كاتب الموضوع :
نغمه وفاء
المنتدى :
القصص المهجورة والغير مكتملة
رد: انتِ القصة التي لا أريد أن تكون لها نهاية / بقلمي
لآ اعرف كيف أخفي مشآعري في حبك
[♥]
ولآ أشوآقي في بعدك ,, ف كل ما أدركه انني "
أعشقك .. وأعشقك .. وأعشقك
البــــــــــــارت الرابـــع
اليوم الاول في العزاء كان للحين الكل مصدوم على وفاة ياسمين في الظهر الكل متجمع في منزلها يجهزوو كل شئ للعزاء
جهزو غرف لياسمين عشان الغسل والكفن حضرو ياسمين وجائت احدى مدرساتها غسلتها وكفنتها وقبل العصر دخلو الحريم لها
وكان الوداع الاخير لهااول مافتحت الكفن كانت ياسمين مرره منوره ومبتسمة وبعدين دخلو الرجال الي يقربون لها
اول ماشافها ابوها جلس في الارض وبداء يبكي والكل يهديئه قبل جبينها وفرح مرره لها لان الي يشوفها كأنها شهيده وليه مو
شهيده وهي الي كانو الاطباء مرره مهملنها فا من جد تعتبر شهيده باسها اخوها طلال ونزلت دمعه حاره قال لها:موعدنا الجنة
ان شاء الله وحضنها وطلع قبل لاينهار اكثر>>>>>>>>هذي قصة حقيقية حصلت لوحده تقرب لنا
************************************************** ********************************************
دخل لصاله باس راس امه : كيفك يما
الام : الحمدلله تمام انت كيفك ياوليدي
: الحمدلله تمام دامك تمام يالغاليه
الام: الله لايغير
:الا فين ابوي
ماخلص كلمته الا دخل ابووه
الام: الطيب عند ذكره
ابتسم الاب وجلس: كنتم تتكلمون عني
الام: احمد يسأل عنك
احمد: ايه يبا فين كنت
-----------------------------------------------------------------------------------------------------------------
احمد عمره25 سنة معلم في نفس مدرسة طلال تخصصه رياضيات حلو ووسيم وعيونه عسلية
وشعره ممررره اسود سواد الليل ومطوله شوي وبشرته بيضاء جسمه رياضي اخوو منال وميس
-----------------------------------------------------------------------------------------------------------------
الاب: كنت اعزي صديقي ابو طلال
احمد رفع جاجبه: منهو ابو طلال
الاب:انت تعرف ولده طلال الي في نفس مدرستك معلم
احمد يحك شعره : الي يدرس اعاقة
الاب: ايووه
الام: خير من مات
الاب: بنته
احمد: الله يرحمها
الاب: اميين الا بقولك بكره ان شاء الله رووح عزه
احمد: يصير خير
الاب: وشيل امك
احمد: ان شاء الله
وقف الاب: يلا بروح انام تصبحون على خير
الام واحمد: وانت بألف خير
----------------------------------------------------------------------------------------------------------------
أبو احمد "تركي"عمره 45 سنة رجل أعمال كبير لاكن شغله عمره ما أشغله عن بيته ولاعياله
ودلوعته منال بنته
******
أم احمد"نورة"عمرها 40سنة تحب زوجها وعيالها وخاصة تركي لاكن تحب الطلعات
ماتجلس ببيتها دايم
----------------------------------------------------------------------------------------------------------------
في ثاني يوم للعزاء الساعة 10 ونصف
كان راكب سيارته وبصراخ: يمااااا يلاااااا
طلعت امه: يلا يلا هذاني جيت
احمد: مرره تأخرتي ترى الا هو عزاء
الام وهي تأخذ نفس: اختك منال وميس بيجوون معنا
احمد: اووه وانا اقول بمر لبسام صديقي
الام: فين تمر له حتى ابوك بيروح معنا
احمد: اووووه
ركبت منال: السلام عليكم
: وعليكم والسلام
جاء الاب
احمد: يبا ارجع ورى بسووق انا وبمر لبسام
رجع الاب: يلا مشينا
************************************************** **********************************
كانت جالسه في غرفة الي فيها اقربائها ممسنده ظهرها على الجدار وضامه رجلها وتبكي بصمت
كل ماهدئت ترجع تتذكر ان اختها رحلت ترجع تشهق
في مجلس الرجال.....
دخل احمد وابوووووه وبسام سلموو على الرجال ومروا من عند طلال وابوه ابوو احمد سلم وجلس
احمد سلم على الاب: عظم الله اجرك
ابو طلال: اجرنا واجرك
بسام: عظم الله اجرك
ابو طلال: اجرنا واجرك
مر احمد من طلال وقف طلال وحضنه وهو يبكي لساته منهار احمد: عظم الله اجرك وجعل مثواها الجنه
طلال وهو يبعد عنه:اجرنا واجرك الحمدلله على كل حال
وهكذاااا..
شويات دخل رجال وباين عليه انه كبير بالسن سلم على الكل وجلس عند الاب وكان من يمين الاب احمد
الرجال يكون خال ياسمين وهو تقريبآ شويات كبير يتكلم مع الاب: خلاص ياوليدي المفروض تدعي لها
الاب كان متلثم وهو يبكي: الله يرحمها
الخال: ترى مايجووز تبكي بتعذبها وهي في قبرها وانت ماشفتها كيف منوره ومبتسمه وان شاء الله في الجنة
ابو طلال وهو يمسح دموعه: ان شاء الله
الخال: اوقف مع اولادك محتاجنك اكثر وهي ان اشاء الله طير من طيوور الجنة
ابو طلال: ان شاء الله
************************************************** ******
عند الحريم...
مسحت اسيل دموعها وراحت عند امها شافتها ساكته تناظر للاسفل اجت حتى عندها وجلست بقربها ووضعت راسها على كتفها وامها
تمسح على راسها شويات دخلوو ام احمد ومنال وميس سلمت على الكل شافة ام طلال عرفتها انها هي ام ياسمين سلمت عليها وعلى
اسيل ام احمد: عظم الله اجركم
ام طلال: اجرنا واجرك
جلسوو وكان الصمت سيد الموقف
شويات الا ينادي طلال بصووت عالي من عند الباب : يما
اسيل بهمس: يما طلال يبيك
قامت الام وجلست اسيل
كانت في عجوز في نفس الغرفة تقول لاسيل: الا يابنتي اختك الي توفت منوو
اسيل ودمعتها في طرف عينها وببحة: ياسمين
العجووز: ياسمين منو من اخواتك
اسيل: الي عمرها 19 سنة توها متخرجة من الجامعه
العجووز: اها الله يرحمها متى توفت
اسيل: يومها
وعم الهدووء
************************************************** ******
نختصر الرواية ونقوول بعد ثلاثة شهوووووووووووور
تزوجة فاتن من ابن صديق ابووها واسمه خالد وايمان بولد خالتها عثمان وامل لسه مخطوبة وزواجها بعد عدة اسابيع وتزوج
طلال بابنت صديق ابووه واسمها رحمة
كانت الام مررره معترضة على الزواج وهو بنتها توفت قبل 3 شهور بسس بعد محاولة الوالد رضت بالغصب
طلال: اسيل الله يخليك سوي لي شاهي هااه
اسيل وهي بيدها الجوال: ليييه
طلال: بيحضر عندي صديقي
اسيل: ان شاء الله ولييه رحمة ماسوت لك
طلال: اقوول اسيل بلا كلام كاذب سوي لي وبسس
اسيل: طيبب
طلال: الساعة 9 ونص جاهز هااه
اسيل: قلنا ان شاء الله
************************************************** ******
نخلي اسيل شوي ونروح
لبيت آخر يختلف بالفخامه والرفاهية اللي فيه عن هالناس
"بيـــــت أبو فــــــــــارس"
نزل من الدرج وريحة عطره تسبقه كان متوجه للباب بيطلع شاف امه جالسة بالصالة بروحها وتتقهوة ماحب يطله بدون مايمر يسلم عليها
دخل الصالة اللي كان غالب عليها اللون الاسود والابيض
فارس دخل وباس راس امه وجلس :كيفك يالغالية
أم فارس:بخير دامك بخير يمه اشوفك لابس وكاشخ وين طالع؟
فارس:فديتك يمه أنا دومي كشخه
أم فارس:هههههههه اكيد يمه طالع علي
فارس:ههههه أي يمه بطلع وبروح الشركة
أمارس:اجل خلاص يمه مابي أعطلك
فارس وهو يقوم:اجل يالله يمه مع السلامة
أم فارس:بحفظ الرحمان يمه
طلع لمواقف سيارتهم ركب سيارته
طلع من باب الفله وطلع جواله ودق على وليد ولد عمته
