احمــد/

بخوف على ولده اللي في حضن آمه يناظر فيها كيف تضحك وهي تبوس

يده وتتكلم عليه بكل حنان مو كآنها آمه القديمة وحمودي ساكت يناظر في جدته

اتصل على خلود وقال لها جهزي حمودي ابوي يبغى يسلم عليه خالد ذحين بيجيك

شوي رجع خالد وحمودي مو معه قلت وينه قال عمتي صفية شافتني في الصالة

قالت ولد احمد ذا وقلت لها ايوه واخذته مني انا لماسمعته كنت بنجن وعلى اروح

قسم الحريم وادخل الصالة واشوفها جالسه وهو بحضنها بصراحة انا خايف من آمي

مره ماعاد اثق فيها والشي ذا غصب عني اول مره تشوف ولدي من بعد مامات خالي

جابر وانا محرص على خلود ماتخرج وتخلي حمودي وحده ضروري معها او مع آمها

او جدتي فاطمة بس حتى الآكل والشرب ارفض تاكل من بيت جدتي شي كل وجبه اجيب

لها جاهز حتى الفراش شريت لها جديد وهي مستغربه وكل ماتسآلني اقول لها كذا مزاجي

وهي صايره مره مطيعه لي ماعاد ترفض لي طلب او تناقشني في شي مره ..سمع امه وهي

تتكلم عليه : احمد ترى انا آمك ليش ماعاد تجيني ..

احمد: وهو يناظر في وجه آمه متغيره حيل طلاق ابوي لها كسرها وزاد موت خالي

جابر جلس على ركبه قدامها وهو يمسك يدها غصب عني يمه والله غصب إذا وقفت

عند الباب اشوف مثل النار قدامي وان جبرت نفسي ودخلت تجيني ضيقة لين ابكي

او اضرب منال وانت شفتي بعيونك حالتي ..ليش يمه رحتي عند ساحره ليش يمه

صفية : وهي تناظر في ولد ولدها تضمه لصدرها وتشم ريحته رحت علشان ابغى

راحتك ابغاك ترتاح لكن حسبي الله على منال وصديقتها قالوا لساحره ترش السحر

قدام باب بيتنا لآنها ماقدرت تقرب من بيت خالك ...

احمد: يمه بجيب شيخ يقرآ عليه ويفكه انت تعرفين مكانه وين باالضبط ..

صفية : وهي تمسك يد حمودي وتبوسه ايوه مرشوش كامل على مدخل البيت

احمد: خلاص بكلم شيخ إذا خلص عزا خالي جابر اعطيني حمودي ابوي يبغاه..

اخذ ولده وقلبه يتقطع على آمه لكن هذا نتيجة السحر يمكن لو ماكان محافظ على

اذكاره والصلاة كان ذحين مجنون او مطلق زوجته ..دخل المجلس وهو شايل ولده


ابوه بمجرد ماشاف احمد داخل ومعه ولده وقف وهو يرحب هلا هلا في الغالي

وهو ياخذه ويسمي عليه ويبوس يده ماشاء الله كبر حمودي ..

احمد : بضيق من موجود ناصر شاف سعود يوقف عند ولده وهو يقول حمودي

هنا ماشاء الله يجنن النسخه الثانية من خلود وهو ينادي اخوه فيصل تعال

شوف شبيه خلود بس نسخه مصغره نفس العيون والبياض والشعر والخشم

كنت بقوم اتوطى في بطنه الخبل ذا شفته وهو ياخذ حمودي من يد ابوي ويروح

به عند عبدالله وناصر كان جنبه عم شوف ولد اختك العسل ذا يجنن صح وهو بيوسه

عبدالله : قول ماشاء الله وهو يناظر فيني ويقول احمد الله يصلحك ليش ماحلقت شعره

كآنه بنت ..

احمد : بضيق من ناصر اللي قاعد يناظر في حمودي والله حلقت شعره بس رجع

عبدالله : وهو يشيله من سعود ضروري تحلق شعره مايصير بسم الله عليه كآنه بنت

احمد: إن شاء الله دنق وهو يسمع ولده يبكي اخذه وخرج الصالة اخرج جواله وهو يدق

على خلود وقال لها اوقفي عند الباب علشان تاخذي حمودي ..

