اسعدني مرورك طيف
واعتذر عن تاخري في تنزيل البارتات الباقيه <<< هالدراسه اشغلتنا هههه

كاعتذار مني لكم
راح انزل بارتين لعيونكم

البارت 14
............................................................ ...................................
توهم بيدخلون العماره
سمعوا صدى صوت صرخه
عالييية
وقفت مرام وصارت اتلفت
مرام : بنات سمعتوا اللي سمعته نفس الصوت وربي نفسه بس هالمره صراخ
وسن بحيرة : تتوقعون وين مصدر الصوت
جلست على الدرج حق مدخل العماره وهي منهاره
ودموعها مثل الشلال
مرام ببكي وصراخ : اه ياربي مرت فتره ماطلعنا بنتيجه ليه قلبي يقولي انه هذي صرخة مسك ليه كل مااسمع الصوت قلبي يقولي انه صوتها
نزلت راسها بآلم
قربت وسن وضمت مرام
وسن :خلاص يامرام اهدي الله يخليك وربي اللي فينا مكفينا
ضمت مرام وسن بقوه وهي تبكي بصوت عالي
قربت سلمى وهي تقاوم دموعها :بنات خلاص قوموا الله يهديكم شوفوا الناس كيف تناظر فينا
قاموا البنات ودخلوا الشقه
وكل وحده رمت نفسها بمكان
............................................................ ............................................
___مرام___
مرت ساعه وكل وحده في حالها
انا منسدحه على الكنبه
ووسن جالسه على الارض وضامه رجولها
وسلمى في المطبخ
دخلت سلمى
هي الوحيده اللي الئ الان متماسكه فينا
وتحاول تظهر القوى
ناظرت في عيونها متجمعه فيها الدموع
ليه كذا تحاول تظهر انها هي القويه ومتماسكه هذا انا بالبدايه تظاهرت بالقوه كل عشان احفزهم
ونهايتها انهارت كل قوتي
غمضت عيوني
فجاءه نطت لي فكره
قمت بسرعه واعتدلت بجلستي
مرام بتوتر : بنات عندي فكره
وسن : وشهي
مرام : قوموا يلا البسوا لازم نعرف مصدر الصوت
سلمى بعصبيه وهي ترمي علبة العصير : لا ياشيخه صاحيه انتي
وقفت وسن بعصبيه : ما يحتاج نتعب حالنا مرام ياامي استوعبي الصوت مو صوت مسك انتي بس مجرد يتهيئا لك
مرام : لا الصوت صوت مسك وربي صوت مسك ليه مو راضين تصدقوني
وسن بعصبيه وتوتر وهي اطلع جوال مسك من الشنطة : اقول خلاص جاء الوقت اللي نقول لعمها واهلها
سملى ومرام بنفس الوقت : لا لالا
وسن بصراخ : و ليه انشاء الله لمتى بنظل متكتمين ع الموضوع هي كلها كم يوم ويجي عمها
سحبت عباتي ولبستها
مرام : لما نيأس ان بنلقاها ساعتها نتكلم
سلمى : لا ما ينفع كل ما تأخرنا كل نسبة أن بنلقاها ضعيفه
مرام بعصبيه : المهم اللي بتجي معي حياها واالي ماهي بجايه بالطقاق
طنشتهم وطلعت
ما امداني بدق الزر حق المصعد الا وسن وسلمى جنبي
طالعت فيهم
ابتسموا
طلعنا من العماره واحنا متفائلات واملنا بالله كبير
بدينا نبحث بالعماير اللي قدامنا
وانا اساسا في بالي ادور الشخص اللي اولى اختفى وما قدرت الحقه

............................................................ .......................................
