بسم الله الرحمن الرحيم
السلام عليكم ورحمة الله وبركاته
اولا حابه اعيادكم مره ثانيه
كل عام وانتم بخير وامن وامان
ثانيا اعتذر منكم على التأخير والانقطاع بس اكيد لا عرفتو عذري بتعذروني
سافرت احضر زواج بنت اختي الحبيبه
الله يوفقها ويسعدها ويكتب لها التوفيق
ما ابي اطول عليكم تفضلو الجزء




5


دخل عليها وهي نايمه مغتاظ منها ومن ولدها
:قومي يالله بلا تمثيل
فتحت عيونها مفزوعه منه ومن صوته
وقالت بحده:ماني قايمه
واطلع لا يشوفك ياسر ثم تصير مشاكل
مسكها من كتفها وسحبها بملابسها
وانفلت المغذي اللي بيدها ودمها سال
وهي صامده واثقه ان ربي بياخذ لها حقها منه
والله جاب لها الظهر اللي بيحميها منه
دفته بيدينها مع صدره وقالت بقووه
: قلت لك اطلع برا خلاص خلاااص انتهينا
سنيين وانت مستعبدني
واليوم ربي عتقني برجوع ولدي
لا بارك الله فيك وعيشةً عشتها وياك

يتنفس بقووه من الغضب وعيونه جاحظه عدم تصديق : اقطعي واخسي ألبسي عباتس
وامشي معي
و هجم عليها بياخذها معه
ومسكها مع شعرها بيجبرها
:والله تقاويتي علي يا قمرا وجا حبيب قلبس
جا اللي قفلتي القلب عليه



دخل عليهم ياسر وسمع اخر كلام خلف
: ايه جييت
وخر يدك عساها للكسر

قمرا شافت ياسر تلاشت كل قواها واغمى عليها وطاحت مثل الخرقه
ركظ لها ياسر واكييد الجبان خلف هرب


تجمعن الممرضات وبدو بإنعاش قمرا
اللي هبط عند الضغط والسكر

.
.
.
.
طول الليل وهو معاها وعت عليه قبل الفجر
: ياسر حبيبي
وقرب منها وحطت كفها على خده
: ابوي انت انا طيبه
كانت نظراته لها قلق خوف
مسك كفها وباسه
قمرا ودموعها تسيل : ياسر انا اخاف عليك
من خلف اوعدني اوعدني ما توسخ يدك فيه
بهدوووء وثقه : لا تقلقين يمه ارتاحي انا ياسر غييير ياسر زمان ربتني الدنيا وخلف له من يأدبه
انتي نامي هالحين
قمرا : ابي اقووم اصلي اللي فاتني

ياسر ساعد امه وتطمن عليها
وطلع منها بعد ما حلفت عليه يروح يرتاح





بعد ساعه خلالها قدم بلاغ عن خلف وتهجمه على امه

واتجه لابوعليان
:انا ياعمي بعد ما شفت حال امي
ما اقدر ابد احشمه انا بلغت الشرطه
ابو عليان حاس بغضب ياسر فما حب يناقشه الان
يعدىن ويتناقشو ن ويحاولون ينهون هذاالاشكال
باقل شوشره
:طيب يا ولدي وامك شلونها الحين
ياسر يمسح وجهه بإرهاق

:والله ياعم تحس تعبها نفسي من شافته
انتكست والدكتور بعد اليوم قالي ان السكر انخفض
انا افضل حل اقعد معاها لين تطلع
انا خليتها دقايق ورجعت لقيتها هي و الخسيس
وهو بعدها هرب مثل الفار

ابو عليان : استرح الحين امك اكيد نايمه
وانا باخذ لها عليا اخليها تجلس
معاها لين ترتاح
ياسر محتاج للراحه فعلا
واقتراح ابو عليان ناسبه جدا
: طيب يا عمي بس بالله قل لها لا تزحزح من عندها اخاف بعد يعيدها

والحين انا استأذن بروح للبيت انام

*****



"
اليوم السبت
وعادة السبت يكون يوم ثقيل دراسيا
جدول مليان وبنات مقفلات مخهن
عقب اجازة نهاية الاسبوع
وللحين تعب زواج عليان بعظامي
رجعت للبيت ما اشوف منتهيه ابي انام
غيرت ورحت لامي
لقيت العرسان جالسين عندها
ناظرني عليان وقال : غدينا امي

حبيت راس امي وبعدها انسدحت جنبها
ورفعت يدي للريم : مرحبا يا عروستنا
الريم : مراحب
اجيب لس غداس هنا تتغدين
عليا : طيب بس استعجلي تكفيين
لاني حاسه اني بنام على نفسي
معليش ريومه انتي خلاص صرتي
من اهل البيت تعينيين وتعاونيين
الريم بإبتسامه حلووه : دقايق واحلى غدا عندس

.
.
.
.
غفت عيني وبحضن امي الدافي
دقايق الا ابوي هزني بهدوء
عليا ....عليـــــــــــــا
قومي يا عيني
بصوت كسلان ناعس : هلا ابوي وجلست
ويالله افتح عيوني

بعد نص ساعه بنروح لخالتس قمرا
بترافقين معاها

فتحت عين والثانيه مقفله من النعاس
: ابويه طيب خلها بعد ساعه اكون نمت شوي
قالي ابوي : بعد نص ساعه وبالطريق اقولس السالفه
قمت بتثاقل احس يالله ارفع رجولي عن الارض
ورحت للمطبخ وسويت لي قهوة تركي
تصحصحني شوي
واخذت فنجالي معي وطلعت لغرفتي
وشربت قهوتي و تروشت
ابي انفض النوم عني كأني صحييت شوي
لبست قميص بارد مشطت شعري أي كلام وربطته عشان ما يضايقني
اخذت معي كتابين يسلوني لو زهقت
ودخل علي عليان : عليا أبوي تحت ينتظرس



لبست عباتي ونزلت لابوي وركبنا السياره
وعلمني ابوي عن خالتي وزوجها واللي صار معاها

غصبن عني تنرفزت " يعني ياسر نايم
وانا مانمت وصلت لخالتي ولقيتها
منسدحه على جنبها الايمن وتسبح

فرحت فيني مرره

************



عليان تصدق شغالتكم ذي ماهي طبيعيه
عليان بإهتمام وتوتر: لييه وش قالت لس؟
الريم : ما قالت شي بس تخطف من الشغل ابي اغرف لعليا خطفت الصحن مني
احس انها ودها تضربني بالصحن
عليان :انتبهي منها تراها ماهي صاحيه
الله يكفينا شرها
الريم :اميين بس احس انك متخوف منها كثير
عليان : انا ماكان ودي اتكلم بس شكلي لابد انبهس منها
هي كم مره حاولت تتحرش فيني
بس الحمد لله من فضل ربي علي اني اصدها

المشكله اني دايم جاف معاها وتعاملي
معاها في اضيق الحدود
الريم منذهله من كلام عليان : طيب ليه سكت عنها ليه ما قلت لعمي والا لعليا
عليان : اممم انتي شايفه حال عليا كل شي فوق راسها وهذي تساعدها وكان وقت تجهيزاتنا للزواج خفت يزيد الضغط على عليا وهي مسكينه تحب كل شي كامل وتمام
ا لريم :طيب هذي مالها قعده بعد كذا لازم تسفرونها

عليان بإبتسامه رضا : غيرانه علي
تبسمت الريم : تلومني بالله اكيييد اغار عليك يا قلبي و الله يستر منها هالوسخه
عليان بحب : الله يخليس لي يا روحي وابشري خلال اسبوع ان شالله اسفرها




**********
عادل تعال يا ابوي خذ هالحافظه وديها لبيت جدك
:يمه انا مواعد عبد الله واخاف اتأخر
منيره بصرامه : عادل انا قلت وانت تنفذ يالله
امش قدامي ولبست عباتها بتروح معاه
واخذت بنتها الصغيره حصه معاها



نزل امه وتوجه لبيت عمه
دخل للمجلس بدون لا يتنحنح
كانت نسرين ترتب المجلس
قال بأسف بعد ماصد عنها :اووه اسف نسيرين
نسرين مثل الصارووخ مرت من جنبه طالعه
شافها عبد الله وكفخها على راسها
: ليييييه رايحه للمجلس
دفته بقوه : وجع عورتني وبعدين انت اللي قايل لي نظفيه
راح عبد الله عند عادل
كفخه عادل على راسه
: ليييييه تظرب نسرين كم مره اقولك
ما تمد يدك عليها
عبد الله : يااخي اختي اصفقها متى ما بغيت
عادل : اسمع عبد الله والله لو ادري انك ضاربها لا وريك شغلك لا تمد يدك على نسرين سمعت
عبد الله: طيب فلقتنا يا شيخ يالله بنتأخر على الشباب
وطلعو متجهين لملعب الحاره في مباره مهمه


***********
واقفه تسمع حوار عادل وعبدالله و
مبتسمه وممتنه لعادل اهتمامه
تحب هالاهتمام وتنتظره منه

من هي صغيره تحس ان تعامل عادل واهتمامه غيرررر بس مافسرته غير اهتمام اخ بأخته
تنهدت من اعماق القلب
ورجعت تكمل تنظيف المجلس بإبتسامه


*******



ايووه ألوووه
فينك يا بندر ما تصلتش عليا بألك اسبوعين
بندر : مشغول يا سعديه وهذاني الحين اتصلت
كيف الست الحجه ؟
سعديه بفرحه: كويسه الحمد لله الاسبوع
اللي فات خرجت من المستشفى
بندر : الحمد لله على سلامتها
سعديه : بندر انا اخويا حجز لي على
الاسبوع القاي يوم الخميس متنساش
بندر : طيب على خير توصلين بالسلامه
سعديه : مش عايز حاقه اقيبهالك
بندر : شكرا وسلمي على الحجه واخوانك
سعديه : لا اله الا الله
بندر :محمد رسول الله
قفل التلفون وسعديه لا زالت تمسك فيها بحب

:يا لهوووي على تألك يا بندر يا لهوووي
يا لهوي على رنة صوتك


اخوها الصغيرر حازم من خلفها
:تي رررارراااااااا هو انتي يابت بتحبيه
سعديه بإبتسامه خجوله : امااال ايه بحبه او ي مش جوزي



*************



قمت على صلاه المغرب
ورحت بعد الصلاه لامي
دقيت الباب ومحد رد علي
فتحت الباب بهدووء
لقيت امي جالسه بسريرها
وفي سواد على الكرسي بجنبها
امي تبسمت لي وحطت يدها على فمها : اشششششششش
واشرت على الكرسي
وهمست : اششش عليا نايمه
همست لامي وا نا مبتسم : خوش مرافقه
ردت امي بهمس: مسكينه لها ساعه بالضبط سويت نفسي نايمه عشان تنام من جتني وهي تقاوم النعاس
تبسمت لملامح امي المبتسمه

ناظرت عليا متغطيه بالكامل بالسواد وممتكومه بطريقه تضحك على الكرسي
قلت لامي : ذي شلون نايمه صحيها خليني اوديها
قمرا : طيب اطلع اخاف تنفزع لا شافتك


فجأه قعدت عليا بعد ما سمعت صوت رجال بالغرفه وبدت تستر نفسها كأنها خايفه تكون منكشفه
ثواني استوعبت من هو
وبسرعه قامت وتوجهت للحمام

"ضحكت على حركاتها
وامي تنهرني

قلت لامي : انا انتظر برى

نادتني امي قبل لا اطلع :
ياسروش سويت عساك مسكت وصاتي
وما تهاوشت مع خلف

تبسمت لامي وقلت : افى يمه وعدتس انا
انا بس بأدبه من دون ما اوصخ يدي فيه
انا بلغت الشرطه
وهم مسكوه و بينهون السالفه لا تخافين يمه

ابيس ترتاحين تماما ولا تفكرين نهائيا
بذا الشخص
وطلعت من الغرفه

قمرا : عليا يا عليا تعالي ياسر طلع ماهو فيه

بحذر انفتح الباب وطلعت عليا
وبصوت ناعس : خالتي انا بطلع اتصل
على ابوي يجي يا خذني
خلاص جا ياسر يجلس معتس
قمرا بزعل : عليا والله ما تطلعين
اصلا هذا هو التلفون جنبي
بس ما ابيس تتعبين ابو عليان
عليا : بكلم عليان اجل
قمرا : ولا حتى عليان هذا ياسر هنا يوديس
طارت عيون عليا بحده : لا خلاص شكرا انتظر ابوي يجي مثل ما وعدني
ضحكت قمرا بخفه: هههه علامس خفتي
تراه في النهايه خطيبس ومملك عليس
عليا : خالتي تراس غاليه عندي وما ابي تزعلين مني
تكفين خلاص ما احب اتكلم في هذا الموضوع
قمرا : وانتي بعد غاليه عندي
تكفين لا تنهين حلم يا ما تمنيته

تغطت عليا تداري دموعها
وجلست بكرسي طرف الغرفه
وعم الصمت القاتل
محد بيفهمني انا ما اطيقه ما أطيقه
والجميع يبوون يتممون اتفاق
ما دريت عنه ولا وافقت عليه





.
.
.
.