خلود: وهي تحط طرحتها على شعرها وتوقف في السيب شافت احمد جاي وبيده ولدها..

ضحكت وهي تتقدم له ليش رجع بسرعه كذا..

احمد: وهو يوقف قريب منها كان يبكي وهو يعطيها ويقول انتبهي عليه

لاتعطي احد ياخلود مره حتى سعود او خالد لين اتصل انا عليك ..

خلود: وهي محتارة من تصرفات احمد طيب ابشر من عيوني ..

احمد: وهي يلتفت وراه علشان يتآكد ماحوله احد دنق بسرعه وهو يبوس عيونها

اشتقت لك مره اسبوع كآنه شهر وهو يمسك يدها ايش رايك الليله ناخذ شقة ننام

فيها والصباح نرجع هنا ترى طفشت ..

خلود : وهي تضحك احمد عيب إذا شافنا احد وشقه مااقدر اروح واخلي جدتي

والله عيب ..

احمد : ليش عيب شوفي اختك فاطمة البارح راحت مع زوجها ولا رجعت إلآ قبل شوي

ولا قالت عيب ولا شي ..
خلود: احمد فطوم راحت علشانها تعبانه وعلشان تمشي ولادتها قربت ..

احمد: لاياشيخة تمشي من الساعة 12 في الليل لين 12الظهر كل ذا الوقت

مشي كان يمديها توصل الرياض اقول تجهزي انت وحمودي الساعة 11

بتصل عليك ونروح شقة ولو تخلي المزعج ذا عند آمك افضل ..

خلود: احمد وقبل تكمل مسك يدها وهو يسحبها عنده وهو يبوس خدودها اص

هي كلمه وحده نروح يعني نروح ماابغى نقاش مره وبعدين بكره يمكن تنفيذ

القصاص إذا ما اكتمل مبلغ الدية وراح ندفن خالي جابر ..

خلود: وهي تدفه طيب خلاص روح قبل ناس تشوفك ..دخلت عند خواتها وهي تسمع

زينه تقول يادافع البلاء ايش فيك فطوم مبرطمه كذا تعوذي من الشيطان ..

فاطمة : بقهر وهي ترمي جوالها على المفرش وتعدل نفسها وتنسدح سلطان

ماراح يرتاح لين يجلطني والله ,,

زينه : ايش فيه بعد الرجل الخارق ذا وهي تضحك ..

فاطمة : تخيلي راح يرجع عمتي آبها وذحين مع الطريق راجع بنفس الوقت

ماارتاح ولا شي والدنيا مطر ..

زينه : وهي تنسدح والله انك خبله مثل زوجك ماينخاف عليه حتى لوصار عليه حادث

اليوم الثاني يخرج معروف ليش تخافي ..

خلود : هههههههههههههههههههههههههههههههههه قويه صراحه

فاطمة: وهي تناظر في زينه بآحتقار تافهه وسخيفه بجد ..

خلود: وهي تشوف مزاج فاطمة المتغير من بعد اللي صار لزوجها صارت

تخاف عليه بشكل مو طبيعي حاولت تغير الجو قالت بنات تخيلوا يمكن بكره

القصاص إذا مبلغ الديه مااكتمل والله حزينه على آم فضل واخواته ..

فاطمة : بكره وحقد لجابر والله ان عمي جابر يستاهل الذبح المفروض

فضل قطعه تقطيع لكن مقهورة على فضل انه بيموت بسبب واحد مايستاهل .

خلود: فطوم استغفري الله مايجوز سب الآموات حرام عليك

فاطمة: إلآ يستاهل والله ماحزنت عليه عقبال عمي حسن مااشوف فيه يوم

خلود: فطوووووووووووووووووم خلاص استغفري والله مايجوز الشماته سامحي لوجه الله..

فاطمة: انت باالذات المفروض ماتقولي الكلام ذا وإلآ ناسيه ايش سوا عمي جابر فيك ..