___طيف___
طلعت من المطبخ
تذكرت اشكال الخدامات شكلي خربت عليهم فرحتهم ههههه
توقعوا اني باخذ اجازه مرضيه بس معصي هههههه
توجهت لفلة جاسم عشان استلم الرواتب
هففففف
يالليل المذله وانا يعني متى بستلم راتبي
اه
مر شهر ونص
باقي شهر ونص بعد واستلم ساعتها هالراتب
كملت مشي وانا معصبه لابوهم ولابو القوانين اللي حاطينها
دخلت الفله
بلعت ريقي
تذكرت اخر مره
فضولي ذابحني ودي اعرف المكان اللي تحت وش بالضبط صح دخلته
بس كان كل شي مبهم
واللي حيرني زياده جاسم ليش عصب لما شافني بشم هذيك الماده
ما ادري احس الموضوع فيه أن
لازم اكتشفها هالبودره
كملت مشي قربت من الباب اللي ينزل للمصعد
حسيت بالخوف
ما امداني امد ساقي بتحرك
جاسم وهو عاض شفته بعصبيه مكبوته : انتي ما توبين لا تحاولي بس مجرد انك تفكرين تدخلينه انتي متى ناويه تفهمين الكلام اللي قلته لك
صدقيني لو اكتشف احد انك داخلته بتدخلين بمشاكل انتي مو قدها ابو بالاصح
قرب مني وصار وجهه مقارب لوجهي
بققت عيوني فيه مفجوعه
جاسم بهمس : انسي ان لك وجود بهالارض راح تنمحين من هالدنيا
ابعدته عني بخوف
طيف بحده وتحاول ترد بادب :
انا بس مجرد اني مريت ولافكرت ولا اساسا اتنازل اني افكر اادخله مرره ثانيه
وقف مقارب لي
انا ابعدت عنه
جاسم بملل : طيب وش تبين جايه هنا
نزلت راسي
طيف : استلم رواتب الخدم
جاسم : استلموها
طيف : ايش
تأففت بملل وانا متعبه حالي والسلق هالشغالات ماتكلموا
جاسم يناظر فيها بطرف عينه : سلمتها الخدم توقعتك انك ما انتي جايه
ناظرت فيه بحقد
لهدرجه يتمنون موتي حقودين
طنشته ومشيت من جنبه بطلع من الفله
وقفت فجاءه وانا احس برعشه سرت بجسمي
من يده اللي مسكت ذراعي
جاسم : وقفي انا ماخلصت كلامي
رفعت كفي ووحطيته على يده
احاول احرر ذراعي من مسكته
طيف : لوسمحت نزل يدك
جاسم بلعانه : بس مو قبل ما اخلص كلامي
ناظرت قدامي وهو جنبي كتفه ملا صق شوي لجسمي توترت من قربه
طيف بعصبيه : خير وش عندك
جاسم بتفكير : اممممم اسمعي الكلام اللي بقوله وحطيه حلق بأذونك
ناظرت قدامي بعصبيه
حاولت احرر يدي منه مرره ثانيه بس كان اقوى مني جد انه قليل ادب بأي حق يمسكني
طيف بعصبيه : نزل يدك واساسا باي حق تمسكني جد قلة ادب
كمل جاسم بهمس : المره الاولى عدت على خير
بس صدقيني المره الثانيه ماراح تمشي بالساهل عشان كذا لا تحاولي انك بس مجرد تفكرين تدخلين
واحذرك لللمره المليون لا اشوفك داخله هالمكان صدقيني ما بيجيك من وراه الا المشاكل غطيت عليك مره
بس مره ثانيه انسي
ترك يدي
وراح لغرفته
بلعت ريقي بخوف
الله يستر لهدرجة المكان الي تحت مرره سري
اقول خلني اطلع بس ابرك لي
والله من دخلته ماجاني من وراه الا المصايب
............................................................ ..............
