روعة ثم روعة ثم روعة أبدعت فأحسنت

رواية جميلة جدا جدا جدا

السلام عليكم .... أخبارك بيرو ؟؟ عارفة جاية متأخرة بس بجد الحمد لله إنى قرأت الرواية على بعضها كاملة لأنى صراحة ماكنتش هستحمل استنى بن البارت والبارت ابدا ...

وده تعليقى على الرواية ككل ..

ممكن امسكهم شخصية شخصية أفضل ..

يعنى بالنسبة لهدى .. أولا اتضايقت منها جدا لما سمحت لنفسها انها تخرج تقابل انسان ماتعرفوش مهما كانت الاغراءات ..
وبعد كده طينتها اكتر لما سمحت لمشاعرها انها تتغلب عليها وانساقت وراها لدرجة انها خسرت ثقة عمار فيها واتسببت فى الورطة الكبيرة اللى وقعت العيلتين فيها ..
والأسوأ انها كادت تكرر الغلطة للمرة التانية لما اتصرفت لوحدها برضه ومش استشارت عمار مع ان ده ابسط حقوقه عليها كشريك ، مهما كانت خططها وانها حاولت تستفيد من الوضع وترجع اللى خسروه ... ومانكرش كمان إنى اعجبت بشدة بتضحيتها الرائعة انها تعمل ده كله من غير ما أهلها يعرفوا وتتحمل طردهم وفراقهم فى سبيل كده كمان ... بجد اصفق لها اعجابا رغم اختلافى معاها..

فهد .... أظن فى حياتى ماكرهتش بطل قد ماكرهته " ده تفوق على نيكى فى رواية زوجة برتبة خطيبة بتاعة ايسو" ، مهما كانت الظروف اللى عاشها واللى اتعرضلها ، مهما كان الظلم اللى عاناه هو وأخته ... مفيش أى شئ يبرر مهما كان قسوة القلب والحقد البشع اللى كان جواه ده ... وياريته اكتفى بأنه ينتقم منهم مرة واحدة ، لا ده كان مصمم ماتقومش ليهم قومة تانى ويفضلوا فى الحضيض علطول !!! إيه كم البشاعة دى يابنى ؟؟ لا وكمان بيستخدم فى سبيل كده اقذر الوسائل ومنها انه يستغل انسانة بريئة ويضغط عليها بكل الوسائل ويحطمها ويقلب حياتها جحيم بدل المرة اتنين .... والأسوا فى ده كله إنه اساسا بيتهمهم وبينتقم منهم بناء على شكوك وخيالات مافيش عليها أى دليل ... تعرفى انى من كتر كراهيتى ليه كنت مستنية بفارغ الصبر اللحظة اللى هيكتشف فيها الحقيقة ويعرف غلطته عشان اضحك من قلبى واشمت فيه ... بس الغريب يا بيرو انى ماقدرتش اشمت فيه .. بالعكس لما وصلت للنقطة دى زعلت عليه جدا وصعب عليا أوى ... ودى شهادة ليكى على فكرة يا مبدعة انك قدرتى تخلينى احبه فى النهاية رغم كل عمايله السودا واللى تخليه يروح جهنم حدف ... كان عنده حق لما قال لهدى : على فكرة لا أحد يطيقنى سواك ...

جينا ... صراحة يا بيرو زعلت منك بسببها اكتر واحدة ... حسيت انك اقحمتيها فى الاحداث بدون أى لازمة وفى النهاية كسرتى قلبها وخلاص ... يعنى كان ممكن القصة تمشى من غيرها ... ايه لازمة وجودها مش فاهمة !!! بجد صعبت عليا جدا ... حرام كل اللى اتعمل فيها ... يعنى تفقد ابوها وحبيبها اللى كان على وشك يبقى زوجها فى لمحة واحدة !!!

عمار وميس ... حبيت الثنائى ده جدا ... ولا اخفيك انى عشقت شخصية عمار بالذات رغم عصبيته وقسوته على هدى إلا إنى كنت مقدرة تصرفه ..

بصى من الآخر ... انا اختلفت معاكى إلى حد ما فى اسلوب معالجة الشخصيات للمواقف اللى بيمروا فيها ... بس ده مش انتقاد ليكى اطلاقا ... ده مجرد تعبير عن رأيى فقط ... لكنى احترم رأيك فى النهاية لأنه مستحيل انه كل الناس تكون شخصياتها زى بعض او تتصرف بنفس الطريقة ...
وعلى رغم كل كلامى اللى فوق إلا انى استمتعت جدا بالقصة وبكل همسة ولمسة فيها لدرجة انى ماقدرتش اسيبها إلا لما خلصتها ... بحب جدا اسلوبك فى الوصف والمشاعر ... حبيت تعبيراتك لأقصى درجة .... وفى النهاية حبيت ابطالك كلهم وتقبلت شخصياتهم على ماهى عليه لأنى عشقتهم فقدرت اتغاضى عن اختلافى معاهم ...بجد القصة دى هتفضل دايما من المفضلات عندى ومستعدة اعيد قراءتها كل فترة من غير مامل منها ...


تسلم ايدك يا مبدعة .... هروح بقى اقرأ " سر لا يقال " لأنى اول مرة اكتشف وجودها اساسا .. دورت عليها لأنى حسيت انه عمار وميس اكيد كان ليهم قصة خاصة بيهم فهروح اقرأها ان شاء الله

معلش يا بيرو ... اtjكرت نقطة صغيرة ;انت لفتت انتباهى وانا بقرأ ، فحبيت اقولك عليها
ارجعى لنهاية صفحة 321 وبداية صفحة 322 وقوليلى : مافيش حاجة واقعة فى النص ؟ حاسة فيه كلام ناقص والمشهد مش راكب فى دماغى !!!

تسلم ايديك بنتظارك