كان عمري 16 سنه جالسه اذاكر وامي وابوي يسولفون قمت اجيب دفتري من المكتب حقي واسمع ابوي يقول لامي
انه ندمان على ملكة عليا وياسر
اول ما كنت متأكده من اللي سمعته
بعدها بفتره اسمع نفس الكلام امي
تقوله لخواتي حصه ومنيره
سألت امي وش السالفه
وما توقعت ان امي بتعطيني الصراحه
قالت لي انتي وياسر متزوجين
قعدت اضحك اضحك لين دمعت
وتحولت ضحكاتي بكاء
وصرخت : ياسر الكلب اللي ياما ظربني
بسبب ومن دون سبب
شلووون من دون علمي
توافقوون شلوون بأي حق
وانا ويني ليه ما حد بلغني
اخر من يعلم انا!!



وجتني بعدها كآبه وامتنعت عن الكلام فتره
بس ابوي بحنانه هو وامي
قدرو يرجعوووني للوضع الطبيعي
بس ياويله يا سواد ليله اللي ييجيب اسمه عندي




********


فايزه
مخنوقه احس اني اختنق مافي هوا
وامي تخنقني وملامحها جاااده
وابوي واقف بعيد عني بس نظرته كأنه راضي
ابي اتنفس ابي ارتاح
فجأه دخلت علي اختي فوزه الله يرحمها
ومن دون كلام فكت يدين امي من رقبتي
وسحبتني من يدي وهي تبتسم لي ابتسامه هاديه
وحطت كفي بكف زوجها
وهو تمسك فيني بقوه

بسم الله الرحمن الرحيم
بسم الله الرحمن الرحيم

تتنفس بفزع وصدرها يهبط ويرتفع بخووووف
نفثت عن يساري ثلاث وقمت توضيت وصليت الوتر
ودعيت من كل قلبي
ياااااارب يااارب انت اعلم بحاجتي
وانت اعلم بالخير لي يااارب تهيديني للقرار السليم
ياااارب تنهي لي حيرتي
شهقت بدعواتي ودموعي احرقت اجفاني


******


خاله علامس من البارح ما شفناس
تظاهرت بالنوم
زعلانه من نفسي كيف سمحت له يستفزني
كيييف
وتذكرت فايزه بعد وزادت ضيقتي
اليوم جت ونفسيتها جدا تعبانه
وقالت لي عن قرارها


نسرين لازالت بغرفتي و جلست على سريري عليا علووووش
قووومي طفشانه وجايه استانس معس
من تحت اللحاف قلت لها خلاص جهزي القهوه
وناديني اكون انتعشت شوي

بعد ربع ساعه انتعشت من ترويشه سريعه اشتقت لامي حبيبتي

لبست بلوزه ورديه منقطه باسود مع تنوره سودا
ورفعت شعري بشكل عفوي
نزلت وبالي مع فايزه اكييد انها بلغت امها بقرارها
دخلت ومثل عاااادتي توجهت لثلاجة غرفة امي الصغيره
ابي اخذ ادويتها
وكان بالغرفه ابوي وعليان واحد ثالث بس منزل راسه
بس استوعبت منهو هربت من الغرفه
وقمت اناقز من الفشيله
طلع وراي عليان
قلت له بعصبيه : لييييه ما نبهتي؟؟؟
لييييه ماحد علمني ان عند امي احد غريب ؟
عليان بهمس:كنت بعلمس ب ابوي قالي لا زوجها مافيها شي
عليا بغضب : ماهو زوجي ماااااهو زوجي سمعت
وتوجهت للمطبخ وانا متنرفزه عل الاخيير
ونسرين سكتت خافت مني
قلت لها شين الحلايا عند امي
سكتت بعد
قلت لها: كنت تدرين وماعلمتيني
نسرين:دريت ياخالتي بس جدي قالي اقعدي بالمطبخ ولا تطلعين
بالصاله رجال وانحبست وماقدرت اوصل لس

قعدت افكر ابوي الله يسامحه يبيني ارضى بالامر الواقع
معناه قريب بيقولي روحي معاه لبيته
انكتم نفسي من التفكير وهالنقطه ذي بالذات


********
يالله ياعم اسمح لي
ونزلت لخالتي وحبيت راسها
وهربت من الغرفه ابي اطلع ابي محد يشوووف دمعتي
هذي خالتي اللي كلها صحه وشباب يصير فيها كل ذا
يارب يامحي العظام وهي رميم ان ترد عافية خالتي لها يارب ياارب وتغافلتني دمعه
ركبت سيارتي متوجه للمستشفى
امي مستعجله تبي تطلع منها وانا بعد ابي
اجلس مع امي في بيتنا مثل اول

ناظرت في المرايه اشوف اللي وراي وتذكرت عليا
البارح امي حلفت عليها واصرت اني اوصلها
ويالله وافقت
قلت خليني اسلم عليها مسوي نفسي راعي واجب
بس هي سفهتني وما ردت علي
بصراحه انقهرت منها
مشيت قبلها في الممرات ودخلت المصعد
بس هي رفضت تدخل
بدون عقل او تفكير سحبتها من يدها اللي مو باين منها اطراف اصابعها
وقفل الباب بسرعه
شهقت: يا كلب شيل يدك عني
وظربتني بشنطتها على كتفي
عورتني حديدة الشنطه
سحبت منها الشنطه بقووه
وقلت بهدووء شديد وانا ضاغط على ظروسي
: طول عمرس ويدس طويله
هالمره بس بعديها مره ثانيه ما اضمن لس وش بيصير
عليا ونظراتها بتخترق نظراته : مامن مره ثانيه سمعت
وابيك تطلقني وخلنا ننتهي من هالمهزله
فتح المصعد وطلعت من دون كلام وهي تلحقني
واضح جدا انها بتنفجر من الزعل من مشيتها
مشيت لين وصلت سيارتي وفتحتها ودخلت
وهي فتحت الباب الخلفي وجلست
وصفقت الباب بقوه
تغاضيت عنها

مشيت وانا احاول اكوون هادي ناظرت في المرايه شفتها وشفت عيونها جميله جدا مكحوله من ربي
صف رمشها سبحان اللي خلقها
عدلت بجلستي وتنحنحت
: غطي عيونس لا عاد تفتحين نقابس لكل من هب ودب


عليا ألتفت للشباك وطنشتني ولا كأني اكلمها

قلت بنرفزه : سامعتني
ردت بعصبيه : سق وانت ساكت ومالك دخل
ضحكت ابي انرفزها : محد له دخل الا انا زوجس ولا قلت شي يتنفذ سامعه
يالله اشوف غطي عيونس

سفهتني للمره الثانيه
وقفت السياره بقووه خلتها تظرب في المقعد اللي امامها
قالت : وجع ان شالله انتبه
التفت عليها وحطيت عيني بعينها : تغطي لا انزل اغطيس
بنفسي

استمرت بالتطنيش

فتحت الباب بنزل
وعليا بسرعه غطت عيونها خافت يتجرأ ويسويها
رجعت لمقعدي وانا اضحك : صدق من قال ناس ما تجي الا بالعين الحمرا
اسمع حلطمه منها
قلت : هااه وش تقولين
عليا : امش وانت منخرس ترا طولتها وهي قصيره وصلني للبيت بسرعه
مدري وش جاني ضحكت : هالحين انتي قد هذا الكلام
انا ينقالي انخرس
ردت عليا بحده :وينقال لك اعظم بس انا محترمه نفسي
ورجاء ما ابي اتكلم
ياسر بتهكم : واضح محترمه نفسس

وسكت واحس الطريق طال اول ما نزلنا قابلنا عمي ابو عليان وهي نزلت مثل الصاروخ
قلت له امي حلفت عليها اني ارجعها للبيت
تبسم عمي : جزاك الله خير وما جبت الا حلالك
استأذنت من عمي ورجعت لامي

***********


جالسه تستمع لإذاعة القران وعيونها على وشك تسكر
بس سمعت باب البيت يتسكر بقوه
دخل احمد بقووه ومعصب : يمه ابي فلوس
قالت له وين هالغيبه لك الحين اسبوع
رد بحده وهو يتنافض: سمعتيني يا غبيه ابي فلوووس فلووس
تدحرجت دمعتها ورجعت جلست تسمع الراديو وقالت مافي فلوس
راح للمطبخ تسمع صوت قربعه
رجع بعد دقايق ومعاه الزراديه
واقبل عليها ومسك يده بعنف يحاول يقص اسوارتها
اللي ماسكه على يدها وهي تسحب يدها وهو مثبتها بين ركبه

:حرام عليك فكني ولا تاخذها
اخر شي قعد لي من ذهبي كله خربطته على مزاجك
صرخ فيها وشد يدها اكثر وقص الاسواره بعنف
واخذها وهرب برى البيت
وترك امه تبكي قهر وقل حيله


*********************


دخلت امي علي : وينتس اليوم ما قعدتي معنا
فايزه تجلس وتسحب معها اللحاف وتتغطى فيه
: يمه انا موافقه خلاص
ابتسمت امها وبنفس الوقت دمعت عينها
: وربي اللي خلقني ما تندمين يا بنتي
دام ارضيتيني ربي بيرضييتس
وضمت فاييزه وتركتها بعد ما حست بحرارتها وذبولها
:ياربي سترك علامس يا بنتي مصخنه
فايزه : يمه برداانه زيديني لحاف
وابي اناااااام
ام فايزه خافت على بنتها
لاااا قومي قوومي اوديس للمستشفى
وبصعوبه بالغه وبعد عدة محاولات قدرت تقومها وتلبسها عباتها
اخذهم ابو فايز وكانت تعاني من حمى شديده
حطو لها مغذي ومسكن وخافض للحراره
ورحعو للبيت
وقبل لا تطلع غرفتها : يمه يبه انا موافقه على سند
بس بشرط ما ابي أي حفله ولا حتى عزيمه
وطلعت غرفتها وتركت اهلها مبسوطين بقرارها


*************





قراءه ممتعه لكم وردود حلوه لي

6




في مركز الشرطه القديم ذا البوابات الزرقاء الباهته
والبناء المتواضع
في غرفة الضابط المسؤول
ياسر وابو عليان يتحاورون مع الظابط
ياسر : هذا اخر كلام عندي طال عمرك
يطلق ولا ندفع له ولا شي
انت تدري انه دافع مهر ٥ الاف !!
ومسكنها طول هالسنين بخرابه
غير سوء المعامله
بعد فوق شينه يبي ثمن طلاقه لها!!!
يهبى والله ات يطلق وهو مل يشوف الدرب
تدخل ابو عليان : ان كانه بيطلع باسرع وقت ومايبي قضيته توصل للمحكمه يطلق بهدوء
والا القاضي بيحكم بطلاقها وهو الخسران في الحالتين ان كانه يبينا
نسحب البلاغ ضده يطلق وهذا اخر كلام
الظابط : انا ببلغه واكيد انه بيشتري سمعته
لانه هو اللي دخلني واسطه بينكم
ياسر اهم شي ما ابي اشوف وجهه
الضابط يصير خير واتجه لمكان ابو ساري


بعد ساعه من المفاوضات اللي كا ن ياسر فيها هو المتحكم
طلق خلف قمرا


ياسر مستغرب : هالرجال كل يوم اكتشف اني ما ظلمته
وانه اسوء مما تخيلت


*******








اليوم ابوي مسوي عشا بسلامة خالتي قمرا
اخيرا السلامه سلامتين تطلقت من خلف
وطلعتها من المستشفى
العشا خاص بعايلتنا
خالتي طالعه من امس وهي مرابطه عند امي
وطبعا الشيخ ياسر دائما متواجد

نزلت بعد صلاة الصبح ابي اشوف امي وادويتها
لقيت خالتي صاحيه وجالسه جنب امي تسولف عليها
امي مبسوطه بوجود خالتي احس وجهها مرتاح
وبعيونها الفرح

:صباح الخير خالتي
خالتي قمرا تلف شرشف الصلاه زين عليها
وبصوت ناعس وإبتسامه من القلب
: هلا صبحس الله بالرضا والسرور
عطيت امي علاجها وقلت لها :يمه دقايق والفطور جاهز
قالت خالتي بنبره كلها فرح و راحه
:لا تعبين نفسس يا قلبي بس سوي فطور امس
ياسر حبيبي قلت له مشتهيه فول وعدس وتميس بالسمن
لي سنين مشتاقه لكل شي حلو
تبسمت لخالتي ورحمتها بصراحه
:هههه يا كثر ما بتعوضين اللي فاتس
احس انس كنتي مدفونه
قمرا ضحكت من قلبها : ههه أي بالله مدفونه
وحبيبي ياسر اطلعني الله يخليه لي ويجمعكم على الخير

