البارت الثالث عشر
في ظهر اليوم وبداية عصره قرابة الساعة الثانية والنصف
القت نفسها على سريرها الوااسع بعد انتهائها من استحمام طويل بشورت بدون اي قميص ! بابتسامة واسعه بعد ان افرحت احدى من اغلى ناسها واخراجها من كآبتها
التفتت بجسمها ناحية اليمين بسرحان عميق عن حالة صديقتها وبعد ثوان التقطت هاتفها لتضغط على اتصال سريع عليها : هلا فوز
فوز ببحة : هلا مروم
مرام : شفيه صوتج ؟
مرام : ماكو شي احم احم - شفيج ؟
مرام : باجية ؟؟
فوز بكذب : لا شكو توني قاعدة من النوم
مرام : انزين تبين شي محتاجة شي ؟
فوز : لا انتي شفيج تبين شي
مرام : لا يبه سلامتج بس حبيت اتطمن عليج
فوز : يا بعد قلبي والله
مرام : درستي ؟
فوز : لا شوي وادرس
مرام : خو فكة باجر اخر اختبار فترة
فوز : بس انجليزي يبيله دراسة
مرام : لا بالعكس حلو
فوز : انا معاج بس يبيله حفظظظظ
مرام : ههههههه اي صاجة
.................................................. ...
بالشقة عند هند
طق طق طق "
هند من ورا باب غرفتها : هااااااااا
ام هند : هنودة بطلي الباب
هند وهي تبطل الباب : نعم ؟
ام هند : نعم الله عليج يا يبه متى قمتي حضرتج
هند : توه
ام هند : انزين نزلي سخنت لج غداج عشان نتغدى سوا ما تغديت نطرتج تقومين
هند : مابي
ام هند : شهالحجي !!! اقولج ناطرتج تقولين لي مابي ؟؟
هند : هه روحي تغدي مع ريلج ههه قصدي اللي بيصير ريلج
ام هند : هند عيب عليج !!!
هند صكت الباب بقوة
ام هند عصبببت من حركة بنتها وفتحت الباب بقوة كبيرة لكن من سوء الحظ كانت ريل هند عن طرفه فجرحتها
هند : اااااااي
ام هند : يممه شفيج
هند وهي تمسح على ريلها : شفيني !!! منج
ام هند تقوم بنتها : قومي قوم..
هند توخر امها عنها : وخري وخررري
ام هند : شفيج !! يمة ليش تسوين جذي
هند بعبرات مقتولة ودموع غزيرة : وخري وخري مابي شي روحي روحي لريلج وعايلتج اليديدة خلي حنانج ووفريه لهم
ام هند ببكاء طلعت من الغرفة
واستسلما الاثنتان للبكاء •
.................................................. .
بصاله اهل فوز الكبيرة التحتية
فهد وهو يقلب بالقنوات وهو متملل : يمة ،، يمممة
ام فوز : هلا
فهد : وين فوزوه ؟؟
ام فوز : بدارها
فهد : خلصت اختباراتها ولا بعد ؟؟
ام فوز : مادري والله
فهد : اففف متملل بروح لها بشوفها
..........
عند فوز
الكتاب قبالها وهي قاعدة على مكتبها الصغير جسم بس عقلها بعييييييييييييييد
اوراق دفترها بدل ما تمتلي حبر على اللي مفروض تحفظه امتلت بدموع على قدر صدمها
الساعة قاربت ٧ وما حفظت من الكتاب ولا كلمة حتى اللي كانت تدرسه اول باول قهرها وحزنها نساها اياه
صكت الكتاب اللي شهد على دموعها
لتستلقي وتحضن وسادتها لتكمل نوبة بكائها
بعد ثوان ،، سمعت ضربات على باب غرفتها
فهد : فوووز فووز
فوز تمسح دموعها وتضبط صوتها : نعم
فهد : بطلي الباب يااه
فوز : قع اددرس
فهد : متي بتخلصين ؟
فوز : مادري مطوله
فهد : ماراح تنزلين ؟
فوز : لا
...........................................
عند مرام
قامت مخترعة من رنة فونها اللي على صدرها
: الو
حور بدلع مصطنع : اهليين
مرام : نعم
حور : مرامي
مرام : ها حور
حور : اليوم عندي بارتي وابيج تيي
مرام : لا ماني ياية
حور : مروم بلييز بليييز بلييييييز
مرام : ما سمعتي والا اعيد
حور تمثل البكاء : بس كل مرة اعزمج تقولين لا لييش ليييش
مرام : اففف انزين لا تبجين
حور : عيل تعالي
مرام : امري لله خلاص اوكي متى ؟
حور بوناسة : اليوم الساعة ٩
مرام : بيي بس نص ساعة واروح
حور : انتي تعالي الحين
مرام: باي
..............................
