مطر وهدوء شديد مع وداع أحباب وشوق للأهل ولحالي في البيت

عبرة تجرحني كل وقت وتحرقني لا كتمت وتكسرني لا طلعت

صبرا جميل والله المستعان

عندي هذر وش كثره


........................
كأني ناقصه حزن من الملل مريت المدونات وصدفه لقيت مدونة ام رنو اول مره اشوفها
فرحت ام رنو شخصيه احبها بساطتها تمسكها بالماضي تشبهني فيها بس الشجن بمدونتهاا جرعته زايدة
اخلص من هتونه تجيني ام رنا دموعي نزلت لا شعوري خصوصا مع النفسيه التعبانه مشتاقه لأمي بكمل ست شهور عنها
وابوي الله يطول بعمره سؤاله كل يوم متى تجين لا تطولين مدري يكتب الله لنا شوفه ولا لا
يبه خلاص ماعاد امري بيدي اربع حبال قيدتني مالي مفر تكتفت عقب ماكنت حره اطير متى مابغيت بس والله محتاجتكم اليوم كني ام خمس سنين وضايعه عن اهلها ابي بس شوفتكم ومقابلكم يارب لا تحرمني شوفتهم
اعوذ بالله من ابليس جاني سبعين هاجس ودقيت على الجميع وبخير مدري وش الي كاتم على قلبي
حتى اليوم طويل عيا لا يقضي
ولا جاني نوم صاحيه من خمس ونص الصباح وللحين ماغفت عيني ثانيه

................

وللحين مانمت والبيت هدوء ناموا من زمان خصوصا الجو مطر وبرد انعووا بفرشهم الله يحفظهم ويصلحهم
اضحك احيانا على نفسي معقول مرت السنين وصرت ام واربي واوجه مدري ؟؟؟؟
على كثر الاختراعات مافيه سكايب محسوس ابي المس يدينهم احضنهم مشتاقه لهم كثير
خصوصا ابوي صحته هالايام مترديه يالله ماقد شفت احد بهدوئك وصمتك على قد ماتعبت بصغرتك الا ان الحمد والشكر والرضا والقناعه بلسانك دايم ماقد شكيت ولا طالبت بحق اذا قلنا حقك قلت ربي اعلم مني ومنكم والله سبحانه مايظلم عبيده الخيره خفيه ماتدرون انتم فيه تسامح عجيب ماقد شفته عند احد يارب تخليه لي

ياحليلهااا زيي تكرف بس انا ماحولي حمام ولاني بياض الثلج سنو وايت

جولي زعلانه علشان مارحت عرضهم السنوي في المدرسه

احس اني بجو بعيد عن طبيعتي

والثانيه بعد عورت راسي وابوها ان عندهم ماده العلاقات لازم تطبيق ميداني ياسوبرماركت يا اوتيل

طبعاا اكس احمر ومافيه مناقشه وهي هناك ماده البوز واتهام لنا باننا ديكتاتوريين

عادي ماما ........حنا بكبرنا كاأمه اسلاميه اتهمنا بالارهاب وكاأمه عربيه اتهمنا بالتخلف وكشعب سعودي بالبداوة

فكمليها بالديكتاتوريه

فيه امور لا مجال للمناقشه خط احمر فيه حواجز والغام اارضيه

يكفي الوضع المنحل في المدرسه ومكره اخاك لا بطل متحملتها

مراهقات تدخين وقصات غريبه وايمو وبعد عن الطبيعة السوية بالتشبه من الجنسيين


مصيبه هالغربه ضياع للدين والعقيدة والفطرةوالهوية والاخلاق

استغرب الملتزمين الي عايشين او اقامتهم دائمه هنا صعبه الحياة .....اقلها تقريبا 80% من الحلويات والشوكلاتات فيها خنزير او

كحول ....... اطفالنا يشاهدون مناظر مخزيه حتى صارت عادي بالنسبه لهم فطرتهم السليمه بتختفي لا نسمع اذان ولا اقامه ولا تسكر الاسواق لاداء الصلاة

الحمدلله على نعمة الاسلام وبلاد الاسلام والمسلمين

ماحسيت بالمعاناة يوم كانوا العيال صغار بس هالسنه من اصعب السنوات الي مرت علي الله ينهي هالمعاناة على اخير

..
اختر أي شخصية مشهوره في رأسك سواء تاريخيه أو
أو رياضية وحتى كرتونية
وراح يسألك اسئلة وجاوب عليها تقريباً 16~20سؤال
وبعدها راح يطلع صورة الشخصية اللي اخترتها في بالك
😉😉
http://ar.akinator.mobi/personnages/jeu#!



شي غريب