المنتدى :
أريد حلا
ساعدوني
السلام عليكم ..
ببتدي بقصتي واللي فيها فيها
انا مو محتاجة نظرات " شفقة " او تعاطف ملموس ..
أنا فقط أبي حل ، لأني فعلاً سأمت ، وقد حطيت موضوعي وبكذّا مُنتدّى ..
عُمومًا إسمي " نجلاء "
طبعًا حنا من بدو الرياض ، ولله العلم ان مثل مافي الحضر من مشاكل
ترى لنا بالبدو مشاكل ، ورجالنا هنا ماغير يلطمون ويتحلطمون ، لو على الفلوس
ترى الفلوس تبني لنا قصور ، بس كل هالفلوس ما أسعدتني وماغيرت من اللي صار ووقع ،
الحسرة على امي الله يرحمها عرفت باللي صار لي وتوفت بعد 8 شهور ،
وانا والله مالي حيلة من اللي صار ، والرجال اللي سوى فيني سواته صار يقول عني كلام ما انزل الله به من سلطان ، والله يشهد ان الضيم جى في خاطري من يوم ما " اغتصبني " يوم سوى سواته وطلع قال
اني انا اللي رحت له والعياذ بالله ، هذاك اليوم كنت طالعة مع ابوي والاهل بنروح الدمام ووقفنا عند محطة ويوم مرت سيارته قال امشي اوصلك عند ابوك ، وهو رجالن معروف بالبلد عندنا ، وانا ساكنة بالدرعية ..
ع العموم مو من سلوم اهالينا يعطون بناتهن جوال الا لما تدخل الجامعة ، وانا كنت وقتها بثاني ثانوي
ومادري ظل يحاول معي يجرجرني لأبوي قلت له يارجال وش لك بي روح انقلع يسسر الله دربك اتركني اسيرة واساير في الضياع ، ابوي يوم انه يحس بفقيدتي بيرجع لي .. وامي المسكينة لا درت انك ماخذني وموصلني بتغضب علي وكله الا غضب امي ، تعبت وهو ماتعب والرجال عمره يمكن 35 سنة ، يعني كبر اخوي سالم الكبير .. عموما انا ظليت احاول فيه عطني جوالك مارضى وقال انا بمشي ظلي مع ذا الهنود اللي هنا ومصيرهم يستوحوشون عليك .. واننتي بنتن نجلاء مثلك مثل اسمتس .. اذا ظليتي فعلى دنياتس السلام .. تعبت وانقهرت وصارت الساعة 3 الفجر لان حنا مشينا الساعة 1 والظاهر ان ابوي وصل الدمام ..
لان كان عند اهل امي عرس .. وحنا معازيم .. للعرس يوم ثاني .. انا خفت من كلامه حرك سيارته وخفت اكثر ورحت وراه اركض قلت له عليك باللي خلقك توديني لامي وابوي سالمة .. ترى لو درى ابوي اني طالعة مع رجالن غريب ليذبحني .. هو قال كلامه وركبت ورى .. وحنا صار لنا اكثر من 7 مرات نروح الدمام للمناسبات ونتسوق من هناك واعرف الطريق واميزه وقد رحت مع اخوي سالم وعياله ومرته عشان نتسوق لهم للعيد واعرف الطريق واميزه ، مر من طريق ماعمري شفته سكتت قلت الوكاد ان في طريق ثاني ماعرفه ، طلعت اضحك والعب على نفسي ، شفته وقف قدام مكان مادري وش هو ، فتح الباب وقال لي نزلي
مارضيت وقعدت اصارخ واسبه وانا اصيح واصرخ للنناس رحت قدام لما شفته نزل حاولت اسوق بس انا ماعرف وماهمنا بالسعودية المرة تسوق ولالا ، المهم الرجال ، وهو هذا كبيرهم الذي علمهم السحر في نيته شيء .. قعدت اصارخ وحاولت امشي واهرب من المنطقة ، كلها زروع وصرير ، وليل والدنيا مظلمو ومبوشة في عيوني والنقاب رصني رص وانا مابي اطلع البرقع ويشوفني .. عموما طلع ابن حرام جرني جر لمكان قذرة والظاهر انها للغنم او الإبل ، وقعت وقعته فيني وانا مالي حيل والمكان فاضي .. يوم سوى سواته دق على ابوي وقال اني انا رحت له بنفسي وقلت له سوي فيني اللي تبي بإعتبار " الزنا " اعاذنا الله ،
طبعا وقتها جوا الشرطة والاسعاف وابوي واخوي سالم وولده الكبير .. طبعا كلهم يبون يذبحوني ..
