هلابك مزنه ..
نورتي لليلاس يالغالية ..
مقتطفات مثيره ورائعه وحمستينا لروايه وابطالها
متابعتك ..

حي الله مزنه وان شاء تجدي في ليلاس مرسى أمن وممتع لروايتك بس الله بالبارتات الطويله والي يظهر لي ان الشخصيات ماهي واجد هذا اهم شي لانه تجلطني قبل تلخبطني خخخخخ احس أني أنساها مدري هو كبر والا الذاكره ماعد تجمع
في انتظارك يا كونتيسه

هلا فيكم حبايبي
اعذروني تاخرت عليكم تعرفون اجازة وناس تطلع وناس تدخل هههههههههه
ولعيونكم راح انزل بارتين واحتمال البارت الثالث بعد اليوم

مدخل ..((
ليكن .. الجرح .. بطل المسرحيه ..
و ليعشق .. دمعة الكبرياء ..
و لتلتحم مشاهد عديده من النزف ..
لتخرج لنا في صورتها النهائيه ..
" كبرياء جرح "


نتنفسهم ..
نستنشق عبق أشواقهم ..
و نخبئها بداخلنا ..
خشية ألآ نستنشقها مرة آخرى ..
فالكبرياء ..
قد نسج خيوطه حول ما يسمى بالحب ..
و الآعتراف به ..


نشتاقهم ..
نشعر بهم يختالون بقلوبنا ..
يعبثون بأضلاعنا ..
يبعثرون ترتيب نبضاتنا ..
و لآن البوح بالمشاعر ..
آمر محرم في قانون الكبرياء ..
فأننا نحبس أشواقنا ..
بحكم مؤبد ..


نحبهم ..
لآ نرى الدنيا إلآ من خلال أعينهم ..
لآ نشعر بأي شيء ..
إلآ حين نسمع أصواتهم ..
و .. لآ..
و ..لآ..
و ..لآ..
نهوى هذه الحياه بدونهم ..
و مع هذا ..
نبتر يد الشوق حين تمتد لمصافحتهم ..
و ..
و نفقى أعين اللهفه أن نظرت أليهم ..
فـ كبريائنا يملي علينا أن نفعل ذلك ..


تنهمر سيول من الدموع ..
حين يغيبووون ..
حين تختفي حتى أطيافهم ..
يخنقنا الشوق ..
يجثم بيديه على عنق الحنين ..
حتى تسقط لهفتنا صريعه لآحيلة لها ..



نحتاجهم ..
نشعر بضيق يخنق أرواحنا ..
نهمس في دواخلنا بعمق أشتياقنا لهم ..
خشية أن تعلو صوت لهفتنا ..
فيجرحنا صدودهم ..
و يكون الكبرياء هنا ..
هو سيد الموقف ..
و صاحب الكلمه الآولى و الآخيره ..









البارت الاول

(لندن)

تحديدا في مزرعة ابو راكان


دق المنبه
يعلن ابتداء وقت العمل


فزيت من السرير وانا احس ظهري متكسر
ناظرت فيه
حالة هالسرير تذكرني بنفسي وبأسيل
وبكل اسف حالته مزرية
تنهدت بالم
وطرت لسرير اسيل

ناظرت فيها وانا احاول اصحيها
ابتسمت محد مصبرني على هالمكان الموحش هنا الا انتي
مزون بحنية : اسيل اسيل يلا قومي
اسيل وهي تتحرك : هممم
مزون بصراخ : اسيل قومي يلا بسرعه
قامت اسيل متخرعه مغمضه عين والثانية فاتحتها
اسيل : بشريني اكيد راكان مات

طالعت فيها
قهقهت بصمت
اكيد متحلمه فيه رفعت يدي ادعي
مزون : من فمك لباب السماء انشاء الله
اسيل قامت من السرير
وهي تغسل وجها بعلبة المويا
بحكم ان الحمام واحد مشترك لكل الخدم اللي في السكن

اسيل اللي بدت تصحصح : الساعه كم
مزون : 8 الصباح
اسيل وهي تجلس جنب مزون وتتثاوب : غريبه جوليت ما سوت لنا سالفة اليوم شكلها نستنا وعساها دوم تنسانا
مزون بتسأول : اسيل انتي كنت تتحلمين براكان صح
ناظرت اسيل فيها بنص عين : كيف عرفتي
مزون بضحكة : طول الليل وانتي تتكلمين وانتي نايمه ههههههه
اسيل وبحقد : اه بس لو يتحقق حلمي كان اكون اسعد انسانه على وجه الارض
مزون وبتفكير : تدرين انه اليوم راجع للمزرعه
اسيل: وهذا اللي خلاني اتحلم شايله هم جيته على انها 3 اسابيع اللي غاب ما نننكر ان ارتحنا كثير
مزون : أي بالله صدقتي
قامت اسيل توصف الحلم: تدرين حلمت انه الطياره اللي هو فيها احترقت
واني اشوفه مرمي على الارض وخلاص يحتضر بيموت
وااه (اسيل وبلذة )وانا واقفة اناظر فيه ومبتسمه وقلت له ان الله اخذ حقي وحقك منه هالشيطان