اصفر وجهي وانطفت بسمتي وانسحبت من الغرفه وطلعت للمطبخ

ورجعت لامي بفطورها
وجبت القهوه والشاهي والحليب لخالتي
وفطرت امي وخالتي تقهوت واستأذن ابوي علينا
وجلست اقهويهم
وخالتي تدعي لابوي وياسر اللي انهو موضوعها
جا عليان وسلم علينا وتوجه لامي واخذ جرعته الصباحيه
همست له : وين الريم
رد علي: نايمه تعبانه بالله تفقديها
عليا : وش فيها سلامتها
عليان : ابد الظاهر تعب حريم
عليا قلب وجهها اشارة مرور من الاحراج

تركت عليان يقهوي ابوي وخالتي
ورحت لريم ولقيتها نايمه استحيت وطلعت
بس قبل لا اطلع نادتني الريم
: عليا انا صاحيه بس مافيني اتحرك ممغوصه
طيب خليس مرتاحه بجيب لس حليب بالقرفه
اشربيه ونامي
ريم : مشكوره ما تقصرين
نزلت للمطبخ وشرشفي علي
خفت ياسر ماخذ راحته بالبيت
بسرعه سويت الحليب وطلعته للريم
ورجعت تحت لقيت عليان وياسر بالمطبخ يحوسوون
ناديت عليان بعد ما دقيت الباب
طلع لي عند باب المطبخ وبهمس قلت له
: ممكن تطلع انت واياه انا وسوليسترا نحط الفطور
عليان بحماس : لا وبنظره لسوليسترا طلعي هذي وجه البومه
وانا وولد الخاله بنفطركم اليوم حتى مواعين
الفطور ياسر متبرع يغسلها

ياسر بضحكه من القلب : افى انت اللي متبرع لحالك
بس ولا يهمك انا بسولف عليك وانت تغسل المواعين
راحت عليا وسفهته بنص كلامه ودخل عليان للمطبخ

كتم ياسر وعليان قال بيغير الموضوع
ناظر عليان بسوليسترا : اطلعي برى خلاص حنا بنحط الفطور
طلعت برى وهي تتبسم
قال عليان بمزاج رايق
: يا انا علي شاهي ماصار ثقيل ودبس من كثر حلاه
ياسر : تكفى فكنا من شاهيك كبدي وابيها
طلع ابريق اصفر ومساكته سودا وغطاه اسود
هذا الابريق للي يحبون الشاهي ويشربونه بمزاااااج

بس انتبه لا تذوب مساكته ثم تلطع اصابعك تكره حياتك
ضحكو وكملو تجهيز الفطور

رصو صحون الفطور في صينيه خشب كبيره
وسخن عليان السمنه في ركوة قهوه صغيره
وشال الصينيه متجهين لغرفة ام عليان
وافطرو سويه ام ياسر متغطيه بشرشف الصلاه
وتاكل معاهم
حنت كثييير للجمعات الحلوه
ابو عليان نادى بصوت عالي
: يا عليا ياااعليا تعالي
جت عليا ووقفت عند الباب : هلا ابوي
ابو عليان تعالي يا عيني افطري معانا
عليا ردت بإحترام : معليش يا ابوي اليووم صايمه
وطلعت وخلتهم يكملون فطورهم

***********

تفضل يا عمي
ابو فايزه يقلب الظرف بين يديه
: وش هذا يا سند
سند : هذا يا عمي مهر فايزه
وهذا هديه عمتي ومد ظرف ثاني فيه 20 الف ريال
ومد مفتاح سياره وهذا مفتاح ددسن هايلكس
جديد ياعمي هديتك
ابوفايزه ما عرف يعبر : ليه يا ولدي ليه الكلفه
سند : فايزه تستاهل وماهي اقل من بنات الجماعه
ابو فايزه يمسح دموعه : الله يرحم من عقبك يا ولدي
سند : يناسبكم يا عمي نملك بكره دام مافيه حفلة زواج ونروح لبيتنا
ابو فايزه : ايه يا ولدي يناسب

دخلت ام فايزه ومعاها بنت سند الصغيره منال ثلاث سنوات
وسلم عليها سند واخذ منها منال الصغيره

وانشغل بلعب منال وابوفايزه بلغ امها بالموعد
ام فايزه تهدج صوتها : الله يبارك لكم ياولدي ويجمع بينكم على الخير


فايزه لمن عرفت سكتت ما علقت
امها: وش فيس ليه ساكته
فايزه بهدوء غريب : وش تبيني اقول يمه عادي مايفرق اليوم بكره بعد بكره كله واحد
امها : تراه عطا ابوس مهرس 80 الف ريال
فايزه : ماله داعي كلف على نفسه

قامت فايزه بقوم ارتب ملابس العيال وشناطهم
امها : لا خليهم جهزي بس اغراضس انتي العيال بيقعدون معنا اسبوع بعد
فايزه تحاول تتحكم بصوتها : يمه لو سمحتي
عيال فوزه قبلي ان ما راحو معي بكره
لا يمكن ارو ح انا وهذا اخر كلام عندي
اصلا كل هالزواج عشانهم
ام فايزه : طيب طيب ياستر ما تنقربين لا عصبتي
***********

ياااه وحشتوني أد الدنيا
ازيك يا نسرين وازي قدتك وقدك وخالتك الأمر عليا
نسرين بابتسامه : الحمد لله نورتي البيت يا سوسو
والله انتي اللي اشتقنا لس
سعديه : وخالك عليان اتجوز وازاي فرحو كان حلوو؟
نسرين : ايوه تزوج الحمد لله والحين ساكن مع جداني ببيتهم
دخل عليهم عبد الله وسلم على زوجة ابوه سعديه :
ازيك ياعبادي وازي امتحاناتك
عبد الله : الحمد لله بخير
فتحت شنطتها ووزعت هدايا على نسرين وعبد الله وفتحت كيس
وطلعت منه حلاوه ديه عسليه دوقوها وادعولي
ودي بسبوسه كمان من اللي بيحبها ألبك ( قلبك)
وناظرت في بندر :اما انت يا سيدي هديتك لما نبقى
وحدينا
نسرين وعبد الله بإبتسامه
تبادلو نظره وضحكه يحاولون يسيطرون عليها
ماقدرو يسيطرون فكوها ضحك
هههههههههه
نسرين : لا مافيش لوحدينا مثل ما عطيتينا هدايانا
قدام ابوي تعطينه هديته قدامنا
سعديه بخجل وغمزه لنسرين : يا بت ما ينفعش
هو لو ينفع عملتها قدامكو بس دي هديه للمتجوزين
بندر بإبتسامه : بس بلا لقافه يا نسرين
وناظر بسعديه :يالله فوق وريني هديتي

ضحكت سعديه : ههههه حاضر يا حبيبي دلوقتي
شالت شنطتها واتجهت لغرفتها مع زوجها

********

بعد العشا وفي نهاية اليوم ابوي جاني في غرفتي الصغيره
دق الباب ودخل : هلا ابوي آمرني حبيبي
ابو عليان : ابد يا عيني بس جيت اتطمن عليس
ما اعجبني مزاجس اليوم
تبسمت عليا : يا بعد قلبي ما فيني الا العافيه
بس مرهقه يمكن والا المزاج الحمد لله
دام انت وامي بخير فانا بالف نعمه من الله
الله يديمكم لي
قام ابو عليا : طيب يا حبيبتي نامي ورانا بكره جمعه

قبل لا يطلع ابو عليان تجرأت عليا وقالت :
ابوي طلبتك
ابو عليان : عطيتس وانا ابو عليان
عليا : كفو ابو عليان واخذت يد ابوها وحبتها
وقالت بتصميم
ابي اتطلق من ياسر
ابو عليان احتدت نظرته وسكت
: انا عطيتس واحسب الموضوع عندي
بس ذا الموضوع بيد ياسر
قربت عليا وبرجا : يا بوي تكفى ما ابيه
ابو عليان حضنها وعليا انهارت باكيه
: تكفى واللي يرحم والديك
ما اطيقه فكني منه الله يفكك من نار جهنم
ابو عليان : طيب عطيني سبب ليه
عليا : اهم سبب ما وافقت عليه ماهو اختياري
ابو عليان : بس اختياري انا لس
حتى هو حنا اخترناس له وهو مااعترض
سكتت عليا
ابو عليان عموما: هو ما قال شي للحين وان تكلم بقوله عن رغبتس
رفع وجهها له : ها عسى رضيتي علي
عليا بإمتنان لابوها : انا اللي اطلب الرضا يا بوي
وما قصرت
ابوعليان : نامي هالحين وخلي امور بكره لبكره
وطلع وخلاها
تنفست عليا براحه اخيرا علمت ابوي برغبتي
**********

عليان العصر ودا الريم لبيت امها ودخل ينام بعد العشا
وكان تعبان مرهق قراء اذكاره وانسدح بينام
حضن مخدة الريم وشمها بعمق
انفتح الباب واصدر صرير خفيف


و تفاجأ بسوليسترا تدخل عليه

انتفض مثل المصعووق
بس كانت تمتم بشي ماعرف وشهو
وكانت ماسكه شي تنغز فيه دبابيس
ومستمره بالتمتمه


وقف على حيله وقال بسم الله الذي
لا يضر مع اسمه شي في الارض ولا في السماء
اعوذ بكلمات الله التامات من شر ماخلق
قل اعوذ برب الفلق قل اعوذ برب الفلق
وصار يقرا المعوذات بصوت عالي واية الكرسي
وسوليسترا صارت مثل المجنونه تنتفض
تصرخ بصوت عالي
لا لا ااااااااا وحذفت اللي في يدها
وهربت برى الغرفه
طبعا سمعوها الجميع ابو عليان وعليا وخالتهم قمرا
طلع عليان من الغرفه وهو يتنافض
من رهبة الموقف عيون الجميع تتسائل عن اللي صاير

عليان بخوف :ساحره الخدامه ساااحره
داخله علي بتسحرني
شهقه من عليا وتعوذ من ابو عليان
ابو عليان : الخاسيه اللي يكفينا شرها
قمرا : اعوذ بالله اعوذ بالله منها ومن سحرها
الجميع ردد بيقين اية الكرسي حصن حصين من الله
عليان :ادخلن الغرف يالله عليا خالتي واقفلو عليكم الباب
دخلن ونفذن الامر
دخل ابو عليان وعليان غرفه الشغاله
وهم متسلحين بالاذكار
غرفه صغيره بسريرها المعدني ودولابها الخشبي
كانت واقفه سوليسترا بمنظر مخزي
وبعيون تستشيط غضب وبهمهما وبصراخ
تردد كلمات وكأنه تهدد
قرب منها عليان ولطمها
وسحبها بقوه ولا اهتم لها تزبد وترغي

وسحبها لين باب الحوش
تصار تتلوى وابو عليان يردد الايات والاذكار حمايه له ولاهل بيته
وركبوها السياره وسط صراخها وقلة حياها صار تمزق بملابسها وتشد شعرها
واتجهو لمركز الشرطه وقدمو بلاغ فيها ساحره

عليا بعد ما شافتهم طلعو بر ى البيت
فتحت المسجل فيه رقيه بسورة البقره
ولازالت فيها رهبة الموقف
نزلت تحت لامها وخالتها
ضمتها خالتها وصارت تسمي على عليا
اللي ما كانت تتصور ابدا انها في حياتها
بتشوف ساحره وبتمر بموقف مثل كذا

في هالاثناء ياسر
سامع الاصوات طلع من بيته لقي سيارة عليان ماهي فيه
وباب البيت مشرع دخل وهو تفكيره عند امه
خاف تعبت والا صار لخالته شي

دخل وتجه لباب الصاله ودق الباب
:ياولد يا هل البيت
ولا انتظر دخل ودق باب غرفة خالته
طلعت له امه وصكت الباب وراها
ياسر : يمه وشفيه صاير عليكم شي
قمرا: الحمد لله بفضل ربي حمانا
شغالتهم طلعت ساحره
وقالت لياسر كل اللي صار

ياسر وكيف خالتي
قمرا : يا حبيبتي ما درت بشي الحمد لله
وسكت وده يسأل عن عليا حست امه به
:وعليا طيبه صحيح انها مفزوعه بس الحمد لله
هذي هي عند امها

