كاتب الموضوع :
~ Amoَrat Nَajed ~
المنتدى :
رمضانيات 2013
رد: أطباق رمضانية بأيدي ليلاسية
أطباقي أول مرة أسويها والحمدلله عجبتهم
الأول : صينية كرات البطاط المحشية .
المقادير :
جبن موزريلا مبشور للوجه
لـ البطاط :
من 3 الي 4 حبات بطاط متوسطة الحجم
نص كوب بقدونس مفروم
ربع كوب كريمة خفق
فلفل اسود مطحون وملح
ماي للسلق
لـ حشوة الدجاج :
شوية زيت
نص كيلو دجاج
بصل متوسط مقطع صغير
فصين ثوم مدقوق
حبتين جزر مبشور
مكعب ماجي
البهارات ( فلفل اسود - كمون - كزبرة - ملح - 1م ك صويا سوس )
بقدونس مفروم
لـ البشاميل :
كوب ونص حليب بودرة
اربع اكواب ماي
ربع اصبع زبدة
ثلاث قفشات نشاء
مكعب ماجي
الطريقة :
لـ البطاط :
نسلق البطاط لين يصير ذايبة
نطلعها من الماي ونخليها تبرد شوي وبعدين نهرسها بشوكة
نضيف عليها كريمة الخفق والفلفل اسود
والملح
الملح ع حسب الذوق
وبعدها نحط البقدونس المفروم ونهرس وخلاص
صارت جاهزة
لـ الدجاج :
نقص الصدور الدجاج مكعبات صغيرة
بالمقلى نحط الزيتونحط البصل ورشة الملح
لين يصير البصل شفاف وبعدها نحط الدجاج
ونقلب لين يصير أبيض وينشف الماي
ونحط الثوم ونضيف الماجي والملح والبهارات
ونقلب لين الدجاج يستوي
واخر شي نضيف الجزر
لاشفتوه ذاب نضيف البقدونس
وأخر شي البشاميل
طريقتي :
نجيب جد صغير ونحط المقادير كلها
ونخفقها لين تشوفون انه ذاب الحليب
وبعدها حطيها ع النار مع التحريك راح يثقل
وخلااااااص
الحين كلهم جاهزين
نجيب الصينية البايركس
ناخذ شوية البطاط وعقب نحشيه بحشوة الدجاج
ونكوره
ونوزع فوق الكور جبن موزريلا
واخر شي نصب عليها البشاميل
وندخلها للفرن من تحت لين ياخذ لون وبعدين نشغل اللي فوق
للتحمير
اذا غرفتوها ع طول عقب ماتطلعونها من الفرن
راح تخرب الكور لانها حارة وااااااايد
فأحسن نطروها شوي عشان تتماسك تقريبا 10 دقايق
وبالعافية
ويت بلييييييييز ^^
|
01-08-13, 08:13 PM
أطباقي الرمضانية ^^
جديد مواضيع قسم رمضانيات 2013
العرض العادي