مزون تنهدة : متى بس ربي يريحنا منه وهو ابوه ونعيش حياتنا مثل العالم والناس لا وقت الصلاة نعرفة بالضبط
وغير كذا بالعافية مخلينا متمسكات بحجابنا لو بيدهم كان فصخونا
مسحت دمعتي

اسيل بمرارة : وهذا اللي معذبني ابي اصوم احس باجواء رمضان اشتقت لصوت الاذان اشتقت لا اشياء كثيرة
(ابتسمت تلطف الجو) اقول يلا بس قومي نطلع نحاول نجهز للحفلة على قولت المودمزيل جوليت جعلها لكسر الضروس المايعه

تمددت على السرير براحة لان وببساطة عدم وجود راكان يعني انا ناخذ راحتنا بالكامل وهالفرصة ما تجي كل مره
ولازم نستغلها زيين
مزون ببرود : امين وبعدين ليش مستعجله باقي اسبوع ونص يعني نريح
اسيل وهي تسحب مزون : قومي قومي بس والله يوصل راكان ويحوسنا عاد هو وجوليت خلقه يدورون علينا الزله
عدلت حجابي وكذلك اسيل وطلعنا من السكن
متوجهين للفيلا


الاسم : مزون
العمر :23سنة
............................................................ .......



انفتحت البوابة الرئيسيه للمزرعه ومشت السيارتين لين وقفت عند باب الفيلا
وكانت المزرعه عبارة عن ارض كبيره فيها فيلا اشبه بالقصر من كبرها
وخلف هالفيلا سكن الخدم وقريب من السكن الاسطبل وباقي الارض مزارع وحدائق
وعلى روعة هالمكان ودقة تصميمه مزون واسيل ماذاقوا طعم هالحلاوة وكان يشوفون المزرعه من منظور اخر بالنسبه لهم انها مكان متوحش ويتمنون يطلعون منه باي وسيلة كانت .


نزلت من السيارة
اشرت للخدم ينزلون الشنط من السيارات
نزلت النظاره الشمسيه وعلقتها بالقميص
وانا ادور بعيوني
يمكن المحها
نفضت هالافكار من راسي
ليش من نزلت من الطياره وانا بس افكر فيها
اقنعت نفسي انها مجرد نزوة وطيش ويعدي
كملت مشي
كل اللي اتمناه الحين
سرير وغرفة بارده بهالجو الصيفي الحار
واحط راسي واسحبها نومه

ناظرت في السيارة الثانية واشرت لهم ينزلونه
ويلحقني

الاسم : راكان
العمر : 28
............................................................ ..............

مسكت بطني
من الضحك
اول مرره من دخلت هالمكان وانا اضحك بهالطريقة
ضربت مزون على كتفها
اسيل بضحك وهي تمسح دموعها : خلاص مزون اسكتي الله يخص بليسك هههههههههه
طيب يلا انا بقلد لك جوليت
ومشيت قدامها وانا اقلد جوليت
حطيت يدي على خصري ومشيت مثل عارضات الازياء لانه بالفعل جسمها نحيل وطويله كانها عارضة ازياء
مزون : ياويلي بس هالمسيحية جوليت اخذت كل حسناتنا
اسيل : ههه أي والله انك صادقة
قربنا من الفيلا
وكملت امشي بدلع وانا اضحك
ومزون وراي تقلدني
اختفت ابتسامتي
ووقفت فجاءه وانا انزل يدي ببطئ بصدمه
من اللي واقف قدامي ومزون كذلك

ناظر راكان فيهم
قرب منهم
راكان بغرور : خير شايفات جني

الا ابليس براسه واذانيه
تنحنت وانا اعدل من وقفتي
دقيت مزون اللي واقفه جنبي ومفهيه بكوعي ابيها توقف زين
بس مزون ما كانت مفهيه براكان
مفهيه بالشخص اللي اقبل علينا
وراء راكان
طويل
وشوي معضل واسمراني ملامحه حاده
وقف وراء راكان
طاحت عيني بعينه
خمنت ان وراء نظراته الحزينه سبب ومو هين
غضيت البصر عنه بسرعه
حست مزون على نفسها لما شافت راكان يناظر فيها وفي الشخص اللي وراه
مزون وهي تسحب اسيل بتطنيش لراكان : يلا امشي ورانا شغل

راكان وبأمر: انتظروا

وقفنا بسرعه وخوف كانا في تدريب عسكري
راكان : قبل ابي اعرفكم على الطباخ الجديد رداد عرفوه على المكان

واشر ع الشخص الواقف وراه

اسيل ومزون بصدمه : ايش

راكان ببرود ويتثاوب : مثل ما سمعتوا
وراح وتركهم

سحبت مزون بعيد شوي ابي اكلمها
اسيل بدهشه : الحين ابي افهم فيه احد يرمي نفسه بجهنم
مزون : اقول امشي بس الرجال صقعته الشمس
اسيل : يلا ناديه انتي انا مالي شغل
مزون وبقوة شخصية : طيب
اشرت تناديه وكان معطينا ظهره
لا رد
نادته مرره ثانيه
بعد ما رد
مزون بحيرة : اش سالفته هذا

قربنا منه
ناديناه بعد ما رد
اسيل : اش فيه هذا اصمخ
وقفنا قدامه

وتكلمنا معه
وفجاءه قام ياشر لنا

اتسعت عيوني من الصدمة



اصم !!!!!!