وليد كان في دورة المياه<<الله يكرمكم
طلع وهو ينشف شعره بالمنشفه شاف جواله يرن رفعه
وليد:هلا فروس
فارس:بدري كان نمت
وليد يستخف دمه:تصدق توني قمت خلاص شبعت نوم
فارس:هههه ماتضحك يالله انا قربت اوص الشركة عجل بنخلص شغلنا بسرعه وبنطلع بنروح النادي
وليد:اوكي نص ساعه بالكثير
فارس:نشوف بس ها بعد النادي وين تبينا نروح
وليد بحماس وهو يروح للتسريحه وياخذ المشط ويمشط شعره :قالي علاوي امس مر من عند الكرونيش ياخي في بنات شي هناك وش رايك نروح نرقم
فارس:اوكي صار بس لاتتأخر عشان يمدينا نطلع ونروح البحر وعلى قولتك نقز وبعدها نروح للشباب الاستراحة
وليد:أوكي يالله اقلب وجهك
فارس: هههههه مع السلامه
-----------------------------------------------------------------------------------------------------------------
فارس.. عمره 23 سنة طالب في الكلية تخصص هندسة مع وليد ولد عمته بشرته برونزيه عيونه ناعسة وحلوة شعره بني كثيف وهو مفزلجي
وليد.. عمره 23سنة حلو وحنون شعره اسود بشرته بيضاء عيونها بنية يدرس هندسة مع فارس ومتفوق بدراسته ودلوع امه مثل فارس مغزلجي
-----------------------------------------------------------------------------------------------------------------
************************************************** *********************************
جهزة الشاهي واعطة طلال ولساته بتجلس ترتاح الا تناديها امها
اسيل: هلا يما
ام طلال: بابنتي روحي طفي المكيف حق مجلس الرجال الخارجي
حكت اسيل شعرها وعبست بوجهها: يما طلال قال صديقه جاء
ام طلال: مااظن يابنتي شكله خلاص روح لان طلال ذحين شفته جاء
اسيل: طيب يما
نزلت وهي متلحطمه دخلت للمجلس وبكل قوه دفعت الباب ماشافت فيه احد رحت لين عند المكيف وقفلته وهي تقول بصوت عالي مو منتبهه
للشخص الجالس : وش ذا استغفر الله رجال اخر زمن حتى المكيف ماقفلووه مو لهذي الدرجة توصل
ولفت بوجهها وتجمدة رجولها مو قادره تمشي بها وهو مانزل راسه يشوف ذي الملاك الي عنده
انتبهت لنفسها وعلى طوول طلعت وهي خايفه
: اسيل
اسيل طاح قلبها خافت لاشافها طلال وهي طالعه: هلاا
طلال وفي يده شاهي وبسكوت: من وين جايه
اسيل: كنت بقفل المكيف
طلال: اها لاتدخلي في رجال داخل
اسيل في نفسها" خلاص لو فات الفوت ماينفع الصوت": ان شاء الله
وعلى طوول جري للداخل
دخل طلال لاحمد وبدو بسوالفهم
في الليل كان احمد في فراشه يتذكر تلك الملاك الي شافها : ياربي تجنن اووف خلاص نام لاتتذكرها وشويات وهو في سابع نوومه...
نهاية البارت^^
توقعاتكم.......
اسيل..احمد..
فارس..وليد..
والكل^^
وانتظروني ببارت احلى ان شاء الله^^
قَــد يُحبُني هَذآ ،
وَقدْ يَعشقَني ذَاكْ ،
وَقدْ يَولّع بيْ كُلَّ هَؤلآء
...
لَكِنْ قَلبيْ لآ يُريدْ إلاَ أنت!!♥
_________________________________________________
العُزلـة الموجعة بحق . .
هي - إنكساركـ - من الداخل
و لملمت أجزاؤك بنفسك خارجاً ،
لتبدو أمام من حولك بأفضل حالاتك . . !
البــــارت الخامــــس
عند فارس ووليد...
وصل فارس لمنزل وليد ركب وليد السيارة : سلاااااااااام
فارس وهو مبتسم: وعليكم والسلام نمشي
وليد: اكيييد
فارس:توي راجع من الشغل
وليد: اها وليه رحت
فارس: ابوي اتصل علي قال في شغل مهم
وليد:هههههههههه مسكين والله جامعه وشركه
نظر فارس لوليد بعين حاره: اصلآ عادي
وليد وهو يضحك : ايه عادي
وصل للكرونيش,,
فارس: احم يلا ننزل
وليد: بتصل على علي بشووفه فينه
فارس: يلا
فارس كان لابس بنطلول جينز ازرق وبلوزه سماوي وكان مرره خق
ووليد لابس بنطلون جينز وبلوزة كت لونها أبيض مكتوب عليها كتابات بالأنجليزي باللون الاحمر
جاء علي وسلم على فارس ووليد >>>>>>>ويلا للحماس هع^^
************************************************** *
اسيل وهي تصحي طلال : طلال
طلال: همممممممممممممممم
اسيل: قوم يلا الساعه 2 الليل
طلال: امممممممم طيب طيب
اسيل: اووووووف يلا قوم واصلآ وش جابك عندنا وفينها زوجتك اووووف يلا قوووووم
قام طلال وهو يحك راسه : كم الساعه
اسيل وهي تقلده: كم الساعه اوووف الساعه 2 الليل قووووم يلا
طلال: طيب طيب وليه مصاحياني الحين
اسيل: مدري عنك انت قلت لي ..وطلعت...
************************************************** **************
في مكان ثاني
كانت منال عند اهلهاا...
ميس بحماس:وش رايك نرووح بيتك
منال وهي تأكل بسكوته: ولييه
ميس: ولاشئ بسس ابي اشووف وش فيه من اكل واكيد المطبخ مليان وانتي جايه هنا مابقي شئ مااكلتيه
منال وهي تضع البسكوت بعصبيه في الطاوله: اووووف وانا اكل من رزقك اوووف روحي عني بسس
ميس: اووووووف منك انتي مو انا المهم بروح بكره اقص شعري
منال: وانا وش علي روحي قصيه كله عساك
ميس وهي تطلع من المطبخ: اقول اطلع احسن من مقابلة وجهك
************************************************** *******************
في الكورنيش...
علي: اوووووووف تعبت "وجلس في الكرسي" حتى الحين ماحصلنا بنت حلووه
فارس يجلس جنبه: هههههههه وش رايك اروح اشتري سندوشتات وعصير
وليد: بشرط بحسابك
ابتسم فارس حتى بانت غمازاته واشر على عيونه: من عيوني
رد له وليد الابتسامه: يلا قوم" وسحبه وجلس مكانه"
راح فارس يدور لمكان في سندوشتات واول ماشافه على طوول اول ما وقف عنده كان شويه زحممه وقف فارس ينتظر المكان يفضي لفت
انتباهه بنت مع اخوهها..
: اووووف يلا ريان ادخل بسرعه مو فاضيه لك
ريان: يالله وش ادخل انتي ووجهك ذا ماتشوفي الزحمه
: اووص فضحتنا ووش فيه وجهي احسن من وجهك
فارس كان يناظرهم واول ماتكلمت البنت انفجر ضحك: ههههههه
ناظرته البنت بعين على طوول كتم ضحكته
: ريان هات انا اشتري
ريان: طيب طيب وامري لله " واعطاها الفلوس"
البنت من غير سابق انذار على طول دفت الي امامها
فارس فتح عينه : اووو مو بنت هاذي
************************************************** ********************
اسيل: طلال لييه قلت لي صحيني الساعه 2
طلال وهو يلبس ثوبه: برووح عند احمد
اسيل: احمد والا حبيبة القلب
طلال وهو يجلس : ووش عليك بدك شئ
اسيل: منوو احمد
طلال: الي جاء العشاء
اسيل: اووووو ووش بدك منوو الحين في ذا الوقت المتأخر
طلال: ابد اشغال مهمه
اسيل: ووش مهمه
طلال: قلت مهمه "وهو يشدد" مهمه
اسيل وقفت وشبكت يدها ببعض: طلال الله يخليك خذني معك
طلال: اخذك معي وش اسوي فيك
اسيل: الله يخليك
طلال: اقوول روحي نامي
اسيل: بس ماعندي نوم والله ابي اطلع تعبت وانا محبووسه في البيت كانو سجن
طلال: يوم الاحد دراسه روحي نامي عشان تذاكري دروسك
اسيل: والله ذاكرتها امس من كثر الطفش الله يخليك
طلال: طيب طيب وامرنا لله خمس دقائق وانتي جاهزة
اسيل وهي تقفز: ياهوووو خلاص بس بجيب عبايتي
طلال: ترى بنزل واخليك في السيارة وامكن اتأخر
اسيل: مو مشكله >>>>>>>ماتدري انها بتندم هع
************************************************** ********************
في منزل ابوو احمد
كان الكل مجتمع في الصاله يسولفون
نزل احمد وهو لابس الثوب وجلس في الصاله...