انحرج ياسر حس انه مكشوف عند امه
طيب يمه انا بجلس بالمجلس انتظر عمي وعليان
وطلع

***************

اصبح الصبح وكان عليان وابوه توهم يدخلون البيت

تلقاهم ياسر
ها عسى افتكيتو منها
عليان مافيه يتكلم للحين عظامه تتنافض
سجد سجود شكر على ارض الحوش البارده
: الحمد لله الحمد لله

ابو عليان : بنت الحرام ذبحت نفسها بغرفة الحجز
ياسر انصعق : انتحرت
هز ابو عليان راسه بتعب
ياسر : موتت الكلب الاجرب الحمد لله اللي حفظكم
طلع ابو عليان بيلحق ينام قبل صلاة الجمعه
وعليان مافيه يتكلم اشر لياسر بالسلام ودخل عند امه
فرش تحت سريرها ونام
وقمرا وعليا ولا كلمنه طلعت عليا لغرفتها ووخالتها معها
انسدحت عليا وبجنبها خالتها
جافاها النوم ماهي قادره
وقمرا حاسه فيها
:عليا
: هلا خالتي
قمرا: انا عندي كلام كثيير بس بختصر لس يا بنتي
ياسر وانتي تكفين . . . .
بدت تتغير ملامح عليا اعتراض
قمرا كملت : تكفين لا ترديني يا بنتي تكفين
انا عارفه انس عايفته ويمكن تكرهينه
بس يا بنتي انتي تكرهين ياسر اللي زمان
تكرهين اللي كان يضربس وينكافس
عليا امتلت عيونها دموع
: يا خالتي ماهو اختياري ماهو بموافقتي
وانتي المفروض اول وحده ترفضين هذا الارتباط
انتي جربتي الغصب وجربتي نتيجته
قمرا سكتت ثواني
: انا يا بنتي رافضه فكرة زواجي كلها
ما كان اعتراضي على ابو ساري
انا اعتراضي على الزواج نفسه
اما انتي ا ن شا الله بتتزوجين
واعتراضس على ياسر زمان
والله انه تغير ماهو ياسر الاول
حتى انتي يا عليا تغيرتي تقدرين تنكرين؟
سكتت عليا وما يجاوب عنها الا دموعها
قمرا: عليا حبيبتي عطي نفسس فرصه
وعطي ولدي فرصه
تخيليه واحد غريب وتوه متقدم
وانتي بتفكرين وتستخيرين
اوعديني يا قلبي
عليا : طيب ياخالتي هو كلمس وطلبس تكلميني

قمرا تفاجأت من سؤال عليا : بصراحه لا
عليا : طيب يمكن بعد هو مايبيني ليه تجبرونا على بعض
صدقيني ياخالتي الكره شعور متبادل بيننا
قمرا :حنا وش اتفقنا يا عليا انتي بتعطين نفسس فرصه
وتعيدين التفكير في الموضوع
وانا بكلم ياسر وهو ما يرد لي طلب
عليا بصرخه خفيفه : لاااا لا تكفين ياخالتي
حلفتس بالله ما تنبهينه ولا تسالينه
وانا اوعدس اني افكر واستخير
تبسمت قمرا : طيب ابشري حبيبتي
ما بكلمه وما تدرين يمكن هو يجي يكلمني قريب
والحين خلينا ننام
عليا : المهم انتي ما تكلمينه ابد


*********




وقعت فايزه على عقد النكاح
وانهارت تبكي
حاولت امها تهديها : بالمبارك والله يجمع بينكم على خير ويرزقكم الذريه الصالحه
ويجزاس خير الجزا يوم كفلتي عيال اختس الله يرحمها
ركظت فايزه لغرفتها
من اعلنت عن موافقتها وهي تحاول تكون متماسكه
ضغطت كثيير على اعصابها والان وقت الانهيار


شهقات متواصله مرااره جفاف
حاسه انها مو قادره تسحب انفاسها
دخلو عليها عيال اختها الثلاثه
لابسين ومترتبين ولدين وبنت منال وماجد وفراس
عشر سنوات و8سنوات
ماجد يضخم صوته : خالتي ابوي يقول اذا جاهزه اطلعي
فراس نظراته وتعابيره نظرات التايه محتار : خالتي انتي بتجين معنا للبيت
فايزه حاولت تكون طبيعيه
مسحت دموعها ومسحت على راسه
: أي ياحبيبي بكون معاكم في البيت
ابتسم بتردد : ابوي يقول انكم تزوجتم
فايزه بغصه ك أي يا حبيبي
لبست عباتها واخذت شنطة يدها وطلعت مع اولاد اختها

وسلمت على امها وابوها
اخذها ابوها من يدها ووصلها لعند
سند الواقف في حوش البيت
نزلت راسها فايزه كارهه نفسها وكارهه سند
وكارهه موقفها هالحين
غرقت دموعها غطا وجهها
ابو فايزه برجا لسند : فايزه امانه بين ايدينك عطيتك الغاليه
حطها بين عيونك
سند موقفه بعد صعب اجبر نفسه على هالزواجه
يبي عياله معاه ويبي زوجه ما تضر عياله
ومافي افضل من خالتهم
بجمود : بنتك يا عمي على راسي وفي الحفظ والصون

ماجد شايل منال وفارس واقفين ويتابعون الحوار بين جدهم وابوهم
اخذ سند منال من ماجد : يالله يا عمي اسمح لنا بنروح لبيتنا
ابو فايزه لازال ماسك يد فايزه : حا فظكم ربي
ومشى معاها لين وصلها لباب السياره
جت بتركب في الخلف بس ابوها فتح لها الباب الاول
بجنب سند
ركبت مع عيال اختها وزوج اختها
منال تفلتت من حضن ابوها تبي حضن خالتها فايزه
مسكها سند وفايزه تلقفتها وتلامست ايدينهم بعفويه

واخذت منال وكشت ولصقت في باب السياره
وسند حرك السياره متوجهين لبيتهم
************
قراءه ممتعه لكم وردود حلوه

السلام عليكم ورحمة الله وبركاته
صبحكم الله بالخيرات والبركات
وجعل الله عامنا هذا عام نصره للاسلام والمسلمين
اللهم عليك بأعدائك اعداء الدين فإنهم لا يعجزونك
اللهم احصهم عددا واقتلهم بددا ولا تغادر منهم احد
اللهم انهم لا يعجزونك فأرنا فيهم عجائب قدرتك
انت الناصر فلا ناصر لهم سواك
اللهم انصر اهلنا في سوريا وفلسطين والعراق
وفي جميع بلاد المسلمين
اللهم انصرهم نصرا مؤزرا
.
.
.
.
.
لا تلهيكم سطوري عن الصلاه



7
فيلا صغيره
من دور ارضي وحديقه صغيره
مبنيه من حجر الرياض
وقف سند امام الفيلا ونزل من السياره ونزل الشنط


سند

"فتحت الباب ودخلت والعيال وراي
وفايزه تتبعنا وهي شايله منال
قلت لها تفضلي البيت بيتس
دخلت بهدووء
قلت : بطلع اجيب الشنط من الحوش
وطلعت واخذت وقتي كله ابيها ما تتضايق من وجودي
دخلت البيت ومعي شنط الاولاد
نزلتها بغرفتهم

طلعت للصاله لقيتها واقفه ولازالت شايله منوله وبعباتها وغطاها
قلت لها :خذي راحتس

بصوت مخنوق ردت علي: شكرا
وتوجهت مع العيال لغرفتهم
وانا طلعت بر البيت
طلعت رحت للدكان باول الحاره
اخذت خبز وبعض الاغراض
ورجعت للبيت بس رجلي ما طاوعتني انزل قعدت بالسياره

*******
بيت اختي كل شي فيه جديد ومتغير مأثث البيت اثاث جديد
بس احس ان ريحتها فيه روحها موجوده لمساتها انفاسها حتى تهيأ لي اني اسمع صوتها
تعوذت من الشيطان و

نزلت عباتي وخليت طرحتي علي
تحجبت زين حتى منابت الشعر ما بانت
كنت لابسه تنوره سودا واسعه وقميص اسود واسع باكمام طويله
جلست مع عيال فوزه الله يرحمها في غرفتهم الصغيره
دولاب كبير مع سريرين خشب
غرفتهم جديده باكياسها المراتب فتحت الدولاب لقيت اللحف الجديده بديت احضر سراير الصغار
وماجد يساعدني
و منوله فراس يلعبها
بدت تبكي وتصيح منول : ننااا ننااا
جوعانه تبي رضاعتها
شلتها واخذت شنطتها اللي فيها الحليب
ناديت ماجد: تعال حبيبي امسك اختك خليني اسوي لها رضاعه

توجهت للمطبخ ونفسي ضاق مطبخ فوزه هو هو ما تغير
بدواليبه الخشبيه وارضيته البيضا : الله يرحمس يا فوزه
سويت الرضاعه لمنول واخذتها من ماجد ورجعنا لغرفة اخوانها
جاني فراس وضمني بقوه وبنظرة برائه وطفوله : انا احبس يا خالتي اكثر شي
دمعت عيني من مشاعره الصادقه
الاطفال لا يمكن يجامل او يزيف مشاعره
: وانا بعد احبك يا حبيبي
و يله يا بطل غير بيجاما و تعال تنام
:ماجد يا قلبي قبل لا تنام غيرر ملابسك
شفها طلعتها لك من الشنطه

ماجد : طيب وهو نايم اصلا
بعد مانامو العيال كلن بسريره احترت وين انام انا ومنوله
فرشت بالارض لحاف خفيف ونومت منوله ودفيتها زين بدى الجو يبرد
وغيرت ملابسي بقميص واسع
طلعت شرشف صلاتي وتلحفت فيه ونمت


********


مضى الوقت وانا قاعد بالسياره
دخلت الصاله وهدووء شديد في البيت
شكلها نامت هي والعيال
طفيت الانوار وجلست في الصاله
مافيني ادخل غرفتي
تمددت على الجلسه الارضيه

قمت افكر بفايزه وحالنا سويه
انا اكيد انها مو من خاطرها وافقت عالزواج مني
مثل ما أنا مو من خاطري هالزواج
بس عيالي هم اهم شي اشتقت لوجودهم حولي
ذاتا منوله شبيهة امها
غطيت عيوني بذراعي ونمت حول ساعتين
ووعيت على بكا منول في غرفة العيال

قمت ودقيت الباب وفتحت الباب
تفاجأت فيني فايزه
مسكينه بسرعه اخذت شرشفها ولفت فيها شعرها
اخذت منول ومن دون ما اناظر فايزه
:منول منولل ها بابا ليه ليه تبكين
منوله بابا
منوله زاد بكاها وما تجاوبت معي

قالت فايزه : دقيقه بسوي لها رضاعه الحين
وطلعت رايحه للمطبخ

لحقتها للصاله وانا شايل منال حتى ما تصحي اخوانها

استمرت منول بالبكا وما مسكت الرضاعه ابد
تصيح بشكل متواصل
قالت فايزه :يمكن مسخنه او اذنها تعورها
قلت :يمكن
ولمست جبينها ما كان عليها حراره

غابت فايزه دقايق في غرفة العيال
ورجعت جايبه خافض ومسكن للحراره

:ممكن تمسكها لي بعطيها هالعلاج يمكن ترتاح
حضنت منول في حجري وانا جالس وجلست فايزه مقابلي
وصبت كميه من العلاج في ملعقه صغيره وشربتها منول
واخذتها مني وشالتها
قالت وهي متوجهه للغرفه : هالحين ان شالله بتسكت وتنام
دخلت وراها الغرفه
قمت اناظرها وهي تهد هد منوله وبنتي تصيح عيونها حمر وشفايفها ورمت من البكا
وفايزه تطبطب عليها بحنيه : بس ماما بس حبيبتي
شفت فراش فايزه بين سرير ماجد وفراس
سألتها :ليه نمتي هنا؟
وكملت : فيه غرفه لمنال تعالي شوفيها
وما انتظرتها طلعت برى الغرفه
وتوجهت لغرفة منال
فتحت الانوار والتفت لقيتها واقفه وراي
: تفضلي هذي غرفة منال
كانت غرفه صغيره مأثثه لشخص كبير سرير ودولاب وتسريحه
باللون الابيض والموكيت باللون العشبي المنقط باللون البني
قلت : المفرش واللحاف بالدولاب
و أي شي تحتاجونه انتي والعيال قولي لي وانا اجيبه
وان شاءلله كلها كم يوم والشغاله بتكون فيه
ناظرت منال بين ايدينها نايمه
تبسمت بتعب : حبيبة ابوها نامت
يالله اخليكم ترتاحون وطلعت وتركتهم وتوجهت لغرفتي