ما يسمع

حسيت بالغصه
ومزون كذلك وجها تغير

اشرت له مزون
انه يلحقنا وبدينا جولتنا معه في المزرعه


الاسم : أسيل
العمر :22
............................................................ ............


كندا
الساعه 6:30
غطيت عيوني بالمخده عن ضوءالشمس النافذ عبر الشباك
قمت من سريري بتكاسل
توضيت وصليت واتجهزت
فتحت الشباك جلست ع السرير
نزلت دمعه مني
اه في هالوقت نكون أنا وخواتي نتجهز لاجل نخلص قبل لايجي ابوي واخواني من صلاة الفجر
وقفت بوسط الشقه ادور بعيوني
غريبه عمي ما رجع الا الان
رفعت الريموت من على الطاولة
وبديت اضيع وقتي بالفرفرة بين القنوات لين يجي عمي


الاسم : مسك
العمر :21
:::::::::::::::::::::::::::::;::::::::::::::
((لندن))


"أسيل "

خلصت جولتنا مع الطباخ الجديد
بس في شيء شد انتباهي
اسمه
رداد
اسم خطير رجولي

نزلت للمطبخ
بعد اسبوع ونص في اجتماع واحتفال شوي كبير
واحنا ما جهزنا مسكت النوته والقلم
اشغلت نفسي بكتابة الاغراض والاكلات اللي راح يتم تحضيرها
حسيت بحركه عند راسي
رفعت راسي

اوف حسيت اني في عداد الموتى من نظراته
ؤجهه الاحمر من العصبيه لا الطبلون. متعدي الحد عنده
قرب مني طاحت النوته والقلم بالارض
من شدة الخوف

...........................................................


راكان""

دخلت المطبخ بعصبيه
والدنيا صارت سوداء حولي
وما اشوف غيرها حاولت امسك نفسي
بقدر الامكان لا ارتكب جريمه فيها
مو وقته تقوم ببطولاتها وتسرق
وليتها سرقة اي شيء ملف مهمات التهريب اللي راح ننفذها الشهور الجايه
قرب راكان منها وبحده :اسمعي يا اسيل هي كلمه وحده الملف وينه
اسيل بخوف :اي ملف
راكان بحركه سريعه منه لؤى يدها ورى ظهرها
شهقت اسيل بالم:اه وربي ما ادري عن ايش تتكلم
راكان وبصوت عالي انتفضت منه اسيل من الخرعه : عندك لليل لو ماطلعتيه

راح تشوفين شيء عمرك ماشفتيه
وغمز لها

اسيل وهي تقاوم دموعها سحبت نفسها من قدامه طلعت ركض من ألمكان
ثواني والا هي مالها اثر اختفت من قدامي
رجعت لغرفتي. شبرت الغرفة من القلق
مصيبه لا ضاع رفعت التلفون اطلب من الخدم يجون يقلبون الغرفه يطلعونه لي
اه رميت نفسي بالسرير
احاول انام
حتى ما امداني ارتاح من تعب السفر
طلعت لي مصيبه
............................................................ ...............


(اسيل )


طلعت من المطبخ ركض

تمنيت اني اواصل الركض الى مالا نهايه
وقفت عند الشجره وانا اتنفس بسرعه وقلبي نبضاته مثل الطبل. انهمرت الدموع من عيني مثل الشلال
خلاص مليت كرهت هالعيشه كلها ظلم وجور
متى تصفى قلوبهم السوداء متى ياربي
جلست ضميت رجولي تنهدت
سمعت احد يناديني
التفت الا هي مزون مسحت اثار الدموع من عيني
مزون بصوت عالي :اسيل انتي وينك
قربت مني صارخت مزون بعصبيه : اش فيك اش سوى فيك تكلمي ضربك سوى فيك شيء الله ياخذه
قربت منها بصمت و حطيت راسي على صدرها بكيت بحرقه. حاوطتني بيدينها حسيت فيها تشدني لها
مزون :اه بس لو بيدي شيء اسويه. بس انتي عارفه العواقب
تنهدت رفعت راسي ومسحت دموعي ابتسمت : خل نخليها على ربنا
شهقت هذا من متى هو. هنا
همست اسيل لمزون :هذا من متى هنا
نظرت مزون في ردادوبنفس الهمس : احسه يعاني مثلنا بس تدرين استغربت منه لما قمت ادور عليك صار يلحقني
اسيل بنفس الهمس: ما تدرين يمكن احنا احسن منه لانا نسمع
خلاص اسكتي شوفي كيف يناظر
مزون: خبله انتي تراه اصم ما يسمع اقول امشي وقولي لي وش السالفه
التفت ادوره شفته معطينا ظهره ومتوجه لسكن
ضاق صدري احس جرحناه باسلوبنا
……………………………………
((السعوديه))
الساعه 9الليل
رحت اجهز أنا وخواتي السهره. عشان الفيلم اليوم اربعاء محد قدنا هع ههههه قاطه الوجه عاطله ومنثبره في البيت
وما فرقت عندي واساسا زين اليوم اني عرفت انه اربعاء احيانا ما ادري خميس احد
المهم
راح اعرفكم
على عائلتي المصونه
راح نبداء بالشقه الاولى
فيها فاكهة البيت جدتي المصون العمرغير مصرح به تعدى العداد هع
عمي
عبدالمحسن يحضر ما جستير في كندا