خلود: فطووووووم خلاص الله يسامحه دنيا وآخره خلاص مااات ..

فاطمة: الله لايسامحه في كل كلمه قالها عني هو وعمي حسن واللي قهرني اكثر

مبلغ الديه اللي طلبه الله ياخذه من وين ام فضل تدبره مسكينه وعلى قد حالها ..

زينه: والله جد حرام على عمي حسن والله حرام عمي جابر يستاهل هو اللي اعتدى

على فضل ياناس قهر واحد يدافع عن شرفه يقتل ..

خلود: وهي تهز ولدها استغفر الله ذا شرع ربي وكل شي قضاء وقدر ..



عنــــدفضل /

ماسك آمه وهو يحضنها يمه ليش الدموع مثلك ماتبكي الحمد لله ربيتي احسن تربية

والله يايمه مو خايف من الموت والحمد لله مصلي وصايم وحافظ لكتاب الله ولا قد عرفت

العيبه والخيبه والحمدلله ..

آم فضل : وهي تبكي وتسمع كلام ولدها سامحني ماقدرت اجمع المبلغ سامحني يافضل..

فضل : وهو يحضنها فديتك يمه والحمد لله ان الفلوس مااكتملت لآن حسن مايستحق منها ولا

ريال طماع يمه انتبهي لنفسك علاج الضغط لآتنسيه وانتبهي لشاكر وسماهر إن جاها زوج صالح

ترضين خلقه ودينه زوجيها لو كان ب الف ريال اهم شي انها تنستر بزوج صالح ..وابومازن ماراح

يقصر ..

ام فضل : وهي تسمع وصايا ولدها قبلها يتقطع وصية مودع مابيدها شي تسويه ..



انتهى الموعد المحدد ومااكتمل المبلغ المطلوب ..في ساحة القصاص كل عائلة الحريقي

متواجده إلآمنصور ولد حسن..ومن طرف فضل مافي غير ابو مازن وآم فضل اللي رفضت إلآ تحضر

راح تكون مع ولدها إلى آخر لحظه حتى لو كانت لحظة موته ..الشرطه مسوين طوق

آمني على فضل مغطين عيونه وهو ينزل من السيارة والسياف واقف ينتظر عرف

بقضيته ومتعاطف معه حاول في حسن اخو جابر يتنازل ورفض ذكره باالله وآجر

العفو لكن رفض قرب من فضل وهو يقول فضل تبي شي ..

فضل : ابغى اسجد لله عادي ..السياف وهو يمسك يده ابشر.

شافه وهو يسجد ويدعي ..عدل وضعيته وهو جاثي على ركبته وهو يسمع

نص القصاص اكيد مااحد حضر من امس قال لزوج نادية لا يجيب آمه وقت

القصاص لاهي ولا خواته ولا شاكر عاش وحيدآ وبيموت وحيدآ

سمع نص القصاص ..

(قال الله تعالى ( يا أيها الذين أمنوا كتب عليكم القصاص في القتلى ) الآية ، وقال تعالى ( ولكم في القصاص حياة

يا أولي الألباب لعلكم تتقون (

اقدم المدعوا فضل بن يحيى ..على قتل جابر بن عبدالرحمن بن حسن وذلك بقطع رقبته وفصله

عن جسده باستخدام سكين حادة آ ثر خلاف حصل بينهم . وبفضل من الله تمكنت سلطات الأمن من القبض على

الجاني المذكور وأسفر التحقيق معه عن توجيه الاتهام إليه بارتكاب جريمته وبإحالته إلى المحكمة العامة صدر

بحقه صك شرعي يقضي بثبوت ما نسب إليه شرعاً والحكم عليه بالقتل قصاصاً وصدق الحكم من محكمة

الاستئناف ومن المحكمة العليا وصدر أمر سام يقضي بإنفاذ ما تقرر شرعاً بحق الجاني المذكور

ووزارة الداخلية إذ تعلن ذلك لتؤكد للجميع حرص حكومة خادم الحرمين الشريفين - حفظه الله- على استتباب

الأمن وتحقيق العدل وتنفيذ أحكام الله في كل من يعتدي على الآمنين ويسفك دماءهم وتحذر في الوقت ذاته كل من

تسول له نفسه الإقدام على مثل ذلك بأن العقاب الشرعي سيكون مصيره، والله الهادي إلى سواء السبيل(( .

