البارت الثامن
ذبحني الشوق بغيابك ليالي الشوق بغيابك خذتني
نسيت الناس باسبابك وكل الناس باسبابك نستني *:-
مر على سفر مرام شهر ونص تقريبا , ترى بهذه المدة التي انقضت على ابطالنا ماذا فعلوا وماذا كانت نشاطاتهم في عطلتهم من دون مرام ؟
ساوجاوبكم بان هند وفوز كانوا يخرجون تقريبا شبه يوميا مع بعضهن للمجمعات والمنتزهات ولكل منهما مخططات للخروج مع العائلة فبعد قضاء اسبوع مع صديقتها تخرج الخميس والجمعة مع عائلتها فوز مع قريباتها وهند مع ابيها وقليلا مع امها
نعم , بدات علاقة هند بالتحسن مع ابيها واخويها ماعدا زوجته طبعا الا بعد ذالك اليوم ...
ابو هند : هند يمة تبين ايس كريم مع اخوانج ؟
هند : لا يبا ما ابي من هذا ابي من باسكن
ابو هند : خلاص بلاها هذا الحين نمر باسكن نشتري لكم كلكم عشان هنود
وعند وصولهم باسكن وبعد عدة دقائق
مرت الابو : سارة ماما روحي نادي مشاري وتعالوا في زحمة وايد اخاف تضيعون
سارة : يمة مادري وين مشاري
مرت الابو : يمة وين مشاااري وينه ؟
الابو : لا تخافين قبل شوي راح مع هند برا يصورون
مرت الابو : اوووه سارة ماما روحي بس روحي برا نادي لي مشاري
الابو : لا ماما لا تروحين بعدين تضيعين بهالزحمة وانتي شفيج ! قلت لج الولد مع اخته خلاص عااد ياه
دخلت هند لباسكن ومعاها فونها تكتب فيه ومشاري مو معاها !!
الابو بخرعة : هند وين مشاري
هند ترفع راسها من الفون : هاه ناديتني ؟
الابو : اي مشاري وينه ؟
هند : مادري
الابو بصراخ هز المكان : شنووووو ما تدرين اقولج يا البقرة وين الولد !!!
هني كل اللي بالمكان لفوا عليهم
هند بتوتر وشوي و تبجي : يبا شفيك تصارخ والله مادري
ابو هند بصراخ اعلى : انتي هبببلة هاااه الشرهه على اللي معطيج الياهل وخري بس وخري
هند وبعيونها دموع : يبا شفيك والله مالي شغل شفيك !
الابو بصراخ : الححين الولد ويينه هاااه ويينه
****: حجي هذا ولدك ؟
ابو هند : اي مشكوور يا اخوي وربي خفت
*****: اهوا طول الوقت كان بالطاولة الي قدامك وانت ما شفته ليش تعصب على البنت مالها ذنب يا يبه
ابو هند حس ان ظلم بنت لف بيكلمها لكن تفاجئ انه ما لقاها

عند فوز اللي عند بنات خالها وفجاة دق الفون بصوت العوضي العذب
في كل يوم احس ان**)
فوز : الوو اللووو الوووو ؟؟
بعد ثواني طوط طووط طووط طووط
بنت خال فوز : منوو !!
فوز : مادري بس صايرة تييني مكالمات من ارقام غريبة تدق وتصكر
بنات خالاتها وخوالها : ههههههههه يمكن معجب سري
فوز : هههههههه اي معجب سري يصكه بويهي واللي يعافيكم فكونا ههههههه قال معجب سري قال

فيينا *
مرام باحدى الحدائق الرائعة تمشي بروحها بالشورت الابيض والبلوز الحفر السماوي : الله يا حلات الجو يا ليتكم يا هنود وفوز معاي اااخ يا ليت
وفجاة اوقفتها صوت رنة هاتفها نغمة الايفون العادية
وتنور باسم * ابو عبد الله * عقدت حواجبها : ابوي ؟ شحقة داق غريبة يدق !!
( علاقة مرام بابوها شبه معدومة لاسباب بتعرفونها بالبارتات الياية لمن نتعمق بماضي ابطالنا مرام ما سجلت اسم ابوها عضيدها باسم ابي او حبيبي كبعض البنات او على الاقل الولد كان اسمه بالسابق مجرد نقط (...........) اما الان ( او عبد الله ) ترى لماذا هذا الجفاف بالتعامل و الالقاب ؟ سنرى

مرام بصوت مستغرب : هلا يب,, وسكتت ما كملت كلمة يبه تحسها ثقيلة على لسانها لما تقولها
ابو مرام بصوت جهوري : وينج ؟
مرام باستغراب : بالحديقة ليش فيكم شي ؟؟
ابو مرام : لا تعالي البيت الحين
مرام بخوف : ليش في شي يب** في شي ؟
ابو مرام : اوهووو خلصينا
مرام توخر الفون عن اذنها من الصراخ : زين
توجهت للبيت بخطوات سريعة مشيا لان الحديقة كانت قريبة وهي خايفة يكون فيه شي !!
دخلت بسرعة : عبود عبوود
لقت امها بالصالة تقلب القنوات الغنائية : عبود نايم شفيج ؟؟
مرام : ابوي كلمني قال تعالي البيت عبوود فيه شي فيكم شي ؟؟
ام مرام : لا – وتلتفت –
مرام بصدمة : يمةة شفيه ويهج !!
ام مرام بعصبيه : شفيه ؟؟ ماكو شي بس توني راجعة من الطبيب سووييت لي شد
مرام : شد ؟
ام مرام تحذف الريموت : اي ولا يكثر
مرام تمسك بطنها : ههههههههههههههه
ام مرام : شفيج ؟
مرام وهي تصعد : ماكو شي
ام مرام : حمد لله والشكر استخفت
مرام تركض لغرفة عبود وتفتح الباب : عبوو وسكتت لما شافت ابوها يغطيه وهو نايم
ارتجفت ايدها من على مسكة الباب وانصدمت !!
صكته بهدوء وطلعت
وركضت لغرفتها بسرعة وصكت الباب واستندت عليه وهي تقول بنفسها بقهر
شمعنى عبوود شمعنى ليش مو انا لييش متى غيطتني متى اصلا شفت غرفتي ولا دليتها متى اصلا زين انك تدري ان عندك بنت زييين
ومسحت دموعها اللي خانتها ونزلت بهاللحظة وهي تتذكر معاملة ابوها القاسية لها لما كانت بعمر اصغر من عبد الله
صحت من سرحانها لما سمعت ضربات خفيفة على الباب
مسحت دموعها بسرعة بطرف ايدها وفتحت كانت حاطة امل تلقاه بويهها ويحضنها لكنها شافت الخدامة بمريولها القصير الاسود : mss maram your dad wonts you now and he told me to told you don’t wake Abdulla from sleep
الترجمة * انسة مرام والدك يريدك الان وقال لي ان اقول لك ان لا توقظي عبد الله من نومه *
مرام هزت راسها بمعنى اي وصكت الباب راحت للحمام تغسل ويهها من الدموع