الدور الثاني وملاحقاته
السطح والملحق

الوالده
مسعده العمر
40
الوالد
سالم فديته هو وشنباته شنبات 2012
صاير كانه ابو شهاب العمر 55
مالنا بالطويله
خواتي التوام مسك وحور
العمر20
مسك طبعا تدرس بكندا مع عمي
اما حور أنا وياها متقابلات في البيت
ما قبلتها الجامعه الا انتساب لانها وبكل اسف هي في وادي والدراسه في وادي
فقالت خل اخذ راحه والله العالم متى بتخلص هالاجازه
بس أنا في شيء يحوس ويفحط بمخي
هي ليش ما صارت مثل مسك دافوره
جد توام بس خرطي بس بالشكل ولا كل وحده تفكيرها غير
امم مين بعد
ايه نسيته

مشعل
العمر 17
ومين بعد
ايوه ياجوج وماجوج
هيا سادس ابتدائي
عزوز ثالث ابتدائي
واخر فرد بالعايله
جود
العمر سنتين
احم احم نسيت اعرفكم على شيخة الزين اللي هي أنا
ألاسم شموخ
طبعا وبكل اسف اكبر وحد في البيت عمري23
درست بالتقنيه سنتين مكياج ومشتقاته
نرجع لمحور حديثنا
جهزنا الغرفه
والاكل خلاص
جينا بنشغل الدي في دي
انفتح الباب
دخلت امي وهي معصبه
:شموخ حور
فزينا
:سمي يمه
ام مشعل :الحين يومن لي يومين اقولكم تنظفون السطح والملحق
والحين يوم طلعت كل شيء على حاله ماهي بحاله كل ما تجمعوا البنات الجيران تحسون المكان وتخلونه علىحاله لين تطلع ريحته
حور بملل : يومه الله يهديك وهالشغاله جايبينها على خروطي ماهي ماليه عينك خليها الله لا يهينها تنظفه احنا مو ندفع لها عشان تجلس وتاكل
ام مشعل :اص ولا كلمه محد منظفه غيرك انتي وهاللي جنبك
شموخ بترجي:بس يمه تكفين. بعد الفيلم الله يخيلك
وربي لا اخليه يبرق ويرعد من النظافه
حور : ايه يمه الله يخليك تفكين طلبتك لا ترديني
ام مشعل :خلاص بس وربي لا طلعت بكره ولقيته على حاله لا اشيل كل الاجهزه في البيت اسبوع عاد ذيك الساعد تعالو طقوا كم دميعه عندي

حسيت شعر راسي وقف من هول الصدمه
ما اقدر اسبوع نعيش من دون تكنولوجيا
لا نو واي
جيت عند امي من يسارها وحورمن يمينها
شموخ بتميلح :فديت أنا هالخشه يمه
بس تكفين الا الاجهزه
حور :خلاص يمه والله ما ننام الا احنا منظفين كل شيء بس يرحم لي والديك الا الاجهزه احلفي باي شيء
الا الاجهزه
ام مشعل :نشوف وهذاني حلفت وخل اقوم بكره واشوف كل شيء على حاله
قربت من امي طبعت بوسه على خشمها :أنا اشهد انك سنافيه
ما حسيت الا الصقعه على راسي
حور: وانا ايقنت اليوم أنا عقلك ضارب قبل كنت اشك بس الحين لا تاكدت وش سنافيه انتي الثانيه فازعه لك بهوشه مثلا مع شلة بويات
اقول امشي نكمل الفيلم بس
قهقهت :اسأسا هو بدا عشان نكمله شموخ
حور مسويه متفشله : هههه الله يرجك طيحتي خشتي

