لولا غروب الشمس ما بان الشروق ولولا فراق الأمس ما حن اللقى / بقلمي

تذكير **

الروآية سيتم نشرها في منتدى ثاني فقط ,

البارت الأول

أنـا جـئـتُ حتى أراكِ فقولي
كـمـا اعْتَدْتِ بابا حبيبي حبيبي

فـصَـوتُـكِ كـان يُريحُ عنائي
ويَـلْـمَـسُ دائـي بكف الطبيبِ

فـكـيـفَ يـغـيـبُ بِلا عودةٍ
غِـنـاء الـحساسينِ والعندليب

بــشـائـرُ رُدِّي ولـو مـرةً
وقـولـي : أحـبكَ بابا وغيبي

فـمـا لي احتجاجٌ على ما أرادَ
إلـهـي وهـذا الـغيابُ نصيبي

لـك الـحمدُ يا ربُّ في كل أمرٍ
وإنـك تـعـلـمُ مـا في القلوبِ

للشاعر* مانع سعيد العتيبة



في أجواء بآردة نشتآق إليها جداً كل عام ، تشعرنآ بالدفء والبرد معاً بلمة الأهل بلمة الأحباب و للعشآق طقس خاص ، فصل عشق ، و هيآم لهم ، مكان ما يعيش رجل قلبه أنفطر على فقدان أجمل من رأت عينه و من سكنت قلبه وتوسدت به بكل حرية ..
-----------
مساء يوم الخميس – الساعة 6:12
.... : طال عمرك لقينا قصآيد وتأكدنا من السفارة الفرنسية و جوازها مزور
منصدم لا يوجد لديه أي رد لا يستطيع تصديق كلام أي احد ، ماهذا يا الله لماذا أعيش بضياعٍ مستمر !! :-
متأكد !!!؟ متأكد انها هي !! ترى والله ثم والله ان طلعتو مشتبهين فيها لا تندم لا تندمون كلكم ... انا ما أعرف كيف صدقت انها ماتت و ما أعرف كيف بصدق انها عايشة ... أبغي افهم من اللي حطوه فالقبر اذا ما كانت هي !! ما قدر اصدق انا شفت سلستها بعيني شفتها في رقبتها و شفت ملامحها و شعرها هيه شعرها كانت مغيره لونه بس مادققت فالشعر ! يا الله رحمتك لا انا بقادر اطلع الجثه و اسوي التحليل ولا انا قادر اعيش بهالعذاب .. تعرف يا فيصل اذا كانت هي لا اسوي لك اللي تبيه ولكن اذا طلعت مشتبه فيها فتأكد انه بيكون أخر يوم لك عندي
فيصل : افا ياعمي تشك فيني ، ماهقيتها منك !
بو فارس : في هالموضوع بالذات لا تحاسبني بنتي ماهي بلعبه
فيصل : ان شاء الله و أنا متأكد أنها هي و فأقرب فرصة بتلقاها عندك ، نحن الحين نحاول ما نحسس حد انه نعرف شي عشان اذا كانت مخطوفه ما يودونها مكان ثاني ..تامر على شي ثاني طال عمرك
بوفارس : لا أذا خلصت شغلك تقدر تروح
فيصل : مشكور و الله يعطيك العافيه مع السلامة


