كل عام وانتو بألف خير يارب و ينعآد عليكم وعلينا هالشهر الطييب


أخلفت في موعدي انا اعتذر لكن تدرون قبل رمضان وتجهيزات وجيي ورديت لكم بكل حماااااس


البآرت الثآلث







بوحمدان : "عبدالله" 47 سنة جمييل جذاااااااااب يعني لي يشوفه مايحط فيه هالعمر .. مستحيل تحصل ولا شعره بيضه في راسه ماشاءالله ، طوييل عيونه تبين فيها الغموض يحب حمدان لكن سارة كانت دائما اقرب له ..
أم حمدان : "نورة" 42 سنة بيضه ، شعرها بني فاتح و عيونها رصاصية مايلة للخضار أمها روسية و أبوها أماراتي .. جمالها نااعم - تصير بنت عم بو حمدان ، طبعا زواجهم ماكان مبني على حب ولا على اي شي مجرد معرفة بسيطة بينهم


سارة : أكبر من حمدان بسنتين .. عمرها 19 سنة أممم ماتشبه امها الا بالشعر بس خربت لونه يدتها كثر ماكانت تحنيه لونه بني غامج فيها ملامح من أمها بس مب واضحة ، غمازة تحت شفايفها " نقول عنها الدقه " شعرها يوصل تحت أخر ظهرها بشوي ، طولها حلو ووزنها مناسب – تحب راشد لان هو حبها ههه حب بريء


حمدان : 17 سنة ماخذ من امه بياضه عيونه رصاصي غامج مايل للون الاخضر .. شعره اسود امممم ناااعم لكن فيه تموجات بسييطة أصغر من سارة بس أطول عنها يعني تقريبا طوله 170 .. حنووون يسمع كلام سارة سواء غلط او صح يحب تحليل الشخصيات واايد و هالشي خلاه يفكر انه يدخل طب و يتخصص طب نفساني ..



مريم & ريم : توأم عمرهن 4 سنين محد عاطنهن ويه دوم ويا أمهن أو الخدامه أغلب وقتهن راقدات طالعات على سارة ماشاء الله يحبن النوم بشكل مب طبيعي

............................................................ ...



يمين من نـزّل تبـارك وياسيـن
انك قمر عمري وكوكب فضايـه

أدراك بالخاطر واعاملـك بالليـن
وارجي عسى الله مايخيّب رجايـه

احب من حبك واعادي المعاديـن
وادعي لك الله بالستـر والهدايـه

فقدتك البارح وجريت صوتيـن
هذي وهي ليله وعنـد انسبايـه

كله غلا ياويلي اثر الغـلا شيـن
الله واسالـه لايبـيّـن غـلايـه

من حبها حبيت كـل الصغيريـن
صارت محبتهـم بقلبـي هوايـه

عودتك الممشى على شان تمشيـن
اشد بالثنتيـن واقصـر خطايـه

وليا بكيتي قمت اهلل وتصغيـن
واحيان اغني لـك واردد غنايـه

يضيق صدري لاسمعتـك تونيـن
واجر صوتي من خـلاي بخلايـه

وان جيت ابقفي عنك لدّيت بالعين
الدرب قدامـي واطالـع ورايـه


----صباح جديد و يوم جديييد ، أحداث جديدة عسى أن تكون جمييلة---- ..

فيصل : يا بو فارس نحن اتفقنا ماتروح هناك مانبا حد يشك ان عرفنا انها حية ، خاصةً ان مانعرف من يكون اللي خطفها وليش وكيف قدر يخطط لهالجريمة ، ودينا اليوم حرسنا عشان يراقبون كل شي

بوفارس : أعرف كل شي قلته .. بغير من شكلي ، مابطلع من الفندق الا يوم بتروحون لهم ، هالمرة مستحيل أضيعها مستحييييييييل يا فيصل " نظر عيني موعدنا قريب بإذن الله ما بتبعدين عني ولا حد بيقدر يبعدني عنج الا لي له السما والأرض "

فيصل : على راحتك يابوي أنا قلت لك كل شي و الباقي عليك بتجهز الطيارة بعد نص ساعة ، اشوفك على خير

بوفارس : إن شاء الله الرب لك حافظ


.............................................





ام حمدان : ساااارووووووه وصمخ قووووومي يله رفعتي ضغطي

سارة : امييي خلاص روحي انتي وانا اوعدج بقوم

ام حمدان : سمعت من هالكلام وايد قومي الحين جدامي بشوفج وراج جامعه

سارة : ........

ام حمدان : استغفرالله العظيم وأتوب إليه
نزلت بعد مافقدت الأمل في سارة .. كل يوم على نفس هالموال تتأخر ربع ساعه عن الجامعة والسبب سهرها فالليل ..