جاء مشعل وياجوج وماجوج وجود
كان الجو خطير
طفينا الاضاءه
وشغلنا البلازما وبداء الفيلم
.
……………………………………
ابو طيف :هاه يبه اش قلتي موافقه
طيف :بس يبه احسها صعبه أني اصير مديرة خدم في بيت هالشي راح يخليني اختلط فيهم وانا ما ودي
ابو طيف: لا تناقشنا بهالموضوع راح تكونين بعباتك مو ملزومه يا بنتي انك ترمين النقاب والعبايه
وهم موافقين صدقيني راح تعجبك هالشغله
طيف :امممممم خلاص اوكيه مواقفه بس مين هم
ابوطيف :بكره لارحنا راح تعرفين وصدقيني راح تطيرين من الوناسه لشفتيهم
غريبه مين يقصد ابوي
للاسف ا نا ما اعرف احد ولا لي علاقه بأحد
مين هالناس
يلا انتظر لبكره ونشوف
شفت ابوي قام
ابو طيف :يلا يا بنت انتبهي على حالك. أنا بروح وراح اتأخر ابو رايد عنده مشوار اليوم ويمكن نتاخر
طيف : بحفظ الرحمن يبه

طلع ابوي
البيت هدوء
بيتنا عباره عن مطبخ صغير وصاله وغرفه ومجلس ولا يخلو من الحمام طبعا
قمت انطف المكان
خلصت دخلت الغرفه انسدحت.
يارب افتح لي ابواب رزقك
نزلت دمعتي
تالمت كوني وحيده لا ام ولا اخت مالي ونيس بهالبيت
هذا حالي
لاكملت دراسه ولا شي
الشي الوحيد اللي يشغلني الوظيفه
افتريت لين قلت بس ادور شغل
بس عرض ابوي
افكر ارفض
لا لا مستحيل لا رفضته بروح افتر من جديد
الله يكتب لي الخير
تثاوبت بدا النوم يغزي علي
بسم الله حطيت راسي وانا متفائله بأن بكره احسن


الاسم : طيف
العمر : 24

البارت الثاني
…………………………………
خلص. الفيلم
التفت العالم كلها نايمة

مشعل قأم راح لغرفته
وهيا وجود وعزوزكل واحد منجضع. في زاويه
شهقت لما شفت
حور
افف هالخايسه ما تترك حركاتها
نايمه معهم أنا اوريها إذا ما كرفتها بكره
حسيت راسي شوي وينفجر من العصبيه قمت سحبت منها البطانيه
وغطيت فيها هيا وجود
خلها هالتيس
شفت الساعه
11
رحت للغرفة
لبست ذاك القميص
ورفعته وربطته عند خصري
بديت مهمة التنظيف
طلعت للملحق
عباره عن
مجلس وحمام
بغت تجيني جلطه بس مسكة عمري
كان فوضى لابعد درجه
شغلت الاغاني
وبديت المهمه
انظف وادندن مع الاغنيه
جت الساعه 11ونص
اوه المسلسل بداء من اول
نزلت اتابع المسلسل
وارجع اكمل

…………………………………

مزون :يلا تكلمي وش السالفه وش سوى فيك هالخسيس
اسيل :اه السالفه وما فيها شكل منسرق له ملف وهالملف مهم مرره. ودخل وقام يهاوش ويسالني عنه
أنا بس باافهم أنا اش دخلني
مزون بقهر :وسخ وتفكيره اوسخ منه يعني متوقع ان انتي بتسرقينه وش بتستفيدين إذا سرقتيه جد متخلف
طالعت في الساعه الوقت تاخر
اسيل :مزون الحين وش اسوي
هددني يقول عندي لليل
أنا اساسا ما ادري وينه. اخاف يجي يقلب باغراضي ويفتشها ويقلب علينا الدنيا
ابتسمت مزون :خليه يجي ويقلب الدنيا بالنهايه بيعرف انك بريئه
اسيل : من جد ليش ما جات على بالي اساسا مافي شي اخاف عليه
مزون :يلا امشي نروح نتعشي
اسيل :هذا اساسا إذا لقيتي شيء ما تعرفين حركات جانيت خبيثه من بعد ما شفت حركاتها مع راكان
غسلت يدي منها الا فركتها
مزون : انتي وش لك فيها خلها هي اللي بتتحاسب
بعدين وش بترجين من وراء هالمسيحيه
يلا بس امشي وانتي ساكته
توجهنا للمطبخ
………………………………
اوف طلعت من الحمام بتوجه لغرفتي
كان سكن الخدم واحد
وغرفتي قريبه من غرفة
اسيل ومزنه ما ادري خزنه اوف نسيت اسمها بنفس الممر
اتجهت لغرفتي حسيت بصوت خطوات
اتخبيت وراء الباب حق مخزن
شفتها تمشي وتتلفت. ولمحت بيدها ملف
تحركت بعدها أنا وش يدخلني فيها
بس توقفت. اتذكرت
الملف
وغرفة اسيل
لا مستحيل هذي غرفتها أنا متاكد انها غرفة اسيل واللي معها ملف
رجعت لنفس وضعيتي وراقبتها.
دخلت الغرفه بيدها الملف وطلعت منها بدون الملف
وشاقه الابتسامه
اوف اش سالفة هالملف
اوه تذكرت اليوم اللكل يحوس ويدور عن شيء ضايع
مقعوله يكون هو الملف اللي يدورنه واللي اتهمت اسيل
بسرقته وهي مظلومه
رفعت نظري لها اخ بس هالخايسه. الحين فهمت هذي
جانيت وش ناويه عليه
ياربي لا زم اسوي شيء
ناظرت في الغرفه وفي المكان اتاكد اتجهت لها بعد ما تاكدت ان المكان خالي
بسرعه لازم. اتصرف قبل لا يجي احد
……………………………………,,………
دخلنا المطبخ
ندور على شيء ناكله
دخلت جانيت
شاقه الابتسامه
مشت من جنبنا بجسمها الشبيه باجسام عارضات الازياء
اسيل ادق مزون :هيه انتي شوي شوي اكلتيها بنظراتك
مزون :خليها يمكن تهجد وتركد جنونتها
اخ بس لو اقوم اكوفنها بس محترمتها اكبر مني
اسيل : الا قول خايفه من السيد راكان قومي بس نروح ننام ورانا شغل كثير بكره
مزون :يلا اساسا انسدت نفسي عن الاكل من دخلت الهول هذي المطبخ
اتجهو لغرفهم