فضل وهو جاثي على ركبه وحوله الشرطة والسياف وسيارة اساف قريبه منهم يسمع كلامهم وهو يردد

الشهادة ويستغفر ويسبح ..

آم فضل وهي تجلس على الآرض موقادرة توقف مره واقفه بيعد عنهم وماتشوف ولدها بس تحس

فيه تحس قلبها بيخرج من صدرها قرب منها زوج بنتها عمه ارجعك البيت ..آم فضل خلاص

نفذوا حكم القصاص في فضل ..زفر ابو مازن على وشك خلاص ..آم فضل ..طيب عادي اشوف

ولدي إذا خلصوا ..ابومازن : اكيد بس بعد مانخلص الآجراءات ..

السياف وهو يقرب من فضل تشهد يافضل تشهد ولاتحزن من مات دون عرضه فهو شهيد

رفع سيفه اللي يلمع مع ضوء الشمس وقبل ينزل سمع اصوات صراخ والشرطه تحاول تمسك

حرمه توقعها آم فضل وهو يشوفها تجي عنده وقف وانا آمك وهي موقادرة تكمل كلامها مشت

لين جلست على ركبها قدام فضل عفيت عنك يافضل عفيت عنك يافضل لوجه الله

وهو يشوف عيالها حولها وواحد من عيالها يهاوش والشرطه تمسكه وهو يقول لاتعفين

عنه خليه يموت مثل مامات جابر ..وقفت وجنبها ابوخالد وهو متلطم بشماغه حسن

انقلع عني انا آمه ومالك حق تتكلم وانا حيه انا آمه وانا عفيت عن فضل ولآابغى

لاريال ولا مليون قوم يافضل قوم ..

فضل مو مصدق وهو يسمع الهوشه اللي عنده وحس فيها وهي تجلس جنبه

وبعدها سمع صوت تكبير وتهليل السياف وهو يقول ابشري ياخاله باالخير

من عفا واصلح فأجره على الله ..


بعدها بساعه في بيت الجدة

حسن : وهو واقف بغضب ليش تسامحين ولد يحيى ليش يروح دم جابر كذا ليش ..

صفية : وهي تصيح يمه ليش عفيت عن فضل يمه جابر مااحرق قلبك صح..

الجدة : وهي تناظر في ولدها وبنتها جابر ولدي وقطعه من روحي موته حرق قلبي

وربي شاهد وماراح تجي انت ياحسن او اختك تحبون جابر اكثر مني ..

انت ياحسن من متى قد دورت على جابر من مات ابوه وهو ناشب بحلق هذا الضعيف

وهي تآشر على ابوخالد ذبحه وهو يطارد فيه من سجن لسجن ويصرف عليه وانت ياصفية

قولي لي يوم قد اتصلتي تسآلين عن جابر ولا مره من عرفتش ..وجابر الله يرحمه ولا ابغى

اتكلم في ولدي لكن الظلم حرام ولا يجوز انا عندي شاهده لله ان جابر ذبح عيال يحيى ماعنده

شغله إلآ هم واكثر من مره يجيني فضل يشتكي منه ويقول بصبر علشانش ياخاله لكن جابر

الله يرحمه مااحترم كبير ولا صغير موت جابر افضل من حياته ولدي وانا ابخس به الله يرحمه

ويجعل ماصار عليه كفارة له وفضل يقعد ينفع آمه ان مات فضل ماراح يرجع جابر ليش احرق

قلب آمه مامعها إلآ الله ثم هذا الولد ..والتفتت لولدها ابوخالد : محمد فديتك ادفنوا اخوك وخذ من

فلوسه اللي عنده واذبح انثين من التيوس اليوم وبكره ينتهي العزا وانا بروح معك آبها ماعاد لي

خاطر اقعد في هذا البيت وجابر مات على بابه ..