ابو احمد: وش مقومك ذحين
احمد: طلال بيئجي
ابو احمد: لييه عسى ماشر
احمد: لا بس عندنا شويات اشغال
منال: الحيييين
احمد: ايه الحييييين
ام احمد: الوقت متأخر
احمد: ايه بس نبغى نكمل بسرعه
ميس: هو لوحده
احمد: ايه ومين مثلآ بيئجي معه "ووجه نظره لمنال" وانتي وش جابك؟
ميس: قلت لها
منال: اووووووف وانتو وش عليكم بيتي وش دخلكم
احمد: لا بس كل يوم قاطه عندنا
منال بدلع: يباا
ابو احمد: بس على بنتي هي جايه لعيوننا انا وامها مو عشانكم
منال بدلع زايد: ايه صح
احمد: بس مو لايق عليك الدلع روحي تدلعي على فهد
وشوي وهو يرن جوال احمد" قام احمد" : هذا طلال شكله جاء يلا بدخله المجلس..
************************************************** ********************
عند فارس وهو راجع لاصحابه ومعه الاكل جلس عند اصحابهك والله فاتكم بنتت مرررره مرجوجه
ضحك وليد: ههههههههه وش صار
فارس: "حكى لهم السالفه"
علي: هههههههههههه فينها خلنا نشبك
فارس شافها من بعيد اشر لجهتها: هذاك الي جايه
كلهم لفوو لها جاءت البنت لين عند فارس كانت متلثمة وفاتحه عينها: احمم "مدت له بـ 10 ريال": هذي طاحة منك
فارس: اووو " وفتش جيبه" ايه والله صادقة غريب مااخذتيها
البنت كانت ماده يدها لفارس عشان تعطيه الفلوس على طول سحبتها من غير ماتعطيه وقال بدفاشه: تصدق كنت بااخذها بس تأسفت قلت امكن ماتبيها بس خلاص دامك ماتبيها باأخذها
فارس فتح عينه"جد ماتستحي": اقوول هاتيها
: لا لا خلاص بشتري بها شحن والله جوالي مافيه رصيد
فارس لف بوجهه: حلالك
ريان: اوووووف راما تعبت من الانتظار
راما: طيب يلا تشاوو
وليد يهمس لفارس :ماتبي تشبك
فارس ضحك: والله فكره "وناظر لرما": لحظه
راما وهي تأشر على نفسها: انااا
فارس: ايه ممكن ارقم
راما ضحكت: هههههههه اوكيه>>>مطيحه الميانه
وليد يهمس لعلي: عيني عينك قدام اخوها
علي بنفس الهمس: ايه جد ماتستحي
راما : هات انت رقمك
فارس: اوكيه سجلي ******0550
راما: تم المهم عندك اخوات
فارس بااستغراب: اييه
راما وهي رايحه: اوكيه بكلم لما اتصل اختك >>>>ام التحطيم
هنا خلاص وليد وعلي انفجرا ضحك: هههههههههههههههههههههههههههههههه
فارس فاتحه فمه من الصدمه
وليد وهو يضحك: انتبه لاتدخل ذبابه فمك ههههههههههههه
فارس: توقعتها تقول ماترضاها على اختك جد ماتستحي
علي : هههههههههههههههههههههههههه مسكين
فارس: قام يلا قومو انسدت نفسي
علي: ههههه الحمدلله ماطلبت رقمها انا
فارس بعصبيه: هاهاها يلا قومو
--------------------------------------------------------------------------------------
راما..عمرها 17سنة تدرس ثاني ثانوي علمي مع اسيل شطورة حلوة ونعومه شعرها لونها بني قاصته الشلال
ويوصل لنص ظهرها بشرتها بيضاء ودوم خدودها حمراء إذا خجلت...
ريان..عمره 12 في سادس عيونه بنية وشعره اسود وناعم وبشرته بيضاء ويحب لعب الكورة
-----------------------------------------------------------------------------------------
************************************************** *************************
احمد: هلا والله نورت والله
طلال وهو ينزل من السيارة: هلا فيك النور نورك والله
احمد ابتسم: حياك تفضل
طلال وهو يدخل: مشكوووور" ودخلوو للمجلس"
كانت اسيل في السيارة ووواااااو وش ذا بيتهم مرره حلوو وعبست بوجهها اوف حتى ماكلف على نفسه وقال ادخلي
في الجلس..
احمد: وش تشرب
طلال: لا والله مشكور ماابي شئ
احمد: افااا بس وهذي هي اول زيارة ماتبيني اضيفك
طلال: هههههه خلاص ابي عصير
احمد: من عيوني واحلى عصير
طلال: تسلم
عند اسيل..ملت مرره : اووف وش ذا مرره تأخر
شويات ويطلع ابو احمد شاف اسيل وقف استغرب منو الحين عنده مافي الا صديق احمد غريبه امكن من اهله بس ليه مادخلت
اسيل اول ماشافته ذابت في المقعد خايفه :هذا وش موقفه " واول ماشافته اعطاها ظهره ورح: تنفست براحه
دخل ابو احمد على طوول للمطبخ شاف احمد طالع ومعه العصير وشويات حلويات ناداه: احمد
احمد: هلا يبا
ابو احمد: الا بقولك شفت بنت في السياره عسى طلال جايب معه حد
احمد بااستغراب : والله مدري خلني اروح اشووفه
ابو احمد: طيب ولو وحده من اهله خلها تدخل منال وميس حدهم طفشانين
احمد: ان شاء الله يبا " وراح للمجلس"
احمد يمد العصير لطلال: تفضل
طلال وهو ياأخذه: تسلم والله
احمد: بسألك طلال
طلال: سم
احمد:سم الله عدوك في حد جاء معك
ابتسم طلال:ايه اختي
احمد: ليه مادخلتها
طلال: والله موب داعي قالت مرره طفشانه اخذتها معي
احمد: طيب خلها تدخل اصلآ حتى اخواتي طفشانين
طلال: اوكيه الحين بروح لها
احمد: تمام
راح طلال لعند اسيل اسيل اول ماشافته استغربت: اوو غريبه خلص بدري>>>>مكأنها قبل شوي قالت تأخر مرره
فتح طلال الباب: اسيل انزلي
اسيل بااستغراب : لييه
طلال: والله اخوات احمد يبون يتعرفون عليك
اسيل: انزل شووف حالتي حاله
طلال: مو انا قلت لك من اول ابسي شئ زين المهم انزلي يلا لا تأخرينا
اسيل: طيب " ونزلت"
احمد راح بلغ خوواته كانو مستغربين وعلى طول لغرفهم يتجهزون
دخلت اسيل للمجلس حق الحريم وهي مرره خجلامه
شويات وتدخل منال ووراها ميس
منال باابتسامه: هلا والله منوره
وقفت اسيل وهي تسلم عليهم وبخجل: النور نورك
بعد ماسلمو: كيفك
اسيل: والله الحمدلله تمام وانتي كيفك
منال: الحمدلله بخير وش اسمك
اسيل باابتسامه: اسيل
منال: عاشت الاسامي وانا منال "وتأشر على ميس" وهذي ميس
اسيل: تشرفت
ميس: اسيل موب لازم للعبايه>>>>>بدون مقدمات
منال ناظرة ميس بنظره يعني عيب
اسيل: والله "وهي تحك راسها" شكلي مبهذل ماكنت ادري اني بنزل
ميس: يلا يلا بس عادي مافيها شئ
منال: اعتبري البيت بيتك اصلآ حتى احنا لبسنا مرره عادي
اسيل: اهوون والله
ميس: يلا ترى شويات وبنحط العشاء
اسيل بااستغراب: عشاء والله موب لازم
منال: والله اول زياره يعني لازم
اسيل: والله شويات ونروح
منال: مو مشكله
ميس: يلا "وتاشر على عبايتها>>>مصره
ابتسمت اسيل: خلاص مو الحين
وشويات مع السوالف وكانت اغلب الوقت ساكتين تعرفت اسيل عليهم مرره وعرفت ان منال متزوجة
وانهم بس هما اختين واخذت ارقامهم..وشويات وقت العشاء
الخدامات جهزو العشاء في مجلس الرجال والحريم وكانو مره متحلطمين منو الحين في ذا الوقت يحضر
اسيل بعدت عبايتها بعد جهد من ميس
منال كانت لابسه تنوره لين نص الفخذ جينز وبلوزة بااكمام طويله لونها موف ولامه شعرها بااهمال
وميس كانت لابسه فستان قصير لين تحت الركبه بدون اكمام ولونه تفاحي وفاتحه شعرها
اسيل كانت لابسه بجامه للنوم لونها وردي علاقي مره شكلها كيوت وفاتحه شعرها ومره ندمت لانها ماسمعت كلام طلال لما قال لها غيري وهي رفضت
وبعد مااكلووو وطبعآ لاتخلو من السوالف
اسيل: الحمدلله شبعت
منال: افا توك جالسه
اسيل: لا والله اصلآ مااكله قبل في البيت سفره دائمة" ووقفت" بروح للمطبخ
ميس: خلاص انا بقوم
اسيل: لا والله مو لازم
منال: لا خليها تقوم
اسيل: حلفت والله اجلسي كملي اكلك بس فين المطبخ
منال: اول ماتطلعي من المجلس في اليمين
اسيل: اوكيه
في مجلس الرجال
قام احمد: بروح اجيب المويه
ابتسم طلال: اوكيه
دخلت اسيل للمطبخ غسلت يدها وشربت مويه وشويات سمعت حدا يدخل وهو ينادي: سوينا جيبي المويه
ووقف وهو يناظر لاسيل
لحظة صمت
والكل يناظر للثاني
احمد.."دخلت للمطبخ عشان اشيل المويه واول ماشفته تجمدت مكاني هذي نفسها الي شفتهاعند طلال
معقوله زوجته بس هو قال انها اخته بسس وربي ملاك"
اسيل.."اول ماشفته تجمدت مكاني يؤ هذي المره الثانيه اشوفه فيها وبعد بهذي الملابس" عمضت عينها ونزلت راسها"
وش هذي الفشله"
احمد انتبه لها ابتسم وعلى طوول طلع من المطبخ وقابل في وجهه منال
منال: وش بتسوي
احمد: كنت بااخذ المويه
منال: اها واخذته
احمد باابستسامه حتى بانت غمزاته: لا في بنت داخل
منال: اوو صح اسيل
احمد" اسمها اسيل يازينه والله": اها روحي جيبي المويه
منال: ان شاء الله
دخلت منال واول ماشافت اسيل ابتسمت: اسفه
اسيل: لا عادي"هذا جزاي لاني قلت لميس ماتئجي معي"
اخذت منال المويه واعطت احمد
اسيل بخجل: منو ذا
منال: هذا احمد اخويه
اسيل: اهاا متزوج>>>>>>ماامداك تسألين
منال : لا لسه وليه تسألي
اسيل: هاه هههه والله مو قصدي شئ بس مع اخوي واخوي متزوج وهو لا
منال: ههههههه لا لا امزح ان شاء الله قريب
اسيل: الله يوفقه
منال: امين والجميع
وشويات والكل ودع بعض ورجعوو لمنازلهم
انتهى البارت^^ وان شاء الله كان طويل هذا الي
قدرت عليه t_t
توقعاتكم..