(رداد)
طلعت من الغرفه
تنهدت
واخيرا تم كل شيء حسب ما خططت الحين باقي
الخطوه الاخيره
طلعت من السكن حق الخدم
واتجهت للمكتب
تاكدت من المكان
دخلت المكتب

(في سكن الخدم )
غرفة اسيل ومزون

(اسيل )
نزلت حجابي وتوضيت وصليت قبل أنام
سلمت
التفت لمزون شفتها نامت بحجابها
قمت نزلت حجابها
وغطيتها زين
طبعت بوسه على جبينها اه
من جيت هالمكان قبل سنتين ونص
وهي نعم الاخت
تنهدت كلنا نفس الحاله فجاءه صارت الدنيا سوداء حولنا
وفتحنا عيونا لقينا نفسنا وصلنا لهلامكان
رجعت لسجادتي رفعت يدي للقادر القدير
ادعيه وارجيه انه يحررنا من هالسجن اجلا غير عاجلا
رفعت السجاده حطيتها في الدولاب حق الملابس
فجاءه حسيت الباب انفتح
التفت
اه ليتني اخذني الموت قبل لا التفت

راكان ووراه جانيت
الحين أنا وين اهرب وين اروح يا رب اللهم اجعل من خلفي سدا ومن امامي سدا يارب

قرب راكان مني همس فاذني : انتظرتك ما جيتي ولا جبتي الملف دورنا في كل مكان ما لقيناه وانتي الا الان مصره ما تقولين انه معك ولا انتي رراضيه تطلعينه
وهذي نهايه اللي يعاندني.
سحبني من يدي
اسيل بصيحه قويه :مزووووون الحقيني
فزت مزون
تتلفت وقفت دقيقه تستوعب الللي يصير حولها
مزون بصرخه : لا راكان تكفى لا الله يخليك
حاولت تلحقهم
بس الحرس رجعوها

(مزون)

اه ما اقدر اوقف
طحت على الارض وانا ابكي بحرقه
وبصوت عالي : راكان الله يخليلك تكفى لا خذني أنا الا اسيل الله يخليك
اه لا حياة لمن تنادي الحرس في كل مكان
طلع راكان لحقوه
ضميت رجولي وانا ابكي يارب
مين راح يساعدني
اطلب من مين يساعدني
مالنا الا بعض أنا واسيل
يا رب
تنهدة بصوت عالي
اه
سمعت صدى تنهيدتي
حسيت نفسي وحيده في وسط غابه
يارب


(رداد)
توجهت
للسكن. انفجعت شفت الحرس
اش صاير ليكون فيه جريمة قتل داخل بعد
اوف هالمكان كله اسرار
دخلت
قربت من غرفتي
وقفت مصدوم من المنظر
قدامي
قربت منها
شفتها ضامه نفسها وتبكي
هزيتها
رفعت عيونها
حسيت من حركة شفايفها ان تتكلم
حاولت افهم حركة شفايفها
صح أني ما اسمع لكن احيانا اعرف اللي قدامي وش يقول من حركة شفايفه
مديت يدي لها
ترددت بس بعدين مدت يدها
ساعدتها توقف
قمت ادور بجيب البنطلون قلم