((مــــــــزون))
خلصت من ترتيب الملابس بالدولاب
قفلته
توجهت للشباك
كبير شوي يطل على الحديقة الخلفية
ناظرت في المكان
الحراسه مشدده
هذا دليل انه مافي طلعه من هنا الا للقبر على طول
تنهدت
لمتى بنظل على هالحال انا واسيل محبوسين بهالمكان
تذكرت ابوي
تجمعت الدموع بعيوني
ليه تركتني بهالمكان الموحش
يبه صاحبك ماحفظ وصان الامانه اللي تركتها عنده
رجعت لكم سنه وراء مات ابوي وانا عمري 13
كان هو وابو راكان تربط بينهم علاقه قويه
طلق ابوي امي وانا عمري 6 سنين
وبعدها اخذني معه للندن
كان ابوي يتعالج
مرت 3 سنين بالبدايه ما اهتم
بعدها انتشر المرض بجميع جسمه
تركني عند ابو راكان وكان من ضمن وصيته ان ابو راكان يعتني فيني ويهتم ويعتبرني بنته وولي امري
لاني وبكل اسف مالي احد الا ابوي
صح عندي امي وخوالي بس ما اعرفهم
ابوي الله يرحمه حرمني منهم
مسحت دموعي بطرف اصابعي بسرعه
ليه يبه سويت كذا ليه امنت بنتك عند الغريب واهلها وعزوتها موجودين ليه حرمتني من امي خوالي
اشتقت لهم احن لهم وانا ماشفتهم اتمنئ اشوف امي واضمها بصدري
نزلت راسي وانا ابكي بحرقه من اللي انا فيه بعد ماكنت اميرة عند ابوي وعايشه في انواع الدلع صرت الحين ذليله في هالمكان
مسحت دمعي بانامل مرتجفه
فتحت الشباك
ابي اشم لي هوائ احس بالكتمه
اه استنشقت الهواء
ابتسمت بالم مرت فتره ماشفت اسيل
محبوسه بهالغرفة
نادرا ما اطلع منها
اشتقت لها بالحححيل
توجهت للسرير
انسدحت
انفتح الباب
دخل
نايف

قمت بسرعه
وسويت نفسي ارتب السرير
حاولت ابين اني عادي بقدر الامكان
فتح الدولاب كان واقف قدامه يفتح ازرار قميصه
نايف بدون نفس : مزون
كنت واقفه وراه
ومنزله راسي
مزون بهدوء وصوت خفيف اقرب للهمس : هلا
............................................................ ..........
((نايف))
تركت اللي بيدي
والتفت لها
منزله راسها
حسيت من صوتها وردها ان فيها شي
قربت منها
نايف بهدوء : مزون فيك شي
مزون صامته لا رد
تحاول تقاوم دموعها
نايف بحده : هييه انتي قاعد اسالك فيك شي تكلمي
والا بس فالحة بطولة اللسان
............................................................ .......................
___مزون___
عضيت شفتي
تماسكي يا مزون لا تضعفين
اه ياربي
قرب نايف
كنت منزله راسي
نزل لمستواي
مسك ذقني بكفة(منطقة الفك ) ورفع راسي على فوق
غمضت عيوني
ماابي اضعف قدامه وابين له ضعفي
نايف بهمس وحده : مزون افتحي عينك ناظري فيني
عضيت شفتي
وجهه مقارب لوجهي واحس بأنفاسه
نايف بعصبيه وهمس بحدة : قلت لك افتحيها بسررعه انتي ليه تحبين العناد
تخرعت من صوته
نزلت دموعي بلا مقدمات
تاوهت بألم من اصابعه المنغرسه بفكي
المكان هادئ مافيه الا صوت بكاي وشهقاتي
ونايف على نفس وضعيته مو راضي ينزل يده
وانا بالمقابل موقادره افتح عيوني
ليش ما ادري



............................................................ ..................
((ناايف))
ناظرت فيها بقهر
من منظرها بنفس وضعيتها ماتغيرت ولا راضيه تفتح عيونها
غرست اصابعي بقوه وانا اعض شفتي بعصبيه
حسيت فيها تالمت
صارت تبكي بصوت عالي وشهقاتها
عيوني مثبتها على وجها
نزلت يدي بسرعه حسيت رقبتها بتنكسر
سحبتها لحضني بلا شعور
حضنتها
نايف بألم : ليه كذا يامزون ليش تعذبيني بدموعك ليش
............................................................ ..............................
