وأخيييييييييييراً خلصت اول 3 فصول وبقيت معاكم

نقول سلامو عليكو الاول...

طبعاً اسفة من هنا لليمن على تأخيري...انتي عارفة اني لا يمكن اتأخر عنك أبداً يا ضرتشي..بس الظروف الملعبكة معايا

ونبتدي مع الشيوخ
مش هقول الاسلوب السلس ولا اللغة الرائعة...دول اصبحوا ثوابت في كتابات اميرتنا..ربنا يزيدك من فضله يارب

نيجي للابطال اللي يوجعوا القلب بجد
طبعا المقدمة كانت حارقة جزء كبير من الاحداث..يمكن لخمس او ست فصول قدام
ودا مخليني باقراها بنفس هادي الى حد بعيد

نبتدي بغزل ومحمد..وقصة حب وزواج ما لحقوش يتهنوا بيه..وكمان الولد يتقتل يوم صباحيته
موضوع الناس اللي واقفة ورا مقتله دا شكله مرتبط بشكل ما بأسرة عبد العزيز ووفاة الجدة سيادة...طبعا استنتاج الجدة دا بتاع هومي واتفق معاه لكن استنتاج محمد دا من دماغي انا
بالطبع مقتل محمد كان واجعنا من وقت ما عرفناه في الاسياد، لكن هنا الوجع اكبر مع تقاليد قديمة لا يمكن التملص منها واجبار الارملة الشابة على الزواج من شقيق الزوج المتوفى
الموضوع هنا مختلف لإن رعااد بيحب غزل بشكل خاص..يمكن كيف نفسه انها مش ليه والموضوع بالنسبة له كان حب مستحيل..لكن مع اجبار الجد ليهم بالزواج ممكن الحب يصحى تاني بعد كام سنة..المقدمة بتقول انه بعد سنة جواز مكانش لسة لمسها
استنتاجي حب رعاد لغزل كان من وصفه ليها لما شالها للغرفة وازاي كان حاسس بوزنها اللي قل عن المرة اللي فاتت...شغال ميزان الاخ؟؟؟

علوووش...لسة قصته ما بدأتش بس حبيته ابن اللذينا دا وهو سقعان ولابس الشراب بينما اخينا رعاد حراااان يا عم الحاج

سيادة وعبد العزيز...احتمال يكون حب فعلا، بس مش حب روحاني.. هو عاوزها كأنثى والزواج بالنسبة له هو السبيل لكدا. هي مبهورة بشخصيته اكثر من كونه حب بجد
لكن بصراحة عاجبني فيها احتفاظها بشرفها في مجتمع لا يلقي بالا للحاجات دي. المشكلة في الزفتة ايقا امها اللي نيلت الدنيا
من مشهد المقدمة حسيت انها عذراء من استنكارها للي عمله قحطان...ومنتظرة اكتشافه الحقيقة ورد فعله اللي غالبا لن يتجاوز لمعة في عينيه لن تصل لاي من ملامحه...مش زي عموووري يعني

الشيخ قحطووون بقى...ماذا اقول بعد كل ما قيل يا برنس؟؟
بص انت شيخ بمعنى الكلمة..مالي مركزك صح على جميع الاصعدة. ورد فعله بخصوص اللي عرفه عن سيادة منطقي جدا بالنسبة لاي شخص قبلي. بس تصدق؟؟ فرحت فيك في المغرز اللي عمله عمك..انت اصلك متجيش غير كدا

عموووري الجاكو وشفا وظهور قصيييير في اول فصل..بس رجعنا لذكريات حلوووووووة قووووي...ربنا يسعدهم...فيس ابو قلوب
والاخ جوو ابو سالم..وحشتنا يا دوك..بس فين المودام؟؟


بيرو...معلش تعليق تعبان لا يرقى لابداعك بس نظراً لضيق الوقت يعني
ربنا يقدرني وافقعك التعليق التمام عالجزء الجديد ان شاء الله

خالص حبي

دمتِ بحفظ الرحمن
موووواه

ولا يهمك حياتي منتظريك أمتى ماستطعتي ان تنزلي البارت ونعرف كيف سيكون عرس سياده وقحطان ومنتظرين عمرو يحضر العرس وما سيكون رده

ليه بس كده يابيرو بنستنا يوم الثلاثاء يجي بسرعةوالله حرام

حرام عبورة والله. انا منتظرته بفارغ الصبر