وانا خايفة اشرد يلقوني ويذبحوني من جد هالمرة ظليت ماني عارفة وش اسوي ، جت الشرطة والشرطة هي اللي صدت ابوي عني ابوي بلا اي شيء هو عصبي وقاسي .. المهم ان قدر يضربني كم ضربة على وجههي .. وطبعا هذاك حققوا معه وثبت عليه الحد وهي الجلد .. ولو دروا انه مغتصبني مو برضاي لكان حده قصاص والله اعلم ، بس من يصدقني ؟؟؟
المهم حتى انا نلت من الجلد ، حلفت بالله وجابو لي شيخ من الشيوخ اسمه " محمد " ملتحي وعارف ربه ظليت انتخيه واقوله ياشيخ والله انا مالي من اللي صار شيء ، قسم بالله ياشيخ اللي صار مثيله للي صار للسيدة عائشة في حادثة الإفك ورجالنا يتهمون بلا دليل
الشيخ صدقني وقلت جى الفرج ، ظلوا يحققوا معنا 8 شهور من انفتح ملف القضية ..
وطبعا امي ماتت بعد هالـ 8 شهور ، اخوي وابوي بلا شك ماراح يعترفون فييني بعد اليوم
راح الشيخ محمد الله يجزيه خير وكلم ابوي وشيوخ وناس وكلموا حتى الرجال ..
ابوي قال انا مالي شغل فيها تنطق تولي الحماره ، وصلني كلامه حرفيا .. المهم خلصوا
جاني الشيخ بخبرين قال لي امك ماتت والثاني قال مالقينا حل الا نزوجك الرجال
المهم ان انا مارضيت وقلت لو اموت الحين كل شيء ضاع ، المهم ودوني دار الرعاية يوم شافوني ضايعة ومالي ولي وابوي مايبيني كلموه ناس كثيييييير كثيييير بس مانفع ، دخلت هناك شفت بنات سعوديات قضياتهن مثلي ويمكن اعظم ترى الدنيا سودة والناس تغبي بجوفها ومحد درى عن احد ، عموما
مرت 5 شهور بعد ويمكن كذا مرت سنة من الحادثة وكل ماجى لي الشيخ محمد قلت له ياشيخ مابي اتزوجه خلاص انقعع هنا واموت ولا يصير اللي يبيه ، طبعا البنت مالها كلمة ابوي قال زوجوها ..
وخلاص انا اضطريت اقول وقتها ايه مو لان ابوي قال وافقي ولا احد بيغصبني لان الزواج مو لعبة مافي زواج بدون رضى البنت !! الا للجاهل ، عموما قلت اانا بقول ايه يمكن قلب ابوي يحن لا شافني نفذت كلمته ..
قلت ايه وابوي قال " الكلبة اخذت اللي تبيه وفرحت بس انا اوريها " سمعتها على طول لما قال الشيخ الشوفة الشرعية ، طبعا انا مارضيت اشوفه ، المهم طلعنا ورحت لبيت اهله طبعا الرجال اللي تزوجته مطلق وعنده بنت وولد صغار ، انا مانام معاه مع ان هذرة امه تجيني ، بس خواته والله طيبين وعنده اخت تدرس في وزارة العدل وقالتت لي لو توظفتت بفتح لك ملف وبدافع عنك حتى لو كان الغلطان اخوي ، المهم انا الحين في غرفتها بالضبط واكتب كلامي وافضفض ،
القصة كلها مشكلة طبعا ،
لكن المشكلة الاكبر : امه تبيني اعيش مثل الناس معه وتبيني اصير زوجته وهو يبي بس انا مابيه
ومستحيل اتقبله ، لو على الشكل فهو رجالن مقبول بس انا لو يجيني اعبد بأخلاقه وافقت ولا اخذت هذا
بس تجري الرياح بما لاتشتهي السفن ،
وهددتني انها بتزوجه وقلت لها والله لو تزوجيه اربع على راسي تسوين خير وتفكيني منه ،
ولازالت امه تحاول انها تخليه يختلي فيني واللي ادري فيه الحين ان اخته تقول ان امه تبيه يحتفل بعيد زواجنا الاول ويحجز فندق اروح انا وياه بس انا مابيه ،
المشكلة الثانية ان الناس للحين مو حاسين بالحرقة اللي بقلبي
كل يوم اجلس وانقهر واذا دقيت على سالم اخوي من جوال اخته قال لي اذا لك شيء روحي المحكمة
ويقفل بوجهي ،
والدنيا مسدودة حتى ربيعاتي اللي هم ربيعاتي ماشوفهم ، والرجال هذا حرمني من كل شيء
فأنا ابيكم تلاقون لي حل اجلس مطلقة بعيد عنه ، مستعدة اكون مطلقة واجلس في مصحة نفسية وعقلية
ولا اكون انا معاه بمكان واحد
والله ماحد يحس ماححححد حتى وانا اكتب كلامي اصيح ابي احد يحس ولو مرة
الله يجزاكم خير اعتبروني حالة شاذة اعتبروني حيوانة اي شيء بس ابيكم تفيدوني
ادري انا جنس مستقذر عندكم مثل ماعند غيركم بس الله يخليكم افيدوني لله اني تعبت والله تعبت :(
|
30-06-13, 04:07 AM
جديد مواضيع قسم أريد حلا
العرض العادي