___مزون___
زاد بكاي من كلامته اللي همس فيها لي
حاوطته بذراعي وضميته بقوه وانا ابكي بحرقه
مزون وكلامها متقطع : ابي اطلع من هالمكان
ابي اشوف امي اشتقت لحضنها تعبت وربي تعبت من هالعيشه
رفعت نظري له
انصدم نايف من كلمتها
ابعدني عنه فجاءه
نايف بقهر: بس اللي تطلبينه مررره صعب يا مزون
كرر كلمته مرره ثانيه بهمس وعينه بعيني
: مرره صعب
وطلع وصفق الباب وراه
لحقته وانا اصرخ
مزون بصراخ وبكي : ليييه صعب قولي ليه
قفل الباب
ضربت الباب بيديني بقهر وعصبيه
جلست على الارض وانا ابكي بحرقه
رفعت يدي للقادر القدير
يارب اذا ماكتبت لي شوفتها في الدنيا اجمعني فيها بجنتك يارب
يارب بعد صبرنا هذا تجعل مثوانا الجنة
ياااارب
............................................................ ....................
___راكان___
دخلت لغرفتي وصفقت الباب وراي بعصبيه
جلست على الكنبه
كان في الطاوله مويا
اخذت الكوب
ناظرت في المويا
جاء في بالي صورتها وهي تطلب مساعدتي
فجاءه
رميت الكوب بعصبيه
احاول استووعب اللي سويته
اكيد ذبحتها
جاء في بالي شي واحد

لا لا ما راح تقاوم المسبح عميق
بكذا
اءءءءء عضيت شفتي بقهر
فتحت باب الغرفة
وطلعت وانا اركض
لازم الحق عليها قبل لا يصير فيها شي
اه ياربي انا وين عقلي لما رميتها
تذكرت شكلها مرره ثانيه
احس بالسكين اللي تنغرس بصدري
اسيل انتظريني
قاومي يا اسيل

نزلت مع الدرج طيران بسرعه
وانا في بالي شي واحد
ما ابي اخسرها

رغم كرهي لها وعلى كثر ما آذيتها
مستحيل اعيش حياتي بدونها
فتحت الباب وكملت وانا الهث من الركض
وقفت فجاءه من المنظر اللي قدامي
مصدوم
متفاجئ
وبالوقت نفسه
احس ان شياطين الارض كلها تحوم حولي
وصدري يطلع وينزل من العصبيه
............................................................ ....
___مــــســك___
قاومته لين ابعد عني
سحبت الشرشف وان استر نفسي وجسمي العاري
مسحت دموعي
مسك بهمس وصوت باكي : ليه ليه سويت كذا انت ما تخاف ربك
صارخت : قولي انت ما تخاف ربك كيف بتقابل ربك.