هند بعد بكائها على ارضية غرفتها على ردها لامها اغلقت باب غرفتها لتغلق بعده الاضاءة والستائر وتستسلم لنوم عمييق محمل بالهموم
........................................
فوز بعد ان عجزت عن الحفظ لانها مشغوله البال اغلقت الكتاب الذي لم تغلقه طوال عمرها في فترة اختباراتها الا بعد حفظه جميعه وهي لم تحفظ حتى ربع كلمة
لتدخل الحمام وتشغل نفسها باخذ شور طويييييل
وبعد ان خرجت استلقت علئ سريرها واخذت هاتفها لترى صور قيسها المحفوظة بملف مقفل وتشغل اغاني مطرباتها اليسا لتحكي حكايتها
مش كل اللي بنحبهم حي يكونوا لينا
ولا كل اللي بنحبهم لايقين علينا
ممكن نلاقي اللي ياما حلمنا بيهم
ويلاقونا منلاقيش الحب فيهم
وساعات بنشوف الحب وهو ما يشوفناش
وساعات يقابلنا الحب ويمشي ما يعرفناش
وساعات بيجينا الحب ويمشي كانو ما جاش
وكتير بيسيبنا الحب وجرحه ما يسيبناش
مش كل اللي راح مننا سبناه بايدينا

ما جايز يكون حلمنا ما حلمش بينا
ممكن يلاقي فينا فعلا كل حاقه واي حاقه وما يلاقيش الحب فينا
مش كل اللي بيحبنا ساب جرحه فينا
دا جايز يروح مننا والخير يجينا
لكن نعاند ويفضل بين ايدينا
وبعد جرحه ما نلاقيش اللي يداوينا
.......................
بسيارة السايق المظلمة وصلت مرام جدام فيلا حور الكبيرة في تمام الساعة العاشرة
مرام وهي تكلم حور بالفون : اي كا وصلت بس شكو البارتي ببيتكم عبالي بارتي رفيجتج ادش ؟ اوك
فتحت الباب البني الضخم لترى الصالة الكبيييرة والورد الاحمر المتناثر بشكل قلوب كبيرة مرسومة على السراميك الابيض الامع واذا بصوت لاحدث اغاني المطربه اللبنانية نجوى كرم
يخليلي ئلبك شو مهضوم انت اللي عمرك عاطيني
عطيتك عمري وئلبي اليوم بنت الكرم لا تسميني
لعيونك راح خلي العالم ع الغايب تحكي حكايتناً
التفت لمصدر الصوت والتصفيق لترى حور بوسط الصالة بفستانها العااااااري لترقص الرقص بدلع وغنج لبناني قاااتل وتهتز مع كلمات الاغنية بكل براعه
مرام لم تفهم شيئا مما يجري صمتت واكتفت بالوقوف بمكانها !
توقفت الاغنية بعد رقص حور البارع والفاتن والملفت للانظار خصوصا ان اغلب الحضور بويات !!!!!!
لتتوجه الا مشغله الدي جي وتاخذ الميكروفون المرصع بالشوارفسكي وتتكلم بكل دلع : اليوم وهالحفلة سوبراايز حق الحب وتوجه اصابعها لمرام الواقفه عند الباب لان - وبخجل مصطنع- هذي ثالث سنة على علاقتنا
توجهت الانظار جميعها على مرام
اما مرام فقد كانت اكبر علامات الاستفهام على رأسها !!!!!!!!!؟؟؟؟
علا تصفيق الحاضرين واصوات التصفير عند اقتراب حور بكل دلع لمرام والتصاقها فيها بشكل قذر مريدةً تقبيلها
اما مرام تجمعت كل عصبية العالم فيها في هذه اللحظة لانها تكلمت معها قبل سنة من الان انها لم تعد تريد هذه الحركات التي كانت تفعلها مسبقا ومازاد عصبيتها ان الذي فعلته كان امام حشد كبير من المتفرجين سواء من المدرسة او غيره
بعد حركة حور القذره لمرام صدمت هي والحضور بكف قوي من مرام ودفعها لتصل لمسافه بعيدا متألمة
مسحت شفاتها بشدة حتئ كادت تقطيعها وخرجت تاركة الحفل وحور وراء ظهرها
............
