كاتب الموضوع :
Noaaar
المنتدى :
القصص المكتمله من وحي قلم الاعضاء
رد: يا صلاله خبرينا عن قلوباً تهتوينا
((الجزء السادس عشر))
تستيقظ آخر الليل...
تُلقي نظرة على الشارع الخالي..
إلا من أنفاس متقطعة..تعبره
بين الحين والآخر...
وحده النوم يمشي... متنزهاً بين
قبائله البربرية...
تتقدمه فرقة من الأقزام...
وهناك رؤوس وهمية تطل من النوافذ
على بقايا الثلج الملتصق بالحواف
وكأنماتطل على قسمتها الأخيرة في
ميراث الأجداد...
المصابيحُ تتدافع بالمناكب.. قادمة
من كهوفٍ سحيقةٍ...
لا تحمل أي سر...
السماء مقفرة من النجوم..
الجِمالُ تقطع الصحراء باحثة
عن خيام العشيرة...
القطاراتُ تحلمُ بالمسافرين...
لا أحد... لا شيء...
أغِلقِ الستارة
فربما لا تحتملُ...
مشهد مدينةٍ تستيقظُ....!
* * *
" سيـــف الرحـــبي"
الرضا بالقدر..والإيمان بوجود اسباب قد سببها الرب عزّ وجل....من أجل امر محتم وقضائي
يمنع مشاعري من اتخاذ أي موقف عدائي ورمي التهم بالتسبب في مقتل اهلي
في وجه عمي او خالتي...
لذلك ان كان هذا المانع اللي يمنع جدتي من الرضا عن عمي عبدالله....
راح اسعى بنفسي لكسر هالحاجز.....وارجاع المياه لمصبها الصحيح من جديد...
لكن مو الحين وقلبي مو صافي ناحيتهم وقلبي ما يزال مجروح من خالتي بسبب اخفاء زواجها عني....!
النوم هالليله مفارق عيوني....وكل الحقائق تنساب الى عقلي في محاولة لتحليل الأمور واستيعابها.......
انا متأكدة ان الصعوبات راح تفك....وكل عسر راح يتيسر ويهون..هذي طبيعة الحياة..
إلا ان التشتت اللي يعرقل مساق فكري..هو باسل.....!
ويش راح يكون مصيري معه..الأيام تمضي والسنة الدراسية الأولى في طريقها للضياع
من بين يدي في حالة اني ما سعيت لتعديل الأمور...
لابد ان تكون لي قرارات ...لازم تتعدل الأوضاع...تقلبت في سريري بأرق...!!
لما سمعت طرقات على باب غرفتي ..تفاجأت... باسل مو نايم....ويش يبا ذلحين..؟
قد سبق وناداني قبل كمً ساعة منشان اتعشى معاه لكن من وين لي شهية هالليله...؟!
نهضت من السرير..فتحت الباب .......وبتساؤل رفعت عيوني له..؟!
ابتسم بخفة وقال ...:
( توقعت القاك صاحيه لما شفت الضوء مفتوح......البسي عبايتك والحقيني)
سألته باستغراب....:
( الساعة على نهاية عشر ..؟ وين نطلع ذلحين..؟!)
رد......:
( اي مكان.....نتمشى ونغير جو......)!
تفجرت لحظتها في بالي مشااعر اشتياقي للبحر.....! ..
رديت بهدوء مصطنع...:
( لو انه الوقت متأخر.......! لكن عادي نروح شاطئ القرم او العذيبة بما اننا في بوشر !..)
حرك رأسه باستغراب وقال.:
( انتي ويش سالفتك مع البحر...!! )
قلت له بصدق ..:
( ويش اسوي اذا ربي انعم علينا بأجمل شواطئ في عمان...!)
ولاية بوشر من اجمل ولايات العاصمه مسقط.....تأسر القلب بشواطئها الهادئه..
ورمالها الناعمه.... وجبالها وسهولها.... والاندماج الجميل بين حداثة العمران
وبين الطبيعة المذهله....خليط رائع ....ولعله هو السبب اللي يخليها دائماً حية بالزوار
العشاق لها.....
خلال الأشهر الماضية كنت ازورها بصحبة خالتي بعطل الأسبوع ...لكني اكتشفت
ان التجوال بشوارعها برفقة باسل اعطاها لون ثاني.....!