تلفت يمنة ويسرة وهو يتعوذّ وينفث ثلاثا من شيطانه وكوابيسه , سقطت عينه على صورة ابنته فلذة كبده ، روحه التي اقتلعت بموتها أو بفقدانها .. الى الأن تفكيره مشوش ما بين الأمرين ، أبتسم يشعر انها معه في كل لحظة في كل موقف في كل زاوية يسكن خيالها .. تسكن نغمة صوتها العذبة و ضحكتها التي كانت ترسم البسمة على شفتيه .. إلى متى هذا العذاب .. اللهم لا أعتراض على قدرك ان كانت روحها فارقت جسدها إليك ..
انتبه صالح " بوفارس " الساعه 1و نص و لازم يروح البيت و يرتاح ، باجر من الصبح وراه شغل و متابعة للشركات اللي في لندن و طبعاً بيفضي وقته عشان يشوف طريقة للسفر لفرنسا ..
بو فارس كان رئيس على قسم المخابرات في مدينة أبوظبي و لكن ياه تقرير من المجلس الأعلى قبل وفاة قصايد بشهر بتقديم استقالته لأن كان في منطقة خطر كان يبغي يقبض على مروجين مخدرات قدرو يوصلون له أكثر من مرة و سمموه و الحمدلله ماصار فيه شي .. الحين هو مجرد عميل سري فقط لفترة عشان مايلفت نظر أحد خاصةَ بعد موت بنته
ll ماعنده إلا بنت وحده و حرمته ماتت من يوم ولادة بنته المفقودة أو الميته قصايد ll


صباح يوم الجمعة -- 8:30
في منطقة ثانية نفس المدينة " العاصمة بوظبي " ، حيث تسكن عائلة محبة جداً لا تعلم ماهو معنى الحزن مترابطة ، وسعيدة من يراهم يحسدهم اذا لم يقل " ماشاءالله "
---
هزاع : أمييييي دخيلج والله أسوي لج اللي تبينه بس اقنعي ابوي
أم نهيان : ماعليه لو تحلم ما بيوافق وانا اصلا مب موافقه
هزاع : انزين ليش ، نحن بنروح نستانس ما بنروح نصيع وبعدين مب واثقين فيني يعني !
أم نهيان : ماقلنا ما نثق فيك بس الشيطان شاطر و انت تعرف سواتك
قام هزاع من مكانه ووقف عند امه و تبين ملامح العصبيه على ويهه : لين متى بتمون تعيدون و تزيدون فهالموضوع ماخلصنا نحن ؟
-----
ارتدت فستانها البنفسجي و موجت شعرها بشكل جميل نزلت و انتبهت للنقاش الحاد بينهم ..
أم نهيان : هلا والله بالزين كله
هزاع : هيييها أمي ركزي وياي خلج شوي من هالكشه
سلامة : عاد بالزين محد ينآفسج شيختي ، وبعدين نعم يعني نعم انته ؟ منو الكشه ؟ عافان الله مايشوف الفلافل لي فشعره بس يشوف شعري النعيييم
أم نهيان : ماعليج منه هالهرم , بنشوف لين متى بيتم عزابي اللي في عمره قده معرس و معيل بعد
وصل لهزاع مسج و من فتحه ارتبك و توتر : ماعليه اميه انا بروح و بعدين برد اكلمج ربعي يتريوني بس ترى ما تسكر الموضوع . . . مع السلامة



البآرت الأول صح قصير بس كبد’آية لازم يكون فيه شوية غموض .. طبعا الأشخاص ما اكتملو و لأنهآ البدآية ~
أتمنى أشوف الردود السنعة

تنقل للمكان المناسب لها الوحي

ياهلا فيك وان شاء الله تكملينها

السلااام عليكم

هلااابك منوو وحيااك ربي عندناا بمنتدى الابدااع ليلاااس ..

وان شاااءالله تشوفين اللي يسرك بس اهم شي لاتقطعيييييييين فيناااا ..


بصرااحه انا من عشااااق القصص الاماراتيه ومن شفتهاا جيتك جري ههههه

بس الى الان والقصه يكتنفها الغموووض سالفه اختطاف قصايد .. هل هو احد حاقد على ابوهاا او بينهم قصه ثار قديمه ؟؟

قصه هزااع اللي احسه كله غمووض من بدايه السالفه اللي ماسكينها عليه اهله هل سبق وسافر ووحده بلته فيهاا ؟؟

الى سالفه المسج اللي جااه ؟؟ يمكن يكون متزوج ومااحد يدري ؟؟ >>شطح الخياااال ههههه



منووو ..قصتك حماااس وفيها اثااره بس فكي علينا شوي من هالغموض >> فيس متحمس لباقي السالفه

بانتظااااااااااااااااااارك