنه كان اقوى
وباللحظة الأخيرة اللي بغت تضيع فيها سكينه دخلت فرح وضربته على راسه وانقذتها
.
.
سكينه من قوة صدمتها النفسيه طاحت مغشي عليها
وتم نقلها هي وخال فرح للمستشفى
.....
الساعه السابعة والنصف من مساء اليوم
فوز قامت من النوم وغسلت ويهها وقعدت على مكتبها الصغير الخشبي لساعات طويله تدرس ولمن وصلت للجزء الأخير من الكتاب اندق باب غرفتها وقامت
فوز : ها ميري
ميري : فرند مال انتي تحت
فوز : منو ؟
ميري : ما يعرف بس شعر مال هيا قصير
فوز توقعت انها يا هند او مرام : خليها تصعد
وصكت الباب -
وبعد ثواني سمعت ضربات خفيفه على الباب
فوز : تفضل
دشت منى : فووز - ولمتها -
فوز عضت على طرف شفتها بألم : هلا منوش
منى بعبرة : انتي زعلانه مني ؟
فوز حركت رأسها يمين ويسار : لا حشى انتي أختي شلون أزعل منج
منى ابتسمت رغم دموعها : اشتقتلج وااااايد
فوز قعدت منها وقعدت يمها : وانا اكثر قوليلي شمسوية ؟؟
منى : انا تمام وانتي
فوز : الحمد لله
وتموا يسولفون لساعات ...
وبآخر سوالفهم .
منى : فوز بس حبيت اكلمج بموضوع
فوز : تفضلي
منى : ضار..
فوز قاطعتها : الله يخليج يا منى اذا لي معزة عندج لا تطرين هالسالفه
منى لما شافت الدموع المتجمعه بعيون فوز حضنت ويهها بيدينها الثنتين : خلاص ما راح اتحجى وغلاتج
.............................
مرام ردت كتابها اللي طولت بدراسته لغرفتها وخذت فونها وبدلت وطلعت
مرام : روح بيت هند
.
.
.
ولما وصلت دقت جرس البيت
وبطلت لها الباب الخدامة
وصعدت لهند
دقت الباب مرات كثيرة وما حصلت رد
وصارت تطبل عليه
وبعد لحظات بطلت هند الباب وشعرها مكشوش وتفرك عيونها : نعم ؟
مرام ؛ صح النوم
هند استوعبت : مروم هلا والله دشي دشي
مرام : هههههههه شعرج واو
هند ضربت كتبها : جب
مرام : ههههههههههههههههه
هند : بطريجج كان في احد تحت
مرام : أمم لا بس الخدامة
ودارت بنظرها حول الغرفة : شهالعفسة ؟؟
هند حكت طرف شعرها : هههههههههه
مرام : ههههههههه حشى داشه غرفه صبي حتى الصبيان مو جذيه !!

................
اما زين كانت متجاهله اتصالات مها طول الأسبوع
لانها حست بالملل
زين ملوله وما تحب تثبت على شي
ومن ضمن هالشي علاقاتها المحرمة !
حطت زين فونها صامت للمرة العاشرة اللي تتصل فيها مها وهي تتألف : خرا عليج دشيتي بمخي
والتفتت على لابتوبها وكملت كل شغلها
ولما خلصت شغلها اتصلت على رفيجتها البوية : خلصت شغلي دزي المبلغ ولج اللي يسرج ..........يالله سلام !
وحفظت الشغل وصكت اللابتوب تنطر باب بيتهم يطق عشان تستلم المبلغ المحترم وتسلم شغلها القذر .
.
.
.
وهند عقب ما راحت مرام البيت بطلت فونها وشافت ٥ رسايل من نفس البنت
__________________________
آووه !! منووو بليز منو !!!
جب انتي دنوش بس قع تسوين مقلب
دنوووووووش يالله عاد عن السخافه
يا كرهج على هالحركات البايخه p:
اشتقتلج ولحركاتج
______________________
ضحكت هند وردت
______________________
حبيبتي انا والله مو اللي انتي تقصدينها
وعلى صورتج وربي مسحتها لا تخافين
وانا بنت مو صبي تطمني
_______________________
.
.
هالبنت شقصتها ؟ و راح تمر مرور الكرام بها لرواية ؟
وسكينه شصار عليها ؟
زين هل معقوله بتخلي مها ؟
و فوز بتحن لضاري ؟
مرام بتهمل اخوها ولا بتحطه تحت المجهر ؟