التواصل الظاهر كان عبر احاديثنا الهاديه والرسميه حول المنطقه وامور عامه....
لكن التواصل الخفي كان تقارب حسي....مالي قلبي.....والمؤلم انه من جهتي فقط..
كل مشاعري تأكد لي انه من المستحيل ان باسل يخفي اللي انا اخفيه...!
( هلا.....)......؟! تساءلت وانا محرجه بأن باسل يتكلم وانا مستغرقه بأفكاري وبمشاعري..!
رد بنرفزه.... ( سلامتك..بس صارلي ساعه اكلم روحي..!)
قلت له بقهر...! ( من الأساس ..من طلعنا ما بعد كملنا ساعه..)!
قال....: ( المهم....تراك ما تعشيتي الليله..نروح نشوف المطاعم اللي فاتحه
ولا ناخذ عشانا على البحر..؟!)
ما كانت فكره سيئة لأن التجوال فتح شهيتي..!
رديت ( تمام..بس لو ناخذ وجبتنا ونروح الشاطئ احسن)
ما استغربت لما اتجه لمطعم قرية التوابل ...افضل خيار لزوار العذيبة..!
لكن الوقت متأخر..!
قلت له ( قرية التوابل يقفلوا بعد الساعه 11؟؟؟)
قال ( خلينا نشوف حظنا الليله..)
تفاؤل باسل كان لصالحنا.......المطعم بعده فاتح...
سألني : ( تبي شي محدد )
لما جيت اجاوبه بعد تفكير بسيط ...وانا افكر بالمشاوي
والوجبات اللذيذه في قرية التوابل ..
قطع باسل احلامي وتأملاتي وقال :
( ترى مافي لحوم ومأكولات ثقيله عشان معدتك ما تتعب بعد العمليه..يكفيها ما جاها..!!)
انحبطت معنوياتي..!! لكني جاوبت باصطناع وكــذب!..:
( اصلاً ما ودي اطلب الا صيني _نباتي..!!)
.....
الهواء كان يطير عبايتي... وشيلتي...كان هواء بارد ومنعش وله تأثير في نشر ريحة التوابل
الزكية اللي تفوح من اكياس الطعام ....
شوربة خضار بالصلصة الصينيه.......وكرات الخضار .......السبرينغ رول بالخضار
..الخضار المقليه ........الفطر مع الأجبان الطازجة......!
وجبات لذيذه..... لكن من المحزن اني اكتشفت ان مصدر الروائح الطيبة مو من وجباتي..!!!
ليتني ما وافقت على شور باسل ..........! يعني ويش راح يصير لو طلبت مثله.......:
لو انها خالتي قدامي ...كان هجمت على طعامها بلا اسف..!
لكن باسل مستحيل.....رجعت نظراتي الحزينة لوجباتي اللي صغرن بعيني.....!!
وصلني صوت باسل :
( نعم ويش عندك مع هالنظرات ....هذي الوجبات اللي طلبتيهن ....واللحوم انسيهن..
غير كذا ما عندي....لأني مو متعشي انا بعد .....)
غرييبه......بالشقه باسل كان جايب عشاء لكنه ما كان له نفس يتعشى مثلي..!!
رجعت أأشر على المشاوي والدجاج الشهي...باستغراب..!
وقلت بتعجب...:
( الحين بتاكل كل هالأنواع من المشاوي ..! وبعدها بتاكل صحن الدجاج بالصوص لوحدك..؟!)
قال ببرود وهو ما زال ياكل..:
( وانتي تظني اني اكل نفس الكميه اللي تاكليها انتي..!
انا ريال حركتي دايمه ....ومحتاج لوجبات تمدني بالطاقه عشان ارجع احرقها من جديد)!
رجعت نظري للي قدامي من اكلات .....ويش اللي ما ودي اياه ....
اخترت الخضار المقليه ......ودفعتها بجهته .......طلباً للمساومه....!
قلت وعيني على قطع الدجاج الشهية والسالفة صارت تحدي بالنسبه لي..!
(خذ هالأكله خضار ومفيده.....وضروريه عشان التكامل الغذائي..! واعطيني قطع الدجاج)
قال بابتسامه احبطتني : ( لاء يعني لاء.......)!