بالكويت وعند باب باسكن روبنز
هند بدموعها اللي تنزل دقت على راجا *سايقها* يجي وياخذها للبيت لكنها لفت على صوت واحد يمها يكلمها
*****: لا تتضايقين ترى كل الابهات جذي ما يرضون على اليهال
هند تمسح دموعها وتشوف هالمزيووون اللي يكلمها : نعم حاجيتني ؟؟
****: اي احاجيج يا ام العيون العسلية
هند : اقول توكل توكل بس
*****: اقول بلا نفسية ترى ياي اخفف عليج يا عمري
هند : اوهووووووووو
وتروح
وتدق على راجا : راجا خلصناا ها وينك وصلت اي كاني عند الباب
وتصعد واستسلمت لنوبة بكاء كااملة داخل السيارة

اما بسيارة اخرى
ابو هند وبيده الفون : اففففففففف جهازها مغلق
مرت الابو : خلاص يا يبا ردنا البيت وانت تدور فينا بالمكان جنا مهبل
ابو هند : انتي جب
مرت الابو : خلاص تلقاها راحت البيت
ابو هند : ومع منو دامها ردت معانا انا الغلطان ما كان مفروض اعاملها جذي الحين تحط ببالها اني احب اخوانها واغليهم اكثر منها
مرت الابو : اقو لترا اهيا مو ياهل بعد شنو ما تخاف على عيالك وما تحبهم خلاص يا يبا فكنا وردني البيت راسي افتر
ابو هند : برد وادق عليها لين ترد امري لله

في اجواء باردة منسدح بسريره على بطنه بوسط غرفته الباااردة
ضاري : والله يا حياتي ظروفي ما اقدر
البنت : انت كله جذي ظروفي و ظروفي انزين بس خطبة ع الاقل بعدين لما تتحسن ظروفك نملج
ضاري : خلاص يبه ولا يهمج بس لا تزعلين فديتج
طق طق طق *
منى : عادي ادددش
ضاري : تعالي منوش دشي
منى (اخت ضاري ) بلهفة : قع تحاجي فوز ؟
ضاري يخزها ويرد الفون لاذنه : اي هلا هلا حياتي يالله اكلمج بعدين انا
البنت : تعال تعال منو فوز ؟؟
ضاري : اختي شفيج
البنت : اوكي بيبي لا تنسى تدق ها
ضاري : انشالله
ويصكه *
منى بضيقة : يعني هذي مو فوز ؟
ضاري : عاجبج بغيتي تفضحيني ؟
منى : ليش يا ضاري لييش !
ضاري : شنو ؟؟
منى : وفوز
ضاري : اخخ هذي بالقلب يا يبه بالقلب
منى : مدامها بالقلب على قولتك عيل شحقة تخونها ؟
ضاري : هذي ما تتسمى خيانة خيانة لا لعب
منى : وترضى فوز تسويها
ضاري بعصبية : منى شهالحجي
منى : شدراني عنك – وتقلده – لعب !
ضاري : فوز غير اهيا تحبني وما تسويها
منى : كا انت تحبها وسويتها
ضاري : انا غير انا صبي والولد شايل عيبه
منى ترفع ايدها للسما : الله يهديك
ضاري يحذفها بالمخدة : هههههههه ذلفي بس ذلفي
ولا تخافين فوز بالقلللب واهيا الحب الحقيقي على قولتهم

بفيننا *
مرام وهي تنزل الدرج بخطوات بطيئة : هلا
ابو مرام وهو ينزل نظارته ويصكر الايباد من الاخبار : زهبي اغراضج بعد شوي سفرتنا الكويت
مرام بابتسامة تشق الحلج : صصصج ؟؟
ابو مرام ببرود وهو يلبس النظارة : اي يالله لا تاخرينا امج راحت تتزهب وعبود انا بزهب اغراضه
مرام : اوكي

البارت التاسع
نورت الكويت فيك يا غلا روحي وبك يا الغلا كله زادت الكويت انوار
مرام بالطيارة وتتزهب لان بعد دقايق بتهبط الطيارة بمطار الكويت : هههه حياتي هنود وفوز اكيد عبالهم اني للحين هناك بيستانسون صج صج اشتقت لهم
ولما انزلوا بالمطار
عبد الله يمسك ايد اخته : مروم
مرام : هلا عبود
عبد الله : شنو شريتي لرفيجاتج ؟
مرام وهي تخربط شعره وتدزه بلعب و دفاشة : هههه مو شغلك
عبد الله : انا شريت لهم كللهم كل واحد جهاز يديد
مرام : لا انا ماراح اقولك
عبد الله : مالت زين
مرام : ههههههههههههههههههههه


اشوفك وين يا مهاجر قلي باي بلد صاير
اشوفك وين يا مهاجر
صول من روا باب غرفة هند المقفول : نوودا ماما قول قصري على مسجل نوووداا اووه
هند : زيين زيين روحي