كنت ما اشوف الا ظهره العاري
قربت منه وصرت اضربه
مسك بصراخ : الله ينتقم منك الله ينتقم منك
ابعدني ثامر عنه
سحب ملابسي من الارض
ورماها على وجهي
ثامر ببتسامه واستهزاء: ليه كذا ليه يابابا تبكين
صدقيني دموعك ماهي بفايده بشي ولا هي مرجعه شي
طلع وقفل الباب وراه
سحبت رجولي سحب وانا منهاره مو قادره اوقف
لبست ملابسي بسرعه
جلست على الارض وضميت رجولي وانا ابكي
اخذ مني اغلى ما املك
ليه ؟؟ ليه ياربي
انا وش موقفي الحين وش اقول لاهلي
يارب خذ حقي منه يارب
الله يأخذك
اءءءءءءءءءءصارخت بصوت عالي
مسك بصراخ : الله ياخذذذذذك ياحقير
قمت
وانا احاول افتح الباب
انفتح الباب
ورجعت على وراء طحت
ثامر بعصبيه
سحبني مع يدي وجلسني على الكنبه
واخذ كوب المويا الموجود على الكومدينه
قرب مني
ثامر بحده : يلا اشربيه بسرعه
ناظرت في اسفل الكوب
تذكرت الحبه اللي رماها
مسك وهي تبعده عنها : ابعد عني
شدني مع شعري
وقرب وجه مني
وعينه بعيني
ثامر بهمس : بتشربينه والا لا
مسك عاضه شفتها بعصبية وحده وعيونها الغرقانه بالدموع : انسسسى اشربه فاااااهم
ثامر : اوكيه تحملي اللي بيجيك
وبسرعه
مسك بكفه وجهي وشربني بالغصب
صرت ارفسه برجلي واحركها اقاومه
وللمره الثانيه يغلبني
نص المويا دخل خشمي ونص بفمي حاولت ارجعه
حط يده على فمي عشان ما ارجعه
ثامر بصراخ : بسرعه ابلعيه لا قسم
بلعته بخوف
ابعد يده

وضرب خدي بخفه
ثامر ببتسامه : ايه خليك كذا مطيعه وشطوره عشان يصير كل شي تمام
شديت نظري عليه
ونظراتي كلها حقد كره
حسيت
الدنيا صارت ضباب حولي وبديت اقفل عيوني بشويش
فتحتها وانا اقاوم
وقبل لا استسلم للنوم
اشرت على ثامر بأصبعي وانا جسمي بدا يرتخي
وهمست : بيجي اليوم اللي بتندم فيه
وغرقت في سبات
واتمنى ما اصحى منه
للابد ؟؟؟؟؟؟؟؟؟؟؟؟


نهاية البارت

البارت 15

~~~~~~~~~~~~~~~~~~~~~~~~~~~~~~~~~~~~~~
~~كان يجب الا اقترب منك ~~
~~ثامر~~
ناظرت على اصبعها اللي اشرت فيه
بدى يرتخي
سحبت عبايتها لبستها بسرعه وانا احاول اتناسى كلمتها اللي قالتها
وقفت ناظرت فيها
تنهدت
مسحت شعري بارتباك
الله يستر اش نهاية هاللعبه
بتكون لصالحك ياثامر والا لصالحها
لبست جاكيت اسود ولفيت الوشاح لين غطى نص وجهي بعدها لبست الطربوش والنظاره الطبية
واقف قدام المرايه اتامل شكلي
تنهدت
كذا محد راح يعرف شكلي
طلعت من الغرفة
وسحبت العربة اللي سرقتها من المستودع حق العماره
العربة حقت شناط ( اللي تكون موجوده بالفنادق )
شلت مسك وسدحتها بالعربة وسحبت البطانيه وحطيتها فوقها وبعدين حطيت شنطة سفر فاضيه
ناظرت فيها من بعيد اتاكد ان مو مبين شي
طلعت من الشقه ونزلت مع المصعد
بعدها من العماره بعد ما تاكدت ان المكان فاضي
الوقت كان لليل ونادرا ما نلقى احد برا
سحبت العربه لين وقفت قدام العماره الثانيه
دخلت مع العربه وبسرعه دخلتها تحت الدرج ورفعت الشنطة والبطانيه وحملت مسك
طلعت مع الدرج بسرعه وهي بين يديني
وقفت قدام باب الشقه
جلستها واسندت راسها على الباب
جلست على ركبتي قدامها
نزلت لثمتها
لسه يا مسك لعبتي ما انتهت معك
رجعت لثمتها مثل اول
جيت بنزل مع الدرج
بس قبل ناظرت فيها
فجاءه
سمعت صوت عند المصعد
مديت ساقي بنزل مع الدرج
بس رجعت ناظرت فيها مره ثانيه
سمعت صوت خطوات بدا يقرب
كانت الشقه في الدور الثالث والدرج اللي مقابل للشقه يطلع للسطح
تنهدت بعصبية
وباللحظه الاخيره
الصوت خلاص احسه خلفي
طلعت بسرعه للدرج اللي يطلع للسطح
جلست بحيث اني اشوفها بوضوح
ركزت نظري عليها
كان بأمكاني
اتركها واروح واللي فيها فيها
بس ليش ما قدرت وقلبي ما طاوعني
يا ترى هو شفقة والا خوف اللي حسيت فيه
............................................................ .................