مرام وهي تركب السيارة : حقيييييييييييرة الله ياخذها كله مني كلله مني شلون وثقت فيها
قلت لها تبطل من الحركات اللي قبل مااا فهمت
ومسحت دموع عقيمة نزلت غصبا عنها

البارت الرابع عشر
بصباح جديد مشرق جميل *
على ارض اجمل بلاد واطهر ناس
استيقظ ابطالي لاستقبال يوم دراسي جديد من ايام الاسبوع
بكل ملل وكآبه
اليوم ، هو اخر ايام اختبارات " الفترة "
وعقب هاليوم بيسحبون على الدوام جم يوم
اليوم هو ثالث يوم علئ صدمة فوز بقيسها ضاري
واليوم هو ثالث يوم ايضا على صدمة هند بخبر زواج والدتها
واليوم هو ثاني يوم على هوشة مرام و حور
•
•
•
في الحصة الثالثة بالتحديد
رن الجرس معلنا عن انتهاء الحصة ووقت تسليم اوراق الاختبار
مرام صكت ورقتها عقب ما حلت عدل لانها تبارك الخالق " Top " بالانجليزي
اما بالجهة الثانية من الصف كانت فوز واضعه رأسها على يداها النحيلتان متحسرة على حالتها خصوصا انها لاول مرة تغلق ورقتها ولم تحل منها شيئا سوى كم كلمة عقيمة
اتجهت مرام لدرج ومكان فوز لتضع يدها على ظهرها : فوز قلبي شفيج ما حليتي عدل ؟؟؟
خلود : فوووز فووز شفيج قلبي ؟
فوز وهي ترفع راسها وتمسح دموعها : ما حليت عدل
مرام : ماعليه يا يبه تعوضينها الورقه اللي قبل اذكر انج قلتي لي انج حليتي عدل
فوز ابتسمت : اي صح
مرام ابتسمت لابتسامة اختها التي لم تلدها امها : خلاص عيل - مسكت ويهها - تعوضينها
فوز : اي انشالله
..........................
بالمدرسة وبصفوف الصف العاشر
زين : ها هندوه شسويتي ؟؟؟
هند : العيد هل هلاله كل الطرب يحلاله
زين : هههههههههههه الكتاب باين من عنوانه شكلج بتزفتين
هند : يبه اهم شي درجات الاخرة صح
زين : صصصح يا بعد قلبي صح
الكل : ههههههههههههههه
قامت هند من مكانها لتتجه لصفوف الحادي عشر علمي
وبصياح من آخر الممر : ها شسوييتوا ؟
مرام وفوز اللي بعيد عنها وبنفس الممر يأشرون لها تعالي
هند وهي تقرب : ها بشروا ؟؟
مرام : زييين
فوز : زفت
هند : افاا
............................
جدام جامعه الكويت صفط سيارته الفراري الحمرا وطلع ركض للمحاضرة اللي تأخر عليها
وقبل لا يدش المحاضرة وبنص الطريق وبالتحديد عند الكافتريا لقى " الحب " او " البنك المركزي " على قولته قاعدة تتريق
بجينز ضيييق كحلي وبلوزة رسمية عارية الاكمام
وحمرة حمراء فاقعة " كان منظرها يشد الانتباه بشعرها الاشقر القصير
كانت عكس فوز بكلللل شي باختيار الملابس وبالذوق وطريقة القعدة والالوان وحتى بالكلام
صحيح انها مثيرة وجميله
لكن فوز اجمل واجمل واجمل
يطلق عليها مسمى انثى
لكن فوز ببرائتها وبشكلها يلبق لها طفله ، طفله جميله جددددا
بلع ريجه وطالع نفسها لمدة خمس دقايق بكاميرا فونه وتوجه لها لارتشاف قهوة صباحية مع رائحة عطرها
.............................
اشتدت حرارة الشمس ليقبل الظهر بساعاته الحارة على ابطالي ليتوجه كلٍ لبيته وليتذكر بعد اللقاء الممتع همه
مرام بعد ما وصلت سيارتها لفيلتها الكبييييييييييرة والفارغه للاسف
لتتناول وجبه الغداء التي نادرا ما تتناولها
لكن ليس مع عائلة او ام او حتى اب لا،،
تتناولها لوحدها بدون انيس او ونيس بدون جمعه او ضجة
اخيها ليس في المنزل و امها وابيها لا تدري في اي دوله هما !!
حطت اللقمة الاولى بحلجها لكن عبرتها كانت اقوى من ان تتركها لتبتلعه كانت طول وقتها عيناها على الكراسي الخشبية الكثييرة على طاوله الطعام امامها والتي يسكنها بدل عائلتها الهواء
دفعت الصحن الابيض عنها مسدودة النفس مخذوله الحلم
كانت تتمنى امنية ، ان ترجع ليوم فقط يوم وتجد عائلتها مجتمعه على وجبه واحدة لكن بدأ هالحلم يختفي عندما لطخ بالخذلان
............................................