بالشقة الضيقة وبغرفتها بالتحديد ببلوزتها البيضاء وشورتها المخطط
سكينة : فرح والللي يرحم والديج خلصي اموري تعبت
فرح تطلع كيس ابيض على بيج : هاج يبا هاج
سكينة تكب المادة البيضاء على الطاولة الخشبية وتشم : اخيييراا اااخ
فرح : ههههه انزين سكينة
سكينة : هاه
فرح : ما ودج تر
ويقاطعهم صوت فون سكينة
سكينة : هلا ابوووووووووي وصلتي الكويت ؟
مرام : اي توه
سكينة : تعالي لي
مرام : لا بعدين امر البنات وبالليل امرج
سكينة : ولك تؤبريييني
مرام : هههههههه يالله وصلت بيت هنود بعدين احاجيج
سكينة : وحمد لله على السلامة
مرام : الله يسلمج
سكينة تصك الفون وتلتفت على فرح : هاه شكنتي تقولين ؟
فرح : اليوم في حفلة ببيت حمود تروح وياي
سكينة : لا مروم بتمرني توها ياية من السفر
فرح : اوك براحتك يا الحبيب
اما عند هند اللي حاطة راسها على المسجل الكبير اللي بالكوميدينة وتسمع حاتم العراقي
طق طق طق *
هند بعصبية : اووووه صول ذلفي ماني مقصرة زين
مرام بضحكة : واذا قالت لج مرام قصري
هند اللي انصدمت وظنت انها تتوهم
مرام : هههههههه يالهبلة بطلي انا مرام صج ما تتوهمين
هند بسرعة نزلت من السرير وبطلت الباب : مرووووووووووووم !
مرام تسد اذنها : اي ليش كل هالصياح
هند : متى رديتي يا الجلبة ولييش ما قلتي لي
مرام بابتسامة : حبيت اخليها سوبراايز
هند تحضضنها
مرام : انزيين شوي شوي اخخ
هند : هههههههههههه اشششتقت لج يا خراا
مرام : وين اشتقتي لي وانا كل يوم اكلمج
هند : جذابة مو كل يوم صار لج 3 ايام ما حاجيتني
مرام : تصدقين واييد
هند : هههههههههههه جب

عند فوز المنسدحة على سريرها وتتكلم مع بنت خالها : لا توتة وربي مالي خلق خليها يوم ثاني لااا
انزين بعدين اكلمج معاي خط ثاني
: هلا هنود شنو المفاجاة لا لا قولي الحين اوك الحين اييج باي

هند تصك الفون وتطالع مرام : كاهي ياية
مرام : تعالي وين رايحة ؟
هند : بروح ابدل
مرام : ليش
هند : بنفر الكويت كللللها اليوم

مرام : خلاص روحي انطرج
هند : بعزمكم على حسابي
مرام : اوه هندوه صايرة تعزم
هند : طاايحة من عينج شنو !!
مرام : هههههههههههه
طق طق طق *
هند بهمس : هذي شكلها فوز انخشي بالكبت انخشي
مرام : اوك اوك لا تبطلين الباب صبري
هند : هلا فوز دشي
فوز : خلصيني شنو المفاجاة
هند : الله شهالستايل
فوز تدور بالغرفة بفستانها الكحلي : شراييج
هند : وااااو شوو
فوز : ادري
هند : فوز طلبتج فتحي الكبت ونقي لي خوش بدلة على ذوقج
فوز : من عيوني
وتبطل الكبت
مرام : بوووووووووووووو
فوز بصراخ : ااااااااااااااااااااااااااااااااااااااااا
هند ومرام انسدحوا من الضحك بالارض :ههههههههههههههههههههههههههههههههههه
فوز باستيعاب : مرووووووووووم ؟
مرام وهي تضحك وتوقف : اي ههههههه
هند : شفتي ويهها هههههههههههههه
فوز تحضن مرام وتبجي : اشتقققتتتتتت لج متى ييتي و شسالفة وليش ما قلت*
هند : وي وي وي ما راح تسكت ههههه مروم فوز طلعوا ببدل
مرام تطالع فوز : مو جننها طردة ؟
فوز : ههههههه متعودين يبا خن نروح الصالة نسولف على ما تخلص هالهولة
هند ترفسها : هولة ويهج
مرام وفوز : ههههههههههههههههههههههه
**
ما هذه الصحبة التي جعلتهم مقربون كعائلة واحدة
هند و مرام و فوز كالاهل بل اكثر وهذه ليست كلمة تقال فقط بل هي معنى وقصة , صحبتهم قد تكون نادرة في هذا الزمان لانها صداقة لم تنبني على مصالح ابدا بل بنيت على حب وامان كعائلة تربيت في كنف واحد *:

البارت العاشر
ساذكركمالان بمقطع كتبته بالصفحات الاولى وكان بداية لروايتي
ابتدينا قصة جميلة كلها حب وامل كنا ندعي كل ليلة يا عساها تكتمل كنا نسمع كل قصة تنتهي دوم بفشل جينا نحاول نغير النهاية وما حصل *
انا لم اعد كتابة هذه المقدمة عبثا بل لان من هذه المقدمة ومن هذا البارت ستبتدي احداث روايتي فهذه يا احبتي هي * البداية *
جالسة على سريرها واضعة راسها بين ركبتيها بحسرة وهي تبكي
صول : نودا نودا خلاس بيبي لا يبكي
هند وهي تمسح دموعها : ما ابجي خلاص روحي
صول : انتي يبي روه مدرسة بكرة
هند بحسرة وهي تتلحف : اي
صول وهي تمسح على شعرها : بيبي لا يسوي زعلان
هند بابتسامة : مافي زعلان خلاص صول
صول : زين لا ينام الحين توه الساعة ستة اكل عشا
هند : لا ابي انام طلعي
صول : زين
وتصكر باب غرفة هند عقب ما طفت الليت وتطلع
وتنزل تحت
: ماما نودا واجد عور قلبي انا والله مسكين
ام هند : وينهي خن اروح لها
صول : لا هي نوم
ام هند وهي تتنهد : ماعليه اهيا مو اول وحدة تسقط
صول : ماما انتي يبي روه
ام هند : اي اذا هند قامت خليها تدق علي