(مزون )
حسيت بحركه جنبي رفعت عيوني
الا هو رداد
ابتسمت حسيت الامل فيني اتجدد
كلمته
تذكرت انه ما يتكلم
بس على ايش اكتب عطاني قلم
اشر على قميصه
كتبت له على قميصه
كل اللي صار
وانهم اخذو اسيل
مزون:رداد قولي وش اسوي
تكفى مالي غيرك
كتب لها
رداد : لا تخافين راح تنحل المشكله بس انتظري لبكره
ونخليهم يدورون من جديد
مزون: انت تدري وينه تكفى قول وين لقيته
رداد:كنت طالع من الحمامات صدفه شفت جانيت
وبيدها الملف وداخله غرفتكم
شهقت مزون : الله لايعطيعها العافيه تدري والله لا اربيها بنت الكلب
مشيت متجه لغرفة جانيت
مسكني رداد من ذراعي
كتبت له : رداد تكفى خلني اروح اذبحها صدقني ما راح اندم
رداد كتب لها : طيب ما تبغين تعرفين اش سوت
مزون: طيب يلا كمل بس دقيقه اجيب
النوته واجي
رحت بسرعه واخذت النوته ورجعت
رداد : راقبتها طلعت تبغى تلبس اسيل الجريمه طلعت من الغرفه انتظرتها لين طلعت
مزون : اه بنت اللذينا ايوه كمل
رداد : دخلت الغرفه بحثت عن الملف لقيته تحت سرير اسيل اخذته وتوجهت لمكتب ابوه وتركته فوق الطاوله
وبكذا انتهينا ولا كان صار شيء
ابتسمت يا ناس تلوموني لقلت لكم دخل قلبي وارتاح له
كتبت له:شكرا
رداد : الحين ليش واقفين يلا تحركي خلينا نروح
نحاول نطلعها الله العألم كيف حالها الحين

(شموخ )
انتهى المسلسل قمت اقلب بالريموت القنوات
شدني مسلسل قمت اتابعه وكان حلقتين
نظرت في الساعه
اوف 2:30
قمت شلت قشي وركض للملحق انظفه
بديت مهمتي طبعا أنا ما يحلالي التنظيف الا لما اشغل ميوزك او اناشيد يعني مافي شي محد المهم اسمع لي شي هع
هاه قرت اخلص فصلت سلك المكنسه الكهربائيه
انتبهت في صوت
شهقت
طلق نار اوما وش هذا

والحين طلق نار مرره ثانيه
رميت الاغراض اللي بيدي
صدق من قال ان حينا حي عصابات الحين اتاكدة من هذا الكلام
قربت من باب الملحق سمعت حركه قريبه من باب الملحق يعني في احد بالسطح
كتمت صرختي
اول شيء جت يدي عليه الاضاءه اغلقتها
قفلت باب الملحق والجوال بيدي ومجهزه كل شيء
اتجهت للشباك صغير وانا رجولي اتصافق ببعض من الخوف
رفعت الستاره عنه شوي
مافي شيء.
اختفى صوت الحركه انتظرت
عضيت شفتي السفلى الحين كيف اطلع
اخاف يكون في احد
جلست عند الباب
الساعه 3
خلاص قررت افتح الباب. اتجهزت
وقفت قدام الباب سميت حطيت يدي
على الباب
فجاءه انفتح

(مسك )
اتجهزت وانتظرت عمي
رن جوالي المتصل عمي
مس :اهلين عمو وينك بليز تعال ترا مرره تاخرت
عبدالمحسن :هلا ياابوي سورري بس السياره خربت
اتصلي على احد من صحباتك
مس :اوكيه خلاص راح ادبر عمري
عبدالمحسن :بنت اسمعي انتبهي على نفسك وجوالك خليه معك عشان لا. اتصلت ؤاذا خلصتي دقي علي
مس :اوكيه عمو يلا مع السلامه
عبدالمحسن :يلا استودعتك الله الذي لا تضيع. ودائعه
قفلت
والحين اتصل على مين
اممم مافي غير مرام وسلمى قريبات من شقتي
اتصلت
مرام وبصوتها التعبان :هلا مسك
انفجهت من صوتها:مرام. اش فيك تعبانه م
مرام :لا بس مزكومه وحلقي
مسك :اها سلامات
مرام :ايه وش علومك وينك عند البنات أنا راح اتأخر سوي أنا وسلمى
مس : تمام يعني ما طلعتم اوكيه مروني أنا عمي مو فيه
مرام :من عنوني بس انت خلصتي
مس : من اول ومجهزه لكم القهوه والشاي ومسويه لكم خبز قرص بعد ههههخ
مرام :لبى بس اجوديه هع المهم أنا انتظر سلمى تخلص
كذا عشر دقايق وتخلص
مسك : اوكيه أنا بنتظركم في الكوفي اللي قريب من الشقه
مرام :اوك يلا باي انتبهي على نفسك
شلة اغراض
نزلت
اتجهت للمقهى
احس في احد يتبعني
التفت فجاءه
مافي احد
توكلت على الله كملت مشي
دخلت المقهى
جلست على طاولة على الركن تقريبا منعزله لوحدها
كان في طاوله قريبه مني
دخل رجال طويل شوي لابس جاكيت اسود ولاف حول رقبته الوشاح ونظراته الطبيه راي بان
والوشاح تقريبا مغطى نص فمه
فتحت جوالي وكملت اقراء روايتي
طاح من يدي المنديل لفيت باخذه
حسيت بنظراته لي
اخذت المنديل
عطيته ظهري
يمه حطيت يدي على قلبي
نظراته تخرع
وش بينه وبيني يناظر فيني بهالنظرات
لميت اغراضي وطلعت من المقهى
الحمدلله لقيت مرام وسلمى متجهات لي
سلمنا على بعض
بعدها توجهنا لبيت وسن