بوحمدان : ها وين سارة قامت

ام حمدان : وين قامت خلها عشر دقايق و بتسمعها تصارخ ليش ماوعيتوني تأخرت

بوحمدان : ماعليج انا بوعيها ماتي الا بالعين الحمرا

..... : سااااااااااااااااااااارة

نقزت من الشبرية على طول و ماردت ابدا على بو حمدان من التسطيل رايحه للحمام

بو حمدان : سنه لين ما تقومين سنه لازم من نص ساعه واعيه مايمديج تلبسين و توصلين الا الساعه 11

ساره : ماعليه ابويه قمت و بلبس الحين بسرعه الله يهديها امي بس ماتوعيني من وقت

بو حمدان : !!!!!!!!! يا الله الصبر بس يا رب

نزل تحت عند ام حمدان .. مستغربه منه على شو الصبر يلا ماعليه خل اتلبس الحين بسرعه و اطلللع ماتم الا نص ساعه عن انطرد من المحاضره ... تلبس شوي و تكلم راشد فالبيبي شوي
^ راااااشد السبب الثاني في تأخيرها

راشد : يله بسرعه تريقي كلي سندويج مب حلييب وبس

سارة : ما بلحق متأخرة عن الجامعة وايد زين لو وصلت قبل لا يدخل المستر

راشد : وقسم بالله ان ما كلتي ازعل منج ، شلي وياج سندويج و كلي فالدرب

سارة : ان شاء الله كم رااااااااشد عندي كم

راشد : ههههههه تسألين بعد ويا ويهج واااااحد وغيره يحرم علييج

سارة : أكييد واحد .. يله بيبي بشتاق لك أكلمك بعديين

راشد : وانا بشتاق لج أكثر .. ربي يحفظج ويوفقج انتبهي لعمرج

سارة : ان شاء الله وانته هالله هالله في عمرك يوم بتطلع لا تسرع عشان خاااطر ناس

راشد : فديييت هالناااس .. عن تتاخرين اكثر
.
.
.
أ ح ب ج

سارة : أ ح ب ك أكثر ، شي في خاطرك

راشد : أنتي ..

سارة : ....... ايحيييم :$ مع السلامة وربي يحفظك

راشد : ويحفظج ويوفقج يارب


...........................................





في مستشفى خليفة تحت العناية المركزة هله إلى الآن مايعرفون عنه شي اللي يعرفونه انه رايح لبيت ربيعه في العين و بيطول عنده على حسب كلامه .. الشرطة يت المستشفى و حققو ويا لي بلغ عن الحادث ، شافو الهوية و طلعو تلفونه من السيارة اللي كانت عبارة عن حطام من اليسار اللي هي من صووب السايق ..

.... : السلام عليكم ورحمة الله وبركاته

بونهيان : وعليكم السلام ورحمة الله و بركاته يا هلا من ؟

.... : هلابك بو هزاع .. شحالك طال عمرك عساك بخير

بونهيان : بخير الحمدلله مانشكي من باس من صوبك

.... : الحمدلله .. وياك الملازم حمد سلطان ال ... انت تعرف يابوي أن كل شي قضاء وقدر و لا اعتراض على ماشاء ربي

" بو نهيان ما يدري ان هزاع من أمس مب فالبيت لأنه كان في ليوا (المنطقة الغربية تابعة لمدينة أبوظبي ) بس أول شي يا في باله هو عياله ..

هزاع سوا حادث أمس فالليل على خط العين نطلب منك تتفضل على مستشفى خليفة ، حاليا تحت العناية المركزة لكن الدكتور طمنا و قال قريب بيطلعونه لغرفة عادية .. و عشان شوية اجراءات لازم نسويها و تفاصيل الحادث بنقولها لك يوم انك بتوصل بسلامة .. أسفين على هالخبر ، من امس نحاول نوصل لتلفون هزاع وتونا لقيناه


بونهيان !!!!!!!!!!!!!!!!!! في حالة صدمة :- لالا مستحيل اكيد فيه غلط .. عاد الا هزاع لو نهيان ممكن استوعب بس هزاع مايسرع سواقته هادية متأكد انه هزاع لا تفجعني في ولدي


.... : ممكن تهدي شوي انت اوصل المستشفى و شوف كل شي بعينك


بونهيان : دقايق و اكون فالمستشفى .. حسبي الله و نعم الوكيل




أذنٌ صاغية ، أنصتت إلى كل همسة و كلمة وحرف !!! ..... " دموع تسقط واحدة تلو الأخرى من دون أي بكاء أي صوت لا تستطيع فهم ما قاله ، تمتمة بكلمات غير مفهومة ، صعدت للأعلى و هي في حالة يرثى لها !



أدري مب طويل ليين هناك بس حااولت أطوله بما فييه الكفاية و عسى مايا من صوبي قصور ..
تحياااتي :)