فوز متربعة على قنفة صالتهم الكبيرة تحاجي امها
فوز : بعد عمرري والله هنود
ام فوز : ها يا يمة شصار عليها ؟
فوز : والله يا يمة حالي من حالج مادري جم يوم ادق عليها ما ترد
ام فوز : بعد قلبي والله الله يلوم اللي يلومها كلكم بتروحون وتتخرجون واهيا بتقعد بهالمدرسة
فوز : يمة شهالحجي انشالله بتشد حيلها وتنجح وتتخرج
ام فوز : انشالله – وترفع ايدها للسما – يالله انك توفقها والله يا فوز ان غلاتها من غلاتج احب هالبنت
فوز : يا يمة ومنو ما يحب هنود
وترفع فونها اللي دق : هلا مروم ؟ ها بشري
مرام : دقيت على بيتهم توه تقول صول نايمة
فوز تطالع ساعة فونها : نايمة الحين !! الساعة ست وعشر من صجها !!
مرام : بمرج تزهبي بنروح لها
فوز : لحظة اقول لامي
يمة بروح لهند البيت
ام فوز : اي يمة روحي وتطمني وطمنيني
فوز : اوكي مروم ناطرتج

عند بطل اخر من ابطال روايتي بتعرفونه عن قريب
Ra7 af8dch walla L
A55 elmdrsa akeed btkoon mn geerch zfft
Zyoon a7bch w rby
Take care baby I will miss you so much
صكت الرسايل اللي يايتها ورا بعض وفونها معلق من كثرهم وهي تتنهد : اخخخ فديتكم وربي بشتاااقلكم
من هذه ولماذا تعمدت تاخيرها لاعرفكم بها ؟ هل هي بطلة من الابطال او كومبارس كما يقولون ؟ سنرى !

اشرقت شمس الصباح على بلادي الحبيبة لتستقبل معها اول يوم دراسي ممل طويل على الطلبة
ترررررررررررررررررررررررررن
فتحت هند عيناها بثقل ومدت يدها الصغيرة للمنبه لتطفئه
وسرعان ما ابدلت ثياب المنزل لمريول المدرسة الضيق القصير الذي ابرز جسمها الذي تغير عن السنة التي قبلها ليصبح جسم انثى بمعنى الكلمة وقد اكتسبت هند بعض الوزن مما اعاد لوجهها وجسمها حيويته وجماله
تعطرت بعطرها المفضل * prada milano * وسرحت شعرها ليصبح مموج بشكل ملفت وجميل اخذت هاتفها وسماعاتها الفسفورية الوردية وصعدت لسيارة السايق ( مالها مزاج تروح مع الباص اليوم ) لاستقبال اول يوم للمدرسة للصف العاشر مرة اخرى
فوز *
اصطبحت بكسل على صوت هاتفها الذي يرن من قبل قيسها * ضاري * الذي سجلت اسمه بهاتفها * اخت منوش * خوفا من الفضايح J هههه
: هلا ضاري
ضاري : يالله قومي بسج نوم
فوز تطالع الساعة اللي يمها بالكوميدينة : الساعة 7 تو الناس
ضاري : اي تو الناس على ما تلبسين وتخلصين
فوز : اي بس انا ماروح مع باص اروح مع فهود وفهود ما يطلع الا سبع وربع يعني يمديني
ضاري : لا انا قلت قومي البسي الحين
فوز : حااضر لعيونك الحين البس
ضاري : فدوة عليييج ااخ
فوز : هههههههه شوي البس واكلمك
ضاري : اوكي عشان البس انا بعد
فوز : اي اليوم اول يوم جامعه ها
ضاري : اي ما تشوفيني قاعد مبجر
فوز :هههههههههههههه
ضاري : انزين اخليج تبدلين
توجهت لخزانتها وابدلت بيجامة نومها الحريرية البيضاء بمريولها الذي يصل لفوق ركبتها قليلا والواسع بشكل مرتب وجميل و سرحت شعرها بطريقة مرتبة ووضعت طوق ابيض ضعيف عليه وتعطرت بعطرها المفضل cherry blossom* من مجموعة عطور بودي شوب وتوجهت لهاتفهها مباشرة لتحاكي العاشق الولهان J
مرام *
صحت على صوت منبهها المزعج
ودخلت الحمام لتستحم وتاخذ نقاهة على الصبح
وبعد خروجها تلقت المكالمة المعتادة ككل صباح دراسي جديد من حور
مرام : هلا حور توني طالعة من الحمام سوري ما سمعت الفون
حور بغنج مصطنع : ولا يهمك تؤبريني
مرام وهي تنشف شعرها : بروح ابدل تبين شي ؟
حور : ابي كلمة حلوة
مرام بجفاف : مثل ؟
حور بعصبية : حبي حياتي اي شي حلو عاد على هالصبح يالله !
مرام : هههههههههههههه
حور : ميمو يالله
مرام ببرود : باي حور
حور : هذا اللي ناخذه منج خرا باي بس باي اشوفج بالمدرسة
مرام : باي
وتكمل لبسها المريول الواسع اللي يوصل لتحت الركبة وتستشور شعرها البني وتتعطر بعطرها المفضل * تاريخ * عطرها الرجالي المفضل وتلبس ساعتها السوداء بولو الماركة وتنطلق ليوم دراسي مع السايق

بوسط اجواء السيارة الصاخبة مع البوم حاتم العراقي الجديد منبطحة ورا والسيارة مغيمة وهي تتامر من صباح الله خير : راجا الساعة جم ؟
راجا السايق : سبعة وربع
هند : تو النااس لا تروح مدرسة صببر
راجا : يرجع بيت ؟
هند : لا طبعا روح اي كوفي جدامك بنزل اتريق ما تريقت
راجا ياشر : يبي هذا ؟
هند : اي مو مشكلة وقف السيارة
راجا : اوك
وتنزل هند للكوفي وتطلب لها كرواسون سادة مع نسكافية وتقعد بوحدة من الطاولات اللي برا

اما بسيارة اخرى مرام قاعدة بالسيارة مالت السايق الكشخة ورا وبيدها كوبها المليان كوفي ونظارتها الريبان الشمسية المفضلة على عيونها و لاهية بفونها الايفون الفايف الابيض تدق على هند وبعد سبع رنات ردت
هند : هلا مروم
مرام : وويعة زيين وينج انتي صارلي سنة ادق
هند : شفيج كا رديت شتبين ؟
مرام : بتداومين ؟
هند : شرايج يعني شايفتني قايمة ليش يعني معقولة هند تقوم الصبح اذا غايبة
مرام : جب ووينج بالمدرسة ؟
هند : لا بالكوفي *** عرفتيه ؟
مرام : اي عرفته شعندج
هند : قع اتريق يا حظي تو الناس مابي اروح للمدرسة مبجر
مرام : ليش الساعة جم ؟ *وتطالع الساعة اللي بيدها * اي تو الناس سبع وثلث خمس دقايق ويطق الجرس
هند وهي لاهية بالاكل : مابي احضر الطابور بتاخر
مرام : عالعموم كيفج انا وصلت المدرسة يالله باي بغلق جهازي عشان ما انفضح
هند : باي

