السلام عليكم

فيه ضيفه تشرفت مدونتي بحضورهاا دون قصور بالباقين

الكاتبه ضمني بين الاهداب

كاتبه تعجبني كثير سواء بنظرتها للحياة

ثقافتها. طرحها.

و. و. و. و.


اهلااا وشرفتي مدونتي ضمضم

مدري ليه ادور الي يعورني

ويضايقني من جد

نفس القناة النتنه مستضيفه شخصيه. هي ناشطه لحقوق المرأأأه السعوديه. ياهالسعوديه الي العالم

كله ماينام الليل من همها وهي شبعانه رقاد وراحه ..... وعندي استعداد لأي مناااقشه


المهم هالسيده السعوديه ولا احد يزعل نهاية اسمها واضح انها من خارج الجزيره العربيه بكاملها. لا احد يتهمني بالعنصريه

لا يمكن لشخص ان ينسلخ من جذوره وتراثه وحضارته ومعتقداته حتى لو عاش في مكان ماااااا

هنا مربط الفرس شوفوا نقاشها واتهامتها

سؤال تطرحه بكل عصبيه ومطالبه بشده ان يعاد النظر في ...........

لماذا يخشى السعوديين الانضمام الى اتفاقية سيداو

وتمجيد بهالاتفاقيه وانها وانها وان المملكه من الدول القليلة الي لم تنضم جتى الأن وذكرت كم دوله من وسط افريقيا

تأكيد على اهمية تلك الاتفاقيه !!!!!!

صراحه انا سمعت بهالاتفاقيه بطريقه عارضه وماشدتني لكن يوم شفت الأخت متحمسه وانها تحفظ حق المرأه. وتعيد هيكلتها

ومصالحها حسيت اني دوله صناعيه ماني امرأه سعوديه. سعوديه سعوديه

المهم بحثت عن هالاتفاقيه عنوانهٕا. اتفاقية القضاء على جميع ٔاشكال التمييز ضد المرٔاةا

العنوان عادي لكن !!!!!!!!!!!

اول صدمه هي. ان امريكا رفضت توقيعهااا واعظم المصائب من حق المرأه العمل بال***** لتعيل نفسها

حسبي الله ونعم الوكيل حسبي الله ونعم الوكيل قلتهااا وانا انتفض من الغضب من الاشمئزاز

وبنود كثيرره يعني توقيع هالاتفاقيه معناه مع السلامه للشرف والفضيله اهلا للفساد والدمار

بنود مجمله بالمساواة وعدم التمييز ولكن الخافي اعظم

وطالعه وعلى الملأ تطالبين بهالاتفاقيه وتسألين ليه يخافون من توقيع هالاتفاقيه

ان بليتم فاستتروا

دعوه للسفور والفساد مزينه بالحريه والمساواة

للاسف بدت معاول هدم مجتمعنا بايد اشباه السعوديين. ولا احد يزعل من هالصفه

كثير يبغون التحرر ومن حولنا يمارسون اهوائهم بعيد عن مملكتنا الحبيبه

ذكرت فيلم سعودي قصير فاز بالمركز الاول تخيلوا تفوقنا على مصر الي عمر السينما فيها 100 سنه وعلى تركيا وعلى وعلى

والقصه سخيفه ومؤتمر صحفي للمخرجه وحضور ومناقشه وقصة الفيلم. ماتصلح ولا حكايه للاطفال قبل النوم ورقم مفجع

لانتاجه قسمت المبلغ لقيته يوفر مسكن ومعيشه لحوالي 100 اسره لمدة ثلاث سنوات انا ماني رجعيه ولا متشدده

لكن اعيش اسر بكرامه اهم من فيلم يتكلم عن بنت تبي سيكل !!!!!!!!!!

وشركه المانيه ساهمت بالتمويل مع شركه سعوديه واستعراضات ومخرجه انا كسعوديه ارفض انها تمثلني جمله وتفصيل

قلت لكم مشغلين العالم وشاغلينهم وحنا ماااندري

ياربي والله اني راضيه بوضعي ولك الحمد والشكر يارب

ما اشوف اي سيده من جنسيه ثانيه متفوقه علي ابد او حاصله على حقوق زياده

ما انكر ان فيه حالات اضطهاد وتجبر وتعنت لكن طلعو لي مجتمع مثالي خالي من التصرفات الهمجيه

متاااكده بعد هالهذره ان كثير بيتهموني بالعنصريه بالفوقيه بالنرجسيه

لكن متأكده من شي واااحد ان حاصله على حقوقي الشرعيه والمنطقيه كاااااامله

وبس

تفجيرات بوسطن بامريكا
وقبل لا ينقشع دخان التفجير اتهامات واتهامات تخص العرب
وشحن اعلامي وتهييج للمشااعر في دولة الحريه والعداله
ومافيه اي دليل او اثبات

النتيجه قبل ساعه
انصدمت بزياره من مديره ومشرفه مدرسة بنتي الثانوي او الكوليج زي مايسمونها
بعد التحايا استغربت من المديره انها تعتذر عن بعض التصرفات الي صارت لبنتي اليوم وانهم مايرضون بالعنصريه لحد الحين وانا ابي اعرف وش حصل بالضبط وتقول ان جولي طيبه وانها رفضت تجي لان مافيه شي يستدعي ترجع والمشرفه تحاول تبين ان جولي نوعا ما
مبتعده وماتحب تختلط كثير قلت لهم فهموني القصه لأني بصراحه بديت اتوتر خصوصاا
انهم قالوا ان معلم الارت كان بيجي بس عارفين ان اذا كان صاحب البيت مو موجود ماراح
تدخلينه. القصه ان في حصة الفن ونجلاء ترسم جو من وراها ورشوها بمويه طلاب من المستوى
ال13 يعني السنه التحضيريه للجامعه 3بنات ولد وقالوا لها يارهابيين يامفجريين ارجعوا لبلدكم
انامتأكده ان سبب اهتمامهم واعتذارهم الحصانه فبادروا قبل لا يتطور الوضع
خصوصاا انهم اتصلوا على ابوها بس ما رد
وقالوا انهم كلموا اهل الاولاد وانهم مستعدين يجون يعتذرون
قلت انا الحين ماشفت بنتي ولا اعرف وش الي حصل واتصلت على ابو خالد وقلت له الوضع
قال انا رايح الحين المدرسه واشوف
طلعوا الحين وانتظر وش الي حصل مع اني كلمت جولي وردت علي عادي مخنوقه شوي بس
الحمدلله مافيها شي

الحين من الارهابي ومن الحقود يزرعون في عيالهم من الصغر العنصريه يجي الطفل ببرائه
بيلعب مع صغارنا تمسكه الأم هذا غريب لا تقرب منه !!!!!!!

* والله متوتره جداااا لا الاب رد علي ولا جاني يارب انك تحفظ عيالي وعيالي المسلمين من كل مكروه وترد كيده اهل الشر بنحرهم ياارب*

الحمدلله

جوا والامور زينه اي نعم متضايقه من الي سووه بس تقول عادي ماما

معروفين هالشله بأنهم عدوانيين

طبعا كلام فاضي وتبريرات لهم واعتذار وتصرفات فرديه وتنيجر و و و

ونقطه على السطرررر.

انتهى الموقف لكن الوضع بيستمرررررر مع كل عربي لمتى الله اعلم

............................................................ .....



يازمان الأقنعة وين الوجيه

!!... كــل يــوم يطيـــح من حولي قنــاع ...!!