حبيبي من اهل بغداد / اول روايه بقلمي

ياهلا ومرحبا فيك بليلاس الغالي مجمع الابداع والاحبه
انشالله تلقين الي يرضيك و تصلين بروايتك لبر الآمان
قوانين القسم ( شروط انتسابك ككاتب + قانون القصص المكتمله والمهمله + الردود المخالفه )

حياء الله بنت العراق فيس انسدح عند اللهجه

مينا والعاشق المجهول

ان شاء الله تلقين التفاعل المطلوب

حي الله بنت الرفدين واهلين وسهلين ومرحبتين فيك

اذا هتونه تسدح انا متبطحه وجايبه قشي وبمرح هني وماني خارجه من صفحتك لما تطرديني

نجي لمينا والمكالمه الي جاته من شخص مجهول أحم بسدح توقعاتي الجميله انه ممكن يكون أخو داينا او صديق معاها بمقاعد الدراسه

البارت الثاني

تقلبت كثيراً في سريري وانا افكر بالذي حدث البارحه ، نظره واحده الى هاتفي اعادتني لتلك المحادثه المرعبه " يعرف اسمي هفففف "
" 20 مكالمه ؟ هذا شبي مينام ؟ هففف اذا ماكوم هسه ماما تصير عصبيه "

* صباح الخير ماما
/ مساء الخير ، تره عبرت ال12
* ميته نعس مكدرت انام البارحه عدل
/ ليش
* مادري ظليت اتكلب بفراشي >> أ تتوقعون مني ان اقول لها عن هذا الكائن متعدد الخلايا بعد الذي حصل قبل شهر ؟ هههههههه
/ شوفي مينا اني اليوم كومه اشتغلت ومتت تعب وحروح انام من يجي ابوج لتكعديني عود انتي حميله الاكل خوش؟
* خوش
--------------

ساعتان وانا احاول متابعه شيء على التلفاز لكن دون جدوى
لا استطيع ابعاد هذا الشخص عن بالي !
( فارس احلامج ؟؟ ) " بالله هو حلو ؟؟ لالالالا واذا حلو اني احب فادي ووعدته ماكون لغيره لو شميكون ومحد حيغيرني ! "

ذهبت لأحضر هاتفي للاتصال على دانيا كالعاده ، لكني لم استطع الاتصال بها فكان يتصل كالمجنون " الحمد لله سايلنت جان صارت فضيحه "
" اوووف كافي عاد اريد اخابر البنيه ! "

ولكنه لم يتوقف مجرد ان ينقطع الخط يعاود الاتصال دون ملل او كلل
لنفود صبري فتحت الخط وصرخت بعصبيه وعدت لاغلاقه ولم يتغير شيء ! نفس النتيجه

رن مره اخرى
* انت شتريد مني ؟ عوفني بحالي
- ماكو داعي تعصبين وسمعيني
* لا ماسمعك ، حل عنييي !
واغلقته

" حتى دانيا محكدر اخابرها من وراه هففف ، زين هالخبل منين جاب رقمي ؟ اووف ياربي بس لا هذا فادي ديختبرني ؟ "

سمعت صدى كلماته داخلي ( انتي الي و مو لأحد غيري ومستعد انتظرج مليون سنه )
حقاً يا فادي ؟ متأكد ؟؟

// ميناااا تعالي قفلي الباب ورايه اني طالع
* جييت

اعرفكم بأخي احمد يصغرني بـ 3 سنين ، عباره عن فتى مليء بالحيويه والنشاط لا يهمه سوى اللعب خارجاً ، والمنزل ممل دونه !
------------

* صح النوم ماما
/ هلو
* اكلج ماما يصير اروح لـ ساره اليوم ؟ يعني هسه
/ ابوج مأجه ؟
* لا ، خابري