نزلت مرام للمدرسة وطلعت جنطتها الخضراء الفاضية لانه اول اليوم و فصخت النظارة وحطتها داخلها ورحبت بالشلة اللي سلموا عليها وحدة وحدة وهي تدور فوز بعيونها من بين البنات
البنات باصوات متفرقة : مروم , اشتقنالج , وين هنوود , وينج عن البارتي .....الخ
مرام لفت على المرببة الحبوبة اللي وراها * روان * : رويين ما شفتي فوز ؟
روان : امبلا راحت الاذاعة الا وين هنود ؟
مرام : توني صاكته منها تقول بتتاخر ما راح تحضر الطابور قعد تتريق الاخت ب*** مو فاضية
الشلة : هههههههههههه هالبنت دجة

بوسط جو الادارة الهادي وبالتحديد غرفة الاذاعة قاعدة على الكرسي الخشبي الصغير ولابسة نظارتها الطبية وتقرا اوراق المقدمة وتتدرب عليهم للطابور الصباحي
فوز : احم احم السلام عليكم ورحمة الله وبركاته لا لا مو جذي احممم احمم
وتلتفت على ضربات خفيفة على الباب المفتوح
مرام : شقعد تسوين
فوز تسلم عليها وترفع اوراقها : قعد اتدرب على المقدمة وين البقة ؟
مرام : هههههه البقة قعد تتريق ب *** تقول ما راح تحضر الطابور
فوز : حيووواااااااانة زين جان قالت لي ما احضر واتريق وياها
مرام : ههههههههههههههه حتى انتي بعد
فوز تحذف الاوراق على الطاولة وتفصخ نظارتها : والله مالي خلق نفسي جد ززهقت رجعنا يا مروم للشقا
مرام : اي والله صاجة
فوز ابتسمت : دريتي انتي اي صف ؟
مرام : لا التهيت مع الشلة ونسيت
فوز : انا وياج مع بعض
مرام : حلفي زييين
فوز : اي 11 علمي اول
مرام : خن اروح احط اغراضي عيل
فوز : لا حطيها هني بغرفة الاذاعة ولما ارجع الصف اخذها معاي
مرام : اوكي

هند تدق على السايق : راجا بسرعة تعال وينك اختفيت
راجا : اوكي الحين يجي
ويمرها ياخذها
هند وهي تركب : وين رحت يالله امش المدرسة
راجا : اوكي
ووقفتهم الزحمة
هند : اففففف يا هالزحمة !!
الساعة جم راجا ؟

راجا : سبعة خمس اربعين
هند : اوف !!

بسيارة همر بنفس شارع هند
زين : سلمانوه تكفى تكفى مر الجمعية باخذ لي شي اشربه
سلمان : اووه شوفي الساعة ترا ببتاخرين زيادة وهذا اول يوم لج بمدرسة يديدة
زين : ما عليه ما عليه انت بس وقف
سلمان : يالله نزلي

هند : راجا راجا وقف وقف عند جمعية
راجا : بس انتي اخر مدرسة
هند : ماعليه وققف باخذ ريدبول وقف

بالجمعية *::
زين تدور بقسم المشروبات وهند تركض بتاخذ ريدبول بسرعة
فجاة دعموا بعض
هند تفرك كتفها : وويعة ما تشوفين
زين اللي ماسكة 3 ريدبول : سوري يبا ما شفتج
هند تتعداها : مرة ثانية شوفي عدل
زين : حمد لله والشكر !!
هند بنرفزة وهي تدور من بين كل الثلاجات : افف وين الريدبول لو سمحت لو سمحت وين الريدبول ؟
العامل : خلص يا ستي مافيش
هند : لاااااااا افف خرا عليها خلصته هالبيضة
طلعت من الجمعية وهي تسب وتتحلطم وزين تمشي نفس مستواها بس بعيد
زين بتحرش : ههههههه شفيج تتحلطمين
هند وهي ماسكة باب السيارة بتركب لفت : وانتي شكو !!
زين بضحكة عالية : هههههههههههههه
هند تركب : حمد لله والشكر حرك راجا حرك بس

وصلت للمدرسة وكانت الساعة 8 بالضبط
هند تمشي بهدوء قبل لا تمسكها ابلة بدرية سكرتيرة الغياب
لكن حظها خانها
ابلة بدرية : تعالي تعالي
هند : هلا ؟
ابلة بدرية : هند ؟ ما عرفتج
هند : هلا ابلة شلونج
ابلة بدرية : الحمد لله انتي شلونج
هند : زينة
ابلة بدرية : شحقة متاخرة ؟
هند : ابلة ظروف
ابلة بدرية : زين تعالي اعطيج ورقة تدشين الصف
هند تروح وراها لغرفة شؤون الطلبة
ابلة بدرية : اي صف ؟
هند : مادري ما شفت صفي
ابلة بدرية : انتي علمي ولا ادبي
هند : لا هذا ولا هذا عاشر
ابلة بدرية بخيبة امل : عدتيها ؟
هند باسف : اي
ابلة بدرية : روحي لابلة هدى تعطيج كشف الصفوف
هند : اوك
طلعت الا وحدة شعرها بوي اسود مدرج وبيضااء وثوبها وسيع ولي الركبة وتراجيها معبية اذنها من فوق لتحت وريحة عطرها الرجالي مالي المكان كله : انتي ؟
زين : هذا انتي ؟
هند : انتي مو اللي بالجمعية ؟؟
زين : امبلا انتي بهالمدرسة بعد
هند : اي من السنة اللي طافت انتي يديدة ؟
زين : اي
هند : اها وتروح
زين : تعالي
هند : نعم
زين : وين الاقي كشف صفوف عاشر
هند : تعالي معاي انا بعد عاشر
زين : انتي بعد عاشر ؟
هند : اي بس المفروض 11
زين : حتى انا مفروض 11
هند : باي مادة ؟
زين : شنو ؟؟
هند : قصدي باي مادة عدتيها
زين : 3 مواد فيزياء اجتماعيات و كيمياء وانتي
هند : رياضيات و كيمياء
زين : اها احم وتمد ايدها – انا زين
هند تسلم : وانا هند
زين : ههههههه شفيج منفسة اليوم بالجمعية
هند : لان الريدبول خلص
زين : هههههههه عندي بالجنطة تبين
هند : لا مابي
زين تمد لها الريدبول: عن العيارة واخذي *وتغمز * هدية تعارف
هند : ههههههههههههه عيل هاتي
زين : هههههههههه
الابلة : تعالي انتي وياها وين صفوفكم
هند : هلا ابلة هدى
ابلة هدى : هند ؟؟ ما عرفتج
هند : ابلة نبي كشف صفوف عاشر
ابلة هدى : عدتيها ؟؟
هند : اي
ابلة هدى تطلع الكشف : هند لحظة امم انتي ب عاشر خامس
وانتي شسمج ؟
زين : زين *** ال ***
ابلة هدى : معاها بنفس الصف
هند وزين التفتوا على بعض وابتسموا
بالممر زين وهند متوجهين للصف
هند : كاهو صفنا امشي
ولما انفتح الباب عم الصمت المكان
الابلة : نعم
هند تعطيه الورقة :متاخرة ؟؟
الابلة تطالع زين : وانتي ؟؟
زين : معاها
الابلة : اتفضلوا

