السلام عليكم ورحمة الله وبركاته
فصل قاسى :\ بس رائع جدااا

اعتقد عم فهد له دخل فى اللبس اللى حاصل

هدى
استغربت ردود افعالها وقلة حيلتها وضعفها حقيقة اشمئزيت منها
خصوصا فى اخر موقف وهى عندها امل
دى مش هدى ابدا اللى كانت فى الجزء الاول واعتقد انها هترجع تانى
فى الفصل اللى جاى وهتنتقم اشد انتقام
علشان انا كنت بحبها و لو فضلت كده مسلوبة الإرادة هكرهها

فهد
ولا فرق معايا اى حاجة من اللى هو قالها الا انه متأكد جدا حد استنى السنين دى كلها
و خطط كل ده اكيد مصدر معلوماته موثوق منه إلى اقصى حد و مع ذلك انا مش مقتنعة
انه شفيع ونصر لهم يد فى اللى حصل وبعدين ازاى ياخدوا عقود الشركات و فلوس فهد
وهما لا هم وارثة ولا شركاء حتى

زى ما قلت عم فهد له يد فى الموضوع ممكن يكون قالهم خدوا العقود لانه فهد
مش هيقدر يدير الشركة مثلا او انتوا احق بها لانه كان صاحبكم لكن لوحدهم كده
اصلا مش عارفة ايه الالية اللى ممكن ده يتحقق بها

بس فى حاجة مش فهماها المفروض انهم اخدوا صفقة الشركة البريطانية من سنة ونص على الاقل
لانه ده كان قبل اعلان زواج ميس وعمار وابنهم عنده سنة ازاى كل الوقت ده
مكنش بدأ الشغل و بيخلصوا الإجراءات؟؟

بيرو تسلم ايدك مفيش كلام يوفيكى حقك فى روعة كلماتك
دايما قاعدين على اعصابنا معاكى
بجد انا حرمت اقرأ لك حاجة مش كاملة اعصابى لا تتحمل :D
المشكلة بقى انه حتى الانتظار برضه بيتعبى ببقى متشوقة اقرأ اللى هتكتبيه
موووش عارف اعمل مع رواياتك ايه
ربنا يوفقك يا سكر :)