حسيت بالقهر .....اكيد انه يعاندني......ولا هو زاهد فيهن.....!!
تذكرت كوب قهوتي يوم انه شربه عني.......! وجات لحظة الانتقام......!
قلت له بجديه .......:
(وين الماي........ما نزلته........؟!)
قال من دون لا يرفع راسه .......:
( لا.......بالسياره......)
قلت بكذب...:
( اذا ممكن.....عطشانه ابا ماي ....)
قال بهدوء...:
( ان شاء الله ذلحين اجيبه......)
قام بهدوء.......لكنه شال معه صحن الدجاج اللي راح يقتلني اليوم........!!
حط علب الماي والعصاير......!
قلت بنرفزه....:
( ويش سوء الظن هذا ........!!شايل الصحن معك .....انت ويش ...... )
لكـــنه قبل لا اكمل كلامي دفع الصحن باتجاهي ..!
واخيراً استسلم وعطاني الدجاج.!!!!
قال ( لا تموتي علينا.......)
ثم اردف بضحكه وصوت خافت: ( ولو انك ميته ميته اليوم ).!
كنت مشغوله بالوجبه الشهيه ....ومو مهتمه بالكلام اللي يقوله .....
لحد ما غطت الصلصله الحااااااره لساني.......
رميت القطعه من فمي بأقوى ما عندي.......واتجهت لعلبة الماي بسررررعه.....
وسط ضحكات باسل......
وانا حاسه انه راح يغمى علي من حرارة الصلصه.......
بالأخير تمددت بتعب وايدي ما فارقت علبة الماي......!
وصلني صوته الساخر ..:
( شايفه يوم اقولك من البدايه لا .......ذلحين تستحقي ما جاك.....)
كان مستند على ايد وماد رجلينه وكل شوي يرمي قطعه من الخضار المقليه
في فمه....!
قلت له بغضب...:
( اصلاً انت ما هامنك الا وجبتك.....خلاص خذها ماباها ورجع قطع
الخضار مافي مساومه خلاااص)
قال بضحكه ( هذا اذا حصلتي شي باقي منهن )..!
.....
في طريقنا للتسوق والتجول في مركز سابكو هذا الصباح كنت مستغربه
لأني ما توقعت ان باسل كان صادق لما قال اننا راح نقضي يومين استجمام في مسقط...!
وحسبت ان طلعتنا امس لشاطئ العذيبة هي الأخيره...!
وصلني صوت باسل..وهو ما زال مركز على السياقة :
( قد زرتي مع خالتك منتجع شانغريلا بر الجصه.....؟؟ )
رديت وانا مستغربه تواجد باسل في هالمنتجع العائلي..!!
قلت:
( لا ..ما رحنا ..لكن سامعه كثير عن فخامته.....ليش انت قد زرته من قبل.؟؟)
قال وهو مركز على السياقه (ايه قد رحنا له ...)
قلت بفضول ومن دون تفكير....: ( مع من ..؟!!)
سكت لمده...ثم قال بهدوء: ( من مده طويله..انا وبدريه)
ليتني ما سألت.........
حسيت بألم ينهش قلبي.....!
ويش هالشعور اللي طغى علي....معقوله هذي غيره.......بس ليش اغار.....!
يعني مو معقوله ان بدريه طول هذيك السنين وهي منحبسه في غرفتها.....!
اكيد انها كانت تطلع......!!!
حسيت بقهر من نفسي...ومن مشاعري اللي صايره تتحرك من دون لا اقدر اسيطر عليها..
تأففت بضيق وقهر..!!
من دون لا احس ان صوتي كان مسموع لحد ما سأل باسل باستغراب
( ويش فيك..؟؟)
قلت بكذب واضح ( آآ ..الجو حار اليوم ..)....ثم اردفت بهدف التغطيه :
( وين بنروح بالأول.......؟)
رد بهدوء وصوت متغير..:
(لا تروحي بعيد يا عليا..وتعلمي تسيطري على مشاعرك..مو زين تخلي مشاعرك تقودك..
والا ما راح تستقيم حياتك....ترى الحياة ممكن تمضي من دون تدخلات عرضيه من المشاعر....)