بالفرصة
مرام طلعت مع فوز من صفوف 11 علمي الي فوق
مرام تتمغط : خن نروح ندور هنود بصفوف عواشر
فوز : اوك
وهند تطلع مع فوز ويوقفونهم بنات : بنية بنية
زين : تحاجيني ؟
البنت : اي انتي يديدة هني ؟
زين : اي
البنت بتحقيق : شسمج و شصلج
هند : ههههههههههههههههه
زين تخز هند : زين ال********
البنت تطالع هند بطرف عينها : ثينكس
زين : ولكم
ولما راحوا ضربت هند : وويعه شحقة الضحك
هند : كيفي شايفتها هي ويهها مع التحقيق
زين : ههههههههههه
زين **:
متوسطة الطول جميلة الملامح ذات جاذبية كبيرة
شعرها قصير بشكل مدرج واسود ذات غمازات جمييلة جدا لا يكاد من يرى ابتسامتها ان يبعد عيناه عنها لكن هذا الجمال ضائع لانها كالباقي مسترجلة ** وكم فتاة جمييلة بمجتمعنا خربت جمالها وجاذبيتها بمسمى ( بوية )
التفتوا الثنتين على صوت مرام : هنود ؟
هند : هلا مروم
مرام تطالع زين : هلا فيج منو ؟
هند : مرام هذي زين زين هذول خواتي قبل لا يكونون رفيجاتي فوز ومرام
فوز ومرام : هلا
وهذي كانت اول معرفة لبطلتنا الرابعة مع بطلاتنا الثلاث
You know my name but you didn’t know my story
You see my face but you didn’t know how I think ,

البارت الحادي عشر
بالاسبوع الثالث بالضبط من الدوام المدرسي **
الساعة 4 العصر
بالبيت الكبير الفاضي بوسط غرفتها الواااسعة
مرام تكلم فوز بالفون وبيدها الثانية كتاب الجيلوجيا : ايه ايه وبعد اي سطر يالهولة هههههه اي كا شنو السؤال ايه ايه كتبته اي وبعد شقالت حتى الرسمات اووكي فوز شفيج ؟؟ فيج شي !! فوزز ؟؟؟ خلاص بعدين دقي اوكي , اوكي ؟ يالله باي
صكرت الكتاب بهدوء وراحت للحمام خذت لها شور سريع وبطلت ثلاجتها الصغيرة خذت لها عصير برتقال وتزهبت لدراسة اختبار الفترة *جيلوجيا * باجر
قضبت كتابها ودفتر صغير عشان تذاكر بس نست تييب لها قلم : اففف انا وين حطيت باكيت الاقلام اممم بطلت كل دروج المكتب اللي تدرس عليه ما لقت وراحت للتسريحة وبطلت الادراج بطريقة عشوائية وسريعة لكن اللي وقفها لما شافت برواز باللون الذهبي مقلوب ومكسور من ورا محذوف بالدرج الاخير وعليه غبار
مرام باستغراب : شنو هذا ؟
شالته وقلبت الصورة * شافت صورة ابوها وكان صغير يعني تقريبا بالمراهقة وهو لابس نظارات شمسية قديمة وكان بوحدة من حدايق الدول الاوروبية كان يشبها واااااااااااايد بالملامح والوقفة حتى بالابتسامة
مررت اصابعها الضعيفة على البرواز وهي ترتجف : ي يبا !
قربت للمراية الكبيرة اللي جدامها وبيدها البرواز رفعته لجهة راسها اليمين وكانها تشوف الشبه بالمنظرة بينها وبينه وبعد ثواني قعدت على طرف السرير تتامل الصورة بعتب وحزن : اشتقتلك يبا ابي اشوفك !!
ومع سرحانها بالصورة تذكرته حاولت تتذكر يوم حلو بقربه يشفع له عشان تسامحه لكن للاسف ما لقت , تساقطت دموعها على البرواز القديم وعلى ويه ابوها بالصورة وكلمته كانها تعاتبه : وينك يبا وييينك يبا محتاجتلك يبا تعال ابي ظهر ابي سند يبا تعببت الدنيا لعبت فيني يا سندي تعاال زفني على طلعاتي الزايدة مثل باقي ابهات رفيجاتي امنعني اقص شعري وخلني اطوله مثلهم بوس راسي واحضن شهادتي بين ايدك لا يبتها اوعدني بهدية لا يبت النسبة اللي انت تبيها زفني طقني لا سقطت باي مادة احضر حفلاتي –ارتجفت شفتها – اللي ولا عمري شفتك فيها يبا ليش انا غير عبد الله بشنو احسن مني يبا ليش تكرهني ليش !! وقبل لا تقول هالكلمة شهقت ورددتها ليييش تكرهوني ليييش وما صحت من صراخها الا البرواز تحول لقطع زجاجية صغيرة مرمية بالارض !!