المغرب والساعه السادسه بالضبط

هند توها قاعدة من النوم وقاعدة بالصاله بشورت ازرق قصير وبلوزة حفر بيضاء وبحضنها الايباد ومتصل فيه سماعات مركبه على اذنها وهي تسمع اغنية - ماتدور الدنيا - لحاتم العراقي والراحلة رباب
دخلت ام هند بيدها اكيااس واايد وشكلها مستعيله شافت بنتها بالصاله وصوت الاغاني اللي تسمعها واصل لعندها
هزت كتفها بخفه عشان تنتبه
هند وهي توخر السماعات : هممم
ام هند تمد لها كيس من الاكياس : هنود هاج
هند تطالع الكيس بدون لا تمد ايدها وتاخذه : شنو هذا ؟؟
ام هند : لبسيه اليوم ملجتي بسرعه
هند تدز الكيس : اليوم ملج ملجتتج ؟!!!!!!!
ام هند توخر عيونها : اي
هند تحذف الايباد وتبجي : خلاص خلاااص اليوم بتتزوجينه
ام هند : هند خلاص سبق وتكلمنا بهالموضوع
هند بصراخ ودموع : ماني حاضرة روحي تهني
ام هند تمسك راسها وتقعد على القنفه : هند خلاص تكفيين اليوم بملج وباجر بسافر فهمي
هند قعدت على الارض وتكورت : واناااا بتخلييني يممه لا تروحيين يممة تكفيين
ام هند وهي تبجي وتقرب لبنتها ع الارض : يمه ابوج روحي له ابوج طيب ويبيج
هند رفعت راسها وبخيبه امل : وانتي ما تبيني !!
ام هند وهي تمسح دموع بنتها : امبلا اذا ما ابيج منو ابي يا يمة انتي عارفه ان ناصر قطري واحنا بنعيش هناك عند اهله وانتي ما اقدر اخذج عشان دراستج عشان جذي بس تعطلين باخذج عندي وبسجلج هناك
هند وهي تدز ايد امها : طلعه من الكويت ماني طالعه انتي تبين تروحين بالسلامة
وركضت لغرفتها
......................
فوز اللي منسدحه على قنفه بوسط الصاله وحاضنه مخدة بيضاء وسرحانه بعالم ثاني فجأة
فهد : فوز
فوز وهي تعدل قعدتها : هلا
فهد : فيج شي
فوز : لا
فهد : شفيج هالايام مو عاجبتني
فوز وهي تغتصب الابتسامة : لا يتراوالك
فهد ابتسم : عيل امشي بطلعج
فوز : لا مالي خلق بروح انام
فهد : يالله عاد مو كيفج
فوز : فهد خلاص تكفى
فهد وهو يقوم : براحتج ويطبع قبله على جبينها - ويروح
.........................
لبطلتنا الرابعة وداخل بيتها
زين وهي تصارخ على اليهال : يا حيواااااان يا الخ###### اووووه
اختها الكبيرة ( امل ) بشهقة : زييين !!! شهالحجي !!!!!!
زين وهي تنسدح ع القنفه بطريقه صبيانية : والله عيالج ياخي اذييه
رحاب ( اختها الثانية اللي اصغر من امل ) : صبي حشى صبي مو بنت !!!
زين : اقول اقول سكتي لا اولدج
طلعت ام زين على صراخ بناتها **
ام زين : هو هو شبيكم ؟
زين : هلا بالزين هلا بالحب
ام زين : زيونه شبيج ؟
ام زين : ولك يا يومه بناتج يننوني
ام زين : قسما بالله اللي بيجي صوب زين اكله اكل
زين تبوس ايدها : فدوة عليج يابا
خواتها : هههههه
عايله زين --
ابوها كويتي
امها ( عراقيه الجنسية ) لكن تتكلم كويتي بحكم سنينها الطويله بالكويت لكن كلامها ما يخلى من القطات العراقية
خواتها الكبار
امل متزوجة وعندها عيال
رحاب متزوجة توها من سنه وحامل
سلمان اخوهم الوسطي واكبر من زين بالجامعه
وبحكم ان امهم عراقية ورثوا البياض منها عشان جذي امل ورحاب وزين بياضهم حلو
اما سلمان طالع عكس لانه اسمر
..................
الساعه الثانيه عشر
الصاله ظلمة ما نورها الا نور الابجورة البيضة الطويله وبزوايه احدى القنفات
متكورة على بعضها وتبكي
انفتح الباب و سمعت صوت كعب ع الارضية السيراميك وريحه عطر امها فاحت بالصاله
رفعت راسها لتجد امها بكاامل اناقتها منصدمة تطالع بنتها اللي تبجي بالصالة
ام هند قطت الجنطة الصغيرة بالارض وتفتح ذراعاها لبنتها : هننند تعاالي يممه
هند تركض لامها وتحضنها : يمة احببج
ام هند تمسح على شعر بنتها البوي : وانا بعد يمه اموت فيج
هند : يمة لا تنسيني
ام هند بدموع : انسى روحي قبل
صعدت هند فوق لتفتح حقيبه السفر الكبيرة وتضع ملابسها بداخلها
لانها ستعيش عند والدها ابتداء من الغد
ترى هل ستكون حياتها افضل هناك ؟
هل ستصبر دون امها ؟

البارت الخامس عشر
اليوم مع انه يوم دراسي رسمي لكن الطلاب واللي من ضمنهم ابطالنا • خلوه عطله بكيفهم
..