(اسيل )
رماني في غرفه صغيره في نفس جناحه
اتقفل الباب
لميت نفسي.
التفت ادور فتحة شيء.
شفت شباك بس شوي مرتفع
سحبت الطاوله
وقفت
فتحتها
ناظرت في المكان خالي
مافيه اي صوت
كان من جهة المسبح بينه وبين المسبح عشب
ناديت حاولت اصارخ بس ما قدرت
جلست انتظر
مرت عشر دقايق
واخيرا
لمحة رداد ومزون يمشون
ناديت هم
شفت مزون تتلفت تدور
الصوت من اي جهة
طلعت ذراعي
اسيل :مزون هنا أنا هنا
مزون ادق رداد اتاشر لجهتي
اسيل بصوت عالي :مزون ساعديني تكفين
بسرعه تعالي حاولي تكسرين الباب
مزون تصارخ :اسيل ما اسمع صوتك زين ارفعيه
تدرين انتي بأي غرفة
اسيل :أنا بالغرفه الصغيره اللي. بجناحه
شهقت مزون :ايش بالجناح حقه يعني انت بقسمه الخاص
كذا مما راح نقدر ندخل
اسيل : لا الله يخليك حاولي بشتى الطرق تدخلين
مزون :اوكيه اصبري راح نحاول نطلعك
اسيل : انتظركم لا تتاخرون
مزون بتفكير :الحين لو جينا بندخل اكيد راح يكون باب القسم مقفل امم كيف نحاول نفتحه
اسيل : استخدمي سكين ساطور اي شيء او حاولي تسرقين الاحتياط من مكتب جانيت. لو تكسرين الباب
حست بصوت وراها يهمس : لا ما اتوقع الفكره الثانيه راح تضبط بس كسرة الباب مش بطاله

مستحيل كيف دخل وكيف ما حسيت فيه
التفت له
راكان بعصبيه قال امرها :انزلي
حاولت اتحرك بس ما قدرت رجولي مو راضيه تتحرك
وجسمي كله يرتجف
لفيت وليتني ما لفيت
طحت على الارض ظهري تقوس من شدة الالم
صارخت باسمها
يووومه
ايه امي اول من طرى في بالي اه بس ليتها لو مره تستجيب لندائي
وينك تعالي شوفيني
سنتين ونص وخيالها ما يفارقني
انهمرت دموعي بلا مقدمات
اشتقت لها. وينها تجي تشوف حالي
تنهدة اه
غمضت عيني. خلاص تعبت يا رب ريحني
وفكني من هالعذاب
:::……………………………
شموخ
قلبي خلاص شكيت انه بيوقف
ياربي تشهدت لا أنا خلاص قربت بموت
حاولت اتحرك ما قدرت احس بشي ماسكني برجلي وهالشي من وانا صغيره اعاني منه اكون في منطقة ولا اقدر اتحرك
لاني قادره اتحرك ولا قادره اصارخ
وهالشي من وانا صغيره اعاني منه اكون في منطقة ولا اقدر اتحرك ولا اسوي شي
رفعت نظري شيء طويل ونحيف
بدا يقرب
وانا ابعد
هنا طلع صوتي لما حط يده على كتفي
اه اه يمه يبه. لا الله يخليك لا تسوي فيني شيء
كل هذا وانا مغطيه وجهي
وما ادري باللي قدامي من ولا ادري كيف
شكله
ما حسيت الا بالضحكه.اللي بغت تفجر الطبله عندي

رفعت يدي عن وجهي

شهقت
:شعول
مشعل بقهقه :هههه وربي شكلك تحفه مرره متاثره بالافلام يا حليلك بس

عطيته بالزنوبات على راسه
شموخ بقهر:اخ بس تدري وش بغيت تسوي فيني
تخيل لو مت انت متى تفهم هاه لو احد صار فيه شيء
بسبب لعبك البايخ

اوف اتجهت للباب بنزل تحت
احس قلبي يعورني من الخوف
مشعل :هيه انتي انتظري وين رايحه اصبري العيال قدامك وبعدين وش لعبي الخايس أنا اش دراني انك
شموخ قاطعته بعصبيه :بعد فاضي تعزم خلق الله بهاليولي
اوف بسرعه روح شوف لي الدرب
نزلت لغرفتي

مرت عشر دقايق وانا اتقلب
ع السرير
فيني خوف مو طبيعي
قمت توضيت وصليت
رجعت انام