اسيل بتحب احمد والا العكس؟.؟.
فارس.. وراما بتكلمه..
ومنال وش قصدها بان احمد بيتزوج قريب^^
وان شاء الله البارت نال اعجابكم انتظروني بكره^^ ان شاء الله
هوّن على نفسگ إذآ / ضقت و ” تهوووون “
لآ تنشغل بَ آلشرح و آلجَرح جرحگ
آللي يبي [ يگرهگ ] ب يگرهگ ” من دون “
وآللي [ يحبگ ] مآهو محتآج ” شرحگ “
_____________________________________________________
الاصدقاء . .
هِمُ آلذِينْ يمِنحونككَ آلتنفسُ ،
بَ : مكِآنْ مغِلقَ تِوفوآ فِيههَ آلكِثيرُ !
فعِلآ | آلآصدِقآء نعمِةة آلحِيآه
البــــارت الســــــادس
في يوم جديد مشرق
صحت من النوم مالها خلق تداوم بس وش تسوي امس مارجعو هي وطلال الا بقي شوي وبأذن الفجر تنهدت وقامت اخذت شاور ولبست مشطت شعرها ذيل الحصان اخذت شنطتها وعبايتها نزلت شافت امها تجهز اختها الصغيره..
اسيل: صباح الخير
الام: صباح النور
جلست في الكنبه الي في الصاله: فينه ابوي
الام: ماتبي تفطري
اسيل: لا مو مشتهية افطر في المدرسة ان شاء الله" والتفتت لاختها الصغيره هديل" جاهزة هدوول
هديل وهي فيها النوم: ايه
--------------------------------------------------------------------------------------------
هديل..عمرها 8 سنين في ثالث ابتدائي شعرها لكتفها بيضاء حبوبه
--------------------------------------------------------------------------------------------
شوات وجاء الاب: يلا جاهزين>>>>كلمة ابوي المفضله هع
اسيل وهي تأخذ شنطتها: ايه
************************************************** *************
في المدرسة..
اسيل جالسه ويدها على خدها فجائها بصوت عالي : بوووووووووووووووووووووووووووووووووووووووووه
فزت اسيل وهي تمسك على قلبها وبصراخ: راما والله مو رايقه لك اووف
راما:هههههههههههههههههههههه شكلها اليوم الاخلاق قافله
اسيل ناظره لها بعين ورجعت لحالتها
راما بااستغراب : سوله وش بك >>>>>>>>سوله لقب اسيل^^
اسيل: مافيني شئ
راما: من جد
اسيل: ايه
راما: هممممم
************************************************** *************
في مدرسة اخرى^_^..
احمد: ههههههههههههههههههههههههههههه ايه والله
طلال: مو كأنك جايع
احمد: والله مررررره جايع
طلال: تبينا نروح نأكل
احمد: ايه بس شويات اخلص هالشغل
طلال: اوكييه
احمد يناظر طلال ويقول في نفسه"والله ماتشبهك مررره"
طلال يضع يده في خده: فيه شئ استاذ احمد
احمد: هاه ههه لا ولاشئ
طلال: الي مااخذ عقلك يتهنى
احمد ابتسم" اه من غيرها "
************************************************** *************
في الليل عند راما...
ريان: افففففف وش هالعيشة استغفر الله
راما وهي خارجه من المطبخ: ريانووووه وش بك
ريان: والله معادها عيشة هذي
راما باستغراب : اذكر الله وش بكك
ريان: لا اله الا الله ملل مررررره تخيلي اشياء ابيها ومااشتريها واصحابي معهم منها
راما بحزن: وش نسوي طيب ترى والله احاول اسوي اي شئ عشانك ويلا معد ابيك تتكلم عن هالامر
ريان بصراخ: الا بتكلم انا ابي ارجع بروح عند امي او ابي
راما بصرخ اكثر: ريان ترى امي واوبوي متطلقين وكل واحد راح يعيش حياته في حد سأل عنا تكلم يلا وخلاص قلت لك اسكووت"وطلعت لغرفتها"
ريان: اوووووووووففففففففففف
في غرفة راما...
كانت مرره حزينة على اخوها: لها الدرجة ريان مل مني ومايبيني اوف طفشانة حدي "جلست شوية تفكر وتذكرت الرقم نطت من الكرسي"
تذكرت لازم اتصل عليه" وناظرة للساعه" بس مو كأن الوقت مو مشكله بتصل وبسس "اخذت الرقم" وسجلته في جوالها واتصلت
رنه رنتين مافي اجابه رجعت اتصلت نفس الشئ اتصلت مره ومرتين وثلاث ووووووووووووو ^_^
************************************************** *********************
في منزل فارس..