هند متمددة على سريرها من امس ما نامت
اول ما اذن الفير فزت من سريرها وتسبحت استعداد ليوم جديد عند ابوها
ركضت لغرفه امها ولقتها مجهزة كل شي حق السفرة وكانت قعد تتسبح بالحمام
مشت على اطراف اصابعها كأنها حرامية وبطلت جنطة الملابس مالت امها الكبيرة وحذفت صورتها فيها كان تفكير هند بهاللحظة وبهالوقت كأنها ياهل اللي يخاف امه تنساه او تروح منه تبي تحط صورتها بجنطة امها عشان لا تنساها
وركضت لغرفتها بسرعه عشان تبدل وكانت الدموع تخاويها
مع العلم • ان علاقه هند بأمها مو كبيرة وايام كثيرة ام هند تتاخر برا البيت وما تدري عن بنتها
لكن سبحان الله قلب البنت والولد يضل متعلق بالام مهما كان
......................
فوز قامت من النوم بدري وبدلت عشان تطلع تغير جو
بدلت ملابسها لفستان عشبي لتحت الركبة بأكمام طويله وفلات ابيض و سووت شعرها ستريت وحطت تاج ابيض ضعيف كان شكلها كأنها طفله كان شكلها بريء
انزلت تحت بعد ما تعطرت وسلمت على
امها وابوها
ام فوز وهي تطالع فستان بنتها : ماما مو جنه فستانج قصير
فوز تطالع فستانها : لا يمة شكو
ام فوز : لانج لابسته هالمرة بخليج بس مرة ثانية ما تلبسينه وانتي طالعه
فوز : اففف انشالله يمه انشالله
فهد وهو ينزل من الدرج ببنطلون جينز وبلوزة بولو صفرة وهو ينزل نظارته الشمسيه على عيونه : ها فوز مشينا ؟
فوز : مشينا
ام فوز : ووين بتتريقون انشالله
فهد : مادري بنشوف يالله فمان الله
................................
مرام قاعدة بالصاله تحت ببيجامتها الرمادية منسدحة ع القنفه وتطالع تويتر
مرام : جيييين جيييين
جين : yes ?
مرام : where is abood ?
جين : he go to schoole
مرام : okey okey
وقعدت تافف بروحها متملله
مرام بنفسها : خو مدام عبوود مو هني خن العب بالبلاستيشين اليديدة
وتروح لغرفته
لقت البلايستيشن مركبه ع التلفزيون
وتربعت تدور السيديات داخل الكبت
دورت دورت لين تعبت
بعدين بطلت الدرج اللي تحت لقت سي ديات مربوطة ببعضها
مرام : اخييييرا لقيتها هههه يحليل سي ديات اول عليها رسمات مو الحين بيضاء تخربط ماتدري بتطالع فيلم ولا تلعب
...........،..،....................
هند عقب ما خلصت لبس ( لبست جينز كحلي وبلوزة خضرة وسووت شعرها الكستنائي ستريت تعطرت ولبست جوتيها التومز الاخضر )
سمعت صوت الجرس ونزلت ركض
هند : زين زين و ثول
وبطلت الباب لترى رجلا بكاااامل اناقته الساحرة بالشماغ والعقال القطري والدشداشة البيضاء وكان وسيم بمعنى الكلمة
هند بتناحة : مم منو ؟
ابتسم لين بانت اسنانه البيضاء كللها : انتي هند صح ؟
هند : اي
الريال : انا ناصر
هند حست بكره تجاههه لمن درت انه ريل امها : اي هلا
ناصر : ماراح ادش ؟
هند : اي اي تفضل

ناصر : مشكورة
....................................
بشقه صغييرة تتكون من غرفتين وصاله
سكينة بصراخ : اووووه قصر على صوت التلفزيون
ابو سكينة السكراان : انز انزين لأ لأ تص تصارخين
سكينة تدش غرفتها وتصك بابها باقوى ما عندها : زفففت الواحد ماينام بهالبيت
حذفت روحها على سريرها عقب ما طير ابوها النومة بصوت التلفزيون العالي
ومسكت فونها لترى ١٠ مكالمات من حبيباتها المختلفات
..........................
