كاتب الموضوع :
♫ معزوفة حنين ♫
المنتدى :
ارشيف خاص بالقصص غير المكتمله
رد: العشق أنفى للعشق ، للكاتبة : مشاعل
ي مسا النور و السرور ...
مشمش اش هالابداع اش اقول اش اخلي ماشاء الله لاقوة الا بالله
بارت جميييل وممتتع ومليان احداث أسلوبك
مبدع صورتيلنا الاحداث وكأننا معاهم ..
نبدا باجتماعهم ماادري ليه احسه يوسع الصدر^^
بعدين اذا ع سلطانه ترا هي نفس قبيله شما اختها يعني المفروض ماهو شي جديد ولا مستنكر عندهم ويمكن هي اقرب لان قبيله امها
الله عليها سلطانه يا إنها لعبتها صح و وجعت قلب العجوز وهذا المفروض يصير قال اش غره ناويه تستلذ بذلها حتتجنن بعد الحركه حتقلب ع سلطانه وتشحن جسار وعاد هو بيكمل ع سلطانه قد مو طايقها وع جاهده بعد ..
العجوز بتعرف تاخذ حقها من سلطانه بدون تدخل ثلاب لانها عارفه وجهه نظر ولدها بالموضوع بس حترمي عليه كم كلمه
قلتها قبل ماحد حيقدر يكسرها الا جسار
يعني لا سلطانه و لا ثلاب هموها وبتقدر عليهم ...
جسار بيسبب لها صدمه لو تقبل جاهده او تدري انه تاركها بحالها..الصدق اني حبيته بس المشكله فأفكار عجوز قريح اللي في راسه ..طالما يبغى يكلم ابوه يمكن ثلاب يربط رضاه انه ما ياذي جاهده ويشيل من راسه هرجه الغره
ما اتوقع ثلاب يقول شي لسلطانه لانها هذا المفروض يصير اذا حيزعل يمكن عشان ماقالت له قبل ولا عطته خبر .. ومارح يفرط فيها اللي عيشته بنعيم اول مرا يحس فيه عشان امه وظلمها .. باين ان عياله بيتقبلوا سلطانه من حبه لها زي شما ..
اما هرجه السليق استغربت توقعت كل الشعب يعرفه معقوله في احد مايعرفه^^ وتأكد لمن قريت ردود المتابعات^^ ..
عياد خلاص ماله الا كادي مو مستعجل اجل يستناها لمن ترجع وكادي جداً مناسبه له شخصيتها والظروف اللي حصلت لها خلتها تنضج .. حييت مشاعره اتجاه جسار انه يبغى رضاه ومارح يأخذ الشيخه ع حسابه بس ليش الجفا بينهم اذا كان ثلاب هو اللي نفى جسار وخل الشيخه من بعده لعياد ..اش ذنبه عياد يزعل عليه جسار ...
جاهده ي عيني صح صغيره بس طبيعي بعمرها متزوجات حتى اختها اللي اصغر ..المفروض تعرف مو كذا صفحه بيضا حرص امها الزياده عليها هذا نتيجه المفروض قالت لها من اول مصيرها تعرف
من ناحيه الصحبات والله معها حق اسوء شي الواحد يعرف منهم اذكر جاتني صدمه مو طبيعيه ماني قادرة استوعب وقتها^^..
لازم تتأقلم وتقوي نفسها وطنش جسار
بكبره وبعدين اريح لها ماتجلس في وجهه ..
وقتها عاد حيصير هو اللي يدور عليها
فياض يقهر ..لسى مابانته دواخله ولا الأسباب
اذا كايد اللي رباه يعني العلاقة كانت جداً قويه
وصلهم خبر موته يعني مو متأكدين من هالشي .. الأكيد انه هو هذك الدكتو المريض .. فياض بيكون مجنون و ظالم اكثر من جسار لو عارف ان صاحبه متوفي ومخلي عذبي كذا.. بس شكله عارف انه لسى حي ولا شاك ..
عذبى اسم ع مسمى ..
قد اش تصرفاتها راقيه ومشاعرها شفافه اكثر وحده احسها انظلمت .. الوعود معقوله تعرف فيها الصورة اللي شافتها يمكن لكايد يكون ولد عمتها صفيا .. او يمكن عليا تكون بنت عمتها صفيا .. مستبعده جداً ان عليا تكون اختها لان مستحيل اخت تكلم زوج اختها وتسوي معها كذا حتى لو تحبه مستحيل ..
اتوقع كايد يقربها لها ولد عمتها او خالتها ولا كيف حبها كذا ..
أحس اننا دخنا بين فياض وكايد والمشكله كايد لسى ماطلع^^
فياض ابدا مايستاهلها حتى كايد ..لو فرضنا فياض ماشافها خلال 11 سنه ومخليها ع الرف مهمشه ولا فوقها كان يحب وحده ثاني وهي متزوجه اتواصلت معه ..
لو اقول كايد كيف بيقدر يأخذ زوجه صاحبه حتى لو كان ازوجها عشانه وكيف قدروا يحكموا مصيرها بينهم ..
مشمش
في شطحه نفسي اقولك هيا من اول
تعرفي فلم مالفيسنت تبع أنجلينا جولي ماادري ليه تذكرني بعجوز قريح وهذك الغراب اللي حولته إنسان مساعدها كأنه جسار واللعنة اللي حطتها ع الاميره الصغيرة البريئة هيا جاهدة ^^
ترا في وجه شبه شوفي هذك ابو الأميرة قطع لها جنحانها أغلى شي عندها وهذي ابو جاهده قتل أولادها فالانتقام صار في بناتهم شوفتي كيف^^
لا عاد تخيلي لو تصير زي نهايته عجوز الشر تحب جاهده ولاتقدر تفارقها^^
الله يوفقك وييسر كل أمورك ي روحي وللجميع ..يارب
هالفتره هذا اغلب الجامعات بدأت اختباراتها
النهايئه صاير ضغط مو طبيعي ..
معذورة والله خذي راحتك اهم ماعليك دراستك ..ي عيني
بحفظ الرحمن
[emoji257]
|
12-12-14, 08:56 PM
جديد مواضيع قسم ارشيف خاص بالقصص غير المكتمله
العرض العادي