/ اوكيي .. ماشيي ... لعد اني حوصل مينا يم ساره ... اي احمد طالع .. يلا باي

/ يلا حبيبتي لعد كومي بدلي علما اشرب جاي واصحصح حتى اوديج

ساره ... صديقتي منذ الطفوله كما يقول الجميع ! لا اذكر الكثير من ملامح طفولتي هنا في العراق ، عندما اصبح عمري 8 سنوات ذهبنا للعيش في الخارج بسبب اوضاع البلد ، وعدنا عندما اصبحت في الصف الاول متوسط ، كانت ساره معي في الصف وتذكرتني حالاً ولكنني لم افعل
وبعد سؤالي لاهلي اكدو هذا الموضوع
ومن يومها اصبحنا صديقات مقربات ، حسناً كما يقولون عدنا صديقات !
------------------------------

بعد حديث طويل من ضحك واستهبال

* صدك ساره متدرين شصار البارحه
+ خررررب شكو احجيلي
* اكو واحد ظل يخابر عليه ويكول اني فارس احلامج ومعجب بيج ومن هالخرابيط ويعرفني ويعرف اسمي !
+ عاااا هاي شلون ؟
* لج مادري خايفه منه
+ حاولي تعرفين هو منو
* مدايرضى يكول ، حتى تلفوني مداكدر استخدمه من اول ما كعدت ليهسه هو بس يخابر .... هاج شوفي حتى هسه !

* ولك ذبانه ممليت ؟
- ههههههههه
واغلقته

" فديت هالضحكه ... هاي شبيج مينا اذكري فادي !!!! "

+ ههههههههه ليش ذبانه
* ههههههه لان لزكه ولحوح مثل الذبانه !
+ اووف منج ومن سوالفج ههههههه
------------------------------
عدت الى المنزل حوالي التاسعه
والى اللاب توووب

تغيير الحاله على الفيس بوك : مصدومه يا ناس :-o !

و6 لايكات و 4 كومنتات تحمل نفس المعنى ( شكو ؟ شصاير ؟ )
" هههههه لوتموتون مااحجيلكم "

نظرت الى هاتفي " مدايخابر ؟ غريبه ! "
في هذه اللحظه اتصل " ههههههه الكلوب سواجي ؟ "

فتحت الخط واخفضت صوت السماعه عل رصيده ينفد
" فديت خباثاتي "
بعد 4 دقائق اغلق الخط
" روحك شكد طويله ؟ "

-------------------

في اليوم الثاني كان دوري في العنايه بجدتي
حسناً ... قبل شهر حدث انزلاق في فقرات ظهرها ويجب عليها ان لا تتحرك ونقوم نحن بالعنايه بها لقرب بيتنا من بيتهم " الباب في الباب " لان جدي في عمله وعماتي جميعهن يعيشون خارج العراق

* ها بيبي تريدين بعد شي ؟
£ عشتي حبيبتي هاهي

كم احب ان اسمع منها كلمه ( عشتي ) عند سماعها اتخيل نفسي جالسه في البصره مع البصراويين ، كم احبهم " بيبي بصراويه "

الساعه الحاديه عشره وانا في الصاله ورن هاتفي " اهوووه هم هذا المزعج "
ولكن .....

• هلااااو خبالو
* هلااا ادووو
• ببيتكم لو بييت جدج ؟
* ببيت جدو ، ليش ؟
• دطلعيلي اني بالباب
* صدك ؟؟؟؟ جيتجج
------------------------------

• مشتاقتلج كومه حبيبي
* لج اني اكثر ، تفضلي دخلي

بعد ان قلت لها اخر التطورات ....

• بربج شيلي هالمره وخل نشوف منو هذا مو الفضول كتلني
* اني هم الفضول كتلني والله
• شوكت يخابرج حتى تشيلي ؟
* هههههههه ماكو داعي 24 ساعه يخابر
• شنو هذا ماعنده لا شغله ولا عمله
* ههههههه يمكن

* ها ذبانه ؟
- حتسدي ؟
* لا
- شعجب ؟
* اريد اعرف منو انت ومنين جبت رقمي وبلا لف ودوران !
- شبيج متنرفزه هسه افهمج اني منو ومنين جبت الرقم
جنت كاعد ويه صديقي بسيارته وهو ديسولف ويه صاحبته بالموبايل وفاتح سبيكر جان تجيب طاريج فـ ...........

التكمله في البارت الجاي :)