بالجامعه -
ضاري بيبي شفيك سرحان ؟؟
ضاري : ماكو بيبي مو سرحان
ضروي اكيد تفكر فيني صح
ضاري : ومن لي غيرج يا فو... وسكت وتدارك عمره قبل لا يفضحه قلبه ولسانه
.......................،،،،،،
ع البحر عند فوز واخوها فهد
فهد : فوازه
فوز : هلا
فهد : شفيج ساكته وسرحانه العادة مأذيتني ابي هذا وابي هذا شفيج ؟
فوز : ماكو لاني ما ابي شي
فهد : انزين تبين آيسكريم ادري فيج ما تقاومين لولو
فوز : لا شبعانه مابي
فهد : فوز انتبهي!!!
فوز مسكت كتفها بألم : آااي
نزلت راسها عن اللي دعمته : آسفه اخوي
الريال : لا عادي
فهد : تركي هلا والله
تركي : هلا فهوود
فهد : ماعليه امسحها بويهي
تركي : هههه هذي اختك لا عادي
فوز منزله راسها وما نطقت بكلمة
فهد : يالله استأذن انا مع السلامة
تركي : فمان الله
وبنفسه : يخرب بيت هالبنت جمال اخخ "
..................
مرام حطت ايدها على راسها بصددمة كبيرة من اللي قعد تشوفه بالتلفزيون
صدمة كبييييييرة اكتسحتها ورجفه اكبر من اللي قعد تشوفه
لقت بكبت اخوها الصغير افلام إباحية قذرة نزلت دموعها صدمة على المستوى القذر اللي وصل له اخوها
ياهل ما تعدى عمره ١٢ سنه يطالع افلام ####
ريولها ما شالتها واطرافها انشلت قعدت بصدمة ع الارض ولسانها متجمد
غمضت عينها تبي تبعد هالمناظر عن عيونها فسيطر على عقلها ذكرياتها الماضية والمنحله مع حور اطلقت شهقه عاليه وكتمتها بيديها لتزل دموعها خلف هذه الشهقة والذكريات
...........

البارت السادس عشر


حطت الخدامة العشاء على طاوله الاكل
وقعدت ام فوز تنطر باقي افراد العائلة
نزل ابو فوز مستعيل وهو كاشخ
ام فوز : بو فهد بوو فهد وين رايح
ابو فوز : بروح لابو جاسم عندنا شغله بنخلصها
ام فوز : ما بتتعشى
ابو فوز : لا عليكم بالعافية • وطلع
ام فوز : افف فهود طلع وهم ابوه يعني شنو آكل بروحي !!
ميري ميرري
ميري : نعم ماما
ام فوز : روحي لفوز فوق خليها تنزل تتعشى معاي
...............
هند وهي تتأفف وتكلم روان بالفون : اقولج ينني ما خلاني اطلع الا مغيرة ملابسي اففف
روان : اوكي جان بدلتي وييتي
هند : لا والله حلفي اقولج مابي اروح خلاص عفت الطلعة بكبرها
روان : اوووه ما منج فود ذلفي اهوو ذلفي
هند : هههههههههههه
روون روون بعدين احاجيج جنه في احد يناديني
وصكته وبطلت باب غرفته

مرت ابوها : هننند هنند
هند : هلا
مرت ابوها : يالله اهوو نزلي ماما وساعديني بالعشا
هند : خييييير ؟؟
مرت الابو : خير بويهج يالله امشي
هند : اقول عندج خدامتين بالمطبخ خليهم يساعدونج
مرت الابو بنذاله : لا ابيج انتي
هند : ههههههههههه روحي روحي بس • وتصك باب غرفتها
مرت الابو : تصكين الباب وانا احاجيج هيين !
هند من ورا الباب : اعلى ما بخيلج اركبيه
.......................
.....................
زين وهي تكلم مها بالفون اللي بسسرعه خذت رقمها : ههههههه صج ويا حلاته والله هههههههههههههه
اي اي ادري هههههههههههه لا لا حرام عليج
انزين حبي انا يعت بنزل اكل لي شي
باي
ونزلت للمطبخ تسوي لها شي خفيف الا تسمع باب الصاله يتبطل
طلعت راسها من باب المطبخ عشان تشوف والا تلقى اختها امل يايبه جنطتها وعيالها وهي معصبه
امل : يماااا يماااا
طلعت امها من غرفتها بالروب الحرير التايغر وهي تنشف صبغ الاظافر الاحمر من ايدها : ها يمه

امل : شهاللبس
امها : هو نبي نشبب عمرنا حرام لو عيب
امل : المهم انا بنام عندكم
امها : حياج يومه
امل : ما سألتيني ليش
امها : اي لييش
امل : تهاوشت مع ريلي
زين وهي طالعه من المطبخ : هههههه ومالقى يزعلج الا الحين مالت عليه
امل : وويعه هههه شقصدج
زين : لا بس مالي خلق عيالج
امل : عيل قاعدين على قلبج
زين : ههههههههههههههه
.....................