كان في سابع نومه بعد ماجاء عنده وليد عشان يذاكروو سوى وحلف عليه فارس انه ينام عنده وهو في سابع نومه
سمع جواله يرن ماهتم ورن ورن ورن طفش : اووف منو هذا الي يتصل شاف رقم غريب استغرب امكن شئ ضروري
رد: الووووووووو
************************************************** **********************
راما بابتسامه: سلاااااام
فارس باتستغراب: وعليكم السلام
راما: اشلونك
فارس: منو معي
راما: قلنا اشلونك
فارس: تمام والحين منو معي
راما: وانا تمام
فارس: منو سأل الحين المهم خلصينا ومنو معي
راما: هع ماعرفتني
قارس: لا
راما: افاااااا تونا اليوم متلاقين
فارس يتذكر: اها انتي البنت الي قابلتها في الكورنيش
راما برجة: ايييه
فارس وهو يبعد الجوال عن اذنه: شوي شوي اذني راحت من صراخك
راما: هههههه اسفه
فارس استلقى على الكرسي ووضع يده على جبينه وهو مبتسم وبهدوء: كيفك
راما: بدري على كلآ الحمدلله تمام
فارس: ههههههه ليه متصله الحين كنت في سابع نومه صحيتيني حسبت صاير شئ
راما بهدوء: اسفه والله شفت الرقم قلت خلني اتصل
فارس بااستغراب من هدوئها: فيك شئ
راما: لا ابد بس مرره طفشانه
فارس ضرب خشبت الكرسي بقوه: وانا اكلمك يخسى الطفش
وليد اول ماسمع الضربه على طول فز وبصراخ: في شئ
فارس: ههههههههه اقول ارجع نومك
وليد بعصبيه: منو الحين تكلم اكيد من حبايب القلب
دفعه فارس من الكرسي على طوول طاح ولدي في الارض: اسكت
وليد بصراخ :فااااااااارس
راما: الووووو
فارس: ههههههه اسف
راما: منوو ذا
فارس: ناس فاضيه
وليد وهو يقوم : الحين انا فاضيه "وقام دفعه لاارض"
فارس: اااااااااه وليد وجع
وليد : هههه يوجعك
فارس يكلم راما: راما بعدين اتصل بك في ناس لازم اادبهم
راما بضحكه: ههههه طيب مع السلامه
فارس: مع السلامه "وقام" وليييييييد
وليد وهو يضحك على طوول للحمام
فارس يدق الباب: اقول افتح احسن لكك
وليد: ههههه لا
فارس: فين بتروح وراك وراك
************************************************** ******************
عند اسيل:
اسيل: امووووووول
امل: هلا
اسيل: خلصتي التجهيزات لزواجك
امل: ايه بقي بس شويات اغراض
اسيل: مابتحطوو ملكه صح على طول زواج صح
امل: ايه
اسيل وهي تستلقي على الكرسي: انا بس بقي لي الفستان
امل: ومتى بتروحين السوق
اسيل: والله مدري امكن بكره بقول لاابوي
امل: اهااا
شويات ويرن الجوال بنغمة نوكيا
امل اخذته: هذا جوال اسيل يرن لساته على هذي النغمه القديمه
اسيل تأخذه: هههههه والله كل مااغيرها مدري كيف ترجع "اسيل وهي ترد" الووو
راما بررررررجه: اشلونك يالدووووووبه
اسيل: اوو اذني اذني
راما: ههههههههههه سوري
اسيل: هلا
راما: هلا بكك
اسيل: عسى المانع خير تدقي في هالوقت
راما: وش بكك كل مااتصلت على حد قال لي الوقت متأخر
اسيل: مرره متأخر وعسى على متصله
راما تضيع السالفه: معايه فكررره خطيرة ابيك تنفذينها معي
اسيل: ابد مالي دخل بك وافكارك الي تروح بنا عالم ثاني
راما وهي مبوزه: افا ليه تقولي كذا
اسيل: لانها الصدق
راما: هههههه المهم ماتبي تعرفي
اسيل: الا
راما: اسمعي لاتقاطعني
اسيل: اوكيه
راما: اول شئ قولي لي بكره بتداومي
اسيل: ايه ليه لا
راما: طيب انا والله مالي نفس اداوم
اسيل: والله حتى انا
راما: طيب وش رايك نغيب
اسيل: والله فكره حلوه بقول لامي ماراح ترفض لانها ماراح تكون بالبيت
راما بااستغراب: فين بتروح
اسيل: عند جدتي
راما:هي بس
اسيل:لا بتروح معها امل لانها مالها خلق تداوم وبتروح تجهز لزواجها واخوتي الصغار
راما: اها هو قريب
اسيل:يب يب
راما:اها طيب واخوانك
اسيل: والله كلهم بداومهم
راما:يعني ماراح يبقى في البيت حد
اسيل: ايه
راما: طيب شوفي مخططي
اسيل: حمستني يلا
راما:بكرره بنروح انا وانتي جامعة اولاد
اسيل بصدمه : شننوووووووووووو
************************************************** *****************
في منزل ابو احمد:
ام احمد: يمه بتروحي لبيتك الحين
منال وهي تجلس: ايه فهد توه متصل علي بيمر لي
ام احمد: له مستعجله خليها حتى بكره
منال: هههه مدري عنه بس يلا دامته بيئجي لي مو مشكل
احمد وهو نازل من الدرج: اووووه بتروحي بيتك
منال: ايه وشو مصحيك الحين عجيك اللعبه تقوم في هذا الوقت والا صاحبك بيئجي
احمد وهو يجلس عند امه: ههههههه وهي شبعه كل يوم اصلآ تعودت اصحى بدري
منال بحماس: ممكن حماده تخلي اسيل مرره ثانيه تزورانا
احمد: وشو حماده هذا اصغر عيالك انا " وباابتسامه" مو مشكله اكلم اخوها
منال بضحكه: ههه شكلو الاخ عاشق
احمد يهمس لمنال: وااه فديتها انا
منال: هههههههههههه
ام احمد: بشوو تتهامسون
احمد: ولاشئ سلاماتك يما
ام احمد تقوم: الله يسلمك يلا بروح انا تصبحون على خير
منال واحمد: وانتي بالف خير" وراحت"
منال تتقرب من احمد: احمد شفتها امس
احمد: بااستغراب : منو
منال: اسيل
احمد ابتسم: ايه
منال: وكيف
احمد: حلوووه
منال: يعني خلاص نودع العزوبية ونخطب
احمد: ايه
منال وهي تصرخ : واخيررررررررا
احمد: ههههههههه اهجدي يابنت
ميس جائت وفي يدها الدبدوب وتفرك عينها: وش بكم
منال: احمد بتزوج
ميس: جد
ابتسم احمد
منال تسحبها: تصدقي من يبغى
ميس: منو
منال: اسيل الي امس جاءت
ميس: جددددددددد
منال: يب يب
احمد يضحك: جد بزران
************************************************** *************
راما:ايه شوي شوي خليني اكمل
اسيل:وانا وش دخلني
راما:قلت لك لا تقاطعي
اسيل:طيب طيب هذاني سكت
راما:خالي قال لي اليوم تعالي الجامعه عشان بيعطيني اغراض
اسيل:وليه مايحضرها هوو
راما:مدري قال لي مرره مشغول
اسيل:وبتروحي
راما:ايه ووش اسوي مضطره
اسيل:اها
راما: وابيك تروحي معي
اسيل: نعم نعم
راما: اسيل الله يخليك
اسيل:مستحححيييل
راما: اسيل والله ماحد بيعرفنا وبنكون متنكرين على اننا اولاد الله يخليك
اسيل: مستحيل تدري لو اخوي درى لا نقول انا بس مجرد افكر بيذبحني عاد كيف لو رحت تكلمي
راما: اسيل والله مااقدر اروح معك الله يخليك والله كل شئ بسويه الاثواب والشماغ بجيبه انتي بس تعالي معي
اسيل: راما مستحيل
وبعد محاولات من راما^_* وافقت
اسيل: اف طيب بس والله لو حصل شئ بسببك
راما بفرح: اوكيه اوكيه
اسيل: هههههه الحمدلله على النعمه^^
نهاية البارت
واسفه لوكان قصير تعبت والله وانا اكتب
توقعاتكم:.:.
اسيل وراما بيروحو للجامعه
راما كانت صادقة لما قالت انه خالها يبيها
احمد بيخطب اسيل وبيملكو والابيصير شئ يمنع^^
توقعاتكم تهمني ابي اشوف حماس
$,
اسَتغفِر اللھہُ = /
ب: عَددُ مَنْ ذَگرُ ۆشَگرُ
أسَتغفِر اللھہُ ب : عَددُ . .
مَنْ صَلىّ ۆگبَرُ !
أسَتغفِر اللھہُ ب: عَددُ ،
ذَنۆبنُآ حَتىّ تَغفرُ
استغفرالله واتوب اليه
_____________________________________________________
مساء ..صباح ..الشوق ..
كيفكم جميعا يارب الكل بخير والاحوال تسر ..
اعشقـها عندمـا ترتكب أي شيء لتثيـر غضبي فقط ثمـ تطلق ضحكتهـا ...