~رداد~
بنص الطريق وقفت
لما شفت
راكان واقف قدامي
ويناظر فيني بعصبيه
ثبت عيني بعينه بتحدي
الحيوان الحقير
اخ بس خلني اخلص بس
واعرف اتفاهم معك ساعتها
واعلمك متى تستخدم عضلاتك وقوتك
طنشته وكملت مشي
البنت بتموت بين يديني اذا طولت بالوقفه قدام هالخايس
اشر لي
راكان بحده : هييييه انت ووووقف
ناظرته فيه احاول افهم وش يقول
............................................................ ..............
ثبت نظري عليها مثل الميته بين يدينه
مستحيل
ماتت
ركضت بسرعه وانا اعتصر من الالم اللي بقلبي وكيف سمحت لنفسي اسوي هالشي
وقفت مقابل له
مديت يدي
راكان بحده : نزلها
ناظر رداد فيه
فهم اش يبغى
طنشه رداد
وهو يحاول انه يتماسك
زفر رداد بعصبيه واضحه عليه
وعطى راكان نظره
يعني بالعربي ابعد
تكتف راكان قدامه
واشر له باصبعه بطريقة استفزازيه : انسى والحين نزلها
مشى رداد بعصبيه وهو يحاول يتجنب المشاكل معه
لانه مو وقت مناسب يتشاد معه واسيل بين يدينه
راكان بصرخه عاليه وهو يأشر له مره ثانية عشان يفهم : انت ماتفهم قلت لك نزلههههههههها
انتفضت اسيل من الصرخه
............................................................ ...............
~اسيل ~
فتحت عيوني ببطى
من صوت الصرخه
ناظرت بتساؤل
شوي احسني مرتفعه عن الارض
لفيت نظري
فتحت عيوني بفجعه
جت عيني على كتف رداد وقميصه المتغرق
استوعبت الوضع الي انا فيه
حررت نفسي بسرعه

ناظرت في رداد
بمشاعر مضطربه ومتلخبطه
عصبيه وقهر
من الوضع اللي لقيت نفسي فيه وانا بين يدينه
وامتنان وشكر لانه انقذني من بعد فضل الله
ثبت نظري على شفايفه المرتجفه
انبني ضميري
كان نظره مثبت على اللي وراي
التفت
شهقت
انعاد الموقف قدامي تذكرت
وجهه والقسوة اللي طغت عليه
سرت رعشه بجسمي مثل التيار
راكان بهدوء وتأنيب ضمير : اسيل
قاطعته اسيل بصراخ : اوووش ما ابي اسمع صووووووتك ما ابي اسمعه
سديت اذاني باصابعي ما ابي اسمع حسه
انهرت
وانا واقفه بينهم ومنزله راسي
قرب راكان
وقف خلفها ومسك يدها
راكان بالم من منظرها همس : اسيل يلا تعالي ادخلي كذا بتمرضين
اسيل بصراخ وهي تنزل يدها عن اذنها : هذاك قلتها امرض
رفعت يدها وهي تدعي وتبكي : جعلني امرض وبعدها للقبر يارب يمكن بعدها ارتاح من ظلمك

كملت دعاءها بنحيب وهي رافعه يدها
يارب خذها
راكان بصراخ وعصبيه وهو ينزل يدها : مجنونه انتي في احد يدعي على نفسه بالموت
اسيل : ايه اللي مثلي اللي بمثل حالتي ذاقوا الظلم والعذاب كل اللي موجودين بهالامكان
يتمنون الموت وانا اولهم
راكان وهو يهزها بعصبيه و حده : اسكتتتي لا اسمع هالكلمه سااااامعه
ضحكت اسيل بشكل هستيري : ههههه لهدرجة خايف انهم يتهمونك انك قتلتني
لا ياماما لاتخاف
قربت منه
عيني بعينه
همست : بس صدقني لو سمحت لي الايام راح اسوي العكس واذبحك عادي لو اتهموني لو ادى هالشي لاعدامي
تدري ليه لان ذبحك حلال حلال
قلت كلمتي الاخيره وانا عاضه شفتي بحده
راكان وهو يحط كفه على جبينها: شكلك بديتي تسخنين وتهذرين بكلام ما انتي قده
سحبها مع يدها وراه
حاولت تبعده عنها

............................................................ .........