نزلت ميري وهي تصارخ : ماما مااااما
ام فوز بخرعه : شفيج ؟؟؟
ميري : فوز ما يرد
ام فوز تركض بسسرعه لغرفه فوز
بطلت باب غرفتها وكان مفتوح راحت للحمام الباب مقفل !!
طققت الباب اكثر من مرة وماكو رد
: فووووز فووووووز
...........................
فهد اللي كان توه بالخط السريع رايح للمطعم مع رفيجه تركي ( تذكرونه ؟ )
دق تلفونه وكان المتصل امه رد : هلا يمه
شنو ما فهمت عليج شوي شوي شنو الي ما ترد ، فووز خلاص خلاص خـلاص ي ياااي ياي
ويتجه بسرررعه فائقه لبيتهم
نزل وخلا تركي قاعد بالسيارة
اتجه لغرفه اخته وكسر باب الحمام ليجد فوز مغمى عليها حملها بين ذراعيه
فهد بخووف : يمه بسرعه لبسيها بسسرعه
....
بعد ما لبستها شلها وركض فيها للسيارة
فتح الباب اللي ورا وقعد وسدح فوز على حضنه وهو يتأمل الرضه القويه على جبهتها
فهد : ما تسوق يا حظي
تركي متدوده : اوكي اوكي
وساق فيهم للمستوصف وهو يتأمل فوز من المنظرة اللي جدام وخوف اخوها فهد الشديد عليها
.......................
الصبح الساعه 7:22
هند بالصف تهز زين اللي نايمه على الطاوله يمها : زيوون زيووون
زين : هااااا
هند : قومي وثوول
زين : هنوود خليني انام تعباانه
هند : ليش انشالله ما نمتي امس ؟
زين وهي تفرك عيونها : واللي عنده يهال بالبيت مثل يهال املووه يقدر ينام
هند : ههههههههه املوه والا سهرانه على الفون
زين : لا والله اليهال وازعاجهم
.............
مرام بالصف قاعدة بروحها لان فوز لحد الحين ما حضرت
مرام : افففف جلببه ما قالت لي
خلود : مرام
مرام : هلا
خلود : شفيها فوز ليش غايبه
مرام ترفع كتوفها : والله مادري علمي علمج
خلود : اوكي
وبوسط الحصة دخلت فوز
احم السلام عليكم
الابله : وعليكم السلام سلامات شفيج ؟
فوز : طايحة
وقعدت
مرام تطالع الشاش الملفوف حول راسها : اووه شفيج
فوز : امس اغمى علي بالحمام
مرام : سلاماات فوزووه
فوز : الله يسلمج
مرام : الحين راسج يعورج
فوز : شويه بس مو حيل
قامت خلود من مكانها بدون استئذان لفوز
خلود : فووز سلامات
فوز طالعتها وهي واقفه عند مكانها وابتسمت : الله يسلمج
خلود باست راسها : ما تستاهلين
فوز ما كانت متوقعه هالحركة ابتسمت : تسلمين بعد قلبي
الابله : حلفي خلوود
خلود : آسفه ابله كنت بسلم عليها
الابله : قعدي مكانج بس قعدي ، والله
...................
سكينه اللي داومت وقاعدة فوق بصفوف الثاني عشر وهي موو طايقه نفسها
لفت عليها بنت حبوبه معاها بالصف : سكينه
سكينه : نعم ؟
البنت : هذي اوراق عطتني اياها الابله امس اوزعهم وانتي كنتي غايبه
سكينه تاخذهم : اها مشكورة
البنت : ولو
سكينه : الا تعالي
البنت : هلا
سكينه : ما شفتي الجازي ؟
البنت : لا غايبه
سكينه : انا اوريها الجلبه
البنت قعدت : اقول سكينه
سكينه تتمغط : نعم
البنت : انتي مريضة ؟
سكينه : لا
البنت : ويهج اصفر شفيج شكلج مو ماكله شي
سكينه : لا كليت
البنت : بس ويهج حييييل اصفر جنج مريضة
.............................
بالفرصة ..
هند : زيوون وربي بنزل واخليج خلصيني
زين تربط جوتيها : يالبقه صبري عااد
هند : افففففف
زين : يالله
وهم يمشون وراحوا لمرام وفوز
هند : فوووز شفييييج
فوز : طحت
هند : شحقه وشلوون
فوز : امس اغمى علي بالحمام

هند : سلاااماااااات
فوز : الله يسلمج
هند : مروم شفيج ساكتة فيج شي
مرام : لا شكـ...