انتفضت مشاعري من كلامه......فاهمني ......وفاهم كل حاله امر فيها...!.
لكن باسل غلطاان......اكيد انه غلطان ......معقوله يحسب حالة التشتت
اللي اشهدها راح تستمر .....يحسب اني ابا اتبعه عشاان خلل صاير في مشاعري..؟!!
بعد صدمة كلامه ...رديت بهدوء..:
( لا تغتر يا باسل..ولا تحسب استسلامي للقدر هو خضوع لك...
انا مؤمنه بأن محاربة القدر تعني محاربة لذاتي....
لذلك مثل ما تشوف هدوء حالي نتيجة ايماني ....وبنفس الوقت انا متيقنه بأن القدر بيغير من الأوضاع ....
والحال المشؤوم ما راح يتم نفسه بعد عام.....وقول عليا قـد قالت..)
التواجد في مركز سابكو بالخوير اعاد لي اجواء التسوق اللي مفتقدتنها في الآونه
الأخيره...وحسيت ان كل طاقتي وحماااسي ظهروا في هاللحظه...
بالبداية ما كان بالمركز ناس كثير...وقدرت اخلص بعض من مشترياتي...
لكن بعد فتره ..زاد عدد رواد المركز ...وصرت اغللللي من القهر بس مو بسببهم ..!
لكن بسبب بـــاسل..!
تكلمت من بين اسناني..:
( لا تقول ما راح ندخل هالمحل ..لأني داخله داخله..ولو يصير اللي يصير..!)
رد بعد ما اجال نظراته على المحل:
( لا عادي محد موجود ...مو مثل المحلات اللي قبل
ضيقه وفيهن رجال....ادخلي وانا بجري مكالمة سريعة وبجي )
لما تقدمت تركزت عيوني على الشابات اللي بالمحل .!
وعلى اطنان المكياج اللي في وجوهن...والعبايا والشيلات المزينه على الآخر...!
حسيت بالعااار لما تذكرت اني بيوم كنت من هذي الفئة ...هزيت راسي باشمئزاز ..ومباشرة طلعت ..
وانا افكر في باسل ..!! ليش اختار هالمحل بالذات..!! معقوله انه شاف هالبنات .!!
قبل لا يجري مكالمته قال باستغراب...:
( كيف طلعتي..؟؟؟ ما تبين شي من هنيه )
قلت له بقهر..:
( لا غيرت رأيي....!)
قال بغضب...:
( هذا الآخير من هالصوب ..والمحلات اللي شفناهن قبل انسيهن..!)
قلت وانا احس اني بنفجر من الضيق:
( الا قول انك شايف البنات اللي في المحل وما تبا
تفوت شوفتهن من قريب ......ولا تجلس تتحجج بهالأعذار الباايخه)
رد بنرفزة....:
( ما البايخ غيرك..اصلاً الخطأ مني ..ويش يخليني اجيبك هنيه)
قلت له وانا اغلي :
( صحيح والله ليش جاي ..روح وفكني منك..وخلني اتسوق على كيفي
وارتااح من اوامرك..)
ثم اردفت بقهر :
(والا اقولك احسن تخليني وتروح وتتفحص هالشابات اللي
بالمركز عن قرب......تراهن حلواات ويستاهلن.....)
مسك ايدي بالقوه وقال :
( سيري سيري......خلينا نروح لفرع امواج.....)
امووواج في سابكو..!!
قلت باستغراب....:
( امواج لهم فرع في سابكو...زين والله ما كنت اعرف
آخر مره شاريه من عندهم من لما كنت فالسوق الحره..!)
رد ( في كل مكان لهم فروع ...فرع سابكو مفتوح في السنوات الأخيره...
ومنزلين عطور جديده هالفتره...)
اموااج عااالم رااقي من العطور المصنعه في عمان...بأجود المواد الطبيعيه..
انقهرت وانا اشوف زحمه بالمحل ....لكن قبل لا يقول باسل ما راح ندخل
دخلت المحل....!
انا مو مجنونه عشاان افوت على نفسي فرصة شراء عطور امواج..!
وقف باسل جنبي بتحيز......!! كأنه يقول للعالم ممنوع الاقتراب..!!!