البــــارت الســــــابع
في يوم جديد حافل بالحمااس ^^
اسيل بتوتر: ايه يوومه مااراح اروح للمدرسة اليوم
الام وهي تلبس عبايتها: لييه يابنتي مافي حد بالبيت
اسيل: اااا صديقتي بتحضر عندي وبعدين بااروح معاها قالت تبي بعض الاغراض من السوق
الام: اممم والله ماادري مو مقتنعه خلاص مو مشكله بس لاتتأخرو
اسيل باابتسامة: ان شاء الله يوومه "وفي نفسها"(استغفر الله من الكذب وبعد اكذب على امي)
الام:يلا بااروح عند جدتك وبااخذ اخواتك الصغار معي
اسيل: اوكيه ماما
************************************************** *** ************
:يلا ريااانووه بسرعه
ريان:طيب انتي فين بتروحي الحين
:بااروح عند صديقتي
ريان:اوكيه رامووه بايوو
راما:بايات
راما وهي تنطط واخيرى بااسويها ياهوووووووو وعلى طول اخذت اغراضها واستأجرت تاكسي وطلعت لبيت اسيل
************************************************** *** ************
في منزل فارس
طرق وليد الباب طلع له ابوو فارس:هلا والله ياوليدي تفضل
باس وليد راسه: يسلموو ياعم بس ابي فارس عشان بنروح للجامعه
ابو فارس وهو يضحك:طيب ولو قلت لك فارس لساته نايم
فتح وليد عينه مصدوم: تأخرنا ياعم على الجامعه
ابو فارس وهو فيه ضحكه: والله صحينا فيه بس مو راضي يقوم روح له ياولدي لغرفته
وليد وهو معصب :طيب طيب انا اوريه ممكن ياعم تفتح لي طريق
ابو فارس: تفضل البيت بيتك مافي حد
وليد: يسلمو ياعم
دخل وليد للمنزل وعلى طول للدرج وكان يركض كان مرره خجلان لو يشوفه حد وفجأأأه طررررررررراخ
************************************************** *** ************
طلع من غرفته وهو كاشخ بيروح لدوامه نزل شاف امه بالصاله باس راسها:كيفك يالغاليه
الام: الحمدلله تمام انت كيفك؟
جلس مقابل امه : الحمدلله تمام
الام: فطرت
: لا مو مشتهي باافطر في المدرسه ااااا يمه
الام: وشو قول وش تبغى
:امممم "وهو يحك شعره"ماادري لو الوقت مناسب للكلام
الام: قوول يياحمد اسمعك
تنهد احمد: وبخجل ابيك تخطبين لي
الام بفرح: وهذي الساعه المباركه قول منو تبي والا تبيني ادور لك وحده
احمد: لا والله موجوده
الام:قول ياولدي منو
احمد بخجل:اسيل اخت طلال صديقي
الام: اسيل الي جأت ذاك اليوم وجلست مع منال وميس
احمد: ايه يمه
الام: يازين الي اخترت منال وميس بس يتكلمون عنها خلاص قول له يعطيك رقم امه وانا احدد يوم واروح عندها
احمد باابتسامه: اوكيه يمه مشكور"وقف" أي خدمة
الام: سلاماتك ياولدي
احمد باس امه: الله يسلمك مع السلامه
الام: الله معك
اول ماطلع احمد طلعت دمعه من الام وبفرح: واخيرآ ياوليدي مابغيت الله يوفقك
************************************************** *** ************
اسيل: والله خايفه مررررره
راما: يلا ابسي "ومدت لها ثوب لونه ابيض مع شماغ احمر وناظرة بعين :لاتخلي جسمك يبين
اسيل: والله ياراما مرره خايفه
راما: اقول لايزيد يلا بسرعه
تنهدن اسيل واخذت الاغراض دخلت غرفتها عشان تبدل
راما اخذت ثوب سكري مع شماغ بنفس اللون
طلعت اسيل وهي مكشره: اوف شوفيه ماتغير شئ
ابتسمت راما وقربت لعندها اخذت شماغها وسوت لها لثمه: خلاص الحين مايبين منك شئ عشان انتي ماشاء الله مره باين انك بنت
اسيل: وانتي ؟؟؟؟
راما: انا بااسمر جسمي ومعاي "غمزت" كشخات وزي كذا ودخلت للغرفة
اسيل: الله يهديك
شويات وطلعت راما :ترررررررررررررررراااااااا
ضحكت اسيل: وااو خطيره وربي كأنك ولد
راما: ههههه شفتي
كانت راما مسمره جسمها ومسويه جرح على خدها سوت شماغها زي الاماراتين
راما: ابسي العبايه عشان التاكسي لسه تحت
اسيل: اوكيع وبعدين
راما: نوصل للجامعه ونجلس ورى شجرة ونشيل العبايه في الكيس يلاا
اسيل: اووف راما وربي خايفه
راما: يلا بسس انا معك
اسيل تنهدت:طيب
************************************************** *** ************
عند وليد كان جالس في الارض مايدري منو اللي اصطدم به: اووه اسف "فتح عينه وتنح"
كانت اخت فارس وقفت وهي مره خجلانه ماتدري تجمع الاكواسه الي طاحت والا تروح بس على طول رجعت لغرفتها
وليد كان لسه في مكانه "معقوله ذي اخت فارس فرق السماء عن الارض"وقف وهو يحس باالم في ظهره " الله يأخذك يافارس كله بسببك لو انك من اول صحيت انا اوريك"وراح على طول لغرفته
فتح الباب كانت الغرفة بارده ومظلمه اخذ كوب الماي اللي كان على الطاوله وتوجه للحمام حق الغرفة(اكرمكم الله) وضع فيه مويه وعلى طول لعند فارس شال منه البطايه ووووووووو
************************************************** *** ************
تَمضي الأيام .. والغِيابُ لا يَمضي
وَنلتقي بَعدَ أن تَغيرَت أسماؤنا ..
"مَكسورٌ"يُقابل حَرَم"فُلانٍ غَيره"..
يُهَروِلُ النَبض.. ويَعودُ الحَنين
فالعِشقُ لاَ يَنسى .. ولو نسوهُ العَاشِقين
/
/
/
/
جالسه في الغرفة لوحدها تبكي ماحملته الايام لها عاشت في كوابيس من وال ماجاءت لهذا البيت
تعاني من الضرب كل يوم في كل لحظة والسبب زوجته التي تسيطر عليه دخل لغرفتها فزت من مكانها وجلست تناظره وهي خايفه ناظرها واخذ ملابسه ودخل يأخذ شاور جلست صارت تتذكر مكانها كيف وصلت لهذا المكان
/
/
/
( : ياا بنتي انتي اول رفضتي بس الظاهر الرجال مصر يبيك تتزوجين به قال انه متزوج وزوجته عندها اولاد من زوجها الاول فهو مصر مايبيك الا انتي اكثر من مرره حاول معي
بخجل: خلاص يابابا مو افقه"وعلى طوول راحت لغرفتها وهي فرحانه بااتزوج بشخص مره يحبني مع انت ماشفته من قبل ولا اعرفه بس مو مشكله مو لازم كيف عرفني)
فزت اول ماشفته خرج من الحمام (الله يكرمكم) كان لابس وعلى طول طلع بدون أي كلمه تنهدت براحه وقررت تنام عشان تريح نفسها)
************************************************** *** ************
في مدرسة احمد....
دخل لمكتبه اللي يشاركه في طلال ومعلم ثاني سلم عليهم
طلال: كيف حالك يااحمد
احمد: الحمدلله تمام وانت كيفك؟؟
طلال: دوم والله الحمدلله بخير
احمد: يدوم حالك ياارب امم والا طلال
ناظره طلال وهو مبتسم: سم
احمد: سم الله عدوك امي نبي رقم امك لو سمحت
طلال وهو يأخذ جواله: اكيد سجل ******0550
احمد وهو مبتسم شكرآ
************************************************** *** ************
اااااااااااااااااااااااااااااااااااااااااااه فز من مكانه وهو يمسح وجهه
جلس في الارض يضحك بعد ماصوره في جواله :كان شكلك مرره خطير هههههههههههه
فارس بعصبيه : وليييييييييييييييد جعلك الماحي قول امين
وليد وهو يضحك: تستاهل ليه ما صحيت بدري تأخرنا مرره على الجامعة
فارس: طيب طيب وراك والله مايعدي لك هاليوم على خير
وليد: مو مشكله بس ببسرعه
وقف فارس بعصبيه اخذ ملابسه ودخل للحمام(الله يكرمكم)
************************************************** *** ************
عند الجامعه
نزلت اسيل وراما وجلسو ورى شجرة بعدو عبايتهم كانت اسيل مره خايفه تحس نفسها ان اليوم اخر يوم
سحبتها راما ودخلوو للجامعة ...
دخلوو للساحة الداخليه
راما وهي مستغربة : وشو ذا معقوله كلهم عندهم محاضرات
اسيل: خلينا نرجع
راما: مستحيل كل ذا الحماس ونرجع مستحيل يلا تعالي
طلعو لعند الفصول وبدأت تفتح قسم ورى قسم وفي احر قسم طلع لها الدكتور وهو معصب ويصارخ عليه
راما: هههههههه شكله نكته ذا الدكتور
اسيل كانت ترتجف من كثر الخوف: أأأأه يومه خلاص نرجع
راما: نونو "فينهم ياربي"
اسيل:طيب روحي لخالك بسرعه قبل لايطلعو الطلاب
شويات ووو خرجوو الطلاب من اقسامهم تمسكت اسيل براما من كثر الخوف: راما
راما: اسيل بلا سماجة انتي بسس لاتتكلمي وانا كل شئ عندي حله
سحبتها لقسم الكافتريا وكانت تدور على اللي تبيه ونطت بفرح تعالي معي
اسيل: لفين شوي شوي علي
وقفت راما امام طاوله فيها اربعة شباب راما وهي تضخم صوتها: السلام عليكم
الشباب: وعليكم السلام هلا بغيت شئ اخوي
راما باابتسامة : ممكن اجلس
الشباب: اكييد
جلست راما واسيل جمبها كانت ماتدري عن شئ على بالها خال راما واحد منهم
واحد من الشباب: عرفنا عليك ياحلوو
راما: انا محمد
: تشرفنا وانا
قاطعته راما: فارس
فارس فتح فمه من الصدمة: وانت وشو عرفك
راما بااتباك: هااه بالصدفة من شكلك
فارس يتلك مع وليد: معقوله اسمي باين من شكلي
وليد هز كتفه بمعنى مدري: طيب وانا
راما وهي تدعي انها ماهره : اممممممم ولييد
وليد تجمد بمكانه : معقوله
كان جالس معهم شاب ثاني قال بمرح: طيب وانا
راما: ابتسمت بخبث : علي
فارس: وشو دراك
راما: خبره يا حبيبي خبره
طبعآ عرفتوو من همم^_*
فارس يأشر على الرابع : وهذا
راما باارتباك: اممممم عبدالله
سكت فارس وماقال شئ
راما: لييه خطأ
فارس هز راسه بلا
راما بفرح: جد " والله صدفة هع"
اما اسيل مثل الاطرش بالزفة مافهمت شئ
فارس ناظر لها وابتسم : عرفنا على اللي جنبك
راما باابتسامه: اووبس نسيت هذا حمد صديقي وتؤم حياتي
الشباب :حياك
سكتت وماقالت شئ
وقف عبدالله : وشو تبون تأكلوو
كلهم طلبوو فارس: وانت محمد
راما: ابي سندوشت وعصير لو سمحت
عبدالله وهو يأشر على عيونه من عيوني: وانت "قصده اسيل"
راما: مثلي
عبدالله : اوكيه "وراح"
عم الهدوء المكان منتظرين عبدالله فجأة سمعو شهقة قوية ناظرو كلهم لااسيل التي كانت واقفه وتأشر بيدها لااحد الاشخاص وهي تشهق وووووو
************************************************** ***********************************
انتهى البارت
************************************************** ***********************************
استووووووووووووووووووووووووووووووووب
في البارت الجاي ان شاء الله تعرفوو
والله مررره مشغوله بااروح اسوي السحور><
توقعاتكم....