تقاطعه زين : ايي مرام شخبار اخوج ههههههههههههههه يحليله زبوط النقعه من الحين ونعم التربيه
مرام خزتها وانصدمت -
هند : زييين !!
مرام : هند
هند : والله زله لسان والله
زين : وآنا شقلت ما قلت الا الصج
مرام : خلي الصج بحلجج ما يحتاج تقولينه
زين : ههههههههه يا حساسه جرحتج
هند : زيييين !!
فوز : بس يا جماعه خلاص
مرام طالعت هند بعتب
اما هند تحسسسفت ان لسانها زل وقالت لزين

زين : اي فوز نسيت اقولج سلامات
فوز اللي منفسه من اللي قالته زين : اي الله يسلمج
................
عند سكينه نزلت من صفها وهي تحس انها مو متوازنه مسكت الدرج عشان تثبت
وظلت ماسكته لين وصلت وحست انها زينه
اتجهت لهند ومرام وزين وفوز لما شافتهم
سكينه : هلا بالزين
هند : سكيينوه وينج يالطنق
سكينه : غايبه بعد ويني اووه فوز سلامات
فوز : الله يسلمج
سكينه : مرام شفيج ساكته
مرام انتبهت لها ابتسمت : هلا سكينه
سكينه : تو الناس هلا فيج اقول بنات ترى اليوم بروح مع رفيجاتي ال( قرية مائية بالكويت ! ما يحتاج نقول الاسم ) تعالوا
هند : اي من زمااااااااان ما رحنا
زين : اي اوكي
مرام : انا ماني رايحه مالي خلق
سكينه : يالله عاد تيين جب ولا كلمة
هند جتها العبرة حست ان مرام متضايقه منها: مروم يالله عاد والله ما اروح عيل
مرام طالعتها وهي معصبه
بس هند ابتسمت لها
ومرام هذا اللي ما تقدر عليه تزعل على الدنيا كللها الا هند ما تقدر على ضحكتها
مرام ابتسمت : خلاص بروح
فوز : اشوف امي
.......................
الساعه 13 : 5
اجتمعوا البنات كلهم بال( قرية مائيه بالكويت )
هند بشورتها الاسود وبلوزتها الحفر السماويه : افف وين سكينوه
مرام بالشورت الاسود والبلوزة السوداء : شوي وبتيي
فوز سرحانه بعالم ثاني ولابسه شورت احمر وبلوزة حفر زرقاء
زين تكلم وحدة بعيد بشورتها الاصفر وبلوزتها السوداء اللي طالعه على بياضها رووعه
هند : شوفوا شوفوا الجلبه راحت ترقم ههه
مرام : ياخي هالبنت ما يازتلي
هند : هههههه حرام عليج صج انه عليها حركات تغث بس يعني طيبه
مرام : هههههه اشك انها طيبه يا هندوه اشك
شوي يتلهم سكينه مع ثلاث مسترجلات كانهم صبيان ومبين عليهم كللش مو بالثانويه كبار يمكن بالجامعه : هاي
هند تطالع البويات منصدمة : هلا سكينه
سكينه والبنات قعدوا
سكينه : بنات بنروح الشاطئ شرايكم نشييش
هند : اي اي
مرام : حلفوا بس !!
هند : ياخي العمر مرة وحدة خن نستااتنس
مرام : ههههههه هبله !
سكينه : ها شرايكم
هند ومرام طالعوا بعض : اوكي
فوز بعالم ثاااني
هند : فووز
فوز : هلا
هند : بنشيش تشيشيين
فوز شهقت وحطت ايدها على حلجها : لا لا
هند ومرام وسكينه : ههههههههههههههههههه
فوز : من صجكم !!!!
هند : بس مرررة وحدة بسسس
فوز : لا مابي
وفعلا راحوا مع بعض وشيشوا وفوز قاعدة تطالعهم وسرحانه ، سرحانه بضاري وهموم ضاري وذكريات ضاري اللي تطاردها
فجأة لمن حست ان العبرة خنقتها وبتبجي قامت
هند : على وين كح كح كححح
فوز : بروح الحمام و راحت
اثناء مشيها كان هناك فتاتان على قرب منها
خلود فزت : هذه فوز اي فووز
رفيجتها وعد ( بوية مثلها ) : على وين شفيج
خلود ما ردت وكملت طريقها لفوز
............
عند البنات والشيشة
مرام : هنوود شفيه ويهج اصفر
هند ما قدرت ترد
مرام : هند تسمعيني قامت لها
هند اختنقت وطاحت ع الارض
مرام تهزها بخووف : هنننند هننند ردي علي تسمعييني
سكينه هدت اللي بيدها هي والبويات اللي معاها : شفيها هنود
مرام : يالله نسيت ان فيها ربو امشوا بسرعه نروح للمستشفى
........................