حسن : بطمع وفلوس جابر وينها مين راح ياخذها ..

الجده : وهي تناظر في ابوخالد كم مع جابر عندك يامحمد ..
ابوخالد: نصيبه من ورث آبوي باقي كامل 80الف ريال مانقص منها شي

ومصروف جابر الله يرحمه وكل سياراته من جيبي انا ..

الجده: خذ ال 80 الف ذي ودور مكان يحتاج مسجد وابن له مسجد على نيته ..

ولا احد ياخذ من فلوسه ولا ريال ..



بعــــــــــــــــــــــــــــــــــد مضــــــــــــــــــــــــي اربع سنوات


في ابــها بيت ابوخالد صوت العيال الصغار يرج الفله رج ..

زينه: يمه والله انه حرام ولد خلود ذبح بنتي ضرب وانت تقولين صغار هو اكبر منها

صالحة : وهي ترضع ولد زينب تعوذي من الشيطان يازينه بنتك لسانها طويل وهي تضحك ..

زينه: والله لو باقي ضربها ماغير اضربه والله وهي تسكت بنتها اللي تبكي خلاص اسكتي ياحمارة

ليش رحتي معه

بنتها لجين : هو ضربني ماما اخذ لعبتي ..

زينه : طيب وانت اضربيه كبر راسك على الفاضي ..

خلود: وهي ترضع بنتها ملاذ زينه اضربيه ولا تدعين عليه ..

زينه : وين اضربه وآمي موجوده وابوي ماكآن عندهم حفيد إلآ محمد وهي تشوفه يدخل

تعال ليش ضربت لجين ..

محمودي : وهو يروح عند آمه هي وسخه مدلعه حماره خرجت برا عند الرجال مع جد محمد .

صالحة : وهي تضحك فديت ذا الوجه حمودي ابوي تعال فديتك تعال وهي تشوفه عند آمه..

خلود: حمود حبيبي روح عند جده صالحة سلم عليها ..

الجده فاطمة: وانت يازينه ماقد حملتي على بنتش قدها كبيره ..

زينه: لاوالله إن شاء الله مااحمل إلآ بعد ماتدرس لجين انا سعود متفقين كذا..

الجده: خليه يجي واقول له إذا ماحملتي يتزوج عليش شوفي زينب اصغر منش

فديتها ومعها بنت وولد ..

زينه: وهي تضحك ماراح يقدر يتزوج علي ياجده صاير مثل الخاتم في اصبعي وهي تضحك ..

صالحة : زينه وبعدين ايش الكلام ذا خبله انت .وسعود متى يجي ..
زينه : كان بيجي اليوم علشان نرجع الديرة بس انا رفضت قلت لاتجي

بقعد اساعد آمي خواتي عندها نفايس وهي تضحك ..

فاطمة: وهي تشيل ولدها علي ..الله من الكذب والله من ولدت خلود وبعدها

زينب ماشفتك اشتغلتي شي حتى بنتك آمي تنتبه لها ..

زينه : وهي تروح وتشيل ملاذ بنت خلود ماهي جده ببلاش خلها تهتم فيها

وإلآ الحب كله لخلود وعيالها ..

صالحة: والله اني احب عيالكم مثل بعض بنتك وولد فاطمة وبنت زينب الصباح

صحيت معهم وفطرتهم وجلست معهم والله اني احبهم مثل بعض ..

خلود : فديتك يمه خلي زينه الخبله وترى بسافر بعد شوي احمد عنده دوام .

صالحة : بضيق ماتبي خلود تروح ليش يمه اجلسي باقي نفاس انت

ماكملتي الشهر حتى ..

خلود: فديتك يمه انت تعبانه وزينب دوبها نفاس اهتمي فيها وانا بخير الحمد لله

ولادتي طبيعي وانا بخير ومعي شغالتي ..

فاطمة: لاتروحي خلود والله بنشتاق لك انت والعروسه ذي وحمودي

الشقي ذبح سمر قطع شعرها امس الله يصلحه ..