البنت الجديده ايش سالفتها؟ وليش تزوجت ذاك الشاب ولييه يعاملها كذاا؟
ام احمد بتخطب اسيل لالاحمد ؟ واسيل بتوافق على الزواج؟
منو شافت اسيل ؟؟ وهل بينكشفوو ؟؟
واخت فارس وشوو دورها في القصة؟؟؟
اتمنــــــــى اشوف ردود وتوقعات وتفاعل يشجع
حااكمل اذا شفت تفاااااعل يالغوالي .................................................. .........
"سبحانك اللهم وبحمدك اشهد ان لا اله الا انت استغفرك واتوب اليك"
ندما تجــد إنســان كــان فـي السابـــق :
مـــرح .. بشـوش .. يتحــدث كثـيرآ
وفجـــــأه
أصبــح صامتـــاً .. لا يتحــدث مــع الأخــرين كالســـابق ابـــداً
... فاعلـــم أن قلبـــه انصـــدم مـــن النــاس
لدرجــة أنــه فقــد القــدره علـــى ألحــديث معهـــم !
_________________________________________________
.
السلام عليكم ورحمة الله وبركاته ...
يسعد صباحكم \\مساكم بكل محبة ورضا من رب العالمين..
صباح الجمال على قلوبكم الطاهرة..
كيفكم ال ,,,,؟؟
أحبتي في كل مكاااااااااااااااان..؟؟
عساكم بألف خير,,,
البارت الثامن,,,
ي زَحام حَياتَكُم ؛ إستَغفرُوا الله كَثِيراً ؛
فَلآ تَدرُونْ كَم مِنْ البَلآء قَد يَنزَاحْ عَنكُم ♥:) !
استغفر الله العظيم
استغفر الله العظيم
كتبْ لأن بداخلي ركام أرواح لا يسعها صدري.
أكتبْ لأن أصدقائي ينامون مُبكرا.
أكتبْ لأن أخر شخص كتبت عنه رسالة فقد حبيبته وألصق بي تهمة الشؤم.
أكتبْ لأن العالم مكان غريب.
أكتبْ لأن الغياب يبتز صمتي ويحرض الحضور فيني على الغناء.
أكتبْ لأن العالم خائف.
أكتبْ لأن الأطفال الذين يشعرون بالوحشة يبترون سكينة قلبي.
أكتبْ لأن تركيب جملة يشبه مفاجئة دافئة وأنا شخص يكره انتظار المفاجأت.
أكتبْ للنبيذ المشروب الذي يكذب عليّ ويعلق في أعلاه جملة اتخذ الخطوة الصحيحة.
أكتبْ له بأني أعلم أنه يخدعني كبقية الأشياء من حولي.
أكتبْ للفلاّح الذي يتوهم أن الشجر يستطيع الكلام وأن الطين عطره المفضل.
أكتب لأن أرجوحة الحياة ترقص بنا رقصة البريئة
أكتبْ لأن حرفي حجر يربك الثمر
أكتبْ لأنني في غربة .. والغريب نكرة لا يتذكره أحد.
أكتبْ لأن النُكتة الوحيدة التي ابتكرتها كانت سخيفة.
أكتبْ لأجد نفسي كلما أضعت بوصلتي
أكتبْ لأني لا أفهم معنى أن ينتهي الكلام بنقطة.
أكتبْ لأني حين أتكلم أبحث في حديثي عن فاصلة .. وأتعثر دوما بعلامة استفاهم.
أكتبْ لأنه لا مشكلة لدي في الخذلان .. فكم هو المؤلم أن يحب الإنسان فشله.
أكتبْ في المناسبات فهي الفرصة الوحيدة للاطمئنان على الآخرين .. حيث أجد أن وجعهم وحزنهم ووزنهم ومشاكلهم لم تتغير كعقد مُبرم مع الزمن على إبقاء المشهد كما هو حتى لو تبدل الممثلين.
فارس ناظر لها وابتسم : عرفنا على اللي جنبك
راما باابتسامه: اووبس نسيت هذا حمد صديقي وتؤم حياتي
الشباب :حياك
سكتت وماقالت شئ
وقف عبدالله : وشو تبون تأكلوو
كلهم طلبوو فارس: وانت محمد
راما: ابي سندوشت وعصير لو سمحت
عبدالله وهو يأشر على عيونه من عيوني: وانت "قصده اسيل"
راما: مثلي
عبدالله : اوكيه "وراح"
عم الهدوء المكان منتظرين عبدالله فجأة سمعو شهقة قوية ناظرو كلهم لااسيل التي كانت واقفه وتأشر بيدها لااحد الاشخاص وهي تشهق وووووو
ناظرتها راما بسرعه ووقفت وهي تهمس: وش بكك
اسيل: حـ حـ حسن
راما رفعت حاجبها : منو حسن
اسيل وهي شوي وتبكي: اخووي
شهقت راما: ااحلفي
مسكت اسيل يد راما: طلعيني وقسم بالله لو يعرفني تصير كارثة "وشهقت" جاي لجهتنا يلا خلينا نروح
قاطعهم فارس: احم في شئ شباب
راما : لا ابد بسس مضطرين نروح
فارس: افا لسه بدري
راما باابتسامة : اسفين سعدنا بشوفتكم لنا لقاء
فارس: والله وهذا انا حلفت ماتروحين الا اذا فطرتم معنا
شهقت اسيل بااعلى صوتها
دزتها راما: استفغر الله يااشيخ والله مانقدر
فارس وقف: والله اني حلفت يلا اجلسوو "وناظر لااسيل" وش بكك حمد
اسيل وشوي وتبكي بالغصب نطقت: ولا شئ
فارس: يلا اجلسوو
جلسوو الكل ابتسم فارس :حياكم مره ثانيه
: السسلام عليكم
*****************************************
: هلا حبيبي بدك اسوي لك شئ تأكله
: لامو مشتهي شئ والا فينهم بناتك
:نامين الكل سحب عن المدرسة اليوم والا اقول بسام
بسام: هلاا
: تلك البنت لين متى بتظل في بيتنا
بسام: تلك البنت اظن "وبسخرية" زوجتي وماعندي اي استعداد لااستأجر لها بيت جديد
: بسس ولو....
بسام بعصبيه: قلنا خلاص رنا
رنا: اووف طيب
: اهئ اهئ ماما
رنا وقفت بتمثيل: وش بك بنتي
: شهد ضربتني
رنا بعصبيه: وشوو وليه ان شاء الله تضربك مين هي عشان تمد يدها عليك"وناظرت لبسام" شوف لك حل مع هذي البنت
بسام بهدوء:سديم وش سوت بك
سديم:ضربتني وقالت نظفي الغرفة وقالت انك مو موجود في الغرفة وماتقدر تسوي شئ
بسام: هي قالت كذا
سديم وهي تمسح دموع التماسيح: ايه
وقف بسام لكل عصبيه وطلع للدرج فتح بابا الغرفة بعصبييه وهو يصرخ: شههد
فزت شهد من مكانها مرعوبه: نـ نعم
مسكها من شعرها بقوة : وش سويتي بسديم
شهد بخوف: هاااه
بسام: هويتي في نار جهنم قولي اميين " وبصراخ " تكلمي
شهد: والله ماسويت شئ
بسام : لاتحلفي " ومسك شعرها بقوة و طااااخ" هذا درس لك ماتمدي يدك على أي حد ولاتنسين " ابتسم بخسرية "مكانك مكان الخدامه ...وطلع
وضعت شعد يدها على خدها مكان الكف وهي تبكي :والله ماسويت لها شئ اهئ اهئ
التعريف^^
بسام ..عمره 33 متزوج برنا وهي متطلقة وبشهد وهو يعذبها اشد التعذيب اسمر شعره مرره كثيف جسمه حلوو طويل
رنا..تطلقت وتزوجت بسام لديها 4 بنات كل بناتها من زوجها الاول شعرها قصير سمراء وطويله عمرها 24صح حلوه بس شهد احلى منها ..سديم عمرها 12سنة..منار 10.. رنيم 8.. رهف 5..
شهد..عمرها19 سنة شعرها طويل لونه بني غامق بيضاء وعيونها عسلي وشفايفها حمراء تزوجت بسام على اساس انه يحبها..