********
بس طلع من الغرفه نزلت للارض ومنول بحضني
جلست ابكي واصيح
يالله تصبرني يالله تصبرني
والله من اصعب اللحظات علي
مدني بالقوه ياربي
اول ليله وكذا صعوبتها
******
رحت لبيت انسباي ولقيت عمي ابو حمد وحمد
وعلمتهم بسالفة الشغاله واللي صار معنا
تفاعلو معي وتحمدو لي بالسلامه
حمد : الحمدلله اللي الريم كانت هنا والا سوت لك فيلم هندي
اصبر بالله خليني انا اعلمها
دخلت عليهم الريم كاشخه اخر شي
لابسه فستان بني ناعم وفاكه شعرها ومنزله غرتها بطريقه حلوه
وداعجه العيون كحل عربي والروج احمر
عليان شتت نظراته مايبي يناظرها حاس ان حمد يراقبهم
و استحى من عمه
تقدمت الريم لين وصلت عند عليان وقام لها صافحته خجلانه من ابوها واخوها عيونها على كل شي الا عليان
وحمد الخبيث يراقبها

جلست بين ابوها وعليان
قال حمد وابتسامه تشفي بالريم
: قولي لعليان الحمد لله على السلامه
رفعت الريم نظراتها خايفه على عليان
وبلهفه وخوف : وش فيك !!!!
ناظرت بحمد وسألت :وشفيه ؟
انحرج عليان وحمرت خدوده وبدى يتصبب عرق
حمد واصل كلامه : ربي نجاه خدامتهم دخلت عليه الغرفه بتسحره
شهقت الريم بخوف على عليان : وش
صدق عليان ؟؟
صار عليك شي ؟؟
قربت منه من دون وعي
وهي تتحسس كتوفه وصدره
عليان محرج وده يحضنها يطمنها بس خجلان
: الحمد لله الريم ترا ما صار شي الحمد لله ربي حفظنا
صارت الريم تبكي من كل قلبها خايفه عليه
يكون تضرر او تأثر
:بسم الله عليك بسم الله عليك
حمد يتفرج وما قدر يسكت
وبضحكه : هههههه اقول خذ مرتك للبيت يالله وتوكلو على الله
ابو حمد : هههه بس يا حمد الله يقطع شرك ما تجوز من سوالفك

الريم تفشلت من ابوها واخوها طلعت وهي حمرا من خجلها
قبل لا تطلع عليان يعدل صوته : انتظرس بالسياره
ورااح عند حمد وقال : ياخي احرجتنا
راعي اننا تونا معاريس
حمد فكها ضحك : هههههههه الله يهنيكم يا خوي

طلعت برى للسياره وبعدها لحقتني الريم واول ما دخلت السياره
اخذت يدها وبستها بقووه : والله اني طيب يا قلبي لا تخافين
شفتي فضل الاذكار
الريم بصوت باكي : الحمد لله على سلامك يا قلبي
شبكت ايدها بايدي و قلت لها : شرايس نطلع نقعد في مكان لحالنا
قالت : طيب حبيبي
:خلاص ناخذ عصير وسندويشات ونروح للبر
قالت : طيب
واخذنا عصير وسندويشات ورحنا للبر فرشنا فرشتنا الصغيره وجلسنا تحت ضو القمر
وتكلمنا وحكينا عن كل شي وفي كل شي
كل يوم يزيد اعجابي بالريم الله لا يغير علينا
****************





جالس مع امي
:يمه اسمحي لي بكره ماشي على جده انا الحين
تارك وراي الشغل ومارضو يعطوني اجازه
اضبط اموري وارجع لس يمه
دمعت عينها وحاولت تداريها
: لا تبطي علي انا ما اطيق بعدك ذاتا بعد مارجعت لي
مسحت دموعها وحضنتها بذراعي : يمه شرايس تجين معي
قمرا : لا رح انت الله يسهلك وش يوديني عن الحجز
ضحك ياسر : ايش بهم الحجز ياأمي
قمرا :بسلامتهم بس ما اعرف لكلامهم
ياسر : احلى كلام والله بس تتعودين عليه
يالله تعالي معي بتنبسطين عليهم
قمرا: لا يا حبيبي خلني هنيا عند اختي وعيالها
وانت ارجع بسرعه مو تروح وتقول عدو لي

تبسمت اطمنها :لا تخافين يا غاليه بإذن الله راجع
قمرا : ومتى بتمشي ان شالله
ياسر : بكره الفجر ان شالله
الليله بودع عمي ابو عليان والعيال
بيجتمعون عند عمي بمجلسه
وقام : اصلاً يمديهم هناك الحين
يالله اجيس الصبح ان شالله اسلم عليس
وتنحنح وطلع


********

جالسين في مجلس ابو عليان
ينتظرون ابو عليان والشباب عليان وياسر
جالسين تحت الشباك وفاتحينه حتى تدخل نسايم الليل البارده
قال بندر لبدر : اقولك ما تدري اذا ياسر بيطلق عليا
بدر بضيق : وانت للحين هالفكره معشعشه بعقلك
يا خي استح الحرمه بذمة رجال وهالرجال ولد عمك
بندر :ياخي ابيها من شفتها وهي في بالي
بدر متقزز من تفكير بندر: اخص عليك
والله يا بندر ان ماشلت هالفكره من راسك
وتعوذت من الشيطان ما تلوم الا نفسك
بندر فقد اعصابه وبدى ينسى هو وين وصوته يعلى
: احبها يا خي افهم
احب عليا ومن تتطلق من ياسر باخذها
عليا لي وانا لها
بدر : ياخي انت اللي افهم
اللي قاعد تسويه ما يجوووز مايجوز
و اسكت لاحد يسمع اسكت خسك الله
وخاف الله انت في بيت ابوها
وقمت ابطلع خنقني بندر بتفكيره
وبرى المجلس لقيت يا سر برى واقف
قلت بإرتباك كأني انا المذنب : هلا ياسر حياك اقلط
تبسم وقال الله يحيك
ناظرت وجهه اشوف فيه لو سمع شي من الكلام الخطير
الي قاله بندر
بس ما شفت عليه أي تعبير ممكن يقول انه سمع
ودخلنا عند بندر اللي رحب ببرود بياسر
ودارت سوالف عاديه عاااديه جدا
لين حضر عمي وبعده عليان واجتمعو العيال
عادل وعبد الله
لعبنا بلوت وتعشينا من يدين ام عادل
وعلى الساعه 11 بلغنا انه مسافر بكره راجع لجده
واعتذر منا لانه لازم يروح ينام بدري

سلمنا عليه ما ندري نقابله والا بيمشي قبل الصلاه
وانتهت هالليله بعد ما حاسني بندر بكلامه
وخوفي من ياسر سمعه
***********
من سنين وعليا ما تشكل لي ولا شي
مجرد بنت ملقوفه مزعجه تدبست بزواجها وحنا صغار
اكثر ذكرياتي معها ظرب وسب
مدري ليه ماكنت احبها
الاكيد اني نسيتها تماما بمجرد ما طلعت زعلان من الديره
رجوعي هنا كان بسبب انهاء وضع امي المهين لها
جيت بس ابي ارجع امي وارجع اكون ولدها البار
ما فكرت للحظه بعليا واني مطالب
بإتمام زواجنا لاني ناسيها ناسي انها زوجتي
عمي ابو عليان ما جاب لي نهائيا أي سيره عن هذا الموضوع
وامي كانت تلمح بس لها كم يوم سكتت تماما
بكل صراحه انصدمت من عليا اول مره شفتها
تغيرت كثير وتبسمت تغيرت واحلوت
بس لازالت هي عليا ام لسان سليط
والظاهر لولا العيب كانت بعد يدها طويله بالظرب
ضحكت تذكرت يوم تخبطني بشنطتها وحنا بالمصعد
ههههههه ما في فايده عليا هي عليا
بس والله ما تفرح فيها يا بندر
عليا زوجتي وانا ما اتنازل بسهوله
***********
ازيك يا بت يا عليا وازاي الست الحجه
عليا بفرحه لشوفة سعديه : اهلا اهلا يا بت يا سعديه
دا انتي نورتي الحته
سعديه بضحكه : هههههه منوره بيكي يا ألبي (قلبي )

ومدت لعليا صحن دائري مغطى بتغليف ورق مشرب بالدهن ومربوط بفيونكه بلاستيكه : تفضلي بسبوسه مصريه من اللي بيحبها ألبك
عليا : اللــه
تسلم يدس وكثر الله خيرس

دخلت الريم وهي تتسائل من هذي بنظراتها
عليا : تعالي الريم شوفي اطيب قلب
سعديه زوجة بندر ولد عمي وسلفة منيره
قامت سعديه وضمت الريم : اهلا اهلا بعروستنا الكتكوته
ماشاء الله ماشاء الله ايه القمال ده كلوه
كاان منظر يضحك الريم نحيفه قصيره او مربوعة الطول
بعكس سعديه اللي كانت طويله جدا وعريضه لكن مو سمينه
متناسقه سبحان الله
جميله جدا بشره بيضا وعيون عسليه جدا وشعر اشقر غامق اجعد لكنها تتفنن في استشواره ولفه بطريقه انيقه
دائما انيقه ببساطه
كانت لابسه تنوره جينز سودا مع قميص ابيض حرير مزينته بوشاح حرير ملون بالوان الطيف وتلبس معاه حلق ذهب صغير بفص لولي
حبتها الريم جدا الجلسه مع سعديه ممتعه
قالت لها الريم
: سعديه ممكن اعرف كيف تزوجتي ابو عبد الله
ضحكت سعديه بانبساط : ههههه اتقوزته زي ماكل الناس بتتقوز


منيره بضحكه وهي داخله عليهم بصينية القهوه وصحون البسبوسه المصريه : هههههه قولي يختي لازم هالمقدمات
سعديه : امال ايه دي حكايتنا حكايه ياستي
هي الحكايه ابتدت من تقريبا خمس سنين
اصل انا كنت بشتغل ممرضه في المستشفى
وفي يوم كنت هلكانه من التعب وكان نهاية الدوام
كنت في قسم الطوارئ انتظر الوقت يمشي
دخل علينا واحد طويل واهبل
وهوو بيجري وشايل ابنه في ايده
كان ابنه بينزف دم كتيير اوي
قلت لو : هاتو هنا وانا بأشر على السرير
ايه مالو وباشرت اسعافه وقفت النزف
وانا بشتغل ابنه كان بيسرخ
شخط لي وقال : بشويش عالواد
ضحكت الريم وعليا ونسرين
ومنيره قالت ايييوه اكييد حبيتيه من شخطته
ضحكت سعديه :حبك برص احب فيه ايه حد يحب حد بيشخظ فيه
لسه ما حبيتهوش وقتيها
وكملت حكايتها :رفعت ايدي وقلت له لو سمحت سيبني اعمل شغلي ابنك طبيعي حيسرخ ويتألم
ورجعت اكمل خياطة الجرح
عبادي سررخ قاامد وابووه سي بندر ما تحملش قام ومسك ايدي
عاوز يمنعني
اديته نظره : ايه اللي عملتو ده
ازاي تمسك ايدي
هو يا عيني ماكانش واخذ بالو من اللي عملو
سحب ايدو وقال لي : ما تعوريش الواد
قمت رديت عليه : ما تجي تكمل احسن يا حضرة ممكن تسيبني اعمل شغلي
كملت خياطة الجرح والواد يا عيني بيعيط
وابوه ماقدرش يستحمل وقال ما ابي حرمه تعالج ولدي ابي دكتور وكانت تقلد صوت بندر ولهجته
فكن البنيات ضحك عليها
خلصت شغلي وضمدت الجرح وهو لسه بيدور على دكتور راجل يكمل شغلي بس اييييه ربي خد حقي منو
دخل علينا الطبيب را جيف الهندي
وتكلمت معاه وهو طمن سي بندر اني احسن ممرضه وان خياطة الجرح ممتازه
انتهى شغلي وخرجت مع اخويا ونسيته تماما
بعد يومين رجع مراجعه مع ابنو عبادي ولما شافنيي تبسم واعتذر
وقتها اخويا كان موجود ولما شافو جه جنبي وسألني فيه ايه يا سعديه
قلت له الموضوع وتعرف عليه بندر و تصاحبو وبعديها بفتره طلب بندر ايدي من اخويا وانا كنت رافضه خالص ما تخيلتش اني اتجوز سعودي بس تقولي ايه القسمه والنصيب يختي
*************
صليت الفجر وطلعت انا وعمي ابو عليان قلت له يا عم ا ن شا الله لا رجعت ابي اتمم موضوع زواجي انا وعليا
تبسم عمي وقال : يصير خير الحين انت روح وارجع لنا بالسلامه

وانا بكلم البنت وارد لك الخبر
طلعت من عند عمي وسلمت على امي وهمست لها : يمه توسطي لي عند بنت اختس لا رجعت ابي اتزوج