~ رداد~
عيني مركزه على شفايفهم
احاول
افهم لو كلمه
مسحت شعري وشديته بعصبيه
كملت اشوف المنظر الدرامي اللي قاعد يصير قدامي
ماحسيت الا هو ساحبها
مشيت بسرعه وانا واصل حدي
لا الوضع ماينسكت عليه
هذا متى بيعتق هالادميه
من جبروته وقسوته وتسلطه
مسكت ذراعه بقوة بيدي اليمنى وانا اغرس اصابعي فيها بحقد
وعيني بعينه
ونظراتي له كلها تحدي
واتمنى يفهم رسالتي من نظراتي
طيب يا راكان بنشوف مين بالنهاية بيفوز؟؟؟؟؟؟؟؟؟؟
يا
اننننننت
يا
انا
وما اكون انا رداد ولد ابوي اذا ما جبت راسك انت وابوك
وبالوقت نفسه
تحركت اسيل بسرعه وخوف ووقفت خلفي مباشره
وماحسيت الا بيدها شاده على ذراعي اليسار
نزلت نظري ببطئ ليدها اللي حسيتها تتطلب الامن والحماية مني
وبعدها
نظرت فيها منزله راسها
وشفايفها همست بكلمات ؟؟؟؟

............................................................ ........................
~اسيل ~
وقفت خلفه وانا شاده على ذراعه وجسمي تقريبا قريب من جسمه من الخلف ومنزله راسي
ابي
حمايته
ايه ابيه يحميني من بعد الله
اسيل بهمس وغصه : رداد لا تتركني انا مالي غيرك بهالمكان بعد مزون
همست بهالكلمات
وانا كل اللي اتمناه انه يرجع سمعه بس لدقيقه يسمع اللي قلت له
ياليت يارداد تسمع بس الكلمه الثانيه بس
(لا تتركني )
............................................................ .................
~راكان~
شديت كفي بعصبيه من كلماتها اللي بالكاد اسمعها
ضحكت بستهزاء وعصبيه
ناظرت في رداد بحقد .
فهمت الرساله الي يبي يوصلها لي من نظراته
بس مو انا اللي تتحداني
هالاشكال
نزلت يده عن ذراعي
وناظرت في اسيل في نفس وضعها
راكان ضحك بخبث واشر لرداد: صدقني يا مستر رداد تحديت ولعبت مع الشخص الغلط
رداد واقف قدامه بتحدي وثقه
هزيت كتوفي ومديت براطمي باستهبال : بس تحمل اللي بيجيك
لفيت على اساس اني بمشي
ابتسمت بخبث
ورجعت فجاءه
وبلكمه وحده مني الا هو والارض واحد
صارخت اسيل مفجوعه
جلست عند راسهه وسحبته مع ياقته
ناظرت فيه بتحدي وابتسمت بلعانه
اذا هو مايسمع ولا حرف اقوله
بعد انا نظراتي له تكفي انها تبين له كل شي مبهم بالنسبه له
............................................................ ................................