رغم اني متأكده من انه نظراته كفيله بابعااد اي فكره للاقتراب
ممكن تجي في بال اي شخص.....!
اخذ باسل العينه وقربها لي بسرعه قلت له : ( لا ..العنبر مركز فيها..!)
قال ( لأن هذا عطر رجالي ..لازم يكون مركز...وبعدين مع مزيج التوابل اللي فيه
راح يتغير كل ساعة لرائحة مختلفه ..هذي طبيعة عطور امواج....)!
قهرني كلامه......!! كأن ما احد يعرف شي فهالعالم الا باسل.....!!
قلت له بتأفف...:
( لا تجلس تتفلسف علي.....محد ما يعرف عطور امواج .!
حتى فاستراليا واوروبا لهن شهره ..!)
طنشني....ورجع يختار من بين العينات..وانا اخذ العينات من بعده..
لحد ما استقريت على عطر لا يمكن يكون الا من صنيع امواج...!
اخذت عطر اساسه من زيت الصندل الهندي ...والباتشولي....مع مزيج من التوابل
واللبان....واخترت عطر ثاني اهدئ شوي لجدتي من الفانيليا والمسك والروك روز..
لما رجعت لحقيبة يدي....في طريقي لإخراج بطاقتي للمحاسبة....
حسيت بيد حديديه تضغط على رسغ يدي....!
قلت بألم وقهر قبل لا اصرخ من الألم...:
(فك يدي ..قبل لا تكسرها....!)
قال من بين اسنانه بهمس:
( سبق وحذرتك يا عليا عن هالحركات.....تبا تحاسبي على العطور وانا موجود..)
قلت له وايده ما زالت قابضة على يدي:
( باسل ان ما فكيت يدي هالعطور بكسرهن فيك
وفي المحل.....وبعدين بتعرف تحاسب صح)!
......
اثناء تناولنا للغداء في الديوان التركي حيث طاجن المأكولات البحرية اللذيذه
على غير العاده ......ما كنت مستمتعه فيه ...كان مضغي خالي
من اي تلذذ.....!
والنرفزة كانت ما تزال باقيه فيني.......
والضيق مسيطر علي بقوه...وحالة من الكآبه تبا تسيطر علي..
والسبب يعود لحالة التوهان اللي صار يسببها لي باسل ...
وللصعوبة اللي اواجهها في عدم مقدرتي على تحديد مشاعري او مشاعره....
ولا قادره كذلك اتبين حقيقة تصرفاته.........!
التفت لي باستغراب وقال ..:
( ويش فيك ........ما تردي..؟)
قلت له بضيق..ومن غير اي منطقية للسؤال...:
( ليش كذا كل حاجه تضايق..........ماشي بحياتي صح
ليش كل حاجه ملخبطه بهالصورة............)
رد بهدوء...... ..:
( تعوذي من ابليس.......هذي وساوس من الشيطان يا عليا......يبا يملأ
صدرك بالحزن والكآبه.........كافحيه بذكر الله..)
لما وصلنا للشقه......كنت في حالة ضيق مستمره.....آخر الظهر طلعت من غرفتي..
بس باسل كان طالع....
انتظرته لحد ما رجع .... قلت له بجديه :
( باسل رجعني للشقة بالسيب......)
نظراته الحاده توجهت لي باستنكار
قال . ...( انتي ويش صاير لك اليوم ..!!
ويش يرجعك للسيب..؟؟ تبي تمي في الشقه اللي كانوا اهلك
ساكنين فيها......في كل ركن لك ذكريات معهم.......تبي تفقدي عقلك..)
قلت له بقهر....:
( ما لك دخل ...ان ما رجعتني للسيب ..بروحي برجع ..
خلااااص الحياة كذا ما راح تمشي.......)
رد بلا مبالاه....: ( انا قدني حاجز تذاكر عشان نرجع لصلاله الليله....)
فلتت اعصابي وقلت له بصراخ :
( على اي اساس تحجز....انا ما قلت برجع معك ...
انا لا يمكن ارجع لصلاله ....ما اقدر اعيش بهالطريقة....دراستي ضاعت
...واموري مو ماشيه صح ....ولا راح تمشي صح وانا بهالحال....)