صالحة : بحب لحمد بنتك السبب قال لها لا تلمسي اختي ملاذ وهي تعناد وقام ضربها..

زينه : فطوم لاتحاولي مافي آمل آمي تعترف ان محمد شرير وهي وابوي البارح ضرب

لجين وابوي كان موجود ولما جيت اضربها قال ابوي لاتضربيه بنتك لسانها طويل احس

بنتي بيجيها بهاق من الكبت النفسي ..

خلود: وهي تضحك والله يازينه مو راضيه بس بنتك ماتحب تلعب إلآ معه ..

زينه: حماره بنتي تحب ولدك وهي تضحك ..

زينب : حمودي الله يصلحه شقي مره آمس نفس الشي ضرب بنتي ..

صالحة : لااله إلآ الله قولوا ماشاء الله على الولد وهي تضحك ..


في مجلس الرجال /

ابوخالد فرحان في عيال بناته حوله خلود عندها محمد وملاذ ..وفاطمة سمر وعلي
وزينه تزوجت سعود وعندها لجين..وزينب تزوجت فيصل وعندهابندر والبندري ..


اليوم الثاني في الطائف /

احمد وهو يشوف خلود تدخل عنده كانت لابسه فستان اسود قصير ورافعه شعرها

كامل لفوق زاد جمالها بعد الولاده حياالله آم محمد بشري عسى السامج ولدك نام

خلود وهي تجلس جنبه الحمد لله نام بعد ماحكيت له حكاية وهو يسآلني عن كل شي

الله يصلحه شقي مره ذبح ملاذ ضرب ..

احمد : وهو يضحك والله ماكفر إلآ في بنت سعود لجين وبنت سلطان سمر

يسمك الوحده مع شعرها والله حزنت عليهم ..

خلود : الله يطعني عنهم حمودي شقي مره فاطمة عادي ماغير زينه تضرب

وتدعي عليه ..

احمد: وهو يقرب منها ويحضنها اليوم التاريخ كم ..خلود بتفكير وهي تحس في

انفاسه على رقبتها اممممممممم 27/7..احمد وهودايخ من قربها مايذكرك التاريخ

ذا بشي ..خلود ..ماادري والله صرت انسى مره ..احمد وهو يبعد عنها ويخرج

علبة مخملية ويفتحها وهو يقرب منها ويبوس عيونها اليوم ياحلوه لنا اربع سنوات

مع بعض ويارب طول العمر مع بعض ..

خلود : مشكور احمد الله يسعدك تصدق ماانتبهت وبعدين اخاف انه مايجوز نقول كذا

احمد: عادي ياشيخة اعطيتك هدية وبس ماسويت حفله ولا قلت عيد زواج ولا شي

هدية بسيط ..

خلود: مشكور وماتقصر ..احمد وهو يناظر فيها بس ذي اللي ربي قدرك عليه

مشكور وماتقصر ابي كلمه حلوه ..

خلود : وهي تضحك احمد عادي لاتدقق عاد ..احمد وهو يمسك يدها طلبتك قولي لي احبك احمد..

خلود: وهي تناظر وجهه وبصوتها المبحوح احبك ..احمد وهو يتنهد وايش غيره ..خلود اممم

وعيونك مره حلوه وتعجبني ..


احمد وهو يحط يده على قلبه وااه ياقلبي

خلود: بخوف احمد ايش فيك ..

.احمد ويناظر فيها تعبان من حبش ومن الغزل الصريح ذا..وهو يضحك الليلة بتكلم معش

جنوبي وهو يضحك.وانا ياخلود احبش واعشقش واهواش احبش حب ماقد حبه مخلوق حب عجزت

اوصفه..و من زمان اعجبتني قصيدة وكنت اتمنى اقولها لش ..

خلود: وهي تضحك قول اسمعك مااخبرك تحب القصائد..