***************

قراءه ممتعه لكم وردود وتقيييم حلو لي

السلام عليكم

لا تلهيكم حروفي عن الصلاه

وتذكير بصيام يوم عاشورا يا أحبه



8






كنت سهران وضايق صدري
تذكرت ان بدر زعلان مني
بس والله ماهو بكيفي انا من شفتها
وانا متغير حتى انا ناقد على نفسي
هذي اختي الصغيره المفروض اني ما افكر فيها
وهي على ذمة ياسر
اعوذ بالله من ابليس اللي زينها بعيني
صورها حصه قدامي
كأنها اختها الله يرحمها
من ذيك الليله وانا اتصيدها ودي بشوفتها
من توفت حصه الله يرحمها وانا اتمنى اتحلم فيها
والا يجيني طيفها او اتخيلها
بس ماش كل مالها وطيوفها تختفي
وملامحها تصير ضبابيه

وشفت عليا بذيك الليله
والله بغى يوقف قلبي احسبنها حصه وانها ما ماتت

مسحت وجهي وتجددت الذكرى الاليمه
تذكرت ليلة الحادث اللي توفت فيه حصه
وتعبت فيه عمتي الله يشفيها
كنا راجعين من العمره اخذت حصه وعمتي
وانتهينا من عمرتنا و اخذنا عشا
ووقفنا بطرف جبل من جبال مكه
بجنب الطريق بين مكه والطايف
وتعشينا وسولفنا كانت جلستنا كلها ضحك
بعد العمره حسيت بصفاء وراحه نفسيه
وحصه بعد كانت تقول
:احس اني خفيفه وان تعب العمره تعب حلو
يا عسى ربي يتقبلها
وعمتي ام عليان مسكينه كانت مرره تعبانه من رجولها
جلست اهمز رجولها وهي مستحيه مني
قلت لها : يا عمه تراني ولدس تستحين من ولدس
جلسنا ساعه بمكاننا
مسترخين ونشرب شاهي اللي سويناه بمعاميلنا
اللي ما تنزل من سيارتي

كنت جالس مقابل حصه وعمتي
هن معطيات الطريق ظهورهن
وانا عيني على سيارتنا
وفجأه قدر الله تنحرف شاحنه كبيره
ويفقد السيطره عليها السواق
بثواني ثواني كنت اصرخ بحصه وعمتي
واسحبهن معي ابيهن يتفادن الشاحنه
اللي بسرعه كبيره تتجه لنا
وبعدها ما اذكر الا اني فقت بالمستشفى
قمت وانا ثاير ابي اشو ف حصه
اخر عهدي فيها يوم اسحبها معي
قعدت انادي انادي
بس محد رد علي
شوي دخل علي واحد بثوب وشماغ وقالي
:اخ بندر
قلت له : نعم انا بند ر
وبرجا حار : تكفى ياخوك صار علي حادث
وزوجتي معي وامها وش صار فيهم
تكفى ابي اشوفهم
سكت وعيونه تتهرب من عيوني تنحنح
وحاول يستجمع نفسه وقال
: وحده من الحريم اللي معك توفت الله يرحمها
والثانيه بالعنايه هالحين تحت رحمة ربي
قلت وانا متشنج وودي اقوم
بس رجولي توني انتبه لها مجبسه
: تكفى منهي اللي بالعنايه
قالي : يا خوي والله مدري
عندك احد اناديه لك
قلت له: ايه لازم ابلغ اخوي
قالي : خلاص عطني رقمه وانا اكلمه
وفعلا صار
وبعدها نمت وانا ادعي ان حصه هي اللي بالعنايه
ياربي لا تفجعني فيها
قمت من النوم على صوت همس عندي
فتحت عيوني وشفت بدر وعمي ابو عليان
بدر متلطم بشماغه وعمي وجهه منصفق
قرب مني عمي ومن شفته همست بصوت مبحوح
:عمي بشرني عن حصه
سكت عمي ودمعن عيونه
واحمر وجهه وبدت شفايفه تهتز
يحاول يتماسك بس ما قدر
نزلي وحضني بقوه وقال وهو يبكي
: الله يرحمها يا بوك الله يرحمها
وتمسكت بعمي ماني مصدق اهز راسي
رافض رافض اني اصدق راحت الحبيبه راحت

رااااااحت حصه

****************
في غرفتي
جالسه اذاكر لماجد وفراس يلاعب منوله
فارشين الكتب بالارض ماجد مركز معي
اشرح له مسألة رياضيات
سمعنا جرس البيت راح ماجد يفتح الباب
وقفت بالصاله اشوف من جاينا وانا شايله منوله
دخلت امي علينا وشايله اكياس واكياس
هدايا والعاب للعيال
استقبلتها وسلمت علي
جلسنا في لصاله
امي تسأل وش اخباركم وانا ارد عليها الحمد لله
امي : أي وبعد وش اخباركم
قلت لها: يمه طيبين لا تفكرين وتحاتين
ناظرتني امي بتأمل كنت لافه شعري الطويل كعكه
وغرتي مثبتتها بمشابك ولابسه قميص طويل
سماوي فاتح بأكمام طويله

قالت بهمس: كيف سند معاس
عقدت جبيني وقلت لها : سند معي ؟؟
شقصدس يمه ؟؟
تكفين يمه خلينا بحالنا
الرجال ما قصر
وانا اكثر من كذا رجاءً لا احد يطلب .
بغيتيني مع عيال فوزه هذاني معاهم وفي بيتهم
وبس بــــــــــــــس يمه
اعرف امي اذا ما عجبها الكلام
وهالحين اكييييد ما عجبها ابد


امي نادت العيال ووزعت عليهم حلويات والعاب
تصدد عني ادري اني زعلتها
وانها تغالب دموعها بس والله هذي مقدرتي ما اقدر اضغط على نفسي اكثر
رحت جبت القهوه وجلست مع امي
بحاول اخذ بخاطر امي وما اطلعها من عندي زعلانه
************


بدا الجد وبدت الفوضى
الشيخ ياسر كلم ابوي يبيني اتزوجه
يبي عروسته اللي انجبر ياخذها وهو صغير
واكيد انه مجبور بياخذني عشان ما يكسر خاطر امه وابوي
بس انا ويني من قراره

ابوي جاني مبسوط مع انه يحاول يدس عني فرحته
بس انا اعرفك يا ابوي من عويناتك
قلت له انا بفكر بس محد يجبرني عليه
وتذكر يابوي اني طلبتك تطلقني منه
بس انت موت السالفه وقتها وانا برجع احييها
يا بوي مااا ابيه ما ابيه


تغيرت ملامح ابوي
عصب بس تعوذ من الشيطان ونزل شماغه وحرك طاقيته لورا وصار يمسد راسه
:شوفي يا عليا لا تتسرعين استخيري
وخذي وقتس هو الحين سافر والله اعلم متى يجي
قلت بقهر وبحده
:قصدك هج هذا وجهي ان رجع مره ثانيه

بيغيب سنين وانتو بتسامحونه مثل اول مره
ابوي ساكت مارد علي عرفت بوجهه الزعل
قام وخلاني
وانا جلست اصيح اول مره ارفع صوتي على ابوي
بس والله مقهوره

التزمت غرفتي باقي اليوم
بس ما اقدر اترك كل شي وانسحب
امي هي الزم ما علي
بعد ما صليت العشا نزلت عند امي
ولقيت عندها ام احمد وخالتي ومنيره
دخلت وبوزي عشره شبر
مالي خلق اتكلم او اسمع أي صوت
يالله سلمت عليهم و حبيت راس امي وتفقدتها
وتفقدت حاجتها
وجلست مثل التمثال عند رجول امي
حاولت منيره تستفرد فيني
: ياساتر ليه هالبوز يختي استحي على وجهس
وجاملي خالتس وام احمد


ما فيني والله اتكلم وارد عليها
غير اني حاسه بغصة قهر وخوف
انا ابي امي ما ابي اتركها
كل هالسنين وهو مختفي وغايب
وكنت بيني وبين نفسي اقول
واسأل لو رجع ياسر وش بتسوين ؟؟
كنت ارد على نفسي بدون تفكير اكيد اني بطلب الطلاق
انا لايمكن اتزوج واحد مثل ياسر
واليوم سألت نفسي وش بتسوين
اختلفت اجابتي لنفسي
ترددت وهذا اول تغييير
انا من كلمتني خالتي وخلتني استخير
وانا تعبانه
انا كارهه ياسر كارهته ما ابيه
بنفس الوقت ابوي يبيه
وخالتي ماودي اكسر فرحتها ورجاها لي
وانا في جزء مني مرتاح او نقول بديت افكر جديا
بإتمام الزواج
بس ارجع واقول لا خليه يولي
امي اولى فيني اصلاً انا رفضي اغلبه
عشان ما ابي اترك امي
وهو الله يرزقه اللي تسعده انا
ما ابيه ما ابييه
*********************

تقابلت انا وسلطان بالليل
انا من العصر ادور على شقه عشان اجهزها
اسكن فيها انا وعليا
جبت عشا من برى وتعشيت انا وسلطان
وسألني : ما شفت ولا شقه تعجبك
رديت عليه : لا بصراحه ابي شي قريب من العمل واللي لقيته كله بعيد
سلطان : طيب جاك رد من عمك
تنهدت : بصراحه ما سألته ولا ابي اسأله
انا سويت هالخطوه لانها متوقعه مني
امي وعمي واكيد هي بعد كانو ينتظرون
مني هالشي وبكذا اكون سويت اللي على
سلطان حط عيونه بعيون ياسر
: طيب افرض انها رفضت وما تبي تكمل
وتمم كلام مضى عليه 18 سنه


قلت بعدم اهتمام مصطنع
: عادي مع السلامه والقلب داعي لها
شف يا سلطان انا متزوج متزوج ان شالله
ان كانت بنت عمي خير على خير

ما حصل بيننا نصيب يامكثر البنات في البيوت

سكت عني سلطان وانا قعدت اقلب كلامي
بيني وبين نفسي
لقيت نفسي رافض فكرة الطلاق نهائيا
مستحيل يا عليا ان شالله إنا لبعض و
ياليت ما تعقدين امورنا

****************************



اسبوع مضى


دخلت للبيت وتراكظو علي الاولاد
ضميتهم بحب يا حلو بيتي فيكم يا عيالي
احييتوه بعد ما ماتت فيه الحياه عقب امكم الله يرحمها

قال ماجد : جدي وجدتي عندنا
تبسمت و قلت : الله يحييهم
دخلت للصاله لقيت عمي وعمتي جالسين
ومنوله بحضن جدها
سلمت عليهم وجلست
بعد السلام والسؤال عن الاحوال سكتنا شوي
عمي نادى فايزه بس ما ردت عليه
رجع ناداها مره ثانيه
طلعت لنا من المطبخ وعيونها حمرا
باين انها باكيه مو بس باكيه الا متنكده من البكا
قالت بصوت مكتوم: نعم يبه
قال ابو فهد : تعالي اجلسي وشوفي زوجس كان يبي شي
قلت و انا اخذ منول لحضني : تعالي اجلسي ما ابي شي
قامت عمتي بتقهويني لكن فايزه اخذت منها الدله وصبت لي فنجال ومدته لي
وضلت لثواني ماده يدها
مدري وش اوصف احساسي
غصب عني عيني تغض بصرها
غصب عني ما اقدر اشوفها
احس انها لازالت اخت زوجتي المحرمه علي
اخذت الفنجال منها بعد ما قالت عمتي : تقهو ابو ماجد
شربته كله مره وحده
حار يلطع حسيته حرق لساني
وغطيته بكفي وقلت : بس


هي جالسه جنب امها وانا جنب عمي
عمي وعمتي حاولو يدخلوني جوهم وسوالفهم
عمتي همست بإذن فايزه شي وقامت فايزه
عمتي وعمي كملو كلامهم ومنوله نايمه بحضني
قمت ووديتها على سريرها

