السلام عليكم و رحمة الله

مرحبا رودي ، يسعد أوقاتك جميعا
يسلمووووووووووووووووووو عبيرتي على التنزيل

من البداية اهه قبل ما نقول أي حاجه ، لو بطلك الرخم جدا فضل ماشي في سكته المعوجة دي ، أنصحك تدوري على بطل تاني لأني هغتاله المره دي مفيهاش كلام ((:

بسم الله نبدأ الأحداث

اممم كبريائه مانعه يقولها انه يغار و هي مش فاهمه ، طب نحلها ازاي ؟
نعم نعم ، يا نهارك ملون بألوان غامقه ( البيه الكبير ) دا ايه ؟ ليه يعني ؟ دخلنا فيلم رد قلبي و انا مش واخده بالي !!!!
عدى ليلتك يا يوسف و اتعدل أحسن لك

والده رجل لماح و ذكي جدا لا تفوته شاردة او وارده ، ازاي مش واخد باله من باقي معاملته لها !!
ايوه قولها يا عمو ، أصلها عبيطة و مش فاهمه ، لكن دا له معاني كثير جدا منش انها تتجرأ تفكر فيها
امممم ايه دي بقه ، دوار !! يا دي النيله باينها حامل

يا عيني عليها حتى الاتصال بصديقتها مش قادرة تعمله زي الناس ، أشوف فيك يوم يا لي راعبها
مشهد ارتداء الملابس و ما تلاه كان استثنائي ، كأنه واحد تاني ، هو خاف من تهديدي و لا ايه ؟ دا انا طلعت جامده قوي ((:

اعععععععععععع ملحقتش تفرح ، البت دي فقريه على فكره بيطلع لها في كل خرابه عفريت هههههههههههه
و هو واقف لها زي العمل الأسود و بيسألها إذا كانت حامل ؟

لا كدا بقه رجع زودها تاني و انا مش مسئوله عن تصرفاتي معاه ، ازاي يقول لها الكلام الفارغ ده كله و يهينها للدرج ه دي ؟!!!
مهما كانت زوجته و كرامتها من كرامته
فعلا هيقدر يموت ابنه ؟ دا معدوم الأمل فيه خلاص ، او لها مكان تاني كنت قلت لها تسيبه فورا

بيتعمد يؤذي مشاعرها ببراعة ، يخرب بيتك ايه القسوه دي كلها ؟
و بعد دا كله بيصلي الفجر !! لأ الحقيقة مؤمن
من يلمها على استسلامها بعد كل ما تواجهه ، طالما تتعامل مع إنسان معدوم المشاعر زي ده فعلا حرام تجيب له طفل يتعذب بكراهيته زيها

اوه أخيرا طلع عنده شوية ضمير ، الحمد لله
دا عنده انفصام في الشخصية ، تشخيصي المبدئي لحالته ((:
اممم ليه بتطلب السماح من والدتها ؟!
لأول مره يترك لمشاعره العنان دون كبت ، طيب لما نشوف أخرتها

ييييي ملحتش اتهني و رجعت له الحالة تاني ، من إلي قال انها قاتله أخيك يا أهبل أنت كمان ، بصراحه احمد دا انا مش مرتاحه له من الأول و مفيش حاجه عدله بتيجي من ناحيته ، عامل زي محراك الشر

هههههههههههههه لا كدا هيجرى لها حاجه أكيد ، مين الراجل ده ؟ و بيكلمها برقه كمان ؟ عجبت لك يا زمن
نطق اسمها ؟ و قال من فضلك !! لاااا لازم نستدعي الإسعاف فورا ، دي أعراض لا يمكن السكوت عليها ((:

مش بقولك ناوي يجننها ، بيقلب من حاله لحاله في ثانيه ، دا موهوب
فعلا هو إلي يصدق فيه قول الشاعر القدير ( إيه يا راجل أنت ده ، إيه إلي أنت عامله ده ، فهمني ) هههههههههههههههههههه
بقه ابنه دلوقت و بيدافع عنه ، طب محدش يحوشني عشان انا خلاص هعوره

ما هذا الذي أرى ، أحقا يا ترى ؟!!
شيكولاته مره واحده ؟ اععععععع لتكون مسممه ((:
أصلي فاقده الثقة فيه بالمرة يا اوختي

اممممم مش بقولك البنت مريم دي هبله ، بعد كل إلي عمله فيها بلمحه حنان واحده نست كل حاجه ، انشفي شويه ياختي خليني اعرف أهزئه ):

عجبتني شخصية جيهان ، حبيتها و عندي أمل تكون نقطة ضوء في حياة مريم المظلمة
نمت الالفه بينهم بسرعة ، لفتة الهديه كمان كانت جميله ، إياك بس يتكسف على دمه و ميحرجهاش
الأيام دي مريم بتعيش هدنه يا ريت تطول

يوووووبييييييييييي مش مصدقه نفسي ، زعلت عشانها و هي بتهني نفسها بيوم ميلادها ، لكن المفاجأة كانت روووعه
الليلة كانت ماشيه تمام ، لزومها ايه اللعبه يعني !!
صعب يفضل موضوع ادهم سيف معلق على رقبتها طول الوقت بالشكل ده

هيه الهدنة خلصت بدري و لا إيه ؟ سفر المزرعة يبدو جيد للوهلة الأولى لكن انا مش مطمنه
هما الاثنين خافوا على بعض ، لكنه عبر عن خوفه و قلقه بطريقه استغفر الله العظيم
مر الموقف بصعوبة ، ربنا يستر من القادم لكن فعلا جيجي مثل ما توقعت عون كبير لها

اوووف إيه إلي جاب الزفت دا تاني ، مبحبوش يا ناس ، مبيظهرش إلا بالشر في رجليه
ازاي يوسف يسمح له يتكلم عن زوجته بالطريقة دي ؟ عيب عليه

يييييييييي يخرب بيتك ربنا يخدك و يريحنا منك ، وصلت الوقاحة و قلة الأدب للدرجة دي ؟!!!!
كان حقها ناولته بالالم قدام الناس و عملت له فضيحة
و الوقح التاني يوسف معاه كمان ، ما هو لو مكنش زوجها أرخصها في عيونه مكنش اتجرأ عليها أبدا بالبشاعة دي
خلاص هما الاثنين ميتين بالنسبة لي من دلوقت ، لازم تثور و تنتفض و إلا هموتها معاهم

ايه القفله إلي ترفع الضغط دي !!!! طب انا متغاظه و مقهوره دلوقت اعمل ايه يعني ؟
لكن رغم كل دا الفصلين ممتازين ، الأحداث أكثر اشتعالا و أنت زاد تمكنك في الطرح عن الفصول الأولى
تسلم ايدك و أفكارك المجرمة ((:
أنت عارفه لو كل دا مخلصش منه ، هتكوني أنت الضحية اععععععععععععععععع
فليسقط يوسف و الوغد التاني ، خسارة فيه الاسم

الله يزيدك من فضله و ييسر كل أمورك
دمتِ بكل الحب و الود

لأ بجد يوسف ده نفسى أخنقه
مينفعش اللى بيعملوا فى البت دى حرام
مش قادره استنى الفصل الجاى
ابدعتى حبيبتى بارك الله فيكى