احمد بصوته الرخيم وبلهجة جنوبية مميزة




تغآزلني وهي تدري ،
وش يسَوي الغزَل فيّه ،
تِنآديني ، و بي تسري ،
و أعيش أوقآت و رديّة ،
تِقول بصوتَهآ ألمَبحوح ،
أحبِك يَ ضنى هالروح ،!
أحبِك يَ بعد نآسي ،
أحبك يَ أغلى مِن ليّه ،
أحبِك لو فَنى بآسي ،
وصَرت بيوم مَنسيّه ،
إحبك و أعشَقك و أهوآك ،
و روحي فيك [ مَنفيّة ] ،!

وتغَرقني مِن ألفَرحة ،
وينبض هَآجسي فيّة ،
وتزيد بدآخِلي بَهجَة ،
[بنَبرتهآ الجنوبية ] ..
وأرِد بنفس هاللهجَة ،
و [بالشين التهآمية ] ،
فديتش يَ ضنى قلبي ،
و يَ نبضي و يَ حُبي ،
فديتش يَ [ الجَنوبيّة ]
فديت إحساسش ألصآدق ،
و فطنة عقلش الحاذق ،
وكِلش يَ أحلى مَآ ليّة ،!

أحبش مِن هنآ لعندش ،
ويمكن بعدش شويّة ،

وتتغيَر ملآمِحها و تتبسّم ،
وتصير خدودها حمرآ و ورديّة ،!
وتقول أنآ أعشقك أكثر ،
و إنته أكثر شويّة ،!
وأقول اشرحيها لي :
حبيبش جآهل شويّة
وتقول مدري أنا عنّك ،
شغل عَقلك شويّة ،!

و [ أكح ] إبغى أخوفها ،
وهيّه مصفيَة النيّة ..
تفزّ تقول بي عَنّك ،
وأرد مجآرَة يَ بنيّة ،
بروح إلي عَشق نبضش ،
وعجز لآ يلتقي بزيّة ..
بروحي كِل أوآجَعش ،
ولَو زآد الوجَع فيّة ،!
ترِد مجآر يَا ويحي ،
مذآب هروجك كذيّة ،!
وأقول اني أحبش موت ،
وذي بلوى العشق فيّة ..
جَنوبيّ و عشق مُهرَة ،
مِن مُهرَة جَنوبيَة ..
كذآ فينآ بَرآئة عِشْق ،
وفينآ أحلآم ورديّة ،!
نحب و حُبنآ صَآدق ،
نعيش بشمسَه و فَيّة ،
حَبيبش بالوفى ترَبّى ،
و أطبآعَه عَسيرية
يَعني لو تبيي غيرَة ،
تَرى مآ بتلتقي ترى مابتلقى بزيه








مرور سريع على الشخصيات /

عبدالرحمن/ :تزوج بنت خالته منى ومرتاح معها الحمد لله وعنده بنت اسمها ليلى على امه,,

آم فضل /مرتاحه الحمد لله خاصة بعد زواج سماهر من اخو زوج نادية وفضل آخر سنه له في

الجامعه دراسات اسلاميه ..وشاكر يدرس ثاني متوسط ..

مهــــــــا/ كل اخواتها تزوجوا وهي باقي وذحين ابوها غصبها تتزوج صديقة وهي الزوجة الرابعة

وزوجها بخيل مره واحرمها من كل شي حتى الجوال ..

منـــال/ اخواتها تزوجوا وهي بــــــــــــــــــــــــــــــاقي لآزواج ولا وظيفة ..

صفية/ باقي مثل ماهي ماتغيرت احمد يروح عندها بس وقت الآيجازه يسلم ويرجع ..

بسمـــــــــة/ مرتاحة مع عيسى معها بنت وولد ..

ناصر/ باقي مانسي خلود حتى قرر يسمي بنته خلود بس آمه رفضت وسماها عهود ..

عبدالله : توظف وآمه خطبت له بنت اخوها مرعي ..

وليد/ تزوج اخت صديقه وعنده ولد ..


(( سبحانك اللهم وبحمدك اشهد ان لا اله الا انت استغفرك واتوب اليك ))


النهـــــــــــــــــــــــــــــاية