المنتدى :
أريد حلا
فين الغلط الشباب عاوز ايه ؟؟؟!!!
سعيده باتاحه الفرصه ليا للفضفضه والتعبير عن ما بداخلي
اولا انا انسه 27 سنه موظفه معلمه لغه انجليزيه
مش عارفه لسوء او لحسن الحظ شخصيتي فيها امتزاج من تضادات كثيره مثلا عقلانيه و عاطفيه وبنفس النسبه
من صغري وانا بنهايه المرحله الابتدائيه قررت ارتداء الحجاب وواجهت الكثير من الانتقادات من الاصدقاء والاقارب و الجيران ومازلت اتذكر الانتقادات بالفاظها و كانوا شبه متاكدين اني هقلع الحجاب وهزهق ولكن الحمد لله تمسكت بارتدائه رغم صعوبه الامر لان في الفتره دي لم يكن هناك ملابس للمحجبات في هذا السن عكس الان
وفي المرحله الثانويه ارتديت الخمار طبعا كنت شاذه بين الاصدقاء فمازالو يرتدون بناطيل
في الجامعه ارتديت الاسدال اي من 6 اعوام تقريبا كان وقتها موضه وساتر للجسم
انا خجوله جدااااااا فوجدت به ملاذي
اتخطبت لشخص يبعد كل البعد عن تفكيري هو واهله يعني مفيش مواظبه علي الصلاه كذب تحرر علاقات .. والي ذلك
كان وسيم جداااااا غني جدااااااااا تحلم به اي فتاه وخاصه اني مش جميله
كان من وقت لاخر يصرح برغبته في تغيري للبسي وكلما صرح بذلك انتابني خوف وقلق لانه عايز يفخر بان زوجته استايل وشيك و وقت زيارته لنا كنت بلبس ملابس استايل بدون الاسدال فكنت بستغرب ليه الطلب دا طالما انت شايفني عايز الناس تشفني معاك ليه
كنت بتمني يقولي وسعي الاسدال مش اقلعيه
المهم انهيت الخطوبه مش للسبب دا بس لاسباب كتير واكترها اني خايفه انجرف في اتجاهه بدلا من علوه باخلاقه
المهم دا كان من4 سنين تقريبا
الان ومع الطفره الغريبه في اخلاق البنات والشباب ومن خلال تجارربي مع العرسان وجدت ان كل العرسان عايزين بنات روشه واستايل وزي الموديل
للعلم انا كده بس في البيت ومش معقده يعني فري وروشه جدااااا بس اللي يشوفني بزيي بياخد علي طول الفكره اني معقده او محبكاها
كنت بصبر نفسي واتذكر قوله تعالي الطيبين للطيبات
حتي الشباب الي ع خلق وملتزمين ومن شروطهم المعروفه ان البنت تكون هاديه ومحترمه وملتزمه برضو مش بيفضلوني
بيختاروا بنت روشه واستايل وبناطيل ويقولو احنا بعد كده هنلبسها وهنعدلها
في شغلي كل اللي في سني متجوزين او مخطوبين الا انا وبنت تاني كل الموظفين تقريبا كل شويه يجيبوا ليها عريس واتنين وتلاته يعني هي دي المثاليه وهي دي الانثي والعروسه المناسبه
موضوع الجواز مش شغلي الشاغل لانه رزق بيد الله لكن شكلي وحش جداااا لما كل شويه يرشحوها لعرسان وزي مااكون انا مش انثي اساسا
انا بكتب كل دا عشان نفسي افهم اعمل ايه يعني البنت دي محترمه واخلاق جدااااااا بس طبعا بتعمل حواجبها وميك اب وبناطيل
انا مش عندي الجرئه اني اعمل كده بحس اني عامله حاجه غلط ومش مرتاحه
الزمن دا ايه اللي حصل فيه
دايما يقولولي انتي المفروض تعيشي في زمن تاني وان الخجل موضه قديمه طب مش قادره اواكب العصر ايه الحل اعنس ولا انتحر ولا ايه
والله موقف صحبتي دا هو الي خلاني ع وشك فقد ايماني بان الطيبين للطيبات
طبعا في ناس بتقول ربنا شايلك الاحسن بس مفيش احسن من الي بيتقدمو ليها ولغيرها
شغل ووسامه واخلاق وماديا مرتاح جدااااا
والله دا مش حسد بس عاوزه افهم في ايه ؟؟؟؟؟؟
اظن اني محتاجه طبيب نفساني افضفض معاه ياريت تنصحوني لاني في انهيار تام
وجزاكم الله كل خير
|
30-04-13, 04:07 PM
جديد مواضيع قسم أريد حلا
العرض العادي