فوز صكت تلفون البيت اللي كانت تحاجي مرام منه وصعدت غرفتها ركض وهي تحاول تستوعب رساله ضاري اللي وصلت لها
الله يعلم بمعزتج عندي يا فوز الله يعلم !
اعذريني على الكلام اللي بقوله لكن انا وانتي ما نصلح لبعض
فوز ماسكة الفون بيدها وتطالع الرسالة مو مستوعبه محتواها !!
دقت عليه وهي تتامل ان هالكلام اندز بالغلط او انه مسوي مقلب بايخ
دقت لكن محد رد
صكته وقعدت على الارضية برجفة وهي تمسح على ويهها بخفة وتداري دموعها تنزل لانه موقف بايخ ومقلب سخيف من ضاري مايحتاج تبجي وهي تحاول تصبر عمرها : لا يا فوز – تمسح دموعها – هذا مقلب الحين يدق ويضحك ويقول من صجج انا اتغشمر الحين الحين

هند : ههههههههههه يالهولة جب الحين مقعدتني من نومي واخر شي تقولين بعدين احاجيج ماكو
زين : هنوود يالله عاد هذي ليان اللي قلت لج عنها
هند : حبيبتج الرابعة ههههههههههه
زين : اي وو لا وحدة منهم تدري عن الثانية
هند : يا رب يجكونج عشان تتوبين عن هالسوالف الماصخة
زين : جب فالج ما قبلناه
هند : يا بنت الناس تعبنا واحنا نقولج حرام حرام بنت تحب بنت تدش النار بس ماكو فايدة منج دشي النار وفكينا هههههههه
زين : ههههه لا انا ما احبهم اهما يحبوني انا مالي شغل
هند : لا حلفي ههههههههههههه
زين : انزين اكلمها وادق عليج تالي
هند : ذلفي ذلفي خن اروح لصول تسوي لي خبز وجبن ابرك من مجابل ويهج
زين : هههههههههههههههه
هند وهي تنزل : صوووووووووووووووووول صووول
صول تاشر لها : اووش في مرا عند ماما
هند : مرا ؟؟ منو
وتدش الصالة
ام هند : هلا هنود تعالي سلمي على خالتج
هند باستغراب : هلا خالتي وتسلم
الحرمة : هذي بنتج ماشاء الله جنها اختج
ام هند بخجل : هههههه تسلمين
الحرمة : ها شقلتي يا ام هند الخميس نتوكل ونخطب
هند : تخطبون !!!!!!!!
الحرمة : اي يمة امج بتتزوج
هند : تتزوج !!!
ام هند : هند يمة روحي غرفتج
هند: بتتزوجين !!!
ام هند تخزها : بعدين نتفاهم يالله روحي غرفتج
هند تركض لغرفتها بصصدممة
: اممي بتتزوجج !!!!
ام هند : انا موافقة
الحرمة : لللللوووووييش
بغرفة هند –
صكت اذنها من صوت اليبااب وهي تبجي : لا لا لا ماراح تتزوج لا لا
صول تطق الباب : نودا هاك خبز
هند : لا لا لا ماراح تتزوج لااااا
صول : نودا نودا شنو فيه نوودا !
هند تبطل الباب وتنزل تحت عند امها اللي قاعدة بروحها بالصالة : بتتتزوجيين خلااص !
ام هند : هنود حبيبتي تعالي
هند بصراخ : جاوبيني ؟
ام هند : اي انا مو اول وحدة تتزوج شفيج !

هند بغصة : وانا ؟
ام هند وهي توخر عيونها عن عيون بنتها اللي ضايقتها : انتي روحي غرفتج وبعدين نتفاهم
هند بصراخ : وانااا يماا واناا
ام هند تصعد : لا هديتي تفاهمنا
قعدت هند بضعف على ركبتها بالصالة وهي تبجي وصول تهديها
فوز اللي على حالتها ووضعيتها المنصدمة تنطر اتصال من قيسها و حياتها ضاري لكن ما من مجيب دقت واتصلت مليووون مرة لكن مافي رد وبعد الاستسلام استسلمت روحها لنوبة بكاء صامتة وهي تحس روحها بتتقطع من اللي تضن انه مقلب بايخ ومو راضيه تستوعب انه حقيقة مرة للاسف

البارت الثاني عشر
في وسط زحمة الطالبات وتنوع المتعه في وقت ينتظره كل من اصابه الملل من الحصص الدراسية الكئيبة في " الفرصة "
بعيدا عن صديقاتهم الكثيرات او " شلتهم " التي اعتدن ملاقتهن في كل فرصة وبعيدا عن الضوضاء جالسات في زاوية من زوايا المدرسة الخالية على كرسي اخضر طويل من الحديد
مرام وهند وفوز فقط دون الشله الباقية <<
مرام وهي تطالع رفيجاتها اللي اول مرة ما يسوون ازعاج ويلجونها بقرقتهم كالعادة وكل وحده سرحانة بعالم ثاني
مرام وهي تحرك ايدها بالهوا جدامهم عشان ينتبهون لها : فووز ، هندوووه وين رحتوا !!!
هند اللي انتبهت لمرام : ها ؟؟؟
مرام : شفيكم ليش كل وحدة فيكم بعالم ثاني وساكتين مو عوايدكم
هند سندت ظهرها على الكرسي اللي يجمعهم : ماكو شي شفيج
مرام تطالع فوز اللي تطالع الارض : فووز ! شفيج
فوز : ------ ماكو رد
مرام : فوووووووووز
فوز تلف على مرام وبهدوء : خير ؟
مرام تطالع عيون فوز المغورقة : فيج شي ؟
فوز توخر عيونها عن مرام : لا
مرام تلصق بجنبها وتمسك حنجها وتلفه صوبها : طالعيني ،، فيج شي
فوز تبلع ريجها وتصكر عيونها : مرام وخري - وبصوت مرتجف وهي توخر ايدها - ماكو شي
مرام بخوف : شفيه صوتج ؟؟ ليش عيونج مغورقه شفييييج
فوز ترد تطالع الارض : خلاص ماكو شي
مرام تطالع هند الثانية اللي ساندة عمرها للكرسي وبدال الارض طالعت السما : هند شفيج بعد !! شفيكم
هند وهي تعدل قعدتها وتطالع مرام : ماكو شي شفيكم
مرام بدون صوت تأشر على فوز
هند بحركة عفوية ودايما تسويها بفوز ضربتها على ظهرها : فوزوووه شو بنا شفيها زيتوونة
فوز بصراخ وردة فعل ما توقعوها ابد : اييي - لفت على هند وعيونها محمرة من العصبية - وكسر انشالله