تأججت العيون الناريه بغضب متقد وقال:
( صوتك ما ينرفع في وجهي يا عليا..انا زوجك وغصباً عنك تبا تحترميني وتطيعيني......
دوهالأساليب الرخيصه ما تمشي معي ..فــاهمــه..)
ثم اردف بحده.....:
( تبي تعيشي حالة فلتان......لا ولي ولا حسيب ولا رقيب......
تبي تعيشي رخيصه ووحيده بشقه عرضة لأي انسان مريض ......
ومن وين تبي تصرفي....لا يكون معتمده على كم الريال اللي ينصرفن لطلبة الجامعه...
انسيهن لأن اوراق فصلك من الجامعه قدهم بمكتبي فالبيت)
وقفت بصدمة وتنفسي مضطرب...ما همتني سالفة من وين ابا اصرف لأن راتب ابويه
ينزل برصيدي شهرياً .....بما اني الوريثه ......واقدر اعيش برفاهيه منه ......
لكـــــن ! معقوله فصلوني من الجامعه......يعني دراستي للطب انتهت......!!
قلت بصدمه....:
( كيف....! مستحيل افصلوني من الجامعه.....اكيد انت تكذب ....
منشان ارجع معك الى صلاله.....)
قال بغضب......:
( انا ما العب يا عليا......يوم قلت حرمتي ما تدرس بجامعه مختلطه
يعني ما تدرس........)
قلت له بقهر.....:
(انت انسان متخلف.......نظرتك رجعيه .......
.وين الخطأ اني اكمل دراستي بجامعه
مختلطه...... انا مضطره .......وللضرورة احكام )
رد بحده وايده تمسك ذراعي لمواجهته :
( هذا اللي قنعتي نفسك فيه يا عليا.......بعد ما لبستي الغشوة.....
بعد ما عشتي حياة الستر والحصانه اللي يوفرها لك التمسك بالأخلاق والمبادئ الإسلاميه
تبي ترجعي للإنفلات...........تبي تعصي الله بعد ما هداك ........
ما كفاك العصيان اللي عشتيه طوال ذيك السنين ......)
استمرت كلمات باسل تطعن بروحي بقوة ...كان يمر بحالة انفعال ..ما عمره وصل لها
من قبل ....كان يتكلم بنصح احياناً ...واحياناً يرجع لألفاظ قاسيه ......
انتفاضة مريعه مرت على جسمي بأكمله من قوة كلام باسل...صدمه عنيفه اجتاحتني...
هو صادق.....وانا بحاجه لكلامه .....حتى لو كان قاسي...
اعتقادي..وايماني..وهدايتي..لا يمكن اخسرها ...لكن تعليمي بعد غالي...!!.
ويش هالهاويه اللي سقطت فيها.....مافي مجال للمقارنه....الدين اولى ثم اولى ....
بعد ما توقف باسل عن الكلام ......وايده ما زالت قابضة على ذراعي .....
الهدوء عم الصاله....وصدري المثقل بالأنفاس المرهقه ...يضج بعنف وقسوه....
نزلت دمعه وحيده لكنها بوزن يضاهي الألم اللي في قلـــبي......
قبل لا تسقط على الأرضيه....
راقبت يد باسل لما تلقفتها.....!!
نفس اليد اللي اصبحت تمتد لي دائماً بالآونه الأخيره....
نفس اليد اللي شكلت لي سد منيع من السير في طرق متهالكه....
نفس اليد الباقيه.....واللي تتعهد بالبقاء جنبي في الشدايد والمحن....
رفعت انظاري تجاه باسل...وبملأ ارادتي ولأول مره حطيت بين يديه...
في البدايه حسيت بجسمه يجمد....لكن سرعان ما تعدى الصدمه....
وجمعني بين ايديه اقرب.........لفتره طويله ظلينا على هالحال....
والصمت عام بالكامل.....
الى ان رن جوال باسل...الرنين اللي صحّاني من الموقف المحرج اللي اقدمت عليه...!
من دون لا ارفع عيوني ....ابتعدت بهدوء........وفي طريقي للانسحاب لغرفتي...
وقفت وانا اسمع.....
صرخة باسل على الشخص المتصل..............
|
26-05-13, 09:16 AM
جديد مواضيع قسم القصص المكتمله من وحي قلم الاعضاء
العرض العادي