*******************************************
جلسوو الكل ابتسم فارس :حياكم مره ثانيه
: السسلام عليكم
الكل : وعليكم والسلام
فارس: هلا حسن تفضل
جلس حسن مقابل اسيل وراما
اسيل دزت راما راما همست لها: شويات ونقوم
رجعت اسيل قبصتها راما عصبت وقالت: كيف حالك حسن
حسن ابتسم: الحمدلله تمام انت كيفك
راما :والله تمام " وناظرة اسيل وهي ترفع حاجبها بتحدي"
اسيل وثبتت اللثمة اقوى عشان ماتطيح وتنكشف وهي تتوعد براما
حسن: فارس منو ذا
فارس: هذا محمد "وهو يأشر على راما" وهذا حمد"وهويأشر على حمد
حسن باابتسامه: تشرفنا
راما درت له الابتسامه: الشرف لنا حسن صح
حسن باابتسامه: ايه كيف عرفت
فارس: والله مو انت بس انصدمت احنا قال لنا اسامينا بدون مايقول والله صرت اخاف منه
راما: ههههههههههههه والله "وهي تحك اذنها" مدري كيف هاهاهاا
وليد: حمد
اسيل ناظرته
وليد : وش بكك حبيبي ساكت
اسيل عضت على شفايفها بقوة خايفه تتكلم وتنكشف
راما: اعذروه شوي تعبان
الكل: سلاماتك
عبدالله : هاااااااي
: هلاااااا
علي: بدري عبوود
عبدالله: بدري من عمرك وش اسوي زحمهه اووه حسن احنا والله ماادري ليه ماقلتو لي عشان اشتري له
حسن : لا والله مو جايع توي فاطر
اسيل في نفسها :"ايه والله فاطر في البيت وانا اشهد وانا مسكينه مااكلت شئ"
اعطاهم عبدالله الاكل: تفضلو
:مشكور
******************************************
في جامعة البنات... قبل بدايه المحاضرة
منال: بناااااااااااااااااات
الكل: هلا
منال وهي عابسه وجهها : الحين علينا الدكتور الشاب
ضحكو البنات : حلووه الشاب
منال: وانا صادقة كيف وضعوه دكتور لنا كلهم شياب والا هوو
: ايه والله انا ناشب لي هنا "وتأشر على حلقها
منال: هههههههههه لييون احسه يحبك
لين: وعع قرف مو ناقص يحبني الا هذا
كل البنات كانو ساكتين
لين: رفع ضغطي كل يوم ليه متأخره منو هو مصدق نفسه قطع هو وشكله وعع وقال وشو قال يحبك زينه
سكووت
لين: بنات وش بكم
ناظرة لورى وشهقت: هههه هلا دكتور ماحست بك
الدكتور برى
لين: هااه وليه بااحضر المحاضرة
الدكتور: قلت برى حسابك بعدين
مشت لين وهي تهمس: بلى في شكلك عاد انا االي ميته فيك احسن انو راح اطلع برتاح منك
كل البنات كانو مسكين ضحكتهم لانهم سمعوها
الدكتور: روحي غرفتي
لين بمرح: ان شاااااء الله
لين..بنت مره حلووه عمرها 21 تدرس مع منال شعرها مررره طويل بيضاء عيونها واسعه مرحه بمعني الكلمة ساكنه مع والدها مره عصبي وزوجته امها متطلقة
الدكتور..وسام عمره 28 حلو مرره قليله بحقه ابيض شعره بني غامق مره كثيف هادئ وعصبي
..بذكركم في جامعة البنات لو بيدخل الدكتور يتلثمون بسس^^ مايتكشفوون
******************************************
حسن: هههههههههههههه ايه والله
راما تهمس لااسيل: ليه ماتاكلي
اسيل بنفس الهمس: خايفة لاانكشف
راما: اقول اكلي وبسس ماراح يعرفوك
وقفت اسيل وراحت
الكل مستغرب
حسن: وش به
راما في نفسها هذا حسن الي خايفه منوو والله باين انوو حبوب بس امكن من النوع الي عصبي مع اهله وطيب مع اصحابه "ناظرت حسن وابتسمت
حسن رفع احدى حاجبيه: وش بك
راما: هههههه اسفين يلاب نطلع نتواصل هااه
فارس: ان شاء الله بسس اعطني رقمك رقم صديقك
راما توهقت: اوكيه سجل رقمي *******05 ورقم حمد ااا "وهي تبحث في الجوال" فينه ياربي فينه اها سجل
فارس: شكرا
وليد : ارسله لي ها
فارس: افكر
وليد: لا والله
راما : ههههههههههههه يلا سلام
الكل: سلام
ولحقت اسيل
******************************************
في جامعة البنات
وبالتحديد عند لين في غرفة الدكتور وسام دخل عليها بعد ماكمل المحاضرة شافها وانصدم
**********
عند لين كانت كانت تنتظر الدكتور في غرفته بس تعبت وهي تنتظر : اااه ساعتين ونص لازم انتظره والله تعبانه
ناظرة لكنبه مررررررره طويله راحت لين عندها انسدحت وغطت ثبتت اللثمة ونامت<<<<خخخخ
شويات ودخل الدكتور وانصدم من شكلها تقرب لين عندها: هذي من جدها نامت
كان بيصحيها بسس خلاها على راحتها
**************************************
لحقت راما اسيل كانت تدور عليها اول ماشافتها مسكتها من ذراعها
اسيل شهت: ااااه
راما : بسم الله اسيل وش بك
اسيل مسكت على قلبها :خوفتيني تخيلي اول ماشفت حسن قلي شوي ويوقف والله اني حسيت ان اليوم اخر يوم لي
راما: والله من شكله باين انو حبوب
اسيل: لا والله لو عرفني اليوم موتي" وبعصبيه " حسابك بعدين كذبت على امي استغفر الله بس والله لااوريك
راما: هههههههههههه تخيلي قال اعطيني رقمك ورقم صاحبك
شهقت اسيل: واعطيتيه
راما: وش رايك يعني
اسيلك انتي من جدك
راما: لا من عمي
اسيل: راما تكلمي
راما: امزح والله اعطيته رقم ريان اخوي" وفي نفسها ماراح اقولك ورقمي لانو بتسوين لي محاضرة"
اسيل: بسس رقم ريان
راما: اييه
اسيل: ووش تسوين لو اتصل على ريان
راما: باخلي ريان يرد
اسيل: طيب
راما: وشو طيب
اسيل: ريان صغير وبيتضح صوته
راما: بااخليه يقول له ان هذا الرقم انباع وهو اشتراه
اسيل: وجع بشكلك مدبره لكل شئ
راما غمزت: اعجبتك
اسيل وهي تدفها : اقول امشي بس
راما : خلينا نطلع ورى الشجرة ونلبس عبايتنا نوقف تاكسي لين بيتنا وندخل بعدين تبدلين وو
اسيل وهي تغطي على اذنها: هششش خلاص عرفت وبعدين ترجعيني
راما: ايوووه
****************************************
نهاية الدوام دخل الدكتور ولين لسسه نايمه :اووف وش اسوي
تقرب لين عندها:هيي انتي يلا قومي
لين:..........
الدكتور: استغفر الله: وبصراخ" يابنت
لين: خليني انام
الدكتور: يالله شكلها على بالها شخص من اهلها انتي يلا ارجعي بيتكم انتهى دوامك
لين تضايقت و بكست الدكتور في وجهه بدون ماتحس
الدكتور: اححح حشى مو بنت كل هذا نووم
شاف جك موي ووووووووو
نْ تَكوني عَاشِقةْ ...
مَعناهُ أَنْ تَكونَ حَواسُكِ مُتنَبهة دَائماً وَ بترقبٍ دَائمٍ لِـ هَاتفكِ ..!
أَنْ تَستَيقظي في الليلِ عَشراتِ المراتِ لِـ تَتفقدي إسم أَحدهم في سجِل مُكالماتكِ
/... إن كُنتِ في حَالةِ شَوق !
وَأَنْ تَتَأكدي مراراً أَنهُ ليسَ عَلى وَضع الصَامت /.
.. إن كُنتِ في حَالةِ إنتظَار !
...
وَ أَن تَكتبي الكَثيرَ مِن الرسَائل النَصيّةِ وَ يفصلُ بينكِ وَ بينَ زرِ الإرسَال
صَوتُ كِبرياء /..
. إنْ كُنتِ في حَالة حَنين
أَنْ تَكوني عَاشقة مَعناهُ أَن تَكوني مُلتصقةً حَد التَوحُدِ بِهَاتفكِ !!
انتهى البارت
ماراح اكتب توقعات
احزرو انتم^^
توقعاتكم تهمني^^
ان شاء الله البارت اعجبكم وان شاء الله طويل^^
واسفه لو في اخطاء املائية كتبته بسرعه ^^وماراجعته ^^
ونسيت كل عام وانتم بخير
|
17-08-13, 08:16 AM
رد: انتِ القصة التي لا أريد أن تكون لها نهاية / بقلمي
جديد مواضيع قسم القصص المهجورة والغير مكتملة
العرض العادي