ومريت المطبخ الا فايزه تجهز العشا
قلت لها وبعد ما سمعت نشيجها : وش صاير فايزه في شي
نزلت راسها : لا مافي شي لا تهتم
قلت لها : طيب ليه الدموع امنتس بالله يا اختي لا تبكين
انا قلت لها هالكلام ارتفع صوت نشيجها وصار بكا وغطت وجهها بيدينها
مدري وش صار بس ما قدرت اقعد اكثر واسمعها تبكي
طلعت للصاله وجلست جنب عمي وناديت ماجد
همست له: رح لخاله ساعدها
قالت عمتي : ابو ماجد
قلت لها هلا يا عمه
قالت : عساك مرتاح مع فايزه
تبسمت لعمتي وقلت : الحمد لله
قالت برجا وعين دامعه : الله يعافيك ويخليك لعيالك استحملها
ترا ها المدلـله
قلت : تعلميني يا عمه على يدي وشوف عيني
ولا يهمس من ناحيتي ارقدي وامني فايزه فوق راسي
وما اطلع من جزاها
دخلت علينا ومدت السفره
ونزلت العشا وجلست معانا بس ما مدت يدها
ابد ماسكه لها خبزه وتنتف فيها
اسمع عمتي تقولها : ليه ما تاكلين
ردت بهمس لعمتي : ما ابي
قال عمي : كلي يافايزه احسها بتنفجر
قطعه خبزه صغيره جدا واكلتها وقامت : الحمدلله شبعت
واتجهت لغرفة منوله
ناداها عمي وبحده : فايزه
رجعت وهي تحاول ما تبكي
تقاوم لين قالها عمي : انتي وش فيس هااه
قالبه وجهس علينا وعلى زوجس
ترا ان ما تعدلتي لا تشوفين شين ما شفتيه ابد
قلت بهدوء: عمي انا ما اشتكيت وفايزه ماسوت شي
خلها براحتها اكيد ماهي جوعانه
صاحت منال وهي في غرفتها
قلت لها : روحي شوفيها
ودخلت فايزه وانا احب راس عمي
واقوله : اهدا يا عمي اهدا
ولا تلومها ترا حالتها ووضعها صعب عليها
انا وانارجال صعب علي هالوضع خلوها
لا احد يكلمها وربي بيصلح الحال
قال عمي: انا متفشلن منك يا سند
قلت : لا تفشل ولا شي بالعكس
ارفع راسك ياعم ربيت واحسنت التربيه
والله فايزه تنشرى بالغالي والنفيس
وانا الحظيظ يوم وافقت تاخذني
بس ارجوك ياعمي خلوها وتراني مرتاح وهي بعد

سكت عمي وقال : يا ولد ي دامكم متراضين
ما نقدر نقول شي
وقام وقال يالله يأم فهد
تصبحون على خير
***************
رحت لابوي ابي استسمح منه واعتذر وبنفس الوقت ابلغه عن قراري

حبيت راس ابوي : تكفى يا ابوي سامحني واعذرني

ساكت ابوي مارد علي بس بعيونه عتب علي
قلت وانا ابكي يا ابوي والله ما اتحمل نظرتك
تكفى سامحني
قعدت اشاهم واحس بكاي قطع قلبي
أليم ان يكون ابوك زعلان منك
وحتى عتب ما يعاتبك ولا يشره عليك
قال ابوي بعد ما رحم حالي : انتي ظنس انا ارخصتس يا عليا
ابد والله ياسر انا اضمنه ماهو الرجال اللي يتفوت
بس انتي مالس الا اللي براسس
ناظرني وقال بحزم هالحين تعطيني اخر كلام
قلت بصوت مكتوم عارفه انه بيزيد زعله مني
: سامحني يا بوي ما ابيه ما قدر اوافق


قام وهو عاقد جبينه نفض شماغه ولبسه وقال : يصير خير

قمت عند امي وانا اكتم بكاي عنها
بس ما قدرت انفجرت ورميت نفسي بحضن امي
:يمه يماااااه
حسيت احد يمسح على ظهري
رفعت نفسي لمن شفت خالتي قمرا
: بسم الله عليس يا قلبي وش فيس
بكيت وهي تحضني
حضنتها بقوه وهي تسمي وتقرا علي
: اهدي يا قلبي اهدي يا حبيبتي
كل شي بهالدنيا يهون
وهمست: بس بكا شوفي خوفتي امس
ناظرت على امي وعيونها علي وتبكي
مسحت دموعي بقووه وقلت لامي
وانا احب يدينها يمه تكفين الا دموعسس
تكفييييين انا اتدلع عليس مافيني شي
وحاولت اهدا عشان اريح امي حبيبتي
*************

تو انهيت مكالمتي مع عمي ابو عليان
بلغني فيها برفض عليا
عمي يالله نطقها حسيته متفشل مني
طمنته وقلت انا اصلا متوقع انها بترفض
بس اسمح لي ياعمي انا ابي اسمع رفضها لي بنفسي واسبابها
عمي ما استوعب بسرعه طلبي
: هااه شلون تبي تكلمها بالتلفون يعني ؟!؟!؟
قلت :لا ياعمي انا ان شاء الله خلال اسبوع بحاول اجي
واذا جيت ابيها تقولي اسبابها
انا يا عمي شاري بنت عمي وما افرط فيها ابد
أنبسط عمي من جوابي : على خير يا ولدي والله يصلح الحال
قلت لعمي : ياعمي لا تقول شي لاني مدري عن جيتي هي اكيده او لا
انهيت المكالمه مع عمي
وانا اقول بنفسي اجل رفضتي يا عليا
هين يابنت العم نشوف كلام مين بيمشي

قراءه ممتعه لكم وردود حلوه لي

السلام عليكم يا حبايب
ادري تأخرت عليكم
بس والله مامر علي جزء بصعوبته اتمنى ان يعجبكم
بس اول ابيكم تقرون مشاعر بندر
ترجمت احاسيسه
الرائعه اراده ابدعتي ماشاء الله تبارك الرحمن




ذاك المساء
لم يكن كأي مساء
وتلك الذكرى بقيت تطاردني
هل قُدِّر لي أن أُحرَم رؤية طيفها ولو حلماً
لأراها متجسدة أمامي على هيئة بشر

بحثت عنك طويلاً
في وجوه الخلق مجتمعه
لكنني لم أجدك حينما رحلوا
أطيافك رحلت
قبل أن تودعني
كأنني لم أعشْ يوماً
كما فعلوا

فقدتك فجأةً
عليك وا لهفي
هل ما يقولون حقٌّ
أم أنا وجلُ

لكم تمنيت حلماً
منك يحملني
على جناحيه
كي يحيا بي الأمل

رأيتك لحظةً لم تكوني أنتِ
فكيف خُيل لي أنه أنت
تلك الصغيرة كبرت
رأيتها لمحة دون قصد مني
فتعلق قلبي بها
هل كان ذاك عقاباً
أم أملاً عشت أبحث عنه طويلاً ولم أصل إليه
الأكيد أنها ليست أنت ولن تكون
فكيف سأتخلص من هذا التعلق
رحماك ربي
كيف وصل بي الأمر هكذا!!!!!!!!





9


نفسيتي تعبانه
امي حبيبتي ما تناظر فيني
لها كم يوم ما تبي تناظرني ولا تتقبل حتى مساعدتي لها
من ذاك اليوم اللي دخلت عليها وابوي يتكلم معها
: والله يا وضحى اني تعبت من هالموضوع
بنتس عنيده تبيني اطلقها من ياسر
تشجعت ودخلت عليهم
وحبيت راس ابوي وراس امي
ابوي قام و طلع من الغرفه وماعبرني ولا بكلمه
وامي عرفت من نظرتها عدم رضاها علي
وبقلبي : اه يا يمه لو تدرين ان رفضي كله عشانس
ما ابي اتركس تتلتهين عقبي
اخاف كلن يلهى بحياته والا يغفلون عنس

جلست جنبها بعطيها غداها رفضت تفتح فمها
بكيت : يمه تكفين لا تكونين بعد ضدي
وانهرت اصيح وحضنت امي بقوه ابيها تحس فيني
دخلت الريم : يووه ووش فيس عليا
رفعت نفسي عن امي
وقلت للريم: تكفين غدي امي انا تعبانه
" ما قلت لها ان امي رافضه تاكل من يدي
ولا ان امي ما تناظرني
وهربت برى الغرفه ابكي من زعل امي علي

********

يمه انا ا ن شاء الله جايكم بعد اسبوع
وبقعد بس 3 ايام وابي تجهزون لعليا
قمرا بذهول : بس البنت رفضتك وشلون تبينا نجهزها
ياسر : يمه خليها ترفض من هنا لمية سنه قدام
انا طلاق ماني مطلق
جت معي بالرضا الله يحيها والا الغصب يمدحونه
قمرا بإستهجان : لا يمه الامور ما تصير غصيبه
ياسر يقطع كلام امه : يمه لا تخافين ماهو غصب
بس انتي عارفه عليا كل شي تسويه عناد معي
قمرا بدعوه صادقه : الله يصلح حالكم
انا اخاف بس تزعل عمك ابو عليان

ياسر : من ناحية عمي ابو عليان
تطمني هو معي
قمرا : اجل الله يوفقكم

يالله حبيبي مع السلامه اذن العشا بقوم اصلي
ياسر : لحظه يمه
قمرا : هلا ياسر
ياسر :انتي بعد يمه جهزي حالس بتجين معي لجده
تكدر خاطر قمرا وقالت بكدر : أي يصير خير
********

عليان جالس مع عليا
:سمعت انتس طالبه الطلاق
تدرين عاد يا عليا اني عتبان عليس وبالحيل بعد
قالت عليا وهي عارفه وش بيقول
: ليه يا عليان عتبان علي
عليان : رفضتي تتممين الموضوع
ولا حتى سألتيني او شاورتيني
عليا: تكفى عليان اللي فيني مكفيني
كافيني اللي فيني
محد حاس فيني من حقي ارفضه ومن حقي اعافه هو عافني 18سنه
عليان : هدي وانا اخوس صح كلامس من
حقس ترفضينه لو منتم مملكين
لس حق ترفضين لو ماكل الناس
عارفه انكم متزوجين وهم الان متوقعين
نعزمهم على زواجكم مو نعلن عن طلاقكم
الحين اسمحي لي بهذي الكلمه
اكيد بيقولون عافها ولد عمها اكيد ان فيها بلا

عليا دمعت عيونها بقهر : ماعلي من احد ابدا سمعتو
وطلعت من المقلط اللي جمعها بعليان

***********

صباح مدرسي بارد تتخله غيوم داكنه
تبشر بأمطار الخير
رياح خفيفه تحمل معها ريحة الحيا
فايزه صاحيه من صلاة الفجر
واشرفت على تجهيز الفطور لسند والصغار ماجد وفارس
اما منوله الصغيره فكانت نايمه
مشطت لماجد شعره : ها حبيبي يالله نراجع النشيد
ماجد : خالتي اخاف اني اغلط
فايزه :لا ياحبيبي يالله انت امس حفظتها تمام
بدا ماجد يسمع
باسته على راسه : ماشا الله عليك هذاك حافظ
فارس جالس معاهم بس نايم على الكرسي
طلع سند من غرفته لابس ومستعد للدوام
:صباح الخير
ردت بهمس وماجد راح وحضن ابوه
وجلس يفطر بصمت
قالت بخجل بعد محاولات : احم اقول ابو ماجد
ممكن توديني للمدرسه
سند من دون ما يرفع نظره : ابشري
اذا جاهزه مشينا
باغتها بعدها مباشره : افطرتي ؟
هزت راسها بلا
قال وهو يناظرها : ها افطرتي
قالت : لا شربت بس شاهي
قال سند : لا تعالي على الاقل شابوره
قالت فايزه وهي تغطي فمها : لا مشكور
ما اقدر احط أي اكل بفمي الصباح
تقلب معدتي علي طول اليوم
وراحت تلبس عبايتها وتوصي الخادمه
اللي لها كم يوم واصله

********

في غرفة المعلمات
امنه وفايزه وعليا
بعتب من امنه : ليه يا خبله رفضتي
على ماسمعت عنه انه فيه خير وانه بوظيفه زينه
عليا بزهق من الموضوع : ومع هالشي ما ابيه


فايزه عارفه ليش رافضه عليا : لا تتعبين نفسس امنه
هي ماتبي تتزوج ياسر ولا غيره
هي تبي تجلس عند امها
امنه : صدق عليا؟!؟!
امتس في من يراعيها ابوتس اول
واحد بيراعيها واختس منيره وعليان وزوجته
اجل مسويه امتس حجه بلا دلع
بس والله لااقول لمنيره واشيشها عليس
راح عمرتس ألحقي عليه ياغبيه وجيبي لتس عيال
لا تسوين سوات ابلا مزنه
شوفيها لا ولد ولاتلد والرجال هج يدور العيال







كثر اللوم علي وكثر العتاب من الكل وانا زهقت من هالسالفه



ابو عليان في نقاش مع عليا
:تقدرين تعيبين ياسر في دينه او خلقه
هزت راسها عليا بصمت بلا
قال :اجل ما لتس حجه ترفضينه
انا ادرى بمصلحتس






منيره بعد حوار مطول مع امنه بالتلفون

توجهت لعليا في بيت اهلها

وبدت معاها بهجوم
:قسم بالله انس مدلعه شوفي ان تطلقتي منه
مالس عن بندر
شهقت عليا من كل قلبها :وع وع الله لا يقوله
ردت منيره بكره لبندر : شوفيه مثل الكلب يتصيدس
وانتي عارفه عقليات ربعنا ماللمطلقه جلسه
الا يزوجونها وشفتي مأساة خالتي قمرا مع ابو ساري
تنهدت عليا " طفشت طفشت من هالسيره والله ملييييت
منيره سكتت عارفه الحين لايمكن تسمع منها طلعت وخلتها
***********