هند استغربت من ردة فعلها وطالعت مرام اللي استغربت اكثر منها : شفيج ؟؟؟
مرام تمسح على ظهر فوز : فوز شفيج هنود ما تقصد
فوز صدت عنهم : والله عاد تقصد والا ما تقصد وخروا عني
هند بعصبية : عيارة وجمبزة اكلي تبن بس الشرهه علي بشوف شفيج
لفت عليها فوز والدموع تنزل من عيونها بغزارة : تبين تعرفين شفيني ها!!!!
هند بغصة : فوز شفيج والله ما اقصد حقج علي تكفي..
قاطعتها فوز لما طلعت ايفونها الابيض من جيب شورتها التحتي وحطته بويهها : هذا هذا اللي فيني - وبغصة كبيييرة - اقري اقري
هند خذت فون فوز وقعدت تقرا بصوت عالي :
" الله يعلم بمعزتج يا فوز عندي ب... "
وسكتت منصدمة من باقي محتوى رساله ضاري
مرام تمد ايدها بتاخذ الفون من هند عشان تقرا بينما ايدها الاخرى على ظهر فوز المنهاااارة
هند : حقيييير امبيه حقييير
مرام تمد ايدها : يا خرا عطيني الايفون
هند تمد لها الفون وتسحب فوز من بين ذراع مرام اليسرى لصدرها عشان تهديها وتمسح على شعرها المتناثر
مرام عقب ما قرت رجعت الايفون لجيب مريول فوز وحظنت ظهرها وراحوا مع بعض في عناق جماعي اللي كلهم محتاجين له
وكان وضعهم ( فوز بالنص ومرام حاظنة ظهرها وهند حاظنتها من جدام )
وكل وحدة فيهم وهي حاظنة الثانية تفكر بهمها
مرام بنفسها وهي حاظنه فوز من ورا : شتبجين عليه يا فوز شتبجين والله لو اني منج ما بجيت لحظة ضاري، منو يعني ضاري ؟ دام ان احلى نعمة عندج ، امج وابوج ما قصروا معاج بشي عمرهم ما حطوا شي بخاطرج عمرهم ما تركوج بعز ضيقتج ليش تبجين لييييش !!!
هند وهي تسمع شهقات فوز راحت بسرحانها وبهمها : ااخ يا فوز ليش يايبه الهم لنفسج دام امج وابوج ببيت واحد وحواليج دامج لا صبحتي،، صبحتي فيهم مع بعض وباحلى عايلة سكنتي ابوج ما تزوج وكون له عايله ونساج وامج ما فكرت بلحظة تحطج
ورا ظهرها ليش تبجييين
.................................................. ...
بالشقة المتوسطة المتكونة من دورين
قاعدة بالصالة جدام ريوقها المتاخر اللي قبالها وتفكر : بتزوج خلاص !! اهو نساني ونسى بنته ليش ما اعيش حياتي لييش والا لاني حرمة اندقر واموت ومحد يدري عني لا ريل ولا شي خليني اتزوج واعيش حياتي حال اي مرة واذا على بنتي بتتعود اهيا مو دايمه لي مردها بتتزوج وبتكون عايلة بييها ريل يحميها ويحبها وعيال يكبرون بحظنها
خلاص اليوم بتصل على ام ناصر واحدد الملجة
..................................................
بقسيمة كبيرة وتدل على مستوى طبقتهم المتوسطة بالمجتمع وليست الغنية ولا الفقيرة انما المتوسطة
وبغرفته بالتحديد لانه لم يذهب لعمله و " سحب " عليه كما يقولون
منسدح على ظهره يتامل السقف ويطالع التلفون ورسالته اللي دزها لحبيبه قلبه
ضاري : انا ليش سوويت جذي لييييييش لييييش !!
وفكر لوهلة -
بس ليش ليش اعلق فوز بأمل ماراح يصير
مينون انا اتزوج فوز واخلي بنت ال""" هذي بنك مركزي هذي لو تزوجتها بعيش طول عمري مرتاح فكر يا ضاري فككر تتزوج اللي يحبها قلبك والا تتزوج اللي يحبها عقلك وجيبك واللي تقدر تسدد اقصاد سيارتك وديون ابوك اللي راكبة ظهره
والله لو طوفت هالبنت اللي توني تعرفت عليها وما تزوجتها بكون غبيييي
بس فوز اااخ يا فوز ما عليه انشالله ربي بيعوضها بولد الحلا.." وسكت ما هان عليه قلبه يقولها ويتمنى لها العيشة مع واحد غيره
بس الطمع يغير الانسان مية وثمانين درجة !
.................................................. ..
عند فوز وهند ومرام بعد ما انتهوا من عناقهم الجماعي
هند بطريقة منها لتلطيف الجو خذت بطل الماي ورشته على فوز لتتحول دموع فوز لضحكات بصوت عالي
مرام : هههههههههههههههههه
وخذت بطلها لتسكبه عليها كرد دين على ما فعلته بفوز او " فزعة "
هند وهي تمسح ويهها : ياااااا جلبه يااا جلبه شعرييي الحين بتشوفين الكشة عدل ليييش !!!
مرام وفوز : ههههههههههههههه
فوز وهي توخر شعرها المبلل عن ويهها : اشوه ان شعري ناعم
هند : لا والله - وتطب عليها - انا اعلمج
مرام : ههههههههههههه
••
عجيبة هي الصداقة عندما تخرجك من مزاج بقمة الحزن لمزاج اجمل واجمل وغريبة هي الاقدار عندما تصدمك بشخص كان اقرب لك من رمش عينيك !!