~مرام~
دخلنا العماره بعد ما ودعنا سلمى
واحنا طالعين من المصعد
انا متحطمه بالكامل
ووسن نفس حالتي
رفعت راسي شوي وانا اتنفس بصعوبه
اه يارب رحمتك يارب
لفيت نظري لوسن
تمشي وهي سرحانه وتفكر
وحابسه دمعتها
بلعت ريقي بالم
ترددت في بالي كلمة وحده
مسك اختفت ويمكن تختفي للابد
وحنا ماقدرنا نسوي شي
نظرت قدامي وانا امشي
ضميت كفها بكفي وانا اطمنها
مرام بهمس وهي تنظر قدامها : لاتخافين ياوسن
هنا وسن
رمت نفسها بحضن مرام وهي تبكي
مرام تقاوم دموعها : خلاص ياوسن اهدي
زادت وسن تبكي بنحيب
ضميتها بقوة وانا ابكي بالم من حالنا
وكل تفكيري
بكره كيف نواجه اهلها
ابعدت وسن ووقفت باستقامه وهي تمسح دموعها
وسن بهدوء : يلا امشي بسرعه ندخل الوقت تاخر
كملنا مشي وانا منزلة راسي وماسكه يد وسن
في نهاية الممر لفينا لجهة شقتنا
رفعت نظري
حطيت يدي على فمي اكتم صرختي وانا عيني مثبته على باب الشقه قدامي
رفعت وسن راسها
وسن بخرعه :بسم الله
ابي اتحرك مو قادره
جسمي يرجف

وسن برعب وخوف : مرام وش هالكائن الاسود اللي عند الباب
مرام برجفه : ها....ه م م ماادري
مشينا ببطى احنا نسمي ونتعوذ من الشيطان ونقرا المعذات لين صرنا قريب
مديت يدي بخوف ونزلت اللثمه
حطيت يدي على فمي ونزلت دموعي بلا مقدمات
وسن من هول الصدمه عيونها اتسعت و كانت واقفه ما تتحرك
التفت
على وسن
كانت واقفه وتناظر في مسك ودموعها تنزل وبس عيونها اللي تتحرك
قربت منها
مرام وهي تبكي وتاشر على مسك : و وسن هــ هذي مسك والا يتهيئا لي
هزت وسن راسها وهي عينها مثبته بصدمه على مسك
ركضت وسن بسرعه وانا لحقتها
قربنا منها
بديت امرر اصابعي بوجهها وكذلك وسن نبي نتاكد ان هذا حقيقه
حضنتها بقوة انا ووسن
وهي مثل الريشه بحضننا
جسمها صاير مرره هزيل
وسن تبكي بصوت عالي : اه ه ه ه ه ه يا مسك وييييييينك وين اختفيتي
ظلينا خمس دقايق على هالحال وهي بحضننا مانبي نتركها
نخاف
نفقدها مرره ثانيه؟؟؟؟؟
ابعدت عنها
ناظرت فيها ماتتحرك مرره
مرام وهي تمسح دموعها : وسن خخلاص بسرعه قومي ندخلها اخاف فيها شي
وقفناها واسندناها علئ كتفي وكتف وسن
دخلنا الشقه
وقفلناها زين
من اليوم ورايح لازم ننتبه زين على انفسنا لين عاد يرجع عم مسك اخو وسن

نهاية البارت

تسلم الايادي كونتيسه مزنه. على الروايه الرائعه
مسك تكسر الخاطر دفعت ثمن خطيئة غيرها
ممكن تكون خطيت العم علشان كذي ثامر ينتقم منه
طيف الفضول ذبح القطه وقفي الفضول قبل يوديش في داهيه
اسيل الى متى قدرتها على التحمل ستصمد امام تعذيب جبروت راكان
رداد ماهي قصته لماذا دخل الى السجن بقدميه

في انتظار البارت القادم

اسعدني مرورك وردك الرائع اللي بعث لي السعاده
ولاتحرميني من هالردود الجميله