ليل الخميس
وصل ياسر في وقت متأخر من بعد صلاة العشا
راح لبيته نزل اغراضه طلع مع باب بيتهم بيتوجه
لبيت عمه وشاف منظر فجر الدم براسه



قبلها بدقايق
ام احمد كانت سهرانه مع قمرا عند ام عليان
وخلاص بتروح لبيتها وهي طالعه مع باب الصاله ظربت
رجلها بالباب وتعورت جدا
لدرجة اصبعها انجرح وانكشط الجلد
ركظت لها عليا
:بسم الله عليس يا خاله ونزلت تشوف الجرح
جلست ام احمد المسكينه و بعدها ضمدت لها اصبعها
قالت قمرا: خليس هنا يا ام احمد
شوفي منتي قادره تمشين
قالت ام احمد وهي تتألم
:لا يا وخيتي بروح بيتي ما اقدر اخاف يرجع احمد ويفقدني
قالت قمرا لعليا: امرنا لله خلاص وصليها ياعليا

لبست عليا عبايتها وطرحتها وبطرف الطرحه الخفيف
غطت وجهها
بما انه ليل وماحد بين البيتين المتلاصقين
وصلت ام احمد وفتحت لها البيت
البسيط اللي هو عباره عن حوش اسمنتي
داير مايدور احواض زرع وعلب وتنك مزروع
ووبيت بسيط عباره عن اربع غرف
بمدخل كبير باب ألمونيوم فضي بطرف زجاجي
يفتح على الصاله

دخلتها لغرفتها وجابت لها مويه
وتطمنت عليها
:تبين شي يا خاله
ام احمد : الله يرضى عليس ويوفقس يا بنيتي
تبسمت عليا على الدعوه الحلوه وطلعت




كان احمد توه واصل وسكران طينه
يوم دخل مع الباب وشاف عليا وبلسان ثقيل
:اووووه وين وين ياحلو

كانت عليا للآن ماغطت وجهها بما انها في حوش ام احمد
تفاجأت فيه انرعبت من طلعته فجأه بوجهها

كان مرره قريب
غطت وجهها بطرف العباه وقالت بصوت يرجف : وخر
قال وهو مبتسم ويهز راسه : وإن ما وخرت وش بتسوين

ما توقعت رده ابدا وعرفت انه اكيد ماهو بوعيه

فاجأها مسك يدها وجرها له
هي شهقت ودفته بقوه : يا حيوان
بدى يفقد احمد اعصابه : من الحيوان
وعطاها كف فاجأها فيه صرخت عليا
بسرعه فكرت تهرب منه ما تضمن ردة فعله الجايه

وبسرعه فتحت الباب خطت خطوه برى للشارع
سحبها من يدها بقوه بيرجعها للبيت
وهو متمسك فيها بقوه وحشيه
صرخت فكيني يا كلب فكني
رفعت عينهاوطاحت بعين ياسر
اللي هجم على احمد بقوووه يا خسيس
ياحقير
ووجه له ظربه رمته في الارض وعليا معاه
عليا من خوفها قامت بسرعه

سحبها ياسر بقووه ناحيته

ودفها على البيت انقلعي للبيت يالله
وركز انتباهه لأحمد
بشراسه بدون رحمه مسكه من ياقة ثوبه وسحبه لداخل حوشه
وصك الباب بقوه ورصه على الجدار بعنف
: شلون تحط يدك عليها ياحقير
وعطاه بوقس على فمه ادماه
: كيف تسمح لنفسك تتعدى على محارم جييرانك يا رمه
قال احمد بلسان ثقيل : هي اللي جتني وهي اللي رمت حالها بين ايدي


لكمه بقوه افقده وعيه و تر كه مرمي في حوشهم
تفو عليك يا رمه تفوو على اشكالك
وبهيجان راح لبيت عمه
.
.
.
.
.
.
عليا مسكينه بعد ما وصلت لبيتهم وانهارت
بالصاله ماتقدر تمشي خلاص
وعبايتها مغبره ووجهها وارم من كف احمد

ودموعها تحرق خدودها مسوده من غبار الشارع


شافتها خالتها

:ياويلي وش فيس بسم الله عليس
عليا بدت تبكي بصوت عالي
مرعوبه من اللحظات اللي مرت فيها قبل شوي
ما تخيلت في اسوأ كوابيسها
انها ممكن تتعرض لموقف مثل هذا
وزاد عليها ان ياسر هو اللي انقذها من هالمصيبه

: اااااه ياخالتي. تكفين
ألحقي على ياسر يتضارب مع احمد

قمرا انفجعت وشو ؟؟
يا ويلي ولدي
وطلعت من دون عباه بس طرحتها عليها
الا ياسر في وجهها وضمها بقووه
هي تتلمسه :وش صار وش فيك

تنفس بقوهووجه احمروعروقه نافره
: ابي اعرف هالحين وش اللي موديها لبيت هالسكران
في هالحزه
قالت قمرا :راحت توصل ام احمد
تعورت عندنا وانا قلت لها توصلها

يبي يهدا مو قادر منظرها وهي احمد يجرها لبيته
يزيد بعصبيته وغيضه
اعوذ بالله من الشيطان الرجيم وراح للمغسله وتوضأ عشان يهدا

قمرا راحت تجيب له مويه تبيه يهدا



جا ابو عليان ياسر متى جيت
رد ياسر وهو يتنفس بهدوء يحاول يهدي نفسه

:من شوي ياعم ي واقبل على عمه وحب راسه
نزل عليان وشافهم وتوجهو للمقلط

قمرا دخلت داخل وطمنت عليا
وانتبهت لخد عليا الوارم
:وش صار يا حبيبتي
علمتها عليا وهي ترجف لازالت تعيش الموقف
قالت لها قمرا اطلعي تروشي
وانا اجيب لس كمادة بارده
عندي خبره بالكفوف ما يبرد حرها الا الثلج





جالسين بالمقلط وابو عليان ملاحظ على ياسر انه متوتر
وعلى باله عشان موضوع عليا
ما درى عن الموقف اللي صار
وياسر سكت ماله داعي يحرق دم عمه
ابو عليان: ياسر انا والله معاك وابيك زوج لبنتي
وقادر على اني اغصبها بس ابي لا بدت حياتكم
ما تبدى بالغصب وكسرة النفس

سكت ياسر شوي وقال :
ولا انا ارضى اني اخذها مغصوبه
انا بس ودي اتكلم معها واعرف اسبابها
يمكن اني اقدر اطمنها او اقنعها


ابو عليان ناظر بعليان وقاله :رح ناد اختك
قلها ابوي يبيتس



*********

:بندر عاوزه اكلمك
بندر منهمك يقرأ الجريده وكاسة الشاي بجنبه
: هممم
سعديه : هممم ايه؟؟
بؤلك(اقولك ) عايزه اكلمك عندي موضوع مهم

بندر رفع راسه وتبسم : قولي يالله وش عندس
سعديه جلست بجنبه ومسكت يده وشبكتها بأصابعها
: بندورتي اقولك ولا تزعلش
بندر : قولي ماراح ازعل كان رايق جدا


سعديه : عايزه اروح اتعالج
بندر تغيرت ملامحه : رحتي لكم دكتور يا سعديه؟؟
وكلهم قالو ما عندس مشكله

سعديه برجاء: بس انا عايزه اروح
عند الست اللي بتعالج ام فالح
بندر بصرامه : لا حريم لا وطب شعبي لا
سعديه دمعت عيونها : طب ليه ؟؟
حس بيا ربنا يخليك عايزه اكون ام
بندر بغضب : وانا قلت لس لا تكونين ام !!!!

الخرافات هذي ما صدقها ضررها اكبر من نفعها
سعديه بدموع وصراخ : طيب سيبني اجرب هو احنا خسرانين ايه

بندر قام بيطلع من الغرفه بس قال : الموضوع هذا منتهي
ولا عاد تفتحينه مره ثانيه

وطلع وصفق الباب وراه وسعديه انهارت على السرير تبكي
: عاوزه اكون ام يانااس ده ابسط حقوقي



**********



نزلت عليا وتوجهت للمقلط
وبالها كله عند ابوها
اللي اكيد عرف بتهجم احمد عليها
ما توقعت ولو لثانيه ان ياسر موجود مع ابوها
نزلت بجلابية البيت البسيطه
متماوجة الالوان بتطريزه خفيفه عند الصدر والاكمام
ماسكه من الصدر والخصر
وواسعه من تحت بقصة نص كلوش
والشعر مفتوح ومبلول بعد الترويشه


ومنشفتها فوق راسها تحاول تخفي خدها عن ابوها

دخلت للمقلط وهي تقول : سم يابوي بغيتني
وتفاجأت بوجود ياسر اللي جالس
ويناظرها وما على وجهه تعابير
ارتدت راجعه بس ابوها نادها : تعالي يا عليا
وقفت برى وهي تتمنى تنشق الارض وتبلعها
جاها ابوها وسحبها من يدها ودخلها
وجلسها بجنبه مقابل ياسر

تمسكت بمنشفتها اكثر وكأنها حجاب
قال ابوها : الحين ابيكم تجلسون مع بعض وتتفاهمون
وناظر بعليا وبهمس حنون :
عطي نفسس فرصه وامس خليها خارج حساباتس

طلع وخلاهم مع بعض

نزلت راسها اكثر ما تبي تشوفه ومنحرجه منه

ياسر بهدوء : شلونس عليا
عليا بإحراج :الحمد لله
ياسر : انا اقصد بعد اللي صار قبل شوي

عليا دمعت عيونها تحس رجفة عظامها اللي تشاغلت
عنها بطلب ابوها رجعت لها

وقالت : من فضل ربي انك جيت
بالوقت المناسب الله يجزاك بالخير
ياسر : الحمدلله
ربي ارسلني بهاللحظه والا دخلتي في مشكله كبيره

سكتت عليا ما عندها شي تقوله
قال ياسر : اظن انتي عارفه وش ابي منس
هزت عليا راسها بلا
قال ياسر :ابي اعرف اسباب رفضس لي
قالت بوضوح : انا وانت ما ننفع لبعض
انا اكرهك من سنين وانت نفس الشي
ومن زمان وانا اوعد نفسي
اني لازم اقولها لك
كرهتني حياتي وحنا صغار
وعيفتني الدنيا وحنا كبار
ما ابيك واظن هالسبب يكفيك

""لامت نفسها بداخلها كيف قالت هالكلام
قالتها بنبره قويه
بس رجعت تعزز لنفسها دام هدفها امها ورعايتها
خلتها تكمل:ما اظن انك ترضى تاخذ وحده ماتبيك
ياسر تبسم ابتسامه صفرا وقال
: انتي على ايش شايفه نفسس
ان كنتي بتحاسبيني على زمان انتي اول من يتحاسب
وان كنتي بتحاسبيني على زواجنا وحنا صغار
ماهو انا اللي تحاسبيني حاسبي عمي اللي رضى

اما الحين مالس خيار بنت عمي
وطلاقس عيب بحقي عقب هالسنين
قبل ما يكون عيب بحقس سامعتني
و انا ما اشوف اسبابس كافيه دلع بنات ومع الايام بتنسينه

ماتت غيض منه ومن ثقته بنفسه
بس فاجأها يوم فتح باب المقلط نادى
: يا عمي جا ابو عليان ونظراته كلها استفسار
يبي يعرف وش صار ووش تقرر
بس ياسر قال :بعد اذنك ياعم وغمز بخفيه لعمه
:ابي اشوف خالتي ابي اسلم عليها
قال ابو عليان وكل علامات الترقب على وجهه
: حياك ياولدي روحي يا عليا شوفي امس صاحيه والا لا

وطلعت عليا بسرعه لغرفة امها وهي تغلي من الغيض
ما تعرف وش يدبر ووش قصده من اللي قاله
واللي بيسويه بس احساسها
يقول انه ماهو ناوي خيررر

دخلت غرفة امها
لقت قمرا عندها تسمع اذاعة القران
وكانت امها صاحيه بس من شافتها صدت بعيونها عن عليا
قالت بمراره وعذاب : يمه ياسر بيدخل عندس
تغطت قمرا بشرشفها ودخل ابو عليان وياسر
نزل ياسر لخالته وسلم عليها بود وإبتسامته الحلوه
وجلس على طرف السرير وجهه لخالته وظهره لعليا وعمه وامه
وقال : باركي لنا يا خالتي بعد يومين دخلتي انا وعليا



قراءه ممتعه لكم وردود حلوه لي



حابه اقول لمتابعين الانستغرام في قصه قصيره مصوره حسابي هناكa2zaz اتمنى تشرفوني هناك